Lenka með fullt hús eftir þrjár umferðir í Olomouc

Lenka Ptácníková (2258) sigraði hollenska FIDE-meistarann Erik Van den Dikkenberg (2107) í þriðju umferð opins skákmóts í Olomouc í Tékklandi sem fram fór í gær.  Lenka hefur fullt hús og er í 1.-10. sæti. 

Í fjórðu umferð, sem nú er í gangi, teflir Lenka við tékkneska FIDE-meistarann Vojtech Rojicek (2405).

Alls taka 175 skákmenn þátt í flokki Lenku.  Þar af 2 stórmeistarar, 2 stórmeistarar kvenna og 10 alþjóðlegir meistarar.  Lenka er númer 23 í stigaröð keppenda.

• Heimasíða mótsins
• Chess-Results

 

 

Howell breskur meistari

Stórmeistarinn David Howell (2614) er breskur meistari en breska meistaramótinu lauk í gær í Torquay.  Í 2.-3. sæti urðu stórmeistararnir Mark Hebden (2468) og Simon Williams (2527) en þeir hlutu 8 vinninga.

Heimasíða mótsins

Lenka sigraði í 2. umferð í Olomouc

Lenka Ptácníková (2258) sigraði hollenska skákmanninn Leo Hovestadt (2062) í 2 umferð opins skákmóts í Olomouc í Tékklandi sem fram fór í dag.  

Í þriðju umferð, sem fram fer á morgun, teflir Lenka við hollenska FIDE-meistarann Erik Van den Dikkenberg (2107).

Alls taka 175 skákmenn þátt í flokki Lenku.  Þar af 2 stórmeistarar, 2 stórmeistarar kvenna og 10 alþjóðlegir meistarar.  Lenkna er númer 23 í stigaröð keppenda.

• Heimasíða mótsins
• Chess-Results

 

 

Hraðskákkeppni taflfélaga - 1. og 2. umferð

Búið er að draga 1. umferð (15 liða úrslit) og 2. umferð (8 liða úrslit) Hraðskákkeppni taflfélaga.  Metþátttaka er á mótinu en alls taka 15 lið þátt í keppninni.  Öll lið sem taka þátt í 1.-3. deild Íslandsmóts skákfélaga taka þátt og fara þarf niður í 9. sæti í 4. deild á síðasta Íslandsmóti skákfélaga til að finna lið sem ekki tekur þátt nú. 

Í 1. fyrstu umferð mætast (fyrrnefnda liðið á heimaleik):

• Skákfélag Reykjanesbæjar - Taflfélag Vestmannaeyja
• Taflfélag Bolungarvíkur - Skákdeild KR
• Víkingaklúbburinn - Taflfélag Garðabæjar
• Skákdeild Hauka - Taflfélagið Mátar
• Skákfélag Vinjar - Taflfélagið Hellir
• Skákfélag Selfoss og nágrennis - Skákfélag Akureyrar
• Skákdeild Fjölnis - Taflfélag Akraness

Taflfélag Reykjavíkur, núverandi hraðskákmeistarar, komast beint í 2. umferð.  Fyrstu umferð á að vera lokið eigi síðar en 15. ágúst. Akureyringar hafa þó fengið frest til 17. ágúst vegna landskeppninnar við Færeyinga.  

Í 2. umferð mætast (fyrrnefnda liðið á heimaleik):

• Fjölnir/TA - Taflfélag Reykjavíkur
• Vin/Hellir - Haukar/Mátar
• TB/KR - SR/TV
• Víkingaklúbburinn/TG - Selfoss/SA

2. umferð á að vera lokið eigi síðar en 22. ágúst.

Úrslitum, ásamt einstaklingsúrslitum, skal skilað til Gunnars Björnssonar í netfangið [e-mail] eins fljótt og auðið er. 

Reglugerð keppninnar:

1.  Sex manns eru í hvoru liði og tefld er tvöföld umferð, þ.e. allir í öðru liðinu tefla við alla í hinu liðinu. Samtals 12 umferðir, eða 72 skákir.

2.  Heimalið sér um dómgæslu. Komi til deiluatriða er Ólafur S. Ásgrímsson yfirdómari keppninnar.

3.  Varamenn mega koma alls staðar inn. Þó skal gæta þess að menn tefli ekki oftar en tvívegis gegn sama andstæðingi og hafi ekki sama lit í báðum skákunum.

4.  Ætlast er til þess að þeir sem tefli séu fullgildir meðlimir síns félags. Aðeins má tefla með einu taflfélagi í keppninni.

5.  Liðsstjórar koma sér saman um hvenær er teflt og innan tímaáætlunar.  Komi liðsstjórar sér ekki saman um dagsetningu innan tímaramma getur umsjónaraðili ákvarðað tímasetningu.

6.  Verði jafnt verður tefldur bráðabani. Það er tefld er einföld umferð þar sem dregið er um liti á fyrsta borði og svo hvítt og svart til skiptist. Verði enn jafnt verður áfram teflt áfram með skiptum litum þar til úrslit fást.

7.  Heimalið bjóði upp á léttar veitingar, t.d. kaffi, gos, kökur eða kex.

8.  Viðureignirnar skulu fara innan 100 km. radíus frá Reykjavík nema að félög komi sér saman um annað.  Úrslitaviðureignin fer þó fram í Bolungarvík þann 11. september og er ábyrgst að ferðakostnaður verði greiddur fyrir aðallið hvors liðs.   

9.  Úrslitum skal koma til umsjónarmann eins fljótt og auðið er í netfangið [e-mail] og eigi síðar en 12 klukkustundum eftir að keppni lýkur.

10.Úrslit keppninnar verða ávallt aðgengileg á heimasíðu Hellis, www.hellir.blog.is , sem er heimasíða keppninnar, og á www.skak.is.

11.Mótshaldið er í höndum Taflfélagsins Hellis sem sér um framkvæmd mótsins.

 

Lenka vann í fyrstu umferð í Olomouc

Lenka Ptácníková (2258) sigraði tékkneska skákmanninn Rudolf Zezula (1843) í fyrstu umferð opins skákmóts í Olomouc í Tékklandi sem hófst í gær.

Í dag teflir Lenka við Tékkann Leo Hovestadt (2062).

Alls taka 175 skákmenn þátt í flokki Lenku.  Þar af 2 stórmeistarar, 2 stórmeistarar kvenna og 10 alþjóðlegir meistarar.  Lenkna er númer 23 í stigaröð keppenda.

• Heimasíða mótsins
• Chess-Results

 

 

Tómas í Máta

Tómas Hermannsson (2249) hefur gengið til liðs við Taflfélagið Máta en á síðasta ári tefldi Tómas með Bolvíkingum. 

Guðmundur í landsliðsflokk

Guðmundur Kjartansson (2356) tekur þátt í landsliðsflokki Skákþings Íslands sem fram fer á Bolungarvík 1.-11. september nk.  Guðmundur tekur sæti Björns Þorfinnssonar sem forfallaðist.  Meðalstig eru 2383 skákstig. 

Meðal keppenda eru 2 stórmeistarar, 5 alþjóðlegir meistarar og 4 fjórir FIDE-meistarar.  Sem fyrr er ekki mögulegt að ná stórmeistaraáfanga og 6½ vinning þarf í áfanga að alþjóðlegum meistaratitli.  

Aðeins einn keppendanna hefur áður orðið Íslandsmeistari en það er Jón Viktor Gunnarsson sem hampaði titlinum árið 2000.

Keppendalistinn:

 

Nr.	Nafn	Titill	Félag	Stig
1	Henrik Danielsen	SM	Haukar	2473
2	Jón Viktor Gunnarsson	AM	Bol	2462
3	Stefán Kristjánsson	AM	Bol	2462
4	Þröstur Þórhallsson	SM		2433
5	Dagur Arngrímsson	AM	Bol	2396
6	Bragi Þorfinnsson	AM	Bol	2377
7	Guðmundur Kjartansson	AM	TR	2356
8	Róbert Lagerman	FM	Hellir	2351
9	Guðmundur Gíslason		Bol	2348
10	Davíð Ólafsson	FM	Hellir	2327
11	Ingvar Þór Jóhannesson	FM	Hellir	2323
12	Sigurbjörn Björnsson	FM	Hellir	2287
	Meðalstig			2383

 

 

Aronian sigraði í Mainz

Armenski stórmeistarinn Levon Aronian (2768) sigraði á Grenkeleasing-mótinu sem lauk í Mainz í dag.  Anand sigraði rússneska stórmeistarann Ian Nepomniachtchi (2632) í úrslitaeinvígi í dag.  Í gær kepptu fjórir skákmenn hverjir 2 kæmust áfram og vakti þar athygli að Nepomniachtchi sló þar við sjálfum heimsmeistaranum Anand (2788).  Aserski stórmeistarinn Mamedyarov (2717) sigraði á Ordix-mótinu, sem er sterkt atskákmót og bandaríski stórmeistarinn Hikaru Nakamuru (2710) sigraði á Slembiskákmóti sem fram fór samhliða.

Aðalmótið:

• 1. Aronian (2768) 4,5 v. af 6
• 2. Nepomniachtchi (2632) 3,5 v.
• 3. Anand (2788) 2,5 v.
• 4. Naiditsch (2697) 1,5 v.

Aronian sigraði Nepomniachtchi 3-1 í einvígi tveggja efstu manna.

Ordix-mótið:

• 1. Mamedyarov (2717) 10 v. af 11
• 2.-4. Naiditsch (2697), Akopian (2712) og Gashimov (2740) 9,5 v.

Alls tóku 694 skákmenn þátt.

Fischer-Slembiskák:

• 1.-2. Aronian (2768) og Nakamura (2710) 4 v. af 6
• 3,-4. Bologan (2689) og Movsesian (2716) 2 v.

Nakamura sigraði Aronian 3,5-0,5 í úrslitaeinvígi tveggja efstu manna.

Heimasíða mótsins

Úrslit á Unglingalandsmóti UMFÍ

Úrslit í skákkeppni Unglingalandsmóts 2009 fór fram í dag á Sauðárkróki.  Alls tók 21 keppandi þátt í mótinu og var teflt í einum flokki.

Úrslit eftir flokkum voru eftirfarandi:

15-16 ára strákar

1. Jóhann Óli Eiðsson - UMSB - 5 v.
2. Jón Óskar Jóhannesson HSK - 3 v.

15-16 ára stúlkur

1. Elisa Marie Valjaots - UFA - 5 v.
2. Auður Eiðsdóttir - UMSB - 4 v.

13-14 ára strákar

1. Mikael Jóhann Karlsson - UFA - 7 v.
2. Hjörtur Snær Jónsson - UFA - 4 ½ v.
3. Emil Sigurðsson - HSK - 4 ½ v.

Jafn þeim að vinningum var Hersteinn Hreiðarson UFA, en eftir stigaútreikning reyndist hann í 4. sæti.

13-14 ára stelpur

1. Hulda Rún Finnbogadóttir - UMSB - 4 v.
2. Alda Björk Egilsdóttir - UMSK - 3 v.
3. Hulda Vilhjálmsdóttir - UMSE - 3 v (3. sæti eftir stigaútreikning)

11-12 ára strákar

1. Snorri Hallgrímsson - HSÞ - 4 ½ v
2. Arnþór Ingi Ingvason - Keflavík - 4 v
3. Hjörtur Smári Sigurðsson - HSÞ - 2 v .

Jafn Hirti að vinningum var Eysteinn Hrafnkelsson en reyndist í 4. sæti eftir stigaútreikning.

Það var Skákfélag Sauðárkróki sem bar ábyrgð á mótshaldinu.  

Guðmundur gerði jafntefli í lokaumferðinni

Alþjóðlegi meistarinn Guðmundur Kjartansson (2356) gerði sitt eina jafntefli í níundu og síðustu umferð Czech Open sem fram fór í Pardubice í Tékklandi í dag.  Andstæðingur hans í lokaumferðinni var rússneski stórmeistarinn Alexander Potapov (2461).  Guðmundur hlaut 5,5 vinning og endaði í 46.-83. sæti.  Árangur hans á mótinu samsvaraði 2536 skákstigum og hækkaði hann um heil 33 stig fyrir frammistöðu sína og verður með um 2413 skákstig á næsta stigalista.  

Efstur með 8 vinninga varð úkraínski stórmeistarinn Anton Korobov (2623).   Alls taka 294 skákmenn þátt í efsta flokki.  Þar á meðal eru 26 stórmeistarar og 74 alþjóðlegir meistarar.  Guðmundur er nr.  109 í stigaröðinni. 

• Heimasíða mótsins
• Chess-Results
• Skákirnar í beinni
• Skákhornið