Þjóðhátíðardagamót Vinjar fer fram á mánudag

Mánudaginn 18. júlí heldur Skákfélag Vinjar  mót og hefst það klukkan 13:00. Norrænt þema verður allsráðandi og verður haldið upp á þjóðhátiðardag allra Norðurlandanna á einu bretti enda meðaltalið einhverntíma um þetta leyti. Að því tilefni verður skylda að leika skandinavíska leikinn (skandinavísk vörn eða bara skandínavann) þ.e. e4 svarað með d5 en síðan er frítt fram.

Tefldar verða sex umferðir með sjö mínútna umhugsunartíma og skákstjóri er Ingibjörg Edda Birgisdóttir.

Sænsk eplakaka verður bökuð í tilefni dagsins og framreidd með vanilluís ásamt því sem íslenskt gæðagrænmeti verður á boðstólnum þegar hlé verður tekið á taflmennsku. Vinningar eru klárlega af betri endanum en veitt verða verðlaun fyrir þrjú efstu sætin auk happadrættisvinninga en vinningaborðið verður kengbogið af bókum og tónlist:

Millenium þríleikurinn eftir Stieg Larson

40 fyrstu bækurnar um Ísfólkið eftir norska Íslandsvininn Margit Sandemo - aðeins einu sinni lesnar -

„Der er så mange söde pi´r", danskur safndiskur úr toppen af poppen seríunni þar sem m.a. fá finna lag hinnar barmafullu Sabrinu „all of me" og frændurnir Billy Ocean  og Paul Young eiga þarna smelli.

Starfssaga Jónasar Kristjánssonar, „Frjáls og óháður" sem er skyldulesning. Svo er  Póstkortabók Páls Óskars og Oddvars, „Skáldskapur á skákborði" eftir Guðmund Arnlaugsson og plata íslenska víkingsins með norska hreiminn,  Eiríks Haukssonar, „Valentine Lost"

Þjóðhátíðardagar Norðurlanda í austri og vestri:

Noregur 17. maí, Danmörk 5. júni, Svíþjóð 6. júní, Ísland 17. júní, Grænland 21. júní, Færeyjar 29. júlí og Finnland er svo 6. desember.

Allt áhugafólk hjartanlega velkomið en Vin er að Hverfisgötu 47, síminn er 561-2612 og það er bara að mæta tímanlega og skrá sig takk fyrir. Kostar ekki neitt.

 

"Stóri slagur" - sumarmót við Selvatn

Þann 14. júlí var haldið feikimikið og fjölmennt skákmót við fjallavatnið fagurblátt á vegum GALLERÝ SKÁKAR og KR í Skákseli við Selvatn (við Nesjavallaveg ofan Geitháls).  Er þetta í 5. sinn sem slíkt sumarskákmót er haldið þar með viðhafnarsniði og veislukvöldverði.  Taflið hófst kl. 17 og stóð til miðnættis. Tefldar voru þrettán umferðir (hvatskákir) með 10 mínútna umhugsunartíma.  Keppendur voru 38, flestir af eldri kynslóðinni en einnig nokkrir ungliðar og upprennandi skákmenn úr KR.

Eftir langa og stranga taflmennsku urðu úrslit þau að efstir og jafnir með 10.5 v. voru þeir JÓN Þ. ÞÓR og INGIMAR HALLDÓRSSON.  Jón var örlítið hærri á stigum og telst sigurvegari.  Fast á hæla þeim fylgdi svo  JÓN G. FRIÐJÓNSSON með 10 vinninga af 13 mögulegum. Allt gamalkunnir og reyndir skákmenn, sem og þeir sem eftir fylgdu,  Jóhann Örn Sigurjónsson með 9.5 v.  og Ingimar Jónsson með 8.5. Gunnar Gunnarsson og Þórarinn Sigþórsson luku keppni með 8 vinninga og má segja að Þórarinn (Tóti Tönn) hafi gert glæsilegt „comeback" því hann hefur ekki sinnt skákinni í fjölmörg ár en var mjög liðtækur skákmaður fyrir 30 árum og hefur greinilega engu gleymt.

Keppnin var reyndar mjög tvísýn og spennandi á öllum borðum eins og  mótstaflan ber með sér og logandi spenna í lofti eins og meðf. myndalbúm sýnir glögglega.  Gerður var góður rómur af mótshaldinu þrátt fyrir óvænt og tíð eigendaskipti á gjörunnum skákum sem settu stórt strik í reikninginn fyrir suma, sem geta engum um kennt nema fljótfærninni í  sjálfum sér.

Aðalstyrktaraðilar mótsins voru LÖGMENN AUSTURSTRÆTI;  ELDHÚS SÆLKERANS; TOPPFISKUR; URÐUR bókaútgáfa og JÓI ÚTHERJI.   Mótstjóri var Einar S. Einarsson og skákstjóri Guðfinnur R. Kjartansson.

Myndaalbúm

Hjörvar með sinn annan AM-áfanga (uppfært)

Hjörvar Steinn Grétarsson (2437) náði sínum öðrum áfanga að alþjóðlegum meistaratitil á móti sem lauk í Suður-Wales í kvöld.  Hjörvar vann enska skákmanninn Alan Byron (2223) í lokaumferðinn og hlaut 6½ vinning í 9 skákum og endaði í 3.-7. sæti á mótinu.  Örn Leó Jóhannsson (1889) vann í lokaumferðinni og varð efstur titillausra skákmanna en hann hlaut 6 vinninga og varð í 7.-8. sæti.  Hjörvar fékk jafnframt verðlaun fyrir bestan árangur FIDE-meistara. Enski stórmeistarinn Peter Wells (2489) sigraði á mótinu og kollegi hans Keith Arkell (2432) varð annar.

Í lokaumferðinni unnu Hjörvar og Örn Leó sinar skákir eins og áður hefur komið fram.  Nökkvi, Guðmundur Kristinn, Birkir og Óskar Long gerðu allir jafntefli.  

Lokastaða íslensku skákmannanna:

• 3.-6. Hjörvar Steinn Grétarsson 6½ v.
• 8.-9. Örn Leó Jóhannsson 6 v.
• 21.-25. Nökkvi Sverrisson 5 v.
• 37.-49. Guðmundur Kristinn Lee 4 v.
• 50.-57. Óskar Long Einarsson og Birkir Karl Sigurðsson 3½ v.

Ljóst er að íslensku skákmennirnir mokuðu inn stigum flestir.  Hjörvar hækkar um 6 stig fyrir frammistöðu sína.

Um 70 skákmenn tóku þátt í mótinu og þar á meðal 4 stórmeistarar og 4 alþjóðlegir meistarar.  Hjörvar var fjórði stigahæsti keppandi mótsins.

Heimasíða mótsins

Stefán sigraði á afmælismóti Tómasar

Vel á þriðja tug skákmanna af ýmsum toga gerði sér ferð í Skákakademíuna í dag til að taka þátt í Sumarskákmóti Skákakademíunnar. Sumarskákmótið stóð undir nafni og vel það; efstu menn tefldu úti á stétt í glampandi sólskini og hita. Afmælisbarnið Tómas Hermannsson sem fyllir fjórða áratuginn á laugardaginn kemur tefldi allan tímann á fyrsta borði og fór taplaus í gegnum mótið.

Jafnteflin urðu þó heldur mörg þannig að ekki náði kappi á verðlaunapall. Hann var hins vegar heiðraður af Skákakademíunni og honum færð Skákakademíutreyja að gjöf. Sigurvegari mótsins varð Stefán Kristjánsson sem sannaði styrk sinn þrátt fyrir litla taflmennsku undanfarið. Mikið myndi það gleðja skákheim ef Stefán hæfi taflmennsku af fullum krafti og tryggði sig inn í landslið Íslands.

Í öðri sæti varð Bjarni Hjartarson og bronsið fór til Mátans Pálma Péturssonar. Nansý Davíðsdóttir, Gauti Páll Jónsson og Ásta Sóley Júlíusdóttir fengu öll þrjá vinninga og urðu efst í barnaflokki. Nansý var hæst á stigum og fékk að verðlaunum bikar, og bók frá Sögum útgáfa eins og allir verðalaunahafarnir. 

Róbert Lagerman stýrði mótinu af mikilli festu. 

Myndaalbúm (HJ)

Lokastaðan:

 

Place	Name                                       Feder Rtg Loc	Score	M-Buch,
1.	Stefán Kristjánsson	6	13,5
2.-3.	Bjarni Hjartarsson	4,5	13,5
	Pálmi Pétursson	4,5	13,5
4.-5.	Arngrímur Gunnhallsson	4	14,5
	Kristján Örn Elíasson	4	9
6.-11.	Þorvarður Ólafsson	3,5	16
	Tómas Hermannson	3,5	14,5
	Rúnar Berg	3,5	13
	Bjarni Sæmundsson	3,5	13
	Björn Brynja Björnsdóttir Þorfinnsson Mist	3,5	12,5
	Gunnar Björnsson	3,5	12,5
12.-16.	Stefán Bergsson	3	14,5
	Nansý Davíðsdóttir	3	12
	Birgir Berndssen	3	11,5
	Gauti Páll Jónsson	3	11
	Ásta Sóley Júlíusdóttir	3	10
17.	Hrafn Jökulsson	2,5	11
18.-21.	Donika Kolica	2	13
	Hjálmar Sigurvaldason	2	11,5
	Elín Nhung	2	11
	Veronika Steinunn Magnúsdóttir	2	10,5
22.	Aðalsteinn Thorarensen	1,5	10,5
23.	Haukur Halldórsson	1	7,5
24.	Alísa Svansdóttir	0	9,5

 

 

Þjóðhátíðardagamót í Vin á mánudaginn

Mánudaginn 18. júlí heldur Skákfélag Vinjar  mót og hefst það klukkan 13:00. Norrænt þema verður allsráðandi og verður haldið upp á þjóðhátiðardag allra Norðurlandanna á einu bretti enda meðaltalið einhverntíma um þetta leyti. Að því tilefni verður skylda að leika skandinavíska leikinn (skandinavísk vörn eða bara skandínavann) þ.e. e4 svarað með d5 en síðan er frítt fram.

Tefldar verða sex umferðir með sjö mínútna umhugsunartíma og skákstjóri er Ingibjörg Edda Birgisdóttir.

Sænsk eplakaka verður bökuð í tilefni dagsins og framreidd með vanilluís ásamt því sem íslenskt gæðagrænmeti verður á boðstólnum þegar hlé verður tekið á taflmennsku. Vinningar eru klárlega af betri endanum en veitt verða verðlaun fyrir þrjú efstu sætin auk happadrættisvinninga en vinningaborðið verður kengbogið af bókum og tónlist:

Millenium þríleikurinn eftir Stieg Larson

40 fyrstu bækurnar um Ísfólkið eftir norska Íslandsvininn Margit Sandemo - aðeins einu sinni lesnar -

„Der er så mange söde pi´r", danskur safndiskur úr toppen af poppen seríunni þar sem m.a. fá finna lag hinnar barmafullu Sabrinu „all of me" og frændurnir Billy Ocean  og Paul Young eiga þarna smelli.

Starfssaga Jónasar Kristjánssonar, „Frjáls og óháður" sem er skyldulesning. Svo er  Póstkortabók Páls Óskars og Oddvars, „Skáldskapur á skákborði" eftir Guðmund Arnlaugsson og plata íslenska víkingsins með norska hreiminn,  Eiríks Haukssonar, „Valentine Lost"

Þjóðhátíðardagar Norðurlanda í austri og vestri:

Noregur 17. maí, Danmörk 5. júni, Svíþjóð 6. júní, Ísland 17. júní, Grænland 21. júní, Færeyjar 29. júlí og Finnland er svo 6. desember.

Allt áhugafólk hjartanlega velkomið en Vin er að Hverfisgötu 47, síminn er 561-2612 og það er bara að mæta tímanlega og skrá sig takk fyrir. Kostar ekki neitt.

 

Páll í banastuði í lokaumferðunum - Baldur í öðru sæti í sínum aldursflokki

Páll Sigurðsson (1957) var óstöðvandi í lokaumferðum skákhátíðinnar í Saint Ló og mótið var greinilega of stutt fyrir hann en hann vann 3 síðustu skákirnar.  Páll endaði með 5 vinninga í 9 skákum en hann tefli í opnum flokki.  Baldur Teódór Petersson (1032) og Sóley Lind Pálsdóttir (1194) töpuðu bæði í lokaumferðinni en þau tefldum í unglingaflokki.  Baldur hlaut 5 vinninga og endaði í 2. sæti í sínum aldursflokki, 10 ára og yngri, en Sóley hlaut 3 vinninga.  

Páll birtir skák Baldurs í lokaumferðinni á Skákhorninu.  

Páll lækkar um 11 stig fyrir frammistöðu sína.  Frammistaða Baldurs samsvarar 1649 skákstig og fær hann væntanlega forstig fyrir hana. 

Halla Sigurðsdóttir (móðir Baldurs og systir Páls) hefur sent Skák.is myndir sem finna má í myndaalbúmi.

 

• Heimasíða mótsins
• Myndaalbúm frá mótinu (HS)

 

Hjörvar tapaði fyrir Wells - þarf sigur í lokaumferðinni til að krækja sér í AM-áfanga

FIDE-meistarinn Hjörvar Steinn Grétarsson (2437) tapaði fyrir enska stórmeistaranum Peter Wells (2489) í áttundu og næstsíðustu umferð alþjóðlega mótsins í Suður-Wales sem fram fór í dag.  Hjörvar hefur 5½ vinning og er í 6.-10. sæti.  Hann mætir enska skákmanninum Alan Byron (2223) í lokaumferðinni sem nú er í gangi og þarf að sigra til að krækja sér í áfanga að alþjóðlegum meistaratitli.  Wells hefur 7 vinninga og hefur vinnings forskot á næstu menn.

Örn Leó Jóhannsson (1889), Nökkvi Sverrisson (1919) og Guðmundur Kristinn Lee  (1622) unnu allir en Birkir Karl Sigurðsson (1546) og Óskar Long Einarsson (1743) töpuðu.

Örn hefur 5 vinninga, Nökkvi 4½ vinning, Guðmundur 3½ vinning og Birkir og Óskar hafa 3 vinninga.

Um 70 skákmenn taka þátt í mótinu og þar á meðal 4 stórmeistarar og 4 alþjóðlegir meistarar.  Hjörvar er fjórði stigahæsti keppandi mótsins.

Heimasíða mótsins

Sumarskákmót Skákakademíunnar - afmælismót Polgarbana fer fram í dag

Veðrið leikur ekki sérstaklega mikið við höfborgarbúa þessa dagana. Í því skyni mun Skákakademía Reykjavíkur reyna að blíðka goðin og efnir til Sumarskákmóts Skákakademíunnar.
Þegar hafa nokkrir alþjóðlegir meistarar boðað komu sína eftir hádegi á morgun fimmtudag en taflmennskan hefst 13:30.

Polgarbaninn Tómas Hermannsson útgefandi hjá Sögur útgáfa hefur stutt vel við starfssemi Skákakademíunnar. Kappinn fyllir fjórða áratuginn í mánuðinum og mótið því um leið afmælismót þessa glaðbeitta Polgarbana en á níunda áratugnum mátaði ungur piltur frá Akureyri hina ungversku skákgoðsögn, sterkustu skákkonu allra tíma, á snaggaralegan hátt í Reykjavíkurmótinu.  

Tefldar verða sex umferðir hraðskák og veitt verðlaun í fullorðins- og barnaflokki.

[Event "It ( shv. )"] [Site "Reykjavik"] [Date "1988.??.??"] [EventDate "?"] [Round "1"] [Result "1-0"] [White "Tomas Hermansson"] [Black "Judit Polgar"] [ECO "A57"] [WhiteElo "?"] [BlackElo "?"] [PlyCount "81"] 1.d4 Nf6 2.c4 c5 3.d5 b5 4.a4 bxc4 5.Nc3 e5 6.e4 d6 7.Bxc4 g6 8.Nge2 Bg7 9.O-O O-O 10.Ng3 Na6 11.f4 exf4 12.Bxf4 Ng4 13.Nge2 Nb4 14.Rb1 Ne5 15.b3 Qe7 16.Qd2 Bg4 17.Rbe1 Rae8 18.Nc1 g5 19.Bg3 h6 20.Nd3 Nbxd3 21.Bxd3 Rb8 22.Rb1 Rb4 23.h3 Bh5 24.Bc2 Rc8 25.Nb5 a6 26.Na3 Rd4 27.Qe3 Bg6 28.Rfe1 Re8 29.Bf2 Qb7 30.Nc4 Qd7 31.Qe2 Nxc4 32.bxc4 Rdxe4 33.Bxe4 Rxe4 34.Qa2 Rf4 35.Rb8+ Kh7 36.Bg3 Bd4+ 37.Kh2 Rf6 38.Ree8 Rf1 39.Qe2 Qf5 40.Rh8+ Bxh8 41.Qe8 1-0

Wales: Hjörvar með jafntefli við stórmeistara og er í 2.-4. sæti

FIDE-meistarinn Hjörvar Steinn Grétarsson (2437) gerði jafntefli við búlgarska stórmeistarann Marjan Petrov (2534) í sjöundu umferð alþjóðlegs móts sem fram fer í Wales og hefur nú gert jafntefli við tvo stigahæstu keppendurna í tveimur síðustu umferðunum með svörtu.  Hjörvar hefur 5½ vinning og er í 2.-4. sæti ásamt búlgörsku stórmeisturunum Julian Radulski (2556) og Petrov.   Enski stórmeistarinn Peter Wells (2489) er efstur með 6 vinninga en Hjörvar mætir honum í áttundu og næstsíðustu umferð sem fram fer í fyrramálið.  Hjörvar þarf einn vinning í tveimur síðustu umferðunum til að tryggja sér sinn annan áfanga að alþjóðlegum meistaratitli.   Mótinu lýkur á morgun með tveimur umferðum.

Örn Leó Jóhannsson (1889) og Guðmundur Kristinn Lee (1622) unnu í dag en aðrir töpuðu.

Örn hefur 4 vinninga, Nökkvi hefur 3½ vinning, Birkir og Óskar hafa 3 vinninga og Guðmundur hefur 2½ vinning. . 

Um 70 skákmenn taka þátt í mótinu og þar á meðal 4 stórmeistarar og 4 alþjóðlegir meistarar.  Hjörvar er fjórði stigahæsti keppandi mótsins.

Heimasíða mótsins

Baldri gengur vel í Saint Ló

Baldur Teódór Petersson (1032) heldur áfram að gera góða hluti á skákhátíðinni í Saint Ló í Frakklandi.  Í næstsíðustu umferð, sem fram fór í dag,  vann hann skákmann með 1705 skákstig.  Baldur hefur 5 vinninga.  Sóley Lind Pálsdóttir (1194) tapaði.  Baldur hefur 5 vinninga en Sóley hefur 3 vinninga en þau tefla í opnum unglingaflokki.  Páll Sigurðsson (1957) er kominn á beinu brautina í opnum flokki og vann sína aðra skák í röð og hefur 50% vinningshlutfall.  Mótinu lýkur á morgun.

Halla Sigurðsdóttir (móðir Baldurs og systir Páls) hefur sent Skák.is myndir sem finna má í myndaalbúmi.

 

• Heimasíða mótsins
• Myndaalbúm frá mótinu (HS)