Leiksýning í Árneshreppi 16. júní

Skákmönnum á leið á Strandir er bent á að fimmtudagskvöldið 16. júní kl 20 sýnir Leikfélag Hólmavíkur hinn sprellfjöruga gamanleik "Með táning í tölvunni" í félagsheimilinu Árnesi í Trékyllisvík.

Skákmenn eru sérstaklega boðnir velkomnir, enda verður vonandi mikið af þeim á svæðinu um þetta leyti.  Miðaverð er kr 2.200 fyrir fullorðna en 1.600 fyrir börn 6-16 ára.
Lofað er góðri skemmtun!

 

Jón Árni sigraði á skákmóti í Búlgaríu

Jón Árni Halldórsson (2214) sigraði á skákmóti í sem fram fór í Sofíu síðustu helgi.  Jón Árni sigraði með fullu húsi, vann alla sex andstæðinga sína.

Sigurður Ingason (1924) sem einnig tók þátt hafnaði í 6.-8. sæti með 3,5 vinning.   Jón Árni hækkar um 15 skákstig fyrir frammistöðu sína en hann var stigahæstur keppenda.  Sigurður hækkar um 4 stig.

• Heimasíða mótsins
• Chess-Results

Hjörvar með jafntefli í lokaumferðinni

Hjörvar Steinn Grétarsson (2422) gerði jafntefli við ungverska stórmeistarann Krisztian Szabo (2512) í níundu og síðustu umferð SM-flokks First Saturday-mótsins sem fram fór í dag.  Hjörvar hlaut 6 vinninga í 9 skákum og endaði í 2. sæti í flokknum.  Frammistaða hans samsvaraði 2535 skákstigum og hækkar hann um 14 stig fyrir hana.  Daði Ómarsson (2225) og Nökkvi Sverrisson (1881) ljúka hins vegar ekki lokið þátttöku fyrr en á morgun.  Daði tapaði í dag fyrir í dag bandaríska FIDE-meistaranum Erik Andew Kislik (2347) og Nökkvi vann í ótefldri skák.  Nökkvi hefur 6 vinninga í 10 skákum og Daði hefur 3½ vinning í jafn mörgum skákum.

Daði er í 10.-11. sæti í AM-flokki en Nökkvi er í 3.-4. sæti í FM-flokki.

Í SM-flokki sem Hjörvar tefldi í voru meðalstign 2412 skákstig.  Hjörvar var nr. 6 í stigaröð 10 keppenda.  Í AM-flokki, sem Daði sem teflir í eru meðalstigin 2247 skákstig.  Daði er nr. 9 í stigaröð 12 keppenda.  Í FM-flokki sem Nökkvi teflir í eru meðalstigin 2039 skákstig.  Nökkvi er stigalægstur 12 keppenda.

• Heimasíða First Saturday-mótsins
• Chess-Results

 

So, Giri og Tikkanen sigurvegarar Sigeman-mótsins

Wesley So (2667) frá Filippseyjum, Hollendingurinn Anish Giri (2690) og Svíinn Hans Tikkanen (2541) urðu efstir og jafnir á 19. Sigeman & Co sem lauk í dag í Malmö í Svíþjóð.  Sex skákmenn tóku þátt og tefldu einfalda umferð

Lokastaðan:

1 - 3. GM Wesley So, GM Hans Tikkanen og GM Anish Giri 3 v.
4. GM Alexei Shirov 2½
5. GM Nils Grandelius 2 v.
6. GM Jonny Hector 1½ v.

Heimasíða mótsins

Carlsen efstur í Bazna

Magnus Carlsen (2815) er efstur með 2 vinninga að loknum þremur umferðum á 5. Kónga-mótsins (Kings Tournament) en þriðja umferð fór fram í dag.   Nisipanu (2662) vann Ivanchuk (2776) en öðrum skákum lauk með jafntefli.   Mótið er sterkt en meðalstigin eru 2757 skákstig og tefld er tvöföld umferð.

Staðan:

• 1. Carlsen (2815)
• 2.-5. Ivanchuk (2776), Karjakin (2776), Nakamura (2774) og Nisipeanu (2662) 2 v.
• 6. Radjabov (2744)

Heimasíða mótsins

Sigurður Daði gerist Goði

Fide-meistarinn Sigurður Daði Sigfússon (2337) er genginn til liðs við Goðann frá SFÍ.
Hann gekk frá félagaskiptunum um helgina. Afar mikill fengur er af komu Sigurðar Daða til liðs við Goðann, enda er hann stigahæsti félagsmaður Goðans og kemur til með að styrkja A-lið Goðans gríðarlega fyrir komandi átök í 2. deild á Íslandsmóti skákfélaga næsta vetur.

Sigurður Daði Sigfússon hefur teflt opinberlega í rúm 30 ár og búinn að vera með um og yfir 2300 stig í 20 ár. Sigurður hefur náð yfir 2400 á íslenskum stigum og hæst 2381 á FIDE stigum.  Sigurður er Fide-meistari og er búinn að ná í einn IM áfanga.  Hann hefur orðið Skákmeistari Reykjavikur og Skákmeistari TR ásamt Norðulandameistaratitlum í sveitakeppni (grunnskóla og menntaskóla).  Besti árangur var sigur á alþjóðlegu móti KB banka árið 2006 og sigur á móti í Ungverjalandi 2001. Sigurður vann Stigamót Hellis sem er fram fór nú nýlega.

Skákþáttur Morgunblaðsins: Gylfi Þórhallsson heiðursfélagi SÍ

Gylfi Þórhallsson, einn fremsti skákmaður Norðlendinga um áratuga skeið, var lýstur heiðursfélagi Skáksambands Íslands á þingi SÍ sem haldið var um síðustu helgi. Allir fundargestir fögnuðu því að Gylfi skyldi vera heiðraður með þessum hætti. Gylfi hefur á löngum ferli unnið Skákþing Norðlendinga átta sinnum og 14 sinnum hefur hann borið sæmdarheitið skákmeistari Akureyrar. Hann hefur setið í stjórn Skákfélags Akureyrar í 27 ár, þar af 15 ár sem formaður og verið kjölfestan í öflugu barna- og unglingastarfi félagsins.

Um Gylfa má viðhafa sömu orð og Helgi Sæmundsson hafði um Jóhann Þóri Jónsson; að í skákinni hafi hann fundið gullæð í gráu bergi. Bestu skákir Gylfa snúast um dirfsku og glæsileg sóknartilþrif. Gylfi tók þátt í fyrstu viðureign Íslandsmóts taflfélaga sem fram fór á Akureyri haustið 1974. Þá mættu TR-ingar til leiks með Friðrik Ólafsson og Guðmund Sigurjónsson og nokkrar vonarstjörnur aðrar en það var gamli skákkennari Gylfa, Júlíus Bogason, sem tók á móti TR-liðinu á Akureyrarflugvelli. Gylfi hefur síðan teflt sleitulaust í þessari skemmtilegu flokkakeppni og aðeins misst úr þrjár skákir.

Þegar kemur að því að velja eina af mörgum snjöllum sóknarskákum Gylfa beinist athygli að sigurskák hans yfir sænska stórmeistaranum Thomas Ernst. Skákin var tefldi á einu þeirra móta sem Arnold Eikrem hélt í Gausdal í Noregi en þangað gerðu margir íslenskir skákmenn góða ferð á níunda og tíunda áratug síðustu aldar. Ernst var á þessum árum þekktur fyrir gríðarlega byrjanaþekkingu og ekki auðvelt að slá hann út af laginu á því sviði. Það tókst Gylfa samt sem áður með frekar óhefðbundinni uppbyggingu stöðu sinnar.

Gausdal 1992:

Gylfi Þórhallsson – Thomas Ernst

Sikileyjarvörn

1. e4 c5 2. Rf3 d6 3. d4 cxd4 4. Rxd4 Rf6 5. Rc3 Rc6 6. Be2 g6 7. O-O Bg7 8. Be3 O-O 9. h3 Bd7 10. Dd2 He8 11. Hfe1 Hc8 12. Had1 Re5 13. f4 Rc6 14. Rf3 Dc7 15. a3 Hed8 16. Rg5!?

„Gylfaginning“. Svartur lætur hjá líða að hrekja þennan riddara af höndum sér með 16. ... h6 sennilega vegna þess að það veikir peðastöðuna örlítið kóngsmegin.

16. ... Ra5 17. Bd3 e6 18. Df2 b6 19. e5!

Hvítur hefur komið mönnum sínum haganlega fyrir. Þessi peðaframrás á fullan rétt á sér. Ef 19. ... Re8 þá kemur 20. f5! t.d. 20. .. gxf5 21. Bxf5! með óstöðvandi sókn, t.d. 21. ... exf5 22. Rd5! Dxc2 23. Re7+! Kf8 24. Rxh7+! Kxe7 25. exd6+ Ke6 26. Bg5+ Be5 27. Rf8 mát!

19. ... dxe5 20. fxe5 Dxe5 21. Rxf7!

Glæsilega leikið.

21. ... Kxf7 22. Bd4 Dh5 23. He5!?

Einfaldara var 23. Bxf6 Bxf6 24. Re4 De5 25. Hf1 og vinnur.

23. ... g5 24. Hxa5! bxa5 25. Bxf6 Bxf6 26. Hf1 Dh6 27. Re4

Ef leiðin sem Gylfa valdi er borin saman við útreikninga öflugs forrits á borð við „Rybku“ þá er matið lengi þannig að allt sé í himnalagi hjá Ernst þar til 29. leikurinn birtist.

27. ... Ke7 28. Rxf6 Hf8

29. Rg8+!

Smiðshöggið.

29. ... Hxg8 30. Df7+ Kd6 31. Hd1 Hg7 32. Ba6+! Ke5 33. Df2!

Hótar 32. Dd4+ Kf5 33. Bd3 mát.

33. ... Dh4 34. g3 Hxc2 35. He1+ Kd5 36. Bb7+ Kd6 37. Df8+ Kc7 38. gxh4 Hg6 39. h5! Kxb7 40. hxg6

- og svartur gafst upp.

Helgi Ólafsson | [e-mail]

Skákþættir Morgunblaðsins eru birtir á Skák.is u.þ.b. viku síðar en í blaðinu sjálfu.  

Grein þessi birtist í Sunnudagsmogganum, 5. júní 2011.

Skákþættir Morgunblaðsins

Hjörvar og Nökkvi með jafntefli

Hjörvar Steinn Grétarsson (2422) og Nökkvi Sverrisson (1881) gerðu báðir jafntefli í skákum dagsins í Búdapest.  Hjörvar gerði jafntefli við rúmenska stórmeistarann Levente Vajda (2510) en Nökkvi við Kínverjann Xu Fei (1951).  Daði Ómarsson (2225) tapaði fyrir sænska FIDE-meistaranum Peter Vas (2297).   Hjörvar er með 5½ vinning í 8 skákum, Daði með 5 vinninga í 9 skákum og Daði með 3½ vinning í 9 skákum.  

Hjörvar er í 1.-2. sæti í SM-flokki, Daði í 10. sæti í AM-flokki og Nökkvi í 3.-7. sæti í FM-flokki.  Mótinu lýkur hjá Hjörvari á morgun en ekki fyrr en þriðjudag hjá Daða og Nökkva.  

Í SM-flokki sem Hjörvar teflir í eru meðalstign 2412 skákstig.  Hjörvar er nr. 6 í stigaröð 10 keppenda.  Í AM-flokki, sem Daði sem teflir í eru meðalstigin 2247 skákstig.  Daði er nr. 9 í stigaröð 12 keppenda.  Í FM-flokki sem Nökkvi teflir í eru meðalstigin 2039 skákstig.  Nökkvi er stigalægstur 12 keppenda.

• Heimasíða First Saturday-mótsins
• Chess-Results

 

Skákhátíð á Ströndum fer í hönd: Skráið ykkur sem fyrst!

Fjöldi keppenda er skráður til leiks á Skákhátíð í Árneshreppi á Ströndum, 17. til 19. júní. Hátíðin hefst með tvískákmóti í Djúpavík föstudagskvöldið 17. Júní, daginn eftir er komið að atskákmóti í Djúpavík og á sunnudaginn verður að vanda hraðskákmót í Kaffi Norðurfirði.

Keppendum er í sjálfsvald sett hvort þeir taka þátt í einum, tveimur eða þremur viðburðum. Þátttaka er í öllum tilvikum ókeypis.

Verðlaunapottur er 100 þúsund krónur, en fjöldi annarra glæsivinninga er í boði, allt frá bókum og geisladiskum til dýrgripa frá Úsbekistan og Eþíópíu. Síðast en ekki síst geta heppnir keppendur nælt sér í muni úr rekaviði eða hannyrðir heimamanna á Ströndum.

Sérstök athygli keppenda er vakin á tveimur verðlaunaflokkum, þar sem allir eiga jafna möguleika: Verðlaun fyrir best klædda keppandann og háttvísasta keppandann.

Akstur frá Reykjavík til Djúpavíkur tekur um eða innan við fjórar klukkustundir. Best er að aka um Dalina (afleggjari skammt frá Bifröst) og yfir Gilsfjörðinn. Nokkrum kílómetrum frá Reykhólum er vegurinn um Arnkötludal (Þröskuldar) og þaðan er skammt til Hólmavíkur. Vegurinn frá Reykjavík til Hólmavíkur er lagður bundnu slitlagi. Frá Hólmavík er ekið á góðum malarvegi um 60 kílómetra til Djúpavíkur.

Nánast öll gisting í Djúpavík er nú fullpöntuð, en þar er hægt að tjalda. Þá er einnig hægt að fá gistingu annarsstaðar í Árneshreppi.

Gistiheimili Norðurfjarðar
Gistihús, uppbúin rúm, svefnpokapláss og eldunaraðstaða. Verslun á staðnum.
Sími: 554-4089Gistiheimili Norðurfjarðar.  Gisting, uppábúin rúm, svefnpokapláss og eldunaraðstaða. Verslun og kaffihús á staðnum. Edda, sími 554-4089.

Gistiheimilið Bergistangi.  Svefnpokagisting í rúmum, eldunaraðstaða. Verslun og kaffihús á staðnum. Margrét, sími 4514003.

Ferðaþjónustan Urðartindur, Norðurfirði. Sumarhúsaleiga, 25m2 smáhýsi fyrir 2-4 hvert og stærra sumarhús fyrir 6-8 manns og svefnpokagistingu.
Sími: 451 4017 - 843 8110Sumarhúsaleiga. 25 fermetra hús fyrir tvo til fjóra. Stærra hús fyrir 6-8 og svefnpokagistingu. Sími 8438110.

Nýir keppendur eru hvattir til að skrá sig sem fyrst í [e-mail] eða [e-mail]. Nánari upplýsingar veitir Hrafn í síma 6950205 eða Róbert í 6969658.

Skráðir keppendur:

Ferðaþjónustan Urðartindur, Norðurfirði
Sumarhúsaleiga, 25m2 smáhýsi fyrir 2-4 hvert og stærra sumarhús fyrir 6-8 manns og svefnpokagistingu.
Sími: 451 4017 - 843 8110
Netfang: [e-mail]
Vefur: www.urdartindur.is


Valgeirsstaðir, Norðurfirði
Skáli Ferðafélags Íslands. Svefnpokagisting í Ferðafélagshúsinu, eldunaraðstaða, tjaldsvæði.
Netfang: [e-mail]
Vefur: www.fi.is
Opið yfir sumartímann.

Gistiheimili Norðurfjarðar
Gistihús, uppbúin rúm, svefnpokapláss og eldunaraðstaða. Verslun á staðnum.
Sími: 554-4089
Netfang: [e-mail]
Vefur: www.nordurfjordur.is/gisting

Gistiheimilið Bergistanga, Norðurfirði
Svefnpokagisting í rúmum, eldunaraðstaða, verslun á staðnum, góðar gönguleiðir.
Símar: 451-4003
Fax: [phone]
Netfang: [e-mail]
Vefur: www.nordurfjordur.is/gistingÁrný Björk Björnsdóttir

Skráðir keppendur:

• Björn Ívar Karlsson
• Csaba Daday
• Donika Kolica
• Eiríkur Brynjarsson
• Eiríkur K. Björnsson
• Gauti Páll Jónsson
• Guðmundur Gíslason
• Guðmundur Valdimar Guðmundsson
• Gunnar Björnsson
• Gunnar Nikulásson
• Heimir Páll Ragnarsson
• Hjálmar Blöndal
• Hrafn Jökulsson
• Hjörtur Ingvi Jóhannsson
• Jakob Thorarensen
• Jóhann Hjartarsson
• Jón Birgir Einarsson
• Jón Jónsson
• Jón Kristinn Þorgeirsson
• Kári Ingvarsson
• Magnús Gíslason
• Omar Salama
• Ólafur Thorarensen
• Páll Snædal Andrason
• Róbert Lagerman
• Rúnar Sigurpálsson
• Stefán Bergsson
• Sævar Bjarnason
• Veronika Steinunn Magnúsdóttir
• Vigfús Vigfússon
• Þorgeir Smári Jónsson
• Þorvarður Fannar Ólafsson
• Örnólfur Hrafn Hrafnsson

Landsmót UMFÍ 50+ á Hvammstanga 24.-26. júní

Landsmót UMFÍ 50 + verður haldið á Hvammstanga helgina 24. - 26. júní. UMFÍ hefur haldið fjölmörg Landsmót í gegnum tíðina. Nú er kominn tími til að þeir sem eru 50 ára og eldri fáið að njóta sín á Landsmóti. Aldrei áður hefur verið haldið Landsmót fyrir 50 ára og eldri því er um stórviðburð að ræða.

Mótið er fjölskylduhátíð með fjölbreyttri dagskrá aðal áhersla er lögð á gleði og hafa gaman. Ásamt keppni í hinum ýmsu íþróttagreinum verða fyrirlestrar og sýningahópar. Allir, jafnt ungir sem eldri, eiga að finna eitthvað við sitt hæfi þessa helgi sem mótið fer fram. 

Framkvæmd mótsins verður í höndum Ungmennafélags Íslands og USVH í samstarfi við sveitarfélagið Húnaþing vestra. Aðrir samstarfsaðilar að mótinu eru Félag áhuga fólks um íþróttir aldraðra og Landssamband eldri borgara. 

Keppnisgreinar á mótinu verða : Línudans,Blak, Bridds, Boccia, Badminton, Frjálsar íþróttir, Fjallaskokk, Hestaíþróttir, Golf, Pútt, Skák, Sund, þríþraut. 

Aðstaða á Hvammstanga til íþróttaiðkana er góð.  Húnaþing vestra rekur íþróttamiðstöð á Hvammstanga. Íþróttahús var byggt við búningsaðstöðu og sundlaug á árunum 2001 og 2002. Íþróttamiðstöð Húnaþings vestra var svo formlega opnuð þann 4. september 2002. Þá er þar risin glæsileg reiðhöll.

Frekari upplýsingar um mótið er að finna á  www.landsmotumfi50.is