Barna- og unglingameistaramót / Stúlknameistaramót TR fer fram í dag

Barna- og unglingameistaramót sem og Stúlknameistaramót Taflfélags Reykjavíkur fer fram sunnudaginn 26. október í félagsheimili T.R. Faxafeni 12. Taflið hefst kl.14.

Tefldar verða 7 umferðir eftir Monrad-kerfi með umhugsunartímanum 15 mín. á skák.

Teflt verður í tveimur flokkum: opnum flokki og stúlknaflokki. Verðlaun verða veitt fyrir þrjú efstu sætin í opna flokknum og þar fyrir utan hlýtur efsti T.R.-ingurinn titilinn Unglingameistari T.R. 2014.

Þá verða veitt verðlaun fyrir þrjú efstu sætin í stúlknaflokknum og þar fyrir utan hlýtur efsta stúlkan úr T.R. titilinn Stúlknameistari T.R. 2014.

Til viðbótar verða veitt verðlaun fyrir efsta sætið í aldursflokknum 13-15 ára, 11-12 ára, 9-10 ára sem og 8 ára og yngri í báðum flokkum (opna flokknum og stúlknaflokknum).

Mótið er opið öllum krökkum 15 ára og yngri (fædd 1999 og síðar). Skráning fer fram á vef Taflfélags Reykjavíkur og skak.is.  Smellið hér til að fara beint í skráningarform (vinsamlegast gefið upp nafn, fæðingarár og símanúmer) og einnig er hægt að skrá sig á mótsstað sunnudaginn 26. október frá kl. 13.30- 13.45.

Aðgangur á mótið er ókeypis.

Gallerý Skák: Kappteflið um Patagóníusteininn VI - Björn Hólm vann fyrsta mótið af sex

Taflkvöldin halda áfram í Gallerý Skák hjá TR í Faxafeni með vaxandi þátttöku yngri sem eldri. Á fimmtudagskvöldið hófst hin árlega mótaröð um PATAGÓNÍUSTEININN, sem keppt er nú um í sjötta sinn.  Steinninn, sem barst hingað til lands eftir dularfullum leiðum, er einstakt listaverk úr skauti  náttúrunnar suður þar, yfir 30 milljón ára gamall.

Um er að ræða 6 kvölda Grand prix mótaröð þar sem 4 bestu mót hvers keppenda telja til stiga og vinnings.  Stigajöf verður háttað eins og í Formúlu 1.  Sigurvegarinn  fær 10 stig og síðan er gefin 8. 6. 5. 4. 3. 2. og 1 stig  eftir sætaröð. Góð verðlaun er veitt og sigurvegarinn fær nafn sitt skráð gullnu letri á stall steinsins. Gunnar Kr. Gunnarsson vann fyrstu 2 árin, síðan Vignir Vatnar Stefánsson og Guðfinnur R. Kjartanson í síðustu tvö skipti.

Fyrsta mótið fór fram fyrrakvöld. Segja má það þetta hafi verið eins konar upphitunarmót fyrir skákhátíðina Æskan og Ellin í dag því 6 ungmenni voru meðal keppenda sem velgdu gamalmennum og öðrum keppendum vel undir uggum. Sérstaklega athygli vakti Björn Hólm Birkisson 14 ára TR-ingur sem gerði sér lítið fyrir og varð efstur og   tvíburabróðir hans Bárður Örn stóð sig einnig vel og varð. Voru þó ýmsir kunnir kappar meðal keppenda sem ekki láta sér allt fyrir brjósti brenna. Gaman verður að fylgjast með þeim bræðrum á næstunni og fleiri efnilegum ungmennum.

Næsta skákkvöld  af þessu tagi verður eftir viku á sama stað, en telft er við kjöraðstæður í skákmiðstöðinni í Faxafeni. Mótin eru öllum opin - bara að mæta og sýna snilli sína - hvort sem menn hyggjast taka þátt i kappteflnu öllu eða  ekki.  Mótin hefjast  kl. 18 þegar degi hallar á fimmtudögum. Telfdar eru 11 umferðir með 10 mínútna umhugsunartíma á skákina.  Þátttökugjöld eru kr. 500 en kr. 1000 fyrir þá sem eru í fæði.

Stigastaðan að einu móti loknu: Björn 10; Friðgeir 8; Jon Olav 6; Bárður 5; Guðfinnur 4; Þór 3; Kristján 2 og Árni 1.  

Sjá nánar meðf. mótstöflu með vettvangsmyndum /  ESE

 

 

 

Unglingameistaramót Íslands 2014

Unglingameistaramót Íslands 2014 fer fram í Rimaskóla dagana 7.- 8. nóvember nk.  Þátttökurétt eiga þeir sem verða 20 ára á almanaksárinu og yngri.

Sigurvegari á mótinu hlýtur titilinn “Unglingameistari Íslands 2014” og í verðlaun farseðil - að hámarki kr. 50.000.-  á skákmót erlendis.  Farseðilinn gildir í eitt ár.                       

Umferðatafla:            

• Föstudagur 7. nóv.     kl. 20.00                                 3 atskákir
• Laugardagur 8. nóv.:  kl. 17.00                                 4 atskákir

Að móti loknu verður verðlaunaafhending.           

Tímamörk:                  25 mín + 10 sek. viðbótartími á hvern leik   

Þátttökugjöld:            kr. 2.000.-

Skráning:                    http://www.skak.is og [e-mail]  

Skráningu lýkur fimmtudaginn 6. nóvember.

Call

Send SMS

Add to Skype

You'll need Skype CreditFree via Skype

Íslandsmót 15 ára og yngri fer fram 8. og 9. nóvember

Skákþing Íslands 2014 -  drengja-og telpnameistaramót (15 ára og yngri).

Skákþing Íslands 2014 -   pilta-og stúlknameistaramót (13 ára og yngri).                                       

Keppni á Skákþingi Íslands 2014 - 15 ára og yngri (fædd 1999 og síðar) og 13 ára og yngri (fædd 2001 og síðar) verður haldið í Rimaskóla  dagana 8. og 9. nóvember nk.  Tefldar verða 9 umferðir eftir monrad kerfi og er umhugsunartími 25 mín. + 10 sek. viðbótartími á hvern leik.  Teflt verður í einum flokki.

Umferðataflan er þannig:

Laugardagur 8. nóvember     

• kl. 12.00                     1. umferð
• kl. 13.00                     2. umferð
• kl. 14.00                     3. umferð
• kl. 15.00                     4. umferð
• kl. 16.00                     5. umferð

Sunnudagur 9. nóvember      

• kl. 11.00                     6. umferð
• kl. 12.00                     7. umferð
• kl. 13.00                     8. umferð
• kl. 14.00                     9. umferð

Þetta eru áætlaðar tímasetningar, en hver ný umferð hefst að þeirri fyrri lokinni.

Að því loknu verðlaunaafhending og mótsslit.

Þátttökugjöld: kr. 1.000.- (hámark kr. 1.500.- fyrir fjölskyldu)

Verðlaun:        Verðlaunabikarar fyrir þrjú efstu sætin í hvorum flokki.

Skráning: http://www.skak.is og [e-mail]

Skráningu lýkur fimmtudaginn 6. nóvember.

Æskan og ellin - Olísmótið fer fram í dag

Skákmótið ÆSKAN OG ELLIN, þar sem kynslóðirnar mætast, verður haldið í ellefta sinn laugardaginn 25.  október  í Skákhöllinni í Faxafeni.

RIDDARINN, skákklúbbur eldri borgara, Taflfélagi Reykjavíkur  og OLÍS -gerðu í fyrra  með sér  stuðnings- og samstarfssamning um framkvæmd mótsins, til að auka veg þess og tryggja  það í sessi til framtíðar.  ÆSIR,  hinn skákklúbbur eldri borgara á höfuðborgarsvæðinu leggur mótinu lið.

Fyrstu 9 árin var mótið verið haldið í Strandbergi, safnaðarheimili Hafnarfjarðar-kirkju, þar sem Riddarinn hefur aðsetur sitt og eldri skákmenn hittast til tafls vikulega allan ársins hring.  Fyrri mót af þessu tagi, þar sem kynslóðirnar mætast, hafa vakið verðskuldaða athygli, verið afar vel heppnuð  og til mikillar ánægju fyrir alla þátttakendur,  jafnt yngri sem eldri.  Í fyrra var yfir 80 ára aldursmunur milli yngsta og elsta keppandans. Þá sigraði Bragi Halldórsson (64) en Oliver Aron Jóhannesson(15) og Vignir Vatnar Stefánsson (10) komu næstir.

Verðlaunasjóður mótsins nú er kr. 100.000, (50.000; 25.000; 15.000; 10.000) auk þess sem veitt verða aldurflokkaverðlaun í 3 flokkum ungmenna og öldunga. Gjafabréf  fyrir flugmiðum á mót erlendis með Icelandair fyrir sigurvegara í barna og unglingaflokkum, 9 ára og yngri; 19-12 ára og 13-15 ára.  Úttektarkort fyrir eldsneyti hjá OLÍS fyrir efstu menn í 3 öldungaflokkum, 60-69 ára; 70-79 ára og 80 ára og eldri. Auk þess fá yngsti og elsti keppandi mótsins heiðursverðlaun. Fagrar  verðlaunastyttur fyrir sigurvegara mótsins og verðlaunapeningar  í öllum flokkum auk bókaverðlauna ofl.

Þátttaka í mótinu er ókeypis og miðast við börn og ungmenni á grunnskólaaldri, 15 ára og yngri og roskna skákmenn, 60 ára og eldri. Mótið hefst kl. 13 og tefldar verða 9 umferðir með 7 mínútna umhugsunartíma.   

Mótsnefnd skipa þeir Björn Jónsson, formaður TR, Einar S. Einarsson, formaður Riddarans og Páll Sigurðsson, skákstjóri. 

Skráning til þátttöku fer fram á www.skak.is og www.taflfelag.is  vikuna fyrir mót.  Hámarksfjöldi keppenda miðast við 100 og því mikilvægt að skrá sig sem fyrst og mæta svo tímanlega á mótsstað.   

Gauti á sigurbraut!

Sjötta umferð EM ungmenna fór fram í dag í Batumi í Georgíu. Gauti Páll Jónsson vann sína aðra skák í röð í dag! Oliver Aron Jóhannesson og Símon Þórhallsson gerðu jafntefli en Dagur Ragnarsson tapaði.

Oliver hefur 3 vinninga, Símon og Gauti hafa 2,5 vinning og Dagur hefur 1 vinning.

Frídagur er á morgun.

Úrslit 6. umferðar

Staða íslensku keppendanna

 

989 skákmenn frá 43 löndum taka þátt. Fulltrúar Íslands eru fjórir að þessu sinni. Dagur Ragnarsson (2154) teflir flokki 18 ára og yngri en Oliver Aron Jóhannesson (2192), Símon Þórhallsson (1796) og Gauti Páll Jónsson (1739) tefla í flokki 16 ára og yngri. Helgi Ólafsson er fararstjóri og þjálfari.

Dagur er nr. 42 í stigaröð 62 keppenda. Í flokki 16 ára og yngri taka 89 skákmenn þátt. Oliver er nr. 32 í stigaröð keppenda en Símon er nr. 77 og Gauti er nr. 82.

• Heimasíða mótsins
• Chess-Results
• Beinar útsendingar

Unglingameistaramót Hugins hefst á mánudag

Unglingameistaramót Hugins 2014 (suðursvæði) hefst mánudaginn 27. október n.k. kl. 16.³⁰ þ.e. nokkru fyrr heldur en venjulegar mánudagsæfingar. Mótinu verður svo fram haldið þriðjudaginn 28. október n.k. kl. 16.^30.  Tefldar verða 7 umferðir eftir Monrad kerfi. Fyrri keppnisdaginn verða fjórar skákir og þrjár þann seinni. Umhugsunartími á hverja skák er 20 mínútur. Mótið er opið öllum 15 ára og yngri í grunnskóla en titilinn sjálfan getur aðeins félagsmaður í Huginn unnið. Á meðan á mótinu stendur falla venjulegar barna- og unglingaæfingar niður. Næsta barna- og unglingaæfing eftir unglingameistaramótið verður mánudaginn 3. nóvember n.k.  Keppnisstaður er Álfabakki 14a (inngangur milli Subway og Fröken Júlíu) og er salur félagsins á þriðju hæð. Engin þátttökugjöld.

Verðlaunagripir verða fyrir þrjú efstu sætin. Allir þátttakendur fá skákbók.

Umferðatafla:

1.-4. umferð:                Mánudaginn 27. október kl. 16.³⁰

5.-7. umferð:                Þriðjudaginn 28. október kl. 16.³⁰

Verðlaun:

1. Unglingameistari Hugins (suðursvæði) fær farandbikar til varðveislu í eitt ár.
2. Þrír efstu fá verðlaunagripi til eignar.
3. Allir keppendur fá skákbók.
4. Þrír efstu 12 ára og yngri fá verðlaunapening.
5. Stúlknameistari Hugins (suðursvæði) fær verlaunagrip til eignar.

Barna- og unglingameistaramót TR / Stúlknameistaramót TR fer fram á laugardag

Barna- og unglingameistaramót sem og Stúlknameistaramót Taflfélags Reykjavíkur fer fram sunnudaginn 26. október í félagsheimili T.R. Faxafeni 12. Taflið hefst kl.14.

Tefldar verða 7 umferðir eftir Monrad-kerfi með umhugsunartímanum 15 mín. á skák.

Teflt verður í tveimur flokkum: opnum flokki og stúlknaflokki. Verðlaun verða veitt fyrir þrjú efstu sætin í opna flokknum og þar fyrir utan hlýtur efsti T.R.-ingurinn titilinn Unglingameistari T.R. 2014.

Þá verða veitt verðlaun fyrir þrjú efstu sætin í stúlknaflokknum og þar fyrir utan hlýtur efsta stúlkan úr T.R. titilinn Stúlknameistari T.R. 2014.

Til viðbótar verða veitt verðlaun fyrir efsta sætið í aldursflokknum 13-15 ára, 11-12 ára, 9-10 ára sem og 8 ára og yngri í báðum flokkum (opna flokknum og stúlknaflokknum).

Mótið er opið öllum krökkum 15 ára og yngri (fædd 1999 og síðar). Skráning fer fram á vef Taflfélags Reykjavíkur og skak.is.  Smellið hér til að fara beint í skráningarform (vinsamlegast gefið upp nafn, fæðingarár og símanúmer) og einnig er hægt að skrá sig á mótsstað sunnudaginn 26. október frá kl. 13.30- 13.45.

Aðgangur á mótið er ókeypis.

Æskan og ellin XI. - Olísmótið í skák

Glæsileg  peningaverðlaun - flugfarmiðar - eldsneytisúttektir - bækur - máltíðir

Skákmótið  "Æskan og Ellin", verður haldið í ellefta sinn laugardaginn 25.  október nk.  í Skákhöllinni í Faxafeni og heft kl. 13  - 9 umferðir /7min.

RIDDARINN, skákklúbbur eldri borgara, Taflfélagi Reykjavíkur  og OLÍS - Olíuverslun Íslands hafa gert með sér  stuðnings- og samstarfssamning um framkvæmd mótsins, til að auka veg þess og tryggja  það í sessi til framtíðar.

ÆSIR hinn klúbbur eldri skákmanna leggur mótinu lið. 

Fyrri mót af þessu tagi, þar sem kynslóðirnar mætast, hafa vakið verðskuldaða athygli, verið afar vel heppnuð  og til mikillar ánægju fyrir alla þátttakendur,  jafnt yngri sem eldri.  Í fyrra var yfir 80 ára aldursmunur milli yngsta og elsta keppandans. 

Verðlaunasjóður mótsins er kr. 100.000 (50.000, 25.000, 15.000,10,000) auk þess sem veitt verða aldurflokkaverðlaun í 3 flokkum ungmenna og öldunga. Gjafabréf  fyrir flugmiðum á fyrir sigurvegara í barna og unglingaflokkum, 9 ára og yngri; 19-12 ára og 13-15 ára.  Úttektarkort fyrir eldsneyti hjá OLÍS fyrir efstu menn í 3 öldungaflokkum, 60-69 ára; 70-79 ára og 80 ára og eldri.  Bókaverðlaun og fleira.

Þátttaka í mótinu er ókeypis og miðast við börn og ungmenni á grunnskólaaldri, 15 ára og yngri og roskna skákmenn, 60 ára og eldri. Mótið hefst kl. 13 og tefldar verða 9 umferðir með 7 mínútna umhugsunartíma á skákina. 

Skráning fer fram á www.skak.is og www.taflfélag.is vikuna fyrir mót.

Magnús hraðskákmeistari SSON

Magnús Matthíasson gerði sér lítið fyrir og sigraði á vel skipuðu hraðskákmóti Skákfélags Selfoss og nágrennis sem fram fór í gær. Í öðru sæti var Ingimundur Sigurmundsson, vinningi á eftir Magnúsi, og Sverrir Unnarsson í því þriðja. Björgvin Smári, Úlfhéðin fylgdu þar á eftir og síðan Erlingur Atli og Þorvaldur Siggason.

Magnús hefur lengi verið sleipur í hraðskákinni og kom sterkur til leiks eftir þátttöku sína í Hraðskákmeistaramóti TR.

Meistaramót SSON byrjar 29. október.

Tefldar verða klukkutímaskákir.

Núverandi meistari  SSON er Björgvin Smári Guðmundsson Þeir sem eru þegar skráðir til leiks eru: 

• Björgin Smári
• Magnús Matthíasson
• Ingimundur Sigurmundsson
• Úlfhéðinn Sigurmundsson
• Sverrir Unnarsson
• Erlingur Atli Pálmarsson 

Hægt er að skrá sig í mótið á netfanginu [e-mail]