Bjarni, Kristján og Magnús héraðsmeistarar HSÞ í skák

Héraðsmót HSÞ í skák í flokki 16 ára og yngri var haldið í Litlulaugaskóla í Reykjadal í dag. Bjarni Jón Kristjánsson vann fimm af sex skákum og stóð uppi sem sigurvegari á mótinu og er því héraðsmeistari HSÞ í skák í flokki 13-16 ára (8-10 bekkur). Kristján Davíð Björnsson varð héraðsmeistari í flokki 9-12 ára (4-7 bekkur) með fjóra vinninga af 6 mögulegum og Magnús Máni Sigurgeirsson varð héraðsmeistari í flokki 8 ára og yngri (1-3 bekkur) með 3 vinninga af sex mögulegum.

Tefldar voru 6 umferðir eftir monrad-kerfi og var umhugsunartíminn 10 mín.     

 1       Bjarni Jón Kristjánsson              9 B    5      15.5    
 2-3   Jakub Piotr Statkiewicz              8 B     4.5   15.5    
 2-3   Eyþór Kári Ingólfsson                8 B     4.5   13.5    
 4-5   Kristján Davíð Björnsson           6 B     4      15.0    
 4-5   Jón Aðalsteinn Hermannsson     9  B    4      12.5    
 6-8   Björn Gunnar Jónsson               6 B     3      12.0    
 6-8   Ari Ingólfsson                           5 B     3      13.0    
 6-8   Magnús Máni Sigurgeirsson        3 B     3     10.5    
  9     Stefán Bogi Aðalsteinsson          6 B    2      11.5     
10-11 Hrólfur Jón Pétursson                4 B    1.5    10.5     
10-11 Hafþór Höskuldsson                   3 B    1.5    9.5     
 12     Valdemar Hermannsson             4 B    0      10.5

 Nánar á heimasíðu GM Hellis.

Rússar komnir með aðra hönd á heimsmeistaratitilinn

Rússar eru komnir á forystu á HM landsliða eftir sigur á Úkraínu í áttundu og næstsíðustu umferð sem fór í dag. Ian Nepomniachtchi (2721) vann Yuriy Kryvoruchko (2701) en öðrum skákum lauk með jafntefli. Rússar hafa 11 stig en Úkraínumenn og Kínverjar, sem unnu Þjóðverja, koma næstir með 10 stig.

Rússar fá Egypta í lokaumferðinni sem fram fer á morgun. Egyptar, sem töpuðu 0-4 fyrir Aserum í dag eru neðstir með ekkert stig. Það bendir því flest til fyrsta sigurs Rússa á stórmóti í opnum flokki síðan 2007!

Lokaumferðin hefst kl. 9 í fyrramálið.

• Heimasíða mótsins
• Beinar útsendinga

Friðriksmót Landsbankans - Íslandsmótið í hraðskák fer fram 14. desember

Friðriksmót Landsbankans - Íslandsmótið í hraðskák - fer fram í útibúi Landsbankans við Austurstræti 11 laugardaginn 14. desember nk. Mótið hefst kl. 13 og stendur til kl. 16.30.

Gera má ráð fyrir að flestir sterkustu skákmenn landsins taki þátt og efsti keppandi mótsins fær titilinn Íslandsmeistari í hraðskák. Skráning fer fram á Skák.is og hefst 6. desember nk. Skákmenn eru hvattir til að skrá sig sem fyrst enda takmarkast þátttaka við um 80 manns. Gildir þar lögmálið, fyrstir koma, fyrstir fá, en þó njóta stórmeistarar og alþjóðlegir meistarar forgangs varðandi þátttöku.

Þetta er tíunda árið í röð sem Landsbankinn og Skáksamband Íslands standa fyrir Friðriksmótinu í skák, en mótið er haldið til heiðurs Friðriki Ólafssyni, fyrsta stórmeistara Íslendinga. Margir af sterkustu stórmeisturum landsins hafa undanfarin ár teflt til heiðurs Friðriki.

Verðlaun fyrir efstu sæti eru eftirfarandi

1. 100.000 kr.
2. 60.000 kr.
3. 50.000 kr.
4. 30.000 kr.
5. 20.000 kr.

Aðalverðlaun skiptast séu menn jafnir að vinningum.  

Aukaverðlaun

• Efsti unglingurinn 16 ára og yngri: 10.000 kr.
• Efsta konan: 10.000 kr.
• Efsti maður með 2.200 stig og minna: 10.000 kr.
• Efsti maður með 2.000 stig og minna: 10.000 kr.
• Útdreginn heppinn keppandi: 10.000 kr.

Aukaverðlaun eru miðað við nýjustu útgefin íslensk skákstig. Reiknuð eru stig séu menn jafnir og efstir. 

Fyrri sigurvegarar

• 2012 - Bragi Þorfinnsson, Hjörvar Steinn Grétarsson og Jón Viktor Gunnarsson
• 2011 - Henrik Danielsen
• 2010 - Jón Viktor Gunnarsson og Þröstur Þórhallsson
• 2009 - Héðinn Steingrímsson
• 2008 - Helgi Ólafsson
• 2007 - Héðinn Steingrímsson
• 2006 - Helgi Áss Grétarsson
• 2005 - Jón Viktor Gunnarsson og Arnar E. Gunnarsson
• 2004 - Jóhann Hjartarson og Stefán Kristjánsson

Atskákmót Icelandair í sveitakeppni 2013

Ákveðið hefur verið að prófa að hafa mótið í ár eins dags mót á laugardeginum 28. desember. Umferðarfjöldi verður aðlagaður að fjölda liða en áfram er stefnt að taflmennsku á milli 13:00-18:00. Þátttökugjöld og verðlaun haldast óbreytt. Liðsmenn sem eru í aðalliði og eru yngri en 17 ára fá 2.000 kr. afslátt. Einnig fá lið sem eru undir 8.000 stigum 50% afslátt.

Upprunalega tilkynningin:

http://skak.blog.is/blog/skak/entry/1330320/

Skráning:

https://docs.google.com/spreadsheet/viewform?formkey=dExTTC1USUZ4ZE80c2IyQlVuRnlvWGc6MA#gid=0

Hér má sjá skráð lið:

https://docs.google.com/spreadsheet/ccc?key=0AlPhlk91SGoPdExTTC1USUZ4ZE80c2IyQlVuRnlvWGc#gid=0

Markaðstorg skákmanna:

https://docs.google.com/spreadsheet/ccc?key=0AlPhlk91SGoPdGZPeTJBZ1Y2emo2ekZaZDBWcEJwRlE&hl=en#gid=0

Birkir Már hraðskákmeistari Skákfélags Sauðárkróks

Birkir Már Magnússon kom sá og sigraði á meistaramóti Skákfélags Sauðárkróks í hraðskák sem fram fór í gær. Birkir hlaut 8½ vinning af 10 mögulegum. Í öðru sæti varð Unnar Ingvarsson með 7 vinninga og í því þriðja Guðmundur Gunnarsson með 6 vinninga í þriðja sæti.

Samkvæmt æfingaáætlun verður tefld löng skák næsta þriðjudag með umhugsunartímann 1½ klst. á mann. Í janúar hefst svo Atskákmót Sauðárkróks og fyrirhugað er að halda meistaramót í febrúar þar sem tefldar verða langar skákir.

HM-kvöld F3-klúbbsins á morgun

F3-klúbburinn - vildarvinir skákarinnar tekur formlega til starfa fimmtudagskvöldið 5. desember en þá verður stofnfundur klúbbsins og klúbbskírteini afhend. Þá verður jafnframt fyrsti viðburður klúbbsins sem ber nafnið HM-kvöld. Helgi Ólafsson fer yfir hápunkta HM-einvígisins á milli Carlsen og Anand.  

Bóksala Sigurbjörns verður með bókatilboð á völdum skákbókum auk þess sem Bobbý Skákverslun mun kynna skákklukkur og taflsett. Tilvalið í jólapakka skákmannsins!

HM-kvöldið stendur yfir á milli kl. 20-22. Léttar veitingar verða í boði. 

HM-kvöldið er opið fyrir alla meðlimi F3-klúbbsins. Allar upplýsingar um klúbbinn má nálgast hér.

Sérstakur gestur kvöldsins og heiðursfélagi í klúbbnum verður fyrsti stórmeistari Íslendinga, Friðrik Ólafsson. Hann einn þeirra sem þriggja sem klúbburinn er kenndur við en hinir eru Williard Fiske og BobbyFischer. 

Skákáhugamenn eru hvattir til að ganga í klúbbinn og styðja um leið við skákíþróttina.

Skráning í klúbbinn fer fram hér og einnig efst á Skák.is

Eitt fyrsta verkefni klúbbsins verður að styðja við endurnýjun á skákmunum Skáksambandsins sem þarfnast endurnýjunar.  

 

Hannes í banastuði í Kosta Ríka

Hannes Hlífar Stefásson (2544) náði afar góðum árangri í úrvalsdeild Deildakeppninnar í Kosta Ríka sem lauk í gærkveldi. Hannes, sem tefldi á öðru borði fyrir klúbbinn Megasuper, hlaut 8½ í 9 skákum!

Guðmundur Kjartansson (2453) tók einnig þátt en hann tefldi á fyrsta borði fyrir klúbbinn PasionAjedrez.com. Guðmundur hlaut 5½ vinning í 9 skákum.

Árangur Hannesar samsvaraaði 2579 skákstigum og hækkar hann um 7 skákstig fyrir hana. Hannes hefur því endurheimt stöðu sína sem næststigahæsti skákmaður landsins á eftir Jóhanni Hjartarsyni eftir nokkuð hlé.

Árangur Guðmundar samsvaraði 2340 skákstigum og lækkar hann um 9 skákstig fyrir hana.

Þeir félagar taka þátt í lokuðu 10 manna alþjóðlegu skákmóti í Kosta Ríka sem hefst 10. desember nk.

• Heimasíða mótsins
• Chess-Results

 

Jólaskákmót TR og Skóla- og frístundasviðs Reykjavíkur 2013 - Rimaskóli vann þrjá af fjórum flokkum

Í gær lauk keppni á mjög vel heppnuðu Jólaskákmóti Taflfélags Reykjavíkur og Skóla og frístundasviðs Reykjavíkurborgar.  Keppnisrétt á mótinu hafa allir grunnskólar Reykjavíkur og gátu þeir sent 4. manna sveitir til keppni.  Þetta var í 31. sinn sem mótið fer fram en samkvæmt venju var keppt í tveimur aldursflokkum, 1.-7. og 8.-10. bekk.  Skólar gátu skráð bæði blönduð lið stráka og stúlkna, en einnig var hægt að senda lið eingöngu skipuð stúlkum til keppni.  Alls tóku 44 sveitir þátt að þessu sinni sem er nýtt met og ber því gróskumiklu skákstarfi sem fram fer í skólum borgarinnar og úti í taflfélögunum fagurt vitni.  Fjórar stúlknasveitir mættu nú til leiks sem verður að teljast afar jákvætt, en í fyrra tók einungis ein stúlknasveit þátt.  Keppnin fór líkt og undanfarin ár fram  í skákhöll Taflfélags Reykjavíkur í Faxafeni 12 og sem fyrr var hinn órjúfanlegi hluti þessa móts, Birnukaffi opið.  Enda veitir ekki af að geta gengið í kökur, vöfflur og annað góðgæti til hlaða batteríin á Jólamótinu!

Yngri flokkur sunnudaginn 1. desember

Keppni hófst á sunnudaginn í yngri flokki og alls voru þar 36 sveitir skráðar til leiks frá yfir 20 skólum borgarinnar.  Í ár var fyrirkomulagi keppninnar í yngri flokki breytt töluvert til að auðvelda utanumhald og tryggja að hún tæki ekki of langan tíma fyrir börnin.  Skólunum var skipt í tvo riðla, norður og suður og hófst keppni í fyrri riðlinum um morguninn kl. 10.30.  Að honum loknum hófst svo keppni í seinni riðlinum kl. 14.00.  Tvö efstu lið úr hvorum riðli mættust svo í úrslitum á mánudeginum samhliða keppni í eldri flokki.   Öll úrslit og pörun voru nú tölvuvædd sem gerði það að verkum að nánast engin bið var milli umferða og keppnin gékk hratt og örugglega fyrir sig.  Mikil almenn ánægja var með þetta nýja fyrirkomulag, bæði meðal skólastjórnenda sem og skákforeldra.

Í fyrri riðlinum um morguninn kepptu 14 sveitir.   Í mörgum sveitum voru krakkar að keppa á sínu fyrsta skákmóti en öll stóðu þau sig með prýði og með flestar reglur á hreinu!  Fjölmargir foreldrar fylgdu börnum sínum og skemmtu sér konunglega við að fylgjast með spennandi skákum ungviðsins.   Í keppninni tók  A sveit Ölduselsskóla fljótlega forystu og sýndi svo mikla yfirburði með því að vinna allar skákir sínar, 24 að tölu!  Sveitin var skipuð mjög ungum strákum sem sannarlega eiga framtíðina fyrir sér við skákborðið.  Í öðru sæti hafnaði nokkuð óvænt B sveit Fossvogsskóla eftir harða baráttu við Melaskóla og A sveit Fossvogsskóla.  Sveitin var líkt og A sveit Ölduselsskóla skipuð ungum strákum og eflaust hefur þeim ekki leiðst það mikið að verða fyrir ofan A sveitina sína!  Melaskóli hafnaði svo á endanum í þriðja sæti hálfum vinning fyrir ofan A sveit Fossvogsskóla. Ölduselsskóli mætti með flestar sveitir í þennan riðil, eða alls þrjár.

Þrjár efstu sveitirnar fengu verðlaunapeninga og skákhefti úr smiðju formanns Taflfélags Reykjavíkur, Björns Jónssonar.  Þá unnu tvær efstu sveitirnar sér þátttökurétt í úrslitum daginn eftir.  En það fór enginn tómhentur heim.  Allir skólarnir  fengu viðurkenningarskjal fyrir þátttökuna og liðsmenn sveita þeirra fengu svo skákhefti að gjöf.

Lokastaðan í suður riðli varð þessi:

  1   Ölduselsskóli A                  24     

  2   Fossvogsskóli B                  15.5    

  3   Melaskóli                        14.5   

  4   Fossvogsskóli A                  14     

  5   Ölduselsskóli B                  13     

  6   Breiðagerðisskóli                12      

  7   Árbæjarskóli A                   11.5   

  8   Hlíðaskóli                       11      

9-10  Grandaskóli                      10.5   

      Breiðholtsskóli B                10.5  

11-12 Klébergsskóli                    8.5    

      Breiðholtsskóli A                8.5    

 13   Árbæjarskóli B                   7.5    

 14   Ölduselsskóli C                  6      

Það voru svo 22 sveitir sem mættu til leiks seinnipartinn og þar af tvær öflugar stúlknasveitir.  Eins og í hinum riðlinum þá var ein sveit sem skar sig fljótlega frá hinum og sigraði riðilinn af öryggi með 21 vinning af 24.  Það var A sveit Rimaskóla og kom fáum á óvart enda hefur skólinn verið dæmalaust sigursæll á þessu móti undanfarin ár.  Sveitin þurfti þó að sætta sig við jafntefli 2-2 gegn öflugri sveit Kelduskóla sem hafnaði að lokum í öðru sæti.  A sveit Ingunnarskóla hafnaði svo í þriðja sæti eftir harða baráttu við B sveit Rimaskóla.  Þessir tveir skólar, Ingunnarskóli og Rimaskóli mættu báðir með fjórar sveitir til leiks og þar af eina stúlknasveit.  Í þeim flokki var það sveit Rimaskóla sem sigraði og var reyndar í hópi efstu sveita á mótinu, endaði í sjötta sæti með 14 vinninga.

Eins og i fyrri riðlinum voru allir leystir út með viðurkenningu fyrir þátttökuna.

Lokastaðan í norður riðli varð þessi:

  1   Rimaskóli A,                       21   

  2   Kelduskóli A,                      17.5     

  3   Ingunnarskóli A,                   15.5    

  4   Rimaskóli B,                       15      

  5   Landakotsskóli,                    14.5    

  6   Rimaskóli (S),                     14      

  7   Sæmundarskóli A,                   13.5    

 8-9  Sæmundarskóli B,                   13       

      Háteigsskóli,                      13      

 10   Laugalækjaskóli,                   12.5    

11-12 Rimaskóli C,                       12      

      Austurbæjarskóli A,                12      

13-14 Foldaskóli,                        11.5     

      Vogaskóli,                         11.5   

15-17 Ingunnarskóli C,                   11     

      Ingunnarskóli B,                   11     

      Ingunnarskóli (S),                 11     

 18   Dalskóli,                          10      

 19   Austurbæjarskóli B,                9      

 20   Húsaskóli A,                       6.5   

21-22 Háaleitisskóli,                    4.5     

      Húsaskóli B,                       4.5   

 

Úrslitkeppni yngri flokks mánudaginn 2. desember

Sveitirnar fjórar sem unnu sér þátttökurétt í úrslitakeppni yngri flokks mættust svo innbyrðis kl. 17.00 daginn eftir samhliða keppni í eldri flokki.  Fyrirfram var búist við mjög spennandi keppni, enda allar sveitirnar líklegar til sigurs. Ölduselsskóli hafði unnið riðilinn sinn með fullu húsi og styrkur Rimaskóla var augljós. En engum datt í hug að afskrifa Kelduskóla eftir að hafa gert jafntefli við Rimaskóla í riðlakeppninni eða þá spútnik sveit Fossvogsskóla.  

Keppnin reyndist líka afar jöfn þar sem þrjár sveitir börðust um sigurinn.  Að lokum hafði Rimaskóli nauman sigur.  Hlaut sveitin 8.5 vinninga af 12 mögulegum og varð hálfum vinningi á undan sveit Ölduselsskóla. 

Sveit Kelduskóla sem aftur gerði jafntefli við sveit Rimaskóla í úrslitunum varð síðan í þriðja sæti með 7.5 vinninga.  Sveit Fossvogsskóla náði sér hinsvegar ekki á strik að þessu sinni og hafnaði í fjórða sæti.

Sigursveit Rimaskóla skipuðu Nansý Davíðsdóttir, Kristófer Halldór Kjartansson, Joshua Daviðsson og Mikael Maron Torfason. Liðsstjóri sveitarinnar var stórmeistarinn nýbakaði, Hjörvar Steinn Grétarsson.  Silfursveit Ölduselsskóla skipuðu Mykhaylo Kravchuk, Óskar Víkingur Davíðsson, Brynjar Haraldsson og Stefán Orri Davíðsson. Liðsstjóri var Guðmundur Daðason. Í bronssveit Kelduskóla voru þeir Hilmir Hrafnsson, Sigurður Bjarki Blumenstein, Sigurjón Daði Harðarson og Andri Gylfason. Liðsstjóri sveitarinnar var Hrafn Loftsson.

Lokastaðan:

  1   Rimaskóli A                    8.5   

  2   Ölduselsskóli A                8       

  3   Kelduskóli                     7.5      

  4   Fossvogsskóli B                0   

 

Eldri flokkur 2. desember

Á sama tíma og úrslitin í yngri flokk fóru fram hófst keppni í eldri flokki.  Átta sveitir voru mættar til leiks, þar af tvær stúlknasveitir. Sveit Rimaskóla tók fljótt forystu í opna flokknum og hélt henni örugglega til enda.  Fyrir sveitinni fór einn alefnilegasti skákmaður landsins Oliver Aron Jóhannesson en aðrir sem tefldu fyrir hana voru þeir Jóhann Arnar Finnsson, Kristófer Jóel Jóhannsson, Viktor Ásbjörnsson og Mikolaj Oskar Chojecki.  Liðsstjóri var Helgi Árnason.   Mun meiri barátta var um annað sætið en ekki síður milli stúlknasveitanna tveggja um sigur í stúlknaflokki.  Í opna flokknum náði Árbæjarskóli öðru sætinu og Háaleitisskóli sem sendi tvær sveitir til leiks náði þriðja sætinu. 

Úrslitin í stúlknaflokki réðust ekki fyrr en í síðustu skák mótsins!  Þar þurfti sveit Austurbæjarskóla nauðsynlega á vinning að halda í viðureign sinni gegn sveit Árbæjarskóla.  Það gékk ekki eftir þrátt fyrir miklar sviptingar og stúlknasveit Breiðholtsskóla fagnaði sigri í flokknum.

Lokastaðan í eldri flokki:

  1   Rimaskóli,                          20    

  2   Árbæjarskóli,                       17.5   

  3   Háaleitisskóli A,                   15     

  4   Hagaskóli,                          13      

 5-6  Hólabrekkuskóli,                    12.5   

      Háaleitisskóli B,                   12.5    

  7   Breiðholtsskóli (s),                3        

  8   Austurbæjarskóli,                   2.5    

 

Myndaalbúm (BJ)

Sveinn Ingi Íslandsmeistari í Víkingaskák

Hörkuspennandi Íslandsmóti í Víkingaskák lauk miðvikudagskvöldið 27. nóvember í húsnæði Knattspyrnufélagsins Víkings í Víkinni.  Í fyrsta skipti í sögu klúbbsins var mótinu tvískipt, því í landsliðsflokki tefldu þeir sem voru með Víkingaskákstig, en í Áskorendaflokki tefldu svo nýliðar og stigalausir. 

Landsliðsflokkur

Hörkubarátta átta Víkinga var mjög spennandi.  Tefldar voru 7. umferðir með 15. mínútna umhugsunartíma. Baráttan snérist fljótlega upp í einvígi milli þriggja manna, þeirra Sveins Inga, Inga Tandra og Gunnars Freys. Gunnar og Sveinn tefldu svo hreina úrslita skák í síðustu umferð, sem endaði með sigri Sveins Inga, sem endurheimti aftur Íslandsmeistaratitil sinn frá árinu 2010.  Sveinn Ingi sannaði þar með mikla yfirburði sína í Víkingaskákinni hin síðustu ár.  Ingi Tandri Traustason endaði í 2. sæti, en hefði náð Gunnari og Sveini í síðustu umferð, ef Gunnar hefði náð jafntefli.  Gunnar Freyr endaði svo mótið í þriðja sæti.  Arnar Valgeirsson sýndi mikla seiglu á mótinu og náði óvænt fjórða sæti.  Hinn leikreyndi Halldór Ólafsson, sem beitir jafnan hinum flugbeitta Halldórsgambít hafnaði svo óvænt í Jumbósætinu að þessu sinni.

Landsliðsflokkur úrslit:

* 1 Sveinn Ingi Sveinsson 6.o
* 2 Ingi Tandri Traustason   5.5
* 3 Gunnar Fr. Rúnarsson 5.0
* 4 Arnar Valgeirsson 3.0
* 5 Sigurður Ingason 2.5
* 6 Stefán Sigurjónsson 2.5
* 7 Jón Birgir Einarsson 2.0
* 8 Halldór Ólafsson 1.5

Áskorendaflokkur

Í fyrsta skipti var nú teflt í Áskorendaflokki (B-flokki) í Víkingaskák.  Tefldar voru 6. umferðir með 15. mínútna umhugsunartíma (tvöföld umferð, allir við alla).  Hinar bráðefnilegu skákkonur úr Skákklúbbnum Ó.S.K tóku nú í fyrsta skipti þátt í Víkingaskákmóti síðan 2010.  Áskorendaflokkurinn var því jafnframt Íslandsmeistaramót kvenna í Víkingaskák, en Hörður Garðarsson tók einnig þátt í mótinu.  Keppnin í Áskorendaflokki snérist fljótlega upp í einvíg milli Guðrúnar Ástu Guðmundsdóttir og Erlu Margrétar Gunnarsdóttir.  Hörkueinvígi varð á milli þeirra, en þær voru jafnar fyrir síðustu umferð, en Ásrún Bjarnadóttir náð þá að máta Erlu, meðan Guðrún náði að máta Hörð Garðarsson.  Guðrún er því Íslandsmeistari kvenna í Víkingaskák og jafnframt Íslandsmeistari í Áskorendaflokki.  Erla Margrét lenti í öðru sæti á sínu fyrsta Víkingaskákmót og sýndi frábær tilþrif.  Ásrún Bjarnadóttir sem lenti í þriðja sæti átti einnig frábæra spretti, en hún mátaði Erlu með glæsilegum hætti í síðustu umferð, sjá mynd hér fyrir neðan.  Hörður Garðarsson náði sér ekki á strik á mótinu að þessu sinni, en hann er að koma til baka í Víkingaskákina eftir nokkra ára hlé.  Eyjólfur Ármannsson mætti á mótið og var með sölubás, sem setti skemmtilegan svip á mótið. 

Áskorendaflokkur úrslit:

* 1 Guðrún Ásta Guðmundsdóttir 5.o v
* 2 Erla Margrét Gunnarsdóttir   4.0
* 3 Ásrún Bjarnadóttir 3.0
* 4 Hörður Garðarsson 0.0

HM landsliða: Úkraínumenn efstir - Rússar á sigurbraut

Úkraínumenn unnu Egypta með minnsta mun í sjöundu umferð HM landsliða sem fram fór í Antalya í Tyrklandi í dag. Á sama tíma tóku Rússar Hollendinga í nefið 3½-½ og hafa nú unnið fimm viðureignir í röð. Nálgast toppsætið eftir slaka byrjun.

Úkraínumenn eru efstir með 12 stig og Rússar aðrir með 11 stig. Þessar þjóðir mætast í áttundu og næstsíðustu umferð sem fram fer á morgun. Sigur færir Rússum efsta sætið fyrir lokaumferðina. Kínverjar eru þriðju með 10 stig.

• Heimasíða mótsins
• Beinar útsendingar (hefjast almennt kl. 13)