Unglingameistaramót Hellis hefst í dag

Unglingameistaramót Hellis 2012 hefst mánudaginn 29. október n.k. kl. 16.30 þ.e. nokkru fyrr heldur en venjulegar mánudagsæfingar. Mótinu verður svo fram haldið þriðjudaginn 30. október n.k. kl. 16.30.  Tefldar verða 7 umferðir eftir Monrad kerfi. Fyrri keppnisdaginn verða fjórar skákir og þrjár þann seinni. Umhugsunartími á hverja skák er 20 mínútur. Mótið er opið öllum 15 ára og yngri en titilinn sjálfan getur aðeins félagsmaður í Helli unnið. Á meðan á mótinu stendur falla venjulegar barna- og unglingaæfingar niður. Næsta barna- og unglingaæfing verður mánudaginn 5. nóvember nk.  Keppnisstaður er Álfabakki 14a og er salur félagsins á þriðju hæð. Engin þátttökugjöld.
 
Umferðatafla:
 
1.-4. umferð:               Mánudaginn 29. október kl. 16.30
5.-7. umferð:               Þriðjudaginn 30. október kl. 16.30
 
Verðlaun:
 
1.   Unglingameistari Hellis fær farandbikar til varðveislu í eitt ár.
2.   Þrír efstu fá verðlaunagripi til eignar.
3.   Allir keppendur fá skákbók.
4.   Þrír efstu 12 ára og yngri fá verðlaunapening.
5.   Stúlknameistari Hellis fær verlaunagrip til eignar.
 
Rétt er að minna keppendur á að slökkva á farsímum sínum meðan á mótinu stendur því í þessu móti verður umhugsunartíminn minnkaður um helming ef síminn hringir hjá keppanda meðan á skák stendur.

Hraðkvöld hjá Helli í kvöld

Taflfélagið Hellir heldur hraðkvöld mánudaginn 29. október nk. og hefst taflið kl. 20:00. Tefldar verða 7 umferðir með sjö mínútna umhugsunartíma. Teflt er í félagsheimili Hellis í Álfabakka 14a í Mjóddinni.

Sigurvegarinn á hraðkvöldinu fær í verðlaun máltíð fyrir einn á Saffran. Einnig verður dreginn út af handahófi annar keppandi, sem fær pizzu hjá Dominos Pizzum. Þar eiga allir jafna möguleika, án tillits til árangurs á mótinu.

Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

Skákþáttur Morgunblaðsins: Feilspor heimsmeistaranna

 

Heimsmeistarar eiga sína góðu daga og slæmu eins og gengur en feilspor þeirra vekja meiri athygli en annarra og verða hluti af skáksögunni. Kasparov vann flest mót sem hann tók þátt í en í Horgen í Sviss árið 1995 varð hann að sætta sig við 50% vinningshlutfall og vann aðeins eina skák í ellefu umferðum.

 

Anatolí Karpov vann ekki skák í sex tilraunum í Evrópukeppni landsliða í Skara í Svíþjóð 1980 og tapaði frægri viðureign fyrir Tony Miles sem hóf leikinn með því að svara kóngspeðsleik heimsmeistarans með 1. ... a6.

Sem heimsmeistari virtist Tigran Petrosjan ekki leggja mikið upp úr því að vinna þau mót sem hann tók þátt í. Hann hélt titlinum í sex ár frá 1963 til '69 en á öflugasta móti þessa tímabils, sem haldið var í Santa Monica í Kaliforníu, náði hann aðeins 50% vinningshlutfalli í 18 umferðum og var langt á eftir Spasskí, Fischer og Larsen.

Heimsmeistarinn Anand hefur verið að gefa eftir í baráttunni við sér yngri menn. Á „stórslemmu-mótinu", sem skipt var á milli Sao Paulo í Brasilíu og Bilbao á Spáni, og lauk í síðustu viku fékk hann aðeins 4½ vinning úr tíu skákum, gerði níu jafntefli og tapaði fyrir Magnúsi Carlsen. Norðmaðurinn hóf mótið á því að tapa fyrir Ítalanum Fabiano Caruana, sem um miðbik mótsins virtist ætla að stinga aðra keppendur af. En í Bilbao-hlutanum héldu Magnúsi engin bönd, hann náði þegar í stað fram hefndum gegn Caruana, lagði síðan Spánverjann Vallejo-Pons og komst upp við hliðina á Ítalanum með því að leggja Anand að velli í næstsíðustu umferð. Magnús og Caruana urðu efstir sex keppenda með 6½ v. af 10 mögulegum og tefldu tvær hraðskákir um sigurvegaratitilinn og Norðmaðurinn vann þær báðar. Nú er hann aðeins 3 stigum frá meti Kasparovs frá árinu 1999 sem þá náði 2851 stigi. Virðist aðeins tímaspursmál hvenær Magnús Carlsen verður heimsmeistari, fyrstur Norðurlandabúa:

Magnús Carlsen - Wisvanathan Anand

Sikileyjarvörn

1.e4 c5 2. Rf3 d6 3. Bb5+

Vinsæll leikur um þessar mundir, Magnús vill greinilega sneiða hjá Najdorf-afbrigðinu sem kemur upp eftir 3. d4 cxd4 4. Rxd4 Rf6 5. Rc3 a6.

3. ... Bd7 4. Bxd7+ Dxd7 5. c4 Rf6 6. Rc3 g6 7. d4 cxd4 8. Rxd4 Bg7 9. f3 Dc7 10. b3 Da5 11. Bb2 Rc6 12. O-O O-O 13. Rce2 Hfd8 14. Bc3 Db6 15. Kh1 d5!

Þekkt leikbragð komið frá Kasparov og byggist á hugmyndinni 16. exd5 Rxd5! 17. cxd5 Hxd5 18. Rxc6 Hxd1 19. Rxe7+ Kh8! 20. Haxd1 De3! og annar riddarinn fellur.

16. Rxc6 bxc6 17. De1!

Laglegur leikur sem hótar 18. Ba5.

17. ... Hdc8 18. e5 Re8 19. e6!

Óþægilegur leikur fyrir Anand sem hindrar eðlilega liðskipan.

19. ... fxe6 20. Rf4 Bxc3 21. Dxc3 d4 22. Dd2 c5 23. Hae1 Rg7 24. g4 Hc6

Eðlilegra virðist 24. ... Hf8.

25. Rh3!

Svartur virðist eiga við óyfirstíganlega erfiðleika að etja eftir þennan leik. Hinn möguleikinn er að leika 25. ... e5 með hugmyndinni 26. Dh6 g5 27. Dxg5 He6 en það er heldur ekki gott.

25. ... Re8 26. Dh6 Rf6 27. Rg5 d3 28. He5 Kh8 29. Hd1 Da6 30. a4

Erfitt er að benda á afleik Anands í þessari skák. Hann mat stöðu sína algerlega vonlausa, sem forritið „Houdini" staðfestir, og gafst upp. Lokastaðan minnir á orrystu sem skyndilega hefur lokið án þess að einu einasta skoti hafi verið hleypt af.

 

-------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 21. október 2012.

Skákþættir Morgunblaðsins

[Event "Bilbao Masters"] [Site "0:22:33-0:31:33"] [Date "2012.10.12"] [EventDate "2012.09.24"] [Round "9"] [Result "1-0"] [White "Magnus Carlsen"] [Black "Viswanathan Anand"] [ECO "B52"] [WhiteElo "?"] [BlackElo "?"] [PlyCount "59"] 1.e4 c5 2.Nf3 d6 3.Bb5+ Bd7 4.Bxd7+ Qxd7 5.c4 Nf6 6.Nc3 g6 7.d4 cxd4 8.Nxd4 Bg7 9.f3 Qc7 10.b3 Qa5 11.Bb2 Nc6 12.O-O O-O 13.Nce2 Rfd8 14.Bc3 Qb6 15.Kh1 d5 16.Nxc6 bxc6 17.Qe1 Rdc8 18.e5 Ne8 19.e6 fxe6 20.Nf4 Bxc3 21.Qxc3 d4 22.Qd2 c5 23.Rae1 Ng7 24.g4 Rc6 25.Nh3 Ne8 26.Qh6 Nf6 27.Ng5 d3 28.Re5 Kh8 29.Rd1 Qa6 30.a4 1-0

Tinna efst á Íslandsmóti kvenna

Tinna Kristín Finnbogadóttir vann Elsu Maríu Kristínardóttur í fimmtu umferð Íslandsmóts kvenna sem fram fór í dag.  Tinna er efst á mótinu með 4,5 vinning.  Lenka Ptácníková, sem vann Jóhönnu Björg Jóhannsdóttur, er önnur með 4 vinninga, og Hallgerður Helga Þorsteinsdóttir sem vann Nansý Davíðsdóttir, er í þriðja sæti með 3,5 vinning.

Sjötta og næstsíðasta umferð fer fram á morgun og hefst kl. 19.  Þá mætast m.a. Tinna-Hallgerður og Lenka-Elsa.

Skákir fimmtu umferðar

Úrslit 5. umferðar:

• Elsa María (3) - Tinna Kristín (3½) 0-1
• Lenka (3) - Jóhanna Björg (3) 1-0
• Nansý (2) - Hallgerður (2½) 0-1
• Veronika (2) - Svandís (1) 1-0
• Hrund (2) - Ásta Sóley (0) 1-0
• Hildur Berglind (1) - Donika (1) 0-1

 Staða efstu kvenna:

• 1. Tinna Kristín Finnbogadóttir 4½ v.
• 2. Lenka Ptácníková 4 v.
• 3. Hallgerður Helga Þorsteinsdóttir 3½
• 4.-7. Jóhanna Björg Jóhannsdóttir, Elsa María Kristínardóttir, Veronika Steinunn Magnúsdóttir og Hrund Hauksdóttir 3 v.

Röðun 6. umferðar (mánudagur kl. 19):

• Tinna (4½) - Hallgerður (3½)
• Lenka (4) - Elsa (3)
• Jóhanna (3) - Veronika (3)
• Nansý (2) - Hrund (3)
• Ásta (0) - Donika (2)
• Svandís (1) - Hildur (1)

• Heimasíða mótsins
• Beinar útsendingar
• Chess-Results

Henrik með 1,5 vinning í 2 skákum í dönsku deildakeppninni

Stórmeistarinn Henrik Danielsen tefldi tvær skákir í dönsku deildakeppninni um helgina.  Í þeirri fyrri vann hann stórmeistarann Allan Stig Rasmussen (2507) en í þeirri síðari gerði hann jafntefli við alþjóðlega meistarann Jan Sørensen (2426).

Henrik teflir á fyrsta borði fyrir klúbbinn BMS Skak.  Dönsku deildakeppninni verður framhaldið 2. desember nk.

Heimasíða dönsku deildakeppninnar

Æskan & ellin IX: Æskumaðurinn Oliver Aron vann sætan sigur

Hátíðlegur blær sveif yfir vötnunum á vetrardaginn fyrsta í Hásölum vinda að Strandbergi, Safnaðarheimili Hafnarfjarðarkirkju, í gær, er mótssetning 9. Skákmótsins Æskan og Ellin fór fram.

Það var RIDDARINN, skákklúbbur eldri borgara á höfuðborgarsvæðinu, sem stóð fyrir mótinu þar sem kynslóðirnar mætast.  Reyndar kom í ljós að það er ekki lengur neitt kynslóðabil að finna í skákinni, þrátt fyrir 70-80 ára aldursmun keppenda, það bil hefur þegur verið brúað fyrir löngu, þökk sé öflugu uppbyggingarstarfi skákhreyfingarinnar og skólaskák.   

Að loknum inngangsorðum Einars S. Einarsson, formanns mótsnefndar, sem bar hitann og þungan af mótshaldinu, setti Séra Þórhildur Ólafs, sóknarprestur mótið með fallegu ávarpi þar sem hún fór fögrum orðum um skáklistina og uppeldislegt gildi hennar. Hún bað þess "að blessun Guðs hvíldi yfir öllum þeim sem skáklistina stunda".   Síðan lék Sigurjón Pétursson, formaður sóknarnefndar fyrsta leikinn í skák þeirra Júlíusar Friðjónssonar og Andra Más Halldórssonar.  Verndari mótsins Sr. Gunnþór Ingason, fyrrv. sóknarprestur, vakti yfir mótinu með nærveru sinni og Gunnar Björnsson, forseti Skáksamband Íslands, var mættur á staðinn til að óska mótshöldurum til hamingju með framtakið og keppendum góðs gengis.  Páll Sigurðsson, alþjl. dómari, var skákstjóri og fórst það vel úr hendi að vanda.

Mottó mótsins var:  "Skák er mitt líf og yndi"  sem útleggst  "Að tefla er geðveikt gaman"  á unglingamáli.  Keppendur voru liðlega 60 talsins og alls voru tefldar 9. umferðir í striklotu með 7 mínútna umhugsunartíma á skákina.  Loftið í keppnissalnum var spennuþrungið, gleði og góður baráttusandi geislaði af andlitum jafnt yngri sem eldri. Vart mátti sjá fyrirfram hvernig úrslit féllu, sem urðu mörg hver svo óvænt að við lá að "áfallastreytuhliðrunarhugröskunar" gætti hjá stöku keppanda. Að lokinni mikilli orrahríð á hvítum reitum og svörtum var boðið til veislu en síðan lauk mótinu með verðlaunaafhendingu og veglegu vinningahappdrætti.  

Ljóst var frá byrjun að ungdómurinn ætlaði sér mikið í mótinu. Dagur Ragnarsson (15) leiddi mótið lengst af og lagði meðal annars af velli tvo fyrrv. sigurvegara þess, þá Braga Halldórsson og Jóhann Örn Sigurjónsson, sem og þann þriðja Gunnar Gunnarsson í lokaumferðinni.  En eftir tap fyrir Júlíusi Friðjónsyni í 8. umferð seig Oliver Aron Jóhannesson (14), sem fylgt hafði honum eins og skugginn, fram úr honum og vann mótið glæsilega með 8 vinningum af 9 mögulegum.  Vann alla þrjá fyrrv. sigurvegara líka og leyfði aðeins 2 jafntefli og vann að lokum dísætan sigur. Oliver fetar þar í slóð Hjörvars Steins Grétarssonar, sem vann mótið tvisvar í röð 2007 og 2008.  Báðir hafa þessir æskumenn unnið flokkaverðlaun á fyrri mótum, en sýndu nú hvers þeir eru orðnir megnugir. "Þeim fer stöðugt fram meðan sumum öðrum fer þeim mun meira aftur eftir því sem aldurinn færist yfir", eins og Gunni Gunn lét umælt í mótslok.   Í heildina tekið má segja að mótið tekist vel, farið einkar vel fram og verið öllum til ánægju sem þátt í því tóku, fylgdarliði og góðum gestum.. 

Aðalúrslit:

 1. Oliver Aron Jóhannesson 8v;

 2. Dagur Ragnarsson   7½v,

 3. Bragi Halldórsson     7v;

Aldurflokkaverðlaun:

80 ára og eldri:  Björn Víkingur Þórðarson 6v

76-80 ára: Gunnar Kr. Gunnarsson 6v

71-75 ára: Hermann Ragnarsson  6½v

60-70 ára: Bragi Halldórsson 7v.

13-15 ára:  Oliver Aron Jóhannesson 8v; Dagur Ragnarsson 7½v.; Gauti Páll Jónsson 6v;

10-12 ára: Nansý Davíðsdóttir 6v; Dawid Kolka 5½v; Jóhann Arnar Finnsson 5v;

9 ára og yngri: Vignir Vatnar Stefánsson 6v; Óskar Víkingur Davíðsson 5v; Joshua Davíðsson 5v.

Aukaverðlaun:

Elsti keppandinn: Sverrir Gunnarsson (85) 4v.

Yngsti keppandinn: Stefán Orri Davíðsson (6) 4v: 

Aðalstuðningsaðilar: Hafnarfjarðarkirkja; POINT á Íslandi; ÍSLANDSBANKI; JÓI ÚTHERJI; URÐUR bókaútgáfa; Hrói Höttur; GÓA sælgæti

Nánari úrslit : sjá meðf. myndir og mótstöflu og á www.riddarinn.net

 

 

Einstaklingsúrslit og fleira má finna á: http://chess-results.com/tnr83812.aspx?art=4&lan=1

Myndaalbúm (ESE)

Bein útsending frá fimmtu umferð Íslandsmóts kvenna

Fimmta umferð Íslandsmóts kvenna hefst nú kl. 13 í dag í húsnæði Skáksambandsins.  Margar spennandi skákir eru á dagskrá í dag og má þarna nefna að Tinna Kristín Finnbogadóttir, sem leiðir á mótinu með 3½ vinning, teflir við Íslandsmeistarann Elsu Maríu Kristínardóttu, sem er í 2.-4. sæti með 3 vinninga ásamt landsliðskonunum Lenku Ptácníkovú og Jóhönnu Björg Jóhannsdóttur sem mætast innbyrðis.

Bein útsending frá fimmtu umferð

Röðun 5. umferðar (sunnudagur kl. 13)

• Elsa María (3) - Tinna Kristín (3½)
• Lenka (3) - Jóhanna Björg (3)
• Nansý (2) - Hallgerður (2½)
• Veronika (2) - Svandís (1)
• Hrund (2) - Ásta Sóley (0)
• Hildur Berglind (1) - Donika (1)

 Staða efstu kvenna:

• 1. Tinna Kristín Finnbogadóttir 3½ v.
• 2.-4. Lenka Ptácníková, Jóhanna Björg Jóhannsdóttir og Elsa María Kristínardóttir 3 v.
• 5. Hallgerður Helga Þorsteinsdóttir 2½ v.
• 6.-8. Hrund Hauksdóttir, Veronika Steinunn Magnúsdóttir og Nansý Davíðdóttir 2 v.

• Heimasíða mótsins
• Beinar útsendingar
• Chess-Results

Vetrarmót öðlinga hefst á miðvikudagskvöldið

Vetrarmót öðlinga 40 ára og eldri hefst miðvikudaginn 31. október kl. 19.30 í félagsheimili T.R. að Faxafeni 12. Tefldar verða sjö umferðir og er umhugsunartíminn 90 mínútur á alla skákina + 30 sekúndna viðbótartími á hvern leik.

Mótið er nú haldið í annað sinn en það fékk frábærar viðtökur í fyrra þegar 47 keppendur skráðu sig til leiks og var þátttökulistinn vel skipaður.  Meðalstig tíu stigahæstu keppendanna voru rúm 2.200 og næstu tíu tæp 2100.  Aðeins er teflt einu sinni í viku, á miðvikudagskvöldum kl. 19.30, og mótinu lýkur vel fyrir jól.

Þátttökurétt hafa allir öðlingar fertugir og eldri.

Dagskrá:

• 1. umferð miðvikudag 31. október kl. 19.30
• 2. umferð miðvikudag 7. nóvember kl. 19.30
• 3. umferð miðvikudag 14. nóvember. kl. 19.30
• 4. umferð miðvikudag 21. nóvember kl. 19.30
• 5. umferð miðvikudag 28. nóvember kl. 19.30
• 6. umferð miðvikudag 5. desember kl. 19.30
• 7. umferð miðvikudag 12. desember kl. 19.30

Keppt er um veglegan farandbikar, en auk hans eru verðlaun fyrir þrjú efstu sætin.

Þátttökugjald er kr. 4.000. Innifalið er frítt kaffi allt mótið.

Skráning fer fram á http://www.taflfelag.is/

Svindmál skekur þýskt skáklíf

Í þýsku deildakeppninni (Bundesliga) kom upp svindlmál síðustu helgi.  Dæmt var tap á þýska stórmeistarann Falko Bindrich í skák hans gegn stórmeistaranum Sebastian Siebricht eftir aðeins 10 leiki.  Ástæðan fyrir því var sá að hann hafði smartsíma á sér þegar hann fór á salernið og neitaði að sína hann skákstjóranum þegar þess var óskað en heimild er fyrir slíku í reglum keppninnar.

Í fyrri skák helgarinnar vann hann Pavel Tregubov en þá virðast strax grunsemdir vaknað samkvæmt frásögn Chessbase um málið:

Grípum í frásögn skákstjóra:

On Sunday, at 10:00 a.m. Falko Bindrich was playing on board seven against Sebastian Siebrecht. Shortly after the start of the game I saw that Falko Bindrich disappear into the toilet for the first time. I became suspicious. Shortly after 10:30 a.m. he was gone again, and fifteen minutes again. That was too much for me and I followed him to the toilet. Sebastian Siebrecht, too, had noticed something odd about the behavior of Falko Bindrich. He caught up with me just before we reached the toilet, and we had a brief conversation, during which I told him that I intend to carry out a pocket check. I asked Sebastian Siebrecht leave the space in front of the toilet, so I could confront Falko Bindrich alone.

og síðar:

I had no other choice but to terminate the game and award the point to Sebastian Siebrecht. I consider the refusal to hand over the mobile phone clear proof that it had been used illegally, and in addition the refusal was against the rules of the event. I would like to mention that the team captain of Eppingen accepted this decision without discussion and later apologised to Sebastian Siebrecht and the team captain of Katernberg for the behaviour of his player.

Bindrich er ekki sammála og segir m.a. í yfirlýsingu um málið:

I want to clarify once again that I was not disqualified by the referee because of cell phone fraud, but because of my refusal to allow him to inspect my cell phone. The reasons for this are complex. First and foremost, I see it as a direct invasion of my privacy. I can allow anyone. really anyone, access to my mobile phone. On it I have, apart from my private data (very private pictures and messages) also sensitive business data. I need to protect this. Releasing the data would cost me my job and important relationships. I could not risk this. It is true that I have, as many other chess players too, a chess app stored on my phone, including a post game analysis of my game against Tregubov, which I conducted on Saturday night after the game in the hotel room. To my knowledge one must carry a cell phone, provided it is switched off, which in this case it always was.

Mun ítarlegri frásögn um málið má lesa á Chessbase.

Æskan og ellin fer fram í dag

Skákmótið í skák  "Æskan og Ellin" verður haldið í  9. sinn  laugardaginn 27.  október nk. í Strandbergi, Safnaðarheimili Hafnarfjarðarkirkju.  RIDDARINN, skákklúbbur eldri borgara,  stendur fyrir mótinu meðstuðningi  dyggra stuðningsaðila.  Þátttaka  í mótinu er ókeypis og miðast við börn og ungmenni á grunnskólaaldri, 15 ára og yngri og öldunga 60 ára og eldri. Vegleg verðlaun og viðurkenningar.

Mótið hefst kl. 13  á laugardaginn kemur og  því lýkur um kl. 17  með veglegri veislu, verðlaunaafhendingu og vinningahappdrætti. Telfdar verða 9 skákir með 7 mínútna umhugsunartíma.  Æskilegt er að skrá sig fyrirfram eða mæta tímanlega á mótsstað. 

Skráning fer fram hér á Skák.is.

Lesa má meira um mótið hér: http://skak.blog.is/blog/skak/entry/1261854/ og á www.riddarinn.net.