Jólapakkamót Hellis fer fram í dag í Ráðhúsinu

Jólapakkaskákmót Hellis verður haldið laugardaginn 18. desember nk. í Ráðhúsi Reykjavíkur. Mótið hefst kl. 13 og er ókeypis á mótið. Mótið er fyrir börn og unglinga og fer nú fram í 14. skipti en það var fyrst haldið fyrir jólin 1996. Síðan hefur það verið haldið á hverju ári og hefur alltaf verið eitt fjölmennasta skákmót ársins.
 
Keppt verður í allt að 5 flokkum: Flokki fæddra 1995-1997, flokki fæddra 1998-99, flokki fæddra 2000-2001 og flokki fæddra 2002 og síðar og peðaskák fyrir þau yngstu. Tefldar verða 5 umferðir með 10 mínútna umhugsunartíma á mann. Jólapakkar eru í verðlaun fyrir 3 efstu sætin í hverjum aldursflokki fyrir sig fyrir bæði drengi og stúlkur. Auk þess verður happdrætti um 3 jólapakka í hverjum aldursflokki fyrir sig og glæsilegt happdrætti í lokin fyrir allan hópinn. 

Jón Gnarr borgarstjóri setur mótið og leikur fyrsta leik þess. Skráningu á mótið er í gangi á heimasíðu Hellis: http://www.hellir.blog.is. Á morgni keppnisdaga eru um 200 keppendur skráðir til leiks.

Friðriksmót Landsbankans - Íslandsmótið í hraðskák fer fram á morgun

Friðriksmót Landsbankans - Íslandsmótið í hraðskák fer fram í útibúi Landsbankans við Austurstræti 11 sunnudaginn 19. desember.  Um er að ræða langsterkasta hraðskákmót landsins en af 80 keppendum eru meðal annars 18 titilhafar og þar af 4 stórmeistarar.   Friðrik Ólafsson, sem tekur ekki þátt í mótinu að þessu, leikur fyrsta leik mótsins.   Meðal keppenda eru Jóhann Hjartarson, Helgi Ólafsson og Jón L. Árnason.  

Tefldar verða 11 umferðir með 7 mínútna umhugsunartíma á mann og er reiknað með að mótið standi á milli 13 og 16:30.

Efsti keppandi mótsins verður Íslandsmeistari í hraðskák.   Verði tveir eða fleiri efstir ræður stigaútreikningur. 

Mikil aðsókn var í mótið og komust færri að en vildu en aðeins tók 2 daga að fullmanna mótið.   

Þetta er sjöunda árið í röð sem Landsbankinn og Skáksamband Íslands standa fyrir Friðriksmótinu í skák, en mótið er haldið til heiðurs Friðriki Ólafssyni, fyrsta stórmeistara Íslendinga. Margir af sterkustu stórmeisturum landsins hafa undanfarin ár teflt til heiðurs Friðriki og búist er við að ýmsir af mestu skákmeisturum landsins verði með á mótinu.   

Keppendalisti mótsins

Fyrri sigurvegarar Friðriksmóts Landsbankans:

• 2009 - Héðinn Steingrímsson
• 2008 - Helgi Ólafsson
• 2007 - Héðinn Steingrímsson
• 2006 - Helgi Áss Grétarsson
• 2005 - Jón Viktor Gunnarsson og Arnar E. Gunnarsson
• 2004 - Jóhann Hjartarson og Stefán Kristjánsson

Þorvarður sigraði á Skákþingi Garðabæjar - Leifur Ingi Garðabæjarmeistari

Þorvarður Fannar Ólafsson (2190) sigraði á Skákþingi Garðabæjar sem lauk í kvöld.  Þorvarður hlaut 6½ vinning í 7 skákum, 1½ vinningi á undan næsta manni.  Örn Leó Jóhannsson (1838) varð annar með 5 vinninga.   Guðmundur Kristinn Lee (1542) og Atli Jóhann Leósson (1495) urðu í 3.-4. sæti með 5 vinninga.  Leifur Ingi Vilmundarson (2044) varð hins vegar skákmeistari Garðabæjar sem efsti Garðbæingur eða félagi í TG.

Úrslit 7. umferðar:

 

Bo.	Name	Pts.	Result	Pts.	Name
1	Andrason Pall	4	0 - 1	5½	Olafsson Thorvardur
2	Johannsson Orn Leo	4½	½ - ½	4	Lee Gudmundur Kristinn
3	Leosson Atli Johann	3½	1 - 0	4	Brynjarsson Eirikur Orn
4	Hardarson Jon Trausti	3½	½ - ½	3½	Kristinsson Bjarni Jens
5	Sigurdsson Birkir Karl	3	1 - 0	3	Daday Csaba
6	Vilmundarson Leifur Ingi	3	1 - 0	2	Palsdottir Soley Lind
7	Olafsson Emil	1½	- - +	2½	Jonsson Robert Leo
8	Kolka Dawid	2½	+ - -	0	Kristbergsson Bjorgvin
9	Njardarson Sigurjon	2	- - +	2	Kristinsson Kristinn Andri

 

Lokastaðan:

 

 

Rk.	Name	RtgI	RtgN	Club/City	Pts.	Rp	rtg+/-
1	Olafsson Thorvardur	2190	2200	Haukar	6,5	2071	2,7
2	Johannsson Orn Leo	1838	1960	SFÍ	5	1904	15,6
3	Lee Gudmundur Kristinn	1542	1595	SFÍ	4,5	1708	12,1
4	Leosson Atli Johann	0	1495	KR	4,5	1791
5	Kristinsson Bjarni Jens	2062	2070	Hellir	4	1696	-21,8
6	Andrason Pall	1630	1665	SFÍ	4	1653	7,3
7	Hardarson Jon Trausti	0	1500	Fjölnir	4	1697
8	Sigurdsson Birkir Karl	1478	1480	SFÍ	4	1478	-5,7
9	Brynjarsson Eirikur Orn	1629	1585	SFÍ	4	1400	1
10	Vilmundarson Leifur Ingi	2044	1995	TG	4	1418	-11,4
11	Kolka Dawid	0	1125	Hellir	3,5	1321
12	Jonsson Robert Leo	0	1150	Hellir	3,5	1251
13	Daday Csaba	0	0	Vinjar	3	1517
14	Kristinsson Kristinn Andri	0	1330	Fjölnir	3	1495
15	Njardarson Sigurjon	0	0	UMFL	2	1302
16	Palsdottir Soley Lind	0	1060	TG	2	1311
17	Olafsson Emil	0	0	Vinjar	1,5	1035
18	Kristbergsson Bjorgvin	0	1155	TR	0	388

 

• Heimasíða TG
• Chess-Results

Jólamenta Gallerý Skákar

Telft hefur verið stíft og með listrænum töktum í Gallerý Skák undanfarin mörg fimmtudagskvöld, annars vegar í GS-klúbbnum og hins vegar í opnum hvatskákmótum.  Sérstakt mót/menta með jólaívafi og glaðningi var teflt 16. desember sl. og urðu úrslit þau að efstur varð hinn eitilharði og snjalli skákmaður Stefán Þormar Guðmundsson með 9.5/11, en fast á hæla hans fylgdi kempan Gunnar Skarphéðinsson með 9v., sem jafnan er skarpur og harður í horn að taka. Síðan komu hinir valinkunnu sómaskákmenn, þeir: Össur Kristinsson, Guðfinnur R. Kjartansson og Guðmundur G. Þórarinsson, með 7. v., sem jafnan eru með efstu mönnum,  Kristján Hreinsson, Skerjafjarðarskáld og pistlahöfundur varð sjötti með 6.5 v. en aðrir keppundur uppskáru rýrari hlut, þrátt fyrir frumlega og góða taflmennsku á köflum.

Sjá nánar á www.galleryskak.net.   

Myndaalbúm mótsins

 

Sigurvegarar á þessu hausti hafa verið þessir:

• 16/12  Stefán Þormar Guðmundsson
•  9/12  Kristján Stefánsson
•  2/12  Guðfinnur R. Kjartansson
• 25/11  Sæbjörn Larsen Guðfinnsson
• 18/11  Sigurður E. Kristjánsson
• 11/11  Sigurður E. Kristjánsson
•   4/11  Sigfús Jónsson
• 28/10  Guðfinnur R. Kjartansson
• 14/10  Stefán Þormar Guðmundsson

Henrik með jafntefli í Bansko

Stórmeistarinn Henrik Danielsen (2516) gerði jafntefli við Úkraínumanninn Sergey Strelnikov (2419) í sjöundu umferð Bansko-mótsins sem fram fór í dag.   Henrik hefur 5 vinninga og er í 8.-18. sæti.  Í áttundu og næstsíðustu umferð, sem fram fer á morgun, teflir hann við búlgarska FIDE-meistarann Velislav Kukov (2355).

Efstir með 6 vinninga eru ísraelski alþjóðlegi meistarinn Tamir Nabaty (2529) og armenski stórmeistarinn Avetik Grigoryan (2580).

Alls taka 114 skákmenn þátt í mótinu og þar af 10 stórmeistarar.   Stigahæstur keppenda er búlgarski stórmeistarinn Igor Cheparinov (2668).   Henrik er 10. í stigaröð keppenda.

• Heimasíða mótsins
• Chess-Results

Henrik gerði jafntefli við Cheparinov

Stórmeistarinn Henrik Danielsen (2516) gerði jafntefli við búlgarska stórmeistarann Igor Cheparinov (2668), sem er stigahæstur keppenda, í sjöttu umferð alþjóðlega mótsins í Bansko í Búlgaríu sem fram fór í morgun.  Henrik hefur 4½ vinning og er í 5.-16. sæti.  Í sjöundu umferð, sem fram fer síðar í dag, teflir hann við Úkraínumanninn Sergey Strelnikov (2419).

Efstir með 5½ vinning eru ísraelski alþjóðlegi meistarinn Tamir Nabaty (2529) og armenski stórmeistarinn Avetik Grigoryan (2580).

Alls taka 114 skákmenn þátt í mótinu og þar af 10 stórmeistarar.   Stigahæstur keppenda er búlgarski stórmeistarinn Igor Cheparinov (2668).   Henrik er 10. í stigaröð keppenda.

• Heimasíða mótsins
• Chess-Results

Jón Úlfljótsson sigraði á síðasta Fimmtudagsmóti ársins í T.R.

Þátttakendur voru 26 á Fimmtudagsmóti Taflfélags Reykjavíkur í gærkvöldi og var mótið vel skipað að vanda.  Fyrir síðustu umferð voru Jón Úlfljótsson og Ögmundur Kristinsson efstir og jafnir með 5 vinninga og Birkir Karl Sigurðsson var hálfum vinningi á eftir þeim.

Í síðustu umferð vann svo Birkir Karl Ögmund, meðan að Jón gerði jafntefli við hinn unga og efnilega Oliver Jóhannesson. Það þurfti því stigaútreikning til, til að fá fram sigurvegara kvöldsins. Eftir tvöfaldan stigaútreikning varð ljóst að Jón Úlfljótsson hafði orðið hlutskarpastur. Hann var sá eini sem fór taplaus í gegnum mótið.

Þátttakendur fengu hefðbundið kaffihlé eftir fjórðu umferð, sem að þessu sinni var í anda jólaaðventunnar.

Skákstjórar voru Áslaug Kristinsdóttir og Sigurlaug Regína Friðþjófsdóttir.

Þetta var síðasta fimmtudagsmót ársins en þau hefjast á nýju ári fimmtudaginn 13. janúar.

 

Úrslit urðu annars sem hér segir:

 

• 1. Jón Úlfljótsson 5,5 v. af 7 28 stig
• 2. Birkir Karl Sigurðsson 5,5 v. 27,5 stig
• 3. Ögmundur Kristinsson 5 v.
• 4. Hallgerður Helga Þorsteinsdóttir 5 v.
• 5. Örn Leó Jóhannsson 5 v.
• 6. Óliver Jóhannesson 4,5 v.
• 7. Páll Snædal Andrason 4,5 v.
• 8. Áslaug Kristinsdóttir 4 v.
• 9. Eiríkur Örn Brynjarsson 4 v.
• 10. Jóhann Ingvarsson 4 v.
• 11. Elsa María Kristínardóttir 4 v.
• 12. Magnús Kristinsson 4 v.
• 13. Jón Fivelstad 3,5 v.
• 14. Kristján Sverrisson 3,5 v.
• 15. Kristófer Jóhannesson 3,5 v.
• 16. Jón Trausti Harðarson 3,5 v.
• 17. Sigurlaug Regína Friðþjófsdóttir 3 v.
• 18. Finnur Kr. Finnsson 3 v.
• 19. Vignir Vatnar Stefánsson 3 v.
• 20. Björgvin Kristbergsson 3 v.
• 21. Leifur Þorsteinsson 2,5 v.
• 22. Veronika Steinunn Magnúsdóttir 2 v.
• 23. Óskar Long 2 v.
• 24. Kristinn Andri Kristinsson 1,5 v.
• 25. Matthías Ævar Magnússon 1 v.
• 26. Pétur Jóhannesson 1 v.

Friðriksmót Landsbankans - Íslandsmótið í hraðskák - fer fram á sunnudag

Friðriksmót Landsbankans - Íslandsmótið í hraðskák fer fram í útibúi Landsbankans við Austurstræti 11 sunnudaginn 19. desember.  Um er að ræða langsterkasta hraðskákmót landsins en af 80 keppendum eru meðal annars 18 titilhafar og þar af 4 stórmeistarar.   Friðrik Ólafsson,  tekur ekki þátt í mótinu að þessu, leikur fyrsta leik mótsins.   Meðal keppenda eru Jóhann Hjartarson, Helgi Ólafsson og Jón L. Árnason.  

Tefldar verða 11 umferðir með 7 mínútna umhugsunartíma á mann og er reiknað með að mótið standi á milli 13 og 16:30.

Efsti keppandi mótsins verður Íslandsmeistari í hraðskák.   Verði tveir eða fleiri efstir ræður stigaútreikningur. 

Mikil aðsókn var í mótið og komust færri að en vildu en aðeins tók 2 daga að fullmanna mótið.   

Þetta er sjöunda árið í röð sem Landsbankinn og Skáksamband Íslands standa fyrir Friðriksmótinu í skák, en mótið er haldið til heiðurs Friðriki Ólafssyni, fyrsta stórmeistara Íslendinga. Margir af sterkustu stórmeisturum landsins hafa undanfarin ár teflt til heiðurs Friðriki og búist er við að ýmsir af mestu skákmeisturum landsins verði með á mótinu.   

Keppendalisti mótsins

Fyrri sigurvegarar Friðriksmóts Landsbankans:

• 2009 - Héðinn Steingrímsson
• 2008 - Helgi Ólafsson
• 2007 - Héðinn Steingrímsson
• 2006 - Helgi Áss Grétarsson
• 2005 - Jón Viktor Gunnarsson og Arnar E. Gunnarsson
• 2004 - Jóhann Hjartarson og Stefán Kristjánsson

Henrik vann í dag - mætir Cheparinov á morgun

Stórmeistarinn Henrik Danielsen (2516) vann georgíska alþjóðlega meistarann Sopio Gvetadze (2350) í fimmtu umferð alþjóðlega mótsins í Bansko í Búlgaríu, sem fram fór í dag.  Henrik hefur 4 vinninga og er í 7.-11. sæti.  

Á morgun eru tefldar tvær umferðir.  Í þeirri fyrri teflir Henrik við stigahæsta keppenda mótsins, búlgarska stórmeistarann Igor Cheparinov (2668).

Efstir með 4,5 vinning eru stórmeistararnir Savchenko (2632), Rússlandi, Vladimir Georgiev (2582), Makedóníu,  Avetik Grigoryan (2580), Armeníu, og Ioannis Nikoladis (2552), Grikklandi, ísraelski alþjóðlegi meistarinn Tamir Nabaty (2529) og, hinn titillausi Úkraíni, Piotr Korobkov (2484).

Alls taka 114 skákmenn þátt í mótinu og þar af 10 stórmeistarar.   Stigahæstur keppenda er búlgarski stórmeistarinn Igor Cheparinov (2668).   Henrik er 10. í stigaröð keppenda.

• Heimasíða mótsins
• Chess-Results

 

Hausthraðskákmót Skákfélags Akureyrar fyrir börn og unglinga - Sprettmótið

Hausthraðskákmót Skákfélags Akureyrar fyrir börn og unglinga - Sprettmótið fer fram sunnudaginn 19. desember í skákheimilinu við Þórunnarstræti. Teflt verður í einum flokki, 15 ára og yngri. Mótið verður að þessu sinni með jólabrag, jólapakkar veittir í verðlaun fyrir efstu sætin. Í lok mótsins verður boðið upp á pizzur frá Jóni Spretti. Þá verða afhentar viðurkenningar til þeirra sem hafa verið duglegastir að mæta á barnaæfingarnar í haust.  Öllum sem eru nógu ungir er heimil þátttaka.

Þátttökugjald er gott skap og einlægur áhugi.