Skákþáttur Morgunblaðsins: Hnignandi veldi Rússa á skáksviðinu

Ýmsir þykjast hafa séð teikn á lofti um hnignandi veldi Rússa á skáksviðinu. Samkeppni við granna þeirra staðfesta þetta með ótvíræðum hætti; á síðasta Ólympíumóti voru Úkraínumenn óstöðvandi og á heimsmeistaramóti landsliða í Kína á dögunum voru Armenar aftur „mættir til leiks" og unnu sannfærandi sigur. Tími Kasparovs og Karpovs er liðinn og arftakar þeirra í rússneska liðinu brokkgengir að ýmsu leyti og enginn skákmaður í sjónmáli sem hafði jafn augljósa leiðtogahæfileika og Kasparov, sem stundum tók að sér liðsstjórn þeirra og hafði jafnvel móður sína til aðstoðar.

Vladimir Kramnik kom fram á Ólympíumótinu í Manila árið 1992 þegar veldi Kasparovs stóð sem hæst . Hann náði frábærum árangri en skaphöfn hans var annarrar gerðar og engrar leiðsagnar þaðan að vænta. Þegar Rússar mættu á heimsmeistaramót landsliða í Luzern 1993 var Garrí að tefla við Nigel Short í London og Rússar náðu sér aldrei á strik. Spurning nú er hvort rofa muni til á næstu árum. Þeir hafa „endurheimt" tvo öfluga skákmenn, Peter Svidler og Alexander Morozevich sem er farinn að tefla aftur eftir nokkurt hlé. Á rússneska meistaramótinu sem lauk í vikunni fékk Svidler uppreisn æru eftir slaka frammistöðu á Ólympíumótinu í Khanty Manyisk.

Lokaúrslit urðu þessi:

1. Svidler 5 v. ( af 7 ) 2. Morozevich 4 ½ v. 3. - 5. Karjakin, Gruiscghuk og Kramnik 4 v. 6. Nepomniahtchi 3 v. 7. Galkin 2 v. 8. Timofeev 1 ½ v.

Svidler var búinn að tryggja sér sigur fyrir lokaumferðina en tapaði þá fyrir Moro í aðeins 31 leik. Hann fékk harða og óvægna gagnrýni frá þjálfara Rússa á síðasta Ólympíumóti, Evgení Bareev, sem lýsti yfir undrun sinni á því að þessi ágæti skákmaður virtist ekki kunna byrjanirnar sínar almennilega. Ósanngjarnt fannst sumum en eitthvert sannleikskorn til í þessu; Svidler er mikill aðdáandi sýrutónlistar sjöunda áratugarins en boðsskapurinn þar er stundum dálítið þokukenndur, brautirnar ekki alltaf beinar og hæpna leiðsögn þaðan að fá þegar skáklistin er annarsvegar. Á meistaramótinu dró Svidler úr pússi sínu eitt og annað gamalt og nýtilegt úr smiðju gömlu meistaranna, og var farsæll á stundum eins og eftirfarandi skák ber með sér:

Artyom Timofeev - Peter Svidler

Spænskur leikur

1. e4 e5 2. Rf3 Rc6 3. Bb5 a6 4. Ba4 Rge7

Þetta afbrigði spænska leiksins sást stundum í skákum Wilhelm Steinitz. Riddaranum er raunar oftar valinn staður á e7 strax í þriðja leik.

5. c3 g6 6. d4 exd4 7. Rxd4

Skarpara og sennilega betra er 7. cxd4.

7. ... Bg7 8. Be3 O-O 9. O-O b5 10. Bc2 Re5 11. a4 Hb8 12. axb5 axb5 13. Rd2 d6 14. h3 c5 15. R4f3 R5c6 16. Bf4 Hb7!

Snjall leikur. Hrókurinn stefnir á d7 þar sem hann er góður til varnar og gagnsóknar.

17. De2 c4 18. Hfd1 Hd7 19. Rf1 d5 20. Bg5 Dc7 21. De3 b4 22. Bf4

Varla nægilega markvisst, 22. Ba4 kom sterklega til greina.

22. ... Dd8 23. Bh6 d4! 24. cxd4 Rxd4 25. Bxg7 Rxf3 26. Dxf3 Kxg7 27. e5 f6? 28. Re3?

Missir þráðinn. Eftir 28. Ha7! er erfitt að verja svörtu stöðuna.

28. ... b3! 29. Be4 Dc7 30. Hdc1 Hd4 31. Dg3

Smá brella sem Svidler verst auðveldlega.

31. ...f5 32. Bf3 f4 33. Dh4

33. ... h6!

Þessi einfaldi peðsleikur gerir út um taflið.

34. Rg4 Rf5

- og hvítur gafst upp.

 

Helgi Ólafsson | [e-mail]

-------------------------------

Skákþættir Morgunblaðsins eru birtir á Skák.is u.þ.b. viku síðar en í blaðinu sjálfu.  

Grein þessi birtist í Sunnudagsmogganum 14. ágúst 2011.

Skákþættir Morgunblaðsins

[Event "Russian Superfinals"] [Site "Moscow RUS"] [Date "2011.08.13"] [EventDate "2011.08.08"] [Round "5"] [Result "0-1"] [White "Artyom Timofeev"] [Black "Peter Svidler"] [ECO "C70"] [WhiteElo "2665"] [BlackElo "2739"] [PlyCount "68"] 1. e4 e5 2. Nf3 Nc6 3. Bb5 a6 4. Ba4 Nge7 5. c3 g6 6. d4 exd4 7. Nxd4 Bg7 8. Be3 O-O 9. O-O b5 10. Bc2 Ne5 11. a4 Rb8 12. axb5 axb5 13. Nd2 d6 14. h3 c5 15. N4f3 N5c6 16. Bf4 Rb7 17. Qe2 c4 18. Rfd1 Rd7 19. Nf1 d5 20. Bg5 Qc7 21. Qe3 b4 22. Bf4 Qd8 23. Bh6 d4 24. cxd4 Nxd4 25. Bxg7 Nxf3+ 26. Qxf3 Kxg7 27. e5 f6 28. Ne3 b3 29. Be4 Qc7 30. Rdc1 Rd4 31. Qg3 f5 32. Bf3 f4 33. Qh4 h6 34. Ng4 Nf5 0-1

Góður sigur Salaskóla - stórt tap hjá Rimaskóla

Skáksveit Salaskóla vann góðan 3-1 sigur á dönsku sveitinni í fjórðu og næstsíðustu umferð NM grunnskólasveita sem fram fór í skákmiðstöðunni í Faxafeni í morgun.  Guðmundur Kristinn Lee, Hilmir Freyr Heimisson og Hildur Berglind Jóhannsdóttir unnu öll.  Rimaskóli steinlá hins fyrir norsku sveitinni 0,5-3,5.  Það var aðeins Kristinn Andri Kristinsson sem náði jafntefli.  Rimaskóli er í þriðja sæti fyrir lokaumferðina sem hefst kl. 15 en Salaskóli er í fimmta sæti.    Norðmenn eru komnir með aðra höndina á Norðurlandameistaratitilinn.

 Úrslit 3. umferðar:

• Salaskóli - Danmörk 3-1
• Rimaskóli - Noregur 0,5-3,5
• Svíþjóð - Finnland 2,5-1,5

Staðan:

• 1. Noregur 12 v.
• 2. Svíþjóð 9 v.
• 3. Rimaskóli 8,5 v.
• 4. Finnland 7 v.
• 5. Salaskóli 6 v.
• 5. Danmörk 5,5 v.

 

• Heimasíða mótsins (inniheldur beinar útsendingar)
• Chess-Results
• Myndaalbúm mótsins (HÁ)

Heimsbikarmótið hófst í morgun

Heimsbikarmótið í skák (World Cup) hófst í dag í Khanty-Mansiysk í Síberíu í Rússlandi.  Þátt taka 128 skákmenn og er teflt eftir útsláttarfyrirkomulagi, tveggja skáka einvígi.

Hægt er að fylgjast skákunum með lifandi skákskákskýringum á vefsíðu mótsins þar sem myndarvélgar grípa andrúmsloftið á skákstað.

Meðal keppenda eru: Karjakin, Ivanchuk, Ponomariov, Grischuk, Kamsky, Svidler, Navara, Shirov, Movsesian, Morozevich og eini fulltrúi Norðurlandanna, Peter Heine Niellsen.

Heimasíða mótsins

Myndir frá Iceland Express mótinu

 

Fjölda mynda má nú finna frá Iceland Express mótinu - Reykjavíkurmóti íþróttafélaga.   Hrafn Jökulsson á heiðurinn af þesum frábæru myndum.  Stemningin á Hlíðarenda var góð og keppnin væntanlega komin til að vera.

Skákakademía Reykjavíkur stóð fyrir mótinu að miklum myndarskap.   Næst verður væntanlega stefnt á landskeppni. 

Myndir frá mótinu má finna má finna í myndaalbúmi mótsins.

 

Rimaskóli með jafntefli og er í 2. sæti - Salaskóli tapaði

Skáksveit Rimaskóla gerði 2-2 jafntefli við finnsku sveitina í þriðju umferð NM grunnskólasveita sem fram fór í dag.  Oliver Aron Jóhannesson og Jón Trausti Harðarson unnu sínar skákir.  Sveitin er í 2. sæti með 8 vinninga, hálfum vinningi á eftir norsku sveitinni.  Salaskóli tapaði 0,5-3,5 fyrir sænsku sveitinni, Hilmir Freyr Heimisson gerði jafntefli.  Sveitin er neðst en á eftir sveitirnar í 4. og 5. sæti.  Fjórða og næstsíðasta fer fram í fyrrmálið og hefst kl. 9.  Þá mætast Rimaskóli og norska sveitin í viðureign sem getur ráðið úrslitum. 

 Úrslit 3. umferðar:

• Rimaskóli - Finnland 2-2
• Salaskóli - Svíþjóð 0,5-3,5
• Noregur - Danmörk 2,5-1,5

Staðan:

• 1. Noregur 8,5 v.
• 2. Rimaskóli 8 v.
• 3. Svíþjóð 6,5 v.
• 4. Finnland 5,5 v.
• 5. Danmörk 4,5 v.
• 6. Salaskóli 3 v.

 

• Heimasíða mótsins (inniheldur beinar útsendingar)
• Chess-Results
• Myndaalbúm mótsins (HÁ)

Góð byrjun í Albena

Þrír íslenskir skákmenn taka þátt í alþjóðlega Sunny Beach-mótinu sem fram fer í Albena í Búlgaríu.  Mótið byrjaði vel fyrir íslensku skákmennina.  Róbert Lagerman (2325) og Páll Agnar Þórarinsson (2264) unnu mun stigalægri andstæðinga en Bjarni Jens Kristinsson (2033) gerði jafntefli við þýska alþjóðlega meistarann Christian Koepke (2410).  

Í 2. umferð sem fram fer á morgun teflir Páll Agnar við rússneska stórmeistarann Krasimir Rusev (2528).  Skák hans verður sýnd beint á heimasíðu mótsins og hefst kl. 12:30 á morgun.  

158 skákmenn taka þátt í mótinu og þar af 12 stórmeistarar.  Róbert er nr. 33 í stigaröð keppenda, Páll nr. 45 og Bjarni Jens nr. 100.

• Heimasíða mótsins
• Beinar útsendingar (hefjast kl. 12:30 nema síðasta umferðin kl. 6)

Valsmenn öruggir sigurvegar á Iceland Express-mótinu

Valsmenn unnu sannfærandi sigur á Iceland Express mótinu - Reykjavíkurmóti íþróttafélaga í skák sem fram fór í dag á Hlíðarenda.  Lið Valsmanna, sem skipað var fjórum Íslandsmeisturum, hlaut 16 stig af 18 mögulegum, aðeins Framarar sem náðu jafntefli gegn stórveldinu og samtals 24 vinninga að 28 mögulegum .  Þróttarar urðu aðrir með 16 stig og óhætt er að segja að það hafi verulega á óvart.  Þróttarar lögðu t.d. Framara og KR-inga sem fyrirfram voru taldir hafa mun sterkara lið.  KR-ingar urðu þriðju, Víkingar urðu fjórðu og Framarar enduðu í fimmta sæti.

Jón Viktor Gunnarsson stóð sig allra best allra en hann var sá eini sem vann allar sínar skákir.  Jón L. Árnason hlaut 6,5 vinning og Jóhann Hjartarson hlaut 5,5 vinning í 6 skákum.

Reykjavíkurmeistarar Vals:

1. Héðinn Steingrímsson 5,5 v. af 7
2. Helgi Ólafsson 5 v. af 7
3. Jón L. Árnason 6,5 v. af 7
4. Jón Viktor Gunnarsson 7 v. af 7

Liðsstjóri og fyrirliði Valsmanna, Gunnar Björnsson, tók kampakátur við bikarnum í mótslok.  Helgi Ólafsson bað um orðið í mótslok og bað fyrir kærri kveðju frá Hemma Gunn.  Hemmi Gunn sagði Framara ávallt sérstaklega velkomna í Valsheimilið til að skoða bikaraskápinn.

Lokastaðan:

1. Valur 19 stig (24 v.)
2. Þróttur 16 stig (18,5 v.)
3. KR 11 stig (17,5 v.)
4. Víkingur 11 stig (16 v.)
5. Fram 9 stig (16 v.)
6. Fylkir 8 stig (13,5 v.)
7. Stelpuliðið 2 stig (4 v.)
8. Leiknir 1 stig (2,5 v.)

Framkvæmd mótsins var í afar góðum höndum Skákakademíu Reykjavíkur.  Ljóst er að þetta mót þarf að halda áfram og þá helst á landsvísu.

Miklu fleiri væntanlegar í kvöld. 

• Chess-Results
• Myndaalbúm

NM: Rimaskóli vann sænsku sveitina og er í 1.-2. sæti - Salaskóli tapaði fyrir Noregi

Skáksveit Rimaskóla vann góðan, 3,5-0,5 sigur á sænsku sveitinni í 2. umferð NM grunnskólasveita sem fram fór í morgun.  Oliver Aron Jóhannesson, Jón Trausti Harðarson og Hrund Hauksdóttir unnu en Dagur Ragnarsson gerði jafntefli á efsta borði.  Salaskóli tapaði, 1-3, fyrir hinni sterku norsku sveit.  Birkir Karl Sigurðsson vann sína skák. 

Rimaskóli er efstur ásamt norsku sveitinni með 6 vinninga.  Salaskóli er neðstur með 2,5 vinning en hefur mætt tveimur sterkustu sveitunum.

Þriðja umferð er nú í fullum gangi.  Rimaskóli teflir við finnsku sveitina en Salaskóli við sænsku sveitina. 

Úrslit 2. umferðar:

• Rimaskóli - Svíþjóð 3,5-0,5
• Salaskóli - Noregur 1-3
• Finnland - Danmörk 2,5-1,5

Staðan:

• 1.-2. Rimaskóli 6 v. (4 stig)
• 1.-2. Noregur 6 v. (4 stig)
• 3. Finnland 3,5 v.
• 4. Svíþjóð 3 v. (2 stig)
• 5. Danmörk 3 v. (0 stig)
• 6. Salaskóli 2,5 v.

• Heimasíða mótsins (inniheldur beinar útsendingar)
• Chess-Results
• Myndaalbúm mótsins (HÁ)

Valsmenn og Þróttarar berjast um sigurinn

Valur og Þróttur virðast vera líklegastir til afreka.  Eftir 3 umferðir hafa bæði lið 9 stig og vakti sigur Þróttara á Framörum athygli.  Valsmenn máttu þakka fyrir sigur gegn Fylki með minnsta mun.  Valur og Þróttur sitja nú að tafli.

Staðan:

Rank	Team	Gam.	+	=	-	MP3	Pts.
1	Valur	3	3	0	0	9	10½
2	Þróttur	3	3	0	0	9	9½
3	KR	3	1	1	1	4	7½
4	Fram	3	1	1	1	4	7
5	Víkingur	3	1	1	1	4	6
6	Fylkir	3	0	2	1	2	5½
7	Kvennalandsliðið	3	0	1	2	1	2
8	Leiknir	3	0	0	3	0	0

Valsmenn léttir í lundu

Valsmenn eru á vængjum þöndum á Iceland Express mótinu - Reykjavíkurmóti skákfélaga sem nú er í gangi á Hlíðarenda.  Víkingar og Leiknir voru báðir lagðir 4-0.  Á sama tíma náðu Fylkismenn óvæntu jafntefli gegn Frömurum.  Lið Vals skipa fjórir Íslandsmeistarar: Héðinn Steingrímsson, Helgi Ólafsson, Jón L. Árnason og Jón Viktor Gunnarsson.

Viðureign Vals og Frams er beðið með mikilli eftirvæntingu en hún fer fram í sjöttu og næstsíðustu.  Áhorfendur eru hvattir til að fjölmenna.

Staðan eftir 2 umferðir:

Teflt er eftir MP-kerfi, gefin eru 3 stig fyrir sigur í viðureign, 1 fyrir jafntefli. 

Rank	Team	Gam.	+	=	-	MP3	Pts.
1	Valur	2	2	0	0	6	8
2	Þróttur	2	2	0	0	6	6½
3	Fram	2	1	1	0	4	6
4	Fylkir	2	0	2	0	2	4
5	KR	2	0	1	1	1	3½
6	Kvennalandsliðið	2	0	1	1	1	2
	Víkingur	2	0	1	1	1	2
8	Leiknir	2	0	0	2	0	0