Sumarskákmót Skákakademíunnar - afmælismót Polgarbana fer fram á morgun

 Veðrið leikur ekki sérstaklega mikið við höfborgarbúa þessa dagana. Í því skyni mun Skákakademía Reykjavíkur reyna að blíðka goðin og efnir til Sumarskákmóts Skákakademíunnar.
Þegar hafa nokkrir alþjóðlegir meistarar boðað komu sína eftir hádegi á morgun fimmtudag en taflmennskan hefst 13:30.

Polgarbaninn Tómas Hermannsson útgefandi hjá Sögur útgáfa hefur stutt vel við starfssemi Skákakademíunnar. Kappinn fyllir fjórða áratuginn í mánuðinum og mótið því um leið afmælismót þessa glaðbeitta Polgarbana en á níunda áratugnum mátaði ungur piltur frá Akureyri hina ungversku skákgoðsögn á snaggaralegan hátt í Reykjavíkurmótinu.

Tefldar verða sex umferðir hraðskák og veitt verðlaun í fullorðins- og barnaflokki.

[Event "It ( shv. )"] [Site "Reykjavik"] [Date "1988.??.??"] [EventDate "?"] [Round "1"] [Result "1-0"] [White "Tomas Hermansson"] [Black "Judit Polgar"] [ECO "A57"] [WhiteElo "?"] [BlackElo "?"] [PlyCount "81"] 1.d4 Nf6 2.c4 c5 3.d5 b5 4.a4 bxc4 5.Nc3 e5 6.e4 d6 7.Bxc4 g6 8.Nge2 Bg7 9.O-O O-O 10.Ng3 Na6 11.f4 exf4 12.Bxf4 Ng4 13.Nge2 Nb4 14.Rb1 Ne5 15.b3 Qe7 16.Qd2 Bg4 17.Rbe1 Rae8 18.Nc1 g5 19.Bg3 h6 20.Nd3 Nbxd3 21.Bxd3 Rb8 22.Rb1 Rb4 23.h3 Bh5 24.Bc2 Rc8 25.Nb5 a6 26.Na3 Rd4 27.Qe3 Bg6 28.Rfe1 Re8 29.Bf2 Qb7 30.Nc4 Qd7 31.Qe2 Nxc4 32.bxc4 Rdxe4 33.Bxe4 Rxe4 34.Qa2 Rf4 35.Rb8+ Kh7 36.Bg3 Bd4+ 37.Kh2 Rf6 38.Ree8 Rf1 39.Qe2 Qf5 40.Rh8+ Bxh8 41.Qe8 1-0

Wales: Hjörvar með jafntefli við Radulski og er efstur ásamt tveimur öðrum

FIDE-meistarinn Hjörvar Steinn Grétarsson (2437) gerði jafntefli við búlgarska stórmeistarann Julian Radulski (2556) í sjöttu umferð alþjóðlegs móts sem fram fer í Wales en sá er stigahæsti keppandi mótsins.  Hjörvar hefur 5 vinninga og er efstur ásamt stórmeisturunum Marjan Petrov (2534), Búlgaríu, og Peter Wells (2489), Englandi.  Hjörvar mætir Petrov í sjöundu umferð sem fram fer á morgun.

Óskar Long Einarsson (1743) var eini íslenski skákmaðurinn sem vann í dag.  Aðrir gerðu jafntefli að Guðmundi Kristni Lee (1622) undanskyldum sem tapaði.   Góð úrslit þar sem allir íslensku skákmennirnir tefldu við stigahærri andstæðinga í dag.

Nökkvi hefur 3½ vinning, Óskar, Birkir og Örn Leó hafa 3 vinninga en Guðmundur hefur 1½ vinning. 

Um 70 skákmenn taka þátt í mótinu og þar á meðal 4 stórmeistarar og 4 alþjóðlegir meistarar.  Hjörvar er fjórði stigahæsti keppandi mótsins.

Heimasíða mótsins

Hjörvar vann og er einn efstur í Wales

FIDE-meistarinn Hjörvar Steinn Grétarsson (2437) vann enska alþjóðlega meistarann Jack Rudd (2278) í fimmtu umferð skákhátíðinnar sem fram fer í Suður-Wales.  Hjörvar hefur 4½ vinning og er einn efstur á mótinu.  Í sjöttu umferð sem fram fer síðar í dag teflir Hjörvar við búlgarska stórmeistarann Julian Radulski (2556), sem er stigahæstur keppenda.    

Birkir Karl Sigurðsson (1546) vann, Nökkvi Sverrisson (1919) og Óskar Long Einarsson (1743) gerðu jafntefli en Örn Leó Jóhannsson (1889) og Guðmundur Kristinn Lee (1622) töpuðu.  Nökkvi hefur 3 vinninga, Örn Leó og Birkir Karl hafa 2½ vinning, Óskar Long 2 vinninga og Guðmundur Kristinn 1½ vinning. 

Í 2.-7. sæti, hálfum vinningi á eftir Hjörvari, eru m.a.: búlgörsku stórmeistararnir, Radulski og Marijan Petrov (2534) og enski stórmeistarinn Peter Wells (2489).

Um 70 skákmenn taka þátt í mótinu og þar á meðal 4 stórmeistarar og 4 alþjóðlegir meistarar.  Hjörvar er fjórði stigahæsti keppandi mótsins.

Heimasíða mótsins

Gott gengi í Saint Ló í Frakklandi.

Frændsystkinum Sóleyju Lind Pálsdóttur (1194) og Baldri Teódóri Peterssyni (1032) gengur vel í alþjóðlegri skákhátíð í Saint Ló í Frakklandi.  Þau tefla í opnum unglingaflokki.  Baldur Teódór hefur 4 vinninga og Sóley Lind 2½ vinning eftir 6 umferðir en þau hafa teflt við stigahærri andstæðinga allt mótið.

Í gær tefldi Baldur góða fórnarskák sem er skýrð af Páli Sigurðsson (1957) á Skákhorninu.  Páll teflir í opnum flokki en hefur ekki gengið vel og hefur 2 vinninga.

Halla Sigurðsdóttir (móðir Baldurs og systir Páls) hefur sent Skák.is myndir sem finna má í myndaalbúmi.

 

• Heimasíða mótsins
• Myndaalbúm frá mótinu (HS)

 

[Event "Festival int. en Jullet Club Echecs Agneaux St-Lo"] [Site "http://echecsaglo.fr"] [Date "2011.07.11"] [Round "6"] [White "Baldur Teodor Petersson 1032"] [Black "Yannis Touam F1561"] [Result "1-0"] 1. e4 e5 2. Nf3 Nc6 3. Bc4 Bc5 4. c3 Nf6 5. d4 exd4 6. cxd4 Bb4+ 7. Nc3 d5 8. exd5 Nxd5 9. O-O Nxc3 10. bxc3 Bxc3 11. Qb3 Bxa1 12. Bxf7+ Kf8 13. Ba3+ Ne7 14. Re1 Bd7 15. Bxe7+ Qxe7 16. Rxe7 Kxe7 17. Bc4 b6 18. Qb1 Bc3 19. Ng5 h6 20. Qe4+ Kf6 21. Qe5+ Kg6 22. Bf7# 1-0

Wales: Hjörvar með jafntefli og er í 1.-5. sæti - góð úrslit hjá Erni og Nökkva

FIDE-meistarinn Hjörvar Steinn Grétarsson (2437) gerði jafntefli við enska FIDE-meistarann David Eggleston (2318) í fjórðu umferð alþjóðlegs móts sem fram fer í Suður-Wales.  Hjörvar hefur 3½ vinning og er í 1.-5. sæti ásamt fjórum Englendingum: Eggelston, stórmeisturunum Peter Wells (2489) og Keith Arkell (2432) og alþjóðlega meistaranum Jack Rudd (2278).   Á morgun verða tefla 2 umferðir.  Hjörvar mætir Rudd í fyrri umferð morgundagsins.  

Örn Leó Jóhannsson (1889) vann Rafe Martyn (2264), Nökkvi Sverrisson (1919) gerði jafntefli við Jeremy Menadue (2165).  Óskar Long Einarsson (1743) og Birkir Karl Sigurðsson (1546) gerðu einnig jafntefli við stigahærri andstæðinga en Guðmundur Kristinn Lee (1622) tapaði.

Örn og Nökkvi hafa 2½ vinning en Guðmundur, Birkir og Óskar hafa 1½ vinning.

Um 70 skákmenn taka þátt í mótinu og þar á meðal 4 stórmeistarar.  Hjörvar er fjórði stigahæsti keppandi mótsins.

Heimasíða mótsins

 

NM öldunga: Enn fjölgar á mótinu - Rantanen og Westerinen skráðir til leiks

Yfir 30 skákmenn hafa skráð sig til leiks á NM öldunga sem fram fer í Reykjavík 10.-18. september nk.  Í dag bætust við tveir þekktir kappar, finnsku stórmeistararnir Yrjo Rantanen (2382) og Heikki Westerinen (2355).  Minnt er á 50% afsláttur er fyrir þá íslensku skákmenn sem skrá sig til leiks 15. júlí eða fyrr eða aðeins á 5.000 kr.

Mótið er opið fyrir karla fædda 1951 eða fyrr og konur fæddar 1961 eða fyrr.

Keppendalistinn:

 

No.		Name	FED	Rtg
1	GM	Olafsson Fridrik	ISL	2434
2	GM	Rantanen Yrjo A.	FIN	2382
3	GM	Westerinen Heikki M.J.	FIN	2355
4		Sorensen Bent	DEN	2341
5	FM	Sloth Jorn	DEN	2328
6		Malmdin Nils Åke	SWE	2289
7	IM	Brinck-Claussen Bjorn	DEN	2276
8	FM	Kristiansen Erling	NOR	2220
9		Halldórsson Bragi	ISL	2198
10		Nordby Bernt	NOR	2144
11		Sigurjonsson Johann O	ISL	2133
12		Taksrud Vidar	NOR	2074
13		Finnlaugsson Gunnar	ISL	2072
14		Danielsson Robert	SWE	2069
15		Strand Karl W.	NOR	2061
16		Andersson Sven-Olof	SWE	2052
17		Valtýsson Þór	ISL	2041
18		Sandklef Åke	SWE	2016
19		Preuss Flemming	DEN	1991
20		Haug Kjell	NOR	1970
21		Rangøy Helge	NOR	1944
22		Kristjánsson Sigurður E	ISL	1924
23		Patola Eero	FIN	1886
24		Nilsson Weine	SWE	1862
25		Gunnlaugsson Gísli Samúel	ISL	1846
26		Zach John Rentier	DEN	1846
27		Jonsson Sigurdur H	ISL	1845
28		Þórðarson Björn Víkingur	ISL	1815
29		Gabrielsen Øyvind	NOR	1752
30		Jónsson Páll G	ISL	1732
31		Berg Johansen Bjørn	NOR	1666
32		Elíasson Jón Steinn	ISL	1465
33		Simonsen Steinar	NOR	1300

• Heimasíða mótsins
• Chess-Results

Wales: Gott gengi í 3. umferð - Hjörvar í 1.-2. sæti

FIDE-meistarinn Hjörvar Steinn Grétarsson vann velska skákmanninn Juan Talavera Rodriguez í 3. umferð alþjóðlegs móts sem fram fer í Penarth í Wales.  Hjörvar er efstur ásamt enska FIDE-meistaranum David Eggelston (2318).  Þeir mætast í fjórðu umferð sem fram fer í dag. Nökkvi Sverrisson (1919) og Óskar Long Einarsson (1560) unnu einnig en Guðmundur Kristinn Lee (1662) og Örn Leó Jóhannsson (1889) gerðu jafntefli.  Sá síðarnefndi við mun stigahærri andstæðing.  Birkir Karl Sigurðsson (1546) tapaði.

Hjörvar hefur 3 vinninga, Nökkvi hefur 2 vinninga, Örn Leó og Guðmundur hafa 1,5 vinning, Birkir Karl og Óskar Long hafa 1 vinning.

Um 70 skákmenn taka þátt í mótinu og þar á meðal 4 stórmeistarar.  Hjörvar er fjórði stigahæsti keppandi mótsins.

Heimasíða mótsins

 

Skákþáttur Morgunblaðsins: Erfiður andstæðingur

Bobby hló. Erkifjandi hans Efim Geller sem hafði unnið þrjár síðustu skákir sem þeir höfðu teflt bauð nú jafntefli eftir sjö leiki þó hann hefði hvítt. Eins og kaupin gerðust á eyrinni í þá daga, hentaði jafntefli þeim ágætlega þannig séð þarna á millisvæðamótinu í Palma í desember 1970. Sex efstu kæmust áfram og þeir yrðu áfram í fararbroddi. En Bobby Fischer gaf andstæðingi ótvírætt til kynna að seint myndi hann skríða inn í hræðslubandalag með „Rússunum“: „Ég sem aldrei um jafntefli í innan við 40 leikjum, “ sagði hann við Geller sem setti dreyrrauðan. „Jæja karlinn, svo þú telur þig vera snilling“ – svipurinn hvarf. Og örlaganornirnar hófu nýjan spuna; samanrekni stórmeistarinn frá Odessa lagði niður vopnin eftir 72 leiki. Og Fischer vann mótið með fáheyrðum yfirburðum.

Allir frægustu skákmeistarar sögunnar hafa átt sinn erkifjanda sem af undarlegum ástæðum reyndist þeim erfiðari viðfangs en aðrir.

Á uppgangsárum sínum mátti Garrí Kasparov hvað eftir annað lúta í lægra haldi fyrir skákmanni sem var aðallega þekktur sem andófsmaður í Sovétríkjunum, Boris Gulko. Mikhael Tal átti sér „erfkifjanda“ sem fáir kannast við í dag en þegar hann lést árið 1963 skrifaði „töframaðurinn“ falleg eftirmæli um Ratmir Nezhmetdinov sem vann Tal þrisvar á árunum 1957-61.

Erkifjandi Boris Spasskís er betur þekkt stærð. Spasskí gat ekki teflt við Anatolí Karpov, í kappskákum er staðan þar 12:1 ásamt fjölmörgum jafnteflum.

Fyrsti stórmeistari Íslendinga, Friðrik Ólafsson, komst aldrei upp með neinn moðreyk gegn Vasilí Smyslov; þar er staðan 5:0 með sex jafnteflum.

Wisvanathan Anand vakti verulega athygli þegar hann vann óvæntan sigur á stórmótinu í Reggio Emila um áramótin 1991-´92. Þar vann hann Kasparov með svörtu og bjuggust margir við því að hann yrði heimsmeistaranum erfiður á komandi árum. Reyndin varð önnur. Kasparov hafði á honum slíkt heljartak að þegar hann dró sig í hlé árið 2005 hafði hann unnið Indverjann 16 sinnum og einungis tapað þrisvar auk jafntefla. Í HM-einvígi þeirra í New York 1995 komst Anand yfir eftir níu skákir. Í tíundu skákinni var Kasparov eins og ljón í búri og náði að skjóta á Anand nokkkrum leikjum sem voru vandlega undirbúnir með hjálp tölvuforrita.

Fyrr á því ári hafði hann leitað í smiðju til 19. aldar skákmeistarans Evans skipstjóra:

Minningarmót um Tal, Riga 1995:

Garrí Kasparov – Wisvanathan Anand

Ítalskur leikur

1. e4 e5 2. Rf3 Rc6 3. Bc4 Bc5 4. b4 Bxb4 5. c3 Be7 6. d4 Ra5 7. Be2!?Þetta var nýr snúningur á sínum tíma.

7. ... exd4 8. Dxd4 Rf6

Annar möguleiki er 8. ... d6 9. Dxg7 Bf6

9. e5 Rc6 10. Dh4 Rd5 11. Dg3 g6 12. O-O Rb6 13. c4 d6 14. Hd1 Rd7 15. Bh6! Rcxe5 16. Rxe5 Rxe5 17. Rc3!

Öll áhersla á frumkvæðið og mun sterkara en 17. Bg7 Bf6!

17. ... f6 18. c5! Rf7 19. cxd6 cxd6

Betra virðist 19. ... Bxd6 en eftir 20. De3+ De7 21. Dxe7+ Bxe7 22. Bg7!er svarta staðan erfið.

20. De3 Rxh6 21. Dxh6 Bf8 22. De3+ Kf7

22. ... De7 er svarað með 23. Re4 o.s.frv.

23. Rd5 Be6 24. Rf4 De7?

Tapar, 24. ... Bc8 var eini varnarleikurinn.

25. He1!

- Dálítinn tíma tekur að átta sig á því að svartur er varnarlaus eftir þennan rólega leik og Anand gafst upp.

Helgi Ólafsson | [e-mail]

Skákþættir Morgunblaðsins eru birtir á Skák.is u.þ.b. viku síðar en í blaðinu sjálfu.  

Grein þessi birtist í Sunnudagsmogganum, 3. júlí

Skákþættir Morgunblaðsins

[Event "Riga, Tal's Memorial (4)"] [Site "Riga, Tal's Memorial (4)"] [Date "1995.??.??"] [EventDate "?"] [Round "?"] [Result "1-0"] [White "Garry Kasparov"] [Black "Viswanathan Anand"] [ECO "C51"] [WhiteElo "?"] [BlackElo "?"] [PlyCount "49"] 1.e4 e5 2.Nf3 Nc6 3.Bc4 Bc5 4.b4 Bxb4 5.c3 Be7 6.d4 Na5 7.Be2 exd4 8.Qxd4 Nf6 9.e5 Nc6 10.Qh4 Nd5 11.Qg3 g6 12.O-O Nb6 13.c4 d6 14.Rd1 Nd7 15.Bh6 Ncxe5 16.Nxe5 Nxe5 17.Nc3 f6 18.c5 Nf7 19.cxd6 cxd6 20.Qe3 Nxh6 21.Qxh6 Bf8 22.Qe3+ Kf7 23.Nd5 Be6 24.Nf4 Qe7 25.Re1 1-0

Hjörvar og Nökkvi unnu í 2. umferð í Wales

FIDE-meistarinn Hjörvar Steinn Grétarsson vann enska skákmanninn Martin Brown (2130) í 2. umferð alþjóðlegs skákmóts sem fram fer í Penarth í Wales.  Hjörvar hefur fullt hús og er efstur ásamt þremur öðrum skákmönnum.  Nökkvi Sverrisson (1919) vann sína skák, Guðmundur Kristinn Lee (1622) gerði jafntefli en aðrir töpuðu.

Nökkvi, Guðmundur, Örn Leó Jóhannsson (1889) og Birkir Karl Sigurðsson (1546) hafa 1 vinning en Óskar Long Einarsson (1560) er ekki kominn á blað enn.

Hjörvar teflir við Wales-verjann Juan Talavera Rodriguez í 3. umferð sem fer fram í kvöld.

Um 70 skákmenn taka þátt í mótinu og þar á meðal 4 stórmeistarar.  Hjörvar er fjórði stigahæsti keppandi mótsins.

Heimasíða mótsins

 

Smith, Elsness og Østenstad urðu efstir og jafnir á norska meistaramótinu

Alþjóðlegu meistararnir Axel Smith (2416) og Frode Elsness (2471) og stórmeistarinn Berge Østenstad (2471) urðu efstir og jafnir á norska meistaramótinu í skák sem lauk í Osló í dag.   Elsness og Østenstad þurfa að há einvígi um norska meistaratitilinn þar Smith er Svíi. 

Röð efstu manna:

• 1.-3. AM Axel Smith (2416), AM Frode Elsness (2471) og SM Berge Østenstad 6 v. af 9
• 4.-5. AM Frode Olav Olsen Urkedal (2427) og SM Leif Erlend Johannessen (2453) 5,5 v.
• 6.-8. SM Rune Djurhuss (2456), FM Nicolai Getz (2374) og AM Øystein Hole (2346) 5 v.

18 skákmenn tóku þátt í efsta flokki og þar á meðal 3 stórmeistarar og 6 alþjóðlegir meistarar.  4 stigahæstu skákmenn Noregs (Carlsen, Hammer, Kjetil Lie og Agdestein) tóku ekki þátt. 

• Heimasíða mótsins 
• Tournament Service
• Bergensjakk (aðalfréttasíða Noregs)