Peter Heine danskur meistari

Stórmeistarinn Peter Heine Nielsen (2627) varð danskur skákmeistari í sjötta sinn en mótið fór fram 15.-23. mars í Silkeborg.  Annar varð Lars Schandorff (2530) og þriðji varð skákmeistari síðustu þriggja ára, Sune Berg Hansen (2552).

Alls tóku 20 skákmenn þátt í efsta flokki sem heitir landsliðsflokkur rétt eins og á Íslandi.

Heimasíða mótsins 

Hallgerður og Sigríður gerðu jafntefli í áttundu umferð

Hallgerður Helga Þorsteinsdóttir og Sigríður Björg Helgadóttir gerðu báðar jafntefli í áttundu og næstsíðustu umferð  Stockholm Ladies Open sem fram fór í dag.  Hallgerður gerði jafntefli við sænsku skákkonuna Christin Anderson (2194) sem er alþjóðlegur meistari kvenna.  Hallgerður er efst íslensku skákstúlknanna en hún hefur hlotið 3,5 vinning og hefur teflt við titilhafa í öllum umferðum nema einni.

Elsa hefur 3 vinninga, Sigríður, Jóhanna og Tinna hafa 2,5 vinning.  Allar eru þær hækka á stigum fyrir frammistöðu sína.

Níunda og síðasta umferð verður tefld í fyrramálið.

• Heimasíða mótsins
• Chess results

 

Stefán Bergsson Páskeggjameistari SA - Sveinbjörn fékk páskaegg

Páskaeggjamót Skákfélags Akureyrar var haldið í dag, annan í páskum.  Hinn ungi og síefnilegi skákmaður Stefán Bergsson sigraði á mótinu en hann hlaut 10,5 vinning.   Annar varð Smári Ólafsson og þriðji varð Sigurður Arnarson.  

 

Átta keppendur voru mættir til leiks, tefld var tvöföld umferð með 5 mínútna umhugsunartíma og urðu úrslit þessi:

 

1. Stefán Bergsson           10.5 V af 14

2. Smári Ólafsson             10

3. Sigurður Arnarson         9,5

4. Haki Jóhannesson         8,5

5. Sigurður Eiríksson         8

6. Mikael Jóhann Karlsson  5

7. Sveinbjörn Sigurðsson    4,5

8. Hjörtur Jónsson              0

 

Eftir mótið var einn keppandi dreginn út í happdrætti og var það Sveinbjörn Sigurðsson sem vann páskaegg. Næsta mót hjá félaginu er Skákþing Norðlendinga í yngri flokkum og hefst það nk. laugardag.

Gylfi sigraði á Páskamóti SA

Gylfi Þórhallsson sigraði á Páskamóti Skákfélags Akureyrar sem lauk sl. föstudag.  Annar varð Gestur Baldursson og þriðji varð Ólafur Ólafsson.

 

1.	Gylfi Þórhallsson	4 v. af 5.
2.	Gestur Baldursson	3,5
3.	Ólafur Ólafsson	2,5
4.	Ulker Gasanova	2
5.	Mikael Jóhann Karlsson	2
6.	Haukur Jónsson	1
	Tímamörk voru 60 mínútur	+ 30 sekúndur	á leik.

Aronian með vinningsforskot í Mónakó

Armeninn Aronian hefur vinnings forskot að lokinni áttundu umferð Amber-mótsins, sem tefld var í gær í Mónakó, eftir sigur á Anand, 1,5-0,5.  Aronian hefur 10,5 vinning, Magnus Carlsen er annar með 9,5 vinning og Leko þriðji með 9 vinninga.   Aronian er efstur í atskákinni en Morozevich er efstur í blindskákinni. 

Úrslit 8. umferðar:

	Blindskák	Aronian-Anand	1-0
		Carlsen-Mamedyarov	1-0
		Karjakin-Topalov	1/2-1/2
		Van Wely-Leko	0-1
		Gelfand-Morozevich	1/2-1/2
		Ivanchuk-Kramnik	1/2-1/2
	Atskák	Anand-Aronian	1/2-1/2
		Mamedyarov-Carlsen	0-1
		Topalov-Karjakin	1-0
		Leko-Van Wely	1/2-1/2
		Morozevich-Gelfand	1-0
		Kramnik-Ivanchuk	1/2-1/2

Staðan:

1.	Aronian, Levon	g	ARM	2739	10.5	2863
2.	Carlsen, Magnus	g	NOR	2733	9.5	2812
3.	Leko, Peter	g	HUN	2753	9.0	2802
4.	Topalov, Veselin	g	BUL	2780	8.5	2781
5.	Anand, Viswanathan	g	IND	2799	8.5	2778
6.	Kramnik, Vladimir	g	RUS	2799	8.5	2774
7.	Morozevich, Alexander	g	RUS	2765	8.5	2778
8.	Ivanchuk, Vassily	g	UKR	2751	8.0	2742
9.	Karjakin, Sergey	g	UKR	2732	7.0	2704
10.	Gelfand, Boris	g	ISR	2737	6.0	2657
11.	Mamedyarov, Shakhriyar	g	AZE	2760	6.0	2675
12.	Van Wely, Loek	g	NED	2681	6.0	2664

 

 Heimasíða mótsins

Gott gengi hjá stúlkunum í sjöundu umferð

Íslensku stúlkunum gekk vel í sjöundu umferð Stockholm Ladies Open sem fram fór í kvöld.   Elsa María Kristínardóttir, Tinna Kristín Finnbogadóttir og Jóhanna Björg Jóhannsdóttir unnu sínar skákir, Hallgerður Helga Þorsteinsdóttir gerði jafntefli við georgísku skákkonuna Nino Maisuradze (2270), sem er alþjóðlegur meistari kvenna en Sigríður Björg Helgadóttir tapaði.

Hallgerður og Elsa hafa 3 vinninga, Tinna og Jóhanna 2,5 vinning og Sigríður 2 vinninga.  Allar er þær sem stendur að hækka á stigum.    

Áttundu og næstsíðasta umferð verður tefld á morgun.

• Heimasíða mótsins
• Chess results

 

Hjörvar Steinn Grétarsson sigurvegari Grand Prix mótsins á Skírdag.

Grand prix mótaröðinni var fram haldið sl. fimmtudagskvöld og voru tefldar átta umferðir að þessu sinni. Hjörvar Steinn Grétarsson sigraði í öllum viðureignum sínum og hlaut fullt hús.

Í öðru sæti varð skákstjórinn Óttar Felix Hauksson með sex vinninga. Þriðja sætinu deildu síðan ungu drengirnir Birkir Karl Sigurðsson og Dagur Andri Friðgeirsson með 3 vinninga hvor.

Góð tónlistarverðlaun voru í boði frá 12 tónum, Geimsteini, Senu, Smekkleysu og Zonet. Næsta Grand Prix mót verður haldið fimmtudagskvöldið 27. mars og eru allir velkomnir að vera með.

Hallgerður Helga efst íslensku keppendanna í Stokkhólmi

Hallgerður Helga Þorsteinsdóttir (1867) heldur áfram að standa sig vel á hinu firnasterka Scandinavian Ladies Open sem fer fram í Stokkhólmi um helgina.

Í sjöttu umferð sem fram fór í dag þá gerði Hallgerður jafntefli við WIM Magdalenu Kludacz frá Póllandi sem skartar 2217 FIDE-stigum. Tinna Kristín Finnabogadóttir (1658) gerði jafntefli við sænsku skákkonuna Marie-Thin Hagberg en hinar íslensku stúlkurnar töpuðu sínum viðureignum gegn sterkum erlendum titilhöfum.

Hallgerður Helga er efst íslensku stúlknanna með 2,5 vinninga að loknum 6.umferðum. Elsa María og Sigríður Björg eru með 2 vinning en Tinna Kristín og Jóhanna Björg 1,5 vinning.

Sjöunda umferð verður tefld seinnipartinn í dag og hér fyrir neðan má sjá andstæðinga íslensku stúlknanna:

Hallgerður Helga (hvítt) - WIM Nino Maisuradze (GEO), 2270

Sigríður Björg (svart) - WGM Olga Stjazhkina (RUS), 2325

Elsa María (hvitt) - Marie-Thin Hagberg (SWE), 1321

Tinna Kristín (hvítt) - Louise Rosenblad (SWE), 1521

Jóhanna Björg (svart) - Viktoria Lehtmets (EST), 1870

Heimasíða mótsins

Chess results

 

Fínn árangur í Stokkhólmi

  Fimm íslenskar stúlkur taka þátt í einu sterkasta kvennaskákmóti heims, Scandinavian Ladies Open, sem fram fer í Stokkhólmi um páskana. Þátttaka 126 keppendur frá 33 löndum og þar af margar af sterkustu skákkonum heims. Skáksamband Stokkhólms og Täby Chess club hafa sett mikinn metnað í mótshaldið því verðlaunin eru afar góð og öll umgjörð er eins og best verður á kosið.

Þátt taka Hallgerður Helga Þorsteinsdóttir (1867), Elsa María Kristínardóttir (1721), Tinna Kristín Finnbogadóttir (1658), Jóhanna Björg Jóhannsdóttir (1617) og Sigríður Björg Helgadóttir (1606).  

Þegar fimm umferðum er lokið hefur Hallgerður Helga Þorsteinsdóttir landað stærsta sigrinum af íslensku keppendunum, þegar hún gerði sér lítið fyrir og knésetti rússneska alþjóðlega meistarann, Ilenu Krasenkovu, sem er með 2203 FIDE-stig. Fyrir utan þennan góða sigur hefur Hallgerður sigrað sænska stúlku sem er áþekk henni að stigum og tapað svo fyrir þremur kvennastórmeisturum.

Þegar fimm umferðum er lokið þá eru Hallgerður, Elsa María og Sigríður Björg með 2 vinninga, Jóhanna Björg 1,5 vinning og Tinna Kristín með 1 vinning.

Í dag fara fram 6. og 7.umferð mótsins og eru þetta andstæðingar stúlknanna í morgunsárið:

Hallgerður (svart) - Magdalena Kludacz (POL), WIM, 2217

Elsa María (svart) - Nona Datuashvili (GEO), WIM, 2178

Sigríður Björg (hvítt) - Ellinor Frisk (SWE), WFM, 2127

Jóhanna Björg (svart) - Ilena Krasenkova (RUS), WIM, 2203

Tinna Kristín (svart) - Marie-Thin Hagberg (SWE), 1320

Heimasíða mótsins

Chess-results

Aronian eykur forskotið á Amber-mótinu

Hinn geðþekki armenski stórmeistari, Levon Aronian, jók forskot sitt á heilan vinning í sjöundu umferð Ambermótsins sem fram fór í Mónakó í gær. Aronian sigraði heimsmeistarann fyrrverandi, Veselin Topalov, 1,5-0,5 á meðan helsti keppinautur hans og núverandi heimsmeistari, hinn indverski Vishy Anand skiptist á blóðugum höggum í rimmu sinni við Norðmanninn unga, Magnus Carlsen. Að lokum höfðu báðir unnið sitthvora skákina og niðurstaðan því 1-1 jafntefli. Aronian leiðir mótið með 9 vinninga, Anand er í öðru sæti með 8 vinninga og þrír keppendur, Carlsen, Leko og Kramnik, hafa 7,5 vinninga.

Eins og undanfarin ár þá er Rússinn Morozevich með forystu í blindskákinni en Aronian leiðir atskákina örugglega.

Úrslit 7. umferðar:

	Blind	Morozevich-Ivanchuk	1-0
		Kramnik-van Wely	1/2-1/2
		Leko-Gelfand	1/2-1/2
	Blind	Mamedyarov-Karjakin	1/2-1/2
		Topalov-Aronian	1/2-1/2
		Anand-Carlsen	1-0
	At	Ivanchuk-Morozevich	1/2-1/2
		van Wely-Kramnik	1/2-1/2
		Gelfand-Leko	1/2-1/2
	At	Karjakin-Mamedyarov	1/2-1/2
		Aronian-Topalov	1-0
		Carlsen-Anand	1-0

Staðan:

1.	Aronian, Levon	g	ARM	2739	9
2.	Anand, Viswanathan	g	IND	2799	8
3.	Carlsen, Magnus	g	NOR	2733	7½
4.	Kramnik, Vladimir	g	RUS	2799	7½
5.	Leko, Peter	g	HUN	2753	7½
6.	Ivanchuk, Vassily	g	UK	2751	7
7.	Topalov, Veselin	g	BUL	2780	7
8.	Morozevich, Alexander	g	RUS	2765	7
9.	Karjakin, Sergey	g	UKR	2732	6½
10.	Mamedyarov, Shakhriyar	g	AZE	2760	6
11.	Van Wely, Loek	g	NED	2681	5½
12.	Gelfand, Boris	g	ISR	2737	5½

 

 Heimasíða mótsins