Skákmót öðlinga hefst 13. mars

Skákmót öðlinga 40 ára og eldri hefst miðvikudaginn 13. mars kl. 19.30 í félagsheimili T.R. að Faxafeni 12. Tefldar verða 7 umferðir eftir svissneska-kerfinu og er umhugsunartíminn 90 mínútur á alla skákina + 30 sekúndna viðbótartími á hvern leik.

Skákmót öðlinga verður nú haldið í 22. sinn. Sigurvegari á Skákmóti öðlinga 2012 var Þorvarður F. Ólafssonn.

Dagskrá:

• 1. umferð miðvikudag 13. mars kl. 19.30
• 2. umferð miðvikudag 20. mars kl. 19.30
• Hlé gert á mótinu vegna Páska
• 3. umferð miðvikudag 3. apríl kl. 19.30
• 4. umferð miðvikudag 10. apríl kl. 19.30
• 5. umferð miðvikudag 17. apríl kl. 19.30
• 6. umferð miðvikudag 24. apríl kl. 19.30
• 7. umferð miðvikudag 1. maí kl. 19.30

Mótinu lýkur miðvikudaginn 8. maí kl. 19:30 með hraðskákmóti og verðlaunaafhendingu. Keppt er um veglegan farandbikar,en auk hans eru verðlaun fyrir þrjú efstu sætin, bæði í aðalmótinu og hraðskákmótinu.

Þátttökugjald er kr. 4.000 fyrir aðalmótið og kr 500 fyrir hraðskákmótið. Innifalið er frítt kaffi allt mótið ásamt rjómavöfflum og öðru góðgæti á lokakvöldi.

Skráning fer fram á skráningarformi á heimasíðu T.R.

Doggers og Rogers vissu mest í Pöbb kviss

 

 

Eins og síðustu ár fóru nokkrir sérviðburðir fram meðfram Reykjavíkurskákmótinu. Á föstudagskvöldinu fór Pub-Quizið fram í fimmta sinn og eins og öll síðustu ár var Sigurbjörn Björnsson spyrill og höfundur spurninga. Fjölmargir skákmenn hjálpuðu til og sendu inn fáeinar spurningar sem nýttust Sigurbirni vel í sinni hugmyndavinnu.

 

 

Spurningarnar voru af ýmsum toga eins og má sjá hér að neðan. Um tíu pör tóku þátt. Peter Doggers og Ian Rogers, skákblaðamenn báðir, unnu nokkuð öruggan sigur með 26 stig af 30 mögulegum.

Spurningar og svör, sem eru birt með leyfi Sigurbjörns, fylgja með sem viðhengi.

Myndaalbúm (HJ)

Skrár tengdar þessari bloggfærslu:

• Pöbb kviss - spurningar og svör

Skákþáttur Morgunblaðsins: Friðrik með eftir tæplega 30 ára hlé

Þegar Friðrik Ólafsson settist andspænis yfirlækninum á barnaspítala Hringsins, Ólafi Gísla Jónssyni, í fyrstu umferð Reykjavíkurskákmótsins rifjaðist upp fyrir stálminnugum að Friðrik tefldi síðast á þessum vettvangi árið 1984 og hafði þá verið með á öllum Reykjavíkurskákmótunum, sem hófust árið 1964, að 1980 - útgáfunni slepptri.

Hann varð einn efstur árið 1966, deildi sigrinum með Hort og Gheorghiu árið 1972 og Timman árið 1976. Reykjavíkurmótunum var á sínum tíma ætlað að gefa íslenskum skákmeisturum ný tækifæri og þau hafa sem slík fyrir löngu sannað gildi sitt. Nú eiga menn allt eins von á því að fimmfaldur sigurvegari fyrri móta, Hannes Hlífar Stefánsson láti að sér kveða að nýju og Hjörvar Steinn Grétarsson, Þröstur Þórhallsson, Guðmundur Kjartansson og ýmsir fleiri eru til alls líklegir.

Á upphafsárunum var fyrirkomulagið alltaf lokað mót með 12-16 þátttakendur. Frá og með mótinu árið 1982 hafa þessi mót nær alltaf verið opin en með ákveðnum stigatakmörkunum. Engar slíkar takmarkanir eru lengur við lýði. Erlendu keppendunum fjölgar ár frá ári og margir koma aftur og aftur. Toppurinn er býsna harðsnúinn í ár með besta skákmann Hollendinga Anish Giri í broddi fylkingar.

Sú skák sem vakið hefur mesta athygli hingað til er tvímælalaust viðureign Friðriks Ólafssonar og David Navara. Skákin byrjaði ekki vel fyrir Friðrik; Navara gerði meira en að jafna taflið með svörtu og tefldi stíft til sigurs. Hann virtist ekki átta sig hversu baneitraður Friðrik getur verið í flóknum miðtaflsstöðum, hirti „eitraða" peðið á b2 og fékk á sig vendinguna 24. Be3. Skyndilega var biskup Friðriks kominn á hinn stórhættulegan h6-reit:

Friðrik Ólafsson - David Navara

Sikileyjarvörn

1. Rf3 g6 2. g3 Bg7 3. d4 c5 4. c3 Da5 5. Bg2 cxd4 6. Rxd4 Rf6 7. 0-0 0-0 8. e4

Það er ekki svo einfalt að flokka byrjun þessarar skákar en hér tekur staðan á sig svipmót Maroczy-afbrigðis Sikileyjarvarnar.

8.... d6 9. h3 Rc6 10. Be3 Hd8 11. c4 Bd7 12. Rd2 Hac8 13. a3 Rxd4 14. Bxd4 b5 15. Bc3 Da6 16. cxb5 Bxb5 17. He1 e5! 18. Hc1

Svartur hefur gert meira en að jafna taflið og hér var úr vöndu að ráða, 18. a4 Bd3 19. He3 leit þokkalega úr en svartur á 19. ... Bh6! með hugmyndinni 20. Hxd3 Dxd3 21. Bf1 Hxc3! 22. Bxd3 Hxd3 og riddarinn á d2 fellur.

18.... Rd7 19. Bf1 Rc5 20. Bb4 Bh6 21. Bxb5 Dxb5 22. De2 a6

Sjálfsagt var 22.... Dxe2 23. Hxe2 Rd3 eða 22.... Rd3 strax.

23. Bxc5 Dxb2??

Beinn afleikur. Svartur er með aðeins betra eftir 23.... dxc5 25. Hc2.

24. Be3!

Navara sást yfir þennan leik.

24.... Hxc1 25. Bxh6 Dxa3 26. Hxc1 Dxc1+ 27. Kg2 Dc6 28. Df3!

Þó að jafnvægi haldist í liðsafla er kóngsstaða svarts afar veik.

28.... f5?

Betra var 28.... d5.

29. Db3+ d5 30. Rf3! Db5 31. Dc3 d4 32. Dc7 Dd7

(Sjá stöðumynd.)

33. Dxe5?!

Friðrik bauð jafntefli um leið og hann lék sem Navara vitanlega þáði. Nákvæmasti leikur hvíts var 33. Dc4+! Df7 34. Dxa6 og vinnur, t.d. 34. .. fxe4 35. Rg5 o.s.frv. Friðrik átti um þrjár mínútur eftir til að ná 40 leiknum að viðbættum 30 sekúndum fyrir hvern leik. Hvítur á góða vinningsmöguleika í lokastöðunni, t.d. 33.... He8 34. Df6 fxe4 35. Rxd4 o.s.frv. eða 33.... fxe4 34. Dxe4.

Helgi Ólafsson

[e-mail]

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 24. febrúar 2013.

Skákþættir Morgunblaðsins

[Event "Reykjavik Open"] [Site "Reykjavik ISL"] [Date "2013.02.20"] [EventDate "2013.02.19"] [Round "3"] [Result "1/2-1/2"] [White "Fridrik Olafsson"] [Black "David Navara"] [ECO "A04"] [WhiteElo "2416"] [BlackElo "2710"] [PlyCount "65"] 1. Nf3 g6 2. g3 Bg7 3. d4 c5 4. c3 Qa5 5. Bg2 cxd4 6. Nxd4 Nf6 7. O-O O-O 8. e4 d6 9. h3 Nc6 10. Be3 Rd8 11. c4 Bd7 12. Nd2 Rac8 13. a3 Nxd4 14. Bxd4 b5 15. Bc3 Qa6 16. cxb5 Bxb5 17. Re1 e5 18. Rc1 Nd7 19. Bf1 Nc5 20. Bb4 Bh6 21. Bxb5 Qxb5 22. Qe2 a6 23. Bxc5 Qxb2 24. Be3 Rxc1 25. Bxh6 Qxa3 26. Rxc1 Qxc1+ 27. Kg2 Qc6 28. Qf3 f5 29. Qb3+ d5 30. Nf3 Qb5 31. Qc3 d4 32. Qc7 Qd7 33. Qxe5 1/2-1/2

Lokastaða Íslandsmóts skákfélaga

 

 

Eins og fram kom í gær varð Víkingaklúbburinn Íslandsmeistari skákfélaga. Sigurinn var nokkuð öruggur en sveitin fékk 3,5 vinningi meira en Taflfélag Reykjavíkur sem endaði í 2. sæti. Bolvíkingar meistarar síðustu fjögurra ára urðu að sætta sig við þriðja sætið. Skákfélag Akureyrar og b-sveit Bolvíkinga féllu nokkuð örugglega.

Í lokaumferðinni unnu Víkingar Akureyringa örugglega, TR lögðu b-sveit Bolvíkinga á meðan a-sveitin varð að sætta sig við 4-4 jafntefli þar sem Andri Áss Grétarsson gerði sér lítið fyrir og vann stigahæsta skákmann landsins Jóhann Hjartarson í 110 leikja skák. Hjörvar Steinn Grétarsson og Vladimir Baklan tefldu lengstu skák mótsins þegar Hjörvar hélt jafntefli með hrók á móti hróki og biskup.

Lokastaðan í efstu deild:

 

Rank	Team	Pts.	MP
1	Víkingaklúbburinn A	41½	11
2	Taflfélag Reykjavíkur A	38	12
3	Taflfélag Bolungarvíkur A	36½	12
4	Taflfélag Vestmannaeyja A	34½	7
5	Goðinn-Mátar A	25½	7
6	Hellir A	23	5
7	Skákfélag Akureyrar A	17	2
8	Taflfélag Bolungarvíkur B	8	0

 

 

 

B-sveit Goðans-Máta vann 2. deild og Skákdeild Fjölnis fylgir þeim upp í efstu deild eftir sigur á b-sveit Taflfélagi Reykjavíkur, sem hafnaði í 3. sæti í lokaumferðinni. Rétt er að geta þess að TR hefur kært Robert Ris í Fjölni á þeim forsendum að hann hafi verið ólöglegur með sveitinni. Mótsstjórn hefur ekki afgreitt málið. Verði kæra TR samþykkt gæti röð efstu liða breyst. Taflfélag Garðabæjar og b-sveit Hellis féllu niður í 3. deild.

Lokastaðan í 2. deild:

 

Rank	Team	Pts.	MP
1	Goðinn-Mátar B	27	11
2	Skákdeild Fjölnis A	26	11
3	Taflfélag Reykjavíkur B	24½	12
4	Skákdeild Hauka	22½	8
5	Taflfélaga Vestmannaeyja B	18½	5
6	Skákfélag Reykjanesbæjar A	18½	5
7	Taflfélag Garðabæjar A	15½	2
8	Taflfélagið Hellir B	15½	2

 

B-Víkingaklúbbsins vann 3. deild og Skákfélag Vinjar fylgir þeim upp í 2. deild. Taflfélag Akraness endaði í 3. sæti. B-sveit Taflélags Garðabæjar, C-sveit Taflfélag Vestmannaeyja og d-sveit Goðans-Máta féllu niður í 4. deild

 

 

Rank	Team	MP	Pts.
1	Víkingaklúbburinn B	13	31
2	Vinjar A	10	27
3	Taflfélag Akraness	10	24½
4	Skákfélag Íslands	9	20½
5	Taflfélag Reykjavíkur C	8	25
6	Taflfélagið Hellir C	8	25
7	Skáksamband Austurlands	8	23
8	Skákfélag Akureyrar B	8	21
9	KR A	7	23
10	Skákfélag Selfoss og nágrennis	7	22½
11	KR B	7	20
12	Goðinn-Mátar C	5	22
13	Sf. Sauðárkróks	4	17
14	Taflfélag Garðabæjar B	4	14
15	Taflfélag Vestmannaeyja C	4	13½
16	Goðinn - Mátar D	0	7

 

Briddfjelagið vann 4. deild en c-sveit Víkingaklúbbsins varð í öðru sæti og Ungmennasamband Borgarfjarðar í því þriðja. Þessi liða hafa öll áunnið sér rétt til að tefla í 3. deild að ári.

 

Nánari úrslit og mótstöflur (innsláttur einstaklingsúrslita væntanlegur síðar í dag)

Myndir frá verðlaunaafhendingu

Víkingaklúbburinn Íslandsmeistari skákfélaga

 

Víkingaklúbburinn hefur tryggt sér Íslandsmeistaratitilinn. Taflfélag Reykjavíkur lenti í 2. sæti og Bolvíkingar í því þriðja. Akureyringar og b-sveit Bolvíkinga falla.

Víkingaklúbburinn hefur þar með rofið fjögurra ára sigurgöngu Bolvíkinga en þetta er í fyrsta skipti sem Víkingaklúbburinn tekur þátt í efstu deild

 

B-sveit Goðans-Máta vann 2. deild og Skákdeild Fjölnis fylgir þeim upp í efstu deild.

B-Víkingaklúbbsins vann 3. deild og Skákfélag Vinjar fylgir þeim upp í 2. deild.

Briddfjelagið vann 4. deild en c-sveit Víkingaklúbbsins og UMSB fylgja þeim upp í 3. deild.

Nánari fréttir síðar.

Nánari úrslit og mótstöflur.

Myndir frá 7. umferð.

Íslandsmót skákfélaga: Rafmögnuð spenna í Hörpu fyrir síðustu umferð

Víkingaklúbburinn er efstur í 1. deild Íslandsmóts skákfélaga, þegar ein umferð er eftir, með 34 vinninga. Næstir koma ríkjandi Íslandsmeistarar Bolvíkinga með 32,5 og í þriðja sæti er Taflfélag Reykjavíkur með 31,5 vinning. Eyjamenn eru í fjórða sæti með 30,5 vinning.

Víkingarnir tefla við Skákfélag Akureyrar í síðustu umferð og Bolvíkingar við Hellismenn. Akureyringar eygja enn von um að bjarga sér frá falli, en þeir eru í næstneðsta sæti með 16,5 vinning en Hellismenn eru í þriðja neðsta sæti með 19 vinninga.

 

Í 2. deild berjast þrjú lið um tvo sæti í efstu deild. Taflfélag Reykjavíkur B hefur 23 vinninga, Goðinn-Mátar B 22 og Skákdeild Fjölnis 21,5. Í lokaumferðinni ber hæst toppslag Fjölnis og Taflfélags Reykjavíkur B. Kepppinautar þeirra í GM tefla við Garðbæinga í lokaumferðinni.

Í 3. deild hefur B-sveit Víkingaklúbbsins tryggt sér sigur, en fjögur lið berjast um að fylgja þeim upp  í 2. deild. Það eru Skákfélag Vinjar, Taflfélag Reykjavíkur C, Taflfélag Akraness og Skákfélag Akureyrar B. Þessi félög tefla innbyrðis í lokaumferðinni, Vin mætir TR, og Akurnesingar og Akureyringar takast á.

Í 4. deild eru Briddsfélagið og C-sveit Víkingaklúbbsins í efstu sætum en í 3. sæti er Taflfélag Reykjavíkur D.

Nánari úrslit og mótstöflur.

Myndir frá 6. umferð.

Víkingar efstir eftir fimmtu umferð - aðeins vinningur á milli þriggja efstu sveita

 

 

 

Víkingaklúbburinn náði forystu á Íslandsmóti skákfélaga með góðum, 6,5-1,5, sigri á Goðum-Mátum í fimmtu umferð sem fram fór í Hörpu í kvöld. Eyjamenn, sem gjörsigruðu b-sveit Bolvíkinga, 7,5-0,5, eru í öðru sæti hálfum vinningi á eftir Víkingum. Bolvíkingar, sem unnu Taflfélag Reykjavíkur 5-3, eru svo þriðju aðeins hálfum vinningi þar á eftir.

 

 

Það stefnir í gríðarlega baráttu í lokaumferðunum tveimur sem fram fara á morgun. Í sjöttu og næstsíðustu umferð mætast toppsveitirnar Víkingaklúbburinn og Eyjamenn en Bolvíkingar mæta Goðum-Mátum. Umferðin hefst kl. 11 og teflt er í Hörpu.

 

 

Margir sterkir skákmenn tefla í Hörpu og má þar nefna tvo af sigurvegurum N1 Reykjavíkurskámótsins þá Eljanov og Amir sem og nánast alla sterkustu skákmenn landsins.

Úrslit í 1. deild:

• Víkingaklúbburinn - Goðinn-Mátar 6,5-1,5
• Taflfélag Vestamanneyja - Taflfélag Bolungarvíkur, b-sveit 7,5-0,5
• Taflfélag Bolungarvíkur, a-sveit - Taflfélag Reykjavíkur 5-3
• Taflfélagið Hellir - Skákfélag Akureyrar 5-3

 Staðan í efstu deild:

1. Víkingaklúbburinn 28,5 v.
2. Taflfélag Vestmannaeyja 28 v.
3. Taflfélag Bolungarvíkur 27,5 v.
4. Taflfélag Reykjavíkur 24,5 v.
5. Goðinn-Mátar 18,5 v.
6. Taflfélagið Hellir 18 v.
7. Skákfélag Akureyrar 10 v.
8. Taflfélag Bolungarvíkur b-sveit 45 v.

Sjá nánar á Chess-Results. Einstaklingsúrslit í 5. umferð hafa ekki enn verið sleginn inn.

Staða efstu liða í 2. deild:

1. Taflfélag Reykjavíkur b-sveit 19,5 v. (10 stig)
2. Goðinn-Mátar b-sveit 19,5 v. (9 stig)
3. Taflfélag Vestmannaeyja b-sveit 15,5 v.

Sjá nánar á Chess-Results.

 Staða efstu liða í 3. deild

1. Víkingaklúbburinn b-sveit 9 stig
2. Skákfélag Vinjar 7 stig (20 v.)
3. Taflfélag Akraness 7 stig (17,5 v.)
4. Skákfélag Íslands 7 stig (16 v.)

Sjá nánar á Chess-Results.

Staða efstu liða í 4. deild

1. Briddsfjelagið 9 stig
2. Ungmennasamband Borgarfjarðar 7 stig (19,5 v.)
3. Víkingaklúbburinn c-sveit 7 stig (19,5 v.)

Sjá nánar á Chess-Results.

Myndaalbúm (HJ)

Spennan gríðarleg fyrir síðari hluta Íslandsmóts skákfélaga

Síðari hluti Íslandsmóts skákfélaga hefst í kvöld en nú er teflt í Hörpu. Gríðarleg barátta er um sigurinn á mótinu en fjögur lið berast um sigurinn. Það er Taflfélag Bolungarvíkur, Víkingaklúbburinn, Taflfélag Reykjavíkur og Taflfélag Vestmannaeyja en aðeins munar tveimur vinningum á efstu sveit og þeirri sem er í fjórða sæti.

Allar sveitirnar koma sterkar til leika með sterka erlenda meistara með sér í liði. Nánast allir sterkustu skákmenn landsins taka einnig þátt í mótinu og má þar nefna kappa Jóhann Hjartarson, stigahæsta skákmann landsins, Helga Ólafsson, Jón L. Árnason og Karl Þorsteins auk keppenda af N1 Reykjavíkurskákmótinu eins og t.d stórmeistarana Hannes Hlífar Stefánsson, Henrik Danielsen, Íslandsmeistarans Þröst Þórhallsson og sjálfan Friðrik Ólafsson. Efnilegasti skákmaður landsins, Hjörvar Steinn Grétarsson, teflir sem og tveir sigurvegarar N1 Reykjavíkurmótsins þeir Pavel Eljanov og Bassem Amir.

Í umferðinni í kvöld mætast meðal annars Taflfélag Bolungarvíkur og Taflfélag Reykjavíkur í viðureign sem gæti skipt sköpum.

Íslandsmót skákfélaga er skákhátíð. Þarna tefla, skákmenn alls staðar frá landinu, börn, heldri borgarar, ofurstórmeistarar og þeir sem hafa rétt lært mannganginn enda brúar skákin kynslóðabil.

Staðan í efstu deild:

• 1 Taflfélag Bolungarvíkur 22½ v.
• 2 Víkingaklúbburinn 22 v.
• 3 Taflfélag Reykjavíkur 21½ v.
• 4 Taflfélag Vestmannaeyja 20½ v.
• 5 Goðinn-Mátar 17 v.
• 6 Taflfélagið Hellir 13 v.
• 7 Skákfélag Akureyrar 7 v.
• 8 Taflfélag Bolungarvíkur b-sveit 4½ v.

Staða efstu liða í 2. deild:

• 1. Goðinn-Mátar b-veit 16 v.
• 2. Taflfélag Reykjavíkur b-sveit 15½ v.
• 3.-4. Skákdeild Fjölnis 13 v.
• 3.-4. Taflfélag Vestmannaeyja b-sveit 13 v.

 Staða efstu liða í 3. deild

• 1. Víkingaklúbburinn b-sveit 7 stig
• 2. Taflfélag Vinjar 6 stig (17 v.)
• 3. Taflfélag Akraness 6 stig (14½ v.)

Staða efstu liða í 4. deild

• 1. Briddsfjelagið 7 stig
• 2. Skákfélag Akureyrar c-sveit 6 stig (16½ v.)
• 3. Taflfélagið Hellir d-sveit 6 stig (15½ v.)

Vísað er á úttekt ritstjóra að loknum fyrri hluta mótsins um nánari stöðu mála.  Stöðu og einstök úrslit má finna á Chess-Results.

Ný alþjóðleg skákstig

Nú alþjóðleg skákstig eru komin út og eru miðuð við 1. mars.  Engar breytingar eru á stigahæstu mönnum landsins þar sem þeir tefldu ekkert á tímabilinu. Jóhann Hjartarson er stigahæstur, Héðinn Steingrímsson næststigahæstur og Helgi Ólafsson sá þriðji.

20 Stigahæstu skákmenn landsins:

No.	Name	Tit	mar.13	Gms	Cha
1	Hjartarson, Johann	GM	2592	0	0
2	Steingrimsson, Hedinn	GM	2558	0	0
3	Olafsson, Helgi	GM	2547	0	0
4	Petursson, Margeir	GM	2532	0	0
5	Gretarsson, Hjorvar Steinn	IM	2515	10	6
6	Stefansson, Hannes	GM	2509	18	13
7	Danielsen, Henrik	GM	2501	10	-6
8	Arnason, Jon L	GM	2498	0	0
9	Kristjansson, Stefan	GM	2491	17	5
10	Thorfinnsson, Bragi	IM	2484	0	0
11	Thorsteins, Karl	IM	2466	7	2
12	Gretarsson, Helgi Ass	GM	2464	0	0
13	Thorhallsson, Throstur	GM	2453	16	12
14	Gunnarsson, Arnar	IM	2440	0	0
15	Kjartansson, Gudmundur	IM	2440	20	10
16	Olafsson, Fridrik	GM	2412	9	-4
17	Gunnarsson, Jon Viktor	IM	2409	7	-4
18	Bjornsson, Sigurbjorn	FM	2401	7	10
19	Ulfarsson, Magnus Orn	FM	2386	0	0
20	Arngrimsson, Dagur	IM	2383	10	8

 

Listann í heild sinni má finna svo finna sem PDF-viðhengi.

Nýliðar

Fimm nýliðar eru á listanum. Þeirra stigahæstur er Rúnar Ísleifsson.

No.	Name	Tit	mar.13	Gms	Changes
1	Isleifsson, Runar		1857	10	1857
2	Hilmarsson, Andri Steinn		1657	17	1657
3	Hrafnsson, Hreinn		1491	10	1491
4	Magnusson, Thorsteinn		1337	11	1337
5	Bragason, Gudmundur Agnar		1329	14	1329

 

Mestu hækkanir

Símon Þórhallsson hækkar mest allra eða um 65 skákstig. Ungir skákmenn sem tóku þátt í N1 Reykjavíkurskákmótinu nánast einoka þennan lista, sem segir okkur mikið um mikilvægi þessa móts fyrir þennan hóp.

No.	Name	Tit	mar.13	Gms	Changes
1	Thorhallsson, Simon		1516	13	65
2	Hardarson, Jon Trausti		1909	15	56
3	Omarsson, Dadi		2259	17	47
4	Petersen, Jakob Alexander		1417	8	47
5	Ragnarsson, Dagur		2006	16	45
6	Thorsteinsdottir, Hallgerdur		2000	16	40
7	Thorgeirsson, Jon Kristinn		1804	19	38
8	Finnbogadottir, Tinna Kristin		1904	15	33
9	Kjartansson, Dagur		1654	10	31
10	Karlsson, Mikael Johann		2020	14	30
11	Jonsson, Gauti Pall		1549	8	30
	Kristinardottir, Elsa Maria		1774	14	27

 

Stigahæstu skákkonur landsins

Íslenskskar skákonur hækkar margar hverjar eftir góða frammistöðu á N1 Reykjavíkurskákmótinu og Fastus-mótinu.

No.	Name	Tit	mar.13	Gms	Changes
1	Ptacnikova, Lenka	WGM	2250	17	-19
2	Thorsteinsdottir, Gudlaug	WF	2042	9	1
3	Thorsteinsdottir, Hallgerdur		2000	16	40
4	Gretarsdottir, Lilja	WIM	1984	0	0
5	Finnbogadottir, Tinna Kristin		1904	15	33
6	Johannsdottir, Johanna Bjorg		1896	14	24
7	Birgisdottir, Ingibjorg		1781	8	-2
8	Kristinardottir, Elsa Maria		1774	14	27
9	Helgadottir, Sigridur Bjorg		1765	0	0
10	Fridthjofsdottir, Sigurl. Regina		1716	0	0

 

Stigahæstu ungmenni landsins (fædd 1993 og síðar)

Hér hækka ungmennin marghver á stigum eftir góða frammistöðu á N1 Reykjavíkurskákmótinu.

No.	Name	mar.13	Gms	B-day	Ch.
1	Gretarsson, Hjorvar Steinn	2515	10	1993	6
2	Karlsson, Mikael Johann	2020	14	1995	30
3	Ragnarsson, Dagur	2006	16	1997	45
4	Magnusson, Patrekur Maron	2003	0	1993	0
5	Sverrisson, Nokkvi	2002	16	1994	12
6	Johannesson, Oliver	1985	15	1998	-3
7	Johannsson, Orn Leo	1962	10	1994	9
8	Hardarson, Jon Trausti	1909	15	1997	56
9	Johannsdottir, Johanna Bjorg	1896	14	1993	24
10	Sigurdarson, Emil	1844	0	1996	0

 

Stigahæstu öðlingar landsins (fæddir 1953 og síðar)

No.	Name	mar.13	Gms	B-day	Ch.
1	Olafsson, Fridrik	2412	9	1935	-4
2	Karason, Askell O	2226	9	1953	-9
3	Viglundsson, Bjorgvin	2200	0	1946	0
4	Thorsteinsson, Bjorn	2196	7	1940	-13
5	Fridjonsson, Julius	2180	0	1950	0
6	Halldorsson, Bragi	2173	9	1949	-7
7	Gunnarsson, Gunnar K	2168	0	1933	0
8	Georgsson, Harvey	2163	0	1943	0
9	Thorvaldsson, Jon	2161	6	1949	9
10	Briem, Stefan	2149	0	1938	0

 

Reiknuð mót

·        N1 Reykjavíkurskákmótið

·        NM í skólaskák (a-e flokkar

·        Fastus-mótið – Gestamót Goðans

·        Skákþing Akureyrar

·        Skákþing Goðans (4.-6. umferð)

 

Skrár tengdar þessari bloggfærslu:

• Alþjóðleg skákstig 1. mars 2013