Kosta Ríka: Hannes með 7½ vinning í 8skákum!

Hannes Hlífar Stefásson (2544) hefur náð afar góðum árangri í úrvalsdeild Deildakeppninnar í Kosta Ríka. Hannes sem teflir á öðru borði fyrir klúbbinn Megasuper hefur 7½ vinning í 8 skákum! Lokaumferðin fer fram í kvöld.

Það er aðeins danski stórmeistarinn Allan Stig Rasmussen (2486) sem hefur náð jafntefli gegn Hannesi. Guðmundur Kjartansson (2453) tekur einnig þátt en hann teflir á fyrsta borði fyrir klúbbinn PasionAjedrez.com. Guðmundur hefur 4½ vinning.

Árangur Hannesar samsvarar 2562 skákstigum og hækkar hann um 5 skákstig fyrir hana. Hannes hefur eins og er endurheimt stöðu sína sem næststigahæsti skákmaður landsins á eftir Jóhanni Hjartarsyni eftir nokkuð hlé.

Árangur Guðmundar samsvarar 2339 skákstigum og lækkar hann um 10 skákstig fyrir hana.

Þeir félagar taka þátt í lokuðu 10 manna alþjóðlegu skákmóti í Kosta Ríka sem hefst 10. desember nk.

• Heimasíða mótsins
• Chess-Results

 

Færeyingar smáþjóðameistarar

Frændur og vinir Færeyingar sigruðu fyrir skemmstu á keppni smáþjóða í skák. Keppnin fór fram í Mónakó. Færeyingar hlutu fullt hús stiga, 18 af 18 mögulegum. Andorra varð í öðru sæti og Mónakó í því þriðja. Allir meðlimir Færeyinga fengu svo borðaverðlaun en veitt voru þrenn slík á öllum borðum.

Lið Færeyinga skipuðu:

1. IM Helgi Dam Ziska (2484) 6 v. af 8
2. IM John Arni Nilssen (2366) 6 v. af 8
3. IM John Rodgaard (2366) 5½ v. af 7
4. FM Olaf Berg (2304) 6½ v. 7
5. Hogni Egilstoft Nielsen (2102) 5½ v. af 6

• Heimasíða mótsins
• Chess-Results

 

 

Nökkvi sigraði á Skákþingi Vestmannaeyja

Nökkvi Sverrisson (2064) sigraði á Skákþingi Vestmannaeyja sem lauk fyrir skemmstu. Nökkvi hlaut 5½ vinning í 7 skákum. Annar varð sjálfur formaðurinn, Ægir Páll Friðbertsson (2134) en hann hlaut 4½ vinning. Þriðji varð Sigurjón Þorkelsson (2035) með 4 vinninga.

• Heimasíða TV
• Chess-Results

Vignir sigraði á hraðkvöldi Hellis

Vignir Vatnar Stefánsson sigraði öruggleg með fullu húsi eða 7 vinningum í jafn mörgum skákum á hraðkvöldi GM Hellis sem fram fór 2. desember. Annar var sigurvegari síðasta hraðkvölds Stefán Bergsson með 5 vinninga. Jöfn í 3.-4. sæti með 4,5 vinning voru Sverrir Sigurðsson og Elsa María Kristínardótir en þau voru einnig jöfn á stigum, svo það var ekki ekki hægt að sker úr á milli þeirra hvort þeirra hlaut þriðja sætið. 

Vignir Vatnar Stefánsson dró svo í lok hraðkvöldsins Sverrir Sigurðsson í happdrættinu og fengu þeir báðir gjafamiða á Saffran. Þetta var í annað sinn í röð sem Sverrir er dreginn út svo hann getur boðið eihverjum með sér á Saffran.

Það verður nú gert hlé á þessum skákkvöldum fram yfir jól en næst viðburður í félagsheimili GM Hellis í Álfabakka 14a verður mánudaginn 30. desember kl. 20 og þá verður jólabikarmót GM Hellis.

Lokastaðan á hraðkvöldinu:

Röð	Nafn	Vinn.	TB1	TB2	TB3
1	Vignir Vatnar Stefánsson	7	21	0	7
2	Stefán Bergsson	5	14	0	5
3	Sverrir Sigurðsson	4,5	9,3	0,5	4
	Elsa María Kristínardóttir	4,5	9,3	0,5	4
5	Ólafur Guðmarsson	3	4	0	3
6	Vigfús Vigfússon	2	5	0	2
7	Gunnar Nikulásson	2	2	0	2
8	Björgvin Kristbergsson	0	0	0	0

Róbert Lagerman FIDE-þjálfari

Róbert Lagerman var fyrir skemmstu útnefndur FIDE-þjálfari (FIDE-trainer). Þá útefningu fékk Róbert eftir að hafa sótt námskeið í Budva í Svartfjallalandi og staðist próf. 

Róbert er aðeins fjórði einstaklingur sem hefur slíkt próf frá FIDE en það eru auk hann Helgi Ólafsson, Héðinn Steingrímsson og Lenka Ptácníková.

 

Ný islensk skákstig

Ný íslensk skákstig komu út í gær. Jóhann Hjartarson (2614) er fyrr stigahæstur allra. Björn Grétar Stefánsson (1527) er stigahæstur nýliða. Björn Hólm Birkisson (219) hækkar mest frá september-listanum.

Topp 20

Nr.	Name	RtgC	Diff	Cat	Tit
1	Jóhann Hjartarson	2614	-4	-	GM
2	Hannes H Stefánsson	2594	2	-	GM
3	Margeir Pétursson	2589	0	-	GM
4	Héðinn Steingrímsson	2545	0	-	GM
5	Helgi Ólafsson	2541	2	-	GM
6	Henrik Danielsen	2515	0	-	GM
7	Jón Loftur Árnason	2512	-3	-	GM
8	Helgi Áss Grétarsson	2492	-5	-	GM
9	Stefán Kristjánsson	2481	-3	-	GM
10	Hjörvar Steinn Grétarsson	2475	-6	U20	IM
11	Friðrik Ólafsson	2474	0	SEN	GM
12	Karl Þorsteins	2455	-11	-	IM
13	Þröstur Þórhallsson	2440	-5	-	GM
14	Bragi Þorfinnsson	2429	-27	-	IM
15	Jón Viktor Gunnarsson	2413	1	-	IM
16	Dagur Arngrímsson	2402	8	-	IM
17	Arnar Gunnarsson	2398	-7	-	IM
18	Guðmundur Kjartansson	2391	21	-	IM
19	Björn Þorfinnsson	2389	-3	-	IM
20	Magnús Örn Úlfarsson	2368	-11	-	FM

Nýliðar

 

 

1	Björn Grétar Stefánsson	1527	-	5
2	Þorlákur Ragnar Sveinsson	1229	-	7
3	Bragi Þór Thoroddsen	1149	-	8
4	Tryggvi K Þrastarson	1130	-	8
5	Bjarni Jón Kristjánsson	1061	U14	9
6	Ágúst Unnar Kristinsson	1000	U12	10
7	Benedikt Árni Björnsson	1000	U12	11
8	Halldór Atli Kristjánsson	1000	U10	15
9	Róbert Luu	1000	U08	8

 
Mestu hækkanir

 

Nr.	Name	RtgC	Diff	Cat
1	Björn Hólm Birkisson	1450	219	U14
2	Guðmundur Agnar Bragason	1326	136	U12
3	Oliver Aron Jóhannesson	2146	133	U16
4	Jón Trausti Harðarson	2072	121	U16
5	Óskar Víkingur Davíðsson	1185	91	U08
6	Logi Rúnar Jónsson	1447	83	U18
7	Dawid Kolka	1716	78	U14
8	Birkir Karl Sigurðsson	1714	66	U18
9	Hilmir Hrafnsson	1308	63	U12
10	Mykhaylo Kravchuk	1293	61	U10

 

Skákskóli Íslands í Fischersetri

Tíu vikna námskeiði Skákskóla Íslands og SSON í Fischersetri fyrir grunnskólabörn lauk sl. laugardag. Vel tókst til í alla staði og er vilji fyrir því að halda annað námskeið í byrjun næsta árs. Helgi Ólafsson sá um framkvæmd  námskeiðsins með aðstoð Björgvins Smára formanns SSON. Björn Ívar Karlsson og Björn Þorfinnsson komu einnig, eitt skipti hvor,  sem gestakennarar.

Lokadaginn var teflt af krafti og var boðið uppá heitt súkkulaði og kleinur. Þátttakendur fengu síðan allir viðurkenningaskjal og skákbók að gjöf.

Ekki var að heyra annað en að bæði foreldrar og börn hafi verið hæstánægð með framtakið. Stjórn Fischerseturs og SSON þakka Helga fyrir ánægjulegt samstarf sem vonandi verður áframhald á. 

Unga Ísland vann gamalmennin 52-46!

Það fór eins og marga grunaði að ungliðahreyfingin yrði ellismellunum yfirsterkari á Fullveldismótinu í gær. Breytti það engu þótt þeir ungu væru sumir mjög farnir að nálgast miðjan aldur og orðnir mjög svo þroskaðir tilsýndar.

Alls mættu 14 skákmenn til að fagna fullveldinu og var skipt í tvö lið eftir aldri.  Þessir lentu yngra megin við strikið, (raðað eftir aldri): Óliver Ísak Ólason, Jón Kristinn Þorgeirsson, Símon Þórhallsson, Andri Freyr Björgvinsson, Tómas Veigar Sigurðarson, Sigurður Arnarson, Smári Ólafsson. Þeir sem lentu hinu megin voru þessir, (enn raðað eftir aldri, öfug röð): Hjörleifur Halldórsson, Haki Jóhannesson, Sveinbjörn Sigurðsson, Sigurður Eiríksson, Áskell Örn Kárason, Haraldur Haraldsson, Stefán Júlíusson.

Tefld var bændaglíma, tvöföld umferð, umhugsunartími 7 mínútur - alls 98 skákir! Ungliðarnir tóku strax forystuna og létu hana aldrei af hendi, þótt munurinn væri aldrei mikill. Eftir fyrri hlutann höfðu þeir ungu forystuna 27,5-21,5 en þá fóru þeir gömlu að sækja á og virtust um tíma líklegir til að taka þetta á lokasprettinum. Tvö stórtöp, 2-5 í 12. og 13. umferð réðu þó baggamuninn og því fór sem fór. Síðari hlutanum lauk með jafntefli 24,5-24,5 og var heildarniðurstaðan því 52-46 þeim ungu í vil. Að mati sérfræðinga er þetta þó innan skekkjumarka.

Flesta vinninga ungliða fékk Jón Kristinn, eða 11,5 í 14 skákum, Tómas Veigar fékk 10,5 og þeir Andri og Sigurður A 8. Af ellismellum fékk Áskell 12 vinninga, Sigurður E 10,5 og Haraldur 7.

Ný alþjóðleg skákstig

Ný alþjóðleg skákstig komu út í gær, 1. desember. Jóhann Hjartarson (2580) er sem fyrr stigahæstur íslenskra skákmanna. Í næstu sætum eru Helgi Ólafsson (2546), Hannes Hlífar Stefánsson (2544) og Héðinn Steingrímsson (2544). Áskell Örn Kárason (38) og Tinna Kristín Finnbogadóttir (35) hækkuðu langmest frá nóvember-listanum.

Tiltölulega litlar breytingar eru á listanum enda var ekkert innlent mót reiknað til stiga á tímabilinu. Þó tefldu landsliðin á EM, landskeppnin við Færeyjar var loks reiknuð, Áskell Örn fór mikinn á HM öldunga auk þess sem einstaka skákmenn tefldu á erlendri grundu. Að þessu sinni eru því aðeins tekin saman topplistinn, mestar breytingar og stigahæstu skákkonur landsins.

Topp 20:

 

No	Name	Tit	dec13	Gms	Diff
1	Hjartarson, Johann	GM	2580	0	0
2	Olafsson, Helgi	GM	2546	0	0
3	Stefansson, Hannes	GM	2544	9	5
4	Steingrimsson, Hedinn	GM	2544	8	1
5	Gretarsson, Hjorvar Steinn	IM	2511	7	0
6	Arnason, Jon L	GM	2499	0	0
7	Danielsen, Henrik	GM	2498	7	-4
8	Kristjansson, Stefan	GM	2491	0	0
9	Gretarsson, Helgi Ass	GM	2455	0	0
10	Thorfinnsson, Bragi	IM	2454	0	0
11	Kjartansson, Gudmundur	IM	2453	5	-2
12	Thorsteins, Karl	IM	2452	0	0
13	Thorhallsson, Throstur	GM	2445	0	0
14	Gunnarsson, Arnar	IM	2434	0	0
15	Gunnarsson, Jon Viktor	IM	2412	0	0
16	Olafsson, Fridrik	GM	2406	0	0
17	Thorfinnsson, Bjorn	IM	2387	0	0
18	Ulfarsson, Magnus Orn	FM	2382	0	0
19	Arngrimsson, Dagur	IM	2378	8	-19
20	Johannesson, Ingvar Thor	FM	2377	0	0

Stigahæstu skákkonur landsins

No	Name	Tit	dec13	Gms	Diff
1	Ptacnikova, Lenka	WGM	2245	9	7
2	Thorsteinsdottir, Gudlaug	WFM	2052	0	0
3	Ingolfsdottir, Harpa		1965	0	0
4	Thorsteinsdottir, Hallgerdur		1955	9	4
5	Finnbogadottir, Tinna Kristin		1917	7	35
6	Johannsdottir, Johanna Bjorg		1880	5	-21
7	Kristinardottir, Elsa Maria		1824	6	5
8	Birgisdottir, Ingibjorg		1782	0	0
9	Helgadottir, Sigridur Bjorg		1758	0	0
10	Fridthjofsdottir, Sigurl. Regina		1752	0	0

Mestu hækkanir

 

No	Name	Tit	dec13	Gms	Diff
1	Karason, Askell O		2258	11	38
2	Finnbogadottir, Tinna Kristin		1917	7	35
3	Haraldsson, Haraldur		2001	2	19
4	Ptacnikova, Lenka	WGM	2245	9	7
5	Finnlaugsson, Gunnar		2089	13	7
6	Stefansson, Hannes	GM	2544	9	5
7	Kristinardottir, Elsa Maria		1824	6	5
8	Thorarinsson, Pall A.		2230	2	4
9	Thorsteinsdottir, Hallgerdur		1955	9	4
10	Steingrimsson, Hedinn	GM	2544	8	1

Heimslistinn

Rank	Name	Title	Country	Rating	Games	B-Year
1	Carlsen, Magnus	g	NOR	2872	10	1990
2	Aronian, Levon	g	ARM	2803	9	1982
3	Kramnik, Vladimir	g	RUS	2793	0	1975
4	Nakamura, Hikaru	g	USA	2786	0	1987
5	Topalov, Veselin	g	BUL	2785	7	1975
6	Grischuk, Alexander	g	RUS	2783	8	1983
7	Caruana, Fabiano	g	ITA	2782	9	1992
8	Gelfand, Boris	g	ISR	2777	0	1968
9	Anand, Viswanathan	g	IND	2773	10	1969
10	Svidler, Peter	g	RUS	2758	11	1976

F3-klúbburinn - HM-kvöld í umsjón Helga Ólafssonar á fimmtudagskvöldið

F3-klúbburinn - vildarvinir skákarinnar tekur formlega til starfa fimmtudagskvöldið 5. desember en þá verður stofnfundur klúbbsins og klúbbskírteini afhend. Þá verður jafnframt fyrsti viðburður klúbbsins sem ber nafnið HM-kvöld. Helgi Ólafsson fer yfir hápunkta HM-einvígisins á milli Carlsen og Anand.  

Bóksala Sigurbjörns verður með bókatilboð á völdum skákbókum auk þess sem Bobbý Skákverslun mun kynna skákklukkur og taflsett. Tilvalið í jólapakka skákmannsins!

HM-kvöldið stendur yfir á milli kl. 20-22. Léttar veitingar verða í boði. 

HM-kvöldið er opið fyrir alla meðlimi F3-klúbbsins. Allar upplýsingar um klúbbinn má nálgast hér.

Sérstakur gestur kvöldsins og heiðursfélagi í klúbbnum verður fyrsti stórmeistari Íslendinga, Friðrik Ólafsson. Hann einn þeirra sem þriggja sem klúbburinn er kenndur við en hinir eru Williard Fiske og Bobby Fischer. 

Skákáhugamenn eru hvattir til að ganga í klúbbinn og styðja um leið við skákíþróttina.

Skráning í klúbbinn fer fram hér og einnig efst á Skák.is

Eitt fyrsta verkefni klúbbsins verður að styðja við endurnýjun á skákmunum Skáksambandsins sem þarfnast endurnýjunar.