Sparisjóðsmót Vestmannaeyja 2007

Sparisjóður Vestmannaeyja og Taflfélag Vestmannaeyja boða til tveggja móta 23 og 24 nóvember.

Dagskrá:

Föstudaginn 23. nóvember kl. 19:30 - Hraðskákmót 9 umferðir

Laugardaginn kl. 13:00:   Atskákmót 15-20 mín. 9 umferðir

Teflt verður í félagsheimili Taflfélags Vestmannaeyja 

Vegleg verðlaun

Tilboð verður á gistingu (nánar auglýst í næstu viku)

Skráning hjá Karli Gauta í síma 898-1067 og hjá Sverri í síma 858-8866
eða á netfangið [e-mail]

Skákmót í Vin á mánudag

Vin hefur fengið nýjan forstöðmann, hana Þórdísi Rúnarsdóttur. Gugga, eða Guðbjörg Sveinsdóttir, er farin eftir þrettán ár í Vin og um leið og henni er þakkað fyrir árin er Þórdís boðin velkomnin. Og það auðvitað með skákmóti Á MÁNUDAGINN 12. NÓV. KL. 13:00

Skákfélag Vinjar og Hrókurinn þakka Guggu samstarfið og hlakka til samstarfs með Þórdísi.

Þær segjast nú ekki mjög öflugar skákkonur og ef þær þora ekki að tefla þá allavega leika þær fyrstu leikina.

Vonandi sjáum við sem flesta og auðvitað er kaffi og eitthvað hollt og gómsætt með því...

 

 

 

Nú, og auðvitað verða vinningar fyrir alla. Ekki spurning.

Vin er að Hverfisgötu 47 og síminn er 561-2612.

 

Hrókurinn og skákfélag Vinjar eru með skákuppákomur eða æfingar á mánudögum

kl. 13:00.

 

Allir ævinlega velkomnir.

Bjarni Jens sigraði á atkvöldi Hellis

Bjarni Jens Kristinsson vann alla andstæðinga sína á atkvöldi Hellis sem haldið var 5. nóvember og endaði með 6 vinninga eða tveimur vinningum á undan næsta manni. Næstir komu svo Sæbjörn Guðfinnsson og Jorge Fonseca með 4v.

Lokastaðan á atkvöldinu:

1.  Bjarni Jens Kristinsson       6v

2.  Sæbjörn Guðfinnsson        4v

3.  Jorge Fonseca                  4v

4.  Elsa María Þorfinnsdóttir    3,5v

5.  Vigfús Ó. Vigfússon           3,5v

6.  Dagur Kjartansson            3v

7.  Brynjar Steingrímsson       3v

8.  Pétur Jóhannesson            2v

9.  Margrét Rún Sverrisdóttir  1v

Björn öruggur sigurvegari MP-mótsins - Hrafn skákmeistari TR

Björn Þorfinnsson er öruggur sigurvegari Haustmóts Taflfélags Reykjavíkur - MP-mótsins eftir sigur á Stefáni Bergssyni í áttundu og næstsíðustu umferð sem tefld var í gærkveldi.  Björn hefur tveggja vinninga forskot á næsta mann sem er Hrafn Loftsson.  Hrafn hefur þegar tryggt sér titilinn skákmeistari Taflfélags Reykjavíkur en hann hefur 1,5 vinnings forskot á næsta TR-ing.  Atli Freyr Kristjánsson hefur þegar tryggt sér sigur í b-flokki og þar með sæti í a-flokki að ári.

 

 

 

 

A-flokkur:

Úrslit 8. umferðar:

Baldursson Hrannar	1 - 0		Bjornsson Sverrir Orn
Misiuga Andrzej	½ - ½		Petursson Gudni
Bergsson Stefan	0 - 1	FM	Thorfinnsson Bjorn
Loftsson Hrafn	1 - 0	FM	Kjartansson David
Ragnarsson Johann	0 - 1	FM	Bjornsson Sigurbjorn

Staðan:

Rk.		Name	Rtg	Club/City	Pts.
1	FM	Thorfinnsson Bjorn	2323	Hellir	7,5
2		Loftsson Hrafn	2250	TR	5,5
3	FM	Bjornsson Sigurbjorn	2290	Hellir	4,5
4		Misiuga Andrzej	2161	TR	4,0
5	FM	Kjartansson David	2360	Fjolnir	4,0
6		Ragnarsson Johann	2039	TG	3,5
7		Petursson Gudni	2145	TR	3,0
8		Baldursson Hrannar	2120	KR	3,0
9		Bergsson Stefan	2112	SA	2,5
		Bjornsson Sverrir Orn	2107	Haukar	2,5

B-flokkur:

Úrslit 8. umferðar:

Name	Rtg	Pts.	Result	Pts.	Name	Rtg
Oskarsson Aron Ingi	1755	4½	0 - 1	6	Kristjansson Atli Freyr	1990
Brynjarsson Helgi	1830	4½	½ - ½	5	Eliasson Kristjan Orn	1825
Fridthjofsdottir Sigurl  Regin	1690	4½	0 - 1	4	Jonsson Olafur Gisli	1795
Gardarsson Hordur	1855	4	1 - 0	4	Thorsteinsson Hilmar	1780
Benediktsson Thorir	1845	4		4	Benediktsson Frimann	1795
Palsson Svanberg Mar	1715	4	0 - 1	3½	Kristinsson Bjarni Jens	1685
Fridgeirsson Dagur Andri	1650	3½	1 - 0	3½	Kjartansson Dagur	1225
Leifsson Thorsteinn	1650	3½	1 - 0	3	Jensson Johannes	1515
Sigurdsson Birkir Karl	1225	3	1 - 0	2	Brynjarsson Alexander Mar	1380
Johannesson Petur	1110	1	0 - 1	3	Johannsson Orn Leo	1445
Eiríksson Víkingur Fjalar	1595	2½	1		bye

Staðan:

Rk.	Name	Rtg	Club/City	Pts.
1	Kristjansson Atli Freyr	1990	Hellir	7,0
2	Eliasson Kristjan Orn	1825	TR	5,5
3	Jonsson Olafur Gisli	1795	KR	5,0
4	Brynjarsson Helgi	1830	Hellir	5,0
5	Gardarsson Hordur	1855	TR	5,0
6	Oskarsson Aron Ingi	1755	TR	4,5
7	Fridthjofsdottir Sigurl  Regin	1690	TR	4,5
8	Leifsson Thorsteinn	1650	TR	4,5
9	Kristinsson Bjarni Jens	1685	Hellir	4,5
10	Fridgeirsson Dagur Andri	1650	Fjolnir	4,5
11	Benediktsson Thorir	1845	TR	4,0
12	Palsson Svanberg Mar	1715	TG	4,0
13	Benediktsson Frimann	1795	TR	4,0
14	Thorsteinsson Hilmar	1780	Hellir	4,0
15	Johannsson Orn Leo	1445	TR	4,0
16	Sigurdsson Birkir Karl	1225	Hellir	4,0
17	Eiríksson Víkingur Fjalar	1595	TR	3,5
18	Kjartansson Dagur	1225	Hellir	3,5
19	Jensson Johannes	1515	Hreyfill	3,0
20	Brynjarsson Alexander Mar	1380	TR	2,0
21	Johannesson Petur	1110	TR	1,0

• Heimasíða mótsins

• Chess-Results
• Færslur Skák.is um Haustmót TR

 

 

Grand Prix-mót í kvöld

Sjötta Grand Prix mót T.R. og Skákdeildar Fjölnis verður haldið í kvöld, fimmtudagskvöld, og hefst kl. 19.30. Tefldar verða 7 umferðir með 7 mínútna umhugsunartíma.

Verðlaun verða í boði Senu, Zonets, Smekkleysu, 12 tóna og Geimsteins.  Skákstjórar eru Óttar Felix Hauksson og Helgi Árnason, formenn T.R. og Sd. Fjölnis.

EM landsliða: 11. pistill liðsstjóra

Það vannst sætur sigur á Finnum í gær.  Og nú var það Þröstur Þórhallsson sem dró okkur að landi með sigri á fjórða borði.  Ekki sá besti í íslenskri skáksögu en mikilvægur engu að síður.  Ísland náði 20. sæti, en liðinu var raðað í 31. sæti fyrir mót, sem er besti árangur sem íslenskt lið hefur náð í þessari keppni síðan árið 1992.  Liðið hafnaði reyndar einnig í 20. sæti í Leon árið 2001 en þá voru 34 lið með og árangur því betri nú.  Lið Íslands var næstefst norðurlanda, aðeins Danirnir slógu okkur við en fyrirfram var Ísland það næstlakasta á pappírnum. 

Ísland og Slóvenía voru þær þjóðir sem stóðu sig best miðað við stig en bæði liðin enduðu 11 sætum ofar en meðalstig fyrir mót gáfu til kynna.

Það sem gerir árangurinn enn betri var liðið tefldi allt mótið uppfyrir sig nema gegn Finnunum.  Fjöllum til að byrja lauslega um skákir gærdagsins.

Héðinn samdi „örjafntefli" á fyrsta borði og þar með var helsta vopn Finna Tomi Nyback úr leik.

Henrik gerði einnig öruggt jafntefli á 2. borði með svörtu.

Stefán tefldi á þriðja borði og þar var staðan flókin að mati liðsstjóra og allt stemmdi í bullandi tímahrak.  Skákin leystist upp og Stefán hafði smá frumkvæði en náði ekki að kreista.

Þröstur tefldi og fékk fljótlega eitthvað betra.  Hann snéri smásaman á andstæðinginn og vann góðan sigur.  Eftir skákina kom gullkorn dagsins frá Þresti.  „Nú er ég kominn í stuð"

Með sigrunum náðum við öðru sæti norðurlandaþjóðanna, rétt mörðum Norðmenn.  Magnus Carlsen tapaði loks fyrir serbneskum andstæðingi sínum.  Norðmennirnir voru reyndar heppnir því að ná 2-2 jafntefli þar sem andstæðingur Ketils reyndi að vinna stöðu í stað þess að gera jafntefli og tryggja þar með Serbum 2,5-1,5.  Ótrúleg ákvörðun útfrá hagsmunum liðsins.  Svíarnir lágu fyrir Svartfellingum.  Við fengum reyndar jafnmarga vinninga og Danir, sem unnu Litháa, en færri stig.  Danirnir voru hressir í gærkveldi og sögðust hafa lent í sjöunda sæti.  Hmmmmm, minnir mig á eitthvað. 

Lokastaða norðurlandanna er sem hér segir:

Þjóð	Sæti	Stigaröð	Stig	Vinn
Danmörk	12.	20.	10	19
Ísland	20.	31.	9 (169,5)	19
Noregur	22.	27.	9 (160,5)	19
Svíþjóð	27.	21.	8	18,5
Finnland	31.	34.	7	16,5

Rússarnir unnu Búlgara á fyrsta borði og rúllaði Svidler þvílíkt yfir andstæðing sinn á fyrsta borði en hann fékk 7 vinninga í 8 skákum sem verður að teljast ótrúlegt gegn jafnsterkum andstæðingum.  Rússarnir fengu 17 stig af 18 mögulegum sem verður einnig að teljast ótrúlegt. 

Armenar urðu aðrir með 14 stig og nágrannar Aserar urðu þriðju með 13 stig.

Ivan Sokolov tapaði nú og var sjón að sjá hann þegar hann strunsaði úr skáksalnum.  Mátti ég rétt sleppa frá því að verða á vegi hans en hann var eins og naut í flagi.  Ég held að enginn skákmaður í heimi eigi jafn erfitt með að tapa og hann nema þá helst Kasparov.

Um kvöldið borðuðum við með Sokolov og fór hann á kostum.  Hann kom okkur mikið á óvart með þekkingu sinni á Íslandi og íslenskri sögu. 

Einnig rifjaði hann upp skákina sem hann tapaði fyrir Stefáni Kristjánssyni á EM taflfélaga í Kemer og átti ekki orð yfir eigin frammistöðu.  Hann kenndi Fischer um tapið því hefði ekki verið Fischer-tímamörkin hefði Stefán tapað að hans mati!  Gullkornið dagsins var þó.  „After I lost to Kristjánsson I decided to quit professional chess".

Eitt sérkennilegasta atvik sem ég hef séð á skákmóti og undaskil ég ekki Jólapakkamót Hellis þar sem ýmislegt gerist í yngri flokkunum.  Umrætt atvik gerðist í skák Tiviakov, Hollandi, og Almasi, Ungverjalandi.

Tiviakov hafði 2 hróka gegn hróki og biskupi Ungverjans.  Þeim síðarnefnda virtist reyndar vera misboðið að sá hollenski skyldi tefla áfram og sýndi það með svipbrigðum sínum  Ungverjinn virðist reyndar vera eitthvað hrokafullur því honum virtist einnig vera ferlega misboðið að gera jafntefli við Hannes.

Jæja nóg af útúrdúrum.  Almasi lék gegn Tiviakov og svo leið smá tími og svo lék Almasi aftur!  Tivikov varð auðvitað mjög undrandi á svip en fór svo bara að hlæja og sagði.  „He played 2 moves in a row".  Þetta var svo lagað af skákstjóra en ótrúlegt að sjá svona gerast hjá skákmanni með um 2700 skákstig.  

Förum yfir árangur íslensku skákmannanna:

Hannes fékk 3 vinninga af 7 og stóð sig í samræmi við stig.  Hann átti það til að blöndera í þessu móti sem er óvenjulegt á þeim bæ.  Góður leiðtogi í liðinu en það veitir alltaf eitthvað vissa öryggistilfinningu að vita af honum á fyrsta borði.

Að öðrum ólöstuðum voru það Héðinn og Henrik sem drógu vagninn.  Héðinn náði sínum fjórða stórmeistaraáfanga í röð þ.e. þetta var fjórða mótið í röð sem hann náði árangri yfir 2600 skákstig sem bendir til þess að hann eigi miklar hækkanir inni.  Héðinn fékk 5,5 vinning í 9 skákum og var sá eini í liðinu sem tefldi allar skákirnar og hækkar um 14 stig fyrir frammistöðu sína sem samsvaraði 2662 skákstigum.  Héðinn er nú kominn með 2550 skákstig og ljóst að hann gæti sótt að fyrsta borðinu á komandi mótinu haldi hann þessu flugi.

Henrik stóð sig einnig afar vel.  Frammistaða hans var einnig vel yfir 2600 skákstig eða upp á 2654 skákstig en hann fékk 5 vinning í 8 skákum þrátt fyrir að hafa haft fimm sinnum svart.  Henrik hækkar um 16 stig og er nú kominn aftur yfir 2500 skákstig.  Mjög vel lesinn skákmaður sem undirbjó sig afar vel og átti það til að koma andstæðingum sínum á óvart jafnvel strax í fyrsta leik og það með góðum árangri!.

Stefán fékk 3,5 í 7 skákum.  Fyrir liðsstjóra er martröð að hafa hann í liði en ávallt var mikið á og brjálað tímahrak á ferðinni.  Stefán hækkar um 7 stig fyrir frammistöðuna og nálgast því enn 2500 skákstigin sem hann þarf að ná til að verða útnefndur stórmeistari.  Ég verð að viðurkenna, þrátt fyrir að mér sé það þvert um geð, að Stefán er betri en ég í borðtennis. 

Varamaður ferðarinnar Þröstur Þórhallsson kom sterkur inn á endasprettinum eins og svo oft áður.  Hann fékk 2 vinninga af 5 mögulegum eftir að hafa byrjað brösuglega.  Því miður var bara mótið of stutt fyrir Þröst!  Hann lækkar um 8 stig fyrir frammistöðuna sína.

Samtals hækkar liðið um 30 stig sem þýðir að liðið fékk um 3 vinningum meira en stigin gefa til kynna. 

Sjálfur þakka ég liðinu kærlega fyrir samveruna hér á Krít.  Þetta var gaman þótt það skiptust auðvitað á skin og skúrir.  Gott lið sem náði bara býsna vel saman.  Mikil stemming og góður andi þegar farið var yfir skákirnar saman á kvöldin.  

Héðinn og Henrik voru auðvitað þeir sem drógu og vagninn en Stefán og Hannes stóðu sig einnig fyrir sínu.  Þröstur kom flottur inn á endasprettinum eins og svo oft áður en hann er liðinu ákaflega mikilvægur liðsmaður enda mikill baráttumaður sem smitar út frá sér.  

Að vera liðsstjóri er full vinna því auk þess að fylgjast með liðinu, tilkynna liðið o.þ.h. tel ég hafa skyldur við ykkur úti þarna að koma upplýsingum um gang mála á skákstað.

Skákáhugamönnum þakka ég hvatningarnar og liðinu fyrir skemmtilega samveru.  Björn Þorfinnsson fær sérstakar þakkir fyrir upplýsingaöflun þegar mig vanhagaði um eitthvað slíkt með skömmum fyrirvara.

Mótshaldarar og skipuleggjendur fá plús í kladdann fyrir frábæra skipulagningu og aðbúnað.  Allt til fyrirmyndar auk þess sem Grikkir eru einkar vinalegir og þægilegir í allra umgengi. 

Sérstakt „show" var svo í gær að horfa á leik Real Madrid og Olympikos í hótellobbýinu í gær.  Einn Grikkinn var orðinn svo æstur að þegar boltinn var sendur fram markið Spánverjann á lokamínútunum í gær, stökk hann upp eins og ætlaði að skalla hann í markið!

Heimleiðin er löng og ströng þ.e.: Krít-Aþena-London-Keflavík.  Þessi pistill var að mestu skrifaður í gær en er kláraður í flugvél á milli Aþenu og London og póstaður á netið á Heathrow flugvelli.  

Takk fyrir mig!

Nóg í bili, ekki meir!

Krítarkveðja,
Gunnar

• Heimasíða mótsins
• Skákirnar í beinni
• Chess-Results
• Færslur Skák.is um EM
• Myndaalbúm Skák.is
• Skákhornið (reglulegar skákmolar frá skákstað)

EM landsliða: Sigur gegn Finnum í lokaumferðinni

Viðureign Íslendinga og Finna í lokaumferð Evrópumóts landsliða var að ljúka rétt í þessu. Íslendingar sigruðu, fengu 2½ vinning gegn 1½ vinningi Finnanna. Úrslit á einstökum borðum urðu þessi:

 

14.1	IM	Steingrimsson Hedinn	2533	-	GM	Nyback Tomi	2565	1/2
14.2	GM	Danielsen Henrik	2491	-	IM	Agopov Mikael	2440	1/2
14.3	IM	Kristjansson Stefan	2458	-	IM	Karttunen Mika	2427	1/2
14.4	GM	Thorhallsson Throstur	2448	-	FM	Keskinen Sauli	2298	1-0

 

• Heimasíða mótsins
• Skákirnar í beinni
• Chess-Results
• Færslur Skák.is um EM
• Myndaalbúm Skák.is
• Skákhornið (reglulegar skákmolar frá skákstað)

EM landsliða: Liðsstjórapistill nr. 10

Það var súrt tapið gegn Dönum í dag en viðureignin tapaðist með minnsta mun 1,5-2,5 eftir að hafa litið harla vel út um tíma.  Á morgun mætum við enn einni norðurlandaþjóðinni Finnum og höfum þá mætt þeim öllum nema Svíum.  Jafnframt er þetta í fyrsta skipti sem við teflum niður fyrir okkur allt mótið.

Fyrst að viðureign dagsins.

Henrik og Lars gerðu stutt jafntefli.  Greinilegt að þeim danska (þ.e. Lars!) langaði ekki of mikið að vinna skákina og skipti upp á öllu með hvítu og stutt jafntefli samið.

Á fyrsti borði virtist Hannes hafa a.m.k. jafnað taflið en hann lék illa af sér og tapaði skákinni.

Á öðru borði fékk Héðinn heldur vænlegra tafl og síðar lék Sune af sér og fékk Héðinn unnið tafl.  Héðinn gerði svo mistök þegar drap peð á b7 og Sune náði að knýja fram jafntefli.   Héðinn hefur annars teflt glimrandi vel á mótinu þrátt fyrir þetta slys. 

Á fjórða borði hafði Þröstur hvítt og virtist um tíma hafa vænlegt tafl.  Í lokastöðunni er hins ljóst að þar er ekkert fyrir hann að hafa og var því jafntefli samið.  Ljóst er að svartur getur einfaldlega sett hrók á c7 og riddara og f6 og allt í lás og engin leið fyrir hvítan að kreista fram vinning.  Þröstur mat stöðuna þannig að það væri einfaldlega enginn möguleiki á sigri og treysti ég því mati enda fáfundnari meiri baráttuhundar en einmitt Þröstur eins og íslensku skákheimur veit.

Loks kom að því Rússarnir ynnu ekki.  Kenning mín um fjögur jafntefli var reyndar kolröng því hart var barist í viðureign þeirra og Spánverja þótt hún endaði með skiptum hlut.  Rússarnir hafa engu að síður tryggt sér sigur á mótinu, hafa 15 stig.  Ísraelar og Armenar koma næstir með 12 stig. 

Hlutirnir í „norðurlandamótinu" eru fljótir að breytast því með tapinu hrukku Íslendingar niður í fjórða sæti og eru í 25. sæti með 7 stig og 16,5 vinning.  Danir eru efstir, Norðmenn aðrir eftir 2-2 jafntefli gegn Svartfellingum og Svíar gerðu gott jafntefli gegn Hollendingum þar sem TG-ingurinn Cicak batt enda á sigurgöngu Ivans.  Vonandi að náum að rétta okkar hlut okkar eitthvað á morgun með góðum úrslitum gegn Finnum. 

 

 

Staða norðurlandanna er sem hér segir:

Þjóð	Sæti	Stigaröð	Stig	Vinn
Danmörk	16.	20.	8	16,5
Noregur	21.	27.	8	17
Svíþjóð	23.	21.	7	15,5
Ísland	25.	31.	7	16,5
Finnland	28.	34.	7	15

Þrátt fyrir hól úr óvæntri átt á horninu í gær hef ég lítið af spennandi „insight information" núna.  Hannes hvílir eins og áður hefur komið fram.  Westerinen hvílir hjá Finnunum en honum hafa verið mislagðar hendur á mótinu.  

Skákin byrjar kl. 9 og sjálfsagt mun ég láta reglulega í mér heyra með SMS-sendingum til Björns.  Ég treysti áfram á góðu strauma að heima eins og hingað til.  Ég veit ekki hvenær ég næ að birta lokapistilinn.  Á morgun er langt ferðalag til Íslands með þremur flugum fyrst til Aþenu, kl. 7 í fyrramálið, svo London og að lokum Reykjavíkur. 

Nóg í bili, meira............seinna!

Krítarkveðja,
Gunnar

• Heimasíða mótsins
• Skákirnar í beinni
• Chess-Results
• Færslur Skák.is um EM
• Myndaalbúm Skák.is
• Skákhornið (reglulegar skákmolar frá skákstað)

 

EM landsliða: Finnar í lokaumferðinni

Íslendingar mæta Finnum í lokaumferð Evrópumóts landsliða sem fram fer í fyrramálið á Krít í Grikklandi.  Hannes Hlífar hvílir í liði Íslands en Westerinen hvílir hjá Finnlandi.

 

 

 

 

 

Viðureign morgundagsins:

Bo.	31	ICELAND (ISL)	Rtg	-	34	FINLAND (FIN)	Rtg	0 : 0
14.1	IM	Steingrimsson Hedinn	2533	-	GM	Nyback Tomi	2565
14.2	GM	Danielsen Henrik	2491	-	IM	Agopov Mikael	2440
14.3	IM	Kristjansson Stefan	2458	-	IM	Karttunen Mika	2427
14.4	GM	Thorhallsson Throstur	2448	-	FM	Keskinen Sauli	2298

• Heimasíða mótsins
• Skákirnar í beinni
  
• Chess-Results
• Færslur Skák.is um EM
• Myndaalbúm Skák.is
• Skákhornið (reglulegar skákmolar frá skákstað)

EM landsliða: Danmörk - Ísland 2½-1½

Íslendingar mættu Dönum í áttundu og næstsíðustu umferð EM-landsliða. Fyrstu skákinni lauk með stuttu jafntefli. Það var Henrik Danielsen sem gerði jafntefli við fyrrum landa sinn Lars Schandorff. Það er ekki hægt að segja að næstu tíðindi úr viðureigninni hafi glatt landann, því Hannes lék illa af sér strax í 18. leik, fékk tapað tafl og varð að gefast upp skömmu síðar. Það leit hins vegar út fyrir að Héðinn Steingímsson mundi bæta fyrir fingurbrjót Hannesar með sigri gegn Sune Berg Hansen á öðru borði. Þrátt fyrir vænlega stöðu gekk það þó ekki eftir og niðurstaðan var jafntefli eftir 38 leiki. Þá var einungis skák Þrastar á fjórða borði eftir og henni lauk einnig með jafntefli eftir nokkrar sviptingar. Niðurstaðan varð því naumt tap gegn danska liðinu.

	SM	Peter Heine Nielsen	2626	-	SM	Stefansson Hannes	2574	1-0
	SM	Sune Berg Hansen	2564	-	AM	Steingrimsson Hedinn	2533	1/2
	SM	Lars Schandorff	2520	-	SM	Danielsen Henrik	2491	1/2
	AM	Karsten Rasmussen	2495	-	SM	Thorhallsson Throstur	2448	1/2

 

• Heimasíða mótsins
• Skákirnar í beinni
  
• Chess-Results
• Færslur Skák.is um EM
• Myndaalbúm Skák.is
• Skákhornið (reglulegar skákmolar frá skákstað)