Tinna Kristín efst á Íslandsmóti kvenna

Tinna Kristín Finnbogadóttir vann Jóhönnu Björg Jóhannsdóttur í 4. umferð Íslandsmóts kvenna sem fram fór í kvöld.  Tinna er efst á mótinu með 3½ vinning.  Lenka Ptácníková, Jóhanna og Elsa María Kristínadóttir eru í 2.-4. sæti með 3 vinninga.  Fimmta umferð fer fram á sunnudag og hefst kl. 13.

Úrslit 4. umferðar:

• Tinna Kristín Finnbogadóttir (2½) - Jóhanna Björg Jóhannsdóttir (3) 1-0
• Hrund Hauksdóttir (2) - Lenka Ptácníková (2) 0-1
• Elsa María Kristínardóttir (2) - Nansý Davíðsdóttir (2) 1-0
• Hallgerður Helga Þorsteinsdóttir (1½) - Hildur Berglind Jóhannsdóttir (1) 1-0
• Donika Kolica (1)  - Veronika Steinunn Magnúsdóttir (1) 0-1
• Ásta Sóley Júlíusdóttir (0) - Svandís Rós Ríkharðsdóttir (0) 0-1

Staða efstu manna:

• 1. Tinna Krstín Finnbogadóttir 3½
• 2.-4. Lenka Ptácníková, Jóhanna Björg Jóhannsdóttir og Elsa María Kristínardóttir 3 v.
• 5. Hallgerður Helga Þorsteinsdóttir 2½
• 6.-8. Hrund Hauksdóttir, Veronika Steinunn Magnúsdóttir og Nansý Davíðdóttir 2.

Röðun 5. umferðar (sunnudagur kl.15)

• Elsa María (3) - Tinna Kristín (3½)
• Lenka (3) - Jóhanna Björg (3)
• Nansý (2) - Hallgerður (2½)
• Veronika (2) - Svandís (1)
• Hrund (2) - Ásta Sóley (0)
• Hildur Berglind (1) - Donika (1)

• Heimasíða mótsins
• Chess-Results

Mennta-og menningarmálaráðherra heiðraði Norðurlandameistarana

 

Katrín Jakobsdóttir ráðherra bauð Norðurlandameisturum Rimaskóla til móttöku í Ráðherrabústaðinn við Tjarnargötu. Meðal viðstaddra voru fulltrúar skólans, foreldrar skákmeistaranna, forystumenn skákhreyfingarinnar og fulltrúar Skóla-og frístundasviðs Reykjavíkur. Ráðherra ávarpaði hina ungu skákmeistara óskaði þeim til hamingju með titilinn og þakkaði þeim fyrir frábæra frammistöðu þeirra á Norðurlandamóti grunnskólasveita í Finnlandi.

 

Skáksveit Rimaskóla vann  mótið með miklum yfirburðum að þessu sinni. Helgi Árnason skólastjóri Rimaskóla þakkaði ráðherra fyrir boðið fyrir hönd gesta og færði mennta-og menningarmálaráðherra, forseta Skáksambands Íslands og sviðstjóra Skóla-og frístundasviðs myndir sem teknar voru á Norðurlandamótinu. Ráðherra bauð gestum upp á heitt súkkulaði og rjómapönnukökur sem gestir tóku vel á og nutu veitinganna yfir góðu spjalli og léttri umræðu. Móttaka ráðherra var skákmeisturunum ungu mikill heiður og boðið sýnir þann góða stuðning sem íslensk stjórnvöld hafa í gegnum tíðina sýnt skákíþróttinni.

Bein útsending frá 4. umferð Íslandsmóts kvenna

Fjórða umferð Íslandsmóts kvenna hefst nú í kvöld kl. 19.  Aðalviðureign umferðarinnar skák er landsliðskvennanna Jóhönnu Bjargar Jóhannsdóttur, sem er efst með fullt hús og Tinnu Kristínar Finnbogadóttur, sem er önnur með 2½ vinning. 

Meðal annarra viðureigna má nefna skák Hrundar Hauksdóttir og Lenku Ptácníková  og skák Íslandsmeistara kvenna, Elsu Maríu Kristínardóttir, og Íslandsmeistara barna, Nansý Davíðsdóttur en þessar fjórar eru í 3.-6. sæti með 2 vinninga.

Beina útsendingu úr fjórðu umferð má nálgast hér:  http://live.chess.is/2012/kvenna/r4/tfd.htm

Röðun 4. umferðar:

• Tinna Krstín Finnbogadóttir (2½) - Jóhanna Björg Jóhannsdóttir (3)
• Hrund Hauksdóttir (2) - Lenka Ptácníková (2)
• Elsa María Kristínardóttir (2) - Nansý Davíðsdóttir (2)
• Hallgerður Helga Þorsteinsdóttir (1½) - Hildur Berglind Jóhannsdóttir (1)
• Donika Kolica (1)  - Veronika Steinunn Magnúsdóttir (1)
• Ásta Sóley Júlíusdóttir (0) - Svandís Rós Ríkharðsdóttir (0)

• Heimasíða mótsins
• Chess-Results

Harvey vann - Vignir Vatnar næstbestur

Þriðja mótið í Kappteflinu um Patagóníusteininn III var tefld í gærkvöldi (25. okt. ) í Bolholtinu og mátti heyra siguróp og fögnuð frá leik kvennalandsliðsins í knattspyrnu bergmála frá Laugardalsvelli.  Gunni Gunn ákvað að sleppa þessari umferð og sitja límdur við skjáinn sinn heima enda á fótbolti hug hans allan ásamt skákinni. 

Fjögur bestu mót hvers keppenda af 6 telja til stiga svo ekki er öll nótt úti enn og of snemmt að spá í lokaniðurstöður enda mótaröðin rétt hálfnuð, 3 mót eftir.  Gaman var að sjá gamlar kempur og aufúsugesti eins og Baldur Hermannsson og Sigurjón Magnússon mæta til tafls og velgja fastagestum undir uggum.

Helstu úrslit urðu þau að hinn brosmildi höbbðingi Harvey Georgsson vann í annað sinn sætan sigur með 9 vinningum af 11 möguleikum og fast á hæla honum kom hinn unga vonarstjarna skáklistarinar Vignir Vatnar Stefánsson (aðeins 9 ára) með 8 vinninga, svipuð úrslit og fyrir hálfum mánuði.  (Hinn ungi sveinn var gestur í KR-mótinu á mánudagskvöldið var og náði þar 5-8 sæti með 7.5 v af 13 mögulegum en keppendur voru á þriðja tug).  Önnur úrslit sjá meðf. 

Staðan í mótaröðinni eftir þrjú mót af sex er nú þessi: 

Harvey Georgsson með 20 stig (2 mót); Vignir Vatnar 16 stig (2); Guðfinnur Kjartansson 16 stig (3) og fjórði Össur Kristinsson með 15 stig (3), rétt eins og meðf. mótstafla og mynd ber með sér.

 

 

Meira á www.galleryskak.net.

Myndaalbúm (ESE)

Unglingameistaramót Íslands (20 ára og yngri) fer fram 2. og 3. nóvember

Unglingameistaramót Íslands 2012 fer fram í Faxafeni 12, Reykjavík dagana 2.- 3. nóvember nk.  Þátttökurétt eiga þeir sem verða 20 ára á almanaksárinu og yngri.

Sigurvegari á mótinu hlýtur titilinn "Unglingameistari Íslands 2012" og í verðlaun farseðil - að hámarki kr. 50.000.-  á skákmót erlendis.  Farseðilinn gildir í eitt ár.

Umferðatafla:             

Föstudagur 2. nóv.:

kl. 20.00                                  4 atskákir

Laugardagur 3. nóv.:

kl. 17.00                                  3 atskákir

Að móti loknu verður verðlaunaafhending og lokahóf.

Tímamörk:                   25 mín + 10 sek. viðbótartími á hvern leik     

Þátttökugjöld:             kr. 2.000.-

Skráning: http://www.skak.is (skráningarform væntanlegt 28. október) og [e-mail].

Íslandsmót 15 ára og yngri fer fram 3. og 4. nóvember

Skákþing Íslands 2012 -  drengja-og telpnameistaramót (15 ára og yngri)

Skákþing Íslands 2012 -   pilta-og stúlknameistaramót (13 ára og yngri)                                                          

Keppni á Skákþingi Íslands 2012 - 15 ára og yngri (fædd 1997 og síðar) og 13 ára og yngri (fædd 1999 og síðar) verður haldið í félagsheimili Taflfélags Reykjavíkur  dagana 3. og 4. nóvember nk.  Tefldar verða 9 umferðir eftir monrad kerfi og er umhugsunartími 20 mín. á skák fyrir keppanda.  Teflt verður í einum flokki.

Skákstaður: Faxafen 12, Reykjavík

Umferðartaflan:

Laugardagur 3. nóvember      

• kl. 13.00                      1. umferð
• kl. 14.00                      2. umferð
• kl. 15.00                      3. umferð
• kl. 16.00                      4. umferð
• kl. 17.00                      5. umferð

Sunnudagur 4. nóvember       

• kl. 11.00                      6. umferð
• kl. 12.00                      7. umferð
• kl. 13.00                      8. umferð
• kl. 14.00                      9. umferð

                                               

Þetta eru áætlaðar tímasetningar, en hver ný umferð hefst að þeirri fyrri lokinni.

Að því loknu verðlaunaafhending og mótsslit.

Þátttökugjöld: kr. 1.000.- (hámark kr. 1.500.- fyrir fjölskyldu)

Verðlaun:        Verðlaunabikarar fyrir þrjú efstu sætin í hvorum flokki.

Skráning: http://www.skak.is (skráningarform væntanlegt 28. október) og [e-mail].

Skákþing Garðabæjar hófst í gær

Skákþing Garðabæjar hófst í gær í sameinuðu sveitarfélagi Garðabæjar og Álftaness. Alls taka 25 skákmenn þátt, 10 í sterkum a-flokki og 15 í b-flokki.

Í a-flokki urðu óvænt úrslit.  Jón Birgir Einarsson (1658) vann Kjartan Maack (2079) og Bjarnsteinn Þórsson (1335) gerði jafntefli við sjálfan formanninn, Pál Sigurðsson (1995).

Í b-flokki unnu hinir stigahærri hina stiglægri.

Mótinu verður framhaldið fimmtudagskvöldið 1. nóvember en teflt er einu sinni í viku.

• Heimasíða TG 
• Chess-Results

Unglingameistaramót Hellis hefst á mánudaginn

Unglingameistaramót Hellis 2012 hefst mánudaginn 29. október n.k. kl. 16.30 þ.e. nokkru fyrr heldur en venjulegar mánudagsæfingar. Mótinu verður svo fram haldið þriðjudaginn 30. október n.k. kl. 16.30.  Tefldar verða 7 umferðir eftir Monrad kerfi. Fyrri keppnisdaginn verða fjórar skákir og þrjár þann seinni. Umhugsunartími á hverja skák er 20 mínútur. Mótið er opið öllum 15 ára og yngri en titilinn sjálfan getur aðeins félagsmaður í Helli unnið. Á meðan á mótinu stendur falla venjulegar barna- og unglingaæfingar niður. Næsta barna- og unglingaæfing verður mánudaginn 5. nóvember nk.  Keppnisstaður er Álfabakki 14a og er salur félagsins á þriðju hæð. Engin þátttökugjöld.
 
Umferðatafla:
 
1.-4. umferð:               Mánudaginn 29. október kl. 16.30
5.-7. umferð:               Þriðjudaginn 30. október kl. 16.30
 
Verðlaun:
 
1.   Unglingameistari Hellis fær farandbikar til varðveislu í eitt ár.
2.   Þrír efstu fá verðlaunagripi til eignar.
3.   Allir keppendur fá skákbók.
4.   Þrír efstu 12 ára og yngri fá verðlaunapening.
5.   Stúlknameistari Hellis fær verlaunagrip til eignar.
 
Rétt er að minna keppendur á að slökkva á farsímum sínum meðan á mótinu stendur því í þessu móti verður umhugsunartíminn minnkaður um helming ef síminn hringir hjá keppanda meðan á skák stendur.

Íslandsmót kvenna: Pörun 4. umferðar

Hrund Hauksdóttir vann Svandísi Rós Ríkharðsdóttur í frestaðri skák úr 3. umferð Íslandsmóts kvenna sem fram fór í kvöld.  Nú er því ljóst hverjar mætast í 4. umferð sem fram fer á morgun.

Úrslit 4. umferðar:

• Tinna Krstín Finnbogadóttir (2,5) - Jóhanna Björg Jóhannsdóttir (3,0)
• Hrund Hauksdóttir (2,0) - Lenka Ptácníková (2,0)
• Elsa María Kristínardóttir (2,0) - Nansý Davíðsdóttir (2,0)
• Hallgerður Helga Þorsteinsdóttir (1,5) - Hildur Berglind Jóhannsdóttir (1,0)
• Donika Kolica (1,0)  - Veronika Steinunn Magnúsdóttir (1,0)
• Ásta Sóley Júlíusdóttir (0,0) - Svandís Rós Ríkharðsdóttir (0,0)

Myndaalbúm úr 3. umferð (GB)

Skákir 3. umferðar

Chess-Results

Ingimundur atskákmeistari SSON

Ingimundi Sigurmundssyni tókst að verja atskákmeistaratitil sinn með glæsibrag er hann bar sigur úr býtum á atskákmeistaramóti félagsins sem lauk í gærkvöldi.

Fyrir síðustu umferðir var ljóst að einungis tveir gátu ógnað sigri hans á mótinu, bróðir hans Úlfhéðinn og Sigurður H. Jónsson.

Ingimundur sýndi af sér feikna öryggi í skákum kvöldsins meðan þeir félagar töpuðu niður punktum.

Mótið fór að sjálfsögðu vel fram og skemmtu menn sér konunglega, veitingar voru góðar en formaður hafði eldað kjötsúpu sem vel fór ofan í mannskapinn.

Röð efstu manna:

• 1. Ingimundur Sigurmundsson 11 v. af 12
• 2. Sigurður H. Jónsson 10½ v.
• 3.-4. Úlfhéðinn Sigurmundsson og Páll Leó Jónsson 8½ v.
• 5. Grantas Grigoranas 8 v.
• 6. Ingvar Örn Birgisson 7 v.
• 7. Erlingur Jensson 6½ v.
• 8. Pálmar Breiðfjörð 6 v.

Heimasíða SSON
Chess-Results