Carlsen vann Ivanchuk og er efstur í Bazna

Magnus Carlsen (2815) vann Ivanchuk (2776) í 7. umferð Kóngamótsins í Bazna sem fram fór í dag og er efstur með 5 vinninga.  Öðrum skákum lauk með jafntefli.  Karjakin (2776) er annar með 4,5 vinning.

Staðan:

• 1. Carlsen (2815) 5 v.
• 2. Karjakin (2776) 4½ v.
• 3. Nakamura (2774) 3½ v.
• 4. Radjabov (2744) 3 v.
• 5.-6. Ivanchuk (2776) og Nisipeanu (2662) 2½

Heimasíða mótsins

 

 

Mjóddarmót Hellis fer fram 25. júní

Mjóddarmót Hellis fer fram laugardaginn 25. júní í göngugötunni í Mjódd.  Mótið hefst kl. 14 og er mótið öllum opið. Góð verðlaun í boði.  Síðasta ár sigraði Arion banki en fyrir þá tefldi Bragi Þorfinnsson.  Tefldar verða sjö umferðir með sjö mínútna umhugsunartíma.  Skráning fer fram í síma 866-0116 og á heimasíðu Hellis: http://hellir.blog.is.  Þátttaka er ókeypis!

Verðlaun eru sem hér segir:

• 1. 10.000
• 2.   6.000
• 3.   4.000

Skráning:

• Heimasíða Hellis: http://hellir.blog.is
• Sími: 866 0116

Forsetaliðið sigraði í tvískákinni - aðalmótið hefst í dag

Forsetaliðið sigraði í tvískákinni sem fram Djúpavík á Ströndum í þær.  Það skipuðu Gunnar Björnsson, forseti Sí, og Hrafn Jökulsson, forseti Hróksins, auk þess sem varaforseti Hróksins, Róbert Lagerman greip í eina skák sem varamaður þegar mikið lá við.   Forsetarnir komu jafnir í mark með 5 vinninga í sex mögulegum ásamt Birni Ívari Karlssyni og Jón Kristni Þorgeirsson og Einari Valdimarssyni og Hrund Hauksdóttur en höfðu betur efstir stigaútreikning og fengu nýju plötuna hans Bubba í verðlaun.

Alls tóku 13 pör þátt, sem er metþátttaka í tvískákinni.  Sama lið sigraði einnig í fyrra og Hrafn árið þar áður sem Jorge Fonseca svo Hrafn hefur verið ákaflega sigursæll í tvískákinni.

Í dag hefst svo hápunktur skákhátíðinnar með 9 umferða móti með 10 mínútna umhugsunartíma. Stigahæstur keppenda er Jóhann Hjartarson, stórmeistari í skák en meðal annarra keppenda má nefna áðurnefnand Róbert, Guðmund Gíslason, Þorvarð Fannar Ólafsson, Rúnar Sigurpálsson, Björn Ívar  Karlsson, Stefán Bergsson og Gunnar Björnsson.  

Ítarlegri fréttir og myndir væntanlegar síðar. 

Carlsen og Karjakin efstir í Bazna

Jafnaldarnir Magnus Carlsen (2815) og Sergey Karjakin (2776) eru efstir og jafnir með 4 vinninga að lokinni 6. umferð Kóngamótsins sem fram fór í dag í Bazna í Rúmeníu.  Karjakin vann Niksipeanu (2662) en öðrum skákum lauk með jafntefli.  

 Staðan:

• 1. Carlsen (2815) og Karjakin (2776)  4 v.
• 3. Nakamura (2774) 3 v.
• 4.-5. Radjabov (2744) og Ivanchuk (2776) 2½
• 6. Nisipeanu (2662) 2 v.

Heimasíða mótsins

Hjörvar með fjöltefli í dag

Hjörvar Steinn Grétarsson er nýkominn frá Búdapest þar sem hann náði fyrsta áfanga að alþjóðlegum meistaratitli og gerði jafnframt atlögu að sínum fyrsta stórmeistaraáfanga. Sannarlega glæsilegur árangur hjá Hjörvari sem hefur verið afar sigursæll á þessu ári og nægir að nefna sigur á atskákmóti Íslands. Á þjóðhátíðardaginn mun Hjörvar tefla fjöltefli við gesti og gangandi. Fjölteflið mun fara fram á útitaflinu við Lækjargötu og hefst klukkan 14:00. Allir velkomnir.

Mótaþrenna á Ströndum: Teflt í Hótel Djúpavík, samkomuhúsinu Trékyllisvík og Kaffi Norðurfirði

Skákhátíð á Ströndum hefst með tvískákmóti í Hótel Djúpavík, föstudaginn 17. júní klukkan 20. Daginn eftir klukkan 13 verður hið árlega stórmót, sem stórmeistararnir Helgi Ólafsson og Jóhann Hjartarson hafa unnið síðustu árin. Ákveðið hefur verið að færa mótið úr gömlu síldarverksmiðjunni í Djúpavík í hið vistlega samkomuhús í Trékyllisvík. Þar verður keppt um 100 þúsund króna verðlaunapott, auk glæsilegra vinninga frá 66 Norður, Eddu, Forlaginu, Senu, Henson, Sögum útgáfu, UMF Leifi heppna o.fl.

Á laugardagskvöld fer fram ,,landsleikur" í fótbolta, þar sem gestir hátíðarinnar keppa við knáa liðsmenn úr Ungmennafélaginu Leifi heppna. Áhugasamir liðsmenn eru því beðnir um að taka með sér viðeigandi skó.

Á sunnudaginn klukkan 13 verður svo glæsilegur lokapunktur settur á skákhátíðina með hraðskákmóti í Kaffi Norðurfirði.

Veðurspá fyrir helgina er ágæt, og ekki mun væsa um keppendur á hlýlegum og skemmtilegum mótsstöðum. 

Allir eru velkomnir og þátttaka er ókeypis.

Carlsen efstur í hálfleik í Bazna

Magnus Carlsen (2815) er efstur í hálfleik í Bazna.  Carlsen vann í dag heimamanninn Nisipeanu (2662) og hefur 3,5 vinning eftir 5 umferðir.  Jafnaldri hans Karjakin (2776) er annar með 3 vinninga eftir að hafa lagt Ivanchuk (2776).

Staðan:

• 1. Carlsen (2815) 3½ v.
• 2. Karjakin (2776) 3 v.
• 3.-4. Ivanchuk (2776) og Nakamura (2774) 2½ v.
• 5.-6. Nisipeanu (2662) og Radjabov (2744) 2 v.

Heimasíða mótsins

Hjörvar Steinn með fjöltefli þann 17. júní

Hjörvar Steinn Grétarsson er nýkominn frá Búdapest þar sem hann náði fyrsta áfanga að alþjóðlegum meistaratitli og gerði jafnframt atlögu að sínum fyrsta stórmeistaraáfanga. Sannarlega glæsilegur árangur hjá Hjörvari sem hefur verið afar sigursæll á þessu ári og nægir að nefna sigur á atskákmóti Íslands. Á þjóðhátíðardaginn mun Hjörvar tefla fjöltefli við gesti og gangandi. Fjölteflið mun fara fram á útitaflinu við Lækjargötu og hefst klukkan 14:00. Allir velkomnir.

NM öldunga - 50% afsláttur fyrir Íslendinga sem skrá sig fyrir 15. júlí

Norðurlandamót öldunga fer fram í Reykjavík 10.-18. september nk.  Mótið er opið fyrir alla karla sem fæddir eru 1951 eða fyrr og konur sem eru fæddar 1961 eða fyrr.  Þátttökugjöld eru kr. 10.000 kr. en SÍ hefur ákveðið að bjóða 50% afslátt til þeirra Íslendinga sem skrá fyrir 15. júlí, þ.e. þátttökugjöld verði kr. 5.000 fyrir þá.

Gera má ráð fyrir að ýmsir af sterkustu skákmönnum Norðurlandanna taki þátt og vill SÍ hvetja íslenska skákmenn til að láta ekki eftir sitt eftir liggja og fjölmenna á mótið!

Hægt er að skrá sig hér:  https://chess-results.com/anmeldung.aspx?lan=1&ggid=47843

• Heimasíða mótsins
• Chess-Results

 

 

Daði með jafntefli í lokaumferðinni

Daði Ómarsson (2225) gerði jafntefli við Bandaríkjamanninn Alexander Battey (2269) í lokaumferð AM-flokks First Saturday-mótsins sem fram fór í dag.  Nökki Sverrisson (1881) sem teflir í FM-flokki tapaði hins vegar hins vegar fyrir Ungverjanum Dr. Gabor Ritter (2083).  Daði hlaut 4 vinninga í 11 skákum og endaði í 10. sæti en Nökkvi hlaut 6 vinninga í jafn mörgum skákum og endaði í 5. sæti. 

Frammistaða Daða samsvaraði 2147 skákstigum og lækkar hann um 17 stig fyrir hana.  Frammistaða Nökkva samsvaraði hins vegar 2038 skákstigum og hækkar hann um 31 stig fyrir hana.

Í AM-flokki, sem Daði sem tefldi í voru meðalstigin 2247 skákstig.  Daði var nr. 9 í stigaröð 12 keppenda.  Í FM-flokki sem Nökkvi tefldi í voru meðalstigin 2039 skákstig.  Nökkvi var stigalægstur 12 keppenda.

• Heimasíða First Saturday-mótsins
• Chess-Results