Magnus Carlsen öruggur sigurvegari Aerosvits-mótsins

Norska undrabarnið Magnus Carlsen (2765) er öruggur sigurvegari Foros-mótsins, sem lauk í Foros í Ukraínu í dag.  Magnus hlaut 8 vinninga og var einum vinningi fyrir ofan Vassily Ivanchuk (2740).  Eftir frammistöðu Magnusar er hann væntanlega næststigahæsti skákmaður heims á eftir Anand.   

Úrslit elleftu umferðar:

Svidler, Peter	½ - ½	Van Wely, Loek
Ivanchuk, Vassily	1 - 0	Eljanov, Pavel
Karjakin, Sergey	½ - ½	Carlsen, Magnus
Volokitin, Andrei	1 - 0	Alekseev, Evgeny
Jakovenko, Dmitry	½ - ½	Nisipeanu, Liviu-Dieter
Onischuk, Alexander	0 - 1	Shirov, Alexei

 

Lokastaðan:

 

 

Nr	Skákmaður	Land	Stig	Vinn.	Rp.
1.	Carlsen, Magnus	NOR	2765	8	2881
2.	Ivanchuk, Vassily	UKR	2740	7	2811
3.	Karjakin, Sergey	UKR	2732	6	2745
4.	Eljanov, Pavel	UKR	2687	6	2750
5.	Volokitin, Andrei	UKR	2684	5½	2714
6.	Jakovenko, Dmitry	RUS	2711	5½	2711
7.	Shirov, Alexei	ESP	2740	5½	2709
8.	Alekseev, Evgeny	RUS	2711	5	2675
9.	Svidler, Peter	RUS	2746	5	2672
10.	Nisipeanu, Liviu-Dieter	ROU	2684	5	2678
11.	Van Wely, Loek	NED	2677	4	2612
12.	Onischuk, Alexander	USA	2664	3½	2583

 

Heimasíða mótsins

Danskir dagar á Boðsmóti TR

Þrír danskir alþjóðlegir meistarar eru í þremur efstur sætum Boðsmóts TR að lokinni fimmtu umferð semf ram fór í dag.  Þeirra efstur er Simon Bekker-Jensen (2392).  FIDE-meistararnir Ingvar Þór Jóhannesson (2344), Björn Þorfinnsson (2417) og Guðmundur Kjartansson (2321) eru í 4.-6. sæti með 3 vinninga.  

Úrslit fimmtu umferðar:

Kjartansson Gudmundur	1 - 0		Nieves Kamalakanta Ivan
Lund Esben	1 - 0	IM	Glud Jakob Vang
Thorsteinsson Bjorn	0 - 1	FM	Thorfinnsson Bjorn
Leosson Torfi	½ - ½		Omarsson Dadi
Bekker-Jensen Simon	1 - 0	FM	Johannesson Ingvar Thor

Staðan:

Rk.		Name	FED	Rtg	Club/City	Pts.	Rp	rtg+/-
1	IM	Bekker-Jensen Simon	DEN	2392		4,5	2630	11,8
2	IM	Lund Esben	DEN	2420		3,5	2476	7,8
3	IM	Glud Jakob Vang	DEN	2456		3,5	2431	0,4
4	FM	Johannesson Ingvar Thor	ISL	2344	Hellir	3,0	2364	2,5
5	FM	Thorfinnsson Bjorn	ISL	2417	Hellir	3,0	2395	-1,6
6	FM	Kjartansson Gudmundur	ISL	2321	TR	3,0	2366	5,4
7		Thorsteinsson Bjorn	ISL	2192	TR	1,5	2114	-8,4
8		Omarsson Dadi	ISL	2027	TR	1,5	2156	7,5
9		Leosson Torfi	ISL	2137	TR	1,0	1996	-13,1
10		Nieves Kamalakanta Ivan	PUR	2225		0,5	1979	-18,5

 

Sjötta umferð fer fram á morgun og hefst kl. 17:30.  Teflt er í húsnæði TR, Faxafeni 12.

 

• Heimasíða TR
• Chess-Results
• Myndaalbúm Boðsmóts TR

 

Danskir meistarar á Ströndum

Þrír danskir alþjóðameistarar mæta til leiks á Minningarmót Páls Gunnarssonar í Djúpavík. Þetta eru þeir Jakob Vang Glud (2456 Elo-stig), Espen Lund (2420) og Simon Bekker-Jensen (2392).

Þeir eru meðal keppenda á alþjóðlegu skákmóti sem Taflfélag Reykjavíkur stendur fyrir, en hlé er gert á mótinu svo danska tríóið geti teflt í Djúpavík.

Alls eru hátt í 50 keppendur búnir að skrá sig. Heimamenn í Árneshreppi tefla fram vaskri sveit á mótinu. Þegar eru skráð til leiks Ingólfur Benediktsson, Róbert Ingólfsson og Númi Ingólfsson frá Melum, Björn Torfason, Árný Björnsdóttir og Kristján Albertsson frá Melum, Guðmundur Þorsteinsson frá Finnbogastöðum og Guðmundur Jónsson frá Stóru-Ávík, og má gera ráð fyrir fleiri skráningum nú á lokasprettinum.

Vel heppnaðar skákbúðir á Laugarvatni

Skákbúðir voru haldnar í Reykjavík og á Laugarvatni 12. - 16. júní.  Skáksamband Íslands og Skákskólinn voru ábyrgðaraðilar og Guðrún Sóley Guðjónsdóttir (mamma Hallgerðar Helgu) skipulagði dagskrá og var umsjónarmaður búðanna á Laugarvatni. Þátttakendur voru  28 ungmenni á aldrinum 11 - 19 ára. Byrjað var í Reykjavík þar sem ungmennin mættu í Skáksamband Íslands í Faxafeni að morgni 12. júní.  Skipt var í hópa eftir getu og aldri.  Helgi Ólafsson, Þröstur Þórhallsson og Lenka Ptacnikova kenndu skák fram eftir degi en síðdegis var farið í laugarnar og síðan í bíó.  Morguninn eftir var rúta mætt í Faxafenið og var þá haldið á Laugarvatn. Gist var og kennt á farfuglaheimilinu (Íþróttamiðstöð Íslands) og voru aðstæður þar til fyrirmyndar bæði innandyra og utan.  Góð kennsluaðstaða var í húsinu og úrval íþróttavalla og sundlaug í nokkurra metra fjarlægð.

Helstu viðburðir á Laugarvatni fyrir utan skákkennslu var að Björn Þorfinnsson, forseti SÍ kom og tefldi fjöltefli.  Úrslit urðu þessi:

• Friðrik Þjálfi - Björn              1 - 0
• Hjörvar Steinn - Björn           1 - 0
• Jökull Jóhannsson - Björn      1 - 0
• Svanberg Pálsson - Björn       1 - 0
• Sverrir Þorgeirsson - Björn    1 - 0
• Tinna Kristín - Björn             1 - 0
• Dagur Andri - Björn              ½ - ½
• Hallgerður Helga - Björn       ½ - ½
• Patrekur Maron - Björn         ½ - ½
• Jóhann Óli - Björn ½ - ½
• Björn vann aðra andstæðinga.

Á laugardeginum bar það helst til tíðinda eftir kennslu morgunsins að hinn landsfrægi leikari og Qi Gong iðkandi Gunnar Eyjólfsson kom og sagði frá hugmyndafræði Qi Gong og kenndi nokkrar æfingar til að skerpa einbeitingu og hugann.  Auk þess lagði hann ungmennunum lífsreglurnar varðandi freistingar sem kunna að verða á vegi þeirra í lífinu.  Ekki var laust við að smá tíst og óróleika yrði vart til að byrja með en eftir því sem á leið náði Gunnar fullkominni athygli allra viðstaddra.  Greinilegt var að Helgi og Þröstur voru vanir menn enda Gunnar farið ófáar skákferðir með þeim á erlenda grund og aðstoðað þá við einbeitingu og rétt hugarfar við skákborðið.  Fræðslan og æfingarnar fóru fram á stórri verönd á farfuglaheimilinu en þaðan er gríðarlega fallegt útsýni. Hafði Gunnar á orði að hann hefði ekki áður kennt á jafn fallegum stað (sjá myndir).

Síðdegis var farið í ratleik sem íþróttafrömuðir á Selfossi ásamt Sigurjóni Mýrdal skákmanni og kennara í ML á Laugarvatni, voru fengnir til að skipuleggja.  Leikurinn barst vítt og breytt um svæðið.  Liðið sem vann ratleikinn skipuðu:

Emil Sigurðarson, Hallgerður Helga Þorsteinsdóttir, Jökull Jóhannesson og Einar Ólafsson. 

Um kvöldið kom Torfi Leósson í heimsókn með tvo Dani, þá Esben Lund og Simon  Bekker-Jensen til að tefla fjöltefli við ungmennin.  Úrslit urðu:

• Hjörvar Steinn - Esben                      1 - 0
• Guðmundur Kristinn Lee - Esben     1 - 0
• Ólafur Freyr Ólafsson - Esben          1 - 0
• Sverrir Þorgeirsson - Esben               1 - 0
• Jóhann Óli - Esben ½ - ½
• (hér vantar hugsanlega. eitthvað inn í úrslitin)
• Svanberg Pálsson - Simon                 1 - 0
• Emil - Simon                                     ½ - ½
• Símon vann aðra andstæðinga

 

Hraðkákmót fór fram á 14. og 15. júní. 

Úrslit urðu:

• 1. Hjörvar Steinn Grétarsson             9 vinningar af 9
• 2. Sverrir Þorgeirsson                         7
• 3. Patrekur Maron Magnússon           6 1/2

 

Hraðskákmót með heima- og ferðamönnum fór fram 15. júní e.h.  Alls bættust 6 manns í hópinn.

Úrslit urðu:

• 1. Patrekur Maron Magnússon
• 2. Sverrir Þorgeirsson
• 3. - 4.  Hallgerður Helga Þorsteinsdóttir, Páll Sigurðsson

Efstur fædd ´94 og síðar:

• Dagur Andri Friðgeirsson (eftir einvígi við Nökkva Sverrisson)
• Efst stúlkna: Hallgerður Helga Þorsteinsdóttir

 

Um kvöldið 15. júní fór fram "Pragtelagssjak".  Hallgerður Helga, Elsa María og Omar Salama höfðu tekið þátt í slíku í Osló í vetur (þau unnu!) og stjórnuðu þau mótinu.  Þetta felst í því að 3ja manna lið teflir á 5 borðum (skipst er á og það má bera sig saman).  Sjá meðfylgjandi myndir.

 

Úrslit urðu:

1. sæti - 17 vinningar

• Elsa María Kristínardóttir
• Kristófer Gautason
• Sverrir Þorgeirsson

2. sæti - 13 vinningar

• Jökull Jóhannesson
• Dagur Andri Friðgeirsson
• Guðmundur Kristinn Lee

3. sæti - 11,5 vinningur

• Dagur Kjartansson
• Jóhanna Björg Jóhannsdóttir
• Tinna Kristín Finnbogadóttir

Að lokum fór fram verðlaunaafhending og síðan var haldið heim á leið.  Ljóst er að þetta framtak heppnaðist vel og voru þátttakendur mjög áhugasamir um flest sem fram fór.  Væri vel ef þetta yrði upphafið að árlegum viðburði og er það nú í höndum stjórnar SÍ að ákveða framhaldið.

Mikið og veglegt myndaalbúm með meira en 100 myndum.

Magnus Carlsen hefur tryggt sér sigur í Foros

Magnus Carlsen (2765) hefur tryggt sér sigur á Aerosvit-mótinu, sem fram fer í Foros í Úkraínu, en hann hefur 1½ vinnings forskot þegar aðeins einni umferð er ólokið.  Í dag gerði hann jafntefli við við Andrei Volokitin (2684).  Í 2.-3. eru Úkraínumennirnir Vassily Ivanchuk (2740) og Pavel Eljanov (2687).

Úrslit tíundu umferðar:

Van Wely, Loek	0 - 1	Ivanchuk, Vassily
Eljanov, Pavel	½ - ½	Karjakin, Sergey
Carlsen, Magnus	½ - ½	Volokitin, Andrei
Alekseev, Evgeny	½ - ½	Jakovenko, Dmitry
Nisipeanu, Liviu-Dieter	½ - ½	Onischuk, Alexander
Shirov, Alexei	1 - 0	Svidler, Peter

 Staðan:

Nr.	Skákmaður	Land	Stig	Vinn.	Rp.
1.	Carlsen, Magnus	NOR	2765	7½	2897
2.	Ivanchuk, Vassily	UKR	2740	6	2783
3.	Eljanov, Pavel	UKR	2687	6	2783
4.	Karjakin, Sergey	UKR	2732	5½	2740
5.	Alekseev, Evgeny	RUS	2711	5	2714
6.	Jakovenko, Dmitry	RUS	2711	5	2714
7.	Svidler, Peter	RUS	2746	4½	2675
8.	Volokitin, Andrei	UKR	2684	4½	2678
9.	Shirov, Alexei	ESP	2740	4½	2677
10.	Nisipeanu, Liviu-Dieter	ROU	2684	4½	2678
11.	Onischuk, Alexander	USA	2664	3½	2603
12.	Van Wely, Loek	NED	2677	3½	2601

 
Heimasíða mótsins

Gott veður á Ströndum um helgina.

Góðu veðri er spáð á Ströndum nú um helgina, sól og hægum vindi. Og það ætti að fara vel um skákmenn í gömlu síldarverksmiðjunni í Djúpavík, þar sem Minningarmót Páls Gunnarssonar verður haldið.

Meðal meistara sem skráðir eru til leiks eru Helgi Ólafsson, Henrik Danielsen, Arnar Gunnarsson, Björn Þorfinnsson og Guðfríður Lilja Grétarsdóttir. 

Mótið er öllum opið, byrjendum jafnt sem meisturum, bændum og borgarbörnum. Enn er hægt að fá gistingu í Norðurfirði, en þar verður einmitt hraðskákmót á sunnudaginn.

Allar upplýsingar er að finna hérna.

Myndin var tekin 17. júní, þegar nýr veitingastaður, Kaffi Norðurfjörður, var vígður með pompi og prakt. Oddný Þórðardóttir, oddviti Árneshrepps, ræðir við Guðmund Þorsteinsson bónda á Finnbogastöðum, sem missti hús sitt og innbú í stórbruna daginn áður.

Guðmundur er einn af betri skákmönnum Árneshrepps, og hefur tekið skaða sínum einsog sönnum skákmanni sæmir: Ekki tjóar að fást um það sem orðið er, heldur þarf að finna besta leikinn í stöðunni -- og tefla svo til sigurs.

Til marks um það blakti islenski fáninn blakti tignarlega við Finnbogastaði á þjóðhátíðardaginn. Enn rauk úr rústum íbúðarhússins en fáninn var til merkis um að endurreisnin á Finnbogastöðum er hafin.

Minnt er á söfnun Félags Árneshreppsbúa til styrktar Guðmundi Þorsteinssyni á Finnbogastöðum. Reikningsnúmer: 1161-26-001050 Kennitala: 4510892509

Heimasíða minningarmótsins

Ingvar í þriðja sæti á Boðsmótinu

FIDE-meistarinn Ingvar Þór Jóhannesson (2344) er í þriðja sæti með 3 vinninga á Boðsmóti Taflfélags Reykjavíkur eftir sigur  á Torfa Leóssyni (2137). Efstir með 3,5 vinning eru dönsku alþjóðlegu meistarnir Jakob Vang Glud (2456) og Simon Bekker-Jensen (2392). Daði Ómarsson (2027) sigraði Björn Þorsteinsson (2192).  

Úrslit 3. umferðar:

 

	Nieves Kamalakanta Ivan	0 - 1	IM	Bekker-Jensen Simon
FM	Johannesson Ingvar Thor	1 - 0		Leosson Torfi
	Omarsson Dadi	1 - 0		Thorsteinsson Bjorn
FM	Thorfinnsson Bjorn	0 - 1	IM	Lund Esben
IM	Glud Jakob Vang	1 - 0	FM	Kjartansson Gudmundur

 

Staðan:

 

Rk.		Name	FED	Rtg	Club/City	Pts.	Rp	rtg+/-
1	IM	Glud Jakob Vang	DEN	2456		3,5	2584	5,9
2	IM	Bekker-Jensen Simon	DEN	2392		3,5	2580	7,5
3	FM	Johannesson Ingvar Thor	ISL	2344	Hellir	3,0	2461	9,0
4	IM	Lund Esben	DEN	2420		2,5	2390	-0,4
5	FM	Kjartansson Gudmundur	ISL	2321	TR	2,0	2311	-0,2
6	FM	Thorfinnsson Bjorn	ISL	2417	Hellir	2,0	2356	-4,9
7		Thorsteinsson Bjorn	ISL	2192	TR	1,5	2138	-5,1
8		Omarsson Dadi	ISL	2027	TR	1,0	2154	5,3
9		Leosson Torfi	ISL	2137	TR	0,5	1966	-10,8
		Nieves Kamalakanta Ivan	PUR	2225		0,5	2029	-12,9

Fimmta umferð fer fram á morgun og hefst kl. 17:30.  Þá mætast m.a.: Bekker-Jensen - Ingvar.  Teflt er í húsnæði TR, Faxafeni 12.

 

• Heimasíða TR
• Chess-Results
• Myndaalbúm Boðsmóts TR

 

Ingvar, Björn og Guðmundur í 3.-5. sæti

FIDE-meistarnir Ingvar Þór Jóhannesson (2344), Björn Þorfinnsson (2417) og Guðmundur Kjartansson (2321) eru í 3.-5. sæti með 2 vinninga að lokinni þriðju umferð Boðsmóts TR sem fram fór í dag.   

Rétt er að minna á könnun um sigurvegara hér á vinstri hluta síðunnar.   Komið er myndaalbúm frá mótinu.     

 

Úrslit 3. umferðar:
 

IM	Glud Jakob Vang	1 - 0		Nieves Kamalakanta Ivan
FM	Kjartansson Gudmundur	½ - ½	FM	Thorfinnsson Bjorn
IM	Lund Esben	1 - 0		Omarsson Dadi
	Thorsteinsson Bjorn	½ - ½	FM	Johannesson Ingvar Thor
	Leosson Torfi	0 - 1	IM	Bekker-Jensen Simon

Staðan:

 

Rk.		Name	FED	Rtg	Club/City	Pts.	Rp	rtg+/-
1	IM	Bekker-Jensen Simon	DEN	2392		2,5	2523	4,7
2	IM	Glud Jakob Vang	DEN	2456		2,5	2496	2,7
3	FM	Johannesson Ingvar Thor	ISL	2344	Hellir	2,0	2436	5,6
4	FM	Thorfinnsson Bjorn	ISL	2417	Hellir	2,0	2459	2,5
5	FM	Kjartansson Gudmundur	ISL	2321	TR	2,0	2388	4,7
6		Thorsteinsson Bjorn	ISL	2192	TR	1,5	2291	5,7
7	IM	Lund Esben	DEN	2420		1,5	2254	-7,9
8		Leosson Torfi	ISL	2137	TR	0,5	1997	-7,3
		Nieves Kamalakanta Ivan	PUR	2225		0,5	2064	-8,7
10		Omarsson Dadi	ISL	2027	TR	0,0	1722	-5,6

Fjórða umferð hófst núna kl. 17:30.   Teflt er í húsnæði TR, Faxafeni 12.

 

• Heimasíða TR
• Chess-Results
• Myndaalbúm Boðsmóts TR

 

Carlsen með 1½ vinnings forskot

Magnus Carlsen (2765) gerði stutt jafntefli við Rússann Dmitry Jakovenko (2711) í níundu umferð Aerosvits-mótsins, sem fram fór í dag.  Carlsen hefur þegar tveimur umferðum er ólokið 1½ vinnings forskot á Úkraníumanninn Pavel Eljanov (2687).  

Úrslit níundu umferðar:

Karjakin, Sergey	½ - ½	Van Wely, Loek
Volokitin, Andrei	0 - 1	Eljanov, Pavel
Jakovenko, Dmitry	½ - ½	Carlsen, Magnus
Onischuk, Alexander	½ - ½	Alekseev, Evgeny
Nisipeanu, Liviu-Dieter	1 - 0	Shirov, Alexei
Ivanchuk, Vassily	½ - ½	Svidler, Peter

Staðan:

Nr.	Nafn	Land	Stig	Vinn.	Rp.
1.	Carlsen, Magnus	NOR	2765	7	2926
2.	Eljanov, Pavel	UKR	2687	5½	2789
3.	Ivanchuk, Vassily	UKR	2740	5	2758
4.	Karjakin, Sergey	UKR	2732	5	2749
5.	Svidler, Peter	RUS	2746	4½	2708
6.	Alekseev, Evgeny	RUS	2711	4½	2715
7.	Jakovenko, Dmitry	RUS	2711	4½	2715
8.	Volokitin, Andrei	UKR	2684	4	2666
9.	Nisipeanu, Liviu-Dieter	ROU	2684	4	2677
10.	Van Wely, Loek	NED	2677	3½	2628
11.	Shirov, Alexei	ESP	2740	3½	2630
12.	Onischuk, Alexander	USA	2664	3	2592

Heimasíða mótsins

Minningarmót í Djúpuvík hefst á föstudag

Fjölmargir hafa þegar skráð sig til leiks á stórmóti Hróksins í Djúpavík á Ströndum, sem helgað er minningu Páls Gunnarssonar, og fer fram helgina 20.-22. júní. Mótið er öllum opið og eru vegleg verðlaun í mörgum flokkum.

            Tefldar verða 9 umferðir, þrjár föstudagskvöldið 20. júní og sex laugardaginn 21. júní. Umhugsunartími er 20 mínútur fyrir hverja skák. Sunnudaginn 22. júní fer svo fram hraðskákmót í Trékyllisvík.

            Meðal skákmeistara sem þegar hafa skráð sig til leiks eru stórmeistararnir Helgi Ólafsson og Henrik Danielsen, alþjóðlegu meistararnir Stefán Kristjánsson, Arnar Gunnarsson og Guðfríður Lilja Grétarsdóttir og meðal annarra keppenda má nefna Björn Þorfinnsson, Róbert Harðarson, Guðmund Kjartansson, Elvar Guðmundsson, Ingvar Ásbjörnsson og síðast en ekki síst Einar K. Einarsson

            Þá mun vinir og félagar Páls Gunnarssonar úr Hróknum fjölmenna og segir Sigrún Baldvinsdóttir dagskrárstjóri hátíðarinnar að menn hafi boðað komu sína siglandi, fljúgandi, ríðandi og akandi.

            1. verðlaun á minningarmótinu eru 100 þúsund krónur, 2. verðlaun 50 þúsund, 3. verðlaun 30 þúsund, 4. verðlaun 20 þúsund og 5. verðlaun 15 þúsund.

            Þá eru veitt verðlaun fyrir besta frammistöðu Strandamanna, stigalausra skákmanna og skákmanna með minna en 2200 stig. Í hverjum flokki eru 1. verðlaun 15 þúsund, 2. verðlaun 10 þúsund og ný bók í 3. verðlaun.

            Ennfremur eru veitt 15 þúsund króna verðlaun fyrir bestan árangur kvenna, heldri borgara og grunnskólabarna, auk bókavinninga. Fleiri eiga von á glaðningi, en meðal verðlaunagripa verða handunnin listaverk af Ströndum.

            Þá verða vegleg verðlaun á hraðskákmótinu, sem haldið verður í kjölfar atskákmótsins.

            Skákmenn á öllum aldri eru hvattir til að skrá sig sem fyrst til þátttöku hjá Róbert Harðarsyni ([e-mail]) eða hjá Sigrúnu Baldvinsdóttur í ([e-mail], sími 698-7307) og mun hún m.a. hjálpa fólki við að finna gistingu og veita upplýsingar um hátíðina að öðru leyti.

Gistingu er hægt að fá í Hótel Djúpavík og víðar í Árneshreppi, auk þess sem tjaldstæði er í Trékyllisvík og Norðurfirði. Gestir í Árneshreppi, sem er afskekktasta sveit á Íslandi, eiga í vændum að kynnast stórbrotinni náttúru og sögu við ysta haf.

Páll Gunnarsson (1961-2006) tók þátt í stofnun Hróksins 1998 og tefldi flestar skákir allra liðsmanna félagsins á Íslandsmóti skákfélaga. Páll, sem ættaður var af Ströndum, var einn traustasti liðsmaður Hróksins og tók virkan þátt í skáklandnáminu á Grænlandi. Með mótinu vilja vinir hans, félagar og fjölskylda heiðra minningu þessa góða drengs.

Allar nánari upplýsingar má nálgast á vefsíðu mótsins.