Íslandsmót framhaldsskólasveita

Íslandsmót framhaldsskólasveita í skák 2011 verður haldið laugardaginn 12. febrúar næstkomandi kl. 12 - 18. Teflt er í félagsheimili Taflfélags Reykjavíkur, Faxafeni 12 (Skeifunni).

Keppnisfyrirkomulag er með svipuðu sniði og áður, hver sveit skal skipuð fjórum nemendum á framhaldsskólastigi (f. 1990 og síðar), auk 1- 4 til vara. Tefldar verða 6 umferðir eftir Monrad- kerfi, ef næg þátttaka fæst. Að öðrum kosti tefla sveitirnar einfalda umferð allar við allar. Umhugsunartími er 25 mín. á skák fyrir hvorn keppanda.

Nánar um mótsreglur sjá vef Skáksambands Íslands (Lög og Reglugerðir, Reglugerð um Íslandsmót framhaldsskólasveita í skák). http://www.skaksamband.is

Fjöldi sveita frá hverjum skóla er ekki takmarkaður. Sendi skóli fleiri en eina sveit skal sterkasta sveitin nefnd A- sveit, næsta B- sveit o.s.frv. Einnig skal raðað innan hverrar sveitar eftir styrkleika þannig að sterkasti skákmaðurinn er á fyrsta borði o.s.frv. - Ekkert þátttökugjald.

Keppendur eru vinsamlegast  beðnir um að mæta tímanlega á skákstað.

Vinsamlegast tilkynnið þátttöku á netfang Taflfélags Reykjavíkur [e-mail]  í síðasta lagi fimmtudag 10. febrúar.

Henrik vann í lokaumferðinni og endaði í 7.-9. sæti.

Henrik Danielsen (2519) vann indverska alþjóðlega meistarann Sundar Shyam (2443) í 11. og síðustu umferð alþjóðlega mótsins í Chennai sem fram fór síðustu nótt.  Henrik hlaut 8½ vinning og varð í 7.-9. sæti.   Hannes Hlífar Stefánsson (2580) tapaði fyrir Indverjanum Khosla Shiven (2358) en Guðmundur Kjartansson (2379) gerði sitt sjötta jafntefli í röð að þessu sinni gegn T R Shanmuganathan (2095).    Hannes hlaut 6½ vinning og endaði í 65.-101. sæti en Guðmundur hlaut 6 vinninga og endaði í 102.-143. sæti.

Sigurvegari mótsins varð úkraínski stórmeistarinn Martyn Kravtsiv (2566) en hann hlaut 9½ vinning. 

Frammistaða Henriks samsvaraði 2546 skákstigum og hækkar hann um 8 stig fyrir hana, frammistaða Hannesar samsvaraði 2424 og lækkar hann um 20 stig og frammistaða Guðmundar samsvaraði 2138 skákstigum og lækkar hann um 28 stig.   Henrik hækkar samtals um 17 stig fyrir mótin tvö í Indlandi, Hannes lækkar um 23 og Guðmundur lækkar um 52 stig.  

Á mótinu tóku 329 skákmenn þátt og þar af 23 stórmeistarar.   Hannes var nr. 7 í stigaröð keppenda, Henrik nr. 16 og Guðmundur nr. 49.  

• Heimasíða mótsins
  
• Chess-Results
• Myndaalbúm mótsins

Björn Ívar efstur á Skákþingi Vestmannaeyja

Í gærkvöldi lauk 4. umferð Skákþingsins og unnust allar skákir kvöldsins á svart og þar með náðist aðeins hálfur vinningur á hvítt í umferðinni. Athyglisverðasta skák kvöldsins var skák Stefáns og Sverris, þar sem Stefán yfirspilaði Sverri í byrjuninni og var með yfirburðastöðu þegar hann einfaldaði taflið og gaf Sverri færi á að jafna taflið. Lokin tefldi Stefán veikt og Sverrir vann.
Í öðrum skákum kvöldsins unnu Einar, Gauti og Jörgen sínar skákir.

5. umferð verður tefld miðvikudaginn 26. janúar kl. 19:30

 

• Heimasíða TV
• Chess - Results

Úrslti 4. umferðar:

Bo.	Nafn	Úrslit	Nafn
1	Sigurjon Thorkelsson	0  -  1	Bjorn-Ivar Karlsson
2	Stefan Gislason	0  -  1	Sverrir Unnarsson
3	Thorarinn I Olafsson	½  -  ½	Dadi Steinn Jonsson
4	Kristofer Gautason	0  -  1	Einar Gudlaugsson
5	Sigurdur A Magnusson	0  -  1	Nokkvi Sverrisson
6	Hafdis Magnusdottir	0  -  1	Karl Gauti Hjaltason
7	Eythor Dadi Kjartansson	0  -  1	Robert Aron Eysteinsson
8	Tomas Aron Kjartansson	0  -  1	Jorgen Freyr Olafsson

 

Staðan eftir 4. umferð
Sæti	Nafn	Stig	Vinn	BH.
1	Bjorn-Ivar Karlsson	2211	4	10½
2	Sverrir Unnarsson	1926	3	10
3	Sigurjon Thorkelsson	2039	2½	11
4	Stefan Gislason	1685	2½	10
5	Thorarinn I Olafsson	1697	2½	8½
	Dadi Steinn Jonsson	1590	2½	8½
7	Einar Gudlaugsson	1937	2½	8
8	Nokkvi Sverrisson	1787	2½	6½
9	Robert Aron Eysteinsson	1355	2	6½
10	Karl Gauti Hjaltason	1545	2	6
11	Jorgen Freyr Olafsson	1140	2	4
12	Sigurdur A Magnusson	1375	1½	8½
13	Kristofer Gautason	1679	1½	8
14	Hafdis Magnusdottir	0	1	5½
15	Eythor Dadi Kjartansson	1265	0	8½
16	Tomas Aron Kjartansson	1010	0	8

Pörun 5. umferðar
Bo.	Nafn	Úrslit	Nafn
1	Bjorn-Ivar Karlsson	-	Stefan Gislason
2	Sverrir Unnarsson	-	Thorarinn I Olafsson
3	Dadi Steinn Jonsson	-	Sigurjon Thorkelsson
4	Einar Gudlaugsson	-	Nokkvi Sverrisson
5	Robert Aron Eysteinsson	-	Jorgen Freyr Olafsson
6	Karl Gauti Hjaltason	-	Kristofer Gautason
7	Hafdis Magnusdottir	-	Sigurdur A Magnusson
8	Eythor Dadi Kjartansson	-	Tomas Aron Kjartansson

Æsir tefla á þriðjudögum

Hjá ÁSUM, Skákdeild Félags eldri borgara í Reykjavík, með aðsetur í Ásgarði félagsheimili þess við Stangarhyl, er haldin regluleg  skákmót  vikulega, eftir hádegi á þriðjudögum yfir vetrartímann.  Nú eru þar tefldar 10 umferðir með 11 mínútna umhugsunartíma, en voru áður 7 umferðir á 15 mín. og þar áður 6 umferðir á 20 mín.

Með fjölgun skáka hefur þátttaka aukist og keppnin orðið líflegri og  skemmtilegri.  Sumpart eru það sömu öldungarnir sem tefla þar og hjá Riddurunum  í Hafnarfirði á miðvikudögum, en ákveðin kjarni teflir bara í öðrum klúbbnum. Góð þátttaka var  Stangarhylum í gær (þriðjudaginn 24. Jan.) eins og sjá má á meðf. mótstöflu, þar sem Þorsteinn Guðlaugsson gerði sér lítið fyrir og skaut öðrum ref fyrir rass ásamt Stefáni Þormar Guðmundssyni, með 8 v. af 11.  Í þriðja sæti var svo gamla kempan Haraldur Axel Sveinbjörnsson, sem er jafnan meðal efstu manna.   

Framundan ( þ. 22. Febrúar) er árlegt kapptefli  „Rammislagur"  milli þessara tveggja skákklúbba eldri borgara á höfuðborgarsvæðinu á 18-20 borðum.  Riddarinn vann í fyrra með 108v. gegn 92, en Æsir árið á undan með 56v. gegn 52v. Keppt er um veglegan farandbikar, sem gefinn er af Jóa Útherja.

TOYOTA-skákmót eldri borgara.  

Föstudaginn 4. febrúar nk. verður haldið hið árlega  TOYOTA-skákmót, sem fram fer í Toyota-umboðinu (söludeild) við Nýbýlaveg í Kópavogi. Mótið hefst kl. 13 og verða tefldar  9 umferðir með 10 mín. umhugsunartíma. Þetta er í þriðja sinn sem slíkt mót er haldið á vegum Toyota á Íslandi,  sem reiðir fram veglegan verðlaunasjóð auk kræsinga.  Skráning fer fram í síma 89-31238 eða á netfangi:  [e-mail].  Mótið er opið öllum skákmönnum 60 ára og eldri. Engin þátttökugjöld.

MP Reykjavíkurskákmótið - skráning í fullum gangi

Skráning í MP Reykjavíkurskákmótið er nú í fullum gangi.  Þeir sem skrá sig og greiða þátttökugjald eigi síðar en á morgun fá 20% afslátt.

Greiðslusíðu fyrir íslenska skákmenn má finna hér.

Anand, Aronian, Kramnik og Nakamura efstir í Sjávarvík

Indverski heimsmeistarinn Anand (2810), Armeninn Aronian (2805), Rússinn Kramnik (2784) og Bandaríkjamaðurinn Nakamura (2751) eru efstir og jafnir með 6 vinninga að lokinni 9. umferð Tata Steel-mótsins sem fram fór í Wijk aan Zee í dag.  Carlsen (2814) er í 5.-6. sæti með 5½ vinning ásamt Frakkanum Vachier-Lagrave (2715).

A-flokkur:


Úrslit 9. umferðar:
 

H. Nakamura - V. Anand	½-½
M. Vachier-Lagrave - M. Carlsen	½-½
I. Nepomniachtchi - J. Smeets	0-1
V. Kramnik - E. l'Ami	1-0
W. Hao - R. Ponomariov	1-0
A. Grischuk - A. Giri	½-½
L. Aronian - A. Shirov	1-0

Staðan:

1.	V. Anand L. Aronian V. Kramnik H. Nakamura	6
5.	M. Carlsen M. Vachier-Lagrave	5½
7.	A. Giri I. Nepomniachtchi	4½
9.	W. Hao R. Ponomariov	4
11.	E. l'Ami J. Smeets	3
13.	A. Grischuk A. Shirov	2½

Staða efstu manna í b-flokki:

1.

L. McShane G. Sargissian W. So

6

 

Staða efstu manna í c-flokki:

1.	D. Vocaturo	7½
2.	K. Lahno I. Nyzhnyk	6

• Heimasíða mótsins
• Myndaalbúm (Calle Erlandsson)
• Beinar útsendingar (hefjast kl. 12:30)
  

Henrik vann í næstsíðustu umferð

Henrik Danielsen (2519) vann alþjóðlega meistarann Das Debashis (2406) í 10. og næstsíðustu umferðar alþjóðlega mótsins í Chennai í Indlandi sem fram fór síðustu nótt.   Guðmundur Kjartansson gerði jafntefli við Indverjann A K Jagadeesh (2093) en Hannes Hlífar Stefánsson (2580) tapaði fyrir indverska alþjóðlega meistarann Sundar Shyam (2443).    Henrik er í 9.-17. sæti með 7½ vinning, Hannes er í 33.-63. sæti með 6½ vinning og Guðmundur er í 104.-134. sæti með 5½ vinning.

Efstir með 8½ vinning eru Ísraelsmennirnir Tamir Nabaty (2565) og Alon Greenfeld (2557) og Úkraínumennirnir Alexander Areschchenko (2671) og Martyn Kravtsiv (2566).

Í 11. og síðustu umferð, sem fram fer næstu nótt og hefst kl. 4:30, teflir Henrik við áðurnefndan Shyam, Hannes teflir við indverska alþjóðlega meistarann Khosla Shiven (2358) og Guðmundur við C R G Krishna (2296).  Skák Henriks verður sýnd beint.   

Á mótinu taka 329 skákmenn þátt og þar af 23 stórmeistarar.   Hannes er nr. 7 í stigaröð keppenda, Henrik nr. 16 og Guðmundur nr. 49.  

• Heimasíða mótsins (beinar útsendingar)
  
• Chess-Results
• Myndaalbúm mótsins

Sæbjörn og Jón efstir á hraðkvöldi

Sæbjörn Guðfinnsson og Jón Þorvaldsson urðu efstir og jafnir með 5,5v á hraðkvöldi Hellis sem fram fór 24. janúar sl. Eftir stigaútreikning var Sæbjörn úrskurðaður sigurvegari á sigum en Jón hlaut annað sætið. Þar kom Jóni í koll að mæta ekki fyrr en við upphaf annarrar umferðar því hann tapaði ekki skák í mótinu sjálfu. Sæbjörn bætti honum það upp í lokin með því að draga út auka verðlaunin honum til handa. Þriðji varð svo Jón  Úlfljótsson með 5 og var þeim nöfnum ásamt Jóni Pétri oft ruglað saman á skákkvöldinu.

Lokastaðan á hraðkvöldinu. 

Röð	Nafn	V.	Stig
1	Sæbjörn Guðfinnsson	5½	30
2	Jón Þorvaldsson	5½	28
3	Jón Úlfljótsson	5	30
4	Vigfús Vigfússon	4	29
5	Birkir Karl Sigurðsson	4	27
6	Elsa María Kristínardóttir	4	23½
7	Dawid Kolka	4	20
8	Jón Pétur Kristjánsson	4	19½
9	Egill Steinar Ágústsson	3	23½
10	Eyþór Trausti Jóhannsson	1½	20
11	Baldur Hannesson	1	20½
12	Björgvin Kristbergsson	½	23

Feller neitar ásökunum um svindl

Franski stórmeistarinn Sebastien Feller hefur gefið út yfirlýsingu þar sem hann mótmælir ásökun Skáksambands Frakklands að hafa beitt svindli á Ólympíuskákmótinu en frá henni var sagt í frétt á Skák.is í gær.    

Feller segir hin raunverulega ástæðu fyrir ásökunum Frakkana að hann hafi stutt Krisan Ilyumzhinov í forsetakosningum FIDE. 

Yfirlýsing Fellers í heild sinni:

I completely deny the cheating accusation from the French Chess Federation. This disciplinary procedure is in fact related to the fact that I supported the current FIDE President (Kirsan Ilyumzhinov) in opposition to the current direction of the French Chess Federation.

The FIDE President is defamed on the blog of Jean-Claude Moingt, which claims that he has received fictitious proxies.

In addition, I have mentioned in private conversations, which were repeated, irregular accounting of the French Chess Federation (details will be given later), which have angered the president.

I asked my lawyer, Mr. Charles Morel, to initiate legal action for damages against the French Chess Federation for having unjustifiably tarnished my name in a statement included on all French and foreign websites, as well as in the international press.

Sincerely,
Sébastien Feller
On January 24, 2011

 

Hannes með sigur í níundu umferð

Hannes Hlífar Stefánsson vann indverska alþjóðlega meistarann K Rathnakaran (2381) í 9. umferð alþjóðlega mótsins í Chennai sem fram fór í nótt.   Henrik Danielsen (2519) tapaði hins vegar fyrir úkraínska stórmeistarann Mikhailo Oleksienko (2552).   Guðmundur Kjartansson (2379) gerði jafntefli við Chithambaram Aravindh (2113) sem er aðeins 11 ára en sjöundi stigahæsti unglingur heimsins í þeim aldursflokki.    Henrik og Hannes eru 16.-31. sæti með 6½ vinning en Guðmundur er í 94.-144. sæti með 5 vinninga.

Efstir með átta vinninga eru ísraelsku skákmennirnir Tamir Nabaty (2565) og Alon Greenfeld (2557).

Í tíundu og næstsíðustu umferð, sem fram fer næstu nótt og hefst kl. 4:30, teflir Henrik við alþjóðlega meistarann Das Debashis (2406), Hannes við indverska alþjóðlega meistarann Sundar Shyam (2443) og Guðmundur við Indverjann A K Jagadeesh (2093).

Á mótinu taka 329 skákmenn þátt og þar af 23 stórmeistarar.   Hannes er nr. 7 í stigaröð keppenda, Henrik nr. 16 og Guðmundur nr. 49.  

• Heimasíða mótsins (beinar útsendingar)
  
• Chess-Results
• Myndaalbúm mótsins