Atkvöld hjá Helli í kvöld

Fyrsta atkvöld Hellis á nýju ári verður að þessu sinni ekki á mánudegi heldur miðvikudaginn  5. janúar 2011 og hefst mótið kl. 19:30 eða nokkru fyrr en vanalega. Fyrst eru tefldar 3 hraðskákir þar sem hvor keppandi hefur 5 mínútur til að ljúka skákinni og síðan þrjár atskákir, með tuttugu mínútna umhugsun. Teflt er í félagsheimili Hellis í Álfabakka 14a í Mjóddinni. 

Sigurvegarinn fær í verðlaun pizzu frá Dominos Pizzum. Þá verður einnig dreginn út af handahófi annar keppanda, sem einnig fær pizzu hjá Dominos Pizzum. Þar eiga allir jafna möguleika, án tillits til árangurs á mótinu. Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

Skák ársins

Kosning um Skák ársins fer fram á Skákhorninu.  Frestur til að skila inn atkvæði er fram til morguns.  Skákáhugamenn eru hvattir til að taka þátt.

Skákhornið

Íslandsmót barna fer fram 8. janúar

Íslandsmót barna í skák 2011 verður haldið laugardaginn 8. janúar nk.  Öll börn 10 ára og yngri (fædd 2000 og síðar) geta verið með á mótinu.  Tefldar verða 8 umferðir, umhugsunartími 15. mín. á skák fyrir hvern keppenda.  Engin þátttökugjöld.

Mótið verður haldið í Salaskóla í Kópavogi og hefst kl. 12.00 og lýkur á fimmta tímanum.  Keppendur verða að skrá sig fyrirfram á Skák.is.

Veglegur bikar er fyrir sigurvegara mótsins og verðlaun veitt fyrir þrjú efstu sætin.  Sérstök verðlaun verða veitt þrem efstu stúlkunum í mótinu og hlýtur sú efsta titilinn "Íslandsmeistari stelpna 2011."  Einnig verður sigurvegurum í  hverjum aldursflokki fæddir 2000 og síðar veitt sérstök verðlaun.

Meðfram Íslandsmótinu verður í fyrsta sinn haldið Íslandsmótið í peðaskák. Mótið er ætlað leikskólabörnum og þeim krökkum í grunnskóla sem eru nýbyrjuð að tefla.   Hefst það mót einnig klukkan 12:00

Tefldar verða 5 umferðir og ætti mótið að taka um 1.5 tíma.

Reglurnar í peðaskák eru þannig að til að vinna þarf að drepa öll peðin hjá hinum eða koma einu sinna peða alla leið yfir skákborðið.

Skáksamband Ísland heldur mótið í samvinnu við Skákstyrktarsjóð Kópavogs sem styrkir mótshaldið.

Minnt er á að skrá sig fyrirfram á Skák.is.

Íslandsmót barna í skák 2011 verður haldið laugardaginn 8. janúar nk.  Öll börn 10 ára og yngri (fædd 2000 og síðar) geta verið með á mótinu.  Tefldar verða 8 umferðir, umhugsunartími 15. mín. á skák fyrir hvern keppenda.  Engin þátttökugjöld.

Mótið verður haldið í Salaskóla í Kópavogi og hefst kl. 12.00 og lýkur á fimmta tímanum.  Keppendur verða að skrá sig fyrirfram á Skák.is.

Veglegur bikar er fyrir sigurvegara mótsins og verðlaun veitt fyrir þrjú efstu sætin.  Sérstök verðlaun verða veitt þrem efstu stúlkunum í mótinu og hlýtur sú efsta titilinn "Íslandsmeistari stelpna 2011."  Einnig verður sigurvegurum í  hverjum aldursflokki fæddir 2000 og síðar veitt sérstök verðlaun.

Meðfram Íslandsmótinu verður í fyrsta sinn haldið Íslandsmótið í peðaskák. Mótið er ætlað leikskólabörnum. Hefst það mót einnig klukkan 12:00

Tefldar verða 5 umferðir og ætti mótið að taka um 1.5 tíma.

Reglurnar í peðaskák eru þannig að til að vinna þarf að drepa öll peðin hjá hinum eða koma einu sinna peða alla leið yfir skákborðið.

Skáksamband Ísland heldur mótið í samvinnu við Skákstyrktarsjóð Kópavogs sem styrkir mótshaldið.

Minnt er á að skrá sig fyrirfram á Skák.is.

Skák annáll KR 2010

Mikil gróska var í starfsemi Skákdeildar KR á árinu 2010 og góð þátttaka á æfingum, sem haldnar eru á mánudagskvöldum allan ársins hring í félagsheimili KR í Frostaskjóli.  Skákdeildin er nú sjálfstæð eining innan hins 110 ára gamla móðurfélags og nýtur góðs af þeirri stóru regnhlíf.

Haldin voru  50 skákkvöld/mót  á vegum klúbbsins, auk þess sem herjað var á Þýskaland í maí sl. og att kappi við Kreuzberg Schack Club í Berlin á 21 borði.  Áður höfðu Garðbæingar  fengu og að kenna á skákhörku KR-inga í flokkakeppi  á jafn mörgum borðum og loks tefldi svo Útrásarliðið við Heimavarnarliðið í Skákseli  eftir heimkomuna með góðum árangri.   A-sveit félagsins vann sig upp í 1. deild í Íslandsmóti Skákfélaga,  þar sem við ramman reip er að draga, og  B-sveitin fluttist upp í þá þriðju.  Þá tók KR þátt í Hraðskákkeppni taflfélaga og komst í 8 liða úrslit. Unglingastarf er og vaxandi.

Efstu menn  á Mánudagsmótum KR  á árinu 2010 og bestir að jafnaði voru þessir :

                                                                                1.          2.            3.         mót

1.        Gunnar Kr. Gunnarsson                13         5             6             33

2.       Sigurður A. Herlufsen                       9         8             4             45

3.       Dr. Ingimar Jónsson                           5         4             3             22

4.       Jón G. Friðjónsson                             5         2             -                 7

5.       Guðfinnur R. Kjartansson               4         10           4             49

6.       Gunnar Skarphéðinsson                  4         3             4

7.       Birgir Berndsen                                                   3         2             3

8.       Stefán Þormar Guðmundsson      2         2             8

9.       Ingólfur Hjaltalín                                 1         -              3

10.   Kristján Stefánsson                           1         -              2

11.   Friðgeir K. Hólm                                  1         -              2

12.   Ellert Berndsen                                                   1                                           2

13.   Hrannar Baldursson                           1                                           1

Vilhjálmur Guðjónsson var tvívegis í 2 sæti, sem og Ingimar Halldórsson, aðrir sem blönduðu sér í toppbaráttuna og komust á pall á árinu voru ma. Gunnar Finnlaugsson; Gunnar Finnsson; Jón Steinn Elíasson og Ólafur G. Jónsson. Þá eru ekki taldir með gestir sem aðeins tefldu með einu sinni.

Tvo Jólaskákmót á vegum KR-klúbbsins voru haldin með góðri þátttöku og bar hinn slyngi og eitilharði skákmeistari  Jón G. Friðjónsson sigur úr bítum á þeim báðum.   Hið síðara fór fram milli jóla og nýárs í Gallerý Skák, en ekki var talið óhætt að tefla í KR-heimilinu  vegna sprengjuhættu,  þar eð að skákmennskan var talin geta verið svo eldfim,  það gæti gneistað  af keppendum  í tímahraki, en þar stóð þá yfir flugeldasala.  Góðar væntingar eru tengdar hinu nýbyrjaða skákári og með liðveislu hins öfluga unga bandaríska stórmeistara Róbert Hess á 1. borði í Deildakeppninni  í mars ætti hagur KR-inga að vænkast.

Sjá má nánari úrslit og fjölda mynda á heimasíðunni:  www.kr.is  (skák).

Myndaalbúm

Jóhann sigraði á Jólabikarmóti Hellis

Jóhann Ingvason sigraði á jólabikarmóti Hellis sem fram fór 30. desember sl. Jóhann fékk 11,5v í 15 skákum og missti aðeins 3,5v niður. Annar varð Birgir Berndsen með 10v í 15 skákum og þriðji varð Helgi Brynjarsson með 8,5v í 14 skákum.

Mótið var mjög kaflaskip. Fyrstu 9 umferðirnar leiddi Hallgerður mótið en Jóhann og Birgir fylgdu henni eftir en Helgi var nánast búinn að vera eftir fyrstu níu umferðirnar með 4,5v niður. Í seinni hlutanum sigu Jóhann og Birgir fram úr og Jóhann sigraði með því að leggja Birgi í lokaskák mótsins. Helgi átti góðan endasprett og fjórar sigurskákir í röð í seinni hlutanum fleyttu honum í þriðja sætið. 

Þetta fyrirkomulag sem ekki hefur verið notað lengi í skákmótum mæltist bara vel fyrir hjá keppendum. Það býður líka upp á aðrar áherslur eins og kom í ljós þegar keppendur með 4,5v niður voru að tefla í steindauðri jafnteflisstöðu og eftir marga tilgangslausa leiki og á síðustu sekúndunum sömdu þeir sig út út mótinu eins og sannir heiðursmenn.

Lokastaðan

• 1.    Jóhann Ingvason                         11,5v/15
• 2.    Birgir Berndsen                            10v/15
• 3.    Helgi Brynjarsson                         8,5v/14
• 4.    Pálmi Pétursson                            8v/13 
• 5.    Hallgerður Helga Þorsteinsdóttir   8v/13
• 6.    Örn Leó Jóhannsson                     8v/13
• 7.    Magnús Matthíasson                  7v/12
• 8.    Eggert Ísólfsson                            5v/11
• 9.    Kjartan Már Másson                       4v/10
• 10.  Dagur Kjartansson                        3,5v/9
• 11.  Vignir Vatnar Stefánsson               3,5v/9
• 12.  Dagur Ragnarsson                         3v/8
• 13.  Jón Trausti Harðarson                    2,5v/9
• 14.  Atli Jóhann Leósson                       2v/7
• 15.  Stefán Már Pétursson                    2v/7
• 16.   Guðmundur G. Guðmundsson        1v/6

Skákþáttur Morgunblaðsins: Miserfið skákdæmi

Skákþrautir þær sem hér birtast verða að teljast eilítið snúnari en þær sem undirritaður tók saman fyrir tveimur árum. Fyrsta dæmið er óvenjulegt. Þar þarf einungis að finna mátleikinn. Möguleikarnir eru æði margir en aðeins einn leikur er réttur.
 

 Dæmi nr. 1 T.P. Madely Mát í 1. leik!
 
 
Næsta dæmi ætti ekki að vefjast fyrir neinum
 
 

Dæmi nr. 2 A. Galitskí Mát í 2. leik
 
 
en í dæmum 3-6 sveiflast  erfiðleikastuðullinn talsvert upp á við en þau draga dám af þeim sem lögð eru fyrir keppendur á alþjóðlegum skákdæmamótum, sem njóta mikilla vinsælda um þessar mundir. Nýbakaður heimsmeistari í greininni er enski stórmeistarinn og stærðfræðingurinn John Nunn.

Dæmi nr. 3 E. J. Polglase Mát í 2. leik
 
 
 
 Dæmi nr. 4 Cecil A. L. Bull Mát í 3. leik
 
 
 
 
 

Dæmi nr. 5 Sigurd Clausen Mát í 3. leik.
 
 
 
 

 Dæmi nr. 6 Michael McDowell Mát í 3. leik
Í dæmi nr. 7 er komið að einum af höfuðsnillingum skákdæmagerðar, Leonid Kubbel.
 

Dæmi nr. 7 L. Kubbel Hvítur leikur og vinnur.

 

Lokadæmið nr. 8 á sér óvissan uppruna en nokkrar útgáfur eru til um söguna á bak við það og dæmið sjálft hefur birst annars staðar í eilítið breyttri mynd. Sú útgáfa sögunnar sem undirritaður heyrði fyrir 20 árum var á þá leið, að snemma á öldinni sem leið hefði ókunnur bóndi frá Georgíu komið þessu dæmi saman eftir mikla erfiðismuni en hugmyndina fékk hann eftir að hafa skoðað skák sem Capablanca tefldi á stórmótinu í Sankti Pétursborg árið 1914. Hann var svo stoltur af hugverki sínu að hann límdi mynd af upphafsstöðunni áfast við sitt hjartkæra landbúnaðartæki - dráttarvélina - sem með því hlaut merkilegan sess í skáksögunni. Nokkru síðar áræddi bóndi að senda rússnesku skákblaði dæmið með ósk um að það yrði birt. En bréfið frá honum lá hins vegar óopnað áratugum saman. Um það bil hálfri öld síðar reikaði „töframaðurinn frá Riga", Mikhail Tal, inn á skrifstofur skákvikublaðsins „64" og einhver þar bað hann að fara yfir gamlan póst sem hafði hrúgast upp hjá ritstjórninni. Þar fannst bréfið frá bóndanum frá Georgíu. Tal hafði hrist fram úr erminni marga glæsilega fléttu um dagana en þessi sem blasti við honum á gulnuðum blöðum lét hann ekki ósnortinn enda má kalla lausnina tæra snilld.

 

  Dæmi nr. 8. Höfundur ókunnur Hvítur leikur og vinnur.

 

Lausnir munu birtast í áramótablaði Morgunblaðsins.

Helgi Ólafsson | [e-mail]

Skákþættir Morgunblaðsins eru birtir á Skák.is u.þ.b. viku síðar en í blaðinu sjálfu.  

Grein þessi birtist í jólablaðinu, 24. desember.

Skákþættir Morgunblaðsins

Íslandsmót barna í skák fer fram 8. janúar

 Íslandsmót barna í skák 2011 verður haldið laugardaginn 8. janúar nk.  Öll börn 10 ára og yngri (fædd 2000 og síðar) geta verið með á mótinu.  Tefldar verða 8 umferðir, umhugsunartími 15. mín. á skák fyrir hvern keppenda.  Engin þátttökugjöld.

Mótið verður haldið í Salaskóla í Kópavogi og hefst kl. 12.00 og lýkur á fimmta tímanum.  Keppendur verða að skrá sig fyrirfram á Skák.is.

Veglegur bikar er fyrir sigurvegara mótsins og verðlaun veitt fyrir þrjú efstu sætin.  Sérstök verðlaun verða veitt þrem efstu stúlkunum í mótinu og hlýtur sú efsta titilinn "Íslandsmeistari stelpna 2011."  Einnig verður sigurvegurum í  hverjum aldursflokki fæddir 2000 og síðar veitt sérstök verðlaun.

Sérstök peðaskák verður fyrir yngstu keppendurna þar sem þau þurfa ekki að kunna neitt nema hvernig peðin ganga.

Skáksamband Ísland heldur mótið í samvinnu við Skákstyrktarsjóð Kópavogs sem styrkir mótshaldið.

Minnt er á að skrá sig fyrirfram á Skák.is. Í peðaskákina þarf ekki að skrá sig, bara mæta.

KORNAX mótið 2011 - Skákþing Reykjavíkur hefst 9. janúar

KORNAX mótið 2011 - Skákþing Reykjavíkur hefst sunnudaginn 9. janúar kl. 14. Tefldar verða 9 umferðir eftir svissnesku kerfi og eru tímamörk 1½ klst. á alla skákina auk 30 sek. á leik. Umferðir fara fram á miðvikudögum og föstudögum kl. 19.30 og á sunnudögum kl. 14.  Teflt er í húsnæði Taflfélags Reykjavíkur að Faxafeni 12.

Verðlaun:

• 1. sæti kr. 120.000
• 2. sæti kr. 60.000
• 3. sæti kr. 30.000
• Besti árangur undir 2000 skákstigum kr. 15.000 (íslensk stig gilda)
• Besti árangur undir 1800 skákstigum kr. 15.000 (íslensk stig gilda)
• Besti árangur undir 1600 skákstigum - bókaverðlaun (íslensk stig gilda)
• Besti árangur undir stigalausra - bókaverðlaun

Sigurvegarinn hlýtur auk þess nafnbótina Skákmeistari Reykjavíkur 2011 og farandbikar til varðveislu í eitt ár.  Núverandi Skákmeistari Reykjavíkur er Hjörvar Steinn Grétarsson. 

 

Jafnframt fær sigurvegarinn sæti í landsliðsflokki Íslandsmótsins í skák sem fram á Egilsstöðum í apríl nk.

 

Þátttökugjöld:

• kr. 4.000 fyrir 16 ára og eldri
• kr. 2.000 fyrir 15 ára og yngri

Dagskrá:

• 1. umferð sunnudag   9. janúar  kl. 14
• 2. umferð miðvikudag 12. janúar  kl. 19.30
• 3. umferð föstudag     14. janúar  kl. 19.30
• 4. umferð sunnudag   16. janúar  kl. 14
• 5. umferð miðvikudag 19. janúar  kl. 19.30
• 6. umferð föstudag      21. janúar  kl. 19.30
• 7. umferð sunnudag    23. janúar  kl. 14
• 8. umferð miðvikudag 26. janúar  kl. 19.30
• 9. umferð föstudag      28. janúar  kl. 19.30

 

Skákþingið er reiknað til alþjóðlegra skákstiga.

Skráning fer fram á heimasíðu Taflfélags Reykjavíkur, http://www.taflfelag.is.

Athugið að skráningu lýkur 15 mínútum fyrir auglýst upphaf móts, þ.e. kl. 13.45.

Sigurður sigraði á Nýársmóti SA

Nýársmót Skákfélags Akureyrar fór fram í dag. Átta ferskir skákmenn mættu til leiks og tefldu tvöfalda umferð, allir við alla.

Sigurður Eiríksson hóf keppni á nýja árinu af meira kappi en aðrir og sigraði með 11 vinninga af 14. Nafni hans Arnarson var annar með 10½ vinning og Jón Kristinn og Tómas Veigar voru jafnir í 3. - 4. sæti með 9½. Allir ofantaldir leiddu mótið á einhverjum tímapunkti.

Lokastaða efstu manna:

Sigurður Eiríksson                             11
Sigurður Arnarson                             10½
Jón Kristinn Þorgeirsson                    9½
Tómas Veigar Sigurðarson                 9½
Haki Jóhannesson                              6
Karl Egill Steingrímsson                     5

Heimasíða SA

Davíð Kjartansson og Sveinn Ingi Jólavíkingar 2010

Davíð Kjartansson og Sveinn Ingi Sveinsson sigruðu á jólamóti Víkingaklúbbsins sem haldið var þriðjudaginn 28 des. Davíð sigraði með yfirburðum á skákmótinu, leyfði aðeins tvö jafntefli. Í öðru til fjórða sæti urðu, Jón Árni Halldórsson, Lárus Knútsson og Tómas Björnsson. Jón Árni varð úrskurðaður í annað sæti á stigum og Lárus fékk þriðja sætið. Davíð er því hraðskákmeistari Víkingaklúbbsins 2010, en Ólafur B. Þórsson vann mótið 2009. Davíð Kjartansson vann því öll mót sem hann keppti á í jólafríi sínu. Hann varð m.a jólameistari Factory á Þorláksmessu og Íslandsmeistari í netskák 27 des. Átján keppendur tóku þátt í gríðarlega skemmtilegu móti, þar sem tímamörk voru 5. mínútur og umferðirnar sjö.

Í Víkingaskákinni varð Sveinn Ingi Sveinsson langsterkastur, en hann er nú kominn sterkur til baka eftir að hafa átt slæmt Íslandsmót í 15. mínútna Víkingaskák. Sveinn sigraði alla andstæðinga sína og endaði með sjö vinninga. Sveinn er því Íslandsmeistari í hraðvíkingaskák 2010, en formaðurinn vann titilinn í fyrra. Í öðru sæti varð Tómas Björnsson með 6. vinninga. Gunnar Fr. náði þriðja sætinu með fimm vinninga. Keppendur í Víkingaskákinni voru tólf, þar sem tímamörk voru 7. mínútur og umferðirnar sjö.

Á mótinu var einnig keppt um nýjan titil í fyrsta skipti, en sérstakur bikar var fyrir besta árangur í báðum mótunum. Sveinn Ingi kom gífurlega á óvart í skákmótinu með hörku frammistöðu og því varð hann með flesta vinninga samanlagt. Hann hlaut því einnig titilinn bezti "tvískákmaður" ársins 2010. Sveinn fékk samanlagt ellefu vinninga, en Tómas varð annar með 10.5 vinninga. Þriðji í tvískákinni varð Gunnar Fr. með 9. vinninga.

Mótið var glæsilegt í alla staði og veitingar voru veittar án endurgjalds. Mótið í fyrra var heppnaðist einnig mjög vel, en hér má sjá úrslit og myndir frá 2009

Mótið 2009

Úrslitin á hraðskákmótinu

* 1. Davíð Kjartansson 6.0
* 2. Jón Árni Halldórsson 5.0
* 3. Lárus Knútsson 5.0
* 4. Tómas Björnsson 5.0

Úrslitin á Víkingahraðskákmótinu

* 1. Sveinn Ingi Sveinsson 7.0
* 2. Tómas Björnsson 5.5
* 3. Gunnar Fr. Rúnarsson 5.0
* 4. Ingi Tandri Traustason 4.0

Úrslitin í Tvískákinni

* 1. Sveinn Ingi Sveinsson 11.0
* 2. Tómas Björnsson 10.5
* 3. Gunnar Fr. Rúnarsson 9.0

Aukaverðlaun í Vîkingaskákinni

Öldungur 35 ára og eldri
1. Tómas Björnsson

Öldungaverðlaun II 45 ára og eldri
1. Gunnar Fr. Rúnarsson

Kvennaverðlaun
1. Inga Birgisdóttir

Unglingaverðlaun 20 ára og yngri
1. Jón Trausti Harðarson

Heimasíða Víkingaklúbbsins