Pall efstur á hraðkvöldi

Páll Andrason sigraði á hraðkvöldi sem haldið var 17. september sl. Páll fékk 6v í sjö skákum og tapaði ekki skák en gerði tvö jafntefli við Jónas Jónasson og Elsu Maríu. Jafnir í öðru til þriðja sæti voru Jónas Jónasson og Gunnar Björnsson með 5v.

Næsta skákkvöld í Hellisheimilinu verður næstkomandi mánudagskvöld 24. september kl. 20. Þá verður einnig hraðkvöld.

Lokastaðan á hraðkvöldinu:

Röð   Nafn                          Vinn. M-Buch. Buch. Progr.

  1   Páll Andrason,                  6        20.0  27.0   25.5
 2-3  Jónas Jónasson,                 5        21.0  30.0   19.0
      Gunnar Björnsson,               5        18.5  24.5   18.0
  4   Jón Úlfljótsson,                4.5      19.0  25.0   18.5
 5-7  Hilmir Freyr Heimisson,         4        21.0  27.0   14.0
      Elsa María Kristínardóttir,     4        19.5  25.5   17.0
      Jón Olav Fivelstad,             4        17.5  24.5   14.0
  8   Vigfús Ó. Vigfússon,            3.5      15.0  21.0   14.5
  9   Gauti Páll Jónsson,             3        17.0  22.0   12.5
 10   Björgvin Kristbergsson,         2        18.0  24.0    9.0
 11   Sigurður Kristjánsson,          1        16.5  21.5    6.0
 12   Pétur Jóhannesson,              0        16.5  22.0    0.0

Ertu félagsmaður í SFR?

Skákakademían og SFR bjóða upp á skáknámskeið fyrir skákáhugamenn á öllum aldri, byrjendur sem lengra komna.

Námskeiðið er fyrir félagsmenn SFR og er þeim að kostnaðarlausu.

Kennt verður á þriðjudagskvöldum og hefst námskeiðið í dag.

Frekar uppl. í [e-mail]

Linkur á námskeiðið og skráning; http://sfr.is/fraedsla/namskeid/nr/252/

Framsýnarmótið fer fram um næstu helgi

Framsýnarmótið í skák 2012 verður haldið helgina 21-23 september nk. í fundarsal stéttarfélagsins Framsýnar að Garðarsbraut 26 á Húsavík. Það er skákfélagið Goðinn/Mátar í Þingeyjarsýslu og Framsýn-stéttarfélag, sem sjá um mótshaldið.

Mótið er öllum áhugasömum opið.

Dagskrá.

1. umf. föstudaginn 21 september kl 20:00   25 mín (atskák)
2. umf. föstudaginn 21 ------------ kl 21:00       
3. umf. föstudaginn 21 ------------ kl 22:00     
4. umf. föstudaginn 21 -----------  kl 23:00     

5. umf. laugardaginn 22 október kl 11:00  90 mín + 30 sek/leik
6. umf. laugardaginn 22 október kl 19:30   
7. umf. sunnudaginn  23 október kl 11:00 

Verðlaunaafhending í mótslok.

Verðlaun.

Veittir verða glæsilegir eignarbikarar fyrir þrjá efstu í mótinu sem stéttarfélagið Framsýn gefur í tilefni af samvinnu Framsýnar og skákfélagsins Goðans/Máta í þingeyjarsýslu. Einnig hlýtur efsti utanfélagsmaðurinn eignarbikar.

Mótið verður reiknað til íslenskra skákstiga og til FIDE-skákstiga.
Ekkert þátttökugjald er í mótið.

Upplýsingar.

Allar nánari upplýsingar um Framsýnarskákmótið verða aðgengilegar á heimasíðu skákfélagins Goðans/Máta, ásamt skráningu, stöðu, skákir og svo loka-úrslit, verða birt á http://www.godinn.blog.is/  og áhttp://www.framsyn.is/

Skráning.

Skráning í mótið er hjá Hermanni Aðalsteinssyni, formanni skákfélagins Goðans/Máta, í síma 4643187 og 8213187

Hraðkvöld hjá Helli í kvöld

Taflfélagið Hellir heldur hraðkvöld mánudaginn 17. september nk. og hefst taflið kl. 20:00. Tefldar verða 7 umferðir með sjö mínútna umhugsunartíma. Teflt er í félagsheimili Hellis í Álfabakka 14a í Mjóddinni.

Sigurvegarinn á hraðkvöldinu fær í verðlaun pizzu frá Dominos Pizzum. Einnig verður dreginn út af handahófi annar keppandi, sem einnig fær pizzu hjá Dominos Pizzum. Þar eiga allir jafna möguleika, án tillits til árangurs á mótinu.

Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

Norðurlandameistararnir í aðalhlutverki á 1. skákæfingu Fjölnis

Tæplega 30 krakkar mættu á fyrstu skákæfingu Fjölnis í Rimaskóla í vetur og meðal þeirra voru Norðurlandameistarar Rimakskóla. Þeir Jón Trausti, Oliver Aron og Dagur fóru yfir veltefldar skákir sínar á Norðurlandamótinu í Finnlandi og á eftir tefldu þeir fjöltefli við aðra þátttakendur á æfingunni. Ingvar Ásbjörnsson hélt utan um byrjendaflokkinn og í lok æfingarinnar var öllum boðið upp á pítsur frá Hróa hetti. Vetrarstarfið byrjar vel og næsta æfing er laugardaginn 22. september kl. 11:00 - 12:30.

Helgi Íslandsmeistari skákmanna í golfi

Íslandsmeistari skákmanna í golf varð Helgi Ólafsson, Taflfélagi Vestmannaeyja, og punktameistari varð Davíð Kjartansson, Víkingaklúbbnum.  Íslandsmótið 2013 er áætlað helgina eftir næstu verslunarmannahelgi!

Nánari og mun skýrari upp sett úrslit eru á http://chess.is/golf.

Úrslit skákmótsins má finna á Chess-Results en þar hafði Davíð Kjartansson sigur eftir harða baráttu við Helga og Andra Áss Grétarsson.

Heildarkeppnin

Nafn	Högg	Vinningar	Heildar performance
Helgi Ólafsson	83	8.5	4657
Davíð Kjartansson	87	9.0	4278
Halldór Grétar Einarsson	96	5.0	4117
Benedikt Jónasson	102	7.0	4103
Jón Loftur  Árnason	99	6.0	4084
Pálmi R Pétursson	102	6.5	4075
Páll Sigurðsson	92	2.5	4060
Þorvarður Fannar Ólafsson	91	6.0	3914
Andri Áss Grétarsson	102	8.0	3866
Ásgeir Þór Árnason	104	3.5	3825
Jón Þorvaldsson	96	3.0	3537
Stefán Baldursson	108	1.0	3529

Punktakeppnin

 

Nafn	GolfPunktar	SkákPunktar	AllsPunktar
Davíð Kjartansson	39	36.32	75.32
Þorvarður Fannar Ólafsson	36	32.92	68.92
Stefán Baldursson	24	44.56	68.56
Jón Þorvaldsson	38	29.04	67.04
Pálmi R Pétursson	28	37.72	65.72
Páll Sigurðsson	29	31.6	60.6
Benedikt Jónasson	25	34.72	59.72
Andri Áss Grétarsson	26	32.8	58.8
Helgi Ólafsson	33	24.56	57.56
Halldór Grétar Einarsson	26	30.16	56.16
Ásgeir Þór Árnason	23	28.8	51.8
Jón Loftur  Árnason	30	18.76	48.76

 

Ertu félagsmaður í SFR?

Skákakademían og SFR bjóða upp á skáknámskeið fyrir skákáhugamenn á öllum aldri, byrjendur sem lengra komna.

Námskeiðið er fyrir félagsmenn SFR og er þeim að kostnaðarlausu.

Kennt verður á þriðjudagskvöldum og hefst námskeiðið á morgun.

Frekar uppl. í [e-mail]

Linkur á námskeiðið og skráning; http://sfr.is/fraedsla/namskeid/nr/252/

Pistill frá Jóni Trausta um Skotlandsferð

Scottish Chess Championship 2012 sem fram fór í Skotlandi

Í fyrstu umferð fékk ég Magee  Ronan (1965) sem er á svipuðum aldri og ég og er frá Írlandi. Ég fékk frekar  verra út úr byrjuninni en náði svo að jafna taflið en ég lék síðan afleik sem hann nýtti sér og vann svo skákina.

Eftir tapið í fyrstu umferð var ég mjög ákveðinn í að vinna andstæðinginn minn sem heitir McKenna Jason P (2115) frá Englandi. Ég tefldi Drekaafbrigðið og hann kunni það nokkuð vel. Fyrstu 14 leikirnir voru allt teoría en eftir það fór hann út í vitlaust plan og fékk mikið verra. Síðan tók tímahrak við hjá mér og mér tókst einhvern veginn að klúðra því og þegar ég átti 5 sekúndur eftir gat ég valið milli tveggja leikja  í endataflinu en valdi vitlausa leikinn  og þá var þetta búið, hinn leikurinn hefði verið jafntefli. Því miður fór þetta ekki eins og ég vildi.

Í þriðju umferð fékk ég ekki léttari andstæðing. Ég fékk WFM Bea Boglarka (2178) frá Ungverjalandi. Skákin var frekar stutt en ég fórnaði skiptamun fyrir góða sókn og náði ekki að gera betur en að Þráleika. Reyndar sá tölvan einhverja vinningsleið sem ég því miður sá ekki.

Þetta var ekki góð byrjun hjá mér á skoska meistaramótinu en ég var aðeins með hálfan vinning af þrem og ekki batnaði það mikið í fjórðu umferð þegar ég fékk Floros, Antonios(1774) frá Skotlandi. Skákin var mjög illa tefld hjá mér en ég endaði á því að tapa peði og þurfti að skipta upp á öllu til að ná því til baka og þá var þetta orðið steindautt jafntefli. Ég var ekki nógu sáttur með taflmennsku mína í þessum fjörum skákum.

Í fimmtu umferð lenti ég á móti Thomas Phil (1900) frá Skotlandi. Þessa skák tefldi ég vel og fékk mjög  þægilega  stöðu út úr byrjuninni og vann skiptamun mjög fljótt. Eftir það var þetta frekar auðvelt en samt gerði ég mér aðeins erfitt fyrir en vann á endanum. Eftir skákina var ég mjög sáttur að hafa loksins unnið skák og sjálfstraustið var orðið mikið.

Í  þessari umferð fékk ég  Walker  Duncan (1991) frá Skotlandi . Ég var með hvítt og hann tefldi Winawer afbrigðið  í franskri vörn. Skákin var mjög skemmtileg og ég fékk aðeins verra en síðan átti ég einn mjög góðan leik sem kláraði skákina.

Í sjöundu umferð fékk ég Bamber Elaine (2091) frá Skotlandi. Ég var með svartan og tefldi Frakkann. Skákin var mjög auðveld fyrir mig því ég fékk allt upp sem ég var búinn að stúdera fyrir skákina. Ég var fljótt búinn að jafna taflið og hún fann ekkert betra en að þvinga drottningaskipti. Þá fór þetta út í endatafl þar sem hún var með tvo biskupa en ég var með tvo mjög góða riddara. Þetta var alltaf frekar jafnt þar til hún lék af sér og ég náði að gaffla tvö peð hjá henni og vann á endanum. Ég mun skýra þessa skák á eftir.

Skákin í áttundu umferð var frekar illa tefld hjá mér og tapaði ég frekar fljótt. Andstæðingurinn minn var MacQueen Calum (2233) frá Skotlandi. Ég var með hvítt og hann tefldi Dragondorf. Hann hafði bara tefld venjulega Drekann í beisnum svo ég var ekki undirbúinn fyrir Dragondorf. Hann fékk mun betra út úr byrjuninni og vann á endanum.

Ekki er mikið hægt að segja frá níundu umferð en hann bauð mér jafntefli í 7 leik. Ég hugsaði mér um í smá tíma en ákvað svo að taka því af því að þá væri ég búinn að tryggja mér 1. verðlaun í flokknum undir 1800 stig. Anstæðingurinn minn var Doyle James (2020) frá Skotlandi.

Í lokin vil ég segja að þetta var mjög skemmtilegt mót og þakka fyrir allan stuðninginn

Jón Trausti Harðarson

[Event "Scottish Chess Championship"] [Site "?"] [Date "2012.07.13"] [Round "?"] [White "Bamber Elaine, 2091."] [Black "Jón Trausti Harðarson, 1774."] [Result "0-1"] [ECO "C06"] [Annotator "Doe,John"] [PlyCount "140"] [SourceDate "2012.07.26"] 1. e4 e6 2. d4 d5 3. Nd2 {Ég vissi að hún myndi tefla Tarrach afbrigðið svo ég var vel undirbúinn} Nf6 4. e5 Nfd7 5. c3 c5 6. Bd3 Nc6 7. Ne2 cxd4 8. cxd4 f6 9. exf6 Nxf6 10. O-O Bd6 11. Nf3 Qc7 12. Re1 {Hérna er Bg5 algengasti lekurinn en hún valdi annan leik í staðinn} O-O 13. Ng3 h6 14. a3 g5 {Ég sá thetta plan í nokkrum skákum, en thað var samt ekki akkúrat í thessari stöðu en ég ákvað samt að próf thað} 15. Bb1 Qg7 16. b4 a6 {bara svo að hún geti ekki leikið b5} 17. Bb2 Bxg3 {Ég lék thessu af thví að ég ætlaði að leika Rg4 og thá á hún ekki h3 né Rh5} 18. hxg3 Ng4 19. Qd3 Bd7 20. Qg6 {Hún sá ekkert betra heldur en að skipta upp á drottnigum enda sagði hún við mig eftir skákina að henni leist ekkert á stöðuna sína} Ne7 {Planið var að fara með riddaran á f5 og svo til d6} 21. Qxg7+ Kxg7 22. Re2 Nf5 23. Ne1 Nd6 24. f3 Nf6 25. Nd3 Rfe8 26. Ba2 Bb5 27. Re3 {Hérna missti ég af augljósum leik Rf5 sem vinnur skiptamun} Bxd3 28. Rxd3 Rac8 29. Bb3 Nc4 30. Bc3 Rc7 31. a4 Rec8 32. Be1 Nd6 33. g4 Rc1 {Núna er staðan alveg jöfn og ég var nokkuð sáttur með jafntefli} 34. Rd1 Rxa1 35. Rxa1 Kf7 36. Bd2 Nc4 37. Rc1 Nd6 {Var ekki alveg viss um hvort thað væri gott að skipta upp á hrókum en ákvað samt að gera thað af thví að mér fannst riddararnir mínir svo sterkir} 38. Rxc8 Nxc8 39. Kf2 Nd6 40. Ke2 b5 41. Be1 Nd7 42. Bg3 Nc4 43. Bc7 {Hérna hafði ég ekkert plan svo ég byrjaði bara að leika riddurunum mín einhvert} Nf6 44. Bd8 Nd6 45. Bd1 Nc4 46. Bc2 Na3 47. Bd3 Nc4 48. axb5 axb5 49. Kf2 {Hérna fattaði ég að ef að ég myndi komast með riddarann minn á c6 myndi ég vinna annað hvort peðið} Nd7 50. Kg3 {Hún hefði auðveldlega getað komið í veg fyrir Rb8 og svo Rc6 með thví að leika Bc7 en thá er thetta bara jafnt, en sem betur fer sá hún ekki Rb8, Rc6} Nb8 51. f4 {Núna var ég nokkuð viss um að ég myndi vinna skákina} gxf4+ 52. Kxf4 Nc6 53. Ba5 Nxd4 54. g5 e5+ 55. Kg4 Ne3+ 56. Kh5 hxg5 57. Bb6 Nxg2 58. Kxg5 e4 59. Bf1 Ne3 60. Bh3 { Hún hefði getað leikið Bxd4 eða Bxb5 og thá hefði thetta verið verið aðeins erfiðara fyrir mig} Nf3+ 61. Kf4 Nc4 62. Bd7 Nxb6 {Hérna er thetta alveg búið og mjög auðvelt er að klára skákina} 63. Bxb5 Nd4 64. Bf1 Kf6 65. b5 Ne6+ 66. Ke3 Ke5 67. Kd2 Kd4 68. Bg2 Nf4 69. Bf1 e3+ 70. Ke1 e2 0-1

Tölvuteksmótið - Haustmót TR hefst 23. september

Tölvuteksmótið 2012 - Haustmót Taflfélags Reykjavíkur hefst sunnudaginn 23. september kl.14.

Mótið er eitt af aðalmótum vetrarins í reykvísku skáklífi og jafnframt meistaramót T.R. Það er áratuga hefð fyrir hinu vinsæla Haustmóti og er það flokkaskipt og öllum opið.

Teflt er í félagsheimili Taflfélags Reykjavíkur, skákhöllinni að Faxafeni 12, á miðvikudögum, föstudögum og sunnudögum. Alls verða tefldar 9 skákir í hverjum flokki. Lokuðu flokkarnir eru skipaðir tíu keppendum hver þar sem allir tefla við alla, en í opna flokknum er tefldar níu umferðir eftir svissnesku kerfi.

Skráning fer fram á heimasíðu T.R.

Hægt er að fylgjast með skráningu hér.

Skráningu í alla lokaða flokka lýkur laugardaginn 22. september kl. 18.

Skákmeistari Taflfélags Reykjavíkur síðustu tveggja ára er Guðmundur Kjartansson.

 

Dagskrá:

1. umferð: Sunnudag 23. september kl.14.00
2. umferð: Miðvikudag 26. september kl.19.30

3. umferð: Föstudag 28. september kl.19.30
4. umferð: Sunnudag 30. september kl.14.00

5. umferð: Miðvikudag 3. október kl.19.30

---Hlé vegna Islandsmóts skákfélaga---

6. umferð: Miðvikudag 10. október kl.19.30
7. umferð: Föstudag 12. október kl.19.30
8. umferð: Sunnudag 14. október kl. 14.00
9. umferð: Miðvikudag 17. október. kl.19.30

Verðlaun í A-flokki:
1. sæti kr. 100.000
2. sæti kr. 20.000 auk spjaldtölvu frá Tölvuteki
3. sæti kr. 10.000 auk spjaldtölvu frá Tölvuteki
4. og 5. sæti ókeypis í Skákþing Reykjavíkur 2013

Verðlaun í B-flokki:
1. sæti kr. 20.000
2.og 3. sæti ókeypis í Skákþing Reykjavíkur 2013

Verðlaun í C-flokki:
1. sæti kr. 15.000
2. og 3. sæti ókeypis í Skákþing Reykjavíkur 2013

Verðlaun í opnum flokki:

1. sæti kr. 10.000
2. og 3. sæti ókeypis í Skákþing Reykjavíkur 2013

Ef fleiri lokaðir flokkar bætast við, verða verðlaun í þeim þau sömu og í C-flokki.

Að auki ávinnur sigurvegari hvers flokks sér þátttökurétt í næsta styrkleikaflokki að ári liðnu.

Verði keppendur jafnir að vinningum ræður stigaútreikningur lokasæti - verðlaunum er ekki skipt.

Tímamörk:

1 klst. og 30 mín. + 30 sek. á leik.

Þátttökugjöld:

3500 kr. fyrir félagsmenn T.R. 16 ára og eldri (4000 kr. fyrir aðra).
1.500 kr. fyrir félagsmenn T.R. 15 ára og yngri (2.000 kr. fyrir aðra).

 

Skákþáttur Morgunblaðsins: Drottningarfórnin

Drottningin er öflugasti taflmaðurinn á borðinu og við hlið hennar virðist kóngurinn fremur vesældarlegur og samband þeirra hjóna virkar stirt; það eru peðin sem skýla kónginum þar sem hann leitar skjóls úti í horni en drottningin oft upptekin við landvinninga annars staðar á borðinu. Þetta hefur ekki alltaf verið svona; í arabískri skák fyrir meira en þúsund árum var við hlið kóngsins atkvæðalítill ráðgjafi sem gat fært sig einn reit á ská líkt og biskup. Þá breytingu sem varð á vægi taflmannanna má rekja til landafundanna miklu í lok 15. aldar og fyrirmyndin að drottningu skákborðsins í öllu sínu veldi er engin önnur en Ísabella drottning Spánar, sem hafði ekki lítil áhrif á kóng sinn Ferdinand þegar Kristófer Kólumbus leitaði eftir fjárstuðningi vegna ferðar sinnar til „Nýja heimsins" árið 1492.

Þegar við nokkrir félagar fórum í svolitla „pílagrímsferð" til Portoroz í vor gaukaði Friðrik Ólafsson að mér 300 bls. bók, um þetta efni „Fæðing drottningar" eftir Marilyn Yalom. Höfundur er þjóðfélagsrýnir sem tekst á við þá spurningu hvernig svo sterk kvenímynd gat náð fótfestu á miðöldum, í leik sem var ákaft stundaður af körlum, en Spánverjar státuðu af fremstu meisturum þess tíma þ. á m. prestinum Ruy Lopez sem spænski leikurinn er kenndur við.

Það er kannski vegna þessarar sterku nærveru drottningarinnar að stundum sækir að okkur strákunum þörf til að fórna henni. Þröstur Þórhallsson stóð frammi fyrir þessu vali í skák sinni við Tyrkjann Dastan á Ólympíumótinu í Istanbul sem lýkur um helgina. Um byrjun þessar skákar er ekki mikið að segja, sikileyjarvörn þróast yfir í „spænskan leik". Með 36. Bd4 hrekst svarta drottning til c7 og hin eiginlega sviðsetning hefst. Leikfléttan inniheldur ekki aðeins drottningarfórn heldur einnig línurof, hróksfórn og svikamylluþema:

Ol 2012; 4. umferð:

Þröstur Þórhallsson- Muhammed Dastan

Sikileyjarvörn

1. e4 c5 2. Rf3 d6 3. Bb5 Rc6 4. c3 Bd7 5. O-O Rf6 6. He1 a6 7. Ba4 b5 8. Bb3 e5 9. d4 Be7 10. Rbd2 O-O 11. h3 Dc7 12. Rf1 cxd4 13. cxd4 Ra5 14. Bc2 Hac8 15. Bd3 Db8 16. b3 Hfe8 17. Bb2 Bf8 18. Dd2Rc6 19. Had1 Hcd8 20. Bb1 Bc8 21. a3 Bb7 22. Rg3 h6 23. b4 Da8 24. d5 Re7 25. Rh4 Rd7 26. Hf1 g6 27. f4 Da7 28. Kh1 Bg7 29. Rf3 Rc8 30. h4 He7 31. h5 Kh7 32. Rh4 Bf6 33. Rf3 Db6 34. Rh2 Bh4 35. Re2 exf4 36. Bd4 Dc7 37. Dxf4 Bg5

38. Dxf7+!

Það er ekki hægt að sleppa svona tækifæri, hugsaði Þröstur. Ef allt bregst á hvítur þráskák í hendi sér.

38. ... Hxf7 39. Hxf7+ Kg8 40. Hg7+ Kf8 41. Hf1+ Ke8 42. e5!

Línurof! Hótar 42. Bxg6 mát.

42. ... Re7 43. Hg8+! Rxg8 44. Bxg6+ Ke7 45. Hf7+ Ke8 46. Hh7+! Kf8 47. exd6!

( sjá stöðumynd )

Mögnuð tilþrif. Eftir 47. ... Dxd6 kemur 48. Bg7+! Ke7 49. Be5+! og 50. Bxd6+.

47. ... Dc1+

Betri leikur finnst ekki.

48. Rxc1 Rgf6 49. Hh8+ Rg8 50. Re2?

Hvíta staðan er léttunnin en 50. Bg7+! Leiðir til máts, 50. ... Kxg7 51. Hh7+ Kf6 52. Rg4 mát eða 51. ... Kf8 52. Hf7+ Ke8 53. Hf1 mát.

50. ... Bxd5 51. Rc3 Be6 52. Re4 Bf4 53. Hh7 Re5 54. Rf3 Rxg6 55. hxg6 Bc1 56. Hc7 Hc8 57. d7!

og svartur gafst upp.

Helgi Ólafsson [e-mail]

-------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 9. september 2012.

Skákþættir Morgunblaðsins

[Event "Olympiad"] [Site "?"] [Date "2012.08.31"] [Round "4"] [White "Thorhallsson, Throstur"] [Black "Dastan, Muhammed Batuhan"] [Result "1-0"] [WhiteElo "2426"] [BlackElo "2317"] [PlyCount "113"] [EventDate "2012.??.??"] [WhiteTeam "Iceland"] [BlackTeam "TR2"] [WhiteTeamCountry "ISL"] 1. e4 c5 2. Nf3 d6 3. Bb5+ Nc6 4. c3 Bd7 5. O-O Nf6 6. Re1 a6 7. Ba4 b5 8. Bb3 e5 9. d4 Be7 10. Nbd2 O-O 11. h3 Qc7 12. Nf1 cxd4 13. cxd4 Na5 14. Bc2 Rac8 15. Bd3 Qb8 16. b3 Rfe8 17. Bb2 Bf8 18. Qd2 Nc6 19. Rad1 Rcd8 20. Bb1 Bc8 21. a3 Bb7 22. Ng3 h6 23. b4 Qa8 24. d5 Ne7 25. Nh4 Nd7 26. Rf1 g6 27. f4 Qa7+ 28. Kh1 Bg7 29. Nf3 Nc8 30. h4 Re7 31. h5 Kh7 32. Nh4 Bf6 33. Nf3 Qb6 34. Nh2 Bh4 35. Ne2 exf4 36. Bd4 Qc7 37. Qxf4 Bg5 38. Qxf7+ Rxf7 39. Rxf7+ Kg8 40. Rg7+ Kf8 41. Rf1+ Ke8 42. e5 Ne7 43. Rg8+ Nxg8 44. Bxg6+ Ke7 45. Rf7+ Ke8 46. Rh7+ Kf8 47. exd6 Qc1+ 48. Nxc1 Ngf6 49. Rh8+ Ng8 50. Ne2 Bxd5 51. Nc3 Be6 52. Ne4 Bf4 53. Rh7 Ne5 54. Nf3 Nxg6 55. hxg6 Bc1 56. Rc7 Rc8 57. d7 1-0