Skákþáttur Morgunblaðsins: Anand ver heimsmeistaratitilinn gegn Gelfand á næsta ári

Áskorendakeppninni sem hófst í byrjun maí í Kazan í Rússlandi lauk með því að Ísraelsmanninum Boris Gelfand tókst að vinna síðustu einvígisskákina og þar með einvígið 3½:2½. Af 30 kappskákum sem tefldar voru í Kazan lauk 27 með jafntefli. Þótt keppnin hafi verið vel skipulögð telst hún vart marktæk því þarna vantaði meistara á borð við Magnús Carlsen og Vasilí Ivantsjúk. Hjáseta Magnúsar olli vonbrigðum en hann telur heimsmeistarakeppnina ekki í takt við nútímann. Gagnstætt sjónarmið heyrist oft; að ákveðin íhaldssemi sé æskileg - að heimsmeistaratitillinn eigi að vinnast í einvígi.

Greinarhöfund rekur ekki minni til að í heimsmeistaraeinvígjunum, sem hófust í lok 19. aldar, hafi mótstöðumennirnir báðir verið komnir yfir fertugt, Anand fæddist 1969 og Gelfand 1968. Viktor Kortsnoj stóð á fimmtugu þegar hann tefldi við þrítugan Karpov í Merano á Ítalíu 1981 og Botvinnik var 50 ára þegar hann vann titilinn af 24 ára gömlum Mikhail Tal árið 1961.

Anand og Gelfand eru báðir af „gamla skólanum". Þeir hlutu skákuppeldi sitt þegar tímamörkin voru 2½ klst. á 40 leiki, biðskákir voru við lýði og menn roguðust með 10-15 kíló af skákbókum og -blöðum á milli móta. Annað nesti sem hefur enst þeim býsna vel eru heimsmeistaraeinvígin fimm sem Kasparov og Karpov háðu árin 1984-'91.

Boris Gelfand tefldi á 1. borði Sovétmanna á síðasta ólympíumóti gamla skákstórveldisins árið 1990 er þrátt fyrir góða frammistöðu á síðustu árum er hann ekki talinn eiga mikla möguleika gegn Anand sem er honum fremri á nær öllum sviðum skákarinnar. Anand hafði yfirburði í sex skáka einvígi sem hann háði við Alexei Shirov í Leon á Spáni á dögunum og vann 4½:1½. Shirov rataði í mikil vandræði gegn CaroKannvörninni og tapaði tvisvar, fyrst í aðeins 17 leikjum og með tilþrifum í þeirri fimmtu:

Alexei Shirov - Wisvanathan Anand

Caro-Kannvörn

1. e4 c6 2. d4 d5 3. e5 Bf5 4. h4

Þriðja skákin gekk þannig fyrir sig: 4. g4 Bd7 5. c4 e6 6. Rc3 c5!? 7. cxd5 exd5 8. dxc5 Bxc5 9. Bg2 Re7 10. h3 Db6 11. De2 0-0O 12. Rf3 d4 13. Re4 Bb5! 14. Dd2 Rbc6 15. a3 Rg6 16. b4 Be7 17. Bb2 Hfd8 - og nú var Shirov búinn að fá nóg og gafst upp!

4.... h5 5. Bg5 Db6 6. Bd3 Bxd3 7. Dxd3 Da6 8. Df3 e6 9. Re2 c5 10. c3 Rc6 11. Rd2 Rge7 12. Rb3 cxd4 13. cxd4 Rf5 14. 0-0 Be7 15. Bxe7 Rcxe7 16. g3 b6 17. Rf4 g6 18. Rh3 0-0 19. Df4 De2 20. Hfd1 Hac8 21. Hd2 Dg4 22. Dxg4 hxg4 23. Rg5 a5!

Svarta staðan er betri vegna þess að peðastaða hans er mun heilsteyptari.

24. f3 Hc4 25. Kf2 Hfc8 26. fxg4 Rh6 27. Had1 a4 28. Ra1 Rxg4+ 29. Kf3 Rh6 30. Kf4

Annar möguleiki var 30. g4 a3! 31. bxa3 Hc3+ 32. Hd3 Hxd3+ 33. Hxd3 Hc1 34. Rb3 Hg1 o.s.frv.

30.... Ref5 31. Rf3 b5 32. Re1

Nú setur Anand af stað magnaða atburðarás.

32.... f6! 33. exf6

- sjá stöðumynd-

33.... e5+! 34. Kxe5 Re3 35. Hb1 He8+ 36. Kf4 Hc6!

Allir menn svarts taka skyndilega þátt í atlögu að hvíta kónginum.

37. Kg5 He4 38. Kxh6 Hg4?

Best var 38.... Rg4+ t.d. 39. Kxg6 Hxf6+ 40. Kg5 Kg7! með óverjandi hótun: 41.... Hg6+ 42. Kf5 Rh6 mát. Nú getur Shirov bjargað jafntefli með 39. f7+! Kxf7 40. Kh7! en missir af tækifærinu.

39. Hf2? Rf5+ 40. Hxf5 gxf5 41. Kh5 Hc7!

- og Shirov gafst upp.

Helgi Ólafsson | [e-mail]

Skákþættir Morgunblaðsins eru birtir á Skák.is u.þ.b. viku síðar en í blaðinu sjálfu.  

Grein þessi birtist í Sunnudagsmogganum, 12. júní 2011.

Skákþættir Morgunblaðsins

Hjörvar Steinn tók 50 skákir a 17. júní

Skákakademíra Reykjavikur tefldi Hjörvari Steini Grétarssyni, nýkomnum frá Búdapest með aáfanga að Alþjoðlegum titli í vasanum, fram gegn þeim sem þorðu við útitaflið þann 17.júní.

Hundruð manna kíktu a kappann þar sem hann stoð i ströngu, enda þorðu svo margir að biðröð myndaðist og ekki eitt autt borð, af þeim fjórtán sem voru i gangi i einu, í tvo og hálfan tíma. Fjörutíu og þrír efnilegir eða þrælsterkir skakmenn komust að og sumir voru ósáttir við að tapa í hörkuskákum og skoruðu umsvifalaust aftur a meistarann. Þeirra a meðal voru Vignir Vatnar Stefánsson, hinn smái en knái, sem sigraði glæsilega og Kanadamaðurinn David Mendelson sem naði jöfnu og var himinlifandi. Ingvar Egill Vignisson náði að landa sigri og Aðalsteinn Thorarensen og Leo Curtis, sex ára, gerðu jafntefli.

Þegar taflmennsku atti að vera lokið, klukkan fjögur,  var enn biðröð og nokkrir komust að aður en borðin voru tekin saman og siðasta skákin klaraðist uppúr hálffimm. Þa var Hjörvar búinn að ganga í hringi í tvo og hálfan tíma og hélt griðarlega góðum meðalhraða. Hann stóð sig eins og sönn hetja.

Þatttakendur komu m.a.  frá Þýskalandi, Bandaríkjunum, Kanada, Nýja Sjálandi og Serbíu og voru hörkuskákmenn þarna a meðal.

Við útitaflið var stanslaust teflt og naut viðburðurinn verðskuldrar athygli.

Umsjón viðburðarins var í öruggum höndum Arnars Valgeirssonar.

Fjöltefli Hjörvars

 

Rúnar sigurvegari í Trékyllisvík

Rúnar Sigurpálsson sigraði á aðalmóti skákhátíðinnar á Ströndum sem fram fór í Trékyllisvík í gær.  Rúnar hlaut 8,5 vinning í 9 skákum og sló þar við engum öðrum en Jóhanni Hjartarsyni sem var annar með 8 vinninga.  Björn Ívar Karlsson, Róbert Lagerman og Þorvarður F. Ólafsson urðu í 3.-5. sæti með 6,5 vinning.

Óvænt úrslit settu svip sinn á mótið og mátti margur góður skákmaðurinn lúta í gras fyrir ungum og efnilegum skákmönnum.  Engin nöfn verða þau nefnd í þau sambandi á þessu stigi.  43 skákmenn tóku þátt.  

Eftir skákmótið og leikinn gegn Dönum var tekinn fótboltaleikur á milli Strandamanna og (Stranda)Glópa.  Glóparnir höfðu betur 7-5 í hörkuleik þar sem einn Glópanna setti þrennu.

Nánar verður fjallað um mótið síðar og myndir væntanlegar.   Rétt er þó geta þess að Róbert Lagerman var valinn heiðursmaður mótsins og Heimir Páll Ragnarsson fékk verðlaun fyrir bestan klæðnað.  

Á morgun verður hraðskákmót á Kaffi Norðurfirði þar sem bestu hamborgarar landsins ku víst fást.

Heildarúrslit mótsins:

Place Name                           Score M-Buch. Buch. Progr.

  1   Rúnar Sigurpálsson             8.5      39.5  51.5   43.0
  2   Jóhann Hjartarson              8        43.0  55.0   40.0
 3-5  Björn Ívar Karlsson            6.5      42.5  55.5   35.5
      Róbert Lagerman                6.5      41.0  52.5   33.5
      Þorvarður Ólafsson             6.5      36.5  48.5   32.5
 6-9  Guðmundur Gíslason             6        39.5  52.0   34.0
      Eiríkur Björnsson              6        38.5  51.0   33.0
      Stefán Þór Sigurjónsson        6        38.5  50.0   34.0
      Einar Valdimarsson             6        34.0  42.5   31.0
10-13 Vigfús Ó. Vigfússon            5.5      37.0  47.5   29.5
      Jón Kristinn Þorgeirsson       5.5      36.5  46.5   34.0
      Csaba Daday                    5.5      34.5  44.0   26.5
      Jörundur Þórðarsson            5.5      32.0  41.5   27.0
14-20 Stefán Bergsson                5        35.0  45.0   27.0
      Hrund Hauksdóttir              5        33.5  42.0   24.5
      Stefán Karlsson                5        33.0  44.5   24.0
      Hjörtur Jóhannson              5        32.0  39.5   23.0
      Jón Birgir Einarsson           5        31.5  40.5   23.0
      Gunnar Björnsson               5        30.5  38.5   23.0
      Heimir Páll Ragnarsson         5        28.0  36.5   22.0
21-23 Gunnar Nikulásson              4.5      35.0  44.0   26.0
      Böðvar Böðvarsson              4.5      34.0  42.0   22.5
      Óskar Long Einarsson           4.5      28.5  38.0   20.5
24-32 Magnús Gíslason                4        36.0  46.0   25.0
      Veronika Steinunn Magnúsdóttir 4        34.0  44.5   23.5
      Haukur Halldórsson             4        32.0  42.0   20.0
      Guðmundur V. Guðmundsson       4        29.5  39.5   22.0
      Þorgeir Smári Jónsson          4        27.5  35.5   20.0
      Björn Torfason                 4        26.5  36.5   17.0
      Ingólfur Benediktsson          4        26.5  35.0   20.0
      Donika Kolica                  4        25.0  32.5   17.0
      Skarphéðinn Jónsson            4        23.0  30.5   14.5
33-34 Gauti Páll Jónsson             3.5      34.0  41.5   20.5
      Birkir Karl Einarsson          3.5      25.0  33.0   10.0
35-40 Kristján Albertsson            3        29.5  37.5   18.0
      Númi Ingólfsson                3        28.0  36.0   13.0
      Guðmundur R. Guðmundsson       3        26.0  33.5   16.0
      Kristján Ingi Svafarsson       3        25.0  32.0   13.0
      Haukur Eiríksson               3        24.5  31.0   11.0
      Sigurlaug Jóhannsdóttir        3        24.0  31.0   14.0
 41   Ásta Þorbjörg Ingólfssdóttir   2.5      22.5  30.0    8.5
42-43 Kári Ingvarsson                2        24.5  31.5    8.0
      Karitas Gyða Sigurðardóttir    2        24.0  30.5   10.0
 

Landsmót UMFÍ 50+ á Hvammstanga 24.-26. júní

Landsmót UMFÍ 50 + verður haldið á Hvammstanga helgina 24. - 26. júní. UMFÍ hefur haldið fjölmörg Landsmót í gegnum tíðina. Nú er kominn tími til að þeir sem eru 50 ára og eldri fáið að njóta sín á Landsmóti. Aldrei áður hefur verið haldið Landsmót fyrir 50 ára og eldri því er um stórviðburð að ræða.

Mótið er fjölskylduhátíð með fjölbreyttri dagskrá aðal áhersla er lögð á gleði og hafa gaman. Ásamt keppni í hinum ýmsu íþróttagreinum verða fyrirlestrar og sýningahópar. Allir, jafnt ungir sem eldri, eiga að finna eitthvað við sitt hæfi þessa helgi sem mótið fer fram. 

Framkvæmd mótsins verður í höndum Ungmennafélags Íslands og USVH í samstarfi við sveitarfélagið Húnaþing vestra. Aðrir samstarfsaðilar að mótinu eru Félag áhuga fólks um íþróttir aldraðra og Landssamband eldri borgara. 

Keppnisgreinar á mótinu verða : Línudans,Blak, Bridds, Boccia, Badminton, Frjálsar íþróttir, Fjallaskokk, Hestaíþróttir, Golf, Pútt, Skák, Sund, þríþraut. 

Aðstaða á Hvammstanga til íþróttaiðkana er góð.  Húnaþing vestra rekur íþróttamiðstöð á Hvammstanga. Íþróttahús var byggt við búningsaðstöðu og sundlaug á árunum 2001 og 2002. Íþróttamiðstöð Húnaþings vestra var svo formlega opnuð þann 4. september 2002. Þá er þar risin glæsileg reiðhöll.

Frekari upplýsingar um mótið er að finna á  www.landsmotumfi50.is

Carlsen vann Ivanchuk og er efstur í Bazna

Magnus Carlsen (2815) vann Ivanchuk (2776) í 7. umferð Kóngamótsins í Bazna sem fram fór í dag og er efstur með 5 vinninga.  Öðrum skákum lauk með jafntefli.  Karjakin (2776) er annar með 4,5 vinning.

Staðan:

• 1. Carlsen (2815) 5 v.
• 2. Karjakin (2776) 4½ v.
• 3. Nakamura (2774) 3½ v.
• 4. Radjabov (2744) 3 v.
• 5.-6. Ivanchuk (2776) og Nisipeanu (2662) 2½

Heimasíða mótsins

 

 

Mjóddarmót Hellis fer fram 25. júní

Mjóddarmót Hellis fer fram laugardaginn 25. júní í göngugötunni í Mjódd.  Mótið hefst kl. 14 og er mótið öllum opið. Góð verðlaun í boði.  Síðasta ár sigraði Arion banki en fyrir þá tefldi Bragi Þorfinnsson.  Tefldar verða sjö umferðir með sjö mínútna umhugsunartíma.  Skráning fer fram í síma 866-0116 og á heimasíðu Hellis: http://hellir.blog.is.  Þátttaka er ókeypis!

Verðlaun eru sem hér segir:

• 1. 10.000
• 2.   6.000
• 3.   4.000

Skráning:

• Heimasíða Hellis: http://hellir.blog.is
• Sími: 866 0116

Forsetaliðið sigraði í tvískákinni - aðalmótið hefst í dag

Forsetaliðið sigraði í tvískákinni sem fram Djúpavík á Ströndum í þær.  Það skipuðu Gunnar Björnsson, forseti Sí, og Hrafn Jökulsson, forseti Hróksins, auk þess sem varaforseti Hróksins, Róbert Lagerman greip í eina skák sem varamaður þegar mikið lá við.   Forsetarnir komu jafnir í mark með 5 vinninga í sex mögulegum ásamt Birni Ívari Karlssyni og Jón Kristni Þorgeirsson og Einari Valdimarssyni og Hrund Hauksdóttur en höfðu betur efstir stigaútreikning og fengu nýju plötuna hans Bubba í verðlaun.

Alls tóku 13 pör þátt, sem er metþátttaka í tvískákinni.  Sama lið sigraði einnig í fyrra og Hrafn árið þar áður sem Jorge Fonseca svo Hrafn hefur verið ákaflega sigursæll í tvískákinni.

Í dag hefst svo hápunktur skákhátíðinnar með 9 umferða móti með 10 mínútna umhugsunartíma. Stigahæstur keppenda er Jóhann Hjartarson, stórmeistari í skák en meðal annarra keppenda má nefna áðurnefnand Róbert, Guðmund Gíslason, Þorvarð Fannar Ólafsson, Rúnar Sigurpálsson, Björn Ívar  Karlsson, Stefán Bergsson og Gunnar Björnsson.  

Ítarlegri fréttir og myndir væntanlegar síðar. 

Carlsen og Karjakin efstir í Bazna

Jafnaldarnir Magnus Carlsen (2815) og Sergey Karjakin (2776) eru efstir og jafnir með 4 vinninga að lokinni 6. umferð Kóngamótsins sem fram fór í dag í Bazna í Rúmeníu.  Karjakin vann Niksipeanu (2662) en öðrum skákum lauk með jafntefli.  

 Staðan:

• 1. Carlsen (2815) og Karjakin (2776)  4 v.
• 3. Nakamura (2774) 3 v.
• 4.-5. Radjabov (2744) og Ivanchuk (2776) 2½
• 6. Nisipeanu (2662) 2 v.

Heimasíða mótsins

Hjörvar með fjöltefli í dag

Hjörvar Steinn Grétarsson er nýkominn frá Búdapest þar sem hann náði fyrsta áfanga að alþjóðlegum meistaratitli og gerði jafnframt atlögu að sínum fyrsta stórmeistaraáfanga. Sannarlega glæsilegur árangur hjá Hjörvari sem hefur verið afar sigursæll á þessu ári og nægir að nefna sigur á atskákmóti Íslands. Á þjóðhátíðardaginn mun Hjörvar tefla fjöltefli við gesti og gangandi. Fjölteflið mun fara fram á útitaflinu við Lækjargötu og hefst klukkan 14:00. Allir velkomnir.

Mótaþrenna á Ströndum: Teflt í Hótel Djúpavík, samkomuhúsinu Trékyllisvík og Kaffi Norðurfirði

Skákhátíð á Ströndum hefst með tvískákmóti í Hótel Djúpavík, föstudaginn 17. júní klukkan 20. Daginn eftir klukkan 13 verður hið árlega stórmót, sem stórmeistararnir Helgi Ólafsson og Jóhann Hjartarson hafa unnið síðustu árin. Ákveðið hefur verið að færa mótið úr gömlu síldarverksmiðjunni í Djúpavík í hið vistlega samkomuhús í Trékyllisvík. Þar verður keppt um 100 þúsund króna verðlaunapott, auk glæsilegra vinninga frá 66 Norður, Eddu, Forlaginu, Senu, Henson, Sögum útgáfu, UMF Leifi heppna o.fl.

Á laugardagskvöld fer fram ,,landsleikur" í fótbolta, þar sem gestir hátíðarinnar keppa við knáa liðsmenn úr Ungmennafélaginu Leifi heppna. Áhugasamir liðsmenn eru því beðnir um að taka með sér viðeigandi skó.

Á sunnudaginn klukkan 13 verður svo glæsilegur lokapunktur settur á skákhátíðina með hraðskákmóti í Kaffi Norðurfirði.

Veðurspá fyrir helgina er ágæt, og ekki mun væsa um keppendur á hlýlegum og skemmtilegum mótsstöðum. 

Allir eru velkomnir og þátttaka er ókeypis.