Skák.is

Bloggfærslur mánaðarins, maí 2014

25.5.2014 | 20:00

Skákþáttur Morgunblaðsins: Merkur brautryðjandi

Cebalo - Vasjúkov

( STÖÐUMYND )

Hvítur leikur og vinnur

Á skákmóti á dögunum kom þessi staðan upp milli reynsluboltanna Miso Cebalo frá Króatíu og Rússans Evgení Vasjúkov á Evrópumóti öldunga í Sibenik í Slóveníu. Þessir tveir eru búnir að vera að í meira en 100 ár samanlagt en alltaf er eitthvað nýtt að koma upp á skákborðinu. Ellefu leikri í flóknu afbrigði hollenskrar varnar féllu þannig:

1. d4 f5 2. Bg5 g6 3. e3 Rh6 4. h4 Rf7 5. Bf4 d6 6. Rf3 Rd7 7. Bc4 Bg7 8. Bxf7+! Kxf7 9. Rg5+ Kf6 10. Rc3 c6 11. Df3 e5

sem leiddi til þessarar stöðu lék Cebalo drottningunni beint í dauðann,

12. Dd5!!

Það blasir við að ef 13. ... cxd5 kemur 14. Rxd5 mát. Vasjúkov varð að verja d6, e6 og f7 og lék

12. ... De7

en eftir

13. Rxh7+! gafst hann upp því að 14. ... Hxh7 er svarað með 15. Bg5 mát.

Birgir Sigurðsson heiðursfélagi Skáksambands Íslands, sem féll frá þann 22. apríl sl. 87 ára gamall, hefði haft gaman að þessari leikléttu. Frá 1954 og fram á sjöunda áratuginn gaf hann út, prentaði og skrifaði að stórum hluta skáksögu Íslendinga þegar kynslóð Friðriks Ólafssonar, Inga R. Jóhannssonar, Guðmundar Pálmasonar, Ingvars Ásmundssonar, Gunnars Gunnarssonar, Jóns Pálssonar,Þóris Ólafssonar, Sveins Kristinssonar, Arinbjörns Guðmundssonar og Freysteins Þorbergssonar svo nokkrir séu nefndir voru að hasla sér völl á sjötta áratug síðustu aldar. Tímaritið Skák er besta heimildin sem við höfum í dag um þessa tíma og þar vann Birgir mikið brautryðjendastarfs. Þegar hann var búinn að gefa tímaritið út fyrir eigin reikning í tæplega 10 ár seldi hann það ungum fullhuga Jóhann i Þór Jónsyni. Birgir starfaði áfram hjá Jóhanni sem prentari en þegar Jóhann féll frá vorið 1999 hætti þessi merka starfssemi en þá höfðu þeir félagar staðið vaktina í meira en 40 ár og staðið fyrir mikilli útgáfu skákbóka og ýmsu öðru prentverki á vegum Skákprents. Birgir var glaðsinna, jákvæður og skemmtilegur félagi og framlag hans til vaxtar og viðgangs skáklistarinnar hér á landi var og er afar mikilvægt.

Hann var sjálfur ágætur skákmaður og síðustu æviárin lét hann til taka sinn taka á hinum fjöruga skákvettvangi eldri borgara og vitnaði stundum brosandi í frásögn af keppni I. flokks á Skákþingi Norðurlanda árið 1950 sem fram fór í Þjóðminjasafninu. Þar varð hann efstur ásamt Þóri Ólafssyni:

"Birgir er einnig hinn efnilegasti skákmaður, "

stóð skrifað í Skákritinu. Að sumu leyti má segja að hann hafi látið staðar numið við þessa umsögn og gerðist athugull áhorfandi og skrásetjari fjölmargra merkra skákviðburða sjötta áratugar síðustu aldar.

Sævar öðlingameistari - Hjörvar vinnur á Wow-air mótinu

Sævar Bjarnason og Ögmundur Kristinsson urðu jafnir og efstir á öðlingamótinu sem lauk í vikunni. Þeir hlutu báðir 6 vinninga af sjö mögulegum. Sævar telst sigurvegari mótsins vegna betri stigatölu en reikna þurfti tvisvar til að útkljá þau mál.

Á sama tíma hefur Hjörvar Steinn Grétarsson haldið uppteknum hætti á Wow-air móti Taflfélags Reykjavíkur. Hann hefur unnið allar skákir sínar sex að tölu, síðast vann hann Guðmund Kjartansson. Í 2. - 3. sæti koma Hannes Hlífar Stefánsson og Dagur Ragnarsson með 4 vinninga. Mótinu lýkur á mánudaginn.

Helgi Ólafsson helol@simnet.is

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.

Grein þessi birtist í Laguardagsmogganum, 17. maí 2014

Skákþættir Morgunblaðsins

Spil og leikir | Breytt 22.5.2014 kl. 10:15 | Slóð | Facebook | Athugasemdir (0)

25.5.2014 | 18:43

Hannes og Hjörvar efstir á Íslandsmótinu í skák

Stórmeistararnir Hannes Hlífar Stefánsson og Hjörvar Steinn Grétarsson eru efstir og jafnir með 2½ vinning að lokinni þriðju umferð Íslandsmótsins í skák sem fram fór í dag. Hannes gerði jafntefli við Braga Þorfinnsson en Hjörvar vann Einar Hjalta Jensson í mikilli maraþonskák (100 leikir). Bragi er í 3.-5. sæti með 2 vinninga ásamt Henrik Danielsen, sem vann Helga Áss Grétarsson í gríðarlega spennandi, og Guðmundi Kjartanssyni sem vann nafna sinn Gíslason. Þröstur Þórhallsson vann Héðin Steingrímsson.

Stöðu mótsins má finna á Chess-Results.

Fjórða umferð fer fram á morgun. Þá mætast Hannes og Hjörvar sem og Bragi og Henrik.

Áskorendaflokkur:

Sigurður Daði Sigfússon, Sævar Bjarnason og Magnús Teitsson eru efstir með fullt hús vinninga.

Íslandsmót kvenna

Íslandsmót kvenna er hluti af áskorendaflokknum. Lenka Ptácníková er efst með 2½ vinning. Hallgerður Helga Þorsteinsdóttir og Jóhanna Björg Jóhannsdóttir koma næstar með 2 vinninga.

Bætt verður við fréttina síðar í kvöld.

Heimasíða mótsins
Chess-Results
Bein útsending (hefðbundin)
Bein útsending (áskorendaflokkur)
Bein útsending (tölvuskýringar)
Bein útsending (Ingvar Þór - lifandi)
Myndaalbúm þriðju umferðar (GB)

Spil og leikir | Slóð | Facebook | Athugasemdir (0)

25.5.2014 | 14:11

Hjörvar Steinn talinn líklegastur til sigurs af íslenskum skákáhugamönnum

106 manns manns tóku þátt í getrauninni um lokaröð keppenda Íslandsmótsins í skák. Þátttakendur töldu Hjörvar Stein Grétarsson langlíklegastan til sigurs á mótinu en það gerðu 60 manns eða um 57% þátttakenda. Spá íslenskra skákmanna um fimm efstu sætin er annars sem hér segir:

Hjörvar Steinn Grétarsson 60 atkvæði í 1. sæti (102 samtals)
Hannes Hlífar Stefánsson 70 atkvæði í 1.-2. sæti (101 samtals)
Héðinn Steingrímsson 65 atkvæði í 1.-3. sæti (91 talsins)
Henrik Danielsen 48 atkvæði í 1.-4. sæti (82 talsins)
Bragi Þorfinnsson 57 atkvæði í 1.-5. sæti (57 talsins)

Birt verður röð efstu þátttakenda í getrauninni eftir hverja umferð.

Fyrsta verðlaun verður 15.000 kr. úttekt í Hereford-steikhúsi en að auki verða verðlaun frá Gullöldinni, Sögum útgáfum og 12 tónum.

Dregið verður á milli þátttakenda fái þeir jafn mörg stig.

Spil og leikir | Breytt s.d. kl. 14:26 | Slóð | Facebook | Athugasemdir (0)

25.5.2014 | 13:15

Þriðja umferð Íslandsmótsins í skák hafin

Þriðja umferð Íslandsmótsins í skák er rétt nýhafin en hún hófst kl. 13. Aðalviðureign hennar er skák Braga Þorfinnssonar, sem er í 2.-3. sæti með 1,5 vinning og forystumannsins, hins tólffalda Íslandsmeistara í skák, Hannesar Hlífars Stefánssonar, sem er sá eini sem hefur unnið báðar skákir.

Á skákstað er frábærar aðstæður fyrir skákmenn. Þar er skjár þar sem hægt er að fylgjast með skákum umferðarinnar.

Viðureignir dagsins

Bragi (1,5) - Hannes (2)
Hjörvar (1,5) - Einar Hjalti (0,5)
Helgi Áss (1) - Henrik (1)
Guðmundur G (0,5) - Guðmundur K (1)
Héðinn (1) - Þröstur (0)

Heimasíða mótsins
Chess-Results
Bein útsending (hefðbundin)
Bein útsending (áskorendaflokkur)
Bein útsending (tölvuskýringar)
Bein útsending (Ingvar Þór - lifandi)
Myndaalbúm þriðju umferðar (GB)

Spil og leikir | Breytt s.d. kl. 13:25 | Slóð | Facebook | Athugasemdir (0)

25.5.2014 | 10:52

Skákgetraunin - skilafrestur rennur út kl. 13

Nú fer senn að loka getraun fyrir Íslandsmótið í skák. Þar geta áhugasamir spáð fyrir um röð fimm efstu keppenda mótsins. Vegna breytinga á keppendalista mótsins hefur skilafrestur verið lengdur til upphafs þriðju umferðar á sunnudag kl. 13. Þeir sem hafa þegar skilað inn svörum geta skilað inn nýjum svörum. Skili sami aðili inn fleiri enn einni einni spá - verður nýjasta spáin sú gilda.

Veitt eru 5 stig fyrir rétt efsta sæti, 4 stig fyrir rétt annað sæti og svo koll af kolli. Séu menn jafnir í sætum að vinningum (t.d. 2.-3. sæti) er nægjanlegt að giska á annað hvort sæti hjá viðkomandi til að fá rétt svar.

Fjöldi verðlauna verða í boði. Meðal annars 15.000 kr. úttekt á Hereford-steikhúsi. Aðrir aðilar sem gefa verðlaun eru Gullöldin, 12 tónar og Sögur útgáfa.

Við upphaf þriðju umferðar verður birt samantekt spádómsgáfu skákmanna, þ.e. líklegasta lokaröð keppenda að mati íslenskra skákáhugamanna.

Uppfærð staða í getrauninni verður svo birt við lok hverrar umferðar.

Hafi menn nefnt Björn og Stefán í sínum spáum - og ekki skilað inn nýrri spá - verður notast við nöfn staðgengla þeirra í mótinu, þ.e. Guðmundar Gíslasonar (fyrir Björn) og Einars Hjalta (fyrir Stefán)

Getraunin fer fram hér.

Spil og leikir | Slóð | Facebook | Athugasemdir (0)

25.5.2014 | 10:49

Aðalfundur TR fer fram 2. júní

Aðalfundur Taflfélags Reykjavíkur verður haldinn mánudaginn 2. júní 2014 kl. 20 í húsnæði félagsins að Faxafeni 12.

Dagskrá fundarins er venjuleg aðalfundarstörf.

Stjórn T.R.

Spil og leikir | Slóð | Facebook | Athugasemdir (0)

24.5.2014 | 18:20

Hannes efstur á Íslandsmótinu í skák

Stórmeistarinn Hannes Hlífar Stefánsson er efstur með fullt hús að lokinni annarri umferð Íslandsmótsins í skák sem fram fór í dag. Hannes vann Helga Áss Grétarsson. Hjörvar Steinn Grétarsson vann Þröst Þórhallsson og er í 2.-3. sæti ásamt Braga Þorfinnsson sem gerði jafntefli við Einar Hjalta Jensson.

Guðmundur Gíslason hélt jafntefli með mikilli seiglu gegn Henrik Danielsen og Guðmundur Kjartansson og Héðinn Steingrímsson gerðu jafntefli í hörkuskák.

Þriðja umferð fer fram á morgun og hefst kl. 13. Þá mætast meðal annars Bragi og Hannes, og Hjörvar og Einar Hjalti.

Stöðuna má nálgast á Chess-Results.

Áskorendaflokkur:

Níu skákmenn hafa enn fullt hús áskorendaflokki. Flest úrslit dagsins voru hefðbundin þ.e. hinir stighærri unnu hina stigalægri. Þó má nefna að Ingvar Örn Birgisson (1884) gerði jafntefli við Lenku Ptácníková (2267), Hilmir Freyr Heimisson (1810) við Oliver Aron Jóhannesson (2157) og Erlingur Atli Pálmarsson (1343) við Gauta Pál Jónsson (1662).

Stöðu mótsins má finna á Chess-Results.

Íslandsmót kvenna

Íslandsmót kvenna er hluti af áskorendaflokki. Þar er Hallgerður Helga Þorsteinsdóttir (1982) með fullt hús en Lenka er önnur með 1,5 vinning.

Skákir annarrar umferðar, innslegnar af Kjartani Maack, fylgja með sem viðhengi.

Heimasíða mótsins
Chess-Results
Bein útsending (hefðbundin)
Bein útsending (áskorendaflokkur)
Bein útsending (tölvuskýringar)
Bein útsending (Ingvar Þór - lifandi)
Myndaalbúm annarrar umferðar (GB)

Veljið skák (21 alls):

Spil og leikir | Breytt s.d. kl. 18:25 | Slóð | Facebook | Athugasemdir (0)

24.5.2014 | 13:34

Önnur umferð Íslandsmótsins í skák hafin

Önnur umferð Íslandsmótsins í skák er rétt nýhafin en hún hófst kl. 13. Aðalviðureign hennar er ótvírætt heimsmeistaranna fyrrverandi, Hannesar Hlífars og Helga Áss. Meðal annarra viðureigna má nefna skák stórmeistaranna Þrastar og Hjörvars.

Heimasíða mótsins
Chess-Results
Bein útsending (hefðbundin)
Bein útsending (áskorendaflokkur)
Bein útsending (tölvuskýringar)
Bein útsending (Ingvar Þór - lifandi)
Myndaalbúm annarrar umferðar (GB)

Spil og leikir | Breytt s.d. kl. 18:21 | Slóð | Facebook | Athugasemdir (0)

24.5.2014 | 09:25

Skákir fyrstu umferðar

Tveir leikreyndustu skákmenn landsins: Sævar og Gylfi

Kjartan Maack hefur slegið inn skákir 2. umferðar. Þær fylgja með sem viðhengi.

Veljið skák (21 alls):

Spil og leikir | Slóð | Facebook | Athugasemdir (0)

24.5.2014 | 00:30

Hannes, Helgi Áss og Bragi unnu í fyrstu umferð

Stórmeistararnir Hannes Hlífar Stefánsson og Helgi Áss Grétarsson og alþjóðlegi meistarinn Bragi Þorfinnsson unnu sínar skákir í fyrstu umferð Íslandsmótsins í skák sem fram fór í kvöld. Hannes vann Guðmund Gíslason, Helgi Áss hafði betur gegn Einari Hjalti Jenssyni og Bragi Þorfinnsson hefndi ófaranna gegn Þresti Þórhallsyni frá í hitteðfyrra.