Skák.is

Bloggfærslur mánaðarins, júní 2013

5.6.2013 | 16:30

Sjöunda umferð Íslandsmótsins í skák að hefjast

Sjöunda umferð Íslandsmótsins í skák hefst nú kl. 17. Viðureign forystusauðanna Hannesar Hlífars Stefánssonar og Björns Þorfinnssonar ber auðvitað hæst en þeir leiða á mótinu með 5,5 vinning. Á öðru borði mætast svo Stefán Kristjánsson, sem er þriðji með 5 vinninga, og Hjörvar Steinn Grétarsson, sem er einn fimm skákmanna sem hafa 4,5 vinning.

Áhorfendur eru velkomnir á skákstað en þar eru afar góðar aðstæður

fyrir keppendur og áhorfendur. Teflt er á efstu hæðinni (20. hæð) í Turninum Borgartúni (Höfðatorg). Vert er að minna á Birnukaffi, sem hefur heldur betið slegið í gegn, þar sem boðið er meðal annars upp á ljúffengur vöfflur með rjóma og súkkulaði.

Tíu skákir eru sýndar beint frá hverri umferð. Eftirtaldar skákir eru sýndar beint í dag:

SM Hannes Hlífar Stefánsson (5½) - AM Björn Þorfinnsson (5½)
SM Stefán Kristjánsson (5) - AM Hjörvar Steinn Grétarsson (4½)
FM Guðmundur Gíslason (4½) - SM Henrik Danielsen (4½)
AM Guðmundur Kjartansson (4½) - FM Sigurbjörn Björnsson (4½)
SM Héðinn Steingrímsson (4) - Gylfi Þórhallsson (4)
Þór Valtýsson (4) - AM Bragi Þorfinnsson (4)
Jón Þór Bergþórsson (4) - FM Þorsteinn Þorsteinsson (4)
Stefán Bergsson (4) - Sverrir Sigurðsson (4)
Sigurður Páll Steindórsson (3½) - Hilmir Freyr Heimisson (4)
Oliver Aron Jóhannesson (3½) - KSM Lenka Ptácníková (3½)

Spil og leikir | Breytt s.d. kl. 20:13 | Slóð | Facebook | Athugasemdir (0)

5.6.2013 | 13:00

Ef Íslandsmótið væri aðeins sex umferðir?

Sex umferðum er nú lokið á Íslandsmótinu í skák. Skoðum stöðuna á mótinu og hvernig baráttan um verðlaunasætin stendur. Byrjum á sjálfu Íslandsmótinu.

Staða efstu manna:

1.-2. SM Hannes Hlífar Stefánsson (2507) og AM Björn Þorfinnsson (2377) 5,5 v.
3. SM Stefán Kristjánsson (2494) 5 v.
4.-8. SM Henrik Danielsen (2500), AM Hjörvar Steinn Grétarsson (2516), FM Sigurbjörn Björnsson (2397), Guðmundur Gíslason (2321) og AM Guðmundur Kjartansson (2446) 4,5 v.

Sjá nánar stöðuna á Chess-Results.

Yrði þetta niðurstaðan myndu Hannes og Björn tefla einvígi um Íslandsmeistaratitilinn, Stefán taka bronsið en kapparnir í 4.-8. sæti skipta á milli verðlaunum fyrir 4. og 5. sæti.

Íslandsmót kvenna

Þar er staða efstu kvenna sem hér segir:

1. KSM Lenka Ptácníková (2255) 3,5 v.
2.-5 Hrund Hauksdóttir (1680), Jóhanna Björg Jóhannsdóttir (1890), Tinna Kristín Finnbogadóttir (1922) og Hallgerður Helga Þorsteinsdóttir (1985) 3 v.

Hvað myndi þetta þýða ef þetta væri lokastaðan? Jú þetta myndi þýða að Lenka fengi Íslandsmeistaratitilinn án aukakeppni þær í 2.-5. sæti skipta á milli sín verðlaununum fyrir og 2. og 3. sæti.

Aukaverðlaun

Og þá er það samantekt á aukaverðlaununum. Þau eru veitt í tveimur flokkum fyrir bestan árangur í samanburði við eigin skákstig. Fyrir skákmenn með meira en 2000 skákstig og fyrir skákmenn með minna en 2000 skákstig. Ein verðlaun eru í hvorum flokki upp á 40.000 kr. Reiknað er út frá alþjóðlegum skákstigum en innlendum stigum ef menn hafa ekki alþjóðleg skákstig.

Björn Þorfinnsson og Loftur Baldvinsson leiða nú í sitthvorum flokknum.

Staða efstu manna:

Yfir 2000 skákstigum

Björn Þorfinnsson 151 (2528-2377)
Hannes Hlífar Stefánsson 129 (2636-2507)
Oliver Aron Jóhannesson 59 (2065-2006)

Undir 2000 skákstigum

Loftur Baldvinsson 369 (2075-1706)
Felix Steinþórsson 290 (1733-1443)
Hilmir Freyr Heimisson 265 (1941-1676)
Björgvin Kristbergsson 239 (1411-1172)
Gauti Páll Jónsson 236 (1782-1546)

Upplýsingar um verðlaun má finna hér.

Spil og leikir | Breytt s.d. kl. 13:42 | Slóð | Facebook | Athugasemdir (0)

5.6.2013 | 09:09

Hemmi Gunn látinn

Hinn mikli skákvinur Hemmi Gunn lést í gær. Skákmenn minnast Hemma með hlýhug enda alltaf boðinn og búinn að sinna skáklistinni og var ómissandi hluti af skákviðburðum eins og Íslandsmótinu í atskák í sjónvarpinu í gegnum tíðina. Hemmi var beðinn um að sjá um Íslandsmót í atskák sem fram fór í skemmstu en gat það ekki þar sem hann var staddur á Tælandi þar sem hann lést svo í gær.

Skákhreyfingin vottar aðstandendum hans innilegar samúðaróskir.

Ekki er hægt að minnast Hemma án þess að láta fylgja með skákatriði með honum og því alveg óstjórnlega fyndnu. Meðfylgjandi skets um skák úr þætti Simma og Jóa (í þessu tilfelli Valtýs og Jóa) frá 30. júlí 2011 þar sem Hemmi fór algjörlega á kostum.

Hljóðupptaka úr þætti Simma og Jóa

Spil og leikir | Breytt s.d. kl. 09:13 | Slóð | Facebook | Athugasemdir (0)

5.6.2013 | 09:00

Skákir sjöttu umferðar

Þórir Benediktsson hefur slegið inn skákir sjöttu umferðar Opna Íslandsmótsins í skák. Þær fylgja með sem viðhengi.

Skákir mótsins er einnig hægt að nálgast á vefsíðu mótsins.

Veljið skák (31 alls):

Spil og leikir | Breytt s.d. kl. 08:53 | Slóð | Facebook | Athugasemdir (0)

5.6.2013 | 08:52

Skákkeppni Landsmót UMFÍ 50+ fer fram á laugardaginn

Helgina 7. - 9. júní verður 3. Landsmót UMFÍ 50 + haldið í Vík í Mýrdal. Allir geta tekið þátt í mótinu óháð félagsaðild að ungmennafélagi.

Mótið er íþrótta - og heilsuhátíð með fjölbreyttri dagskrá. Auk keppni í hinum ýmsu íþróttagreinum verður boðið upp á ýmsa afþreyingu fyrir keppendur og gesti. Einnig verður boðið upp á fræðslu um hollustu og heilbrigðan lífsstíl ásamt fjölda annarra viðburða.

Fyrirhugaðar keppnisgreinar í Keppnisgreinar á mótinu eru: Utanvegarhlaup, boccia, bridds, golf, frjálsar, íþróttir, hestaíþróttir, hringdansar, línudans, pútt, ringó, skák, pönnukökubakstur, búfjárdómar, kjötsúpugerð, ljósmyndamaraþon, dráttavélaakstur, sund, sýningar, þríþraut og hjólreiðar. Allir á aldrinum 50 ára og eldri geta tekið þátt í keppnisgreinum mótsins. Þátttakendur greiða eitt mótsgjald og öðlast með því þátttökurétt í öllum keppnisgreinum. Mótsgjald er 3.500 krónur óháð greinafjölda. Frítt verður á tjaldstæði mótshelgina í Vík í Mýrdal. Skráning fer fram á heimasíðu mótsins www.landsmotumfi50.is.

Skákkeppnin fer fram laugardaginn 8. júní og er um að ræða einstaklingakeppni. Teflt er á milli 13 og 17. Tefldar verða 9 umferðir með 10 mínútna umhugsunartíma.

Sjáumst á Landsmóti UMFÍ 50 + í Vík í Mýrdal 7. - 9. júní 2013 kát og hress.

Spil og leikir | Slóð | Facebook | Athugasemdir (0)

4.6.2013 | 22:14

Hannes og Björn efstir á Opna Íslandsmótinu í skák

Stórmeistarinn Hannes Hlífar Stefánsson og alþjóðlegi meistarinn Björn Þorfinnsson eru efstir með 5½ vinning að lokinni sjöttu umferð Opna Íslandsmótsins í skák sem fram fór í Turninum í Borgartúni í kvöld. Hannes vann Braga Þorfinnsson, bróður Björns, fremur örugglega en Björn vann stórmeistarann Henrik Danielsen í skemmtilegri skák. Stórmeistarinn Stefán Kristjánsson, er þriðji með 5 vinninga eftir að hafa lagt kollega sinn Héðin Steingrímsson í mjög óhefðbundinni og sérstakri skák.

Lenka Ptácníková er efst kvenna með 3½ vinning þrátt fyrir tap fyrir Guðmundi Kjartanssyni en mótið nú er jafnframt Íslandsmót kvenna. Hrund Hauksdóttir, Jóhanna Björg Jóhannsdóttir, Tinna Kristín Finnbogadóttir og Hallgerður Helga Þorsteinsdóttir koma næstar með 3 vinninga. Það gæti því stefnt í afar spennandi baráttu á Íslandsmóti kvenna.

Sem fyrr var nokkuð um óvænt úrslit og eru ungu ljónin þar í aðalhlutverki. Hilmir Freyr Heimisson og Vignir Vatnar Stefánsson halda áfram að gera góða hluti. Hilmir vann Björgvin S. Guðmundsson en Vignir gerði jafntefli við Mikael Jóhann Karlsson en stigamunurinn í báðum tilfellum er um 350 skákstig. Annað ungt ljón Dawid Kolka vann svo Bjarnstein Þórsson en þar munar um 200 skákstigum. Annar ungur skákmaður Þorsteinn Magnússon gerði svo jafntefli við landsliðskonuna Elsu Maríu Kristínardóttur.

Sjöunda umferð fer fram á morgun og hefst kl. 17. Teflt er á efstu hæðinni (20. hæð) í Turninum Borgartúni (Höfðatorg). Mjög góð aðstaða er á skákstað fyrir áhorfendur sem hafa verið duglegri að sækja Íslandsmót en í mörg herrans ár. Þar er líka komið lítil veitingasala, "Birnukaffi" fyrir keppendur og gesti og gangandi.

Forystumennirnir Hannes og Björn mætast á morgun og Stefán Kristjánsson teflir við Hjörvar Stein Grétarsson sem er meðal fimm skákmanna sem hafa 4½ vinning.

Spil og leikir | Slóð | Facebook | Athugasemdir (0)

4.6.2013 | 16:30

Sjötta umferð að hefjast

Sjötta umferð Íslandsmótsins í skák hefst nú kl. 17. Í dag bar svo við að stigahæstu og sterkustu skákmenn mótsins eru farnir að mætast í auknum mæli. Forystusauðirnir Henrik Danielsen og Björn Þorfinnsson mætast á fyrsta borði og þriðji forystusauðurinn Hannes Hlífar Stefánsson teflir við Braga Þorfinnsson. Á þriðja borð er svo stórmeistaraslagur Héðins Steingrímssonar og Stefáns Kristjánssonar.

Áhorfendur eru velkomnir á skákstað en þar eru afar góðar aðstæður fyrir keppendur og áhorfendur. Teflt er á efstu hæðinni (20. hæð) í Turninum Borgartúni (Höfðatorg). Vert er að minna á Birnukaffi, sem hefur heldur betið slegið í gegn, þar sem boðið er meðal annars upp á ljúffengur vöfflur með rjóma og súkkulaði.

Tíu skákir eru sýndar beint frá hverri umferð. Eftirtaldar skákir eru sýndar beint í dag:

SM Henrik Danielsen (4½) - AM Björn Þorfinnsson (4½)
AM Bragi Þorfinnsson (4) - SM Hannes Hlífar Stefánsson (4½)
SM Héðinn Steingrímsson (4) - SM Stefán Kristjánsson (4)
AM Hjörvar Steinn Grétarsson (3½) - Sigurður Páll Steindórsson (3½)
KSM Lenka Ptácníková (3½) - AM Guðmundur Kjartansson (3½)
FM Sigurbjörn Björnsson (3½) - AM Sævar Bjarnason (3½)
Nökkvi Sverrisson (3½) - FM Guðmundur Gíslason (3½)
FM Þorsteinn Þorsteinsson (3½)- Þór Valtýsson (3½)
Gylfi Þórhallsson (3½) - Oliver Aron Jóhannesson (3½)
Dagur Andri Friðgeirsson (3) - Stefán Bergsson (3)

Spil og leikir | Breytt s.d. kl. 15:18 | Slóð | Facebook | Athugasemdir (0)

4.6.2013 | 11:44

Skákir fimmtu umferðar

Þórir Benediktsson hefur slegið inn skákir fimmtu umferðar Opna Íslandsmótsins í skák. Þær fylgja með sem viðhengi.

Skákir mótsins er einnig hægt að nálgast á vefsíðu mótsins.

Í gær voru svo veitt verðlaun fyrir skákir umferðarinnar í umferðum 2-4 en verðlaunahafar fá í verðlaun mat fyrir tvo í Hamborgarafabrikkunni.

Verðlaunahafar hafa verið hingað til:

1. umferð: Loftur Baldvinsson fyrir sigurskákina gegn Braga Þorfinnssyni
2. umferð: Stefán Bergsson og Símon Þórhallsson fyrir langskemmtilegustu skák umferðarinnar
3. umferð: Guðmundur Kjartansson fyrir snaggaralegan sigur á Skotanum Michael Grove
4. umferð: Jón Þór Bergþórsson fyrir sigurskák gegn Sverri Sigurðssyni en Jón Þór hafði hrakið hvíta kónginn til g5.

Veljið skák (33 alls):

Spil og leikir | Slóð | Facebook | Athugasemdir (0)

4.6.2013 | 11:04

Ef Íslandsmótið væri aðeins fimm umferðir - hver væri þá niðurstaðan?

Nú þegar helmingur, það eru fimm umferðir, eru liðnar af Íslandsmótinu í skák er rétt að fara yfir stöðuna á mótinu og þá út frá því hverjir séu í verðlaunasætum. Byrjum á sjálfu Íslandsmótinu.

Staða efstu manna:

1.-3. SM Hannes Hlífar Stefánsson (2507), SM Henrik Danielsen (2500) og AM Björn Þorfinnsson (2377) 4,5 v.
4.-6. SM Héðinn Steingrímsson (2558), SM Stefán Kristjánsson (2494) og AM Bragi Þorfinnsson (2478) 4 v.
Tólf skakmenn hafa 3,5 vinning og þar á meðal eru Hjörvar Steinn Grétarsson og Guðmundur Kjartansson.

Sjá nánar stöðuna á Chess-Results.

Og hvað myndi það þýða ef þetta yrði lokastaðan? Jú það myndi þýða vegna reglna mótsins að tveir hæstu eftir stigaútreikninga; Hannes og Henrik myndu tefla einvígi um Íslandsmeistaratitilinn en Björn fengi þriðja sætið og gæti fengið sér sæti meðal áhorfenda á meðan stórmeistararnir tefldu til úrslita um Íslandsmeistaratitilinn.

Íslandsmót kvenna

Þar er staða efstu kvenna sem hér segir:

1. KSM Lenka Ptácníková (2255) 3,5 v.
2.-3. Hrund Hauksdóttir (1680) og Jóhanna Björg Jóhannsdóttir (1890) 3 v.
4.-6. Tinna Kristín Finnbogadóttir (1922), Elsa María Kristínardóttir (1785), Hallgerður Helga Þorsteinsdóttir (1985) 2 v.

Hvað myndi þetta þýða ef þetta væri lokastaðan? Jú þetta myndi þýða að Lenka fengi Íslandsmeistaratitilinn án aukakeppni en Hrund og Jóhanna skiptu með sér öðrum og þriðju verðlaunum.

Aukaverðlaun

Ákveðið var að hafa tvenn aukaverðlaun á mótinu. Þó eru ekki fyrir neina flokka eða neitt þess háttar heldur einfaldlega fyrir bestan árangur miðað við eigin skákstig. Og þau eru veitt í tveimur flokkum. Fyrir skákmenn með meira en 2000 skákstig og fyrir skákmenn með minna en 2000 skákstig. Ein verðlaun eru í hvorum flokki upp á 40.000 kr. Reiknað er út frá alþjóðlegum skákstigum en innlendum stigum ef menn hafa ekki alþjóðleg skákstig.

Og hvernig er staðan í þessum flokkum. Hana má finna hér.

Yfir 2000 skákstigum

Oliver Aron Jóhannesson 122 (2128-2006)
Hannes Hlífar Stefánsson 46 (2553-2507)
Björn Þorfinnsson 42 (2419-2377)
Henrik Danielsen 40 (2540-2500)
Mikael Jóhann Karlsson 39 (2061-2022)

Undir 2000 skákstigum

Pétur Jóhannesson 408 (1408-1000)
Loftur Baldvinsson 349 (2055-1706)
Hjálmar Sigurvaldason 343 (1741-1398)
Felix Steinþórsson 330 (1773-1443)
Björgvin Kristbergsson 320 (1492-1172)

Spil og leikir | Slóð | Facebook | Athugasemdir (0)

4.6.2013 | 10:18

Ný íslensk skákstig

Ný íslensk skákstig eru komin út og eru þau miðuð við 1. júní. Jóhann Hjartarson (2618) er stigahæstur íslenskra skákmanna. Átta nýliðar eru á listanum, þeirra stigahæstur er Magni Marelsson (1382). Mykhaylo Kravchuk hækkar mest frá 1. mars listanum eða um 122 skákstig.

Stigahæstu skákmenn landsins

No.	Name	RtgC	Cat	Tit
1	Jóhann Hjartarson	2618	-	GM
2	Margeir Pétursson	2589	-	GM
3	Hannes H Stefánsson	2588	-	GM
4	Héðinn Steingrímsson	2551	-	GM
5	Helgi Ólafsson	2539	-	GM
6	Henrik Danielsen	2519	-	GM
7	Jón Loftur Árnason	2515	-	GM
8	Helgi Áss Grétarsson	2497	-	GM
9	Stefán Kristjánsson	2488	-	GM
10	Hjörvar Steinn Grétarsson	2474	U20	IM
11	Friðrik Ólafsson	2474	SEN	GM
12	Bragi Þorfinnsson	2467	-	IM
13	Karl Þorsteins	2466	-	IM
14	Guðmundur Sigurjónsson	2445	SEN	GM
15	Þröstur Þórhallsson	2445	-	GM
16	Jón Viktor Gunnarsson	2412	-	IM
17	Arnar Gunnarsson	2405	-	IM
18	Dagur Arngrímsson	2394	-	IM
19	Sigurbjörn Björnsson	2386	-	FM
20	Magnús Örn Úlfarsson	2379	-	FM

Nýliðar

Magni Marelsson er stighæstur átta nýliða á listanum með 1382 skákstig. Næsti eru Óliver Ísak Ólason (1122) og Axel Edilon Guðmundsson (1098).

No.	Name	RtgC	OldC	Diff	Cat
1	Magni Marelsson	1382	0	1382	U16
2	Óliver Ísak Ólason	1122	0	1122	U12
3	Axel Edilon Guðmundsson	1098	0	1098	U16
4	Hákon Ingi Rafnsson	1094	0	1094	U12
5	Hjálmar Óli Jóhannesson	1022	0	1022	U14
6	Halldór Jökull Ólafsson	1000	0	1000	U12
7	Heiðar Óli Guðmundsson	1000	0	1000	U12
8	Sindri Snær Kristófersson	1000	0	1000	U10

Mestu hækkanir

Mykhaylo Kravchuk hækkar mest frá mars-listanum eða um 122 skákstig. Í næstum sætum eru Bárður Örn Birkisson (75) og Magnús Kristinsson (71).

No.	Name	RtgC	OldC	Diff	Cat
1	Mykhaylo Kravchuk	1232	1110	122	U10
2	Bárður Örn Birkisson	1426	1351	75	U14
3	Magnús Kristinsson	1736	1665	71	-
4	Tómas Árni Jónsson	1697	1630	67	-
5	Davíð Örn Þorsteinsson	1545	1482	63	-
6	Þorsteinn Magnússon	1060	1002	58	U14
7	Guðmundur Agnar Bragason	1153	1096	57	U12
8	Oliver Aron Jóhannesson	1991	1942	49	U16
9	Heimir Páll Ragnarsson	1276	1231	45	U12
10	John Ontiveros	1590	1547	43	-

Stigahæstu ungmenn landsins (u20)

Hjörvar Steinn Grétarsson (2470) er langstigahæsta ungmenni landsins. Í næstum sætum eru Dagur Ragnarsson (2085) og Mikael Jóhann Karlsson (2078).

No.	Name	RtgC	Diff	Cat
1	Hjörvar Steinn Grétarsson	2474	4	U20
2	Dagur Ragnarsson	2085	4	U16
3	Mikael Jóhann Karlsson	2078	-22	U18
4	Nökkvi Sverrisson	2036	40	U20
5	Patrekur Maron Magnússon	2032	33	U20
6	Örn Leó Jóhannsson	2005	10	U20
7	Jón Trausti Harðarson	1993	-4	U16
8	Oliver Aron Jóhannesson	1991	49	U16
9	Jóhanna Björg Jóhannsdóttir	1921	-14	U20
10	Páll Andrason	1899	14	U20

Stigahæstu skákkonur landsins

Lenka Ptácníková (2225) er langstigahæsta skákkona landsins. Í næstum sætum eru Guðlaug Þorsteinsdóttir (2024) og Hallgerður Helga Þorsteinsdóttir (1996).

No.	Name	RtgC	Diff	Cat	Tit
1	Lenka Ptácníková	2225	6	-	WGM
2	Guðlaug U Þorsteinsdóttir	2024	0	-	WFM
3	Hallgerður H Þorsteinsdóttir	1996	-29	-
4	Jóhanna Björg Jóhannsdóttir	1921	-14	U20
5	Tinna Kristín Finnbogadóttir	1921	17	-
6	Guðfríður L Grétarsdóttir	1817	-7	-	WIM
7	Harpa Ingólfsdóttir	1805	0	-
8	Sigríður Björg Helgadóttir	1785	-1	-
9	Elsa María Krístinardóttir	1776	13	-
10	Geirþrúður Anna Guðmundsdóttir	1685	0	U20

Stigahæstu öðlingar landsins

Friðrik Ólafsson (2474) er langstigahæsti öðlingur (60+) landsins. Í næstum sætum eru Kristján Guðmundsson (2275) og Áskell Örn Kárason (2208).

No.	Name	RtgC	Diff	Cat	Tit
1	Friðrik Ólafsson	2474	-7	SEN	GM
2	Kristján Guðmundsson	2275	0	SEN
3	Áskell Örn Kárason	2208	-3	SEN
4	Jón Hálfdánarson	2187	-13	SEN
5	Björn Þorsteinsson	2178	7	SEN
6	Magnús Sólmundarson	2178	0	SEN
7	Jón Torfason	2175	0	SEN
8	Bragi Halldórsson	2157	-14	SEN
9	Júlíus Friðjónsson	2156	-4	SEN
10	Gunnar Magnússon	2142	5	SEN