Carlsen efstur í Biel

Magnus Carlsen (2821) er efstur með 7 stig að lokinni 3. umferð ofurmótsins í Biel sem fram fór í dag.   Magnus mátti sætta sig við jafntefli við Morozevich (2694) sem er með 5 stig.

Sex skákmenn taka þátt og tefla tvöfalda umferð.   Veitt eru 3 stig fyrir sigur og eitt stig fyrir jafntefli. 

Úrslit 2. og 3. umferðar:

July 19th: 2nd round (from 2 PM)
Maxime Vachier-Lagrave	-	Alexander Morozevich	0 - 1	(41)
Magnus Carlsen	-	Alexei Shirov	1 - 0	(33)
Fabiano Caruana	-	Yannick Pelletier	½ - ½	(59)
July 20th: 3rd round (from 2 PM)
Yannick Pelletier	-	Maxime Vachier-Lagrave	½ - ½	(34)
Alexei Shirov	-	Fabiano Caruana	1 - 0	(63)
Alexander Morozevich	-	Magnus Carlsen	½ - ½	(52

Staðan:

	Name		ELO	Points
1.	Magnus Carlsen	NOR	2815	7
2.	Alexander Morozevich	RUS	2694	5
3.	Alexei Shirov	ESP	2714	4
4.	Maxime Vachier-Lagrave	FRA	2722	2
	Fabiano Caruana	ITA	2711	2
	Yannick Pelletier

• Heimasíða mótsins
• Beinar útsendingar (hefjast kl. 12)

 

Guðmundur með sigra í lokumferðunum í stigamóti í Pardubice

Guðmundur Gíslason (2322) vann stigalága andstæðinga í tveimur síðustu umferðum stigamóts sem fram fer í Pardubice í Tékklandi.  Guðmundur hlaut 4½ vinning og endaði í 16.-24. sæti.  Níu skákmenn urðu efstir og jafnir með 5½ vinning.

Guðmundur átti ekki gott mót.  Frammistaða hans samsvaraði aðeins 1922 skákstigum og lækkar hann um 21 fyrir hana.  Guðmundur kemur hins ábyggilega sterkur inn í aðalmótið í Czech Open sem hefst á föstudag.  Þar taka einnig þátt fleiri íslenskir skákmenn og þar á meðal alþjóðlegi meistarinn, Guðmundur Kjartansson.

Í mótinu, sem var sjö umferðir, tóku 90 skákmenn þátt í.  Þar af voru 3 stórmeistarar og 4 alþjóðlegir meistarar.  Guðmundur var nr. 5 í stigaröð keppenda.  Mótið var hluti af Czech Open.

• Heimasíða mótsins
• Chess-Results

Sumarskákmót Skákakademíunnar á afmælisdegi FIDE

Spáð er heiðskýrum himni og glampandi sól á morgun. Því er tilvalið að efna til annars Sumarskákmóts Skákakademíunnar sem að þessu sinni verður tileinkað alþjóða Skáksambandinu FIDE. FIDE var stofnað 20. júlí 1924 og er því einu ári eldra en Skáksamband Íslands sem var stofnað á Blönduósi árið 1925.

Illdeilur og átök hafa oft einkennt FIDE sem má telja eðlilegt þegar litið er til þess að 158 skáksambönd eiga aðild að sambandinu og skákmennirnir á bakvið þau eins ólíkir og þeir eru margir. Einkunnarorð sambandsins standa þó alltaf fyrir sínu; GENS UNA SUMUS sem þýðir Við erum ein fjölskylda.

Helsti áfangaveiðari Íslands um þessar mundir Hjörvar Steinn Grétarsson hefur boðað komu sína á mótið sem hefst 12:00.

Tefldar verða sex umferðir með 5 mínútna umhugsunartíma og tekur mótið rúman klukkutíma.

Nokkur borð verða úti á stétt svo menn geta sólað sig og teflt í leiðinni. 

Skákmenn eru hvattir til að fjölmenna í Skákakademíuna Tjarnargötu 10 A í hádeginu á morgun.

 

Metþátttaka á þjóðhátiðadagamóti Vinjar

524 Norðurfjörður eða 101 Reykjavik. Gunnar Björnsson er í banastuði og tekur þetta. Algjört met var sett i þátttöku á Norrænu þjóðhátíðadagamóti sem Skákfélag Vinjar hélt i gær eftir hádegið og eins og gott að það var bongóblíða svo hægt var að skella borðum upp úti líka.

36 manns melduðu sig til þátttöku og börn og ungmenni, m.a. frá Skákademíu Reykjavikur, settu líflegan svip a hátíðarhöldin. Tefldar voru sex umferðir með sjö minútna umhugsunartíma og skákstjóri var Ingibjörg Edda Birgisdóttir sem hafði i nógu að snúast og sleppti taflmennsku fyrir vikið.

Sænsk eplakaka með ís og fleira góðmeti rann niður i hléi og allir voru í hátíðarfíling. Gunnar sigraði með fimm og hálfan og mun dvelja við lestur á Millenium þríleik Stiegs Larson, einar tvö þúsund bls, fram undir jól. Róbert Lagerman, Björn Ívar Karlsson og Ingi Tandri Traustason voru allir með fimm og kempan Haukur Angantýs með 4,5.

Barna- og unglingaverðlaun hlaut Nansý Davíðsdottir og happadrættisvinninga fengu: Knútur Ottestedt, Birgir Rafn Þráinsson, Gauti Páll Jónsson og Aðalsteinn Thorarensen.

Efstu sætin:

1:   Gunnar Björnsson            5,5
2:   Robert Lagerman             5
3:   Björn Ívar Karlsson           5
4:   Ingi Tandri Traustason     5
5:   Haukur Anantýsson        4,5
6:   Stefán Þór Sigurjónsson      4
7:   Gunnar Freyr Rúnarsson 4
8:   Ingvar Örn Birgisson        4
9:   Emil Ólafsson                   4
10:  Nansý Davíðsdottir          4
11:  Stefán Bergsson             3,5
12:  Aðalsteinn Thorarensen  3,5
13:  Eymundur Eymundsson     3,5
14:  Gauti Pall Jónsson          3,5
15:  Birgir Rafn Þrainsson      3,5
 
Aðrir með aðeins minna.

Myndaalbúm mótsins (AV)

Carlsen vann í fyrstu umferð í Biel

Ofurskákmótið í Biel í Sviss hófst í dag.  Sex skákmenn taka þátt og tefla tvöfalda umferð.   Kunnastur keppenda er Magnus Carlsen (2821), stigahæsti skákmaður heims.  Hann vann heimamanninn Yannick Pelletier (2590) en stigamunur á milli þeirra er 231 skákstig!  Öðrum skákum lauk með jafntefli.

Úrslit 1. umferðar:

Fabiano Caruana	-	Maxime Vachier-Lagrave	½ - ½	(45)
Yannick Pelletier	-	Magnus Carlsen	0 - 1	(88)
Alexei Shirov	-	Alexander Morozevich	½ - ½	(24)

 

• Heimasíða mótsins
• Beinar útsendingar (hefjast kl. 12)

 

Guðmundur tapaði í fimmtu umferð í Pardubice

Guðmundur Gíslason (2322) tapaði fyrir rússnesku skákkonunni Elena Semenova (2175), sem er FIDE-meistari kvenna, í 5. umferð stigamóts í Pardubice í Tékklandi.  Guðmundur hefur 2,5 vinning

Í mótinu, sem er sjö umferðir, taka 90 skákmenn þátt í.  Þar af eru 3 stórmeistarar og 4 alþjóðlegir meistarar.  Guðmundur er nr. 5 í stigaröð keppenda.  Mótið er hluti af Czech Open.

• Heimasíða mótsins
• Chess-Results

Rússar efstir á HM landsliða

Heimsmeistaramót landsliða hófst í gær í Ningbo í Kína.  10 af sterkustu landsliðum taka þátt og tefla allir við alla.  Rússar eru efstir með fullt hús stiga eftir 2 umferðir, hafa unnið Ungverja og Bandaríkjamenn 3-1.  Armenar, Aserar og Kínverjar hafa 3 stig.

Staðan:

 

Rk.	Team	TB1	TB2
1	Russia	4	6
2	Armenia	3	5,5
3	Azerbaijan	3	5
4	China	3	4,5
5	Ukraine	2	4
6	Israel	2	3,5
7	India	1	3
8	Hungary	1	3
9	USA	1	3
10	Egypt	0	2,5

 

• Heimasíða mótsins 
• Chess-Results
• Beinar útsendingar (hefjast kl. 7 á morgnana)

 

Þjóðhátíðardagamót fer fram í dag

Mánudaginn 18. júlí heldur Skákfélag Vinjar  mót og hefst það klukkan 13:00. Norrænt þema verður allsráðandi og verður haldið upp á þjóðhátiðardag allra Norðurlandanna á einu bretti enda meðaltalið einhverntíma um þetta leyti. Að því tilefni verður skylda að leika skandinavíska leikinn (skandinavísk vörn eða bara skandínavann) þ.e. e4 svarað með d5 en síðan er frítt fram.

Tefldar verða sex umferðir með sjö mínútna umhugsunartíma og skákstjóri er Ingibjörg Edda Birgisdóttir.

Sænsk eplakaka verður bökuð í tilefni dagsins og framreidd með vanilluís ásamt því sem íslenskt gæðagrænmeti verður á boðstólnum þegar hlé verður tekið á taflmennsku. Vinningar eru klárlega af betri endanum en veitt verða verðlaun fyrir þrjú efstu sætin auk happadrættisvinninga en vinningaborðið verður kengbogið af bókum og tónlist:

Millenium þríleikurinn eftir Stieg Larson

40 fyrstu bækurnar um Ísfólkið eftir norska Íslandsvininn Margit Sandemo - aðeins einu sinni lesnar -

„Der er så mange söde pi´r", danskur safndiskur úr toppen af poppen seríunni þar sem m.a. fá finna lag hinnar barmafullu Sabrinu „all of me" og frændurnir Billy Ocean  og Paul Young eiga þarna smelli.

Starfssaga Jónasar Kristjánssonar, „Frjáls og óháður" sem er skyldulesning. Svo er  Póstkortabók Páls Óskars og Oddvars, „Skáldskapur á skákborði" eftir Guðmund Arnlaugsson og plata íslenska víkingsins með norska hreiminn,  Eiríks Haukssonar, „Valentine Lost"

Þjóðhátíðardagar Norðurlanda í austri og vestri:

Noregur 17. maí, Danmörk 5. júni, Svíþjóð 6. júní, Ísland 17. júní, Grænland 21. júní, Færeyjar 29. júlí og Finnland er svo 6. desember.

Allt áhugafólk hjartanlega velkomið en Vin er að Hverfisgötu 47, síminn er 561-2612 og það er bara að mæta tímanlega og skrá sig takk fyrir. Kostar ekki neitt.

 

Skákþáttur Morgunblaðsins: Heimsmeistaraefni Hollendinga

Fjórði heimsmeistarinn, Max Euwe, hafði gríðarleg áhrif í heimalandi sínu og jók mikið við vinsældir og virðingu skákarinnar. Eftir að skákferlinum lauk var hann kosinn forseti FIDE en lét af embætti árið 1978. Jan Timman tók við sem fremsti skákmaður Hollendinga og komst í lokaeinvígi áskorendakeppninnar árin 1990 og 1993. Timman hefði þó aldrei átt mikla möguleika á að hreppa titilinn ef til einvígis við Kasparov hefði komið, til þess var of mikill styrkleikamunur á þeim. Eftir hollenska meistaramótið sem lauk í vikunni með yfirburðasigri Anish Giri þykir mönnum óhætt að spá því að þessi 17 ára piltur, sem er með hollenskt ríkisfang, á rússneska móður og föður frá Nepal, eigi eftir að koma við sögu heimsmeistarakeppninnar á næstu árum. Samanburður við Magnús Carlsen er nærtækur, en á stórmótinu í Wijk aan Zee í ársbyrjun vann Giri Magnús í aðeins 22 leikjum.

10 skákmenn tefldu í efsta flokki hollenska meistaramótsins og hlaut Giri 7 ½ v. af 9 mögulegum. Í 2. sæti varð Ivan Sokolov með 5 ½ v. og síðan komu fjórir skákmenn með 5 vinninga.

Meðfram meistaramótinu fór fram fremur veikt opið mót en þar var Héðinn Steingrímsson meðal þátttakenda. Hann var stigahæstur keppenda en hafnaði að lokum í 3. sæti með 6 ½ v. af níu mögulegum. Vinningatala hans var nokkuð undir ætluðum árangri. Þetta er fyrsta mótið sem Héðinn tekur þátt í síðan á Íslandsmótinu í apríl sl. Sigurvegarar urðu heimamennirnir Manuel Bosboom og Yge Visser með 7 vinninga.

Eftir að hafa rennt yfir flestar skákir Giri undrar mann mest hversu auðveldlega hann yfirbugar andstæðinga sína. Pilturinn á alveg sérstaklega auðvelt með að tefla. Meiri baráttu var að finna í skákum Ivans Sokolovs sem er þekktur fyrir leggja mikið á stöðurnar. Ivan hefur oft látið þess getið að helsti áhrifavaldur hans sé Boris Spasskí og eftirfarandi sigur hans minnir óneitanlega á þá gömlu góðu daga þegar Spasskí náði að yfirbuga Viktor Kortsnoj í ýmsum tilbrigðum drottningarbragðs: Hollenska meistaramótið 2011; 8. umferð:

L'Ami - Ivan Sokolov

Drottningarbragð

1. d4 Rf6 2. c4 e6 3. Rc3 d5 4. cxd5 exd5 5. Bg5 Be7 6. e3 c6 7. Dc2 Rbd7 8. Bd3 Rh5 9. Bxe7 Dxe7 10. Rge2

Alþekkt en það kann að vera betra að bíða með að ákvarða stöðu riddarans og leika strax 10. O-O-O.

10. ... Rb6 11. h3 g6 12. O-O-O Rg7 13. g4 Bd7 14. Rf4?! g5!

Snarplega leikið, svartur nær að laga peðastöðuna og vinna tempó í leiðinni.

15. Rfe2 h5 16. Rg3 O-O-O 17. Rf5?

Annar yfirborðskenndur leikur.

17. ... Bxf5 18. gxf5 Re8!

Í anda Nimzowitch; riddarinn stendur vel á f6.

19. Hhe1 g4 20. hxg4 hxg4 21. Re2 Rf6 22. Hh1 Hh3 23. Hdg1

Betra var sennilega 23. Rf4 sem svartur getur svarað með 23. ... Hxh1 og 24. ... g3.

23. ... Hdh8 24. Dd1 c5 25. dxc5 Dxc5+ 26. Kb1 Rc4 27. Rf4 Hh2 28. Hxh2 Hxh2 29. De1 Re5 30. De2 Kb8 31. Hc1 Dd6 32. Dc2 Rc6 33. Bf1

Erfiðleikar hvíts stafa af lélegri peðastöðu. Hann varð að reyna 33. Bb5.

33. ... g3! 34. Bg2 Rg4 35. fxg3?

Ekki var auðvelt að sjá að með 35. De2! getur hvítur haldið taflinu gangandi, t.d. 35. ... Rxf2 36. Df3 Re4 37. Dg4! með gagnfærum.

35. ... Rxe3 36. Df2 De5 37. Ka1 Rxg2 38. Rxg2 d4 39. Hg1 d3 40. Hd1 De2!

- og hvítur gafst upp.

Helgi Ólafsson | [e-mail]

Skákþættir Morgunblaðsins eru birtir á Skák.is u.þ.b. viku síðar en í blaðinu sjálfu.  

Grein þessi birtist í Sunnudagsmogganum, 10. júlí 2011.

Skákþættir Morgunblaðsins

[Event "ch-NED"] [Site "Boxtel NED"] [Date "2011.07.04"] [Round "8"] [White "L'Ami,E"] [Black "Sokolov,Ivan"] [Result "0-1"] [WhiteElo "2611"] [BlackElo "2645"] [EventDate "2011.06.25"] [ECO "D35"] 1. d4 Nf6 2. c4 e6 3. Nc3 d5 4. cxd5 exd5 5. Bg5 Be7 6. e3 c6 7. Qc2 Nbd7 8. Bd3 Nh5 9. Bxe7 Qxe7 10. Nge2 Nb6 11. h3 g6 12. O-O-O Ng7 13. g4 Bd7 14. Nf4 g5 15. Nfe2 h5 16. Ng3 O-O-O 17. Nf5 Bxf5 18. gxf5 Ne8 19. Rhe1 g4 20. hxg4 hxg4 21. Ne2 Nf6 22. Rh1 Rh3 23. Rdg1 Rdh8 24. Qd1 c5 25. dxc5 Qxc5+ 26. Kb1 Nc4 27. Nf4 Rh2 28. Rxh2 Rxh2 29. Qe1 Ne5 30. Qe2 Kb8 31. Rc1 Qd6 32. Qc2 Nc6 33. Bf1 g3 34. Bg2 Ng4 35. fxg3 Nxe3 36. Qf2 Qe5 37. Ka1 Nxg2 38. Nxg2 d4 39. Rg1 d3 40. Rd1 Qe2 0-1

Guðmundur Gíslason að tafli í Pardubice

Guðmundur Gíslason (2322) tekur þátt í stigamóti (rating tournament) í Pardubice í Tékklandi.  Mótið er hluti af Czech Open-skákhátíðinni og er eins konar upphitunarmót fyrir aðalmótin sem hefjast þar 22. júlí.  Eftir 4 umferðir hefur Guðmundur 2,5 vinning.  Hann hefur unnið tvo stigalága andstæðinga og gerði jafntefli við tékkneska alþjóðlega meistarann Jiri Ryzner (2259).

Í mótinu, sem er sjö umferðir, taka 90 skákmenn þátt í.  Þar af eru 3 stórmeistarar og 4 alþjóðlegir meistarar.  Guðmundur er nr. 5 í stigaröð keppenda.