NM grunnskólasveita: Jafntefli gegn Svíum

Ritstjórinn var vart búinn að skrá úrslit í 2. umerð NM barnaskólasveita að úrslitin í 3. umferð bárust.  Íslenska liðið gerði þá 2-2 jafntefli við sveit Svía.  Guðmundur Kristinn Lee vann, Eiríkur Örn Brynjarsson og Birkir Karl Sigurðsson gerðu jafntefli en Páll Andrason tapaði á fyrsta borði.   Sveitin er í 2. sæti með 7 vinninga en Norðmenn eru langefstir með 11 vinninga.  Ísland mætir Finnum og Danmörku II á morgun.   

Staðan:

• 1. Noregur 11 v.
• 2. Salaskóli 7 v.
• 3. Finnland 6½ v.
• 4.-5. Danmörk II og Danmörk I  4 v.
• 6. Svíþjóð 3½ v.

Lið Salaskóla:

1. Páll Andrason (1665) 1 v. af 3
2. Eiríkur Örn Brynjarsson (1585) 2 v. af 3
3. Guðmundur Kristinn Lee (1575) 2 v. af 3
4. Birkir Karl Sigurðsson (1440) 2 v. af 3
5. Ómar Yamak (1000)

Liðsstjóri strákanna er Tómas Rasmus.

Danir hafa sett upp virkilega góða heimasíðu fyrir mótið þar sem þegar má finna úrslit, myndir og skákir, meðal annars.  

• Heimasíða mótsins
• Myndaalbúm (Tómas Rasmus og heimasíða mótsins

Bent Larsen

Skák.is barst eftirfarandi minningargrein um Bent Larsen frá Gunnari Finnlaugssyni.

Skákkonungurinn og mannlífsriddarinn Bent Larsen er horfinn af skákborði lífsins. Auk þess að vera afburða skákmaður var hann einnig skemmtilegur fyrirlesari, ásamt því að vera afkastamikill og góður skákblaðamaður.

Eitt af því fyrsta sem ég man eftir var skákeinvígi Friðriks og Larsens í byrjun árs 1956. Þá var Larsen „vondi strákurinn" og tók Norðurlandatitilinn af skákgoði okkar Íslendinga, Friðrik Ólafssyni. Þeir voru góðir kunningjar, en friðsemi og vingjarnlegheit voru þeim fjarri þegar barist var á skákborðinu. Þessir tveir heiðursmenn hafa auðgað skákmenningu Norðurlanda í meira en hálfa öld!

Ég kynntist Larsen lítillega haustið 1989 í Holstebro í Danmörku. Þá fór fram aukakeppni um sæti í millisvæðamóti milli Margeirs, Yrjölä og Larsens. Sem nýbakaður formaður í Malmö Schacksällskap fékk ég þá hugmynd að fá Larsen til Málmeyjar. Hann tók vel í mína málaleitun og seinna um haustið kom hann, tefldi klukkufjöltefli, fjöltefli og hélt fyrirlestur við mikla hrifningu skákáhugamanna hér á Skáni. Mér er það sérstaklega minnisstætt hve auðvelt var að ná samkomulagi við hann um þóknun og annað varðandi heimsóknina.

Vinur minn Lars Grahn í Málmey gaf út Schacknytt í um það bil tvo áratugi. Draumur hans var að fá Larsen til að skrifa reglulega. Sá draumur rættist einfaldlega vegna þess að Larsen sætti sig við lág ritlaun. Lars hefur sagt mér að hann dansaði af gleði þegar svar Larsens kom. Larsen skrifaði mikið, og er án efa Norðurlandameistari skákblaðamanna. Fyrst og fremst skrifaði hann i Skakbladet, Schacknytt og dönsk dagblöð. Meðal annars skrifaði hann skákþátt daglega árum saman í Extra Bladet.

Upp úr 1970 flutti Larsen til Las Palmas. Hann var meira eða minna flæmdur úr landi af skattayfirvöldum.

Skatturinn taldi að maturinn sem hann fékk á skákmótum utan Danmerkur væru fríðindi sem borga ætti skatt af! Hann snéri aldrei aftur til Danmerkur og bjó síðustu árin í Argentínu.

Danir syrgja sína stærstu skákstjörnu fyrr og síðar. Á heimasíðu Danska Skáksambandsins er vitnað í forseta sambandsins. Hann segir þar að Larsen hafi á sínum bestu árum verið einn vesturlandabúa sem gat boðið Sovétmönnum byrginn. Hann gleymir illilega íslendingunum Friðrik Ólafssyni og Robert James Fischer!

Larsen var fróður og áhugasamur um margt. Hefði hann einblínt á skákborðið hefði hann trúlega náð enn lengra. En Larsen var ekki bara skákmaður, hann var heimsborgari og boðberi skákarinnar. Sagt er að sjaldan hafi honum orðið svarafátt. Einn vina minna í Danmörku sagði mér að eina svarið sem maður fékk aldrei frá Larsen væri;

Ég veit það ekki.

Heimur okkar skákmann verður fátæklegri eftir andlát Larsens en minningin um skákstjörnu Norðurlanda lifir!

Gunnar Finnlaugsson

Stórsigur Salaskóla gegn Dönum

Skáksveit Salaskóla vann stórsigur 4-0 á Danmörku II í 2. umferð NM grunnskólasveita sem fram fór í dag.   Salaskóli hefur 5 vinninga og er í öðru sæti.   Þriðja umferð er nú í gangi og tefla Salskælingar nú við Svíana sem eru neðstir.

Staðan:

• 1. Noregur 7 v.
• 2. Salaskóli 5 v.
• 3.-4. Danmörk II og Finnland 4 v.
• 5. Danmörk I 2½ v.
• 6. Svíþjóð 1½ v.

Lið Salaskóla:

1. Páll Andrason 1 v. af 2 (1665)
2. Eiríkur Örn Brynjarsson 1½ v. af 2 (1585)
3. Guðmundur Kristinn Lee 1 v. af 2 (1575)
4. Birkir Karl Sigurðsson 1½ v. af 2 (1440)
5. Ómar Yamak (1000)

Liðsstjóri strákanna er Tómas Rasmus.

Danir hafa sett upp virkilega góða heimasíðu fyrir mótið þar sem þegar má finna úrslit, myndir og skákir, meðal annars.  

Heimasíða mótsins

Henrik tapaði í sjöundu umferð

Stórmeistarinn Henrik Danielsen (2528) tapaði fyrir dönsku skákkonunni Oksana Vovk (2157), sem er alþjóðlegur meistari kvenna, í sjöundu umferð  Xtracon-mótsins, sem fram fór í morgun.  Henrik hefur 4 vinninga og er í 21.-34. sæti. 

Efstir með 6 vinninga eru úkraínski stórmeistarinn Yuri Drozdovskij (2608), og sænski alþjóðlegi meistarinn Hans Tikkanen (2507).  Lettneski stórmeistarinn Normunds Miezis (2518) er þriðji með 5½ vinning.

Í áttundu og næstsíðustu umferð, sem nú er í gangi, teflir Henrik við Danann Thomas Larsen (2076).  

76 skákmenn taka þátt í þessu alþjóðlega skákmóti og þar af 8 stórmeistarar.  Henrik er fjórði stigahæsti keppandinn en stigaæstur er Úkraíninn Drozdovskij (2624).

Heimasíða mótsins

 

Laugardagsæfingar TR hefjast í dag

Áratuga löng hefð er fyrir laugardagsæfingum Taflfélags Reykjavíkur.  Þær hefjast aftur eftir sumarfrí laugardaginn 11. september kl. 14.  Að venju fara æfingarnar fram í húsnæði félagsins að Faxafeni 12.

Í fyrra mætti oftar en ekki vel á fjórða tug barna á æfingarnar en alls voru í kringum 100 börn sem sóttu þær.  Á æfingunum eru sett upp skákmót, skákkennsla fer fram og skákþrautir leystar ásamt ýmsum öðrum uppákomum.  Þá er boðið upp á léttar veitingar um miðbik æfinganna en sá partur er orðinn órjúfanlegur hluti af æfingunum hjá börnunum.

Haldið er utan um mætingu og árangur barnanna og hverri æfingu er gerð góð skil í ítarlegum pistlum.

Aðgangur er ókeypis og eru æfingarnar ætlaðar börnum fæddum 1997 og síðar.

Umsjón með laugardagsæfingunum skipta þær með sér, Sigurlaug Regína Friðþjófsdóttir, formaður T.R. og Elín Guðjónsdóttir sem situr í stjórn félagsins.

Skákkennarar eru Torfi Leósson og Ólafur Kjartansson, félagsmenn í T.R.  Báðir eru þeir sterkir skákmenn með yfir 2000 elo-stig.

Pistlar laugardagsæfinga veturinn 2009-2010

Myndir frá laugardagsæfingum

NM grunnskólasveita: Salaskóli tapaði í fyrstu umferð

Skáksveit Salaskóla tapaði í fyrstu umferð fyrir norsku sveitinni, 1-3, á NM grunnskólasveita sem hófst í dag í Tranum í N-Jótlandi í Danmörku.    Norska sveitin er áberandi sterkasta sveitin á pappírnum.   Eiríkur Örn Brynjarsson og Birkir Karl Sigurðsson gerðu jafntefli en Páll Andrason og Guðmundur Kristinn Lee töpuðu.  Á morgun verða tefldar tvær umferðir en þá tefla strákarnir við Dani I og Svía. 

Lið Salaskóla:

1. Páll Andrason (1665)
2. Eiríkur Örn Brynjarsson (1585)
3. Guðmundur Kristinn Lee (1575)
4. Birkir Karl Sigurðsson (1440)
5. Ómar Yamak (1000)

Liðsstjóri strákanna er Tómas Rasmus.

Danir hafa sett upp virkilega góða heimasíðu fyrir mótið þar sem þegar má finna úrslit, myndir og skákir, meðal annars.  

Heimasíða mótsins

Veljið skák (4 alls): 1: Botheim, Tor - Brynjarsson, Eirikur Örn 2: Gudmundur, Kristinn Lee - Kjøita, Henning 3: Kjøita, Torgeir - Sigurdsson, Birgir K. 4: Andrason, Páll - Guttulsrud, Odd Martin

[Event "NM-hold"] [Site "?"] [Date "2010.09.10"] [Round "1.5"] [White "Botheim, Tor"] [Black "Brynjarsson, Eirikur Örn"] [Result "1/2-1/2"] [ECO "C78"] [WhiteElo "1849"] [BlackElo "1585"] [PlyCount "67"] [EventDate "2010.09.10"] [SourceDate "2010.09.10"] [WhiteTeam "Norway"] [BlackTeam "Island"] 1. e4 e5 2. Nf3 Nc6 3. Bb5 a6 4. Ba4 b5 5. Bb3 Bc5 6. c3 Nf6 7. O-O O-O 8. d4 exd4 9. cxd4 Bb4 10. a3 Be7 11. e5 Ne8 12. d5 Na5 13. Bc2 d6 14. Qd3 g6 15. Bh6 Ng7 16. Qc3 Nc4 17. exd6 Bf6 18. dxc7 Qd6 19. Qb4 Qxc7 20. Be4 Rb8 21. Nbd2 Bxb2 22. Ra2 a5 23. Qb3 Bf6 24. Rc2 Qd6 25. Nxc4 bxc4 26. Qxc4 Ba6 27. Qc6 Qxc6 28. dxc6 Bxf1 29. c7 Ba6 30. cxb8=Q Rxb8 31. Rc6 Bb7 32. Rb6 Rd8 33. Bc2 Bxf3 34. gxf3 1/2-1/2

[Event "NM-hold"] [Site "?"] [Date "2010.09.10"] [Round "2.5"] [White "Gudmundur, Kristinn Lee"] [Black "Kjøita, Henning"] [Result "1-0"] [ECO "B72"] [WhiteElo "1575"] [BlackElo "1862"] [PlyCount "74"] [EventDate "2010.09.10"] [SourceDate "2010.09.10"] [WhiteTeam "Iceland"] [BlackTeam "Norway"] 1. e4 c5 2. Nf3 Nc6 3. d4 cxd4 4. Nxd4 Nf6 5. Nc3 d6 6. Bc4 g6 7. O-O Bg7 8. Be3 O-O 9. Nxc6 bxc6 10. Bb3 Qc7 11. f3 Bb7 12. Qe2 Rfd8 13. Rad1 d5 14. exd5 Nxd5 15. Nxd5 cxd5 16. c3 e6 17. Qf2 Be5 18. f4 Bd6 19. Bxa7 Rxa7 20. Kh1 Ba6 21. Rfe1 Bxf4 22. Qh4 Bd6 23. Re3 Be7 24. Qh6 Bf8 25. Qh4 Qe7 26. Qg3 Bc4 27. Qf4 Rb7 28. Rh3 Bxb3 29. axb3 Rxb3 30. Rd2 Ra8 31. Qf1 Qa7 32. Rf3 Rb7 33. Qe2 Qa6 34. h3 Qxe2 35. Rxe2 Ra2 36. Rff2 Bc5 37. b4 Ra1+ 1-0

[Event "NM-Hold"] [Site "?"] [Date "2010.09.10"] [Round "1.5"] [White "Kjøita, Torgeir"] [Black "Sigurdsson, Birgir K. "] [Result "1/2-1/2"] [WhiteElo "1562"] [BlackElo "1440"] [PlyCount "54"] [EventDate "2010.??.??"] [WhiteTeam "Norway"] [BlackTeam "Iceland"] 1. e4 c5 2. Nf3 Nc6 3. d4 cxd4 4. Nxd4 g6 5. Nc3 Bg7 6. Be3 Nf6 7. Be2 O-O 8. O-O d6 9. Bf3 Ne5 10. Be2 Qc7 11. Ndb5 Qa5 12. Rb1 a6 13. b4 Qd8 14. Nd4 Qc7 15. Nd5 Qd8 16. Nxf6+ exf6 17. Nf3 Be6 18. Nxe5 dxe5 19. c4 Qc7 20. Qc2 f5 21. f3 f4 22. Bf2 a5 23. b5 b6 24. a4 Rfc8 25. Rfc1 Bf8 26. Bf1 Bc5 27. Rb3 Kg7 1/2-1/2

[Event "NM-Hold"] [Site "?"] [Date "2010.09.10"] [Round "1.5"] [White "Andrason, Páll "] [Black "Guttulsrud, Odd Martin "] [Result "0-1"] [WhiteElo "1665"] [BlackElo "2024"] [PlyCount "94"] [EventDate "2010.??.??"] [WhiteTeam "Iceland"] [BlackTeam "Norway"] 1. d4 Nf6 2. c4 g6 3. Nf3 Bg7 4. g3 O-O 5. Bg2 d6 6. Nc3 Nc6 7. O-O a6 8. Re1 Rb8 9. e4 Bg4 10. h3 Bxf3 11. Bxf3 e5 12. d5 Nd4 13. Be3 Nd7 14. Bg2 c5 15. Ne2 b5 16. cxb5 axb5 17. f4 f5 18. fxe5 dxe5 19. Nxd4 exd4 20. Bf4 fxe4 21. Bxb8 Qxb8 22. Qg4 Nf6 23. Qe6+ Kh8 24. Bxe4 Re8 25. Qc6 Nxe4 26. d6 Nxd6 27. Rxe8+ Nxe8 28. Kg2 Qe5 29. Qxb5 Nf6 30. Rf1 Nd5 31. Rf2 h5 32. Qd3 Kh7 33. b3 h4 34. Qf3 Ne3+ 35. Kh2 Nf5 36. Re2 Qxg3+ 37. Qxg3 hxg3+ 38. Kg2 Bh6 39. Re1 d3 40. Kf3 Ne3 41. Kxg3 d2 42. Rh1 d1=Q 43. Rxd1 Nxd1 44. a4 Bd2 45. Kf3 Bb4 46. Kg4 Nf2+ 47. Kg3 Ne4+ 0-1

Henrik með jafntefli í sjöttu umferð

Stórmeistarinn Henrik Danielsen (2528) gerði jafntefli við Danann Jacko Sylva (2238) í sjöttu umferð Xtracon-mótsins sem fram fór í dag.  Henrik hefur 4 vinninga og er í 9.-18. sæti.  Tvær umferðir fara fram á morgun.  Í þeirri fyrri teflir Henrik við dönsku skákonuna Oksana Vovk (2157), sem er alþjóðlegur meistari kvenna.

Efstir með 5 vinninga eru stórmeistararnir Yuri Drozdovskij (2608), Úkraínu, og Kaido Külaots (2592), Eistlandi, og sænski alþjóðlegi meistarainn Hans Tikkanen (2507). 

Skákin Henriks og Vovk verður væntanlega sýnd beint í fyrramálið á heimasíðu mótsins en umferðin hefst kl. 8.    

76 skákmenn taka þátt í þessu alþjóðlega skákmóti og þar af 8 stórmeistarar.  Henrik er fjórði stigahæsti keppandinn en stigaæstur er Úkraíninn Drozdovskij (2624).

Heimasíða mótsins

 

Larsen látinn

Danski stórmeistarinn Bent Larsen er látinn.  Hann lést í gær í Buenos Aires í Argentínu þar sem hann hefur verið búsettur um árabil.  Larsen fæddist 4. mars 1935 og varð því 75 ára.  

Larsen var reglulegur gestur hér en kom hingað síðast 2003 þegar hann tefldi atskákeinvígi við Friðrik Ólafsson.

Umfjöllun um Larsen má finna á heimasíðu danska skáksambandsins.

Sjá einnig frétt Morgunblaðsins.

Henrik vann í fimmtu umferð

Stórmeistarinn Henrik Danielsen (2528) vann Danann Lars Wilton (2136) í fimmtu umferð Xtracon-mótsins, sem fram fór í gær.  Henrik hefur 3½ vinning og er í 6.-18. sæti.  Hlé er nú á mótinu fram á fimmtudag en þá teflir Henrik við Danann Lars Wilton (2136).  Í sjöttu umferð, sem nú er í gangi, teflir Henrik við Danann Jacko Sylva (2238).  Skákin er nýhafin og er sýnd beint hér.

Efstir með 4½ vinning eru stórmeistararnir Yuri Drozdovskij (2608), Úkraínu, og Kaido Külaots (2592), Eistlandi.

76 skákmenn taka þátt í þessu alþjóðlega skákmóti og þar af 8 stórmeistarar.  Henrik er fjórði stigahæsti keppandinn en stigaæstur er Úkraíninn Drozdovskij (2624).

Heimasíða mótsins

 

Áskell nýr formaður SA

Aðalfundur Skákfélags Akureyrar var haldinn í gærkvöldi. Þar gerðust þau stórtíðindi að Gylfi Þórhallsson, sem gengt hefur stöðu formanns undanfarin ár og alls í 14 ár, gaf ekki kost á sér til áframhaldandi formennsku. Í stað hans var Áskell Örn Kárason kjörinn formaður og aðrir í stjórn eru Árný Hersteinsdóttir, Hjörleifur Halldórsson, María Stefánsdóttir, Smári Ólafsson og Sigurður Arnarson (til vara).

Á fundinum kom m.a. fram að unglingastarf félagsins stendur með allnokkrum blóma, en halli á rekstri síðasta starfsárs óviðunandi og þarfnast verulegra úrbóta.