Wei Yi. Leggið nafnið á minnið!

Tólf ára kínverskur strákur, Wei Yi, stal senunni á Aeroflot-skákmótinu í Moskvu. Hann tefldi í B-flokki og mætti titilhöfum í öllum umferðunum niu.

Wei Yi fékk 5,5 vinning og árangur hans jafngildir 2551 skákstigi. Hann hefur, með öðrum orðum, öðlast styrkleika stórmeistara.

Wei Yi er þjóðhetja í Kína, þrátt fyrir ungan aldur. Hann varð heimsmeistari barna 12 ára og yngri fyrir tveimur árum.

Sama ár varð hann yngstur allra í sögunni til að tefla í kínversku fyrstu deildinni í skák. Hann var aðeins 10 ára þegar hann sigraði Ni Hua, tvöfaldan Kína-meistara, sem skartaði þá vel yfir 2700 skákstigum.

Wei Yi hefur nú 2331 skákstig og er á hraðri uppleið. Chessbase telur miklar líkur á að 2012 verði árið hans Wei Yi. Hann var hársbreidd frá stórmeistaraáfanga í Moskvu en varð að gera sér að góðu áfanga að alþjóðlegum titli.

Wei Yi. Leggið nafnið á minnið!

Hér má skoða nokkrar af skákum hins unga meistara.

Sveitakeppni grunnskóla í Kópavogi fer fram á þriðjudag

Sveitakeppni grunnskóla í Kópavogi í skák verður haldin þriðjudaginn 21 feb. Kl . 17:00 til 20.00 í Salaskóla.

Það eru 4 nemendur í hverju liði  og það er heimilt að stilla upp liði með varamönnum.

Umhugsunartími verður 10 mín. ( Hver skák 2x10 min)

Keppt verður í eftirfarandi aldursflokkum

1..4 bekkur

5..7 bekkur

8..10 bekkur.

Skólum er heimilt að færa nemendur upp í eldri flokk ef vandræði eru við liðsskipan.

Fjölda liða í hverju aldurshólfi þarf að tilkynna fyrir kl 11:30 mánudaginn 20 feb. Því við þurfum eflaust að fá lánaðar  græjur annars staðar og hlaupum ekkert eftir slíku þegar keppnin á að hefjast.

Þá verðum við búin að still öllu upp þannig að keppnin geti farið strax í gang kl 17.00

Þvi væri skynsamlegt fyrir alla að mæta kl 16:50  

Við munum skipta þessu upp í þrjú aðskilin hólf þannig að keppendur séu ekki allir í sama rými.

Liðsskipan og fjöldi liða sendist á [e-mail] eða [e-mail]

Ath. 10. bekkur Salaskóla mun selja veitingar á meðan á keppni stendur.

Tómas Rasmus kennari Salaskóla.

 

Skákkeppni vinnustaða fer fram í kvöld

Taflfélag Reykjavíkur býður öllum vinnustöðum að taka þátt í Skákkeppni vinnustaða 2012 sem fram fer í félagsheimili T.R, Skákhöllinni Faxafeni 12, föstudaginn 17. febrúar nk. og hefst kl. 19.30.

Á hverjum vinnustað er fólk sem hefur ánægju af að tefla og teflir í frístundum. Einnig hafa fjölmargir vinnustaðir á að skipa skákmönnum sem hafa teflt í áratugi og eru á meðal sterkustu skákmanna landsins.

Taflfélag Reykjavíkur hvetur alla vinnustaði til að halda skákmót fyrir sína starfsmenn fyrir keppnina 17. febrúar og þannig kynda undir áhuga á skákinni og mæta síðan með lið til keppni!

Nánari upplýsingar á heimasíðu mótsins.   Hægt að skrá lið hér á Skák.is og á heimasíðu TR.  Upplýsingar um skráð lið má nálgast hér.

Skákþing Goðans hefst í dag

Skákþing Goðans 2012 verður haldið helgina 17-19 febrúar nk. í sal Framsýnar-stéttarfélags* að Garðarsbraut 26 á Húsavík. Mótið er öllum opið.

Tefldar verða 7 umferðir eftir swissneska-kerfinu,(swiss-manager) 4 atskákir og 3 kappskákir.
Mótið verður reiknað til Íslenskra og fideskákstiga.                                 

Dagskrá:
Föstudagur   17 febrúar  kl 20:00  1-4 umferð.   (atskák 25 mín )
Laugardagur 18 febrúar  kl 11:00  5. umferð.     (90 mín +30 sek á leik)
Laugardagur 18 febrúar  kl 19:30  6. umferð.       -------------------
Sunnudagur  19 febrúar  kl 11:00  7. umferð.       -------------------

*Það skal tekið fram að 1-4 umferð, atskákirnar sem verða tefldar á föstudagskvöldinu, verða tefld í Bjarnahúsi, sem er safnaðarheimili Húsavíkurkirkju og er staðsett í næsta húsi sunnan við Húsavíkurkirkju.

Verðlaun verða með hefðbundnu sniði. 3 efstu í fullorðins flokki og 3 efstu í 16 ára og yngri.
Farandbikar fyrir sigurvegarann í báðum flokkum.
 
Þátttökugjald er 2000 krónur fyrir fullorna og 1000 krónur fyrir 16 ára og yngri. 

Mótið á chess-results:
http://www.chess-results.com/tnr65329.aspx?ix=1&lan=1&turdet=YES

Skráning í mótið fer fram hjá formanni í síma 464 3187 eða 821 3187      

Skákmeistarar Goðans frá upphafi:

2004    Baldur Daníelsson.
2005    Ármann Olgeirsson
2006    Ármann Olgeirsson       
2007    Smári Sigurðsson         
2008    Smári Sigurðsson 
2009    Benedikt Þorri Sigurjónsson
2010    Rúnar Ísleifsson
2011    Jakob Sævar Sigurðsson  

Skákþing Íslands - Áskorendaflokkur

Stjórn Skáksambands Íslands hefur ákveðið að keppni í áskorendaflokki 2012 fari fram dagana 30. mars  - 8. apríl  nk.  Mótið mun fara fram í Faxafeni 12, Reykjavík.  

Efstu tvö sætin gefa föst sæti í Landsliðsflokki 2012 eða 2013.   Tveir efstu menn í áskorendaflokki nú geta valið þar á milli.  Fyrirkomulag landsliðsflokks má finna hér.

Dagskrá:

• Föstudagur, 30. mars, kl. 18.00, 1. umferð
• Laugardagur, 31. mars, kl. 14.00, 2. umferð
• Sunnudagur, 1. apríl, Frídagur
• Mánudagur, 2. apríl, kl. 18.00, 3. umferð
• Þriðjudagur, 3. apríl, kl. 18.00, 4. umferð
• Miðvikudagur, 4. apríl, kl. 18.00, 5. umferð
• Fimmtudagur, 5. apríl, Frídagur
• Föstudagur, 6. apríl, kl. 11.00, 6. umferð
• Föstudagur, 6. apríl, kl. 17.00, 7. umferð
• Laugardagur, 7. apríl, kl. 14.00, 8. umferð
• Sunnudagur, 8. apríl, kl. 14.00, 9. umferð

Umhugsunartími: 90 mín. + 30 sek. til að ljúka.

Verðlaun:

• 1. 50.000.-
• 2. 30.000.-
• 3. 20.000.-

Aukaverðlaun:            

• U-2000 stigum, 10.000.-
• U-1600 stigum, 10.000.-
• U-16 ára, 10.000.-
• Kvennaverðlaun, 10.000.-
• Fl. stigalausra, 10.000.-

Aukaverðlaun eru háð því að a.m.k. 5 keppendur séu í hverjum flokki og eingöngu er hægt að vinna til einna aukaverðlauna.  Reiknuð verða stig séu fleiri en einn í efsta sæti.  Stigaverðlaunin miðast við íslensk skákstig.

Þátttökugjöld:

• 18 ára og eldri             3.000.-
• 17 ára og yngri            2.000.-

 

Skráningu skal senda í tölvupósti á [e-mail] eða tilkynna í síma 568 9141 virka daga kl. 10-13.   Einnig verður hægt að skrá sig beint á Skák.is þegar nær dregur keppni. 

NM í skólaskák hefst á morgun

NM í skólaskák hefst á morgun.  Mótið fer fram í Espoo í Finnlandi.  Nánar tiltekið í hóteli sem er í 35 km. fjarlægð frá Helsinki.  Og hótelið er í raun og veru í fjarlægð frá öllu, því það er í einhvers konar þjóðgarði hér.  Vel fer um keppendur og hér er allt til alls.  Teflt er á hótelinu og hér er sund, heitur pottur, sána og þráðlaust internet.  Topp aðstæður.

Skáksalurinn lítur vel út og ætla Finnarnir að hafa 17 skákir beint í hverri umferð.   Í grunninn verða það allir skákirnar í a-flokki og 2 efstu i hinum flokkunum og svo e.t.v. nokkrar í viðbót.  Í fyrstu umferð held ég að 6 viðureignir af 10 hjá Íslendingum verði sýndar beint.   

Í fyrstu umferð tefla Íslendingarnir upp fyrir sig í 9 skákum af 10.  Það er aðeins Vignir Vatnar Stefánsson, sem teflir við stigalægri andstæðinga.  Umferðin hefst kl. 11.

Eftirtaldir taka þátt fyrir Íslands hönd (fyrir framan er röð keppenda í stigaröð viðkomandi flokks en 12 tefla í hverjum flokki).

A-flokkur (1992-94):

• 9. Hallgerður Helga Þorsteinsdóttir (1969)
• 10. Nökkvi Sverrisson (1930)

B-flokkur (1995-96):

• 9. Mikael Jóhann Karlsson (1867)
• 10. Birkir Karl Sigurðsson (1694)

C-flokkur (1997-98):

• 7. Dagur Ragnarsson (1826)
• 10. Oliver Aron Jóhannesson (1699)

D-flokkur:

• 7. Jón Kristinn Þorgeirsson (1712)
• 8. Kristófer Jóel Jóhannesson (1496)

E-flokkur:

• 3. Vignir Vatnar Stefánsson (1461)
• 8. Nansý Davíðsdóttir (1301)

Fararstjórar eru Stefán Bergsson og Gunnar Björnsson.

• Heimasíða mótsins
• Chess-Results
• Myndaalbúm (GB)

 

Nökkvi efstur fyrir lokaumferð Skákþings Vestmannaeyja

Í gærkvöld voru tefldar tvær skákir í 8. umferð Skákþings Vestmannaeyja en  ein skák var tefld í fyrrakvöld en þá sigraði Nökkvi Sigurð Arnar. 

Í gærkvöld tefldu Kristófer og Michal annars vegar Jörgen og Karl Gauti hins vegar. Gauti sigraði Jörgen eftir að sá síðarnefndi hafði leikið illa af sér og drottningin var í dauðanum. Kristófer og Michal tefldu mikla hasarskák og hafði Michal betur í lokin. 

Þar sem þremur skákum er ólokið er staðan dálítið óljós en ljóst er að Nökkvi verður með forystu fyrir síðustu umferð, en hversu mikla fer eftir úrslitum í skák Einars og Sverris sem tefld verður um helgina.

úrslit 8. umferðar

Nafn	Stig	Úrslit	Nafn	Stig
Einar Guðlaugsson	1928	frestað	Sverrir Unnarsson	1946
Stefán Gíslason	1869	frestað	Daði Steinn Jónsson	1695
Jörgen Freyr Ólafsson	1167	0  -  1	Karl Gauti Hjaltason	1564
Nökkvi Sverrisson	1930	1  -  0	Sigurður A Magnússon	1367
Kristófer Gautason	1664	0  -  1	Michal Starosta	0

staðan eftir 8. umferðir

Sæti	Nafn	Stig	Vin	SB
1	Nokkvi Sverrisson	1930	7½	23,00
2	Sverrir Unnarsson	1946	6	18,75	1 frestuð
3	Michal Starosta	0	5	11,00
4	Einar Gudlaugsson	1928	4½	13,00	1 frestuð
5	Karl Gauti Hjaltason	1564	4	12,25
6	Dadi Steinn Jonsson	1695	3½	13,25	1 frestuð
7	Kristofer Gautason	1664	3½	9,25
8	Stefan Gislason	1869	3	5,00	1 frestuð
9	Jorgen Freyr Olafsson	1167	0	0,00	1 frestuð
10	Sigurdur A Magnusson	1367	0	0,00	1 frestuð

pörun 9. umferðar - miðvikudaginn 22. febrúar kl. 19:30 (lokaumferð)

 

Nafn	Stig	Úrslit	Nafn	Stig
Michal Starosta	0	-	Einar Guðlaugsson	1928
Sigurður A Magnússon	1367	-	Kristófer Gautason	1664
Karl Gauti Hjaltason	1564	-	Nökkvi Sverrisson	1930
Daði Steinn Jónsson	1695	-	Jörgen Freyr Ólafsson	1167
Sverrir Unnarsson	1946	-	Stefán Gíslason	1869

 

• Heimasíða TV
• Chess-Results

Skákstjóranámskeið í Noregi í apríl

sland getur sent 1-2 á dómaranámskeið í Noregi 30. apríl - 6. maí nk.  

Veitt verður gráðan FA (FIDE arbiter) fyrir þann sem sækir námskeiðið og nær prófi.  

Norðmenn bjóða upp á námskeiðið frítt og SÍ myndi styrkja viðkomandi um fararkostnað að einhverju leyti.   

Áhugasamir hafi samband við Gunnar Björnsson í netfangið [e-mail].

Nánari upplýsingar má nálgast í meðfylgjandi viðhengjum.

 

Skrár tengdar þessari bloggfærslu:

• invitasjon_-_fa_seminar.docx
• arbiters_seminar2012.docx

Fimmtudagsmót hjá TR í kvöld

Fimmtudagsmót hjá TR 2012 verður í kvöld og hefst að venju kl. 19:30 en húsið opnar kl. 19:10.

Tefldar verða 7 umferðir með 7 mínútna umhugsunartíma.

Mótin fara fram í félagsheimili T.R., skákhöllinni að Faxafeni 12. Glæsilegur verðlaunapeningur er í boði fyrir sigurvegarann.

Mótin eru öllum opin og er aðgangseyrir kr. 500 fyrir 16 ára og eldri en frítt er fyrir 15 ára og yngri.  Boðið er upp á kaffi ásamt léttum veitingum án endurgjalds.

Skákakademían og Skákskólinn kynna: Skákkennaraklúbburinn stofnaður 28. febrúar

Skákkennaraklúbburinn verður stofnaður þriðjudaginn 28. febrúar kl. 20.30 í sal Skákskóla Íslands, Faxafeni 12. Allir áhugamenn um skákkennslu eru velkomnir.

Eins og skákmenn hafa tekið eftir tefla fleiri og fleiri krakkar í sínum skólum og þátttaka á skólamótum eykst mót eftir mót. Má ekki síst rekja það til þess hversu margir skákmenn og skákáhugamenn innan skólanna hafa lagt rækt við skákkennslu sinna nemenda. Í mörgum skólum er skákin á stundatöflu og margir kennarar með skákkennslu sem hluta af sinni vikulegu kennslu.

Tilgangur með stofnun skákkennaraklúbbsins er fyrst og fremst sá að þessir eldhugar skáklistarinnar komi saman og ræði sín á milli um skákkennslu og skákiðkan barna og unglinga. Íslensk skákhreyfing býr svo vel að því að eiga menn eins og Helga Ólafsson skólastjóra Skákskóla Íslands og fleiri sem hafa kennt skák áratugum saman og Skákkennaraklúbburinn leita í þann mikla reynslusjóð innan skákhreyfingar og skólakerfisins.

Þá mun Skákkennaraklúbburinn kortleggja skákkennslu í íslenska skólakerfinu, rannsaka áhrif skákkunnáttu á námsárangur, útbúa námsefni og efna til fyrirlestra og málþinga um skákkennslu.

Nánari upplýsingar veitir Stefán Bergsson, framkvæmdastjóri Skákakademíu Reykjavíkur í síma 863 7562.