Opna Íslandsmótið í skák - mikið um óvænt úrslit í fyrstu umferð

Opna Íslandsmótið í skák byrjaði heldur betur með látum. Mikið um óvænt úrslit og bar það helst til tíðinda að Loftur Baldvinsson vann alþjóðlega meistarann Braga Þorfinnsson með glæsilegri fléttu. Feðginin Magnús Kristinsson og Veronika Steinunn byrjuðu einnig vel. Magnús gerði jafntefli við FIDE-meistarann Þorstein Þorsteinsson en Veronika vann stórmeistarabanann Stefán Bergsson.

Hinn ungi og efnilegi Felix Steinþórsson gerði jafntefli við Þór Valtýsson og annar ungur og efnilegur skákmaður Bárður Örn Birkisson gerði jafntefli við Nökkva Sverrisson. Björgvin Kristbergsson gerði sér svo lítið fyrir og gerði jafntefli við landsliðskonuna Tinnu Kristínu Finnbogadóttur. 

Það var Illugi Gunnarsson, menntamálaráðherra, sem setti mótið sem fram fer á efstu hæðinni í Turninum í Borgartúni (Höfðatorg). Illuga var tíðrætt um skákkennslu í grunnskólum en ráðuneyti hans hefur einmitt ýtt úr vör verkefninu Skák eflir skóla sem hefst í völdum grunnskólum í haust. Að setningu lokinni lék Illugi fyrsta leikinn fyrir stigahæsta keppenda mótsins, Héðin Steingrímsson e2-e4 gegn Jóni Úlfljótssyni. Héðinn vann skákina rétt og hinir íslensku stórmeistararnir sem allir unnu. Hjörvar Steinn Grétarsson, sem er næststigahæstur keppenda, vann landsliðskonuna Elsu Maríu Kristínardóttir.

Tvær umferðir fara fram á morgun. Sú fyrri hefst kl. 10 og sú síðari kl. 17. Áhorfendur eru velkomnir á staðinn en góðar aðstæður er fyrir áhorfendur á skákstað auk einstaks útsýnis.

• Heimasíða mótsins
• Chess-Results
• Beinar útsendingar 
• Myndir frá fyrstu umferð (PRP og GB)

Íslandsmótið í skák hefst í dag kl. 17 í Turninum Borgartúni - 100 ára afmæli fagnað

Íslandsmótið í skák hefst í dag klukkan 17. Mótið á hundrað ára afmæli í ár en Skákþing Íslendinga - eins og mótið hét í upphafi, var fyrst haldið árið 1913. Taflfélag Reykjavíkur hélt mótið fystu árin en Skáksamband Íslands tók við mótinu tveimur árum eftir stofnun þess - eða árið 1927. 

Í tilefni þessa merka afmælis er mótið nú með óvenjulegi sniði. Það er opið í fyrsta skipti og í fyrsta skipti í hundrað ára sögu mótsins tefla allir í sama flokki. Mótið er einnig Íslandsmót kvenna. Ríflega 70 keppendur eru skráðir til leiks. Teflt er við einstakar aðstæður  á 20. hæðinni í Turninum við Borgartún (Höfðatorg). Menntamálaráðherra, Illugi Gunnarsson, setur mótið og leikur fyrsta leik þess. Skákáhugamenn eru hvattir til að fjölmenna við setningu mótsins.

Mótið er mjög sterkt. Langt er síðan það hefur verið svo vel skipað en nánast allir sterkustu virku skákmenn landsins taka þátt. Meðal keppenda eru stórmeistararnir Héðinn Steingrímsson, Hannes Hlífar Stefánsson, Henrik Danielsen og Stefán Kristjánsson og alþjóðlegu meistararnir Hjörvar Steinn Grétarsson, sem varð tvítugur í dag, Bragi Þorfinnsson, Guðmundur Kjartansson og Sævar Bjarnason.

Hannes er ellefufaldur Íslandsmeistari í skák, sá langsigursælasti í íslenskri skáksögu en titlana vann hann á tímabilinu 1998-2010. Héðinn Steingrímsson hefur orðið tvisvar sinnum Íslandsmeistari. Í fyrra sinnið árið 1990 þegar hann sigraði á Höfn í Hornafirði, þá aðeins 15 ára, sem er aldursmet sem enn stendur. Henrik Danielsen vann mótið 2009. Aðrir keppendur á mótinu hafa ekki orðið Íslandsmeistarar í skák.

Núverandi Íslandsmeistari Þröstur Þórhallson tekur ekki þátt í mótinu enda hættur atvinnumennsku í skák.

Fyrsti Íslandsmeistarinn í skák var Pétur Zóphóníasson sem hélt reyndar titilinum til ársins 1917. Þess má geta að barnabarnabarnabarn Péturs, Vignir Vatnar Stefánsson, er meðal keppenda. Alls hafa 35 hampað titlinum. Næstir á eftir Hannesi eru Eggert Gilfer og Baldur Möller með sjö titla hvor. Ásmundur Ásgeirsson, Friðrik Ólafsson og Helgi Ólafsson eru sexfaldir meistarar, áðurnefndur Pétur og Jóhann Hjartarson fimmfaldir meistarar og Ingi R. Jóhannsson vann titilinn fjórum sinnum.
 
Íslandsmót kvenna var hins vegar fyrst haldið árið 1975.  Þá sigraði Guðlaug Þorsteinsdóttir á mótinu, aðeins fjórtán ára. Þrettán konur hafa orðið Íslandsmeistarar kvenna. Guðfríður Lilja Grétarsdóttir langoftast eða ellefu sinnum, Guðlaug er næst með sex sigra og Lenka Ptácníková hefur unnið titilinn fjórum sinnum.
 
Það sama á við Íslandsmót kvenna og sjálft Íslandsmótið. Nánast allar sterkustu virku skákkonur landsins taka þátt. Auk Lenku, sem er núverandi Íslandsmeistari kvenna, má nefna Hallgerði Helgu Þorsteinsdóttur, Tinnu Kristínu Finnbogadóttur, Jóhönnu Björg Jóhannsdóttur, Elsu Maríu Kristínardóttur, Sigríði Björg Helgadóttur, Hrund Hauksdóttur og Veroniku Steinunni Magnúsdóttur. Af þeim sem taka þátt núna hafa þrjár orðið Íslandsmeistarar. Lenka fjórum sinnum á tímabilinu 2006-2012; Hallgerður Helga sem varð Íslandsmeistari kvenna kvenna 2008 og Elsa María sem hampaði titlinum árið 2011.
 
Mótið fer fram alla daga frá föstudeginum 31. maí til laugardagsins 8. júní. Tefldar eru tíu umferðir. Hægt verður að fylgjast með gangi mála á Skák.is og á vefsíðu mótsins, http://www.icelandicopen.com/.

Skákfélag Vinjar sigrar á Íslandsmóti Víkingaskákfélaga 2013

Skákvertíð Víkingaskákmanna lauk miðvikudaginn 28. maí í Víkinni Víkingsheimilinu  þegar fjórða Íslandsmeistaramót Víkingaskákfélaga fór fram.  Fimm mjög jöfn lið áttu kappi í hörkukeppni, en Íslandsmeistarar síðasta árs Forgjafarklúbburinn (Gunnar Fr. Rúnarsson, Stefán Sigurjónsson og Halldór Ólafsson) freistuðu þess að verja titilinn frá 2012.  Leikar fóru þannig að Skákfélag Vinjar sigraði, en í síðustu umferð skildi aðeins einn vinningur 3. efstu liðin.  

Ingi Tandri Traustason og Jón Birgir Einarsson í Vin fengu borðaverðlaun fyrir árangur sinn á 1. og 2. borði.  Vin tryggði sér Íslandsmeistaratitilinn með  því að sigra Forgjafarklúbburinn í síðustu umferð, meðan Víkingaklúbburinn gerði jafntefli við Hrókinn.

Þetta er í fyrsta skiptið sem Vin verður Íslandsmeistari í Víkingaskák, en  þeir hafa tekið  þátt síðan 2010. 

 Lokastaðan:

1. Skákfélag Vinjar 8 af 10
2. Víkingaklúbburinn 7.5 v.
3-4. Forgjafarklúbburinn 5.5.
3-4. Hrókurinn 5.5 v.
5. Vinir Sigurgeirs Carlssonar 4.5 v.
6. Skotta 0.0 v.

Íslandsmeistari:  Skákfélag Vinjar.

Besti árangur á hverju borði:

1. borð:  Ingi Tandri Traustason (Vin) 4. v af 5
2. borð:  Jón Birgeir Einarsson (Vin) og Þorvarður Fannar (Víkingaklúbbnum) 4. v. af 5.
3. borð:  Halldór 'Olafsson (Forgjafarklúbburinn) 2.5 v af 4.

Sveitirnar skipuðu eftirfarandi skákmenn:

Víkingaklúbburinn: Sigurður Ingason, Thorvarður Fannar
Forgjafarklúbburinn: Stefán Þ. Sigurjónsson, Ólafur B. Thórsson & Halldór Ólafsson.
Vin: Ingi Tandri Traustason, Jón Birgir Einarsson.
Hrókurinn:  Arnar Valgeirsson, Marteinn Jónsson.
Vinir Sigurgeirs Carlssonar:  Gunnar Fr. Rúnarsson, Þorgeir Einarsson

Heimasíða Víkingaklúbbsins

Helgi og Davíð landsliðseinvaldar fram til 2015

Á síðasta aðalfundi SÍ var lögum breytt þannig að landsliðseinvaldar velja landslið Íslands bæði í opnum- og kvennaflokki. Á fyrsta fundi nýrrar stjórnar SÍ var fyrri ákvörðun landsliðsnefndar staðfest það er að Helgi Ólafsson yrði landsliðseinvaldur í opnum flokki og Davíð Ólafsson í kvennaflokki. Ráðningar beggja gilda fram yfir EM landsliða 2015, þ.e. fyrir EM landsliða EM í Varsjá í haust, Ólympíuskákmótið í Tromsö í Noregi á næsta ári og EM landsliða í Reykjavík 2015.

Stjórn SÍ fagnar því mjög að þessir tveir hafi tekið þetta hlutverk að sér enda báðir náð góðum árangri með landsliðin síðan þeir tóku við þeim árið 2010.

 

Coca Cola-mót SA fer fram í kvöld

Síðasta stórmót vortíðar Skákfélags Akureyrar hið nafntogaða Coca-Colamót verður háð nk. fimmtudag 30. maí. Öllum heimil þátttaka. (Enginn leikur í Pespi-deildinni þetta kvöld). Taflið hefst kl. 20.

Íslandsmótið í skák hefst á föstudag - haldið upp á 100 afmæli mótsins

Íslandsmótið í skák hefst á föstudaginn klukkan 17. Mótið á hundrað ára afmæli í ár en Skákþing Íslendinga - eins og mótið hét í upphafi, var fyrst haldið árið 1913. Taflfélag Reykjavíkur hélt mótið fystu árin en Skáksamband Íslands tók við mótinu tveimur árum eftir stofnun þess - eða árið 1927. 

Í tilefni þessa merka afmælis er mótið nú með óvenjulegi sniði. Það er opið í fyrsta skipti og í fyrsta skipti í hundrað ára sögu mótsins tefla allir í sama flokki. Mótið er einnig Íslandsmót kvenna. Nú tveimur dögum fyrir mót eru ríflega 70 keppendur skráðir til leiks. Teflt er við einstakar aðstæður  á 20. hæðinni í Turninum við Borgartún (Höfðatorg). Menntamálaráðherra, Illugi Gunnarsson, setur mótið og leikur fyrsta leik þess. 

Mótið er mjög sterkt. Langt er síðan það hefur verið svo vel skipað en nánast allir sterkustu virku skákmenn landsins taka þátt. Meðal keppenda eru stórmeistararnir Héðinn Steingrímsson, Hannes Hlífar Stefánsson, Henrik Danielsen og Stefán Kristjánsson og alþjóðlegu meistararnir Hjörvar Steinn Grétarsson, sem varð tvítugur í dag, Bragi og Björn Þorfinnssynir, Guðmundur Kjartansson og Sævar Bjarnason.

Hannes er ellefufaldur Íslandsmeistari í skák, sá langsigursælasti í íslenskri skáksögu en titlana vann hann á tímabilinu 1998-2010. Héðinn Steingrímsson hefur orðið tvisvar sinnum Íslandsmeistari. Í fyrra sinnið árið 1990 þegar hann sigraði á Höfn í Hornafirði, þá aðeins 15 ára, sem er aldursmet sem enn stendur. Henrik Danielsen vann mótið 2009. Aðrir keppendur á mótinu hafa ekki orðið Íslandsmeistarar í skák.

Núverandi Íslandsmeistari Þröstur Þórhallson tekur ekki þátt í mótinu enda hættur atvinnumennsku í skák.

Fyrsti Íslandsmeistarinn í skák var Pétur Zóphóníasson sem hélt reyndar titilinum til ársins 1917. Þess má geta að barnabarnabarnabarn Péturs, Vignir Vatnar Stefánsson, er meðal keppenda. Alls hafa 35 hampað titlinum. Næstir á eftir Hannesi eru Eggert Gilfer og Baldur Möller með sjö titla hvor. Ásmundur Ásgeirsson, Friðrik Ólafsson og Helgi Ólafsson eru sexfaldir meistarar, áðurnefndur Pétur og Jóhann Hjartarson fimmfaldir meistarar og Ingi R. Jóhannsson vann titilinn fjórum sinnum.
 
Íslandsmót kvenna var hins vegar fyrst haldið árið 1975.  Þá sigraði Guðlaug Þorsteinsdóttir á mótinu, aðeins fjórtán ára. Þrettán konur hafa orðið Íslandsmeistarar kvenna. Guðfríður Lilja Grétarsdóttir langoftast eða ellefu sinnum, Guðlaug er næst með sex sigra og Lenka Ptácníková hefur unnið titilinn fjórum sinnum.
 
Það sama á við Íslandsmót kvenna og sjálft Íslandsmótið. Nánast allar sterkustu virku skákkonur landsins taka þátt. Auk Lenku, sem er núverandi Íslandsmeistari kvenna, má nefna Hallgerði Helgu Þorsteinsdóttur, Tinnu Kristínu Finnbogadóttur, Jóhönnu Björg Jóhannsdóttur, Elsu Maríu Kristínardóttur, Sigríði Björg Helgadóttur, Hrund Hauksdóttur og Veroniku Steinunni Magnúsdóttur. Af þeim sem taka þátt núna hafa þrjár orðið Íslandsmeistarar. Lenka fjórum sinnum á tímabilinu 2006-2012; Hallgerður Helga sem varð Íslandsmeistari kvenna kvenna 2008 og Elsa María sem hampaði titlinum árið 2011.
 
Mótið fer fram alla daga frá föstudeginum 31. maí til laugardagsins 8. júní. Tefldar eru tíu umferðir. Hægt verður að fylgjast með gangi mála á Skák.is og á vefsíðu mótsins, http://www.icelandicopen.com/.

Ólafur Guðmarsson atskákmeistari Austurlands

Atskákmeistaramót Austurlands fór fram á Egilsstöðum 26. maí sl. Atskákmeistari Austurlands varð Ólafur Guðmarsson, Reyðarfirði en hann hlaut 6 vinninga í 7 skákum. Annar varð Sverrir Gestsson, Egilsstöðum, með 5 vinninga og þriðji varð Viðar Jónsson, Stöðvarfirði, með 4 vinninga.

Heimasíða SAUST

Lokadagur í Ásgarði í dag

Æsir í Ásgarði  tefldu sitt síðasta skákmót á þessari vetrarskákvertíð í dag. Þeir enduðu með vorhraðskákmóti þar sem þrjátíu skák öðlingar mættu til leiks. Tefldar voru níu umferðir með 7 mínútna umhugsunartíma. Jóhann Örn Sigurjónsson vann það með glæsibrag, fékk 8½ vinning

Í öðru sæti varð Sæbjörn G Larsen með 7 vinninga. Síðan komu þrír jafnir með 6½ vinning. Það voru þeir Guðfinnur R Kjartansson, Ari Stefánsson og Björn V Þórðarson. Guðfinnur var með flest stig þannig að hann fékk bronsið.

Þá voru veitt verðlaun fyrir bestan árangur samanlagt á öllum skákdögum vetrarins. Guðfinnur R Kjartansson var þar langefstur með 188 vinninga í 250 tefldum skákum sem telst vera 75% vinningshlutfall. Guðfinnur er því Vetrarhrókur þessa skákvetrar, í verðlaun fékk hann gullpening og bikar. Vetrarhrókur nr. 2 varð Þorsteinn Guðlaugsson með 166½ vinning í 290 tefldum skákum sem er 57% vinningshlutfall.Vetrarhrókur nr 3 varð svo Valdimar Ásmundsson með 166 vinninga  í 280 skákum sem er 59 % vinningshlutfall. Fast á hæla þessum kom svo Haraldur Axel Sveinbjörnsson með 165½ vinning. Haraldur hefur verið Vetrarhrókur nr. 1 síðastliðin þrjú ár.

Við verðum svo í sumarfríi til þriðja september nk. þá byrjar dagskrá næsta vetrar.

Skákglöðum öldungum er bent á að Riddararnir fara ekkert í sumarfrí þeir tefla alla miðvikudaga  við Hafnarfjarðarkirkju og upplagt að skreppa þangað ef okkur klæjar í skákfingurna.

Myndaalbúm (ESE)

Úrslit dagsins

 

 

Skákir Íslandsmótsins í atskák

Ingvar Þór Jóhannesson annar skákskýrenda Íslandsmótsins í atskák hefur slegið inn skákirnar þrjár úr úrslitaeinvíginu um Íslandsmeistaratitilinn í atskák.

Eins og áður hefur komið fram, vann Arnar fyrstu skákina með svörtu, Davíð jafnaði metin með svörtu en svo vann Arnar bráðabanaskákina.

Útsending RÚV

 

[Event "Íslandsmót í atskák 2012"] [Site "Sjónvarpssalur RÚV"] [Date "2013.05.25"] [Round "1"] [White "Kjartansson, David"] [Black "Gunnarsson, Arnar"] [Result "0-1"] [Opening "Evans gambit: Stone-Ware variation"] [ECO "C51"] [NIC "IG.05"] [Time "02:36:26"] 1. e4 e5 2. Nf3 Nc6 3. Bc4 Bc5 4. b4 Bxb4 5. c3 Bd6 6. d4 Nf6 7. O-O O-O 8. Re1 h6 9. Nbd2 Re8 10. Bd5 Bf8 11. Qb3 Nxd5 12. exd5 Na5 13. Qa4 c6 14. dxc6 dxc6 15. dxe5 Bf5 16. Nd4 Bg6 17. N2f3 c5 18. Nb3 Nc6 19. Bf4 Qc8 20. Rad1 a6 21. Qc4 b5 22. Qe2 Bf5 23. Qe3 Nd8 24. Nbd2 Qe6 25. a3 Qa2 26. Nh4 Bh7 27. Ne4 Bxe4 28. Qxe4 Ne6 29. Bc1 Qb3 30. Rd3 Rad8 31. Rg3 Be7 32. Nf3 Qd5 33. Qf5 Qd3 34. Qh5 Qxc3 35. Be3 Bg5 36. h4 Bxe3 37. Rxe3 Rd1+ 38. Kh2 Qc1 39. Rg4 Kf8 40. Kg3 Qc2 41. Ne1 Qb1 42. Rf3 Re7 43. Rg6 Kg8 44. Rxe6 fxe6 {Black wins} 0-1

Íslandsmót Víkingaskákfélaga fer fram á morgun

Fjórða Íslandsmót Víkingaskákfélaga verður haldið í Víkinni Víkingsheimilinu þriðjudaginn 28. mai og hefst taflmennska kl. 19.30.  Þegar hafa nokkur lið skráð sig til leiks, en einnig er vonast eftir að Skákfélag Íslands og Fjölnir skrái sig til leiks.  Liðin verða skipuð þriggja manna sveitum auk varamanna og eru tímamörk 15. mínútur á skákina.  

Búist er við hörku barátu jafnra liða um sjálfan Íslandsmeistaratitilinn í Víkingaskák, en teflt verður um stóran farandbikar og eignarbikar auk þess sem veitt verða sérstök verðlaun fyrir árangur á hverju borði. Þeir sem ekki eru skráðir í lið geta komið og fengið að tefla með þeim liðum sem skráð eru til leiks.  Boðið er upp á veitingar á staðnum.  Áhugasamir sendi skráningu á gunnarrunarsson(hjá)gmail.com.

 Þau lið sem hafa skráð sig til leiks eru:

1. Víkingaklúbburinn (liðstjóri: Sigurður Ingason)
2. Forgjafarklúbburinn (liðstjóri: Halldór Ólafsson)
3. Skákfélag Vinjar (liðstjóri: Arnar Valgeirsson)
4. Guttormur Tutti (liðstjóri: Þorgeir Einarsson)

Skákstjóri verður Haraldur Baldursson.

Sigurvegarar frá upphafi:

2010:  Víkingaklúbburinn
2011:  Víkingaklúbburinn
2012;  Forgjafarklúbburinn
2013:  ?????