Gleðileg jól

Skák.is óskar skák- og skákáhugamönnum gleðilegra jóla.  

Yifan Yue heimsmeistari kvenna - yngsti heimsmeistari sögunnar í skák

 

Hin kínverska 16 ára stúlka, Yifan Yue (2594), er heimsmeistari kvenna.  Hún sigraði löndu sína Lufei Ruan (2480) 3-1 í atskákum í dag og því samtals 5-3.   Yifan Yue er yngsti heimsmeistari sögunnar hvort sem er að ræða hinn hefðbundna heimsmeistaratitil eða heimsmeistaratitil kvenna.

 

 

• Heimasíða mótsins
• Beinar útsendingar (skákirnar hefjast kl. 13)

Bráðabana þarf í heimsmeistaraeinvígi kvenna

Bráðabana þarf til að útkljá um heimsmeistaratitil kvenna.   Lufei Ruan (2480) jafnaði metin með sigri í fjórðu skák gegn hinni ungu Yifan Yue (2591) í bráðfjörugri skák.   Bráðabaninn fer fram á morgun og hefst kl. 13.   Þá tefla þær 4 atskákir, verði jafnt, þá tvær hraðskákir og svo bráðabanaskák verði enn jafnt.   

• Heimasíða mótsins
• Beinar útsendingar (skákirnar hefjast kl. 13)

Jólahraðskákmót Taflfélags Reykjavíkur fer fram 29. desember

Jólahraðskákmót Taflfélags Reykjavíkur verður haldið miðvikudaginn 29. desember kl. 19.30.  Tefldar verða 9 umferðir með 5 mínútna umhugsunartíma.  Mótið fer fram í húsnæði T.R. að Faxafeni 12.  Þátttökugjald er kr. 500 en frítt fyrir 15 ára og yngri.

Jólaskákmót Víkingaklúbbsins & Skákklúbbs Faktory fer fram í kvöld

Hressilegt Jólaskákmót Víkingaklúbbsins í skák og Skákklúbbs Skemmtistaðarins Faktory við Smiðjustíg 6. (gamli Grand, efri hæð) verður haldið 23. desember nk.

Í ljósi Þorláksmessunnar og að það verður síðasti dagurinn fyrir Jól - þá er þreyttum og útúr tjúnnuðum víkingum (margir eflaust), feðrum, mæðrum og brjáluðum börnum - sérstaklega gert hátt undir höfði!

Að gefnu tilefni munu eftirfarandi listamenn stíga á stokk að móti loknu og verðlaunaafhendingu:

Jóhann Eiríksson (úr Gjöll og Reptilicus) mun spila sóla efni sitt fyrir skákmenn og gesti. Að auki koma fram Þorri (Loftski) Ljóðskáld og meðlimur í hinni alræmdu Inferno 5, ásamt Einari Melax (úr Sykurmolunum og Kukl). En þrjátíu ár eru frá því að ljóðabókin eftir Þorra: Sálin verður ekki þvegin kom út. (H)ljóðaBók er skipti sköpum í íslenskri ljóðagerð þótt áhrifin hafi verið hulin eftir megni. Einnig í tilefni þess að nú í desember heldur Þorri upp á það að fimmtán ár eru liðin síðan síðasta ljóðabókin eftir hann kom út, Holræsin á Ströndinni (1995) mun Þorri Forni Lofstki þylja þulur með ýmsum slætti á skákmótinu á Faktory.

Dagskráin hefst kl: 20:00 með hraðskákmóti og 22:00 hefst tón- og gjörningadagskrá kvöldsins.

Skráning fer fram á netfanginu: [e-mail]
Takmarkaður fjöldi þátttakenda

Nánari upplýsingar um mótið er hægt að finna á vefslóðinni:

http://www.facebook.com/home.php?#!/event.php?eid=137198649670868

Íslandsmótið í netskák fer fram þriðja í jólum

Íslandsmótið í netskák fer fram, þriðja í jólum, mánudaginn 27. desember (ath. breytt tímasetning) á ICC og hefst kl. 20. Mótið er öllum opið og er teflt er einum flokki.  Skráning fer fram á Skák.is.

Allt skráningarferlið er sjálfkrafa og eina sem þátttakendur þurfa að hafa í huga er að vera mættir tímanlega á ICC eða eigi síðar en kl. 19:50.   Tímamörk eru 4 2 (4 mínútur + 2 viðbótarsekúndur á hvern leik).    

Þeir sem ekki eru skráðir á ICC geta skráð sig á vef ICC en ekki þarf að greiða fyrir fyrstu vikuna. Að því loknu er hægt að skrá sig á Skák.is.  Þeir sem ekki hafa hugbúnað til að tefla geta halað niður þar til gerðu forriti (mælt er með Blitzin eða Dasher).   Einnig er hægt að tefla í gegnum java-forrit.  Þar sem allir keppendur þurfa að vera á svokallaðri Íslands-rás er æskilegt að menn slái inn "g-join Iceland" við næstu/fyrstu innskráningu á ICC.

Núverandi Íslandsmeistari í netskák er Jón Viktor Gunnarsson. 

Verðlaun:

1. kr. 10.000
2. kr. 6.000
3. kr. 4.000

Auk þess verða í boði frímánuðir í einstaka aukaflokkum en frá því verður betur greint fljótlega.

Hægt er að fylgjast með skráningu hér.  

 

Nýjar styrktar- og útreikningsreglur skákstiga

Á síðasta stjórnarfundi SÍ voru samþykktar bættar og breyttar styrkjareglur fyrir SÍ. Ýmsum þáttum hefur verið bætt við reglurnar og önnur atriði felld út. Meiri áhersla er lögð á að verðlauna afburðarárangur og hvetja til afreka. Styrkjaúthlutun miðast við fleiri tefldar skákir en í fyrri reglugerð, áhersla lögð á virkni ekki síst í skákmótum innanlands.

Styrkþegar skulu senda stutta frásögn með skákskýringum frá þeim mótum erlendis sem þeir fá styrk út á. Styrkir verða framvegis borgaðir út eftir að skákmóti lýkur og þegar skyldum fyrir styrkveitingu hefur verið sinnt.  Í reglugerðinni eru einnig festar á blað reglur um styrki vegna áfanga og boð á EM einstaklinga.  Sjá nánar á: http://skaksamband.is/?c=webpage&id=451

Einnig voru samþykktar nýjar reglur um útreikning íslenskra skákstiga, í framhaldi þess að tekinn verður upp útreikningur skákstiga hjá Chess-Results. Þar er að finna nýbreytni eins og að úrslitum skákmóta skal skilað með rafrænum hætti inn á Chess-Results.

Stigalaus skákmaður nær forstigum um leið og hann hefur teflt 5 kappskákir á móti andstæðingum með skákstig. Skákmaður lækkar aldrei niður fyrir 1000 skákstig. Góð regla er að skákstjórar sjái til þess að slá inn hverja umferð strax að henni lokinni. Sjá nánar á: http://skaksamband.is/?c=webpage&id=452

Jón Kristinn sigraði á Hausthraðskákmóti barna og unglinga á Akureyri

Hausthraðskákmót barna og unglinga á Akureyri var háð sunnudaginn 19. desember. Þátttaka var fremur dræm að þessu sinni og misstu þar margir af vænni pizzusneið, en þátttakendum fengu pizzu frá Jóni Spretti að leikslokum. Þá fengu efstu menn lítinn jólapakka í verðlaun. 

Sigurvegari varð Jón Kristinn Þorgeirsson með 6,5vinning af 7 mögulegum, annar varð Andri Freyr Björgvinsson með 6 vinninga og Logi Rúnar Jónsson þriðji með 5.5. Þessir þrír skáru sig nokkuð úr hópi annarra keppenda, en næsti komu þeir Gunnar A. Arason og Guðmundur Aron Guðmundsson með 3 vinninga. Teflt var í einum flokki, 15 ára og yngri.

Myndaalbúm mótsins

Næst á dagskrá er Jólahraðskákmótið þriðjudaginn 28. desember k. 19:30

HM kvenna: Yifan Yue leiðir í hálfleik

Kínverska stúlkan Yifan Yue (2591), sem er aðeins 16 ára, leiðir 1½-½, eftir 2 skákir í úrslitaeinvígi um Heimsmeistaratitil kvenna eftir sigur í 2. skákinni gegn löndu sinni Lufei Ruan (2480) en alls tefla þær fjórar skákir.  Á morgun fer fram þriðja skák einvígisins.   

 

• Heimasíða mótsins
• Beinar útsendingar (skákirnar hefjast kl. 13)

Jólaskákmót Víkingaklúbbsins & Skákklúbbs Faktory

Hressilegt Jólaskákmót Víkingaklúbbsins í skák og Skákklúbbs Skemmtistaðarins Faktory við Smiðjustíg 6. (gamli Grand, efri hæð) verður haldið 23. desember nk.

Í ljósi Þorláksmessunnar og að það verður síðasti dagurinn fyrir Jól - þá er þreyttum og útúr tjúnnuðum víkingum (margir eflaust), feðrum, mæðrum og brjáluðum börnum - sérstaklega gert hátt undir höfði!

Að gefnu tilefni munu eftirfarandi listamenn stíga á stokk að móti loknu og verðlaunaafhendingu:

Jóhann Eiríksson (úr Gjöll og Reptilicus) mun spila sóla efni sitt fyrir skákmenn og gesti. Að auki koma fram Þorri (Loftski) Ljóðskáld og meðlimur í hinni alræmdu Inferno 5, ásamt Einari Melax (úr Sykurmolunum og Kukl). En þrjátíu ár eru frá því að ljóðabókin eftir Þorra: Sálin verður ekki þvegin kom út. (H)ljóðaBók er skipti sköpum í íslenskri ljóðagerð þótt áhrifin hafi verið hulin eftir megni. Einnig í tilefni þess að nú í desember heldur Þorri upp á það að fimmtán ár eru liðin síðan síðasta ljóðabókin eftir hann kom út, Holræsin á Ströndinni (1995) mun Þorri Forni Lofstki þylja þulur með ýmsum slætti á skákmótinu á Faktory.

Dagskráin hefst kl: 20:00 með hraðskákmóti og 22:00 hefst tón- og gjörningadagskrá kvöldsins.

Skráning fer fram á netfanginu: [e-mail]
Takmarkaður fjöldi þátttakenda

Nánari upplýsingar um mótið er hægt að finna á vefslóðinni:

http://www.facebook.com/home.php?#!/event.php?eid=137198649670868