Fréttir frá frændfólki í Frakklandi

Páll Sigurðsson (1957), dóttur hans, Sóley Lind (1194) og frændi þeirra, Baldur Teódór Petersson (1032) taka öll þátt í alþjóðlegri skákhátíð í Saint Ló í Frakklandi.   Páll teflir í opnum flokki en frændsystkinin tefla í opnum unglingaflokki.   Páll hefur 2 vinninga eftir 5 umferðir og er búinn að vera í miklum jafnateflisgír, hefur gert jafntefli í 4 skákum.   Baldur hefur 3 vinninga og Sóley Lind hefur 2,5 vinning.  Prýðisárangur hjá frændsystkinum sem hafa teflt við stigahærri andstæðinga allt mótið.

Heimasíða mótsins

 

Sex íslenskir skákmenn að tafli í Wales

Sex íslenskir taka þátt í alþjóðlegu skákmóti í Penarth í Suður-Wales sem hófst í gær.  Þeirra langstigahæstur er Hjörvar Steinn Grétarsson (2437).  Aðrir sem taka þátt eru Nökkvi Sverrisson (1919), Örn Leó Jóhannsson (1889), Guðmundur Kristinn Lee (1622), Óskar Long Einarsson (1560) og Birkir Karl Sigurðsson (1546).  Hjörvar, Birkir Karl, Örn Leó unnu í fyrstu umferð.  Hjörvar vann Finnann Euro Vilen (2098) og Birkir Karl vann töluvert stigahærri andstæðing.  Guðmundur gerði jafntefli. 

Í 2. umferð, sem ferm fer í dag, teflir Hjörvar við Englendinginn Martin Brown (2130) og Örn Leó teflir við búlgarska stórmeistarann Marijan Petrov (2534).

Um 70 skákmenn taka þátt í mótinu og þar á meðal 4 stórmeistarar.  Hjörvar er þriðji stigahæsti keppandi mótsins.

Heimasíða mótsins

 

Rúnar sigraði á hraðskákmóti á Akureyri

Í fyrradag fór fram hraðskákmót hjá SA. 10 keppendur mættu til leiks og tefldu tvöfalda umferð, allir við alla.  Rúnar Sigurpálsson sigraði mjög örugglega, hlaut alls 17,5 vinninga af 18 mögulegum, gerði aðeins jafntefli við hinn unga Jón Kristinn Þorgeirsson sem var í öðru sæti með 15 vinninga, en þeir tveir voru í nokkrum sérflokki á mótinu. Tómas Veigar kom svo næstur með 11 vinninga. 

Lokastaða efstu manna

Rúnar Sigurpálsson                                        17,5
Jón Kristinn Þorgeirsson                                15
Tómas Veigar Sigurðarson                            11
Mikael Jóhann Karlsson                                10,5
Haki Jóhannesson                                          9,5
Sigurður Eiríksson                                         9
Sveinbjörn Sigurðsson                                   8,5

Heimasíða SA (mótstafla) 

Páll, Sóley og Baldur tefla í Frakklandi

Páll Sigurðsson (1957), dóttur hans, Sóley Lind (1194) og frændi þeirra, Baldur Teódór Petersson (1032) taka öll þátt í alþjóðlegri skákhátíð í Saint Ló í Frakklandi.   Páll teflir í opnum flokki en frændsystkinin tefla í opnum unglingaflokki.

Eftir 2 umferðir hefur Páll hálfan vinning en hann gerði jafntefli við FIDE-meistara í fyrstu umferð.   Sóley og Baldur hafa bæði byrjað vel og unnið stigahærri keppendur í báðum umferðum.

Heimasíða mótsins

 

Áskrifendur að Tímaritinu Skák komnir yfir 100

Yfir 100 manns hafa skráð sig fyrir áskrift að Tímaritinu Skák hér á Skák.is.  Óhætt er að segja að undirtektir skák(áhuga)manna hafa farið framúr björtustu vonum stjórnarmanna á þeim fjórum dögum sem könnunin hefur verið í gangi .  Meðal þeirra sem þegar hafa skráð sig fyrir áskrift má nefna 4 stórmeistara, aðra sterka skákmeistara, öldunga, krakka, skákforeldra, skólastjórnendur og síðast en ekki síst hinn almenna skákáhugamann.  Þá hafa allmargir skákáhugamenn sem búsettir eru erlendis skráð sig

Markið er þó sett mun hærra, enda dugar þessi fjöldi hvergi nærri til að grundvöllur sé fyrir útgáfunni.  Rétt er að hvetja skákáhugamenn til að skrá sig fyrst enda veglegt árstímarit í boði á aðeins á 2.000 kr. 

Könnunin verður í gangi í allan júlí og endanleg ákvörðun um útgáfu verður tekin í byrjun ágúst.

 

 

Héðinn vann í lokaumferðinni - Giri vann hollenska meistaramótið með fáheyrðum yfirburðum

Stórmeistarinn Héðinn Steingrímsson (2569) vann Ramón Jessurun (1895) í níundu og síðustu umferð opins sem fram fór samhliða hollenska meistaramótinu í Boxtel.  Héðinn hlaut 6½ vinning og endaði í 3. sæti, hálfum vinningi á eftir efstu mönnum. Stórmeistarinn Yge Visser (2455) og alþjóðlegi meistarinn Manuel Bosboom (2401) urðu efstir.  Anish Giri (2687) sigraði á hollenska meistaramótinu með fáheyrðum yfirburðum en hann hlaut 7½ vinning og varð tveimur vinningum ofar en Ivan Sokolov (2645), sem varð annar.

Árangur Héðins samsvaraði 2420 stigum og lækkar hann um 8 stig fyrir frammistöðu sína.  Þess má geta að Héðinn hefur hækkað jafnt og þétt á stigum síðustu misseri og mun án efa koma sterkur til baka á næsta móti.   

Lokastaða efstu manna á hollenska meistarmótinu:

• 1. Giri (2687) 7½ v.
• 2. Sokolov (2645) 5½ v.
• 3.-6. Ernst (2596), Swinkels (2483), Nijboer (2538) og Spoelman (2564) 5 v.

31 skákmaður tók þátt í móti Héðins og þar á meðal 2 stórmeistarar og 2 alþjóðlegir meistarar.  Héðinn var stigahæstur keppenda.  

• Heimasíða mótsins 
• Swiss Masters 
• Heimasíða hollenska meistaramótsins
• Beinar útsendingar frá hollenska meistaramótinu

Nýjar reglur um val keppenda á barna- og unglingaskákmót erlendis

Skáksamband Íslands hefur samþykkt nýja reglugerð um þátttöku barna og unglinga á vegum Íslands á alþjóðlegum mótum FIDE og evrópska Skáksambandsins.

Reglugerðina má finna í tengli en helstu breytingar frá fyrri reglugerð eru:

• Stigalágmörk hækkuð.
• Búin til stigalágmörk fyrir hvert aldursár.
• Búin til afreksmörk.
• Ráðgjafarnefnd annast val keppenda 10 ára og yngri.
• Keppendur taka þátt í kostnaði.

Sérstök reglugerð hefur verið samin fyrir NM í skólaskák, enda hefur það mót nokkra sérstöðu sem hluti af norrænu samstarfi Skáksambandsins.

Helstu breytingar á vali á NM í skólaskák eru þær að í yngri flokkunum (C-E) tilnefnir ráðgjafarnefndin einn keppenda í hverjum flokki til Skáksambandsins auk þess sem það er fest í reglugerð að Íslandsmeistari barna fá þátttökurétt á NM.

Ráðgjafarnefndina skipa Stefán Bergsson, Helgi Ólafsson og Davíð Ólafsson.

Reglugerðir SÍ

Héðinn vann - Giri hollenskur meistari

Stórmeistarinn Héðinn Steingrímsson (2569) vann Rob Van Meurs (2095) í áttundu og næstsíðustu umferð opins móts sem fram fer samhliða hollenska meistaramótinu í Boxtel.  Héðinn hefur 5½ vinning og er í fjórða sæti.  Anish Giri (2687) varð í dag hollenskur meistari en hann hefur 1½ vinnings forskot á næstu menn þegar einni umferð er ólokið.  Báðum mótunum lýkur á morgun.

Í móti Héðins eru stórmeistarinn Yge Visser (2455) og alþjóðlegi meistarinn Manuel Bosboom (2401) efstir með 6½ vinning. 

Staða efstu manna á hollenska meistarmótinu:

• 1. Giri (2687) 6½ v.
• 2.-4. Sokolov (2645), Ernst (2596) og Spoelman (2564) 5 v.

31 skákmaður tekur þátt í móti Héðins og þar á meðal 2 stórmeistarar og 2 alþjóðlegir meistarar.  Héðinn er stigahæstur keppenda.   Á hollenska meistaramótinu eru Anish Giri (2687) og Ivan Sokolov (2645) meðal keppenda.

• Heimasíða mótsins 
• Swiss Masters 
• Heimasíða hollenska meistaramótsins
• Beinar útsendingar frá hollenska meistaramótinu (hefjast kl. 12)

Magnús Örn og Lárus gerast Víkingar

FIDE-meistarinn Magnús Örn Úlfarsson (2375) og Lárus Knútsson (2080) hafa gengið frá félagaskiptum í Víkingaklúbbinn.  Magnús Örn úr Helli og Lárus úr Taflfélagi Vestmannaeyja.

Víkingar eru því að styrkja sig fyrir átökin í 2. deild sem geta orðið hörð enda Goðamenn einnig orðnir geysiöflugir.   

 

Skákþáttur Morgunblaðsins: Magnús Carlsen endurheimti efsta sæti heimslistans

Magnús Carlsen tyllti sér aftur í efsta sæti heimslistans þegar hann sigraði á skákmótinu í Medias í Rúmeníu sem lauk í vikunni. Magnús deildi raunar efsta sætinu með Úkraínumanninum Sergei Karjakin en telst sigurvegari ef reiknuð eru Sonneborg-Berger stig.

Magnús er eftir mótið með 2821 elo-stig en heimsmeistarinn Anand er með 2817 elo-stig. Þetta er óverulegur munur en mikilvægur fyrir Norðmanninn í samhengi við stóran auglýsingasamning sem hann hefur gert við tískuhúsið G-Star RAW.

Þetta er annað stórmót Magnúsar í ár en síðast tefldi hann á Cours-mótinu í Wijk aan Zee í janúar sl. Sigurvegarinn þaðan, Nakamura, var mættur til leiks og einnig stjarna síðasta Ólympíumóts, Vasilí Ivantsjúk. En þeir náðu sér þó aldrei á strik en Karjakin tókst með góðum endaspretti að ná Magnúsi. Lokastaðan varð þessi:

1. - 2. Magnús Carlsen og Sergei Karjakin 6 ½ v. (af 10) 3. - 4. Teimur Radjabov og Hikaru Nakamura 4 ½ v. 5 - 6. Vasilí Ivantsjúk og Liviu Nisipeanu 4 v.

Magnús Carlsen tók ekki þátt í áskorendakeppninni sem lauk með sigri Boris Gelfands í maí sl. Keppnisfyrirkomulagið þar var ekki gott og þarfnast róttækra breytinga. Um taflmennsku sigurvegarans er það að segja, að heilmikið vantaði upp á tilþrifin. Magnúsi tókst að snúa Ivantsjúk og Nisipeanu niður í jafnteflislegum endatöflum en strax í fyrstu umferð lagði hann sigurvegarann frá Wijk aan Zee í snarpri sóknarskák.

Magnús Carlsen - Hikaru Nakamura

Drottningarbragð

1. d4 d5 2. c4 e6 3. Rc3 Be7 4. cxd5 exd5 5. Bf4 c6 6. Dc2

Algengara er 6. e3 Bf5 7. g4!? Hér kemur sterklega til greina að leika 6. ... Ra6.

6. ... Bg4 7. e3 Bh5 8. Bd3 Bg6 9. Bxg6 hxg6 10. O-O-O Rf6 11. f3 Rbd7 12. Rge2 b5 13. e4 b4 14. Ra4 dxe4 15. fxe4 Da5 16. Kb1 O-O 17. h4!

Kasparov hefði verið fullsæmdur af þessum leik sem minnir á að peð geta líka verið öflugir sóknarmenn.

17. ... Hfe8 18. e5 Rd5?

Liggur beinast við en betra var 18. ... Rg4 sem hótar 19. ... Rf2.

19. h5 g5 20. h6!

Óþægilegur hnykkur. Ekki gengur 20. ... gxf4 vegna 21. hxg7 og vinnur.

20. ... g6 21. Bc1 R7b6 22. Rc5 Bxc5 23. dxc5 b3!?

Nakamura er mikill snillingur í að hrista upp í erfiðum stöðum. Nú strandar 24. axb3 á 24. ... Rb4 og vinnur.

24. Dxb3 Dxc5 25. Rd4! Hxe5 26. Rf3 He2 27. Rxg5!

Þessi riddari er stórhættulegur með h-peðið sér við hlið. Varnarstaðan á drottningarvæng minnir á reglu Capablanca: sé liðsaflinn til varnar a.m.k. jafn - og kóngurinn er tekinn með - dugar það oftast.

27. ... De7 28. Dd3 Hf8 29. Hdf1 f5

Hvítur hótaði 30. Rxf7 o.s.frv.

30. g4!

Aftur leggur peð til sóknar.

30. ... Ra4 31. Dd4 De5 32. Dxe5 Hxe5 33. gxf5 gxf5 34. Rf3! He7 35. Hfg1+ Kh7

Eða 35. ... Kh8 36. Rh4 og vinnur.

- sjá stöðumynd -

36. Hg7+! Kh8 37. Hhg1 Hfe8 38. Rh4 Hxg7

- og gafst upp m leið. Framhaldið gæti orðið: 39. hxg7 He7 40. Rg6+ og vinnur.

Rúnar sigraði í Djúpavík

Rúnar Sigurpálsson sigraði á aðalmóti Skákhátíðarinnar á Ströndum sem Hrókurinn stóð fyrir. Þetta var í fjórða sinn sem þessi skákhátíð er haldin. Rúnar fékk 8 ½ vinning úr níu skákum og skaut aftur fyrir sig sigurvegara mótsins 2010, Jóhanni Hjartarsyni. Alls tóku 43 skákmenn þátt í mótinu sem að þessu sinni fór fram í Trékyllisvík.

Helgi Ólafsson | [e-mail]

Skákþættir Morgunblaðsins eru birtir á Skák.is u.þ.b. viku síðar en í blaðinu sjálfu.  

Grein þessi birtist í Sunnudagsmogganum, 26. júní 2011.

Skákþættir Morgunblaðsins

[Event "5th Kings Tournament"] [Site "Medias ROU"] [Date "2011.06.11"] [Round "1"] [White "Carlsen, Magnus"] [Black "Nakamura, Hikaru"] [Result "1-0"] [WhiteTitle "GM"] [BlackTitle "GM"] [WhiteElo "2815"] [BlackElo "2774"] [ECO "D31"] [Opening "QGD"] [Variation "Charousek (Petrosian) variation"] [WhiteFideId "1503014"] [BlackFideId "2016192"] [EventDate "2011.06.11"] 1. d4 d5 2. c4 e6 3. Nc3 Be7 4. cxd5 exd5 5. Bf4 c6 6. Qc2 Bg4 7. e3 Bh5 8. Bd3 Bg6 9. Bxg6 hxg6 10. O-O-O Nf6 11. f3 Nbd7 12. Nge2 b5 13. e4 b4 14. Na4 dxe4 15. fxe4 Qa5 16. Kb1 O-O 17. h4 Rfe8 18. e5 Nd5 19. h5 g5 20. h6 g6 21. Bc1 N7b6 22. Nc5 Bxc5 23. dxc5 b3 24. Qxb3 Qxc5 25. Nd4 Rxe5 26. Nf3 Re2 27. Nxg5 Qe7 28. Qd3 Rf8 29. Rdf1 f5 30. g4 Na4 31. Qd4 Qe5 32. Qxe5 Rxe5 33. gxf5 gxf5 34. Nf3 Re7 35. Rfg1+ Kh7 36. Rg7+ Kh8 37. Rhg1 Rfe8 38. Nh4 Rxg7 1-0