Skákþáttur Morgunblaðsins: Friðrik og Larsen í Dundee 1967

Fyrir 50 árum kl. 10 að morgni settust að tafli Friðrik Ólafsson og danski stórmeistarinn Bent Larsen. Þetta var síðasta umferð alþjóðlegs móts í Dundee í Skotlandi sem haldið var í tilefni þess að 100 árum fyrr hafði farið fram í borginni skákmót, hið fjórða alþjóðlega í skáksögunni og meðal keppenda var Wilhelm Steinitz síðar heimsmeistari.

Baráttan sem Friðrik og Larsen útkljáðu þennan dag stóð í næstum níu klukkustundir án þess að hlé væri gert; þetta var síðasta umferð mótsins og vegna þess hve lengi viðureignin stóð var lokahófið sett í bið en alls kyns fyrirmenn höfðu verið kvaddir til þess , þ. á m. borgarstjórinn, hinn háæruverðugi Provst lávarður sem annað veifið vitjaði skáksalarins og glamraði allnokkuð í keðju hans. Skákin snerist um það hvort Friðrik næði Svetozar Gligoric að vinningum eða Larsen með sigri tækist að komast upp við hlið Friðriks í annað sætið.

Þung undiralda einkenndi baráttuna framan af, strategía Larsens minnti á skæruhernað sem bar lítinn árangur þó þar sem stöðuuppbygging Friðriks var heilsteypt og traust og sjálfur gat hann reynt ýmsar smábrellur – sjá 26. leik. Þegar leið á þessa löngu setu var eins og spennan milli þeirra félaga ykist og baráttan yrði æ persónulegri.

Friðrik lét skiptamun af hendi í 37. leik en minnugur þess hversu viðsjárverður Friðrik var þegar þannig stóð á liðsafla kaus Larsen að svara í sömu mynt; í 49. leik var eins og hann segði:

„Skítt með þínar skiptamunarfórnir. Hér hefur þú hrókinn, lagsi.“ Friðrik lét sér fátt um finnast, hirti fenginn en stillti síðan óvaldaðri drottningu sinni upp. Þetta kostaði mikil heilabrot Larsens og tímahrak en þegar hrókur Friðriks ruddist til b2 blasti sigurinn við. Hann þurfti einn snjallan hróksleik til að klára dæmið en seildist eftir peði sem hafði verið að þvælast fyrir honum og Larsen greip tækifærið:

Bent Larsen – Friðrik Ólafsson

Sikileyjarvörn

1. e4 c5 2. Rf3 d6 3. Bb5+ Bd7 4. a4 Rc6 5. O-O Rf6 6. d3 g6 7. Rbd2 Bg7 8. Rc4 O-O 9. He1 a6 10. Bxc6 Bxc6 11. a5 Rd7 12. Bg5 f6 13. Bd2 d5 14. exd5 Bxd5 15. Re3 Bf7 16. Rg4 g5 17. Re3 e6 18. Bc3 Bh5 19. De2 He8 20. Rc4 Dc7 21. De3 Bg6 22. Rfd2 e5 23. De2 Rf8 24. Re4 Had8 25. Df3 Dc6 26. Hab1 g4 27. Dg3 Re6 28. Red2 Rd4 29. Bxd4 Hxd4 30. Rb3 Hf4 31. De3 Bf8 32. Hbd1 Hd8 33. De2 h5 34. Re3 Bf7 35. c4 Da4 36. Dc2 Dc6 37. g3 Hfd4 38. Rxd4 cxd4 39. Rf5 Bd5 40. Dd2 Bf3 41. Hb1 Dd7 42. Rh4 Bc6 43. b4 Kh7 44. Da2 Bh6 45. b5 axb5 46. cxb5 Bd5 47. Da3 Hc8 48. a6 b6 49. Hec1 Bxc1 50. Hxc1 Dd6 

 

51. Da1 Hc5 52. h3 Hxb5 53. Da4 Dc6 

54. Dd1 Dd7 55. Kh2 Hb2 56. De1 Ba8 57. hxg4 hxg4 58. Hc4 Bd5 59. Hb4 Hc2 60. Hxb6 Dc8 61. Db4 Hxf2 62. Kg1 Ha2 63. De7 Kg8 64. Hb1.

 

Klukkan var nú langt gengin í sjö og sigurinn vís leiki svartur 64. ... Hh2!

64. ... Hxa6?? 65. Rf5!

Riddarinn sem steig til hliðar í 42. leik stekkur skyndilega inn á sviðið og gerir út um taflið.

65. ... Df8 66. Rh6+!

Svartur gafst upp, 66. ... Dxh6 er svarað með 67. Hb8+ og mátar.

C.H.O.D. Alexander – ein söguhetjan úr kvikmyndinni Imitation Game – lét þess getið í grein sem hann skrifaði um mótið í Daily Express að það myndi líða langur tími þar til Bent Larsen yrði svo heppinn aftur.

Helgi Ólafsson [e-mail]

------------------

Skákþættir Morgunblaðsins eftir Helga Ólafsson birtast u.þ.b. viku síðar á Skák.is.

Grein þessi birtist í Morgunblaðinu 15. júlí 2017

Skákþættir Morgunblaðsins

Hannes hóf Czech Open með sigri - Jóhann sest að tafli í Helsingör í dag - báðir í beinni

Í gær hófst opna tékkneska mótið í skák (Czech Open). Stórmeistarinn Hannes Hlífar Stefánsson (2530) er meðal keppenda í a-flokki mótsins og Sigurður Ingason (1870) teflir í b-flokki. Hannes vann Grikkjann Ioannis Poulopoulos (2252) í fyrstu umferð en Sigurður tapaði sinni skák. Í dag teflir Hannes við annan Grikkja. Að þessu sinni FIDE-meistarann Janusz Koscielski (2354). Hægt er að fylgjast með skák Hannesar í beinni á Chess24. 

602 skákmenn frá 42 löndum tefla í efsta flokki mótsins og þar af 46 stórmeistarar. Hannes er nr. 20 í stigaröð keppenda.

• Heimasíða mótsins
• Chess-Results
• Beinar útsendingar á Chess 24 (hefjast kl. 13)

Xtracon-mótið (áður Politiken Cup) hefst í Helsingör í dag. Fimm íslenskir skákmann taka þátt og þar er fremstur í flokki nýkrýndur Norðurlandameistari, Jóhann Hjartarson (2541). Jóhann er nr. 21 í stigaröð um 440 keppenda en þar á meðal eru 24 stórmeistarar. Aðrir fulltrúar landans eru Hilmir Freyr Heimisson (2215), Magnús Magnússon (2005), Hörður Garðarsson (1710) og Pétur Pálmi Harðarson . Einnig er hinn íslenskættaði Baldur Teodor Peterson (2086) meðal keppenda.

Umferð dagsins hefst kl. 12. Ekki er búið að para í hana. 

• Heimasíða mótsins
• Chess-Results
• Beinar útsendingar (verða væntanlega einnig á Chess24).

Óvæntir forystusauðir í Dortmund

Þegar fjórum umferðum af sjö er lokið á Dortmund-mótinu eru Þjóðverjinn Matthias Blubaum (2642) og Pólverjinn Radoslaw Wojtaszek (2736) nokkuð óvænt efstir. Þeir hafa hlotið 2,5 vinninga. Ekki munar reyndar nema einum vinningi á efstu og neðstu mönnum en Vladimir Kramnik (2812) vermir botnsætið.

Mótinu er framhaldið í dag. Þá teflir Kramnik við MVL (2791). Í síðustu umferð vakti stórfengleg varnartaflmennska Dmitry Andreikin gegn Blubaum mesta athygli.

Um gang mála má lesa ítarlega um á Chess24.

Mynd af heimasíðu mótsins (Georgios Souleidis).

 

• Heimasíða Dortmund-mótsins
• Beinar útsendingar (kl. 13:30)

 

Borgarskákmótið verður haldið mánudaginn 14. ágúst

Borgarskákmótið fer fram mánudaginn 14. ágúst, og hefst það kl. 16:00. Mótið fer fram venju samkvæmt í Ráðhúsi Reykjavíkur og standa  Taflfélag Reykjavíkur og Skákfélagið Huginn, að mótinu, eins og þau hafa gert síðustu ár. Gera má ráð fyrir að margir af sterkustu skákmönnum þjóðarinnar taki þátt í því. Skákmenn eru hvattir til að skrá sig sem fyrst eftir að opnað verður fyrir skráningu. Mótið verður reiknað til hraðskákstiga og er öllum opið og er þátttaka ókeypis en skráning fer fram á Skák.is

Einnig er hægt að skrá sig í í síma 866 0116 (Vigfús) og 862 0099 (Kjartan). Skráningu á skákstað verður lokað kl. 15:50 fyrir mótið. Tefldar verða 7 umferðir með umhugsunartímanum 4 mínútur + 2 sekúndur á leik. Þetta er í 32. sinn sem mótið fer fram og er þetta iðulega eitt best sótta skákmót hvers árs. Í fyrra sigraði Helgi Áss Grétarsson, sem þá tefldi fyrir Suzuki bíla.

Verðlaun:

1. 30.000 kr.
2. 20.000 kr.
3. 10.000 kr.

Upplýsingar um þegar skráða keppendur má finna hér.

Magnús Gunnarsson látinn

Selfyssingurinn Magnús Gunnarsson lést 16. júlí sl. 74 ára að aldri. Magnús var fæddur 17. júní 1943. Magnús var sterkur skákmaður og tefldi oft á tíðum á fyrsta borði Selfyssinga á Íslandsmóti skákfélaga. Hann var fastagestur á öðlingamótum TR á meðan heilsan leyfði. Magnús var einnig sterkur bréfskákmaður. 

Jarðarförin verður í Selfosskirkju á morgun, föstudaginn, 21. júlí, kl 15:00.

Hans Tikkanen sænskur meistari

Ritstjóra varð heldur á betur á messunni um daginn þegar frétt þess efnis að Oskar Von Bahr hefði orðið sænskur meistari í skák. Ritstjóri horfði þá á úrslit áskorendaflokksins! Skákmeistari Svíþjóðvar varð Hans Tikkanen (2503) en hann hlaut 6,5 vinninga í 9 skákum. Í 2.-3. sæti urðu Tiger Hillarp Persson (2509) og Nils Grandelius (2642) urðu í 2.-3. sæti með 6 vinninga.

Fjórði meistaratitill Tikkanens. 

Lokastöðuna má finna hér.

Nánar á heimasíðu sænska skáksambandsins.

Róbert Lagerman er hraðskákmeistari Vinaskákfélagsins 2017

Frábæru skákmóti í Vin þ.e. Opna meistaramót Vinaskákfélagsins í hraðskák var haldið mánudaginn 17 júlí 2017. Fjölmenni komu á mótið eða 26 tóku þátt. Keppt var bæði úti og inni og tókst mótið einstaklega vel. Starfsfólk Vinjar tók vel á móti skákmönnum með kaffi, vöfflum og eplakaka með ís. Við í Vinaskákfélaginu þökkum starfsfólki fyrir frábærar veitingar.

1. sæti.

Sigurvegari varð Ólafur Thorsson með 5,5 vinninga.

2. sæti

Í öðru sæti og efstur Vinaskákfélags manna varð Róbert Lagerman með 5 vinningar og fékk hann eignarbikar í sinn hlut. Róbert Lagerman er því hraðskákmeistari Vinaskákfélagsins 2017.

3. sæti

Þriðji varð svo Eiríkur K. Björnsson með 4,5 vinninga.

Hópmynd

Í lokin var tekin hópmynd af þáttakendum.

Lokastöðuna má finna á Chess-Results.

Nánar á heimasíðu Vinaskákfélagsins.

Opna meistaramót Vinaskákfélagsins í hraðskák fer fram í dag

Opna meistaramót Vinaskákfélagsins í hraðskák verður haldið í Vin, Hverfisgötu 47 mánudaginn 17 júlí klukkan 13:00.

Tefldar verða 6 umferðir með 7 mínútur á skák. Eins og undanfarin sumur þá verður teflt bæði inni og úti ef veður leyfir.

Að hætti hússins þá verða veittar frábærar veitingar í hlé.

Skákstjóri verður Róbert Lagerman. Verðlaun verða með hefðbundum hætti, gull, silfur og bronze peningar og einnig verður í verðlaun eignarbikar til efsta manns í Vinaskákfélaginu.

Skráning fer fram á Skák.is (guli kassinn). Einnig er hægt að skrá sig á staðnum. Upplýsingar um þegar skráða keppendur má finna hér. 

Mótið er reiknað til alþjóðlegra hraðskákstiga. 

 

Radjavob sigurvegari Genfar-mótsins

FIDE Grand Prix-mótinu í Genf lauk í gær. Aserinn Teimour Radjabov (2724) kom sá og sigraði á móintu. Hann hlaut 6 vinninga í 9 skákumm. Í 2.-3. sæti með 5,5 vinning urðu rússnesku landsliðsmennirir Alaxander Grischk (2761) og Ion Nepomniachtchi (2742). 

Staðan á Grand seríunni en þú að Mamedyarova (340) en Grischuk (336) eru efstir. Þeir hafa hins vegar lokið þátttöku - hafa teflt í þremur Grand Prix-mótinu. Radjabov (241), Ding Liren (240) og MVL (211) sem allir tefla í loka Grand Prix-mótinu í nóvember getað náð þeim að stigum. Í boði eru tvö sæti á áskorendafmótinu sem fram fer að ári. 

Nánar á Chess.com.

 

Skákþáttur Morgunblaðsins: Kasparov snýr aftur

Það kemur fáum á óvart núorðið að Magnús Carlsen vinni mót en yfirburðir hans voru miklir á öðu móti bikarsyrpunnar sem lauk um síðustu helgi í Leuven í Belgíu. Hann tapaði aðeins tveim skákum og viningshlutfall hans var tæplega 75%. Í Belgíu – eins og í París á dögunum – tefldu 10 skákmenn einfalda umferð at-skáka og tvöfalda umferð hraðskáka, samtals 27 skákir. Tvö stig gefin fyrir sigur í at-skákinni og eitt fyrir sigur í hraðskákunum sem voru helmingi fleiri og þannig reynt að leita jafnvægis. Lokaniðurstaðan varð þessi:

1. Carlsen 25,5 stig ( 20 v. af 27 ) 2. So 22,5 stig 3. Vachier-Lagrave 22 stig 4. Giri 20 stig. Neðar komu Kramnik, Aronjan, Nepomniachttchi, Anand, Ivanchuk og Jobava.

Á HM í hraðskák undanfarin ár hafa tímamörkin verið 3 2 sem hentar betur yngri keppendunum. Þess vegna fannst ýmsum það vel til fundið hjá Garrí Kasparov, sem er einn skipuleggjenda syrpunnar, að bæta nokkrum sekúndum við klukkuna! Sá grunur læddist að mönnum að nú væri svo komið fyrir þessum gamla baráttujaxli að hann saknaði baráttunnar við skákborðið. Hann hætti á toppnum árið 2005 til að einbeita sér að rússneskum stjórnmálum. Þess vegna voru flestir búnir að afskrifa þann möguleika að hann sneri aftur til keppni. Eða þar til á miðvikudaginn að hann upplýsti að hann ætlaði sér nú að taka fullan þátt í bikarsyrpunni, Grand chess tour, og fyrsta verkefni hans væri að tefla á þriðja mótinu sem hefst 14. ágúst nk. í Saint Louis í Bandaríkjunum.

Skákir með styttri umhugsunartíma sem sýndar hafa verið beint á fjölmörgum vefsvæðum hafa ótvírætt skemmtilgildi. Mistökin eru mýmörg í nánast hverri skák og þau gera baráttuna bara skemmtilegri! Á lokaspretti mótsins í Belgíu, þ.e. í hraðskákunum, atti Magnús kappi við Frakkann Vachier-Lagrave. Ekki leist sérfræðingum Chess24.com þeim Yasser Seirawan og Nigel Short vel á byrjunataflmennsku Magnúsar þó að sá síðarnefndi hefði raunar bent á að svona hefðu enskir skákmenn teflt á fyrsta opinbera skákmótinu sem haldið var í London árið 1851.

Magnús var ekkert að telja peðin en peð sem braust fram til d6 þrengdi mjög að stöðu svarts og réði síðar úrslitum:

Magnús Carlsen – Vachier Lagrave

Enskur leikur

1.c4 e5 2. e3 Rf6 3. Rc3 Rc6 4. g4 Bb4 5. g5 Bxc3 6. bxc3 Rg8 7. d4 Dxg5 8. d5 Rd8 9. d6 c6 10. Rf3 Df5 11. Hg1 Re6 12. e4!? Dxe4 13. Be3

Hótar að fanga drottninguna með 13. Bd3.

13.... Df5 14. Rg5 Rf4 15. Bxf4 Dxf4 16. Hg4 Df6 17. Re4 Dh6 18. Df3 Rf6?

Misráðinn leikur. Svarta staðan er prýðisgóð eftir 18.... g6.

19. Hxg7! Dxg7 20. Rxf6+ Kd8 21. Df5!

Skyndilega er hvítur kominn með hartnær unnið tafl.

21.... He8 22. Rxe8 Kxe8 23. c5 b5 24. Bd3 f6 25. Ke2 Kf7 26. Hh1 Hb8 27. Kf1 Dg6 28. Df3 Dh6 29. Hg1 Ba6 30. Dg4 Hd8 31. Hg3 e4 32. Dxe4 He8 33. Dg4 Bc8 34. Kg2 Dg5 35. Df3 Dd5 36. Dxd5 cxd5 37. Bxh7 He5 38. f4 He2 39. Kf1 Hxh2 40. Bg8+ Kf8 41. Bxd5 Hh8 42. Kf2

Skákvélarnar fundu enga raunverulega galla á taflmennsku hvíts allt frá 19. leik. Nú ræðst kóngurinn fram og gerir út um taflið.

42.... Ba6 43. Ke3 Ke8 44. Kd4 Kd8 45. Hg7 Bc8 46. c6 dxc6 47. Bxc6 a5 48. Kc5

– Síðustu leikina léku keppendur leifturhratt en sú sá Vachier-Lagrave sæng sína uppreidda og gaf skákina.

------------------

Skákþættir Morgunblaðsins eftir Helga Ólafsson birtast u.þ.b. viku síðar á Skák.is.

Grein þessi birtist í Morgunblaðinu 8. júlí 2017

Skákþættir Morgunblaðsins