Skák.is

Bloggfærslur mánaðarins, október 2012

23.10.2012 | 15:05

Icelandair Cargo og Hjörvar Steinn gera með sér samstarfssamning

Frá undirritun Hjörvars og Icelandair Caro

Icelandair Cargo og Hjörvar Steinn Grétarsson, alþjóðlegur skákmeistari og landsliðsmaður, skrifuðu undir samstarfssamning fyrr í dag í húsakynnum Skáksambands Íslands. Með þessum samstarfssamningi vill Icelandair Cargo styðja við bakið á Hjörvari Stein og gera honum kleift að ná sínum lokaáfanga að stórmeistaratitli ásamt því að styðja hann til frekari afreka á skáksviðinu.

Gunnar Már Sigurfinnsson, framkvæmdastjóri Icelandair Cargo segir: Það er okkur mikil ánægja að styðja okkar efnilegasta skákmann sem er nú þegar orðinn einn af bestu skákmönnum landsins til frekari afreka. Við höfum mikla trú á Hjörvari og viljum gera okkar í að hjálpa honum að komast í röð fremstu skákmanna heims.

Hjörvar Steinn Grétarsson: Ég vil þakka Icelandair Cargo fyrir stuðninginn. Þessi samningur mun auðvelda mér að komast á alþjóðleg skákmót og sækja kennslu hjá alþjóðlegum skákmeisturum sem getur bætt mig sem skákmann.

Gunnar Björnsson forseti SÍ: Skákhreyfingin er Icelandair Cargo afskaplega þakklát fyrir að styðja við bakið á Hjörvari Steini á svo myndarlegan hátt. Þetta mun án efa nýtast honum vel.

Spil og leikir | Slóð | Facebook | Athugasemdir (0)

23.10.2012 | 11:21

Æskan og ellin fer fram á laugardag

Skákmótið í skák "Æskan og Ellin" verður haldið í 9. sinn laugardaginn 27. október nk. í Strandbergi, Safnaðarheimili Hafnarfjarðarkirkju. RIDDARINN, skákklúbbur eldri borgara, stendur fyrir mótinu meðstuðningi dyggra stuðningsaðila. Þátttaka í mótinu er ókeypis og miðast við börn og ungmenni á grunnskólaaldri, 15 ára og yngri og öldunga 60 ára og eldri. Vegleg verðlaun og viðurkenningar.

Mótið hefst kl. 13 á laugardaginn kemur og því lýkur um kl. 17 með veglegri veislu, verðlaunaafhendingu og vinningahappdrætti. Telfdar verða 9 skákir með 7 mínútna umhugsunartíma. Æskilegt er að skrá sig fyrirfram eða mæta tímanlega á mótsstað.

Skráning fer fram hér á Skák.is.

Lesa má meira um mótið hér: http://skak.blog.is/blog/skak/entry/1261854/ og á www.riddarinn.net.

Spil og leikir | Slóð | Facebook | Athugasemdir (0)

23.10.2012 | 11:15

Oliver sigraði á hraðkvöldi Hellis

Oliver Aron Jóhannesson sigraði á hraðkvöldi Hellis sem fram fór 22. október. Oliver leyfði aðeins eitt jafntefli á æfingunni gegn Jóni Úlfljótssyni en vann aðra andstæðinga sina og endaði með 6,5v sem öruggur sigurvegari. Næstur varð Örn Leó Jóhannsson með 5,5v og þriðji varð Dagur Ragnarsson með 5v.

Næsta skákkvöld í Hellisheimilinu verður næstkomandi mánudagskvöld 29. október kl. 20. Þá verður einnig hraðkvöld.

Lokastaðan á hraðkvöldinu:

Röð   Nafn                      Vinn.    M-Buch. Buch. Progr.

  1   Oliver Aron Jóhannesson,   6.5      21.0  29.0   25.0
  2   Örn Leó Jóhannsson,        5.5      22.0  31.5   22.5
  3   Dagur Ragnarsson,          5        20.0  28.5   22.0
 4-6  Jón Úlfljótsson,           4.5      22.5  33.0   20.0
      Páll Andrason,             4.5      19.5  26.0   19.5
      Dawid  Kolka,              4.5      18.5  27.5   19.5
7-11  Vigfús Ó. Vigfússon,       4        21.5  29.5   20.0
      Bjarni Þór Guðmundsson,    4        18.5  26.0   18.0
      Gunnar Nikulásson,         4        18.5  26.0   15.0
      Kristján Halldórsson,      4        16.5  23.5   16.0
      Andri Steinn Hilmarsson,   4        16.0  21.5   14.0
12-13 Hafliði Hafliðason,        3.5      18.5  24.0   12.5
      Steinþór Baldursson,       3.5      15.0  21.0   12.0
14-16 Finnur Kr. Finnsson,       3        19.0  25.5   12.0
      Jökull Jóhannsson,         3        17.0  24.0   14.0
      Tómas Árni Jónsson,        3        15.0  22.5   11.0
17-18 Björgvin Kristbergsson,    2.5      17.0  23.0    8.5
      Felix Steinþórsson,        2.5      14.5  22.5    9.0
19-20 Erik Daníel Jóhannsson,    2        14.5  20.0    6.0
      Arnór Ingi Pálsson,        2        13.5  18.5    6.0
 21   Pétur Jóhannesson,         1.5      15.5  21.5    5.5

Spil og leikir | Slóð | Facebook | Athugasemdir (0)

23.10.2012 | 07:00

Vetrarmót öðlinga hefst 31. október

Vetrarmót öðlinga 40 ára og eldri hefst miðvikudaginn 31. október kl. 19.30 í félagsheimili T.R. að Faxafeni 12. Tefldar verða sjö umferðir og er umhugsunartíminn 90 mínútur á alla skákina + 30 sekúndna viðbótartími á hvern leik.

Mótið er nú haldið í annað sinn en það fékk frábærar viðtökur í fyrra þegar 47 keppendur skráðu sig til leiks og var þátttökulistinn vel skipaður. Meðalstig tíu stigahæstu keppendanna voru rúm 2.200 og næstu tíu tæp 2100. Aðeins er teflt einu sinni í viku, á miðvikudagskvöldum kl. 19.30, og mótinu lýkur vel fyrir jól.

Þátttökurétt hafa allir öðlingar fertugir og eldri.

Dagskrá:

1. umferð miðvikudag 31. október kl. 19.30
2. umferð miðvikudag 7. nóvember kl. 19.30
3. umferð miðvikudag 14. nóvember. kl. 19.30
4. umferð miðvikudag 21. nóvember kl. 19.30
5. umferð miðvikudag 28. nóvember kl. 19.30
6. umferð miðvikudag 5. desember kl. 19.30
7. umferð miðvikudag 12. desember kl. 19.30

Keppt er um veglegan farandbikar, en auk hans eru verðlaun fyrir þrjú efstu sætin.

Þátttökugjald er kr. 4.000. Innifalið er frítt kaffi allt mótið.

Skráning fer fram á http://www.taflfelag.is/

Spil og leikir | Breytt 22.10.2012 kl. 17:16 | Slóð | Facebook | Athugasemdir (0)

22.10.2012 | 22:45

Elsa María og Jóhanna Björg efstar á Íslandsmótinu

Elsa María Kristínardóttir og Jóhanna Björg Jóhannsdóttir eru efstar og jafnar með 2 vinninga eftir tvær umferðir á Íslandsmóti kvenna í skák. Í annarri umferð, sem fram fór á mánudagskvöld, bar Elsa sigurorð af Hallgerði Helgu Þorsteinsdóttur og Jóhanna Björg sigraði Hrund Hauksdóttur.

Stigahæsti keppandi mótsins, Lenka Ptacnikova stórmeistari, komst ekkert áleiðis gegn Tinnu Kristínu Finnbogadóttur og lauk skák þeirra með jafntefli. Þær Lenka og Tinna eru í 3.-4. sæti með 1½ vinning.

Það stefnir allt í hörkuspennandi Íslandsmót, en alls eru tefldar sjö umferðir á mótinu. Elsa María er ríkjandi Íslandsmeistari, en Lenka hefur margsinnis unnið titilinn og teflir á efsta borði í landsliði Íslands. Landsliðskonurnar Tinna, Hallgerður og Jóhanna munu örugglega blanda sér í slaginn um titilinn og yngri stúlkurnar eru margar hverjar til alls líklegar.

Úrslit í 2. umferð:

Tinna Kristín Finnbogadóttir - Lenka Ptacnikova ½ - ½

Hallgerður Helga Þorsteindóttir - Elsa María Kristínardóttir 0-1

Hrund Hauksdóttir - Jóhanna Björg Jóhannsdóttir 0-1

Nansý Davíðsdóttir - Ásta Sóley Júlíusdóttir 1-0

Hildur B. Jóhannsdóttir - Veronika Steinunn Magnúsdóttir 0-1

Svandís Rós Ríkharðsdóttir - Donika Kolica 0-1

Í 3. umferð mætast:

Jóhanna Björg Jóhannsdóttir - Elsa María Kristínardóttir

Lenka Ptacnikova - Hallgerður Helga Þorsteinsdóttir

Veronika Steinunn Magnúsdóttir - Tinna Kristín Finnbogadóttir

Donika Kolica - Nansý Davíðsdóttir

Svandís Rós Ríkharðsdóttir - Hrund Hauksdóttir

Ásta Sóley Júlíusdóttir - Hildur B. Jóhannsdóttir

Myndaalbúm úr 2. umferð (HJ)

Skákir 2. umferðar

Spil og leikir | Slóð | Facebook | Athugasemdir (0)

22.10.2012 | 20:53

Atskákmót Skákklúbbs Icelandair - sveitakeppni

Helgina 8.-9. desember er stefnt á að halda atskákmót skákklúbbs Icelandair ef næg þátttaka fæst og verður mótið með svipuðu sniði og í fyrra fyrir þá sem þekkja. Umferðafjöldi ræðst af þátttökufjölda en markmiðið er að hafa 9-14 umferðir ef það mögulega gengur upp.

Þetta er opin sveitakeppni og til að tryggja spennandi og skemmtilega keppni verður hámark á heildarstigafjölda hverjar sveitar, eða 8.500 stig í hverri umferð. Miðað er við alþjóðleg stig en ef alþjóðleg stig eru ekki til staðar er miðað við íslensk stig og stigalausir verða skráðir með 1.500 stig. Miðað er við stigalista FIDE sem kemur í nóvember og íslenska listann sem kom í september.

Þó að þetta sé opin sveitakeppni eru fyrirtæki, stofnanir, klúbbar, eða önnur félög hvött til að senda lið til keppni undir þeirra nafni.

Reykjavík Natura, áður Hótel Loftleiðir
8.-9. desember kl. 13:00 báða daga og teflt c.a. til 18:00
4 í liði, leyfilegt að hafa 3 varamenn
Þátttökufjöldi 13-24 sveitir. Fyrstur kemur fyrstur fær, en hægt verður að setja lið á biðlista.
9-14 umferðir
15 mínútur á mann.
Þátttökugjald: 16.000 á sveitina

Meðal verðlauna eru farseðlar til Evrópu og Bandarríkjanna auk annarra fínna verðlauna.

Nánari upplýsingar munu birtast síðar þ.á.m. hvar og hvenær skráning fer fram, en áhugasamir geta sent póst á Óskar Long; ole@icelandair.is

Spil og leikir | Slóð | Facebook | Athugasemdir (0)

22.10.2012 | 19:44

Íslandsmót kvenna: Bein útsending frá 2. umferð

2. umferð Íslandsmóts kvenna hófst klukkan 19 í húsnæði Skákskóla Íslands í Faxafeni. Íslandsmeistarinn Elsa María Kristínardóttir hefur svart gegn Hallgerði Helgu Þorsteinsdóttur, en báðar sigruðu þær í 1. umferð.

Stigahæsti keppandinn, stórmeistarinn Lenka Ptacnikova, hefur svart gegn Tinnu Kristínu Finnbogadóttur. Þá hefur Hrund Hauksdóttir hvítt gegn Jóhönnu Björgu Jóhannsdóttur, en allar unnu þær í 1. umferðinni.

Í öðrum viðureignum mætast Nansý Davíðsdóttir, yngsti keppandinn á mótinu, og Ásta Sóley Júlíusdóttir; Hildur B. Jóhannsdóttir og Veronika Steinunn Magnúsdóttir; og Svandís Rós Ríkharðsdóttir og Donika Kolica.

Tefldar eru sjö umferðir á Íslandsmótinu. Lenka, sem er langstigahæst, er sigurstrangleg en ungu skákkonurnar munu örugglega veita henni verðuga keppni.

Bein útsending frá 2. umferð.

Myndaalbúm frá 2. umferð (HJ)

Spil og leikir | Slóð | Facebook | Athugasemdir (0)

22.10.2012 | 17:19

Skáklífið blómstrar í Árbæ

Skákakademían stóð fyrir skemmtilegri skákkynningu á Ársafni á sunnudaqinn. Fjölmargir áhugasamir ungir skákmenn og foreldrar mættu og áttu ánægjulegar stundir við taflborðið. Leiðbeinendur voru Björn Ívar Karlsson yfirkennari Skákakademíunnar, og kempurnar Finnur Kr. Finnsson Jón Víglundsson frá Skákfélagi eldri borgara.

Krakkarnir sem mættu í Ársafn komu flest úr skólunum í Árbæ og nágrenni, enda er líflegt þar skáklíf. Í Árbæjarskóla kennir Gunnar Finnsson, í Norðlingaskóla kennir Bjarni Jens Kristinsson og í Ingunnarskóla annast Björn Þorfinnsson skákkennsluna.

Þeir Björn Ívar, Finnur og Jón tefldu við gesti og gangandi í Ársafni, tekin voru fyrir mátþemu og Björn tefldi fjöltefli við nokkra drengi og fór svo yfir skákirnar og helstu mistökin. Mikið er til af nýjum skáksettum á safninu en einnig býr það yfir mjög góðum skákbókarkosti.

Skákakademían stendur fyrir skákkennslu í Ársafni alla sunnudaga í nóvember klukkan 14 og eru allir hjartanlega velkomnir.

Myndaalbúm úr Ársafni.

Spil og leikir | Slóð | Facebook | Athugasemdir (0)

22.10.2012 | 16:59

Skákþing Garðabæjar hefst á fimmtudaginn

Skákþing Garðabæjar hefst fimmtudaginn 25. október 2012. Tefldar verða 7 umferðir og verður mótið reiknað til íslenskra og alþjóðlegra stiga.

Vinsamlega skráið ykkur í mótið með því að smella hér

Smellið hér til að sjá skráða keppendur

Mótsstaður: Garðatorg 1. (gamla Betrunarhúsið). við Hægri hlið Víðis og upp á 2 hæð.

Umferðatafla:

1. umf. Fimmtudag 25. okt. kl. 19.30.
2. umf. Fimmtudag 1. nóv. kl. 19.30
3. umf. Fimmtudag 8. nóv. kl. 19.30
4. umf. Fimmtudag 15. nóv. kl. 19.30
5. umf. Fimmtudag 22. nóv. kl. 19.30
6. umf. Fimmtudag 29. nóv. kl. 19.30
7. umf. Fimmtudag 6. des. kl. 19.30

Keppnisfyrirkomulag er Svissneskt kerfi.

Tímamörk eru 90 mínútur og 30 sek sem bætist við hvern leik.

Ath. B-flokkur er einungis fyrir skákmenn með 1499 stig eða minna. Umhugsunartími þar er 60 mín + 30 sek. á leik.

Verðlaun auk verðlaunagripa:

1. verðlaun. 25 þús.
2. verðlaun 10 þús.
3. verðlaun 5 þús.

Verðlaun fyrir Skákmeistara Garðabæjar er bókaúttekt hjá Bóksölu Sigurbjarnar fyrir allt að 4.000 kr.
Mótið er um leið Skákþing Taflfélags Garðabæjar. (keppt er um titilinn ef jafnt)

Aukaverðlaun:

Efst(ur) 16 ára og yngri.(1996 og síðar). Bókarvinningur að verðmæti 4.000 kr.
Efst(ur) í B flokki: Bókarvinningur auk grips.

ATH. Ekki er hægt að vinna til fleiri en einna verðlauna. Peningaverðlaunum er skipt, en ekki aukaverðlaunum. Fari fjöldi borgandi keppenda yfir 40 manns verður bætt við verðlaun.

Sæmdartitilinn Skákmeistari Garðabæjar geta aðeins fengið félagsmenn taflfélags í Garðabæ eða skákmaður með lögheimili í Garðabæ.

Þátttökugjöld:

Félagsmenn. Fullorðnir 2.500 kr. 17 ára og yngri ókeypis.
Utanfélagsmenn. Fullorðnir 3.500 kr. Unglingar 17 ára og yngri 2.000 kr

Skráning er á staðnum frá hálftíma fyrir mót en mjög æskilegt er að menn skrái sig fyrirfram á síðunni hér að ofan eða í síma 860 3120.

Skákstjóri er Páll Sigurðsson

Skákmeistari Garðabæjar 2011 var Jóhann H Ragnarsson.

Sjá má upplýsingar um mótið 2011 á chess-result

Spil og leikir | Slóð | Facebook | Athugasemdir (0)

22.10.2012 | 16:52