Ól í skák: Fararstjórapistill nr. 2

Þessi pistill er að mestu skrifaður í flugvél frá Munchen frá Khanty en kláraður í hótelherbergi í Khanty að morgni.   Á flugleiðinni i til Khanty var flogið yfir Tékkland, Pólland og Hvíta Rússland.  Liðið í gærkvöldi (laugardagskvöld) var nokkuð þreytt eðlilega enda höfðu flestir fengið lítinn svefn nóttina áður.  Mannskapurinn fór snemma af sofa og lét eitthvað Október-fest algjörlega framhjá sér fara.  Nokkuð sérstakt að vera í Munchen á 200 afmæli festivalsins og kneyfa ekki einasta bjór!

Hótelið okkar var í úthverfi Munchen og þegar við báðum um leigubíl kom í ljós að það var nú ekki auðvelt því allir leigubílarnir væru í miðbænum.  Við myndum því þurfa að borga hátt gjald.  Var því tölt á lestarstöðina sem tók heldur lengri tíma þar sem Tinna lenti í því að eitt hjólið brotnaði af töskunni.  Ákveðið var að drífa sig strax á flugvöllinn og ákveðið að hanga þar fremur en að kíkja á einhver hátíðarhöld og var því mætt á völlinn í góðum tíma. 

Ferðalagið gekk vel og var aldeilis munur að láta mann í brúnum bæverskum leðurbuxum (tengist hátíðinni!) afgreiða sig.  Á flugvellinum kynntist maður annars konar vegabréfsskoðun en vanalega en vörðinn skipti a.m.k. þrisvar sínum á milli myndarinnar áður en hann komst að þeirri niðurstöðu að hér væri á ferðinni einn og sami myndarlegi maðurinn.

Eins og skákáhugamenn kunna að hafa lesið um hefur verið allskonar hringl á flugi.  Upphaflega völdum við að fara í gegnum Munchen þar sem þá væri hægt að fljúga samdægurs.  Með hringlinu fór það og því vörum við aukanótt eins og fram hefur komið.  Það jákvæða við það eru auðvitað að allir eru mun betur hvíldir en annars við komuna til Khanty.  Einnig frestuðu þeir fluginu til baka um 1 dag sem þýðir heilmikil aukaútgjöld væntanlega, nema að mótshaldarar borgi það, sem ég er ekki bjartsýnn á.  Við förum til baka aðfaranótt þess fimmta en höfum bara vegabréfsáritun til fjórða!  En þetta á ekki bara við okkur heldur auðvitað nánast alla í þessu flugivo það verður ekki vandamál

Allir íslensku skákmennirnir voru látnir setja saman nema ég „lenti í því“ að fá sæti við neyðaraðgang.  Og meira að segja lentu í því að sitja á aftasta bekk og gátu því ekki hallað sér aftur (sjá myndaalbúm).  Af ókunnum ástæðum vildi enginn hinna íslendingana taka mynd af minni aðstöðu.  Ég sit hérna hliðina á Þjóðverja sem heitir Oliver og teflir á þriðja borði fyrir lið blindra og sjónskerta og hefur verið fróðlegt að ræða við kappann.  Borðinu þar við hliðina er fyrsta borðs maður Pólverja.   Í flugvélinni eru býsna mörg elóstig en hollenska liðið með Anish Giri og Loek Van Wely eru hér meðal annars og Georgíumenn og Pólverjar sem virðast ekki hafa svipaðar agareglur og við!

Ég ræddi við sessunautin um valið á þýska liðinu en enginn af sterkustu Þjóðverjunum teflir með þeim.  Fjórir efstu mennirnir vildu ekki tefla og snérist sú deila um peninga  Mér skyldist á Oliveri að málið snérist í heild um 10.000 evrur.  Fimmti sterkasti maðurinn var tilbúinn að tefla en var ekki valinn, enda fóru Þjóðverjar þá leið að stilla upp ungu liði og eru aðeins nr. 42 á stigum.  Rúmenska liðið teflir ekki heldur eins og lesa má á Chessdom og snýst það mál einnig um peninga, þó held ég miklu lægri upphæðir en hjá Þjóðverjum.

Ég komst að því að fótbolti er mikið mál fyrir Hjörvar Stein.  Ég er því sérstaklega ánægður fyrir hönd liðsins að Manjú skuli hafa unnið.  Íslenska skáklandsliðið er miklu mun mikilvægara en norður-enskt fótboltalið.

Ég mun taka að mér liðsstjórn kvennaliðsins, hlutverk sem ég hefði aldrei fyrirfram trúað að ég myndi sinna.  Skáklegi þátturinn lendir eðlilega málsins á Helga en á það hefur bent hér að Gunnar Björnsson sé býsna sterkur skákmaður og hafi m.a. unnið Jón L!  Fjarvera Davíðs þýðir auðvitað aukið álag á mig og Helga sem við tökumst á við með bros á vör!  E.t.v. kann þetta að bitna eitthvað á skrifum en engu að síður stefni ég á daglega pistla.   

Viðbót í Khanty:

Við fengum góðar viðtökur.   Hún Nataliya sá okkur um frá því að lentum og komum inn á hótel  Hótelin vera í fínu lagi.  Internet-tenging á öllum herberjum sem er mjög mikilvægt.  Sjálfur var ég settur á annað hótel, sem FIDE-fulltrúi, sem kom okkur í opna skjöldu, en ekki væsir um mig.  Ég ætla að vinna í því að fá mig fluttan sem gæti  þó verið þrautin þyngri þar sem aðalhótelið kann að vera fullbókað.  Tímamismunur virðist svo vera sex tímar en ekki fimm og umferðirnar ættu því að byrja kl. 9 morgnana, sú fyrsta í fyrramálið.  

Í kvöld fer fer svo fram liðsstjórafundur kl. 20.  Uppúr því ætti pörun fyrstu umferðar að vera tilbúin.  Setning hefst kl. 21:30 (verður sýnd beint á Chessdom) eða kl. 15:30 á íslenskum tíma.

Semsagt, allt lýtur vel út, góð stemming í hópnum (og hjá mér í einverunni!), mikið hlegið og mikil tilhlökkun fyrir taflið sjálft! 

Ég er búinn að setja inn myndaalbúm en lítið af myndum, só far.   Stefni á að vera duglegur að taka myndir.

Nóg í bili, meira síðar.

Gunnar Björnsson

• Heimasíða mótsins
• Chess-Results (opinn flokkur)
• Chess-Results (kvennaflokkur)
• Chessdom
• Myndaalbúm

Hraðkvöld hjá Helli í kvöld

Taflfélagið Hellir heldur hraðkvöld mánudaginn 20. september og hefst mótið kl. 20:00. Tefldar verða 7 umferðir með sjö mínútna umhugsunartíma.  Teflt er í félagsheimili Hellis í Álfabakka 14a í Mjóddinni.

Sigurvegarinn á hraðkvöldinu fær í verðlaun pizzu frá Dominos Pizzum. Þá hefur einnig verið tekinn upp sá siður að draga út af handahófi annan keppanda, sem einnig fær pizzu hjá Dominos Pizzum. Þar eiga allir jafna möguleika, án tillits til árangurs á mótinu. Í tilefni af því að nú er uppskerutími í grænmetisgörðum landsmanna og uppskeran í garði formanns Hellis er með afbrigðum góð verða dregin út tvenn aukaverðlaun úr garðinum.

Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

Tómas sigraði á 15 mínútna móti - Áskell á opnu húsi

Fyrsta 15 mínútna mót vetrarins fór fram í félagsheimili Skákfélagsins í Íþróttahöllinni í gær. Átta skákmenn mættu til leiks, missáttir við árangur sinna manna í leik dagsins í ensku úrvalsdeildinni.

Leikar enduðu þannig að Tómas Veigar landaði flestum vinningum, eða 6 af 7 mögulegum. Í öðru sæti var Sigurður Arnarson með 5 vinninga og í þriðja sæti var Smári Ólafsson með 4. 

Að móti loknu var dregið um aukaverðlaun úr hópi keppenda . Verðlaunin, gjafabréf frá veitingastaðnum Krua Siam, komu í hlut Sigurðar Eiríkssonar.

Úrslit:

• 1.      Tómas Veigar Sigurðarson 6 vinningar af 7.
• 2.      Sigurður Arnarson 5
• 3.      Smári Ólafsson 4 
• 4.-5. Mikael Jóhann Karlsson og Sigurður Eiríksson 3½
• 6.   Haki Jóhannesson 2½
• 7.   Jón Kristinn Þorgeirsson 2
• 8.   Ari Friðfinnsson 1½ 

Sl. fimmtudagskvöld var opið hús hjá Skákfélagi Akureyrar og ákváðu 10 manns að taka æfingu með fimm mínútna umhugsunartíma. Var tefld ein umferð, allir við alla. Svo fór að nýkjörinn formaður sigraði með fullu húsi eða alls 9 vinninga. Í 2. sæti varð hinn ungi Mikael Jóhann Karlsson með 6 vinninga

 

Úrslit:

1. Áskell Örn 9
2. Mikael Jóhann 6
3. Sigurður Arnarson 5,5
4. Haki, Tómas Veigar, og Smári 4,5
5. Guðmundur Freyr 4
6. Sigurður Eiríksson 3,5
7. Bragi Pálmason 3
8. Tómas Smári 0,5

Opið hús verður á hverju fimmtudagskvöldi í vetur í Íþróttahöllinni

 

Ól í skák - Fararstjórapistill nr. 1

Ritstjóri stefnir á daglega pistla frá Ólympíuskákmótin og ferðalaginu í kringum það.  Ferðalagið hófst í dag og því miður bar strax til tíðinda.  Davíð Ólafsson, liðsstjóri kvennaliðsins, þurfti að persónulegum ástæðum að draga sig úr hópnum með skömmum fyrirvara.  Hlutverk Davíðs mun væntanlega lenda á mér og Helga.  

Lagt var snemma af stað í morgun, mæting upp í 4:45 upp í SÍ.  Flogið var til Kaupmannahafnar og þaðan til Munchen.  Seinkun var á flugi til Kaupmannahafnar sem þýddi að aðeins klukkutími var á milli fluga sem þýddi að menn þurftu að vera býsna sprettharðir á milli hliða.  Það gekk upp þó tæpt væri.  

Við gistum á hóteli í úthverfi Munchen.  Í kvöld borðaði hópurinn saman á veitingastað sem bauð upp á ekta þýskan mat.  Á morgun verður flogið til Khanty um 17:30 á þýskum tíma.   Væntanlega förum við snemma á flugvöllinn og notum örugglega tækifærið til að horfa á stórleik Liverpool og Manjú.  Hjörvar hefur harðan skráp og ætti að þola stríðnina.  

Til Khanty er um 5,5 tíma flug og munum við lenda þar um miðja nótt en tímamismunur á milli Munchen og Khanty er 3 tímar, samtals fimm tímar miðað við Ísland.  Hvað okkur bíður þar verður spennandi að sjá.  Verður hótelið tilbúið?

Bendi á skemmtilega niðurtalningu á Chessdom en þar kemur m.a. fram að Pútín verður viðstaddur setninguna og að Norðmenn hafa með sér sérkokk. 

Nóg í bili, meira síðar.

Gunnar Björnsson

Ólympíuliðin hituðu upp í Kringlunni í dag

Íslensku ólympíuliðin hituðu upp í Kringlunni í dag en þar fór fram Boðsmót í tilefni mótsins sem hefst á þriðjudag í Síberíu.  Allir meðlimirnir ólympíusveitanna létu sjá sig auk "gamalla" ólympíukempa eins og Jóhanns Hjartarsonar, Jón L. Árnasonar, Þrastar Þórhallssonar og Hörpu Ingólfsdóttur.   Léttur andi sveif yfir mannskapnum.   Landsliðsmaðurinn Bragi Þorfinnsson, sem tefldi fyrir N1, kom sá og sigraði eftir að hafa sigrað bróður sinn í úrslitaskák í lokaumferðinni.  

Í meðfylgjandi myndaalbúmi má finna allmargar myndir frá mótinu.   Íslenska liðið leggur af stað eldsnemma í fyrramálið.

Lokastaða mótsins:

 

1	N1, Bragi Þorfinnsson	5.5
2-7	HS Orka, Björn Þorfinnsson	4.5
	Landsbankinn, Héðinn Steingrímsson	4.5
	Actavis, Hannes Hlífar Stefánsson	4.5
	Valitor, Jóhann Hjartarson	4.5
	Sverrir Þorgeirsson,	4.5
	STRAX, Þröstur Þórhallsson	4.5
8-11	Gunnar Björnsson,	4
	Actavis, Lenka Ptácníková	4
	Vigfús Ó. Vigfússon,	4
	Þorsteinn Þorsteinsson,	4
12.-16.	Ingvar Þór,	3.5
	Róbert Lagerman,	3.5
	Arion banki, Jón L. Árnason	3.5
	Stefán Bergsson,	3.5
	G.M. Einarsson, Guðmundur Kjartansson	3.5
17-23	Kristján Örn Elíasson,	3
	Páll Sigurðsson,	3
	Morgunblaðið, Hjörvar Steinn	3
	Andri Áss,	3
	Þorvarður F. Ólafsson,	3
	Eiríkur Örn Brynjarsson,	3
	Bjarni Jens,	3
24-30	Halldór Grétar Einarsson,	2.5
	Birkir Karl Sigurðsson,	2.5
	Eiríkur Björnsson,	2.5
	Dagur Ragnarsson,	2.5
	Páll Andrason,	2.5
	Örn Leó Jóhannsson,	2.5
	Theriak, Sigurlaug	2.5
31-35	Góa Linda, Tinna Kristín	2
	Jón Gunnar,	2
	Heildverslunin Berg, Jóhanna Björg	2
	Olís, Hallgerður	2
	Oliver Aron,	2
36-37	Guðmundur Kristinn Lee,	1.5
	Kristófer Jóel,	1.5
38-39	Harpa Ingólfsdóttir,	1
	Óskar Heppni,	1
40	Kristinn Andri Kristinsso,	0.5

 

Ritstjóri mun skrifa reglulega pistla um gang mála á Skák.is.

Skáksambandið þakkar eftirtöldum fyrir veittan stuðning við þátttöku Íslands:

			THERIAK
G.M Einarson múrarameistari    Heildverslunin Berg Suðurlandsbraut Olís HS Orka Morgunblaðið    Suzuki bílar hf    Þorbjörn hf Reykjanesbær Garðabær Gistihúsið Ísafold			N1 Happdrætti Háskólans Efling Stéttarfélag    Grand Hotel Reykjavík Kaufélag Skagfirðinga Sorpa Íslensk Erfðageining    Kópavogsbær Opin Kerfi ehf    Tannlæknastofa Einars Magnúss Verkís

 

Skákþáttur Morgunblaðsins: Hitað upp fyrir Ólympíuskákmótið

slendingar senda lið í karla- og kvennaflokki á Ólympíuskákmótinu sem hefst í Khanty Manyisk í Síberíu 21. september. Karlasveitin er skipuð Hannesi Hlífari Stefánssyni, Héðni Steingrímssyni, Braga Þorfinnssyni, Birni Þorfinnssyni og Hjörvari Steini Grétarssyni. Í kvennaliðinu eru þær Lenka Ptacnikova, Hallgerður Helga Þorsteinsdóttir, Tinna Kristín Finnbogadóttir, Sigurlaug Friðþjófsdóttir og Jóhanna Björg Jóhannsdóttir. Nokkrir nýliðar eru í báðum liðum. Björn Þorfinnsson og Hjörvar Steinn Grétarsson hafa aldrei teflt áður á Ólympíumóti og þeir Héðinn og Bragi aðeins samtals þrisvar. Reynsluboltinn er vitaskuld 1. borðsmaðurinn, Hannes Hlífar, sem hefur átt fast sæti í liðinu frá því í Manila 1992.

Í kvennaliðinu koma þær Tinna Kristín og Jóhann Björg nýjar inn. Undanfarnar vikur hafa liðsmenn undirbúið sig með þátttöku í mótum og æfingum. Hin nýja kynslóð í kvennaliðinu: Hallgerður, Tinna Kristín og Jóhanna voru með á Norðurlandamót stúlkna á dögunum og tvær þær síðastnefndu tóku einnig þátt í Meistaramóti Hellis 2010 sem lauk á mánudaginn. Þar tefldi einnig Hjörvar Steinn Grétarsson. Taflmennska á mótum þar sem styrkleiki keppenda er misjafn getur verið góð æfing. Hjörvar Steinn hefur ekki teflt síðan á First Saturday í Búdapest í júní og hann gerði sér lítið fyrir og vann allar skákir sínar, sjö talsins, og hækkar um meira en 11 elo-stig og er því kominn yfir 2.400 stiga markið. Þetta er fimmti mótasigur Hjörvars á innan við ári. Alls tóku 40 skákmenn þátt. Átta efstu urðu eftirtaldir:

1. Hjörvar Steinn Grétarsson 7 v. (af 7) 2. Þorvarður Ólafsson 5½ v. 3.-6. Stefán Bergsson, Bjarni Jens Kristinsson, Atli Antonsson, Agnar Darri Lárusson 5 v. 7.-8. Tinna Kristín Finnbogadóttir og Agnar Tómas Möller 4½ v.

Hjörvar Steinn og Þorvarður Ólafsson hafa marga hildi háð og viðureign þeirra í 5. umferð reyndist, eins og stundum áður, úrslitaskák mótsins. Hjörvar tefldi þessa skák skínandi vel og er greinilega vel heima í hina vinsæla mótbragði Paul Benkö.

Hjörvar Steinn Grétarsson - Þorvarður Ólafsson

Benkö-gambítur

1. d4 Rf6 2. c4 c5 3. d5 b5 4. cxb5 a6 5. bxa6 g6 6. Rc3 Bxa6 7. g3 d6 8. Bg2 Bg7 9. Rf3 Rbd7 10. 0-0 0-0 11. Hb1

Tískuleikurinn. Mikilvægt er fyrir hvítan að koma góðu skikki á liðsafla sinn á drottningarvæng.

11. ... Da5 12. Bd2 Hfb8 13. Dc1 Rg4 14. b3 Rge5 15. Rxe5 Rxe5 16. a4 Dd8 17. f4 Rd7 18. Bf3 Ha7 19. Ra2

Leikir hvíts hafa nær allir fyrirbyggjandi gildi. Þarna getur riddarinn stutt við framrás b-peðsins.

19. ... Hab7 20. Dc2 Rb6 21. Ba5 Dd7 22. Bc3 Bxc3 23. Rxc3 Ra8 24. Ra2 Rb6 25. Hfc1 Df5 26. e4 Df6 27. Dd1 h5 28. b4 Bc4 29. Rc3 cxb4 30. Hxb4 Ba6 31. e5! Df5

Ekki gengur 31. ... dxe5 32. d6! Hd7 33. Re4 ásamt 34. a5 og vinnur lið.

32. Be4 Dh3 33. Bg2 Df5 34. 34. exd6 exd6

35. Re4 Rxd5 36. Hxb7 Bxb7

36. ... Hxb7 strandar á 37. Dxd5! Dxd5 38. Rf6+ og vinnur.

37. Rxd6 Re3 38. Rxf5 Rxd1 39. Bxb7 Hxb7 40. Rd6

- og svartur gafst upp.

Haustmót TR hefst á sunnudag

Haustmót Taflfélags Reykjavíkur sem er jafnframt 110 ára afmælismót félagsins hefst sunnudaginn 26. september. Um skráningu og annað sjá: http://taflfelag.is/

Helgi Ólafsson | [e-mail]

Skákþættir Morgunblaðsins eru birtir á Skák.is u.þ.b. viku síðar en í blaðinu sjálfu.  

Grein þessi birtist í sunnudagsmogganum, 12. september 2010.

Skákþættir Morgunblaðsins

Davíð gerist Víkingur

FIDE-meistarinn Davíð Kjartansson (2294) er genginn til liðs við Víkingaklúbbinn úr Skákdeild Fjölnis þar sem hann hefur verið síðustu ár.

 

Boðsmót í Kringlunni í dag vegna Ólympíuskákmótsins

Ólympíuskákmótið fer fram í Khanty Mansiysk í Síberíu í Rússlandi, dagana 21. september - 3. október nk.  Ísland sendir venju samkvæmt lið bæði í opinn flokk sem og kvennaflokk.   .

Skáksamband Íslands ætlar í tilefni þess að standa fyrir Boðsmóti í skák við Blómatorgið Kringlunni föstudaginn 17. september á milli 17 og 19.  Þar taka þátt allir liðsmenn beggja liða auk þess sem amlar Ólympíukempur eins og Jóhann Hjartarson og Jón L. Árnason verða meðal keppenda.  Friðrik Ólafsson, sem á ekki heimangengt þar sem hann er staddur í Portoroz í Slóveníu, þar sem hann náði eftirminnilegum árangri árið 1958, sendir íslensku liðunum sínar bestur kveðjur.   

Meðal annarra boðsgesta má nefna meðlimi Norðurlandameistara framhaldsskóla, MR, og Norðurlandameisturum barnaskólasveita, Rimaskóla sem og meðlimi silfursveita Salaskóla á NM grunnskólasveita.

Landslið Íslands fyrir Ólympíumótið í skák skipa:

Opinn flokkur:

• Hannes Hlífar Stefánsson, stórmeistari í skák
• Héðinn Steingrímsson, stórmeistari í skák
• Bragi Þorfinnsson, alþjóðlegur meistari í skák
• Björn Þorfinnsson, alþjóðlegur meistari í skák
• Hjörvar Steinn Grétarsson

Liðsstjóri er Helgi Ólafsson, stórmeistari í skák og skólastjóri Skákskóla Íslands.

Kvennaflokkur:

• Lenka Ptácníková, stórmeistari kvenna í skák
• Hallgerður Helga Þorsteinsdóttir
• Sigurlaug R. Friðþjófsdóttir
• Tinna Kristín Finnbogadóttir
• Jóhanna Björg Jóhannsdóttir

Liðsstjóri er Davíð Ólafsson, FIDE-meistari og kennari við Skákskóla Íslands.

Fararstjóri er Gunnar Björnsson, forseti Skáksambands Íslands sem jafnframt verður fulltrúi á fundi FIDE, alþjóðlega skáksambandsins.

Skákáhugamenn eru hvattir til að fjölmenna í Kringluna og styðja á bakvið íslensku skáklandsliðin.

Eiríkur Örn Brynjarsson sigurvegari á fyrsta fimmtudagsmóti TR í vetur

Fimmtudagsmótin fóru af stað með látum í TR í gær. Baráttan var rauðglóandi við toppinn og úrslit hvergi nærri ljós fyrr en að lokinni síðustu umferð. Fyrir hana voru Eiríkur Örn Brynjarsson (5,5) og Elsa María Kristínardóttir (5) efst. Þau töpuðu hins vegar bæði í lokaumferðinni og þeir Eiríkur og Rafn Jónsson urðu jafnir að vinningum en sá fyrrnefndi hærri á stigum.

Úrslit í gærkvöldi urðu annars sem hér segir:

• 1-2  Eiríkur Örn Brynjarsson                   5.5     
•      Rafn Jónsson                              5.5     
• 3-5  Jón Úlfljótsson                           5
•      Elsa María Kristínardóttir                5
•      Páll Snædal Andrason                      5        
•  6   Stefán Már Pétursson                      4.5     
• 7-12  Birkir Karl Sigurðsson                   4       
•       Guðmundur Lee                            4       
•       Jón Trausti Harðarson                    4       
•       Unnar Bachman                            4       
•       Örn Leó Jóhannesson                      4       
•       Óskar Long Einarsson                     4       
•  13   Guðmundur G. Guðmundsson                 3.5     
•  14   Vignir Vatnar Pétursson                  3       
• 15-18 Kristinn Andri Kristinsson               2       
•       Csaba Daday                              2       
•       Kristján Finnsson                        2       
•       Björgvin Kristbergsson                   2       
•  19   Ingvar Vignisson                         1       
•  20   Pétur Jóhannesson                        0      

Hellismenn sigruðu í Hraðskákkeppni taflfélaga

Taflfélagið Hellir sigraði Taflfélag Reykjavíkur örugglega í úrslitum Hraðskákkeppni taffélaga með 47½ gegn 24½ og nældu sér þar með í sinn sjöunda titil í þessari keppni. Grunninn að sigrinum lögðu Hellismenn í fyrri hlutanum þar sem þeir unnu allar viðureignir og það flestar stórt þannig að staðan í hálfleik var 27½-8½ fyrir Helli.

Hellismenn voru hins vegar varla búnir að kyngja veitingunum í Faxafeni þegar TR var búið að vinna sjöundu umferð 5-1. Hellismenn héldu síðan áfram þar sem frá var horfið í fyrri hlutanum þótt seinni hlutinn hafi verið mun jafnari en fyrri hlutinn.

Hannes Hlífar Stefánsson, Hjörvar Steinn Grétarsson og Sigurbjörn Björnsson skorðu best Hellismönnum. Hjá TR voru Guðmundur Kjartansson og Arnar Gunnarsson drýgstir og munaði mest um það fyrir TR þegar Guðmundur komst í gang í seinni hlutanum.

Einstaklingsárangur:

Hellir:

• Hannes Hlífar Stefánsson 10½ v. af 12
• Hjörvar Steinn Grétarsson 9½ v. af 12
• Sigurbjörn J. Björnsson 9 v. af 12
• Magnús Örn Úlfarsson 7½ v. af 12
• Róbert Lagerman 4½ v. af 11
• Davíð Ólafsson 3½v. af 6
• Andri Áss Grétarsson 1 v. af 3
• Gunnar Björnsson 1 v. af 2
• Vigfús Óðinn Vigfússon 1 v. af 1

TR:

• Guðmundur Kjartansson 8 v. af 12
• Arnar Gunnarsson 6½ v. af 12
• Snorri Bergsson 2½ v. af 11
• Daði Ómarsson 3½ v. af 12
• Hrafn Loftsson 1½ v. af 6
• Benedikt Jónasson 1½ v. af 10
• Júlíus Friðjónsson 1 v. af 3
• Eiríkur Björnsson  0 v. af 1
• Björn Jónsson 0v. af 2
• Ríkharður Sveinsson 0v. af 3