Skák.is

Bloggfærslur mánaðarins, október 2012

25.10.2012 | 16:00

Vignir Vatnar gengur til liðs við Skákdeild Fjölnis

Skákdeild Fjölnis bættist góður liðsauki í dag þegar þeir feðgar Stefán Már Pétursson og Vignir Vatnar Stefánsson gengu til liðs við félagið.

Vignir Vatnar er ekki ókunnur barna-og unglingastarfi Fjölnis því að hann hefur verið duglegur að sækja æfingar skákdeildarinnar á laugardögum og tekið þátt í öllum skákviðburðum deildarinnar. Það var einmitt á TORG-móti Fjölnis 2009 sem Vignir Vatnar, þá 6 ára gamall, sló í gegn og hefur strákurinn síðan verið einstaklega sigurglaður á öllum Fjölnismótum.

Það er Skákdeild Fjölnis mikill fengur að fá þá feðga til liðs við barna- og unglingastarfið sem hefur verið afar blómlegt og árangursríkt í þau 8 ár sem liðin eru frá stofnun deildarinnar en skákdeildin hefur margsinnis notið aðstoðar Stefáns við undibúning og framkvæmd barna- og unglingaskákmóta.

Spil og leikir | Breytt s.d. kl. 16:08 | Slóð | Facebook | Athugasemdir (0)

25.10.2012 | 15:00

Skákkennsla að hefjast í þremur skólum í Þingeyjarsýslu

Líkt og undanfarin ár verður skákfélagið Goðinn-Mátar með skákkennslu í skólum Þingeyjarsýslu.
Nú er komið á hreint hvernig kennslunni verður háttað.

Teflt af keppi í Stórutjarnaskóla

Á mánudögum verður kennsla í Stórutjarnaskóla frá kl 15:30-16:30. Nemendur úr Litlulaugaskóla verða einnig með í þeirri kennslu. Fyrsta kennslustundin verður mánudaginn 29 október.

Þessir krakkar voru í kennslu í Borgarhólsskóla í fyrra.

Kennt verður alla þriðjudaga frá kl 15:00-16:00 í Borgarhólsskóla á Húsavík og verður fyrsta kennslustundin þriðjudaginn 6 nóvember.

Kennslan er öllum nemendum í skólunum þremur að kostnaðarlausu. Sveitarfélögin, Þingeyjarsveit og Norðurþing styðja skákfélagið Goðann-Máta til kennslunnar.

Á báðum stöðum verður nýtt námsefni sem Smári Rafn Teitsson samdi notað við kennsluna. Um kennsluna sér Hermann Aðalsteinsson, auk þess sem Smári Sigurðsson verður honum eitthvað til aðstoðar á Húsavík.

Spil og leikir | Breytt s.d. kl. 13:56 | Slóð | Facebook | Athugasemdir (0)

25.10.2012 | 13:00

Atskákmót Skákklúbbs Icelandair 2012 - Sveitakeppni

Atskákmót Icelandair 2012 verður haldið á Reykjavík Natura, gamla Hótel Loftleiðir 8.-9. desember. Þetta mót verður með svipuðu sniði og í fyrra en fjöldi þátttakenda hefur einhver áhrif á keppnisfyrirkomlagið.

Mörg merkileg skákmót hafa verið haldin á Hótel Loftleiðum í gegnum tíðina og hafa margir heimsþekktir skákmenn teflt þar ásamt okkar stórmeisturum og því má búast við að þessi staður rifji upp gamlar minningar hjá mörgum skákmanninum og skapi skemmtilegt andrúmsloft. Einnig má nefna að Fischer heitinn gisti á Hótel Loftleiðum forðum daga og fyrst þegar hann kom aftur til landsins.

Þetta er opin sveitakeppni með fjögurra manna liði en leyfilegt er að hafa 3 varamenn. Þó að þetta sé opin sveitakeppni eru fyrirtæki, stofnanir, klúbbar, eða önnur félög hvött til að senda lið til keppni. Markmiðið er að hafa jafna og skemmtilega keppni og því er sá hátturinn hafður á að hver sveit má ekki hafa fleiri en 8.500 skákstig í hverri umferð.

Vissulega er hægt að setja saman allskonar sveitir sem væru innan við 8.500 stig en það væri gaman að sveitir væru skipaðar bæði stigaháum annars vegar og stigalægri hins vegar, "Gens Una Sumus" - "Við Erum Ein fjölskylda"

Miðað er við alþjóðleg stig en ef alþjóðleg stig eru ekki til staðar er miðað við íslensk stig og stigalausir reiknast með 1.500 stig. Miðað er við nóvember lista FIDE en september lista íslenska listans.

Reykjavík Natura, áður Hótel Loftleiðir
8.-9. desember, byrjað klukkan 13:00 báða dagana
4 í liði, leyfilegt að hafa 3 varamenn
Þátttökufjöldi 16-24 sveitir, en það verður hægt að setja lið á biðlista.
8.500 stig á sveitina í hverri umferð.
Stigalausir og þeir sem hafa færri en 1.500 stig verða skráðir með 1.500 stig
Miðað er við nóvember lista FIDE og september listann í íslensku stigunum
9-14 umferðir, þetta ræðst af þátttöku.
- Miðað er við að taflmennska verði á milli 13:00-18:00 báða dagana.
15 mínútur á mann, þátttökufjöldi gæti haft áhrif á þetta.
Keppnisfyrirkomulagið er svissneskt kerfi.
Flestir vinningar gilda.
Þátttökugjald: 16.000 á sveitina og greiðist á skákstað.
Þátttakendur eru hvattir til að skrá sig tímanlega þar sem að þátttökufjöldinn er takmarkaður.

Verðlaun:*

Sveitakeppni:

1. sæti: 4x farmiðar fyrir tvo til Evrópu með Icelandair
2. sæti: 4x gjafabréf fyrir tvo á veitingastaðnum Satt
3. sæti: 4x gjafabréf fyrir tvo í Fontana

Borðaverðlaun.

Borðaverðlaunin eru farmiðar innanlands fyrir tvo í boði Flugfélags Íslands og Sagaklúbbs Icelandair og gisting í 2 nætur fyrir tvo á Icelandair Hótelum ásamt morgunverðarhlaðborði. Hægt verður að velja um gistingu á Hótel Akureyri eða á Hótel Héraði.

Óvæntasti sigurinn
Sá aðili sem vinnur óvæntasta sigurinn mun fá gjafabréf á veitingastaðnum Satt sem gildir fyrir tvo. Miðað er við stigamun.

Besti varamaðurinn
Besti varamaðurinn fær gjafabréf á veitingastaðnum VOX fyrir tvo.

Útdráttarverðlaun - einvígi, teflt á meðan er verið að taka saman lokaúrslit.
Einnig eru glæsileg útdráttarverðlaun en þau eru hvorki meira né minna en farmiðar fyrir tvo til Bandarríkjanna með Icelandair.

Tveir verða dregnir út til að tefla hraðskák um þessi verðlaun.10 mínútum verða skipt á milli skákmannanna í öfugu hlutfalli við stigin sem skákmennirnir hafa til að gefa þeim stigalægri meiri möguleika og auka spennuna.

Sá sem er dreginn fyrr fær hvítt og verður að vinna, svörtum dugir jafntefli.

Sá sem tapar fær gjafabréf á veitingastaðnum VOX fyrir tvo.

* ATH. Sami aðili getur ekki unnið til fleiri en einna ferðavinninga, ef slíkt kemur upp mun viðkomandi aðili velja hvaða vinning hann vill, útfærist nánar á skákstað!
- Greiða þarf flugvallarskatta af öllum flugmiðum.

Skráning fer fram hér.

Hægt er að fylgjast með skráningum hér.

Á Facebook er hægt að skiptast á skoðunum og auglýsa sig eða eftir liðsmönnum

Skráningu lýkur aðfaranótt laugardagsins 1. desember.
Frekari upplýsingar er hægt að fá með því að senda póst á Óskar Long; ole@icelandair.is

Spil og leikir | Breytt 29.10.2012 kl. 08:49 | Slóð | Facebook | Athugasemdir (0)

25.10.2012 | 07:00

Skákþing Garðabæjar hefst í kvöld

Skákþing Garðabæjar hefst fimmtudaginn 25. október 2012. Tefldar verða 7 umferðir og verður mótið reiknað til íslenskra og alþjóðlegra stiga.

Vinsamlega skráið ykkur í mótið með því að smella hér

Smellið hér til að sjá skráða keppendur

Mótsstaður: Garðatorg 1. (gamla Betrunarhúsið). við Hægri hlið Víðis og upp á 2 hæð.

Umferðatafla:

1. umf. Fimmtudag 25. okt. kl. 19.30.
2. umf. Fimmtudag 1. nóv. kl. 19.30
3. umf. Fimmtudag 8. nóv. kl. 19.30
4. umf. Fimmtudag 15. nóv. kl. 19.30
5. umf. Fimmtudag 22. nóv. kl. 19.30
6. umf. Fimmtudag 29. nóv. kl. 19.30
7. umf. Fimmtudag 6. des. kl. 19.30

Keppnisfyrirkomulag er Svissneskt kerfi.

Tímamörk eru 90 mínútur og 30 sek sem bætist við hvern leik.

Ath. B-flokkur er einungis fyrir skákmenn með 1499 stig eða minna. Umhugsunartími þar er 60 mín + 30 sek. á leik.

Verðlaun auk verðlaunagripa:

1. verðlaun. 25 þús.
2. verðlaun 10 þús.
3. verðlaun 5 þús.

Verðlaun fyrir Skákmeistara Garðabæjar er bókaúttekt hjá Bóksölu Sigurbjarnar fyrir allt að 4.000 kr.
Mótið er um leið Skákþing Taflfélags Garðabæjar. (keppt er um titilinn ef jafnt)

Aukaverðlaun:

Efst(ur) 16 ára og yngri.(1996 og síðar). Bókarvinningur að verðmæti 4.000 kr.
Efst(ur) í B flokki: Bókarvinningur auk grips.

ATH. Ekki er hægt að vinna til fleiri en einna verðlauna. Peningaverðlaunum er skipt, en ekki aukaverðlaunum. Fari fjöldi borgandi keppenda yfir 40 manns verður bætt við verðlaun.

Sæmdartitilinn Skákmeistari Garðabæjar geta aðeins fengið félagsmenn taflfélags í Garðabæ eða skákmaður með lögheimili í Garðabæ.

Þátttökugjöld:

Félagsmenn. Fullorðnir 2.500 kr. 17 ára og yngri ókeypis.
Utanfélagsmenn. Fullorðnir 3.500 kr. Unglingar 17 ára og yngri 2.000 kr

Skráning er á staðnum frá hálftíma fyrir mót en mjög æskilegt er að menn skrái sig fyrirfram á síðunni hér að ofan eða í síma 860 3120.

Skákstjóri er Páll Sigurðsson

Skákmeistari Garðabæjar 2011 var Jóhann H Ragnarsson.

Sjá má upplýsingar um mótið 2011 á chess-result

Spil og leikir | Breytt 22.10.2012 kl. 17:06 | Slóð | Facebook | Athugasemdir (0)

25.10.2012 | 06:00

Æskan og ellin fer fram á laugardag

Skákmótið í skák "Æskan og Ellin" verður haldið í 9. sinn laugardaginn 27. október nk. í Strandbergi, Safnaðarheimili Hafnarfjarðarkirkju. RIDDARINN, skákklúbbur eldri borgara, stendur fyrir mótinu meðstuðningi dyggra stuðningsaðila. Þátttaka í mótinu er ókeypis og miðast við börn og ungmenni á grunnskólaaldri, 15 ára og yngri og öldunga 60 ára og eldri. Vegleg verðlaun og viðurkenningar.

Mótið hefst kl. 13 á laugardaginn kemur og því lýkur um kl. 17 með veglegri veislu, verðlaunaafhendingu og vinningahappdrætti. Telfdar verða 9 skákir með 7 mínútna umhugsunartíma. Æskilegt er að skrá sig fyrirfram eða mæta tímanlega á mótsstað.

Skráning fer fram hér á Skák.is.

Lesa má meira um mótið hér: http://skak.blog.is/blog/skak/entry/1261854/ og á www.riddarinn.net.

Spil og leikir | Breytt s.d. kl. 08:57 | Slóð | Facebook | Athugasemdir (0)

24.10.2012 | 23:32

Jóhanna efst á Íslandsmóti kvenna

Jóhanna Björg Jóhannsdóttir er efst með fullt hús á Íslandsmóti kvenna eftir að hafa lagt Elsu Maríu Kristínardóttur í 3. umferð sem fram fór í kvöld í húsnæði Skáksambands Íslands. Tinna Kristín Finnbogadóttir er önnur með 2,5 vinning eftir sigur á Veroniku Steinunni Magnúsdóttur.

Stigahæstu keppendur mótsins Lenka Ptácníková og Hallgerður Helga Þorsteinsdóttir gerðu jafntefli í lengstu skák umferðarinnar. Á morgun verður tefld frestuð skák Hrundar Hauksdóttur og Svandísar Rósar Ríkharðsdóttur. Fjórða umferð fer fram á föstudag og hefst kl. 19.

Úrslit 3. umferðar:

Jóhanna Björg Jóhannsdóttir - Elsa María Kristínardóttir 1-0
Lenka Ptacnikova - Hallgerður Helga Þorsteinsdóttir 0,5-0,5
Veronika Steinunn Magnúsdóttir - Tinna Kristín Finnbogadóttir 0-1
Donika Kolica - Nansý Davíðsdóttir 0-1
Svandís Rós Ríkharðsdóttir - Hrund Hauksdóttir frestað
Ásta Sóley Júlíusdóttir - Hildur B. Jóhannsdóttir 0-1

Myndaalbúm úr 3. umferð (GB)

Skákir 3. umferðar

Spil og leikir | Slóð | Facebook | Athugasemdir (0)

24.10.2012 | 21:17

Skákir 2. deildar

Skákir 2. deildar Íslandsmóts skákfélaga hafa verið innslegnar af Tómasi Veigari Sigurðarsyni. Menn eru beðnir um að fara yfir eigin skákir og láta vita ef eitthvað er ekki eins og það á að vera.

Veljið skák (96 alls):