Íslandsmótið í skák hefst á föstudaginn

100. Íslandsmótið í skák fer fram í Stúkunni við Kópavogsvöll, einum allra glæsilegasta skákvettvangi landsins, 23. maí - 1. júní.

Landsliðsflokkurinn er ekkert venjulegur að þessu sinni enda sá sterkasti í sögunni þar sem sjö stórmeistarar eru skráðir til leiks.

Eftirtaldir taka þátt í landsliðsflokki:

1. GM Hannes Hlífar Stefánsson (2548)
2. GM Héðinn Steingrímsson (2537)
3. GM Hjörvar Steinn Grétarsson (2530)
4. GM Stefán Kristjánsson (2494)
5. GM Henrik Danielsen (2483)
6. GM Helgi Áss Grétarsson (2462)
7. IM Bragi Þorfinnssn (2459)
8. IM Guðmundur Kjartansson (2439)
9. GM Þröstur Þórhallsson (2437)
10. IM Björn Þorfinnsson (2389)

Meðalstigin er 2478. Hvorki hafa meðalstig verið hærri né hafa fleiri stjórmeistarar tekið þátt í Íslandsmótinu í skák.

Búið er að draga um töfluröð. Í fyrstu umferð mætast meðal annars Hjörvar og Héðinn.

Ármann Kr. Ólafsson, bæjarstjóri Kópavogs, mun setja mótið og leik fyrsta þess. 

Íslandsmót kvenna og áskorendaflokkur fara fram á sama tíma og þar er skráning í fullum gangi. Í áskorendaflokki er mikið í húfi þar sem tvö efstu sætin gefa sæti í landsliðsflokki að ári.

Í áskorendaflokki eru tefldar 9 umferðir eftir svissneska kerfinu. Teflt er daglega af því undanskyldu að ekki er teflt þriðjudaginn 27. maí. Taflmennskan hefst kl. 17 á virkum dögum en kl. 13 um helgar og á uppstigningardag. Lokaumferðin hefst kl. 11.

Tímamörk eru 90 mínútur á skákina auk 30 viðbótarsekúnda á hvern leik. 15 mínútur bætast við eftir 40 leiki í áskorendaflokki.

Minnt er á að í áskorendaflokki er hægt er að taka eina yfirsetu (bye) í umferðum 1-6. Einnig eru komnar sérstakar jafnteflisreglur en bannað er að semja jafntefli í minna en 30 leikjum nema að komi til þráteflis. Sú reglar gildir í báðum flokkum.

Ítarlegar upplýsingar um fyrirkomulag mótsins má finna á heimasíðu þess.

Skákmenn eru hvattir til að fjölmenna.

Heimasíða Íslandsmótsins í skák

Nýtt fréttabréf SÍ

Nýtt fréttabréf Skáksambands Íslands kom út í morgun en fréttabréfið kemur að jafnaði út tvisvar á mánuði yfir vetrarmánuðina.

Hægt er að skrá sig fyrir fréttabréfinu á Skák.is - mjög ofarlega til vinstri með því að velja "Subscribe" þar á bláum fleti.

Meðal efnis er:

• 100. Íslandsmótið í skák hefst á föstudag - sterkasta Íslandsmót sögunnar
• Gunnar Björnsson endurkjörinn forseti SÍ
• Vel heppnað skákstjóranámskeið
• Hjörvar Steinn öruggur sigurvegari Wow air Vormóts TR
• Sævar skákmeistari öðlinga
• Spáðu fyrir úrslitin á Íslandsmótinu í skák
• Nýjustu skráningar í áskorendaflokk
• Reykjavíkurskákmótið 2015 - niðurtalning
• Mót á döfinni

Fréttabréfið má nálgast hér.

Hægt er að nálgast eldri fréttabréf hér.

Hjörvar öruggur sigurvegari Wow air Vormóts TR - Magnús Pálmi sigurvegari b-flokksins

Hjörvar Steinn Grétarsson (2511) sigraði örugglega á Wow air Vormóti TR sem lauk í gær. Hann hlaut 6½ vinning í 7 skákum. Hannes Hlífar Stefánsson (2541) varð annar með 5 vinninga. Magnús Pálmi Örnólfsson (2156) sigraði í b-flokki. Verðlaunaafhending mótsins fer fram í kvöld.

A-flokkur:

Hjörvar Steinn Grétarsson (2511) varð öruggur sigurvegar mótsins. Hann gerði jafntefli við Þröst Þórhallsson (2435) í lokaumferðinni og hlaut 6½ vinning í 7 skákum. Frábær frammistaða. Hjörvar er er eftir mótið kominn upp fyrir Hannes Hlífar Stefánsson og Héðin Steingrímsson á alþjóðlegum skákstigum. 

Hannes Hlífar Stefánsson (2541) vann Dag Ragnarsson (2105) og varð annar með 5 vinninga. Þröstur og Guðmundur Kjartansson (2441) urðu í 3.-4. sæti með 4½ vinning. Þröstur fær bronsið eftir stigaútreikning.

Dagur hækkar mest allra á stigum fyrir frammistöðu sína eða um 22 stig. Næstir eru Sigurður Páll Steindórsson (16), Hjörvar (15), Guðmundur Halldórsson (14) og Oliver Aron Jóhannesson (10).

Lokastöðu mótsins má nálgast á Chess-Results.

B-flokkur:

Magnús Pálmi Örnólfsson (2156) sigraði í b-flokki en hann hlaut 5½ vinning. Hann gerði jafntefli við Vigni Vatnar Stefánsson (1844) í lokaumferðinni. Kjartan Maack (2121), Hrafn Loftsson (2184), Vignir Vatnar og Gauti Páll Jónsson (1618) urðu jafnir í 2.-5. sæti. Kjartan fékk silfrið og Hrafn bronsið eftir stigaútreikning.

Vignir Vatnar hækkar mest allra eða um 41 stig. Í næstum sætum eru Gauti Páll (38), Magnús Pálmi (19), Örn Leó Jóhannsson (17) og Kjartan (11).

Lokastöðu mótsins má nálgast á Chess-Results.

Verðlaunaafhending fer fram í kvöld, þriðjudag, og hefst kl. 20. Keppendur og aðrir eru hvattir til að mæta og upplifa stemninguna í Skákhöll TR að Faxafeni 12.

• Heimasíða TR
• Chess-Results (a-flokkur)
• Chess-Results (b-flokkur)

Aðalfundur Taflfélags Kópavogs fer fram 27. maí

Aðalfundur Taflfélags Kópavogs, Kt. 470576-3919, verður haldinn þriðjudaginn 27. maí kl. 20.00 í húsakynnum Skáksambands Íslands að Faxafeni 12. Á dagskrá fundarins eru öll hefðbundin aðalfundarstörf.

Stjórnin

Norsk yfirvöld útiloka frekari stuðning við ólympíuskákmótið

Skákvefurinn Chess24 er með í dag ítarlega fréttskýringu um stöðu ólympíuskákmótsins í Tromsö. Þar kemur m.a. fram að norsk yfirvöld útiloki frekari stuðning við mótið en mótshaldarar segja að það vanti um 300 milljónir inn í mótið til að endar nái saman.

Þar er m.a. haft eftir menntamálaráðherranum Thorild Widvey (Íhaldsflokknum)

It’s true they had extra costs due to the World Cup event, but it’s also the case that these costs were there when they applied for the Olympiad. This is nothing new.

They haven’t gained the sponsor revenue they anticipated. Whether that’s due to excessively high estimates or not doing a good enough job, I don’t know.

You can’t just come and ask for more money because you haven’t been able to get it. The premise was known when they applied.

Forseti norska skáksambandins Jöran Aulin-Jansson hafði þetta um málið að segja í viðtali við VG:

Aulin-Jansson: Ouch. Those were harsh words.

VG: But is Widvey right, or is she wrong?

Both. It’s correct that the costs were known to us when we sent the application, but she forgot to mention that both KrF (the Christian Democratic Party) and FrP (the Progress Party) encouraged the then Minister of Culture Anniken Huitfeldt to increase the funding when parliament considered the case. Since then we’ve been in contact with the Ministry of Culture on and off to inquire about this, but the answer has been that it isn’t possible. Then there was a change of government this autumn.

So after the election you were hopeful of getting funding anyway?

Yes. It’s also important to emphasise that we didn’t overspend. We’ve tried to save as much as possible. I think we’ve been hit pretty hard for a relatively small amount considering the amount spent on various Olympic events these days.

Jansson lýkur viðtalinu svo við VG aðspurður hvort það komi til greina að hætta við ólympíuskákmótið

I should be careful what I say, but we're in an incredibly difficult situation. I don't know where this ends. This is very serious. If the event actually takes place, it will be very limited.  

Á morgun á Jansson forseti norska skáksambandsins fund með fjármálaráðherra Noregs auk þess sem tveir af helstu forystumenn FIDE er þá væntanlegir til Noregs.

Það hefur vakið nokkra athygli að FIDE hefur ekki leyft mótshöldurum að leggja 100€ kostnað á hvern keppenda eins og gert var ólympíuskákmótinu 2012 í Istanbul. Þess má geta að Norðmenn eru meðal helstu stuðningsmanna Garry Kasparov á meðan Tyrkir styðja Kirsan Ilyumzhinov með ráð og dáð.

Stórmeistarinn Sergey Shipov, sem er stuðningsmaður Kasparov skrifar á spjallsíðu í kaldhæðnistón.

Or perhaps it's not in the FIDE leadership's interests to hold the Olympiad in Tromsø?

After all, for chess players and the majority of fans it's first and foremost a vast team tournament and a huge celebration of chess. But for our officials it's above all about the FIDE Congress and the Presidential Election. And a lot depends on the place the elections are held.

Might it be the case that some reserve airfield in Russia will soon emerge? It can host the election with a greater probability of victory.

Greinin á heild sinni á Chess24.

Spáðu fyrir úrslitin á Íslandsmótinu í skák -

Opnað hefur verið getraun fyrir Íslandsmótið í skák. Þar geta áhugasamir spáð fyrir um röð fimm efstu keppenda mótsins.

Veitt eru 5 stig fyrir rétt efsta sæti, 4 stig fyrir rétt annað sæti og svo koll af kolli. Séu menn jafnir í sætum að vinningum (t.d. 2.-3. sæti) er nægjanlegt að giska á annað hvort hjá viðkomandi.

Ýmiss verðlaun verða í boði. Meðal annars 15.000 kr. úttekt á Hereford-steikhúsi. Auk þess verða geisladiska- og bókaverðlaun.

Lokað verður fyrir getraunin við upphaf annarrar umferðar, þ.e. kl. 13 laugardaginn 24. maí.

Getraunin fer fram hér.

 

Fressinet sigraði á Sigeman-mótinu

Sigeman-mótinu lauk í Malmö í dag. Franski stórmeistarainn Laurent Fressinet (2711) einn helsti aðstoðarmaður Magnusar Carlsen sigraði á mótinu en hann hlaut 3,5 vinning af 5 möguleum. Í öðru sæti varð sænski Norðurlandameistarinn Axel Smith (2478) með 3 vinninga.

Lokastaðan

•  1. Laurent Fressinet 3,5/5
• 2. Axel Smith 3
• 3-4. Jan Timman og Nils Grandelius 2,5
• 5. Jon Ludvig Hammer 2
• 6. Erik Blomqvist 1,5

Heimasíða mótsins

 
Info Inte Bara Schack.blogspotse og sigeman-chess.com

Skákhátíðin í Nuuk: Oliver Aron sigraði á minningarmóti Jonathans Motzfeldt

Hástíðarstemmning ríkti í Nuuk, höfuðborg Grænlands, þegar Skákfélagið Hrókurinn stóð fyrir minningarmóti um Jonathan Motzfeldt (1938-2010) fyrsta forsætisráðherra Grænlands og mikinn Íslandsvin. Jonathan heitinn tók þátt í fyrsta alþjóðlega skákmótinu í sögu Grænlands, sem Hrókurinn stóð fyrir í Qaqortoq 2003, en síðan hafa liðsmenn félagsins farið hátt í 40 ferðir, vítt og breitt um Grænland, að útbreiða fagnaðarerindi skáklistarinnar og vináttu meðal grannþjóðanna í norðri.

Össur Skarphéðinsson alþingismaður flutti setningarávarp mótsins, og rifjaði upp kynni sín af Jonathan Motzfeldt. Grænlenski landsfaðirinn var sérlegur talsmaður aukinnar samvinnu við Ísland á öllum sviðum, og kjörorð hans voru ,,Saman erum við sterkari".  Þessi orð eru jafnframt einkunnarorð skákhátíðarinnar sem nú stendur yfr í Nuuk.

Nick Nielsen menntamálaráðherra Grænlands tók líka til máls og fagnaði starfi Hróksins á Grænlandi, sem hann sagði þýðingarmikið fyrir börn og ungmenni. Ráðherrann fékk að gjöf frá Hróknum og Gekon ehf. taflsett frá Grikklandi, og kvaðst ráðherrann hlakka til að æfa sig í hinni göfugu íþrótt. Það voru svo ráðherrann og Karen Motzfeldt, dóttir Jonathans, sem léku fyrstu leikina í setningarskák mótsins.

Sigurvegari á minningarmóti Jonathans Motzfeldt var hinn ungi og bráðefnilegi Oliver Aron Jóhannesson, 16 ára, sem er margfaldur Íslands- og Norðurlandameistari með Rimaskóla. Skáksveit skólans er meðal gesta í Nuuk og hafa ungu mennirnir unnið hug og hjörtu heimamanna  með háttprýði sinni og skáksnilld. Róbert Lagerman, varaforseti Hróksins, varð í 2. sæti á mótinu og gamla kempan Guðfinnur Kjartansson hreppti bronsið. Keppendur voru um 30, frá Íslandi, Grænlandi, Danmörku, Bandaríkjunum og Filippseyjum. Mótið var haldið í hinni stórglæsilegu verslunarmiðstöð, Nuuk Center.

Samhliða skákhátíðinni í Nuuk kynnir Flugfélag Íslands starf sitt, en FÍ hefur frá upphafi verið helsti bakhjarl Hróksins við skáklandnámið á Grænlandi.

Á sunnudag stóð Hrókurinn fyrir meistaramóti Nuuk í hraðskák, og í dag voru liðsmenn félagsins að heimsækja skóla og athvörf.

Verndari hátíðarinnar í Nuuk er Kristjana Guðmundsdóttir Motzfeldt, ekkja Jonathans, en hún hefur um árabil verið ein helsta hjálpahella Hróksins á Grænlandi og er heiðursforseti félagsins.

Myndaalbúm (HJ)

Opnun Fischerseturs í sumar

Fischersetur opnar næst komandi fimmtudag eða 15. maí.   Opið verður daglega frá kl. 14:00 - 16:00 til 15. september nk. og verður aðgangseyririnn 750 kr. fyrir fullorðna og frítt fyrir 12 ára og yngri.  Góður hópur sjálfboðaliða úr hópi eldri borgara og annarra sjá um að standa vaktina í Fischersetri í sumar.

Ýmislegt nýtt er komið í Setrið eins og t.d. fræðsluþáttur BBC um einvígið 1972 svo og ýmsir skákmunir og skákbækur tengdir einvíginu,  og eintak af Lewis taflmönnum, en þeir eru álitnir elsta fyrirmynd núverandi taflmanna og er komin tilgáta um að þeir séu upprunalega íslenskir.

Framkvæmdastjórn Fischerseturs

Skákmót XD - 2014

Félög sjálfstæðismanna austan Elliðaáa, ásamt félagi Kjalnesinga, heldur skákmót miðvikudaginn 21. maí nk.

Skákmótið verður að Stórhöfða 17 og hefst kl.17:00. Tefldar verða 5 umferðir með 6 mínútna umhugsunarfresti. Teflt er um glæsilega verðlaunagripi og fleiri góð verðlaun í boði. Einu skilyrðin til þátttöku er að viðkomandi kunni mannganginn og geti teflt án hjálpar.

Teflt verður í tveimur aldurshópum. Ekkert þátttökugjald. Pylsur og gos í boði.

Stjórnandi verður Helgi Árnason, formaður Skákdeildar Fjölnis.

X D   -   Sjálfstæðisfélögin austan Elliðaáa.