Skák.is

Bloggfærslur mánaðarins, júlí 2013

4.7.2013 | 12:37

Sigurður og Jakob tefla í Bæjaralandi

Það er ekki bara okkur sterkustu skákmenn sem tefla erlendis í sumar heldur láta "áhugamennirnir" ekki sitt eftir liggja. Þessa dagana fer fram opið skákmót í Bæjaralandi í Þýskalandi. Meðal keppenda eru Sigurður Eiríksson (1946) og Jakob Sævar Sigurðsson (1768).

Eftir fimm umferðir hefur Jakob Sævar hlotið 3 vinninga en Sigurður 2½ vinning. Efstur með 4½ vinning en tékkneski stórmeistarinn Dr. Igor Rausis (2493).

Heimasíða mótsins

Spil og leikir | Slóð | Facebook | Athugasemdir (0)

4.7.2013 | 07:00

Meistari hernaðarlegrar áhættu - Leonid Stein

Gunnar Finnlaugsson

Meistari hernaðarlegrar áhættu - Leonid Stein

Fyrstu árin

Leonid Zakharovich Stein fæddist þann 12. nóvember 1934 í litlum bæ í Úkraínu, sem þá tilheyrði Sovétríkjunum. Foreldrar hans voru fátækir gyðingar. Hann lést á hóteli í London 4. júlí 1973, aðeins 38 ára gamall. Stein átti að fljúga á Millisvæðamótið í Petropolis í Brasilíu stuttu seinna. Hann lét eftir sig eiginkonu og tvær dætur.

David Bronstein kom í hans stað eftir talsverðar vangaveltur innan FIDE.

Innrás nasistanna rak fjölskyldu Steins (eldri systur og foreldra) á flótta til Uzbekistan árið 1941. Heimilisfaðirinn og fyrirvinnan lést þar. Eftir heimsstyrjöldina flutti móðirin með börnin til borgarinnar Lvov, nálægt landamærum Úkraínu og Póllands.

Snemma kom í ljós að drengurinn var ljóngáfaður, stálminnugur og með frjótt ímyndunarafl. Hann lærði að tefla tíu ára og varð snemma bestur meðal sinna jafnaldra. Eins og fleiri ungir iðkendur skákarinnar tefldi hann hratt og djarft.

Drengnum til happs var útgáfa bókarinnar Modern Chess Openings á því herrans ári 1949. Höfundur bókarinnar var hinn þekkti skákmeistari Alexey Sokolsky (1908-1967) og var bókin gefin út í Lvov. Bók þessi varð brátt byrjanabiblía sovéskra skákmanna. Unglingurinn Leonid tileinkaði sér fljótt þann fróðleik sem þessi ágæta bók hafði að geyma. En hann var lítt hrifinn af skákbókum á þessum árum og var ekki iðinn við að kynna sér skákfræðin.

Næsta stóra skref fram á við fyrir skólaþreyttan ungan mann var þegar hann var kvaddur til herþjónustu haustið 1953. Þar lærði hann stundvísi, sjálfsaga og einbeitingu. Sem betur fer var lítið um að vera hjá sovéska hernum á þessum árum og gat Leonid þess vegna snúið sér að því að vera herforingi hvítra og svartra á reitunum 64.

Lærifeður

Sokolsky var fyrsta fyrirmynd og skákkennari hins unga manns. En fyrsti þjálfari hans í Lvov var Rafael Gorenstein.

Skáksnillingurinn Efim Geller bjó í Kiev höfuðborg Úkraínu og var tæpum tíu árum eldri en Stein. Hann kenndi Stein undirstöðuatriðin í Spánska leiknum og í hinni margslungnu Kóngsindversku vörn.

Hápunktarnir

Stein vann meistaramót USSR alls þrisvar sinnum, fyrst í Leningrad 1963, síðan í Tallin 1965 og loks í Tbilisi 1966. Meistaramót Sovétríkjanna á þessum tíma voru mun jafnsterkari en millisvæðamótin með um 20 þátttakendum og stóðu yfir í meir en mánuð. Mótin fóru oftast fram í lok ársins og oftar en ekki var teflt bæði um jól og áramót. Fyrir þessu eru að minnsta kosti tvær ástæður. Kommúnistar voru ekki miklir vinir kirkjunnar og auk þess eru jólin þar austur frá mun seinni á ferðinni en hjá okkur á vesturlöndum.

Á þessum þremur mótum tefldi Stein alls 58 skákir, vann 24 og tapaði aðeins fjórum skákum.

Í Leningrad 1963 komst hann seint í gang eins og oftar en eftir sigurinn í níundu umferð fór vélin i gang.

Stein varð jafn Spassky og Holmov og vann aukakeppnina í Moskvu 1964.

Næsti meistaratitill kom 1965. Sá sigur gaf honum farseðil á Ólympíuskákmótið í Havannah 1966 og Millisvæðamótið í Sousse í Túnis 1967. Eftir tíu umferðir var Polugajevski efstur með 8 af 10, en Stein hafði aðeins 6,5 vinninga. Hann vann Polu með svörtu í spennandi skák í elleftu umferð.

Þriðji og síðasti sigurinn kom síðan í Tbilisi ári seinna. Alldrei þessu vant fékk hann 2,5 vinninga í þrem fyrstu umferðunum. Í fjórðu umferð tapaði hann fyrir Geller, sem hann tapaði oft fyrir. Hann komst í gang aftur, og vann meðal annars stutta skák gegn Bronstein og vann meistaramót Sovétríkjanna í þriðja sinn á fjórum árum! Þessi sigur gaf honum þátttökurétt á Millisvæðamótið í Sousse á því herrans ári 1967.

Aðrir hápunktar eru sigrar á Stórmeistaramótinu í Moskvu 1967 (fimmtíu ára afmæli októberbyltingarinnar). Og minningarmóti Alekhine 1971 á sama stað (skipt fyrsta sæti með Karpov).

Á fyrrnefnda mótinu tefldi Stein að eigin sögn sína bestu skák á ferlinum gegn Keres, sem fylgir þessu greinarkorni.

Á síðarnefnda mótinu tefldi Friðrik og var tilgangur ferðarinnar að sannfæra Spassky og aðra Rússa um að besti staður fyrir fyrirhugað einvígi Spasskys og Fischers væri Reykjavík!

Bent Larsen hafnaði boðum um að tefla í USSR vegna þess að verðlaunaféð var borgað í rúblum og ekki var hægt að skipta í nothæfan gjaldmiðil á vesturlöndum.

Andstreymi á millisvæðamótum

Fyrsta millisvæðamótið sem Stein tefldi í var í Stokkhólmi 1962. Keppendur voru 23 og Stein dró númer eitt. Hann sat því yfir í fyrstu umferð. Stein var þá lítt þekktur á vesturlöndum og einungis alþjóðlegur meistari. Þess ber að geta að Fischer var ekki viðstaddur þegar dregið var um töfluröð.

Eftir fyrstu umferð bankaði Fischer á dyr hjá kunningja sínum Geller og vildi tefla hraðskák. Stein var þar í heimsókn hjá vini sínum. Geller vildi ekki tefla en benti á Stein sem var mikill hraðskákmaður. Fischer tók dræmt í þá áskorun en sagði síðan að þá vildi hann tefla upp á peninga. Stein var ekki vanur að tefla hraðskák um peninga en sættist þó á að setja 10 sænskar krónur í pottinn.

-Ef þú vinnur tvær af fimm er potturinn þinn sagði Fischer.

Svipur Bobbys breyttist heldur betur þegar Stein vann tvær fyrstu skákirnar og Geller var að springa úr hlátri. Eftir þessa meðferð bauð Fischer enga forgjöf!

Í hinni frábæru bók Friðriks Við skákborðið í aldarfjórðung á blaðsíðu 104 má lesa um síðustu umferðina í Stokkhólmi. Stein sat eftir með sárt ennið því hann komst ekki áfram vegna þess að einungis þrír skákmenn frá sama landi gátu komist áfram. Regla FIDE um að hámark fimm af átta í áskorendamóti gætu verið frá sama landi kom í veg fyrir að Stein kæmist áfram. Annars var hætta á að allir keppendur kæmu frá USSR, svo miklir voru yfirburðir Sovétmanna á þessum tíma.

Eftir aukakeppni við Gligoric og Benkö endaði Stein í sjötta sæti og fékk nafnbótina Stórmeistari í skák. Eins og menn muna vann Fischer með yfirburðum.

Næsta millisvæðamót hjá Stein var í Amsterdam 1964. Þar fékk Larsen sitt gegnumbrot og deildi efsta sætinu með Spassky, Smyslov og Tal. Stein missti aftur af lestinni og varð í fimmta sæti. Hefði reglan um takmarkaðan fjölda frá sama landi ekki verið í gildi hefði Larsen orðið eini skákmaðurinn utan Sovétríkjanna í áskorendaeinvígunum 1965.

Larsen skrifaði að Stein tefldi glæsilega og hratt, en væri stundum kærulaus. Engin skýring fékkst á fjarveru Fischers.

Þriðja og síðasta tilraun Steins var á millisvæðamótinu í Sousse í Túnis 1967. Þegar Fisher fór heim þrátt fyrir örugga forystu hafði hann unnið Stein í frægri skák. Stein hafnaði að lokum í sjötta til áttunda sæti.

Ólympíuskákmót

Stein tefldi í sveit USSR sem fyrsti varamaður í Tel-Aviv og hlaut 8,5 vinninga í þrettán skákum.

Hann var einnig með á hinu tilkomumikla Ólympíuskákmóti á Kúbu 1966, þá á fjórða borði. Hann fékk 7,5 af 12.

Stein var þá skákmeistari Sovétríkjanna og Fischer skákmeistari Bandaríkjanna. Fischer vildi ólmur tefla einvígi við Stein og það strax að loknu Ólympíumótinu. Stein sagist verða að fara heim og tefla á meistaramóti USSR sem þá var svæðamót. Fischer sagði þá við blaðamenn að svo virtist sem sovétmenn vildu ekki tefla við sig!

V. Reykjavíkurskákmótið 1972

Mótið fór fram snemma árs og var vel skipað. Skákmenn af minni kynslóð minnast mótsins vegna ótrúlegs lokaspretts Friðriks. Stein tefldi á Íslandi í fyrsta og síðasta sinn.Í byrjun móts gerði Stein mörg frekar stutt jafntefli. Ástæðan kom í ljós upp úr miðju móti þegar Stein tefldi til síðasta blóðdropa gegn Friðrik, þótt staðan gæfi vart tilefni til þess.

Þá spurði Friðrik hvers vegna hann hefði gert svo mörg snemmborin jafntefli, -til þess að komast í bíó. Því tefldirðu þá til þrautar gegn mér spyr Friðrik, -búinn að sjá allar myndirnar!

Á mótinu tefldu tveir ungir menn um tvítugt sem áttu eftir að gera garðinn frægan. Þetta voru þeir félagar Ulf Andersson og Jan Timman. Eina tapskák Stein var gegn góðkunningja mínum Ulf Andersson. Á þessum árum tefldi hann djarft og vann góða skák gegn Stein, sem fylgir þessum línum.

Andersson tefldi 1.e4! og vann snaggaralega. Hann komst þó að því að þrautseiga hans og endataflstækni naut sín betur í rólegum stöðum og að minnsta kosti tveir þriðja skáka hans með hvítu hafa hafist á 1.Rf3. Skákstíl Ulfs má líkja við stíl tennisstjörnurnar Björn Borg, sem ávallt beið eftir mistökum andstæðingsins og fór aldrei í sókn fyrr en andstæðingurinn var varnarlaus.

Ulf Andersson - Leonid Stein

Reykjavík 1972

1.e4 c5 2. Rf3 Rc6 3. d4 cxd4 4. Rxd4 Rf6 5. Rc3 d6 6. Bc4 1972 tefldi Andersson eins og Fischer! 6.- Db6 7. Rb3 e6 8. O-O Be7 9. Be3 Dc7 10. f4 a6 11. Bd3 b5 12. a4 Mun algengara er 12.Df3 12.- b4 13. Rb1 a5 14. R1d2 O-O 15. De2 e5 16. f5 d5 17. g4 dxe4 18. Rxe4 Rd5 19. f6! gxf6 20. Bh6 Hd8 21. Hf3 Rf4? 22. Hxf4! Hxd3 23. cxd3 Be6 24. Rxf6 Bxf6 25. Hxf6 Bxb3 26. Hc1 Bd5 27. Df2 He8 28. Hc5 Be6 29. Dh4 Kh8 30. Hf2! Svartur gaf

Best skák Steins á þessu móti er án efa gegn Guðmundi Sigurjónssyni. Þá skák er að finna með skýringum í mjög svo athyglisverðri bók Eduard Gufelds um Stein. Stuðst er við skýringar Gufelds.

Guðmundur Sigurjónsson - Leonid Stein

Reykjavík 1972

1. e4 c5 2. Rf3 d6 3. d4 cxd4 4. Rxd4 Rf6 5. Rc3 a6 6. f4 Bregður út af alfaraleið. Algengari leiðir eru 6.Bg5, 6.Be2, Bc4 og 6.Be3

6.-Rbd7 6.-Rc6 er afleikur vegna 7.Rxc6 bxc6 8.e5! með yfirburðum fyrir hvítan 7. Rf3 Leiktap. Betra var 7.Bc4! 7.-e6 8. Bd3 Be7 9. O-O Rc5! 10. Kh1 O-O 11. a4 b6 Vegna kraftlausrar taflmennsku hvíts hefur svartur jafnað taflið og vel það. 12. b4? Skárra var 12.e5. Svartur nær nú yfirhöndinni 13.- Rxd3 13. cxd3 Bb7 14. Be3 Hc8 15. Db3 d5! Dæmigert gegnumbrot 16. e5 d4! Stórsnjall leikur. Ef hvítur leikur 17.exf6 vinnur svartur manninn aftur með 17.-Bxf6 17. Rxd4 Lakara var 17.Bxd4? Bxf3 18.exf6 Bxf6! 19.Bxf6 Dxf6

17... Rg4 18. Bg1 Rxh2! Glæsilegt. Snilldin byggist á því að riddarinn á c3 er ekki nægilega valdaður. Eftir 19.Kxh2 kemur 19.-Bxb4 með máthótun á h4 19. Hfc1?! 19.Hfd1 var skárri leikur 19.-Rg4 20. Re4 Bxb4! Svartur vinnur peð og hefur þar að auki lakari stöðu. Úrvinnslan vefst ekki fyrir Stein. 21. Rg5 Dd5 22. Re4 Dxb3 23. Rxb3 Bxe4 24. dxe4 b5 25. axb5 axb5 26. g3 h5 27. Kg2 Bc3 28. Hab1 Hfd8 29. Hc2 Hc4 30. Kf3 Bxe5 31. Hxc4 bxc4 32. Ra5 Hd3 33. Kg2 Hd2 34. Kf3 Bd4 35. Bxd4 Hd3 36. Kg2 Hxd4 37. e5 Hd2 Hvítur gaf

Tvær góðar vinningsskákir Steins í Moskvu

Meistaramót USSR í Moskvu 1961 vannst af Petrosian. Þetta var eina tapskák sigurvegara mótsins. Hetja okkar - Leonid Stein - tók þátt í fyrsta sinn og lenti í þriðja sæti og fékk þátttökurétt á millisvæðamótinu 1962.

Leonid Stein - Tigran Petrosian

Moskva 1961

1. e4 e6 2. d4 d5 3. Rc3 Bb4 4. e5 c5 5. a3 Bxc3 6. bxc3 Re7 7. Dg4 Við sem erum komir til vits og ára leikum hér hinn hægverska leik 7.Rf3 7.-Rf5 Petro reynir að lægja öldurnar með þessum gamla leik. Bæði 7.-O-O og ekki síst 7.-Dc7 eru algengari leikir 8. Bd3 h5 9. Df4 Rc6 Hér var 9.Dh4 talið sterkast framhald svarts. En Petro vill ekki tefla lítið eitt lakara endatafl við nýliðann, sem var þekktur fyrir skort á þolinmæði. 10. Re2 Rce7 11. Rg3 Rg6? Eðlilegra var að undirbúa langa hrókun með 11.-Bd7 eða 11.-c4 12. Dd2 Bd7 13. Hb1! Nú yrði 13.-Dc7 svarað með 14.Dg5 13.- Hb8 14. O-O c4 15. Be2 Rxg3 Eftir 15.-h4 16.Rxf5 exf5 17.Bf3 Be6 18.a4! hefur hvítur yfirburðastöðu

16. fxg3! Opnar f línuna og hótar jafnframt 17.h4 og 18.Dd1 með peðsvinningi h4 17. Bg4! Þessi biskup leikur aðalhlutverkið í lokasenu þessarar skákar.17.-hxg3 18. hxg3 De7 19. a4! Bxa4 20. Ha1 b5 21. Ba3 Dd7 22. Hf2 Hb7 23. Haf1 Dd8 Svo virðist sem svartur hafi valdað allt. 23.-Dc8 leiðir ekki til betra lífs vegna 24.Dg5! með hótun um fórn á g6. Ekki gekk heldur 23.-Rf8 vegna 24.Hxf7 Dxf7 25. Hxf7 Hxf7 26. Bxf8. Biskup svarts er heldur betur utangátta á a4.

24. Dd1! Þessi hægverski leikur hótar 25.Bxe6! fxe6 26.Dg4 Hh6 25. Bc1 Hh7 26. Bxe6! Svartur gafst upp. Hrífandi og lærdómsrík skák.

Lenoid Stein -Paul Keres

Moskva 1961

1. e4 e5 2. Rf3 Rc6 3. Bb5 a6 4. Ba4 Rf6 5. O-O Rxe4 Opna afbrigðið í Spánska leiknum, Larsen tefldi þessa byrjun á tímabili og skrifaði bækling um afbrigðið 6. d4 b5 7. Bb3 d5 8. dxe5 Be6 9. c3 Algengast, en einnig er hægt að leika 9.Rbd2, 9.De2 og 9.Be3 9.-Bc5 Enn er algengast leiðin valin. Aðrir valkostir eru 9.-Be7 og 9.-Rc5 10. Rbd2 O-O 11. Bc2 f5 Gamall leikur. Hvassast er 11.-Rxf2 og rólegra er 11.-Bf5 12. Rb3 Bb6 13. Rfd4! Betra en 13.a4, sem lengi var álitin besti leikur hvíts í stöðunni 13.- Rxd4 14. Rxd4 Eftir 14.cxd4 a5 hefur svartur mótspil á drottningarvængnum Dd7 15. f3 Rc5 16. Kh1! "Þvílík dýpt og innsæi í leyndardóma stöðunnar" skrifaði Vasjukov í mótsblaðið. Fjarlægir kónginn úr skálínunni. Leikurinn gefur hvítum líka möguleika á að leika Hg1 og g2-g3 16.-Rb7? Keres missir þolinmæðina og vill leika c7-c5 sem fyrst. Betra var 16.-Hae8 17. Be3! c5 18. Rxe6 Dxe6 19. a4!! Stórsnjall leikur. Flestir hefðu leikið 19.f4 án mikillar umhugsunar. Ef 19.-Dxe5

þá 20.He1! Dd6 21.axb5 axb5 22.Hxa8 Hxa8 23.Bxf5 og biskupar hvíts verða mjög virkir 20. Ra5 20. Bf2! Kh8 21. He1 Svartur hefur engar bætur fyrir slæma stöðu manna sinna. Úrsvinnsla Stein er óaðfinnanleg 21.-Ha7 22. De2! b4 23. cxb4 cxb4 24. Bxb6 Dxb6 25. Had1 Dc5 26. Bd3! Db6 27. Bb1 Dc6 28. Dd2! Dxa4 29. Dxd5 Rc6 30. Bxf5! Skemmtileg leikflétta. Hvorki 30.-Hxf5 Dd8 eða 30.-Re7 31.Dc5! var teflandi. 30.-Db5 31. Dd6 Stein velur styðstu leiðina í tímahrakinu 31.-Db8 32. Dxc6 Hxf5 33. e6 He7 34. Hd7 He8 35. Hb7 Dc8 36. Hc7 Db8 37. Dd7 Hg5 38. f4 Hg6 39. f5 Hg5 40. f6! Og Keres gafst upp

Heimildir;

1 Leonid Stein Master of Risk Stragety. Höfundar Eduardo Gufeld og Efim Lazarev. Gefin út 2001 í Davenport USA.

2. Grein í New in Chess númer 2 1995. Höfundar Adrian Mikhalchisbin og Viktor Kart

3. Chess Assistant 11. Rússneskt skákforrit með miljónum skáka og vélina Rybka4.

Lundi Svíþjóð í júní 2013

Spil og leikir | Breytt 3.7.2013 kl. 23:22 | Slóð | Facebook | Athugasemdir (0)

3.7.2013 | 23:11

Guðmundur vann Cori í lokaumferðinni

Alþjóðlegi meistarinn Guðmundur Kjartansson (2453) vann Kevin Cori (2088) frá Perú í níundu og síðustu umferð alþjóðlegs mót í Kataloníu í dag. Kevin þessi er bróður Jorge og Deysi sem hafa teflt á Íslandi og er fæddur árið 1999.

Guðmundur hlaut 5,5 vinning og endaði í 13.-31. sæti (26. sæti á stigum). Árangur hans samsvaraði 2336 skákstigum og lækkar hann um 11 stig fyrir hana.

Stórmeistarinn Mauricio Flores (2492) frá Chile sigraði á mótinu en hann hlaut 7,5 vinning.

Á morgun heldur Guðmundur til Benasque á Spáni þar sem hann tekur þátt í opnu alþjóðlegu skákmóti ásamt Héðni Steingrímssyni.

101 skákmaður frá 18 löndum tók þátt í mótinu. Þar af voru 19 stórmeistarar og jafnmargir alþjóðlegir meistarar. Guðmundur var nr. 25 í stigaröð keppenda.

Jorge Fonseca hefur bent ritstjóra á spænskar heimasíður sem hægt er fylgjast betur með gangi mála en á sjálfri heimasíðu mótsins. Fær hann þakkir fyrir.

Spil og leikir | Breytt s.d. kl. 23:16 | Slóð | Facebook | Athugasemdir (0)

3.7.2013 | 12:10

Nýtt fréttabréf SÍ

Nýtt fréttabréf Skáksambands Íslands kom út í dag en bréfið kemur út einu sinni á mánuði yfir sumarið. Bréfið er sent í tölvupósti til viðtakenda. Hægt er að skrá sig fyrir fréttabréfinu hér á Skák.is (ofarlega til vinstri).

Meðal efnis er:

Íslenskt skákvor á erlendri grundu í sumar
NM kvenna haldið í Norræna húsinu í september
Helgi velur 10 manna landsliðshóp fyrir EM landsliða
Átta Íslendingar taka þátt á EM ungmenna
Lenka endaði í þriðja sæti í Prag
Jóhann sigraði á eigin afmælismóti
Nýr formaður hjá SSON
Gelfand sigurvegari Tal Memorial
Skráning á NM kvenna
Niðurtalning N1 Reykjavíkurmótsins 2014
Mót á döfinni

Fréttabréfið má nálgast hér.

Hægt er að nálgast eldri fréttabréf hér.

Spil og leikir | Slóð | Facebook | Athugasemdir (0)

3.7.2013 | 11:06

EM taflfélaga í Rhodos í október: Víkingaklúbburinn skráður til leiks

EM taflfélaga fer fram á grísku eyjunni Rhodos í október nk. Samkvæmt frétt á vefsíðu Susan Polgar eru þegar 37 sveitir skráðar til leiks. Af íslensku félögunum eru Íslandsmeistarar Víkingaklúbbsins eina íslenska félagið sem skráð er til leiks.

Íslensk skákfélög sem hafa áhuga á þátttöku (hámark 3 frá hverju landi) þurfa að tilkynna þátttöku til SÍ sem allra fyrst en formlegur skráningarfrestur SÍ til að tilkynna fjölda liða frá Íslandi rann út 30. júní skv. reglugerð mótsins.

Heimasíða mótsins

Spil og leikir | Slóð | Facebook | Athugasemdir (0)

2.7.2013 | 21:23

Guðmundur tapaði í næstsíðustu umferð

Alþjóðlegi meistarinn Guðmundur Kjartansson (2453) tapaði fyrir argentíska alþjóðlega meistaranum Marcelo Panelo (2428) í áttundu og næstsíðustu umferð alþjóðlegs móts í Katalóníu á Spáni. Guðmundur hefur 4,5 vinning. Hann mætir stigalágum andstæðingi (2088) frá Perú á morgun.

Guðmundur er nú miklum skákvíkingi á Spáni og er þetta aðeins fyrsta mótið af hálfri tylft! Óhætt er að segja að Guðmundur, sem er afar metnaðarfullur skákmaður, sé öðrum skákmönnum afar góð fyrirmynd. Lætur verkin tala við skákborðið!

Stórmeistarinn Mauricio Flores (2492), Chile, er efstur með 7 vinninga.

101 skákmaður frá 18 löndum tekur þátt í mótinu. Þar af eru 19 stórmeistarar og jafnmargir alþjóðlegir meistarar. Guðmundur er nr. 25 í stigaröð keppenda.

Jorge Fonseca hefur bent ritstjóra á spænskar heimasíður sem hægt er fylgjast betur með gangi mála en á sjálfri heimasíðu mótsins. Fær hann þakkir fyrir.

Spil og leikir | Slóð | Facebook | Athugasemdir (0)

1.7.2013 | 22:00

Peter Henner skrifar um Icelandic Open

Lögfræðingurinn Peter Henner sem tók þátt í Icelandic Open hefur skrifað lofsamlega grein um mótið sem birtist í héraðsblaði þar sem hann skrifar reglulega um skák.

Greinin er ákaflega skemmtileg og fróðleg og Henner talar vel um Íslendinga sem skákmótshaldara og ekki síður vel um Ísland (fyrir utan verðlag á Bláa Lóninu!). Hann talar á köflum "frjálslega" um andstæðinga sína.

Henner fer yfir mótið umferð fyrir umferð - um góða byrjun og síðar um hræðilegan endasprett en greinin heitir "The best of games, the worst of games: A Reykjavik diary tells you the tale of two tournaments".

Einnig er fróðlegt að lesa samanburðin á íslensku og bandarísku mótahaldi.

Skemmtileg grein sem fylgir með sem viðhengi.

Vefsíða Peter Henner.

Skrár tengdar þessari bloggfærslu:

Grein Peter Henner um Icelandic Open

Spil og leikir | Breytt s.d. kl. 21:31 | Slóð | Facebook | Athugasemdir (0)

1.7.2013 | 21:09

Guðmundur með tvo sigra í röð

Alþjóðlegi meistarinn Guðmundur Kjartansson (2453) hefur 4,5 vinning að loknum sjö umferðum á alþjóðlegu skákmóti sem fram fer í Katalóníu. Í fimmtu umferð tapaði hann fyrir indverska stórmeistaranum R.R. Laxman (2397) en vann tvo Spánverja (2142/2376) í 6. og 7. umferð. Guðmundur er í 14.-26. sæti.

Stórmeistararnir Alexis Cabrera (2525), Spáni, og Mauricio Flores (2492), Chile, eru efstir með 6 vinninga.

101 skákmaður frá 18 löndum tekur þátt í mótinu. Þar af eru 19 stórmeistarar og jafnmargir alþjóðlegir meistarar. Guðmundur er nr. 25 í stigaröð keppenda.

Jorge Fonseca hefur bent ritstjóra á spænskar heimasíður sem hægt er fylgjast betur með gangi mála en á sjálfri heimasíðu mótsins. Fær hann þakkir fyrir.

Spil og leikir | Slóð | Facebook | Athugasemdir (0)

1.7.2013 | 19:02

Ný alþjóðleg skákstig

Ný alþjóðleg skákstig komu út í dag. Jóhann Hjartarson (2583) er sem fyrr stigahæstur íslenskra skákmanna. Fjórir nýliðar eru á listanum og þeirra stigahæstur er Loftur Baldvinsson (1928). Símon Þórhallsson hækkar mest frá júní-listanum eða um heil 72 skákstig.

Topp 20:

281 skákmaður er á lista yfir virka íslenska skákmenn. 80 íslenskir skákmenn hafa svo óvirk alþjóðleg skákstig.

Jóhann Hjartarson er venju samkvæmt stigahæstur íslenskra skákmanna en hann hefur 2583 skákstig. Í næstu sætum eru Héðinn Steingrímsson (2557) og Helgi Ólafsson (2544).

Heildarlistann má finna hér.

No.	Name	Tit	jul13	Gms	Ch.
1	Hjartarson, Johann	GM	2583	0	0
2	Steingrimsson, Hedinn	GM	2557	10	-4
3	Olafsson, Helgi	GM	2544	0	0
4	Petursson, Margeir	GM	2532	0	0
5	Stefansson, Hannes	GM	2522	10	15
6	Gretarsson, Hjorvar Steinn	IM	2511	10	2
7	Danielsen, Henrik	GM	2510	18	2
8	Arnason, Jon L	GM	2502	0	0
9	Thorfinnsson, Bragi	IM	2493	8	0
10	Kristjansson, Stefan	GM	2491	10	-3
11	Thorsteins, Karl	IM	2463	0	0
12	Gretarsson, Helgi Ass	GM	2460	0	0
13	Thorhallsson, Throstur	GM	2449	0	0
14	Kjartansson, Gudmundur	IM	2444	10	-9
15	Gunnarsson, Arnar	IM	2441	0	0
16	Gunnarsson, Jon Viktor	IM	2409	0	0
17	Olafsson, Fridrik	GM	2407	0	0
18	Thorfinnsson, Bjorn	IM	2403	10	26
19	Bjornsson, Sigurbjorn	FM	2395	10	-2
20	Ulfarsson, Magnus Orn	FM	2389	0	0

Nýliðar

Fjórir nýliðar eru á listanum nú. Þeirra stigahæstur er Loftur Baldvinsson (1928) en Björgvin S. Guðmundsson (1908) er skammt undan.

No.	Name	Tit	jul13	Gms	Ch.
1	Baldvinsson, Loftur		1928	14	1928
2	Gudmundsson, Bjorgvin S		1908	13	1908
3	Halldorsson, Haukur		1689	10	1689
4	Birkisson, Bardur Orn		1478	13	1478

Mestu hækkanir

Símon Þórhallsson hækkar mest frá júní-listanum eða um heil 72 skákstig. Í næstum sætum eru Vignir Vatnar Stefánsson (47) og Felix Steinþórsson (35).

Björn Þorfinnsson og Hannes Hlífar Stefánsson sem tefldu til úrslita um Íslandsmeistaratitilinn eru báðir meðal þeirra 10 skákmanna sem hækka mest.

No.	Name	Tit	jul13	Gms	Ch.
1	Thorhallsson, Simon		1588	9	72
2	Stefansson, Vignir Vatnar		1782	7	47
3	Steinthorsson, Felix		1488	8	35
4	Thorfinnsson, Bjorn	IM	2403	10	26
5	Sverrisson, Nokkvi		2041	8	22
6	Johannsdottir, Johanna Bjorg		1911	9	21
7	Heimisson, Hilmir Freyr		1690	8	20
8	Baldursson, Haraldur		1980	6	17
9	Jonsson, Gauti Pall		1562	8	17
10	Stefansson, Hannes	GM	2522	10	15

Stigahæstu skákkkonur landsins

16 skákkonur hafa virk íslensk skákstig. Þeirra langstigahæst er Lenka Ptácníková (2236) en í næstum sætum eru Guðlaug Þorsteinsdóttir (2044) og Guðfríður Lilja Grétarsdóttir (1984).

No.	Name	Tit	jul13	Gms	Changes
1	Ptacnikova, Lenka	WGM	2236	18	-19
2	Thorsteinsdottir, Gudlaug	WF	2044	0	0
3	Gretarsdottir, Lilja	WIM	1984	0	0
4	Thorsteinsdottir, Hallgerdur		1949	8	-36
5	Johannsdottir, Johanna Bjorg		1911	9	21
6	Finnbogadottir, Tinna Kristin		1879	8	-43
7	Birgisdottir, Ingibjorg		1791	0	0
8	Kristinardottir, Elsa Maria		1787	8	2
9	Helgadottir, Sigridur Bjorg		1746	7	-14
10	Fridthjofsdottir, Sigurl. Regina		1735	0	0

Stigahæstu ungmenni landsins

49 ungmenni fæddir 1993 eða síðar eru á stigalistanum. Hjörvar Steinn Grétarsson (2511) er sem fyrr langstigahæstur. Næstir eru Nökkvi Sverrisson (2041) og Mikael Jóhann Karlsson (2029).

No.	Name	Tit	jul13	Gms	B-day	Ch.
1	Gretarsson, Hjorvar Steinn	IM	2511	10	1993	2
2	Sverrisson, Nokkvi		2041	8	1994	22
3	Karlsson, Mikael Johann		2029	8	1995	4
4	Magnusson, Patrekur Maron		2020	0	1993	0
5	Ragnarsson, Dagur		2020	0	1997	0
6	Johannesson, Oliver		2015	10	1998	12
7	Johannsson, Orn Leo		1970	0	1994	0
8	Johannsdottir, Johanna Bjorg		1911	9	1993	21
9	Hardarson, Jon Trausti		1899	8	1997	-10
10	Sigurdarson, Emil		1857	0	1996	0

Stigahæstu skákmenn heims

Magnus Carlsen (2862) er stigahæsti skákmaður heims. Í næstum sætum eru Levon Arionian (2813) og Fabianco Caruano (2796). Heimsmeistarinn Vishy Anand (2775) er aðeins í 7.-8. sæti.

Yfirlit yfir stigahæstu skákmenn heims má finna hér.

Meðfylgjandi er PDF-viðhengi með stigum íslenskra skákmanna.

Skrár tengdar þessari bloggfærslu:

Alþjóðleg skákstig 1. júlí 2013

Spil og leikir | Slóð | Facebook | Athugasemdir (0)

1.7.2013 | 16:18

Gámaþjónustan (Daði Ómarsson) sigurvegari Mjóddarmóts Hellis

Daði Ómarsson sem tefldi fyrir Gámaþjónustuna, sigraði örugglega með 6,5v vinninga í sjö skákum á vel sóttu Mjóddarmóti Hellis sem fram fór 29. júní sl. Í 2. sæti, með 5,5 vinning, varð Tómas Björnsson (Talnakönnun) en hann var sá eini sem náði jafntefli við Daða. Jafnir í 3. - 7. sæti með 5v voru Þorvarður Fannar Ólafsson (Lyfjaval í Mjódd), Davíð Kjartansson (Valitor), Örn Leó Jóhannsson (Kaupfélag Skagfirðinga), Sigurður Páll Steinþórsson (GM Einarsson múrarameistari) og Omar Salama (Íslandsbanki).

39 skákmenn tóku þátt sem gerir þetta Mjóddarmót með þeim fjölmennari sem haldin hafa verið. Aðstæður voru á skákstað voru með ágætum en það var skýjað en úrkomulaust svo það sást ágætlega þegar röðun í umferðir og stöðunni var varpað á hvítan vegginn í göngugötunni í Mjódd.

Lokastaðan á Mjóddarmótinu:

Röð   Nafn                                           Vinn.   M-Buch. Buch. Progr.

  1   Gámaþjónustan, Daði Ómarsson                    6.5      22.0  30.5   26.0
  2   Talnakönnun, Tómas Björnsson                    5.5      23.5  33.5   23.0
 3-7  Lyfjaval ehf Mjódd, Þorvarður Fannar Ólafsson   5        22.5  31.5   21.5
      Valitor, Davíð Kjartansson                      5        22.0  31.0   21.0
      Kaupfélag Skagfirðinga, Örn Leó Jóhannsson      5        22.0  29.0   20.5
      GM Einarsson múrarameist, Sigurður Páll Steinþ. 5        21.5  30.0   21.0
      Íslandsbanki, Omar Salama                       5        20.5  29.0   23.0
8-10  Arion banki, Helgi Brynjarsson                  4.5      22.5  32.0   22.0
      Ökuskólinn í Mjódd, Sigurjón Haraldsson         4.5      18.0  24.0   18.0
      Subway Mjódd, Oliver Aron Jóhannesson           4.5      17.5  25.5   15.0
11-18 Gull og Silfursmiðjan, Þór Valtýsson            4        20.0  27.5   17.5
      Frú Sigurlaug ehf, Rúnar Berg                   4        20.0  27.5   16.5
      ÍTR, Halldór Pálsson                            4        19.5  28.5   18.5
      Hjá Dóra, Hallgerður Helga                      4        19.5  27.0   16.0
      Fröken Júlía verslun, Kristján Örn Elíasson     4        18.0  25.0   17.0
      HS Orka, Elsa María                             4        17.5  23.5   16.5
      BV60, Jón Trausti Harðarson                     4        16.5  24.0   16.0
      Arnljótur Sigurðsson,                           4        16.5  24.0   14.0
19-24 Þorsteinn Guðlaugsson,                          3.5      19.5  26.5   16.0
      Mikhael Kravchuk,                               3.5      17.5  26.5   13.0
      Gunnar M. Nikulásson,                           3.5      16.5  24.5   12.0
      Jón Víglundsson,                                3.5      15.5  22.0   11.0
      Sigurður Freyr Jónatansson,                     3.5      15.0  21.5   12.5
      Gunnar Friðrik Ingibergsson,                    3.5      15.0  20.0   13.5
25-30 Sorpa, Stefán Bergsson                          3        20.5  29.0   17.0
      Ásgeir Sigurðsson,                              3        18.5  24.0   11.0
      Finnur Kr. Finnsson,                            3        17.5  24.5   13.0
      Einar S. Einarsson,                             3        16.0  22.0   10.5
      Hörður Jónasson,                                3        16.0  21.0    9.0
      Heimir Páll Ragnarsson,                         3        12.5  19.5   10.0
31-34 Óskar Long Einarsson,                           2.5      16.5  23.0   10.5
      Hjálmar Sigurvaldason,                          2.5      16.5  22.5    9.5
      Samkaup v/Nettó, Gauti Páll                     2.5      15.0  20.5    9.5
      Björgvin Kristbergsson,                         2.5      14.5  19.5    9.0
35-37 Sverrir Hjaltason,                              2        15.5  20.0    6.0
      Pétur Jóhannsson,                               2        15.0  20.5    7.0
      Embla Ásgeirsdóttir,                            2        15.0  20.0    4.0
38-39 Sveinn Logi Birgisson,                          1        13.0  17.0    2.0
      Magnús Einarsson,                               1        12.0  17.5    4.0

Myndaalbúm (VÓV og ESE)

Spil og leikir | Breytt 4.7.2013 kl. 09:24 | Slóð | Facebook | Athugasemdir (0)

« Fyrri síða | Næsta síða »

Síðan

Skák.is

Skák.is, skákfréttavefur Íslands. Gunnar Björnsson er ritsjóri vefsins.

RSS-straumar

Erlendar vefsíður

Helstu erlendu fréttasíðurnar

Chessdom

Augnablik - sæki gögn...

Chess24

Augnablik - sæki gögn...

FIDE

Augnablik - sæki gögn...

Nýjustu færslur

Tenglar

Mót í gangi

Mót sem eru í gangi hverju sinni

Íslandsmótið í skák - Icelandic Open Valsheimilið, 1.-9. júní
Altibox Norway Chess 27. maí - 8. júní: Carlsen og flestir sterkustu skákmenn heims

Lykilvefir

Skáksamband Íslands Heimasíða SÍ
Mótaáætlun SÍ
Vefsvæði Friðriks Ólafssonar Vefsíða tileinkuð Friðriki Ólafssyni
Skákskóli Íslands
Skáksögufélagið
F3-klúbburinn Vildarvinir skákíþróttarinnar á Íslandi
Tímaritið Skák
Fischersetur Selfoss
Skákbækur til sölu
Bobbý skáksverslun
Skákhornið Spjallþráður skákmanna
Skáklandið Stefán Bergsson bloggar
Skákmyndir

Kennsluvefir

Íslensk taflfélög

Ef þú vilt tefla á netinu!

Erlendir skákvefir

FIDE Alþjóðlega skáksambandið
ECU
The Week in Chess
ChessBase
Chess Vibes
Chessdom
Your Chess News Umsjón Jóhann H. Ragnarsson
Bergens Schakklub Besta norræna skákfréttasíðan
Færeyska skáksambandið
Bloggsíða Susan Polgar
ChessCafe Pistlar og greinar

Bloggfærslur mánaðarins, júlí 2013

RSS-straumar

Erlendar vefsíður

Tenglar

Mót í gangi

Lykilvefir

Kennsluvefir

Íslensk taflfélög

Erlendir skákvefir

Almanök

Teflt á netinu

Færsluflokkar

Heimsóknir

Flettingar

Annað

Efni

Leita í þessu bloggi

Skákmót

Mótaáætlun SA (Prufa)

Mótaskráning

Fréttabréf SÍ

Fischer-setur

Auglýsing

Myndaalbúm

Eldri færslur

2018

2017

2016

2015

2014

2013

2012

2011

2010

2009

2008

2007

Innskráning

Innskráning: