Skák.is

Bloggfærslur mánaðarins, desember 2010

20.12.2010 | 23:57

KORNAX mótið 2011 - Skákþing Reykjavíkur

KORNAX mótið 2011 - Skákþing Reykjavíkur hefst sunnudaginn 9. janúar kl. 14. Tefldar verða 9 umferðir eftir svissnesku kerfi og eru tímamörk 1½ klst. á alla skákina auk 30 sek. á leik. Umferðir fara fram á miðvikudögum og föstudögum kl. 19.30 og á sunnudögum kl. 14. Teflt er í húsnæði Taflfélags Reykjavíkur að Faxafeni 12.

Verðlaun:

1. sæti kr. 120.000
2. sæti kr. 60.000
3. sæti kr. 30.000
Besti árangur undir 2000 skákstigum kr. 15.000 (íslensk stig gilda)
Besti árangur undir 1800 skákstigum kr. 15.000 (íslensk stig gilda)
Besti árangur undir 1600 skákstigum - bókaverðlaun (íslensk stig gilda)
Besti árangur undir stigalausra - bókaverðlaun

Sigurvegarinn hlýtur auk þess nafnbótina Skákmeistari Reykjavíkur 2011 og farandbikar til varðveislu í eitt ár. Núverandi Skákmeistari Reykjavíkur er Hjörvar Steinn Grétarsson.

Jafnframt fær sigurvegarinn sæti í landsliðsflokki Íslandsmótsins í skák sem fram á Egilsstöðum í apríl nk.

Þátttökugjöld:

kr. 4.000 fyrir 16 ára og eldri
kr. 2.000 fyrir 15 ára og yngri

Dagskrá:

1. umferð sunnudag 9. janúar kl. 14
2. umferð miðvikudag 12. janúar kl. 19.30
3. umferð föstudag 14. janúar kl. 19.30
4. umferð sunnudag 16. janúar kl. 14
5. umferð miðvikudag 19. janúar kl. 19.30
6. umferð föstudag 21. janúar kl. 19.30
7. umferð sunnudag 23. janúar kl. 14
8. umferð miðvikudag 26. janúar kl. 19.30
9. umferð föstudag 28. janúar kl. 19.30

Skákþingið er reiknað til alþjóðlegra skákstiga.

Skráning fer fram á heimasíðu Taflfélags Reykjavíkur, http://www.taflfelag.is.

Athugið að skráningu lýkur 15 mínútum fyrir auglýst upphaf móts, þ.e. kl. 13.45.

Spil og leikir | Slóð | Facebook | Athugasemdir (0)

20.12.2010 | 23:43

Hrannar að tafli í Noregi

Hrannar Baldursson, sem búsettur er Stavanger í Noregi, teflir töluvert þar úti bæði í heimabænum og í næsta bæ, Sandnesi. Hann hefur náð ágætis árangri og náð m.a. fyrsta sæti tvívegis og öðru sæti einnig tvívegis. Mótinu ganga rólega fyrir sig og er aðeins teflt einu sinni í viku.

Mót þar sem Hrannar hefur náð verðlaunasæti:

Haustmót Sandnes (kappskákir) 1. sæti: http://turneringsservice.sjakklubb.no/standings.aspx?TID=Hostturneringen2010iSandnes-SandnesSjakklubb
Hraðskákmót Sandnes 1. sæti: http://www.lambrechts.no/chessbase/Sandnes/Publisering/2010/Klubbmesterskapet%20i%20Lynsjakk%202010.pdf

Haustmót Stavanger (kappskákir) 2. sæti: http://stavanger.rogaland-sjakk.org/f_resultater/f282_r_h_10.htm
Atskákmót Stavanger 1. sæti: http://stavanger.rogaland-sjakk.org/f_resultater/f281_h_h_10.htm

Spil og leikir | Breytt s.d. kl. 23:47 | Slóð | Facebook | Athugasemdir (0)

20.12.2010 | 17:20

Baldur Teodor efstur skákmanna í sínum aldursflokki

Baldur Teodor Petersson, varð í gær efstur á Grand Prix-móti, í flokki skákmanna fædda 2001 sem fram fór í Stokkhólmi. Um var að ræða úrslitakeppni en í Stokkhólmi er sérkeppni fyrir hvert fæðingarár.

Þess má geta að Baldur, sem er íslenskur ríkisborgari, búsettur í Svíþjóð, er systursonur Páls Sigurðssonar, formanns TG.

Spil og leikir | Slóð | Facebook | Athugasemdir (0)

19.12.2010 | 23:56

Skákþáttur Morgunblaðsins: Snilldartilþrif Luke McShane

Heimsmeistarinn Wisvanathan Anand og Magnús Carlsen eru meðal átta þátttakenda á stórmótinu London Chess classic sem hófst í London á miðvikudaginn. Þetta mót var haldið í fyrsta sinn í fyrra og lauk með glæstum sigri Magnúsar Carlsen. Það verður erfitt fyrir hann að endurtaka afrekið frá því í fyrra því að hann tapaði í fyrstu umferð. Englendingar tefla fram þeim Michael Adams, Nigel Short, Luke McShane og David Howell en; aðrir keppendur auk Anands og Carlsens eru Hikaru Nakamura og Vladimir Kramnik.

Mótið fer afar skemmtilega af stað. Kramnik vann Nigel Short, Adams vann Howell en stórtíðindi fyrsta dags var sigur Luke McShane, sem er nr. 100 á heimslistanum, yfir Magnúsi Carlsen. Heimsmeistarinn Anand gerði jafntefli í maraþonskák við Hikaru Nakamura. Greinarhöfundur ætlar að gerast svo djarfur að spá Kramnik sigri á mótinu sem lýkur 15. desember.

Það voru sönn snilldartilþrif sem sáust til Íslandsvinarins Luke McShane í sigurskákinni við Magnús Carlsen. Er ég ekki frá því hér sé á ferðinni ein besta skák ársins.

London chess classic 2010:

Luke McShane - Magnús Carlsen

Enskur leikur

1. c4 c5 2. g3 g6 3. Bg2 Bg7 4. Rc3 Rc6 5. Rf3 d6 6. O-O Rh6 7. d4 cxd4 8. Bxh6 Bxh6 9. Rxd4 Re5

Öruggara er 9. ... Rxd4 10. Dxd4 O-O ásamt - Bg7 við tækifæri.

10. Db3 O-O 11. Hfd1 Rd7 12. Da3 a5 13. b4 Ha6

„Vinnur" c5-reitinn en tapar of miklum tíma.

14. b5 Ha8 15. e3 a4 16. Hab1 Bg7 17. Re4 Db6 18. Rc6!

Erfiður leikur viðfangs, 18. ... bxc6 er svarað með 19. bxc6 Dc7- ekki 19. ... Dxc6 20. Rf6+! og vinnur - 20. cxd7 Bxd7 og hvítur á tvo góða kosti 21. Hb7 eða 21. c5.

18. ... He8 19. Rb4 f5?

Sennilega er þetta tapleikurinn. Vegna margháttaðra veikleika á hvítu reitunum reynist hann veikja hvítu reitina allt of mikið. Best var 19. ... Da5 og svartur heldur í horfinu.

20. Rc3 Dc5 21. Rxa4 Da7

Sjá stöðumynd.

22. Ra6!

Hvítur varð að hafa séð þennan bráðsnjalla leik með góðum fyrirvara. Ein hótun hvíts er nú 23. c5.

22. ... bxa6 23. b6 Rxb6 24. Hxb6 Hb8 25. c5! Be6 26. Hdb1 dxc5 27. Hb7 Hxb7 28. Hxb7 Da8 29. Rxc5 Dc8 30. Dxa6 Bf7 31. Bc6 Hd8 32. Rd7!

Loks þegar svartur virðist vera að ná mótspili birtist skyndilega þessi „tróju-hestur" í stöðu hans og því eru allar bjargir bannaðar.

32. ... Hxd7 33. Bxd7 Dc1+ 34. Df1! Dxf1+ 35. Kxf1 Bc4 36. Kg1 Bxa2 37. Ba4 e5 38. f3 Bh6 39. Bb3+

- og svartur gafst upp. Endataflið með biskup gegn hrók er vonlaust.

Afmælismót Jóns L. Árnasonar í Glym

Skákfélagið Hrókurinn stendur fyrir 50 ára afmælismóti Jóns L. Árnasonar sem hefst kl. 14 í dag sunnudaginn 12. desember. Mótið fer fram á Hótel Glym í Hvalfirði og verða tefldar níu umferðir og er umhugsunartími 7 mínútur á skák. Mótið er öllum opið en þegar hafa skráð sig til leiks stórmeistararnir Jóhann Hjartarson og Helgi Ólafsson auk afmælisbarnsins og fjölda annarra þekktra meistara. Keppt er um fjölmörg verðlaun, m.a. í flokkum grunnskólabarna, kvenna, eldri borgara og stigalausra.

Helgi Ólafsson | helol@simnet.is

Skákþættir Morgunblaðsins eru birtir á Skák.is u.þ.b. viku síðar en í blaðinu sjálfu.

Grein þessi birtist í sunnudagsmogganum, 12. desember 2010.

Skákþættir Morgunblaðsins

Spil og leikir | Slóð | Facebook | Athugasemdir (0)

19.12.2010 | 20:12

Jón Viktor og Þröstur efstir á Friðriksmóti Landsbankans - Jón Viktor Íslandsmeistari

Jón Viktor Gunnarsson (2428) og Þröstur Þórhallsson (2367) urðu efstir og jafnir á, mjög sterku, jöfnu og velheppnuðu Friðriksmóti Landsbankans sem fram fór í dag í útibúi bankans, Austurstræti 11. Jón Viktor hafði betur eftir tvöfaldan stigaútreikning og varð þar með hraðskákmeistari Íslands. Stórmeistararnir Jóhann Hjartarson (2582), Jón L. Árnason (2500) og Helgi Ólafsson (2518), Omar Salama (2273), sem varð þrítugur í gær og, Landsbankastarfsmaðurinn, Bergsteinn Einarsson (2241) urðu í 3.-7. sæti vinningi á eftir efstu mönnum.

Árni Emilsson, upphafsmaður Friðriksmóts Landsbankans, lék fyrsta leik mótsins fyrir Jóhann Hjartarson, í forföllum Friðriks sjálfs. Í lok mótsins afhend Hildur Friðleifsdóttir verðlaunahöfum verðlaun.

Verðlaunahafar:

1.-2. Jón Viktor Gunnarsson og Þröstur Þórhallsson 9 v. af 11
3.-7. Jóhann Hjartarson, Jón L. Árnason, Helgi Ólafsson, Omar Salama og Bergsteinn Einarsson 8 v.
Kvennaverðlaun: Lenka Ptácníková 7 v.
Unglingaverðlaun: Örn Leó Jóhannsson 6 v. og Páll Andrason 5,5 v.
U-2200: Tómas Björnsson 7 v.
U-2000: Magnús Matthíasson 7 v.

Lokastaða mótsins:

Rk.		Name	RtgI	RtgN	Pts.	Rp
1	IM	Gunnarsson Jon Viktor	2428	2450	9	2539
2	GM	Thorhallsson Throstur	2367	2390	9	2548
3	GM	Hjartarson Johann	2582	2620	8	2513
4	GM	Arnason Jon L	2500	2515	8	2516
5	GM	Olafsson Helgi	2518	2530	8	2540
6		Salama Omar	2273	2255	8	2342
7		Einarsson Bergsteinn	2241	2235	8	2382
8	IM	Thorfinnsson Bjorn	2404	2430	7,5	2390
9	IM	Gunnarsson Arnar	2443	2405	7	2386
		Gretarsson Hjorvar Steinn	2433	2460	7	2268
11		Omarsson Dadi	2214	2245	7	2223
12	FM	Ulfarsson Magnus Orn	2372	2355	7	2249
13	FM	Bjornsson Tomas	2151	2135	7	2130
14		Steindorsson Sigurdur P	2219	2215	7	2087
15	WGM	Ptacnikova Lenka	2317	2260	7	2155
16		Matthiasson Magnus	1806	1975	7	2075
17	FM	Johannesson Ingvar Thor	2340	2350	6,5	2254
18	IM	Thorfinnsson Bragi	2417	2435	6,5	2313
19		Halldorsson Bragi	2194	2225	6,5	2160
20	FM	Thorsteinsson Thorsteinn	2220	2215	6,5	2072
21		Eliasson Kristjan Orn	1972	1940	6,5	2011
22	FM	Bjornsson Sigurbjorn	2317	2355	6	2184
23		Ingvason Johann	2135	2140	6	2074
24	FM	Einarsson Halldor Gretar	2220	2195	6	2083
25		Bergsson Stefan	2158	2160	6	2080
26		Petursson Palmi Ragnar	0	2095	6	2044
27		Runarsson Gunnar	2077	1965	6	1913
		Saemundsson Bjarni	1923	1825	6	1805
29		Johannsson Orn Leo	1838	1940	6	1904
30		Berndsen Birgir	0	1885	6	1821
31		Kristinsson Ogmundur	2099	2100	5,5	2004
32		Thorsteinsdottir Hallgerdur	1982	1930	5,5	1850
33		Bjornsson Eirikur K	2063	2050	5,5	1885
34		Traustason Ingi Tandri	1834	1860	5,5	1975
35		Vigfusson Vigfus	1999	1945	5,5	1759
36		Andrason Pall	1630	1720	5,5	1849
37		Loftsson Arnaldur	0	2085	5,5	1820
38		Hauksson Hordur Aron	1719	1680	5,5	1646
39		Johannsdottir Johanna Bjorg	1801	1855	5,5	1737
40		Kjartansson Dagur	1522	1660	5,5	1668
41		Ingason Sigurdur	1887	1755	5,5	1701
42		Kristinardottir Elsa Maria	1702	1705	5	1784
43		Hardarson Jon Trausti	0	1495	5	1786
44		Sigurdsson Birkir Karl	1478	1560	5	1722
45		Gislason Agust Orn	0	1625	5	1675
46		Johannesson Oliver	1555	1645	5	1780
47		Masson Kjartan	1916	1745	5	1601
48		Brynjarsson Eirikur Orn	1629	1605	5	1551
49		Hauksdottir Hrund	1567	1515	5	1536
		Eliasson Jon Steinn	0	0	5	1551
51		Stefansson Vignir Vatnar	0	1225	4,5	1874
52		Thrainsson Birgir Rafn	1691	1795	4,5	1587
53		Daday Csaba	0	0	4,5	1493
54		Hjartarson Bjarni	2078	2000	4	1807
55		Sigurmundsson Ingimundur	0	1795	4	1740
56		Lee Gudmundur Kristinn	1542	1585	4	1748
57		Ragnarsson Dagur	1616	1615	4	1597
58		Sigurdarson Emil	1616	1720	4	1691
59		Johannesson Kristofer Joel	1446	1335	4	1531
60		Davidsdottir Nansy	0	0	4	1411
61		Kristbergsson Bjorgvin	0	1125	4	1346
62		Nhung Elin	0	1280	4	1218
63		Thorsteinsson Leifur	0	0	3,5	1274
64		Helgadottir Sigridur Bjorg	1714	1720	3	1616
65		Einarsson Oskar	0	0	3	1234
66		Ragnarsson Heimir Pall	0	1200	3	1182
67		Magnusdottir Veronika Steinunn	0	1400	3	1276
68		Johannesson Petur	0	1085	2,5	1104
69		Kjartansson Olafur	2016	1890	2	1576
70		Mobee Tara Soley	0	1165	2	1196

Chess-Results

Spil og leikir | Breytt s.d. kl. 22:28 | Slóð | Facebook | Athugasemdir (0)

19.12.2010 | 19:41

Henrik endaði í 4.-10. sæti í Bansko

Stórmeistarinn Henrik Danielsen (2516) gerði jafntefli við ísraelska alþjóðlega meistarann Mikhail Zaslavsky (2424) í níundu og síðustu umferð Bansko-mótsins em fram fór í dag. Henrik hlaut 6,5 vinning og endaði í 4.-10. sæti.

Árangur Henriks samsvaraði 2487 skákstigum og hækkar hann 3 skákstig fyrir frammistöðu sína.

Sigurvegari mótsins varð armenski stórmeistarinn Avetik Grigoryan (2580) en hann hlaut 8 vinninga, annar varð ísraelski alþjóðlegi meistarinn Tamir Nabaty (2529) með 7,5 vinning og þriðji varð búlgarski stórmeistarinn Grigor Grigorov (2479) með 7 vinninga.

Alls tóku 114 skákmenn þátt í mótinu og þar af 10 stórmeistarar. Stigahæstur keppenda var búlgarski stórmeistarinn Igor Cheparinov (2668). Henrik var 10. í stigaröð keppenda.

Spil og leikir | Breytt s.d. kl. 19:56 | Slóð | Facebook | Athugasemdir (0)

19.12.2010 | 08:21

Friðriksmót Landsbankans - Íslandsmótið í hraðskák hefst kl. 13

Friðriksmót Landsbankans - Íslandsmótið í hraðskák fer fram í útibúi Landsbankans við Austurstræti 11 sunnudaginn 19. desember. Um er að ræða langsterkasta hraðskákmót landsins í ár en af 80 keppendum eru meðal annars 18 titilhafar og þar af 4 stórmeistarar. Meðal keppenda eru Jóhann Hjartarson, Helgi Ólafsson og Jón L. Árnason.

Tefldar verða 11 umferðir með 7 mínútna umhugsunartíma á mann og er reiknað með að mótið standi á milli 13 og 16:30. Einni skák í hverri umferð verður varpað upp á risaskjá í útibúinu.

Efsti keppandi mótsins verður Íslandsmeistari í hraðskák. Verði tveir eða fleiri efstir ræður stigaútreikningur.

Mikil aðsókn var í mótið og komust færri að en vildu en aðeins tók 2 daga að fullmanna mótið.

Þetta er sjöunda árið í röð sem Landsbankinn og Skáksamband Íslands standa fyrir Friðriksmótinu í skák, en mótið er haldið til heiðurs Friðriki Ólafssyni, fyrsta stórmeistara Íslendinga. Margir af sterkustu stórmeisturum landsins hafa undanfarin ár teflt til heiðurs Friðriki og búist er við að ýmsir af mestu skákmeisturum landsins verði með á mótinu.

Keppendalisti mótsins

Fyrri sigurvegarar Friðriksmóts Landsbankans:

2009 - Héðinn Steingrímsson
2008 - Helgi Ólafsson
2007 - Héðinn Steingrímsson
2006 - Helgi Áss Grétarsson
2005 - Jón Viktor Gunnarsson og Arnar E. Gunnarsson
2004 - Jóhann Hjartarson og Stefán Kristjánsson

Spil og leikir | Slóð | Facebook | Athugasemdir (0)

18.12.2010 | 20:35

Fjölmennt og vel heppnað Jólapakkamót Hellis fór fram í dag

Fjölmennt og vel heppnað Jólapakkamót Hellis fór fram í Ráðhúsi Reykjavíkur í dag. Tæplega 200 krakkar tóku þátt í 5 flokkum á öllum grunnskólaaldri. Hér má finna helstu vinningshafa á mótinu en næstu daga er væntanleg heildarúrslit mótsins sem og myndir frá mótinu.

Þeir tóku myndir frá mótinu eru hvattir til að senda þær í tölvupósti í netfangið frettir@skaksamband.is.

Verðlaunahafar á Jólapakkamóti Hellis 2010:

A-flokkur (1995-97):

Strákar:

Jón Trausti Harðarson 4 v.
Emil Sigurðarson 4 v.
Dagur Ragnarsson 4 v.

Stúlkur:

Elín Nhung 3,5 v.
Hrund Hauksdóttir 3 v.
Donica Kolica 2 v.

B-flokkur (1998-99):

Strákar:

Oliver Aron Jóhannesson 5 v.
Róbert Leó Jónsson 4 v.
Jón Smári Ólafsson 4 v.
Bergmann Óli Aðalsteinsson 4 v.
Þórður Valtýr Björnsson 3,5 v.

Stúlkur:

Ásta Sóley Júlíusdóttir 5 v.
Veronika Steinunn Magnúsdóttir 4 v.
Tara Sóley Mobee 4 v.
Sonja María Friðriksdóttir 3 v.
Sóley Lind Pálsdóttir 3 v.

C-flokkur (2000-01):

Strákar:

Heimir Páll Ragnarsson 5 v.
Dawid Kolka 5 v.
Hilmir Hrafnsson 4 v.
Hákon Rafn 4 v.
Kári Georgsson 4 v.

Stelpur:

Svandís Rós 4 v.
Heiðrún Hauksdóttir 4 v.
Sólrún Freygarðsdóttir 3 v.
Halldóra Freygarðsdóttir 3 v.
Sara Hanh 3 v.

D-flokkur (2000-):

Strákar:

Vignir Vatnar Stefánsson 5 v.
Óðinn Örn Jakobsen 4 v.
Mikael Kravchuk 4 v.
Sverrir Hákonarson 4 v.
Nói Jón Marinarson 4 v v.

Stelpur:

Nansí Davíðsdóttir 4 v.
Ásdís Birna 4 v.
Hafdís Hanna Einarsdóttir 3,5 v.
Alisa Svansdóttir 3,5 v.
Katrín Sigurðardóttir 3 v.

Heildarúrslit væntanleg næstu daga.

Spil og leikir | Breytt s.d. kl. 20:37 | Slóð | Facebook | Athugasemdir (0)

18.12.2010 | 19:40

Henrik sigraði í næstsíðustu umferð - í 3.-10. sæti fyrir lokaumferðina

Stórmeistarinn Henrik Danielsen (2516) vann búlgarska FIDE-meistarann Velislav Kukov (2355) í áttundu og næstíðustu umferð Bansko-mótsins sem fram fór í dag. Henrik hefur 6 vinninga og er í 3-10. sæti fyrir lokaumferðina sem fram fer í fyrramálið. Þá teflir Henrik við ísraelska alþjóðlega meistarann Mikhail Zaslavsky (2424).

Efstir með 7 vinninga, og vinningi fyrir ofan næstu menn, eru ísraelski alþjóðlegi meistarinn Tamir Nabaty (2529) og armenski stórmeistarinn Avetik Grigoryan (2580).

Alls taka 114 skákmenn þátt í mótinu og þar af 10 stórmeistarar. Stigahæstur keppenda er búlgarski stórmeistarinn Igor Cheparinov (2668). Henrik er 10. í stigaröð keppenda.

Spil og leikir | Breytt s.d. kl. 19:46 | Slóð | Facebook | Athugasemdir (0)

18.12.2010 | 19:28

HM kvenna: Og þá eru eftir tvær kínverskar

Það verða kínversku stúlkurnar Lufei Ruan (2480) og Yifan Yue (2591) sem tefla til úrslita um heimsmeistaratitil kvenna. Ruan vann öndu sína Xue Zhao (2484) en Yue vann næststigahæstu skákkonu heims, hina indversku Humpy Koneru (2600). Einvígið byrjar á mánudag en alls tefla þær 4 skákir.