Bolvíkingar efstir á Íslandsmóti skákfélaga

Bolvíkingar leiða á Íslandsmóti skákfélaga að lokinni 3. umferð sem fram fór í kvöld.  Bolvíkingar unnu Eyjamenn með minnsta mun, 4,5-3,5 þar sem gerð voru 7 jafntefli.  Jóhann Hjartarson var sá eini sem vann sína skák.  Bolvíkingar hafa 16 vinninga.  Taflfélag Reykjavíkur er í öðru sæti með 15,5 eftir 6,5-1,5 á Skákfélagi Akureyrar.   Goðinn/Mátar og Víkingaklúbburinn eru í 3.-4. sæti með 15 vinninga.  Goðar unnu b-sveit Bolungarvíkur, 5,5-2,5 en Víkingaklúbburinn valtaði yfir Helli 7,5-0,5.

Fjórða og síðasta umferð fyrri hlutans fer fram á morgun og hefst kl. 11.   Þá mætast GM-TR, TB-SA, Hellir-TV og TB-b-Víkingaklúbburinn.

Staðan í fyrstu deild:

1. Taflfélag Bolungarvíkur a-sveit 16 v.
2. Taflfélag Reykjavíkur 15,5 v.
3. Goðinn-Mátar 15 v. (6 stig)
4. Víkingaklúbburinn 15 v. (3 stig)
5. Taflfélag Vestamanneyja 14,5 v
6. Taflfélagið Hellir 11 v.
7. Skákfélag Akureyrar 5,5 v.
8. Taflfélag Bolungarvíkur 3,5 v.

Staða efstu liða í 2. deild:

1. Taflfélag Reykjavíkur b-sveit 11,5 v.
2. Goðinn-Mátar b-sveit 11 v.
3. Skákdeild Hauka 10,5 v.

Staða efstu liða í 3. deild:

1. Taflfélag Akraness 6 stig (13 v.)
2. Víkingaklúbburinn 5 stig (12 v.)
3. Skákfélag Vinjar 4 stig (12,5 v.)

Staða efstu liða í 4. deild:

1. UMSB (Borgarnes) 6 stig (14 v.)
2. Briddsfjelagið 5 stig (13 v.)
3. Taflfélagið Hellir d-sveit 5 stig (12,5)

 

• Chess-Results
• Myndaalblúm (GB og HÁ)
• Myndaalbúm (HJ)

Bolar efstir á Íslandsmótinu -- TR-ingar unnu Eyjamenn

Íslandsmeistarar Taflfélag Bolungarvíkur eru efstir á Íslandsmóti skákfélaga eftir 4-4 jafntefli við Víkingaklúbbinn í 2. umferð Íslandsmóts skákfélaga sem fram fór í dag.   Bolvíkingar hafa 11,5 vinning.  Eyjamenn eru í 2. sæti með 11 vinninga þrátt fyrir tap, 3,5-4,5 gegn Taflfélag Reykjavíkur.  Hellismenn eru í þriðja sæti með 10,5 vinning eftir stórsigur 7,5-0,5 á b-sveit Bolvíkinga.  Goðinn/Mátar eru svo í 4.-5. sæti með 9,5 vinning eftir sigur á Akureyringum með minnsta mun.

Þriðja umferð hefst nú kl. 17.  Þá mætast meðal annars Eyjamenn og Bolvíkingar.

Staðan í fyrstu deild:

• 1.       Bolungarvík 11,5 v.
• 2.       TV 11 v.
• 3.       Hellir 10,5 v.
• 4.       Goðinn/Mátar 9,5 v.
• 5.       TR 9 v.
• 6.       Víkingaklúbburinn 7,5 v.
• 7.       SA 4 v.
• 8.       TB-b 1 v.

Staða efstu  liða í 2. deild:

• 1.       TR-b 7,5 v.
• 2.       Goðinn/Mátar 7 v.
• 3.       Fjölnir 6,5 v.

Staðan efstu liða í 3. deild:

• 1.       Skákfélag Íslands 4 stig (7 v.)
• 2.       Víkingaklúbburinn b-sveit  3 stig (7 v.)
• 3.       KR 3 stig (6,5 v.)

Staða efstu liða í 4. deild:

• 1.       Briddsfjelagið 4 stig (10 v.)
• 2.       Víkingaklúbburinn-c 4 stig (9,5 v.)
• 3.       Hellir-d 3 stig (9 v.)

 

• Chess-Results
• Myndaalblúm (GB og HÁ)
• Myndaalbúm (HJ)

Önnur umferð Íslandsmóts skákfélaga: Hvað gera Víkingar gegn Bolum?

Önnur umferð Íslandsmóts skákfélaga hefst klukkan 11 í Rimaskóla. Í efstu deild verða fjórar mjög spennandi viðureignir, en alls er keppt í fjórum deildum á Íslandsmótinu.

Íslandsmeistarar Bolvíkinga mæta Víkingaklúbbnum, og er ljóst að Víkingarnir verða að vinna sigur, ætli þeir sér að vera með í keppninni um titilinn. Víkingarnir töpuðu fyrir harðsnúnu liði Taflfélags Reykjavíkur í fyrstu umferð í gærkvöldi, þar sem Friðrik Ólafsson tryggði TR sigurinn.

Ekki verður síður spennandi að fylgjast með viðureign Eyjamanna og TR. Taflfélag Vestmannaeyja burstaði Skákfélag Akureyrar í fyrstu umferð, og virðist á fljúgandi siglingu, en TR-ingar hafa sýnt hvað í þeim býr.

Goðinn-Mátar teflir fram sínu gríðarsterka liði gegn Skákfélagi Akureyrar, og má búast við að Akureyringar bíti í skjaldarrendur eftir skellinn gegn Eyjamönnum í gærkvöldi.

Þá verður án efa hart barist í viðureign Hellis og B-sveitar Bolungavíkur, enda lykilviðureign í neðri hlutadeildarinnar.

• Chess-Results
• Myndaalblúm (GB og HÁ)
• Myndaalbúm (HJ)

Bolar og Eyjamenn efstir á Íslandsmótinu -- TR vann Víkingaklúbbinn

Íslandsmeistarar, Taflfélag Bolvíkingvíkur, og Taflfélag Vestmannaeyja eru efstir með 7,5 vinninga að lokinni fyrstu umferð Íslandsmóts skákfélaga sem fram fór í kvöld í Rimaskóla.  Bolvíkingar unnu eigin b-sveit 7,5-0,5 en Eyjamenn lögðu Akureyringa með sama mun.  Eftirtektarverðustu úrslit kvöldsins var hins vegar sigur Taflfélags Reykjavíkur á Víkingaklúbbnum, 4,5-,3,5.  Goðinn/Mátar unnu svo Hellismenn 5-3.

Úrslit kvöldins 

• Hellir - Goðinn/Mátar 5-3
• Bolungarvík-b - Bolungarvík-a 0,5-7,5
• Víkingaklúbburinn - Taflfélag Reykjavíkur 3,5-4,5
• Taflfélag Vestmannaeyja - Skákfélag Akureyrar 7,5-0,5

Nokkur eftirtektarverð einstaklingsúrslit:

• Hjörvar Steinn Grétarsson (Helli) - Gawain Jones (GM) 0,5-0,5
• Guðmundur Daðason (TB-b) - Jón Viktor Gunnarsson (TB-a) 0,5-0,5
• Friðrik Ólafsson (TR) - Magnús Örn Úlfarsson  (Vík) 1-0
• Rúnar Sigurpálsson (SA) - Helgi Ólafsson (TV) 0,5-0,5

Keppninni verður svo framhaldið á morgun með tveimur umferðum, sú fyrri hefst kl. 11.  Þá mætast meðal annars:  TR-TV og Bolungarvík-Víkingaklúbburinn.

Staða efstu liða í 2. deild:

• 1.-2. TV-b og GM-b 4 v.
• 3.-4. TR-b og Fjölnir 3,5 v.

Staða efstu liða í 3. deild:

• 1. Akranes 2 stig (6 v.)
• 2. TR-c 2 stig (5 v.)
• 3. SAST 2 stig (4,5 v.)

Staða efstu liða í 4. deild:

• 1.-2. Briddsfjelagið og TR-d 2 stig (6 v.)
• 3.-4. Hellir-unglingasveit og SA-c 2 stig (5,5 v.)

• Chess-Results
• Myndaalblúm (GB og HÁ)
• Myndaalbúm (HJ)

Íslandsmót skákfélaga hófst í kvöld í Rimaskóla

Íslandsmót skákfélaga hófst í kvöld í Rimaskóla.  Mótið er það sterkasta í sögu keppninnar.   Meðal keppenda í keppninni í ár eru Friðrik Ólafsson og Margeir Pétursson en alls tefla um 30 stórmeistarar í keppninni.   

Viðureignir kvöldsins í fyrstu deild eru:

• Hellir - Goðinn/Mátar
• Bolungarvík-b - Bolungarvík-a
• Víkingaklúbburinn - Taflfélag Reykjavíkur
• Taflfélag Vestmannaeyja - Skákfélag Akureyrar

Keppninni verður svo framhaldið á morgun með tveimur umferðum, sú fyrri hefst kl. 11.

• Chess-Results
• Myndaalblúm (GB)

 

 

 

Sterkasta Íslandsmót skákfélaga sögunnar hefst um helgina

Um 400 skákmenn að tafli um helgina á öllum aldri og öllum styrkleika

Um 30 stórmeistarar taka þátt í Íslandsmóti skákfélaga en fyrri hlutinn fer fram um helgina í Rimaskóla.  Nánast allir sterkustu skákmenn landsins taka þátt og þar á meðal Friðrik Ólafsson og hin svokallaða „fjórmenningaklíka"; Jóhann Hjartarson, Helgi Ólafsson, Jón L. Árnason og Margeir Pétursson.  Þetta er í fyrsta skipti um langt árabil sem það gerist.  Íslandsmótið nú er hið sterkasta í sögu mótsins en aldrei áður hafa jafn margir stórmeistarar verið skráðir til leiks.

Búist er við að baráttan standi helst á milli Taflfélags Bolungarvíkur, Íslandsmeistara síðustu fjögurra ára, Taflfélags Vestmannaeyja og Víkingaklúbbsins.  Auk þess eru Skákfélagið Goðinn/Mátar og Taflfélag Reykjavíkur talin geta blandað sér í baráttuna.

Íslandsmót skákfélaga er einstæður skákviðburður.  Um 400 skákmenn tefla og eru af öllum styrkleika.  Allt frá ofurstórmeisturum niður í sex ára byrjendur en teflt er í fjórum deildum.  Rímar vel við hugtakið; Skák er fyrir alla!

Umferðirnar eru sem hér segir (helsta viðureign hverrar umferðar í sviga):

• 1. umferð: Föstudagurinn, 5. október, kl. 20-01 (Víkingaklúbburinn - Taflfélag Reykjavíkur)
• 2. umferð: Laugardaginn, 6. október, kl. 11-16 (Taflfélag Bolungarvíkur - Víkingaklúbburinn)
• 3. umferð: Laugardaginn, 6. október, kl. 17-22 (Taflfélag Vestmannaeyja - Taflfélag Bolungarvíkur)
• 4. umferð: Sunnudaginn, 7. október, kl. 11-16 (Goðinn/Mátar - Taflfélag Reykjavíkur)

 

Chess-Results

 

Bolvíkingum spáð sigri

Ritstjóri hefur gert hina hefðbundu spá um Íslandsmót skákfélaga og er Bolvíkingum spáð sigri fimmta árið í röð.

Spá ritstjóra.

 

Topalov, Gelfand og Mamedyarov sigurvegar Grand Prix-mótsins í London

Topalov (2752), Gelfand (2738) og Mamedyarov (2729) urðu efstir og jafnir á FIDE Grand Prix-mótinu sem lauk í London í gær.   Það vekur athygli að Giri (2730) sem og stigahæsti keppandi mótsins Nakamura (2783) hafi orðið að sæta sig við að vera neðstir.

Lokastaðan:

Rank	Name	Rtg	FED	Pts	SB
1	Topalov Veselin	2752	BUL	7	36.25
2	Gelfand Boris	2738	ISR	7	35.75
3	Mamedyarov Shakhriyar	2729	AZE	7	34.75
4	Grischuk Alexander	2754	RUS	6½	36.75
5	Leko Peter	2737	HUN	6	32.50
6	Wang Hao	2742	CHN	5½	28.75
7	Adams Michael	2722	ENG	5	26.75
8	Ivanchuk Vassily	2769	UKR	5	26.00
9	Kasimdzhanov Rustam	2684	UZB	4½	24.25
10	Dominguez Perez Leinier	2725	CUB	4½	23.75
11	Giri Anish	2730	NED	4	22.00
12	Nakamura Hikaru	2783	USA	4	20.50

 

Heimasíða mótsins

Hjörvar Steinn vann fyrsta mótið í mótaröðinni "Kynslóðirnar keppa"

Hjörvar Steinn Grétarsson vann fyrsta mótið í hraðskákmótaröð Skákskóla Íslands, Kynslóðirnar keppa, sem fram fór sl. fimmtudagskvöld.  Hjörvar hlaut 10 vinninga af 11 mögulegum, tapaði  einungs fyrir forseta SÍ, Gunnari Björnssyni.

Með mótaröðinni vill Skákskólinn leiða saman skákmenn á ólíkum aldri og gefa þeim yngri kost á að tefla við sér eldri og reyndari skákmenn. Ýmsir góðir menn hafa boðað þátttöku sína í næstu mótum þ.á m. Friðrik Ólafsson og Jóhann Hjartarson.

Stefnt er á að halda eitt til tvö mót í mánuði og verða gefin

 stig fyrir frammistöðu í hverju móti líkt og í Eurovison-sönglagakeppninni. Fimm bestu mótin gilda hjá hverjum skákmanni og er keppt um glæsileg verðlaun sem vera kynnt síðar. Fyrir sigurinn á fyrsta mótinu hlaut Hjörvar 12 stig.  Teflt var eftir tímafyrirkomulaginu 3 3 og verða stig reiknuð fyrir fjóra flokka, karla- og kvennaflokk og yngri og eldri nemendur.

Stefán Bergsson og Björn Ívar Karlsson frá Skákakademíu Reykjavíkur veittu mika aðstoð við undirbúning og framkvæmd mótsins. 

Úrslit fyrsta mótsins urðu þessi:

http://chess-results.com/tnr82201.aspx?art=1&lan=1&fed=ISL

Staðan efstu í keppenda í hverjum flokki er þessi:

Karlaflokkur: 1. Hjörvar Steinn Grétarsson 12 stig 2. Þröstur Þórhallsson 10 stig 3. Stefán Kristjánsson 8 stig.

Kvennaflokkur:  1. Lenka Ptácníková, 2. Hallgerður Helga Þorsteinsdóttir 10 stig 3. Elsa María Kristínardóttir 8 stig.

Nemendur -  eldri flokkur: 1. Dagur Ragnarsson 12 stig. 2. Jón Trausti Harðarson 10 stig. 3. Oliver Aron Jóhannesson 8 stig.

Nemendur - yngri flokkur:  1. Vignir Vatnar Stefánsson 12  stig 2. Dawid Kolka 10 stig 3. Felix Steinþórsson 8 stig.  

Myndaalbúm (SSB)

Gallerý Skák: Sjáumst og kljáumst

Þegar degi hallar á fimmtudögum leita skákþyrstir sér afþreygingar í listasmiðjunni í Bolholtinu, þar sem hægt er að láta gamminn geysa á hvítum reitum og svörtum sjálfum sér og öðrum augnayndis og þó ekki.

Fyrir viku síðan þá er fyrsta skákmót haustsins fór fram áttust þar við ýmsir nafnkunnir skákmenn og mátti vart á milli sjá hver væri einna snjallastur. Þó sumir byrjuðu vel fór svo að lokum að Gunnar Skarphéðinsson og Ingimar Halldórsson reyndust sigursælastir og urðu efstir og jafnir með 8.5 v. af 11 mögulegum.  Önnur úrslt sbr. meðf. mótstöflu.

 

Ballið heldur áfram í kvöld enda þótt Íslandsmót skákfélaga hefjist á morgunn, ekki sakar fyrir suma að hita sig upp fyrir átökin þar.  Ýtt verður á klukkurnar kl. 18 og telfdar 11 umferðir að venju með 10 mínútna umhugsunartíma. Frjálst byrjanaval og allir velkomnir.  
Lagt í púkk fyrir matföngum, kaffi og kruðeríi.

www.galleryskak.net