Sjöunda umferð N1 Reyjavíkur-skákmótsins hefst kl. 13 - Kasparov kemur - Jón L. með skákskýringar

Sjöunda umferð N1 Reykjavíkurskákmótsins hefst kl. 13 í dag. Í umferðinni mætast meðal annars Bassim Amin (2657) og Erwin L´ami (2646) sem er efstur ásamt Robin Van Kampen (2603) sem teflir við stigahæsta mann mótsins, þýska stórmeistarann Arkadij Naititsch (2706). Ungstirnið Richard Rapport (2681) mætir Rússanum Mikhail Kobalia (2646) og goðsögnin Walter Browne (2646) teflir við pólska stórmeistaranum Gregorz Gajeweki (2631).

Skákskýringar hefjast að fullum krafti í dag. Jón L. Árnason, verður þá með skákskýringar sem munu hefjast uppúr kl. 14 í Kaldalóni

Garry Kasparov kom til landsins í morgun. Hann mun kíkja á skákstað við upphaf umferðar en mun ekki árita eða neitt slíkt að sinni. Það mun hann hins vegar gera á milli 16 og 17 á morgun. Í dag mun Kasparov meðal annars heimsækja gröf Fischers sem og Fischer-setrið á Selfossi. 

Um kvöldið fer svo fram fótboltaleikur á milli Íslands og heimsins í Fífunni. 

Vert er að benda á Facebook-síðu N1 Reykjavíkurskákmótsins. Þar má finna fjölda mynda - flestar teknar af Hrafni Jökulssyni.

• Heimasíða N1 Reykjavíkurskákmótsins
• Facebook-síða N1 Reykjavíkurskákmótsins
• Beinar útsendingar
• Skákskýringar í beinni útsendingu
• Chess-Results

Pöbbkvissið: Helgi og Dirk sigurvegarar

Hinn glæsilegi hótelbar Sky Bar and Lounge var heldur betur troðfullur á föstudagskvöldið þegar hið árlega Reykjavik Open Chess Pub Quiz fór fram. Eins og venjulega voru bornar fram 30 spurningar um hvaðeina er varðar skák. Mikil og góð stemning myndaðist hjá þátttakendum sem voru á öllum aldri frá mörgum þjóðum. Aldrei hafa verið jafn margir þátttakendur.

Spurt var um byrjanir, heiti á mátstefum, gamla heimsmeistara, nýlegar skákir bestu skákmanna heims, fullt nafn Magnúsar Carlsen og fleira og fleira. Tveir og tveir mynduðu lið og svaraði sigurliðið 21 spurningu rétt. Voru þar á ferðinni þeir félagar Helgi Ólafsson og Dirk Jan ten Geuzendam sem er ritstjóri New In Chess. Nokkur pör komu nálægt þeim og var silfurliðið með 20 stig.

Fyrir þá sem komust ekki en vilja spreyta sig á spurningunum þá fylgja með spurningar og svör í Powerpoint sem viðhengi.

Höfundar og spyrlar voru Stefán Bergsson og Ingvar Þór Jóhannesson.

Fjölda mynda má finna á Facebook.

Skrár tengdar þessari bloggfærslu:

• Spurningar
• Spurningar og svör

Mikhail Kobalia - yfirþjálfari rússneska ungmennalandsliðsins með fyrirlestur í Hörpu kl. 11

Mikhail Kobalia er rússneskur stórmeistari með 2650 ELO-stig. Hann hefur um árabil verið einn af sterkari skákmönnum Rússa og m.a. teflt sjö sinnum í undanrásum um heimsmeistaratitilinn.

Kobalia er yfirþjálfari rússneska ungmennalandsliðsins og ferðast með liðinu á öll Evrópu- og heimsmeistaramót. Á þeim mótum eru Rússar yfirleitt með í kringum 200 keppendur og 30 þjálfara. Í fyrirlestri sínum mun Kobalia segja frá hvernig málum er háttað í Rússlandi er varðar kennslu og þjálfun.

Fyrirlesturinn fer fram sunnudaginn 9. mars klukkan 11:00 í Kaldalóni Hörpu. Engin skráning, bara mæta. Skákkennarar sérstaklega hvattir til að mæta.

Barnablitz: Hilmir Freyr öruggur sigurvegari

 

Úrslitin í Reykjavik Open Barna Blitz fóru fram í Hörpu í morgunn. Átta ungir skákkrakkar höfðu unnið sér sæti í  úrslitin eftir undanrásirnar sem hafa verið í gangi síðustu vikurnar. Keppendur í undanrásunum voru vel á annað hundraðið.

 

Úrslitin voru með útsláttarfyrirkomulagi og voru tefld tveggja skáka einvígi.

8manna úrslit:

• Nansý Davíðsdóttir - Óskar Víkingur Davíðsson 2-1
• Vignir Vatnar Stefánsson - Baldur Teodor Peterson 2-0
• Hilmir Freyr Heimisson - Mykhaylo Kravchuk 2-0
• Bjarki Arnaldarson - Guðmundur Agnar Bragason 1-2

Undanúrslit

• Vignir Vatnar Stefánsson - Nansý Davíðsdóttir 1.5-0.5
• Hilmir Freyr Heimisson - Guðmundur Agnar Bragason 2-0

3. sæti

• Nansý Davíðsdóttir - Guðmundur Agnar Bragason 1.5-0.5

Úrslit

• Hilmir Freyr Heimisson - Vignir Vatnar Stefánsson 2-0

Hilmir Freyr er því öruggur sigurvegari Barnablitz 2014. Hann vann allar sínar skákir í úrslitunum rétt eins og 2012 þegar hann varð einnig meistari.

Þrír efstir á N1 Reykjavíkurskákmótinu - Gamla brýnið Browne bítur frá sér

Hollensku stórmeistararnir Robin Van Kampen (2603) og Erwin L´ami og (2646), sem gerðu jafntefli í innbyrðis skák, og stórmeistarinn Bassim Amin (2653) frá Egyptalandi eru efstir og jafnir og með 5,5 vinning að lokinni sjöttu umferð N1 Reykjavíkurskákmótsins sem fram fór í Hörpu í dag. Hjörvar Steinn Grétarsson (2511), Helgi Ólafsson (2546), Hannes Hlífar Stefánsson (2541), Lenka Ptácníková (2249) og Þröstur Þórhallsson (2453) eru efstir Íslendinga í 12.-36. sæti með 4,5 vinning.

Gamla brýnið Walter Browne (2444), sem teflir í Cintamani-peysu, heldur áfram að bíta frá sér. Í dag lagði hann sænska stórmeistarann og ungstirnið Nils Grandelius (2600) að velli og er meðal átta keppenda sem hafa 5 vinninga og eru í 4.-11. sæti.

Það verður mikið að vera um helgina. Í kvöld núna kl. 20 hefst mótið Teflt án tafar (Even Steven) þar sem hinir stigalægri fá tímafjörgjöf á þá stigahærri. 

Morgundagurinn er svo einkar líflegur fyrir utan sjálft mótið. Klukkan 11 fer fram fyrirlestur Mikhail Kobalia, sem er yfirþjálfari rússneska ungmennalandsliðsins. Fyrirlesturinn fer fram í Kaldalóni í Hörpu.

Í sjöundu umferð, sem hefst kl. 13 á morgun, mætast meðal annars Amin og L´ami og Amin, Van Kampen teflir við stigahæsta mann mótsins, þýska stórmeistarann Arkadij Naititsch (2706). Ungstirnið Richard Rapport (2681) mætir áðurnefndum Kobalia og Browne teflir við pólska stórmeistaranum Gregorz Gajeweki (2631).

Gríðarleg aðsókn var í mótið í dag - langbesta aðsóknin hingað til.

Skákskýringar hefjast að fullum krafti á morgun. Jón L. Árnason, verður þá með skákskýringar sem munu hefjast uppúr kl. 14 í Kaldalóni

Garry Kasparov kemur til landsins í fyrramálið. Hann mun kíkja á skákstað við upphaf umferðar en mun ekki árita eða neitt slíkt á morgun. Það mun hann hins vegar gera á milli 16 og 17 á mánudaginn. Á morgun mun Kasparov meðal annars heimsækja gröf Fischers sem og Fischer-setrið á Selfossi. 

Um kvöldið fer svo fram fótboltaleikur á milli Íslands og heimsins í Fífunni. 

Vert er að benda á Facebook-síðu N1 Reykjavíkurskákmótsins. Þar má finna fjölda mynda - flestar teknar af Hrafni Jökulssyni.

• Heimasíða N1 Reykjavíkurskákmótsins
• Facebook-síða N1 Reykjavíkurskákmótsins
• Beinar útsendingar
• Skákskýringar í beinni útsendingu
• Chess-Results

Teflt án tafar í kvöld (Even Steven)

Langar þig að hafa 9 mínútur á klukkunni gegn einni mínútu andstæðingsins? Eða ertu stigahár og vilt reyna að vinna skákir með mínútu á klukkunni? Þá mætirðu á hraðskákmótið, "Teflt án tafar" eða "Even Steven" sem verður haldið í Hörpu laugardagskvöldið 8. mars klukkan 20:00, nánar tiltekið í kvöld.

Fyrirkomulagið er einfalt. Keppendur skipta milli sín tíu mínútum auk þess sem sekúnda bætist við hjá hvorum keppenda við hvern leik.

Hver 100 ELO-stig sem munar á keppendum draga þá í sundur um eina mínútu í hvora átt. 200 stig tvær mínútur í hvora átt. Alveg niður í eina mínútu gegn níu mínútum þegar munurinn er 400 stig eða meir. Tefldar verða níu umferðir.

Skráning á skákstað, rétt fyrir kl. 20.

Þátttökugjald 1.500 kr. (10 evrur) greiðist í reiðufé. Þátttökugjöld renna í verðlaunasjóð.  Aldurstakmark 18ár.

WOW air - Vormót Taflfélags Reykjavíkur

Glænýtt og stórglæsilegt skákmót bætist nú við í mjög svo metnaðarfulla mótadagskrá Taflfélags Reykjavíkur því þann 31. mars næstkomandi hefst Wow air Vormót Taflfélags Reykjavíkur í skákhöll félagsins að Faxafeni 12.

Tefldar verða sjö umferðir eftir svissneska kerfinu og er umhugsunartíminn 90 mínútur á alla skákina + 30 sekúndna viðbótartími á hvern leik.  Teflt verður einu sinni í viku á mánudagskvöldum og hefjast umferðirnar kl. 19.30  Tvær yfirsetur (bye) verða leyfðar í umferðum 1-5.

Mótið er fyrst og fremst hugsað fyrir sterkari skákmenn og er frábær upphitun fyrir Skákþing Íslands sem hefst fljótlega að móti loknu. Keppt verður í tveimur lokuðum flokkum. 

Í A - meistaraflokk hafa allir skákmenn með GM/IM/FM/WGM titil þátttökurétt, auk allra skákmanna með yfir 2200 Elo skákstig.

Í B - áskorendaflokk hafa allir skákmenn með yfir 2000 Elo skákstig þátttökurétt.

Tveimur skákmönnum á stigabilinu 2000 - 2199 verður boðið sæti í A flokki.  Þau sæti eru fyrst og fremst hugsuð fyrir unga og upprennandi skákmenn á öllum aldri í mikilli framför. 

Allt að fjórum skákmönnum sem ekki hafa tilskilin stig fyrir B flokkinn verður boðin þátttaka þar.  Þau sæti eru fyrst og fremst ætluð efnilegustu skákkrökkunum og unglingunum okkar, en allir geta sótt um.

Hægt er að sækja um þessi 6 sæti með því að senda póst á[e-mail] eða hafa samband við formann félagsins Björn Jónsson í síma 8999268 eigi síðar en 21. mars.

Glæsileg verðlaun eru í mótinu í boði Taflfélags Reykjavíkur og vina okkar hjá Wow air.

A - Meistaraflokkur:

• 1. Flugmiði með Wow air á einn af áfangastöðum félagsins (skattar og gjöld innifalið) plús 40.000 krónur
• 2. 40.000 krónur
• 3. 20.000 krónur

B - Áskorendaflokkur:

• 1. Flugmiði með Wow air á einn af áfangastöðum félagsins (skattar og gjöld innifalið) plús 20.000 krónur
• 2. 20.000 krónur
• 3. 10.000 krónur

Auk þess verða veittir bikarar fyrir efsta sætið í hvorum flokki auk farandbikars fyrir sigurvegara A flokks.  Verðlaunapeningar fyrir annað og þriðja sætið í báðum flokkum.

Að lokum eiga allir keppendur möguleika á að vinna glæsilegar DGT Easy Polgar skákklukkur frá skákversluninni Bobbý en tvær slíkar verða dregnar út í happdrætti við verðlaunaafhendingu.

Tvö efstu sætin í B - flokki veita þátttökurétt í A flokki að ári. 

Umferðatafla:

• 1. umferð mánudag 31. mars kl. 19.30
• 2. umferð mánudag 07. apríl  kl. 19.30
• 3. umferð mánudag 14. apríl  kl. 19.30
• Páskahlé
• 4. umferð mánudag 28. apríl  kl. 19.30
• 5. umferð mánudag 05. maí   kl. 19.30
• 6. umferð mánudag 12. maí   kl. 19.30
• 7. umferð mánudag 19. maí   kl. 19.30

Verðlaunaafhending mun fara fram föstudagskvöldið 23. maí, en þá mun fara fram skemmtikvöld hjá TR. 

Tekið skal fram að 25% af verðlaunafé úr Wow air mótinu verður haldið eftir ef verðlaunahafar mæta ekki á verðlaunaafhendinguna til að taka við verðlaunum sínum án gildra ástæðna.

Ef fresta þarf skákum verða þær viðureignir tefldar á miðvikudagskvöldum kl. 19.30 (samhliða skákmóti öðlinga).

Þátttökugjald er kr. 5.000 fyrir félagsmenn Taflfélags Reykjavíkur en kr. 10.000 fyrir aðra. 

Þeir skákmenn sem skrá sig fyrir 24. mars fá 50% afslátt af þátttökugjaldinu.  Frítt er fyrir titilhafa á mótið skrái þeir sig fyrir 24. mars, annars kr. 5000. 

Skráning fer fram á www.taflfelag.is og www.skak.is (kemur síðar) og lýkur á miðnætti 30. mars.

Hér er hægt að fylgjast með skráningu.

Taflfélag Reykjavíkur hvetur alla skákmenn til að taka þátt og festa mótið strax í sessi sem eitt af aðalmótum skákársins!

Mikhail Kobalia - yfirþjálfari Rússa - með fyrirlestur um skákþjálfun í Hörpu á morgun

Mikhail Kobalia er rússneskur stórmeistari með 2650 ELO-stig. Hann hefur um árabil verið einn af sterkari skákmönnum Rússa og m.a. teflt sjö sinnum í undanrásum um heimsmeistaratitilinn.

Kobalia er yfirþjálfari rússneska ungmennalandsliðsins og ferðast með liðinu á öll Evrópu- og heimsmeistaramót. Á þeim mótum eru Rússar yfirleitt með í kringum 200 keppendur og 30 þjálfara. Í fyrirlestri sínum mun Kobalia segja frá hvernig málum er háttað í Rússlandi er varðar kennslu og þjálfun.

Fyrirlesturinn fer fram sunnudaginn 9. mars klukkan 11:00 í Hörpu. Engin skráning, bara mæta. Skákkennarar sérstaklega hvattir til að mæta.

Hollendingar efstir á N1 Reykjavíkurskákmótinu - Vignir Vatnar í banastuði

Hollensku stórmeistararnir Erwin L´ami (2646) og Robin Van Kampen (2603) eru efstir og jafnir með fullt hús að loknum fimm umferðum á N1 Reykjavíkurskákmótinu. Van Kampen vann Ungverjann Richard Rapport (2681) í afar spennandi skák.  Fimm íslenskir skákmenn eru meðal þeirra sem hafa 4 vinninga. Það er hins vegar ungstirnið Vignir Vatnar Stefánsson sem hefur sannarlega stolið senunni á mótinu.

Hjörvar Steinn Grétarsson (2511), Stefán Kristjánsson (2503), Þröstur Þórhallsson (2435), Hannes Hlífar Stefánsson (2541) og Henrik Danielsen (2501) eru efstir Íslendinga með 4 vinninga. Þeir eru í 6.-29. sæti.

Það er hins vegar hinn 10 ára Vignir Vatnar Stefánsson (1844) sem hefur sannarlega stolið senunni. Hann hefur hlotið 3,5 vinning og það þrátt fyrir að teflt við stigahærri menn í öllum umferðum. Í gær vann hann norska FIDE-meistarann Petater Stigar (2237). Í dag mætir hann suður-afríska FIDE-meistaranum Daniel Cawdery (2362).

Umferð dagsins hefst kl. 13. Þá mætast meðal annars Hollendingarnar sem leiða, Henrik teflir við stigahæsta keppanda mótsins, Þjóðverjann Arkadij Naiditisch (2706), Hannes teflir við indversku skákdrottninguna Tania Sadcev (2423) og Hjörvar og Þröstur tefla saman.

Á morgun mun svo Garry Kasparov kíkja við á skákstað við upphaf umferðar. Hann mun hins vegar árita bækur og þess háttar á mánudaginn.

Vert er einnig að benda á það að Tímaritið Skák, sem er stútfullt af efni, má nálgast á skákstað.

Í gær fór fram Reykjavik Open Pub Quis. Sigurvegar þar voru Helgi Ólafsson og Dirk Jan Geuzendam, ritstjóri New In Chess. frétt um það væntanleg síðar.

Í kvöld fer svo fram Teflt án tafar (Even Steven) sem hefst kl. 20 í Hörpu. Þar er teflt með forgjafarkerfi. Nánar verður sagt frá því á Skák.is í dag. 

Vert er að benda á Facebook-síðu N1 Reykjavíkurskákmótsins. Þar má finna fjölda mynda.

• Heimasíða N1 Reykjavíkurskákmótsins
• Facebook-síða N1 Reykjavíkurskákmótsins
• Beinar útsendingar
• Skákskýringar í beinni útsendingu
• Chess-Results

Reykjavík Barna Blitz hefst kl. 10:30

Lokaundanrásir Reykjavík Barna Blitz fóru fram í gær. Óskar Víkingur Davíðsson sigraði með fullu húsi - Baldur Teodor Petersson varð annar. Þeir eru komnir í úrslit sem fram fara í dag og hefjast kl. 10:30.

Áður höfðu komist í úrslit: Vignir Vatnar Stefánsson, Guðmundur Agnar Bragason, Hilmir Freyr Heimisson, Bjarki Arnaldarson, Nansý Davíðsdóttir og Mykhail Kravchuk.

Skákáhugamenn eru hvattir til að fjölmenna og Hörpu og horfa á framtíðina að tafli.