Caruana vann fjórðu skákina í röð! - hefur tveggja vinninga forskot

Fabiano Caruana (2801) fer mjög mikinn á Sinquefield Cup-mótinu en hann hefur 4 vinninga af 4 mögulegum á þessu sterkasta móti sögunnar (sé miðað við meðalstig). Í gær vann hann Aronian (2805). Carlsen (2877) gerði jafntefli við Topalov (2772). Sömu úrslit urðu í skák MVL (2768) og Nakamura (2787). MVL er annar á mótinu með 2 vinninga.

Staðan:

• 1. Caruana (2801) 4 v.
• 2. Vachier-Lagrave (2768) 2 v.
• 3.-6. Carlsen (2877), Nakamura (2787), Aronian (2805) og Topalov (2772) 1,5 v.

Séu lifandi skákstig (live chess ratings) skoðuð er Caruana nú kominn upp í 2821 skákstig og er nú "aðeins" 39 stigum á eftir Carlsen. Hann er kominn með 23 skákstigaforskot á Aronian sem er þriðji og er greinilega að stimpla sig inn sem næstbesta skákmann heims og virðist vera helsta ógn heimsmeistarans um þessar mundir.

Fína umfjöllun um fjórðu umferð má lesa á Chess.com.

Fjórða umferð hefst í kvöld kl. 19.  Þá mætast Nakamura-Caruana, Aronian-Carlsen og Topalov-MVL.

• Heimasíða mótsins
• Beinar útsendingar