Valdimar vann Eðalskákmót Ása

Síðastalinn þriðjudag héldu Ásar sitt Eðalskákmót. Þá fá þeir einir verðlaun sem orðnir eru 75 ára eða verða það á árinu.Það var Magnús V Pétursson sá örláti höfðingi sem átti hugmyndina að þessum mótum og gefur verðlaunin. Það mættu tuttugu og fimm skákmenn til leiks í og tefldu tíu umferðir eins og venja er. Valdimar Ásmundsson varð efstur af öldungunum hann fékk 7½ vinningog fékk gullið.

Haraldur Axel og Magnús V Pétursson urðu jafnir með 6 vinninga en Haraldur var hærri á stigum og hlaut silfrið og Magnús bronsið.

Það voru alls níu skák menn sem áttu rétt til verðlauna í dag hinir sextán hafa ekki náð tilskyldum aldri.

Ingimar Halldórsson og Guðfinnur R Kjartansson  fengu samt flesta vinningana þótt  þeir fengju engin verðlaun þeir fengu báðir 8 ½ vinnig.

Finnur Kr fékk frí frá skákstjórn í dag af því að hann er kominn í eðalflokkinn. Garðar formaður og Jónas Ástráðsson sáu um það með sóma.

Sjá nánar í meðfylgjandi töflu.

 

 

Heimsókn Kasparov til grafar Fischers

Li Chao sigurvegari N1 Reykjavíkurskákmótsins - Helgi Ólafsson endaði í 2.-5. sæti

Kínverski stórmeistarinn Li Chao (2700) sigraði á N1 Reykjavíkurskákmótinu sem lauk í gær í Hörpu. Li Chao hlaut 8,5 vinning í 10 skákum. Helgi Ólafsson (2546) endaði í 2.-5. sæti, með 8 vinninga. Glæsileg frammistaða hjá Helga á sínu fyrir Reykjavíkurskákmóti í 10 ár. Hjörvar Steinn Grétarsson  (2511) og Hannes Hlífar Stefánsson hlutu 7,5 vinning og urðu í 6.-10. sæti. Íslendingunum gekk almennt afar vel á mótinu.

Hápunktur mótsins var án efa koma Garry Kasparovs til landsins.

 

 

Lokaumferðin hófst kl. 12 í gær. Sigmundur Davíð Gunnlaugsson, forsætisráðherra, gaf sér tíma til að heiðra mótið með nærveru sinni á 39 ára afmælisdegi sínum og lék fyrsta leik umferðarinnar fyrir Eric Hansen gegn Helga okkar Ólafssyni. Skákinni lauk með jafntefli og reyndar flestum skákum á efstu borðunum.

 

 

Í gær fór fram verðlaunaafhending mótsins í Ráðhúsi Reykjavíkur. Elsa Hrafnhildur Yeoman, formaður borgarstjórnar, bauð gesti velkomna. Björn Þorfinnsson stjórnaði svo verðlaunaafhendingunni af miklum myndarskap.

 

 

Trausti Björnsson, Friðrik Ólafsson og Jón Kristinsson voru sérstaklega heiðraðir en þeir tóku þátt í fyrsta Reykjavíkurskákmótinu fyrir hálfri öld síðan. Magnús Sólmundarson, átti ekki heimangengt né Arinbjörn Guðmundsson, sem búsettur er erlendis.

 

 

Röð efstu manna varð sem hér segir:

 

 

• 1. Li Chao (2700) 8,5 v.
• 2.-5. Helgi Ólafsson, Robin Van Kampen (2603), Eric Hansen (2587) og Eduardas Rozentalis (2623) 8 v.
• 6.-10. Hjörvar Steinn Grétarsson (2511) Hannes Hlífar Stefánsson (2541), Erwin L´Ami (2646), Harika Dronovalli (2487) og Raja Panjwani (2460) 7,5 v.

Aðrir verðlaunahafar urðu sem hér segir;

2201-2400

1. WGM Tatew Abrahamyan 7 v.
2. FM Brede Kvisvik (2257) 6,5 v.
3. FM Daniel Cawdery (2362) 6,5 v.

2001-2200:

1. Daneil Kazmaier (2187) 6,5 v.
2. Philipp Bongartz (2143) 6,5 v.
3. Oliver Aron Jóhannesson (2115) 6 v.

0-2000:

1. Benjamin Haldoersen (1994) 5,5 v.
2. Peter Michalowski (1985) 5,5 v.
3. Jean-Chrisophe Thiry (1996)  5,5 v.

Besti árangur í samanburði við eigin skákstig

 

 

1. Marius H. Roets 490 (1927-1437)
2. Vignir Vatnar Stefánsson 354 (2198-1844)
3. Símon Þórhallsson 329 (1965-1636)

Unglingaverðlaun (1997 og síðar):

1. Chitambaram Vr. Aravindh (2395) 6,5 v.
2. Tibor Kenda Antal (2325) 6,5 v.
3. Benjamin Gledura (2385) 6,5 v.

Kvennaverðlaun:

 

 

1. Harika Dronavalli 7,5 v.
2. Tatev Abrahamyan 7 v.
3. Irina Krush 7 v.

Alþjóðlegir áfangar

 

 

Sex skákmenn náðu alþjóðlegum áföngum. Egyptinn Mohammed Ezat var sá eini sem náði stórmeistaraáfanga. Fimm skákmenn náðu áföngum að alþjóðlegum meistaratitli. Það voru  Indverjinn ungi, Chitambaram Vr. Aravindh, Tatev Abrahamyan, Daniel Cawdery, Brede Kvisvik og Lenka okkar Ptácníková.

Nánar verður fjallað um mótið á næstu dögum.

• Heimasíða N1 Reykjavíkurskákmótsins
• Facebook-síða N1 Reykjavíkurskákmótsins
• Beinar útsendingar
• Skákskýringar í beinni útsendingu
• Chess-Results

Forsætisráðherra lék fyrsta leik lokaumferðinnar

 

 

Tíunda og síðasta umferð N1 Reykjavíkurskákmótsins hófst kl. 12. Sigmundur Davíð Gunnlaugsson, forsætisráðherra, heiðraði mótið með nærveru sinni og lék fyrsta leik umferðarinnar fyrir Eric Hansen gegn Helga okkar Ólafssyni. Friðrik Ólafsson er með skákskýringar í Kaldalóni. Áhorfendur eru velkomnir á staðinn.

Vert er að benda á Facebook-síðu N1 Reykjavíkurskákmótsins. Þar má finna fjölda mynda - flestar teknar af Hrafni Jökulssyni og Fionu Steil-Antoni.

• Heimasíða N1 Reykjavíkurskákmótsins
• Facebook-síða N1 Reykjavíkurskákmótsins
• Beinar útsendingar
• Skákskýringar í beinni útsendingu
• Chess-Results

Lokaumferð N1 Reykjavíkurskákmótsins kl. 12: Hvað gerir Helgi Ólafsson? Vinnur hann sjöundu skákina í röð?

 

 

Tíunda og síðasta umferð N1 Reykjavíkurskákmótsins hefst kl. 12. Íslendingum hefur gengið afskaplega vel í síðustu umferðum. Helgi Ólafsson (2546), sigurvegari N1 Reykjavíkurskákmótanna 1984 og 1990 hefur nú unnið sex skákir í röð og er í 2.-4. sæti fyrir lokaumferðina með 7,5 vinning. Hjörvar Steinn Grétarsson  (2511) er í 5.-9. sæti með 7 vinning.

Hannes Hlífar Stefánsson (2541) og Henrik Danielsen (2501) eru svo skammt undan með 6,5 vinning og geta náð góðu sæti með sigri. Skákskýringar Friðrik Ólafsson hefjast svo upp úr kl. 13.

Kínverjinn Chao Li (2700) er efstur með 8 vinninga. Jafnir Helga með 7,5 vinning eru Eric Hansen (2587), Kanada, Robin Van Kampen (2603), Hollandi.

Chao Li teflir við Van Kampen en Helgi teflir við Eric Hansen, Hjörvar steinn fær hinn sterka hollenska stórmeistara Erwin L´ami (2646).

Vert er að benda á Facebook-síðu N1 Reykjavíkurskákmótsins. Þar má finna fjölda mynda - flestar teknar af Hrafni Jökulssyni.

• Heimasíða N1 Reykjavíkurskákmótsins
• Facebook-síða N1 Reykjavíkurskákmótsins
• Beinar útsendingar
• Skákskýringar í beinni útsendingu
• Chess-Results

Helgi í 2.-4. sæti eftir sjötta sigurinn í röð á N1 Reykjavíkurskákmótinu - Friðrik með skákskýringar á morgun - heimsókn Kasparov lauk í dag

 

Stórmeistarinn Helgi Ólafsson (2546) er í banastuði á N1 Reykjavíkurskákmótinu. Í níundu og næstsíðustu umferð sem fram fór í dag vann hann rússneska stórmeistarann og yfirþjálfara rússneska ungmennalandsins Mikhail Kobalia (2646). Sjötti sigur Helga í röð sem er í 2.-4. sæti fyrir lokaumferðina sem fram fer á morgun og hefst fyrr en venjulega að kl. 12. Friðrik Ólafsson verður með skákskýringar sem hefjast upp úr kl. 13.

 

Kínverjinn Chao Li (2700) er efstur með 8 vinninga. Jafnir Helga með 7,5 vinning eru vinirnir og  herbergisfélagarnir Eric Hansen (2587), Kanada, Robin Van Kampen (2603), Hollandi.

Hjörvar Steinn Grétarsson (2511) kemur næstur Íslendinga. Hann hefur 7 vinninga og er í 5.-9. sæti eftir sigur á hinum sterka enska stórmeistara Gawain Jones (2651). Hannes Hlífar Stefánsson (2541) og Henrik Danielsen (2501) koma næstir með 6,5 vinning.

Umferðin var góð fyrir Íslendinga og má þar nefna að Guðmundur Kjartansson (2441) gerði jafntefli við hinn sterka Ungverja Ferenc Berkes (2687) og Lenka Ptácníková (2239) gerði jafntefli við goðsögnina Walter Browne (2444). 

Heimsókn Garry Kasparov lauk í dag. Í dag heimsótti hélt hann stuttan fyrirlrestur fyrir bestu skákmungmenn landsins og lét síðan taka af sér myndir með krökkunum. Þær má finna hér.

Vert er að benda á Facebook-síðu N1 Reykjavíkurskákmótsins. Þar má finna fjölda mynda - flestar teknar af Hrafni Jökulssyni.

• Heimasíða N1 Reykjavíkurskákmótsins
• Facebook-síða N1 Reykjavíkurskákmótsins
• Beinar útsendingar
• Skákskýringar í beinni útsendingu
• Chess-Results

Kasparov hittir krakkana kl. 13:00

Á morgun, þriðjudag, lýkur opinberri heimsókn Garry Kasparovs til landsins.

Eitt af hans síðustu verkum verður spjall við keppendur Reykjavíkurskákmótsins 20ára og yngri.

Kasparov hittir krakkana í Hörpu klukkan 13:00. Nánar tiltekið í Kaldalóni. Að því loknu verður boðið upp á léttan hádegisverð.

Allir skákkrakkar á Reykjavíkurmótinu hvattir til að nýta sér þetta tækifæri! 

N1 Reykjavíkurskákmótið: Helgi á sigurbraut

Þá fer áttundu umferð N1 Reykjavíkurskákmótsins senn að ljúka og spennan magnast. Helgi Ólafsson heldur áfram á sigurbraut en hann hefur unnið fjórar skákir í röð. Í umferðinni lagði hann Bandaríkjamanninn Walter S. Brown sem vann Reykjavíkurskákmótið 1978. Helgi er í öðru sæti mótsins ásamt nokkrum öðrum skákmönnum sem hafa sex og hálfan vinning. Efstur er kínverski skákmaðurinn Chao Li með sjö vinninga. Í upphafi umferðarinnar ávarpaði Garry Kasparov keppendur en hann hafði fyrr um daginn áritað bækur sínar og voru fjölmargir aðdáendur hans sem nýttu sér það tækifæri. Næsta síðasta umferðin fer fram á þriðjudag og hefst 16:30. 

 

Það fór vel á með Friðriki Ólafssyni og Kasparov í Hörpunni í dag. Friðrik var fjórði forseti Fide og Kasparov stefnir að því að verða sjöundi forsetinn en FIDE var stofnað 1924 í París.

Kasparov: Áritanir og myndatökur í dag

 Heimsókn Garry Kasparovs á Íslandi stendur nú sem hæst. Í gær fór hann að leiði Fischers og heimsótti Fischer-safnið á Selfossi og snæddi svo kvöldverð með forsetum norrænu skáksambandanna. Þegar þessar línur eru ritaðar situr hann fund mennta- og menningarmálaráðherra og ræðir skák í skólum. 

Síðar í dag eða milli 16-17 í Hörpu mun Kasparov gefa aðdáendum sínum færi á myndatökum og áritunum á bókum sínum. Í kvöld situr hann boð forsætisráðherra ásamt fleiri gestum. Bækur hans verða til sölu á staðnum hjá Sigurbirni bóksala.

Á morgun er svo ungum íslenskum skákmönnum 20ára og yngri sem taka þátt í Reykjavíkurskákmótinu boðið að hlusta á kappann klukkan 13 í Kaldalóni þar sem skákskýringar fara fram í síðustu umferðunum.

Á myndinni sést Kasparov í stólnum sem var staðsettur í Fornbókabúð Braga Kristjónssonar og Fischer sat svo oft í. 

N1 Reykjavíkurskákmótið: Helgi og Lenka efst Íslendinga

 

Spennan magnast á N1 Reykjavíkurskákmótinu. Þegar þrjár umferðir eru eftir af tíu leiðir egypski læknirinn Dr. Bassem Amin með sex og hálfan vinning og hefur þar með hálfan vinning í forskot á Arkadij Naiditsch frá Þýskalandi  og Caho Li frá Kína sem hafa sex vinninga.

            Helgi Ólafsson teflir nú á sínu fyrsta Reykjavíkurskákmóti í áratug. Hann er efstur Íslendinga ásamt Lenku Ptacnikova en þau hafa fimm og hálfan vinning. Á morgun mætir Helgi hinum bandaríska Walter Browne og mætast þar með fyrrum sigurvegarar Reykjavíkurmótsins en Browne vann mótið 1978 og Helgi 1984 og 1990. Af óvæntum úrslitum má nefna sigur Lofts Balvinssonar á þýskum alþjóðlegum meistara. Áttunda umferð hefst 16:30 á mánudag.

            Opinber heimsókn Garry Kasparov hófst um helgina en Kasparov sækist eftir forsetasæti FIDE. Hann muna árita bækur og gefa áhugasömum kost á myndatöku í Hörpu milli 16 og 17 á mánudag.

 http://chess-results.com/tnr111685.aspx?lan=1