NM stúlkna hefst í dag

Norðurlandamót stúlkna fer fram í Reykjavík 27.-29. ágúst nk.  Teflt er í skákmiðstöðinni, Faxafeni 12.  Þetta er í fjórða skipti sem keppnin fer fram og í fyrsta skipti sem hún fer fram á Íslandi.  Þátt taka 34 stúlkur, í þremur flokkum, frá öllum Norðurlöndunum nema Finnlandi

Þar af eru 13 íslenskar stúlkur.  Þrjár af íslensku stúlkunum munu tefla fyrir Íslands hönd á ólympíuskákmótinu í haust.  Keppendur eru á aldrinum 12-20 ára.  

Mótið átti upphaflega að fara fram í apríl en eldgosið í Eyjafjallajökli varð til þess að fresta þurfti mótinu.

Mótið hefst föstudaginn 27. ágúst með fyrstu umferð.  Katrín Jakobsdóttir menntamálaráðherra mun setja mótið og leika fyrsta leik þess.

Fulltrúar Íslands á mótinu eru:

A-flokkur (1990-1993):

• Hallgerður Helga Þorseinsdóttir (1995)
• Jóhanna Björg Jóhannsdóttir (1781)
• Tinna Kristín Finnbogadóttir (1781)
• Sigríður Björg Helgadóttir(1685)

Alls tefla 10 stúlkur í riðlinum.   Hallgerður, Jóhanna og Tinna eru allar í ólympíuliði Íslands á Ólympíuskákmótinu sem fram fer í september-október í Síberíu. Hin sænska Inna Agrest (dóttir stórmeistarans Evgenij Agrest) er stigahæst keppenda. 

B-flokkur (1994-96):

• Hrund Hauksdóttir (1588)
• Hulda Rún Finnbogadóttir (1185)
• Elín Nhung

Alls tefla 10 stúlkur b-riðli.  Meðal keppenda má nefna hina norku Ingrid Öen Carlsen, systir Magnusar, stigahæsta skákmanns heims.  

C-flokkur (1997-):

• Sóley Lind Pálsdóttir (1060)
• Donika Kolica
• Hildur Berglind Jóhannsdóttir
• Sonja María Friðriksdóttir
• Tara Séoley Mobee
• Veronika Steinunn Magnúsdóttir

Alls tefla 14 stúlkur í c-riðli.

Keppendalista má finna á Chess-Results.  Sex skákir í hverri umferð (tvær úr hverjum riðli) verða sýndar beint alla mótshelgina.

Dagskrá mótsins:

• 1. umferð, föstudaginn, 18:30
• 2. umferð, laugardaginn 28. ágúst, kl. 10
• 3. umferð, laugardaginn, 28. ágúst, kl. 16:30
• 4. umferð, sunnudaginn, 29. ágúst, kl. 10
• 5. umferð, sunnudaginn, 29. ágúst kl. 16:30
• Verðlaunaafhending er áætluð um um 21:-21:30