Skák.is

Færsluflokkur: Spil og leikir

2.10.2011 | 16:46

EM: Árangur einstakra liðsmanna og skákir sjöundu umferðar

EM taflfélaga lauk í Rogaska Slatina í Slóveníu í gær. Íslensku liðin tvö, Taflfélag Bolungarvíkur og Taflfélagið Hellir stóðu sig bæði prýðilega. Bolvíkingar lentu í 14. sæti, sem er einn besti árangur sem íslenskt félagslið hefur náð á þessu móti og voru efstir Norðurlandaliða. Hellismenn lentu í 25. sæti og þar kom áfangi í hús hjá Sigurbirni Björnssyni. EM taflfélaga er sennilega besta skákmót sem íslenskir skákmenn geta sótt, a.m.k. fyrir þá sem ekki hafa tækifæri á að tefla fyrir Íslands hönd á Ólympíuskákmótum og EM landsliða.

Árangur Bolvíkinga:

Bo.	Name	Rtg	Pts.	Avg.	Rp	w	we	di.	rtg+/-
1	Kristjansson Stefan	2485	3,5	2570	2570	3,5	2,7	0,8	7,9
2	Thorfinnsson Bragi	2427	2	2479	2321	2,0	3,0	-1,0	-10,2
3	Gunnarsson Jon Viktor	2422	3,5	2412	2412	3,5	3,6	-0,1	-0,5
4	Thorhallsson Throstur	2388	4,5	2334	2436	4,5	3,9	0,6	5,9
5	Arngrimsson Dagur	2353	3	2279	2230	3,0	4,1	-1,1	-10,6
6	Gislason Gudmundur	2295	5	2212	2370	5,0	4,2	0,8	12,3
	Samtals					21,5	21,4	0,1	4,8

Bolvíkingar voru varamannslausir og því tefldu allir 7 skákir. Liðsstjóri þeirra var aldursforsetinn, Guðmundur Gíslason. Stefán Kristjánsson og Guðmundur stóðu sig best. Árangur Stefáns samsvaraði 2570 skákstigum og hækkar hann um 8 stig fyrir frammistöðu sína. Stefán er því kominn með 2493 skákstig og vantar því aðeins 7 stig til að verða útnefndur stórmeistari í skák. Hann gæti hæglega klárað það á Íslandsmóti skákfélaga sem fram fer 7.-9. október.

Guðmundur Gíslason fékk flesta vinninga Bolvíkinga en hann fékk 5 vinninga á 6. borði. Árangur hans samsvaraði 2370 skákstigum og hækkar hann um 12 stig. Þröstur Þórhallsson (2388) hækkar einnig á stigum en frammistaða hans samsvaraði 2436 skákstigum og hækkar hann um 6 stig.

Jón Viktor Gunnarsson stendur í stað. Bragi og Dagur lækka báðir á stigum. Bragi lækkar um 10 stig en Dagur um 11 stig.

Árangur Hellismanna:

Bo.	Name	Rtg	Pts.	Avg.	Rp	w	we	w-we	rtg+/-
1	Stefansson Hannes	2562	1	2534	2231	1	3,6	-2,6	-26,1
2	Thorfinnsson Bjorn	2412	3	2477	2427	3	2,9	0,1	0,6
3	Gretarsson Hjorvar Steinn	2442	3,5	2423	2423	3,5	3,6	-0,1	-1,1
4	Bjornsson Sigurbjorn	2349	4,5	2390	2492	4,5	3,2	1,3	19,0
5	Lagerman Robert	2325	4	2408	2408	3	2,5	0,5	7,5
6	Kristinsson Bjarni Jens	2033	4	2194	2201	2	0,9	1,1	16,6
						17,0	16,8	0,22	16,5

Hellismenn voru varamannslausir rétt eins og Bolvíkingar. Og rétt eins og hjá Bolvíkingum var aldursforsetinn liðsstjóri, þ.e. Róbert Lagerman.

Hjá Hellismönnum stendur árangur Sigurbjörns Björnsson uppúr. Hann fékk flesta vinninga Hellismanna, 4½ vinning, og gerði m.a. jafntefli við Dreev. Árangur hans samsvaraði 2492 skákstigum og hækkar hann um 19 stig fyrir hana. Bjarni Jens Kristinsson sem var sá eini sem var að tefla á sínu fyrsta EM stóð sig einnig mjög vel. Hann hlaut 4 vinninga (reyndar einn gefins). Árangur hans samsvaraði 2201 skákstigum og hækkar hann um 17 stig. Róbert fékk jafnmarga vinninga og Bjarni. Árangur hans samsvaraði 2408 skákstigum og hækkar hann um 8 stig.

Björn Þorfinnsson og Hjörvar Steinn Grétarsson voru nánast á pari á 2. og 3. borði. Björn hækkar um 1 stig og Hjörvar lækkar um 1 stig.

Hannes Hlífar Stefánsson náði sér hins vegar aldrei á strik, hlaut aðeins 1 vinning og lækkar um 26 stig fyrir frammistöðuna. Sennilega versta frammistaða Hannesar á alþjóðlegu móti í mörg ár, ef ekki áratugi.

Af 12 Íslendingum hækka 7 á stigum og 5 lækka. Hjá þremur eru breytingarnar óverulegar. Faktístk má segja að sex skákmenn hækki, 3 standi í stað og 3 lækki. Alls hækka íslenskir skákmenn um 21 stig fyrir frammistöðuna á EM taflfélaga sem verður að teljast dágott.

Skákir íslensku liðna úr sjöundu umferð fylgja með.

Heimasíða mótsins
Chess-Results
Myndaalbúm mótsins (RL og vefsíða mótsins)

Spil og leikir | Breytt s.d. kl. 16:55 | Slóð | Facebook | Athugasemdir (0)

2.10.2011 | 15:41

Haustmótið: Bein útsending frá fjórðu umferð

Bein útsending frá fjórðu umferð Haustmótsins er nú í fullum gangi.

Útsending frá 4. umferð

Spil og leikir | Slóð | Facebook | Athugasemdir (0)

2.10.2011 | 11:54

Birkir Karl vann skákmót Árnamessu annað árið í röð

Það var vel mannað og hart barist á Skákmóti Árnamessu sem haldið var í 3. sinn í Stykkishólmi laugardaginn 1. október. Um 70 grunnskólakrakkar, víðs vegar að af landinu, mættu til leiks og tefldu sex umferðir með 10 mínútna umhugsunartíma.

Birkir Karl Sigurðsson Skákfélagi Íslands stóð einn uppi sem sigurvegari. Hann vann allar sínar sex skákir á mótinu og Oliver Aron Jóhannesson Fjölni í hreinni úrslitaskák í síðustu umferð. Oliver Aron hlaut önnur verðlaun og í þriðja sæti varð Hrund Hauksdóttir Fjölni, bæði með 5 vinninga af sex mögulegum.

Keppt var í þremur flokkum. Í yngri flokk f. 2000 og síðar sigraði Vignir Vatnar Sigurðsson TR einnig með 5 vinninga og stigahærri varð en Dawid Kolka Helli sem einnig hlaut 5 vinninga. Í 3. sæti í yngri flokki varð Jóhann Arnar Finnsson Fjölni með 4 vinninga.

Í flokki Snæfellinga sigraði Kristinn Hrafnsson úr Snæfellsbæ. Hann hlaut 4 vinninga. Auk Hrundar urðu í efstu sætum stúlkna þær Hildur Berglind Jóhannsdóttir Helli og Nansý Davíðsdóttir Fjölni.

Alls voru veitt rúmlega 40 verðlaun sem fyrirtæki á Höfuðborgarsvæðinu og í Stykkishólmi gáfu á mótið. Það var Dagbjört Höskuldsdóttir formaður Safna-og menningarmálanefndar Stykkishólms sem lék fyrsta leikinn fyrir Oliver Aron, fyrirliða Norðurlandameistarasveitar Rimaskóla, og hafði hún áður minnst Árna Helgasonar, fyrrum heiðursborgara Stykkishólms, sem mótið er kennt við.

Í skákhléi var þátttakendum boðið upp á kók og Prince Póló og fyrir mótið höfðu þeir allir gætt sér á breiðfiskri fiskisúpu og pylsum með öllu. Mótið tókst mjög vel og gekk hratt og vel fyrir sig undir öruggri skákstjórn þeirra Páls Sigurðssonar og Helga Árnasonar.

Mikil verðlaunahátíð var haldin í lok mótsins og var það Davíð Sveinsson fulltrúi bæjarstjórnar Stykkishólms sem afhenti sigurvegurum mótsins þau. Skákkrakkarnir ferðuðust til og frá Stykkishómi með 70 manna rútu Hópferðamiðstöðvarinnar og var Inga María Friðriksdóttir kennari fararstjóri og fórst það hlutverk vel úr hendi.

Skákdeild Fjölni hélt mótið og vill stjórn skákdeildarinnar færa öllum þeim sem komu að undirbúningi og aðstoð við mótið þakkir fyrir ómentanlegan stuðning og þátttakendum fyrir frábæra frammistöðu.

Lokastöðuna má finna hér í Chess-Results.

Myndaalbúm (HÁ) - fleiri myndir væntanlegar

Spil og leikir | Breytt s.d. kl. 12:09 | Slóð | Facebook | Athugasemdir (0)

2.10.2011 | 07:00

Haustmót SA hefst í dag

Haustmót Skákfélags Akureyrar byrjar nú á sunnudaginn og hefst kl. 13. Þá er teflt um meistaratitil félagsins, en mótið er einnig opið utanfélagsmönnum. Telfdar verða að lágmarki 7 umferðir, en fjöldi umferða ræðst af þátttakendafjölda. Teflt verður á sunnudögum kl. 13 og miðvikudögum kl. 19.30. Þáttökugjald er kr. 2.500 fyrir félagsmenn en kr. 3.000 fyrir utanfélagsmenn. Unglingar sem greiða æfingagjald greiða ekkert fyrir þátttökuna í þessu móti, frekar en öðrum. Umhugsunartími verður 90 mín. á skákina, auk þess sem 30 sek. bætast við tímann fyrir hvern leik.

Hægt er að skrá sig á mótið með því að senda tölvupóst á askell@simnet.is, en einnig er hægt að skrá sig á skákstað við upphaf fyrstu umferð

Spil og leikir | Breytt 27.9.2011 kl. 17:07 | Slóð | Facebook | Athugasemdir (0)

1.10.2011 | 22:39

Carsen vann Ivanchuk sem er engu að síður efstur í hálfleik

Magnus Carlsen (2823) vann Ivanchuk (2765) í fimmtu umferð Alslemmumótsins sem fram fór í Sao Paulo í Brasilíu í kvöld. Nakamura (2753) vann Vallejo (2716) en Anand (2817) og Aronian (2807) gerðu jafntefli. Ivanchuk er engu að síður efstur með 10 stig. Nakamura er annar með 7 stig. Nú verður hlé á mótinu til 6. október en síðari hlutinn fer fram í Bilbao á Spáni.

Staðan:

1. Ivanchuk (2765) 10 stig
2. Nakamura (2753 7 stig
3.-5. Carlsen (2823), Anand (2817) og Aronian (2807) 6 stig
6. Vallejo (2716) 3 stig

Tefld er tvöföld umferð. Fyrri hlutinn fer fram í Sao Paulo í Brasilíu en sá síðari í Bilbao á Spáni. Veitt eru 3 stig fyrir sigur en 1 fyrir jafntefli.

Heimasíða mótsins
Beinar útsendingar (hefjast kl. 18 í Sao Paulo en kl. 14 í Bilbao)
ChessBomb

Spil og leikir | Slóð | Facebook | Athugasemdir (0)

1.10.2011 | 19:53

Bolvíkingar unnu góðan sigur í lokaumferðinni - Hellismenn töpuðu

Bolvíkingar unnu afar góðan sigur, 4½-1½ á sterkri spænskri sveit í lokaumferðinni. Þröstur Þórhallsson (2388), Dagur Arngrímsson (2353) og Guðmundur Gíslason (2295) unnu en Stefán Kristjánsson (2485), Bragi Þorfinnsson (2427) og Jón Viktor Gunnarsson (2422) gerðu jafntefli. Allir tefldu þeir sem gerðu jafntefli tefldu við andstæðinga með 2600+. Stefán gerði jafntefli við Loek Van Wely (2689). Hellismenn töpuðu 1-5 fyrir ofursveitinni Ugra. Hannes Hlífar Stefánsson (2562) gerði jafntefli við Dmitry Jakovenko (2716) og Sigurbjörn Björnsson (2349) gerði jafntefli við Aleksey Dreev (2711) og krækti sér í áfanga að alþjóðlegum meistaratitli eins og áður hefur komið fram.

Frammistaða beggja liða var góð. Bolvíkingar fengu 9 stig og 21½ vinning og enduðu í 14. sæti, efstir liða Norðurlanda. Hellismenn fengu 8 stig og 20 vinninga og enduðu í 25. sæti.

Rússneska sveitin Saint-Petersburg sigraði á mótinu með 13 stig.

Úrslit íslensku sveitanna:

7.6	29	Hellir Chess Club		1 - 5	6	Ugra
1	GM	Stefansson Hannes	2562	½:½	GM	Jakovenko Dmitry	2716
2	IM	Thorfinnsson Bjorn	2412	0 : 1	GM	Rublevsky Sergei	2681
3	FM	Gretarsson Hjorvar Steinn	2442	0 : 1	GM	Malakhov Vladimir	2710
4	FM	Bjornsson Sigurbjorn	2349	½:½	GM	Dreev Aleksey	2711
5	FM	Lagerman Robert	2325	0 : 1	GM	Zhigalko Sergei	2696
6		Kristinsson Bjarni Jens	2033	0 : 1	GM	Sjugirov Sanan	2627

7.10	13	Gros Xake Taldea		1½ - 4½	26	Bolungarvik Chess Club
1	GM	Van Wely Loek	2689	½:½	IM	Kristjansson Stefan	2485
2	GM	Bauer Christian	2631	½:½	IM	Thorfinnsson Bragi	2427
3	GM	Hamdouchi Hicham	2610	½:½	IM	Gunnarsson Jon Viktor	2422
4	IM	Franco Alonso Alejandro	2469	0 : 1	GM	Thorhallsson Throstur	2388
5	IM	Gonzalez De La Torre Santiago	2445	0 : 1	IM	Arngrimsson Dagur	2353
6	FM	Martin Alvarez Inigo	2316	0 : 1		Gislason Gudmundur	2295

Skákir íslensku liðina úr sjöttu umferð fylgja með fréttinni. Ein frétt um mótið kemur til viðbótar þar sem farið yfir stigaárangur einstakra skákmanna og skákir lokaumferðarinnar birtar.

Alls tóku 62 lið þátt í keppninni. Bolvíkingar voru nr. 26 í styrkleikaröðinni með meðalstigin 2395 en Hellismenn voru nr. 29 með meðalstigin 2354. 277 skákmenn tefldu í þessari sterku keppni og þar af voru 135 stórmeistarar!

Spil og leikir | Breytt s.d. kl. 20:08 | Slóð | Facebook | Athugasemdir (0)

1.10.2011 | 16:30

Sigurbjörn með AM-áfanga eftir jafntefli við Dreev

Sigurbjörn Björnsson (2349) náði öruggu jafntefli gegn Alexei Dreev (2711) með svörtu í lokaumferð EM taflfélaga sem fram fór í dag. Með jafntefli tryggði Sigurbjörn sér sinn fyrsta áfanga að alþjóðlegum meistaratitli en hann hlaut 4 vinninga í sjö skákum.

Í öðrum viðureignum gerði Hannes Hlífar Stefánsson (2562) jafntefli við Dmitry Jakovenko (2716) á fyrsta borði, Bjarni Jens Kristinsson tapaði á sjötta borði. Björn, Hjörvar, og Róbert sitja enn að tafli og hafa allir tapað tafl.

Engin úrslit hafa borist frá viðureign Bolvíkinga.

Hægt er fylgjast með viðureigninni Hellismanna á heimasíðu mótsins (stilla á borð 25-36), ChessBomb auk þess sem mjög líklega verður um hana fjallað á Skákhorninu.

Viðureignir dagsins:

7.6	29	Hellir Chess Club		-	6	Ugra
1	GM	Stefansson Hannes	2562	:	GM	Jakovenko Dmitry	2716
2	IM	Thorfinnsson Bjorn	2412	:	GM	Rublevsky Sergei	2681
3	FM	Gretarsson Hjorvar Steinn	2442	:	GM	Malakhov Vladimir	2710
4	FM	Bjornsson Sigurbjorn	2349	:	GM	Dreev Aleksey	2711
5	FM	Lagerman Robert	2325	:	GM	Zhigalko Sergei	2696
6		Kristinsson Bjarni Jens	2033	:	GM	Sjugirov Sanan	2627

7.10	13	Gros Xake Taldea		-	26	Bolungarvik Chess Club
1	GM	Van Wely Loek	2689	:	IM	Kristjansson Stefan	2485
2	GM	Bauer Christian	2631	:	IM	Thorfinnsson Bragi	2427
3	GM	Hamdouchi Hicham	2610	:	IM	Gunnarsson Jon Viktor	2422
4	IM	Franco Alonso Alejandro	2469	:	GM	Thorhallsson Throstur	2388
5	IM	Gonzalez De La Torre Santiago	2445	:	IM	Arngrimsson Dagur	2353
6	FM	Martin Alvarez Inigo	2316	:		Gislason Gudmundur	2295

Alls taka 62 lið þátt í keppninni. Bolvíkingar eru nr. 26 í styrkleikaröðinni með meðalstigin 2395 en Hellismenn eru nr. 29 með meðalstigin 2354. 277 skákmenn tefla í þessari sterku keppni og þar af eru 135 stórmeistarar!

Spil og leikir | Slóð | Facebook | Athugasemdir (0)

1.10.2011 | 16:10

Birkir Karl sigraði á Árnamessu

Birkir Karl Sigurðsson (1774) sigraði á Árnamessu-móti sem fram fór í Stykkishólmi í dag. Birkir Karl hlaut fullt hús í 6 skákum. í 2.-7. sæti með 5 vinninga urðu Oliver Aron Jóhannesson (1795), Hrund Hauksdóttir (1521), Vignir Vatnar Stefánsson (1342), Jóhannes Kári Sólmundarson (1266), Dawid Kolka (1366) og Kristófer Jóel Jóhannesson (1481).

Alls tóku 67 skákmenn þátt. Mun ítarlegri frétt um mótið væntanleg síðar í kvöld eða á morgun.

Chess-Results

Spil og leikir | Slóð | Facebook | Athugasemdir (0)

1.10.2011 | 09:55

EM: Hellir í beinni kl. 13 - tvær áfangaskákir

Viðreignir dagsins eru klárar. Andstæðingar Hellis stilla upp sínu sterkasta liði í lokaumferðinni. Bæði Hjörvar (2442) og Sigurbjörn (2349) fá áfangaskákir en þurfa þá að ná jafntefli gegn Malakhov (2710) og Dreev (2711).

Hægt er fylgjast með viðureigninni Hellismanna á heimasíðu mótsins (stilla á borð 25-36), ChessBomb auk þess sem mjög líklega verður um hana fjallað á Skákhorninu.

Viðureignir dagsins:

7.6	29	Hellir Chess Club		-	6	Ugra
1	GM	Stefansson Hannes	2562	:	GM	Jakovenko Dmitry	2716
2	IM	Thorfinnsson Bjorn	2412	:	GM	Rublevsky Sergei	2681
3	FM	Gretarsson Hjorvar Steinn	2442	:	GM	Malakhov Vladimir	2710
4	FM	Bjornsson Sigurbjorn	2349	:	GM	Dreev Aleksey	2711
5	FM	Lagerman Robert	2325	:	GM	Zhigalko Sergei	2696
6		Kristinsson Bjarni Jens	2033	:	GM	Sjugirov Sanan	2627

7.10	13	Gros Xake Taldea		-	26	Bolungarvik Chess Club
1	GM	Van Wely Loek	2689	:	IM	Kristjansson Stefan	2485
2	GM	Bauer Christian	2631	:	IM	Thorfinnsson Bragi	2427
3	GM	Hamdouchi Hicham	2610	:	IM	Gunnarsson Jon Viktor	2422
4	IM	Franco Alonso Alejandro	2469	:	GM	Thorhallsson Throstur	2388
5	IM	Gonzalez De La Torre Santiago	2445	:	IM	Arngrimsson Dagur	2353
6	FM	Martin Alvarez Inigo	2316	:		Gislason Gudmundur	2295

Spil og leikir | Slóð | Facebook | Athugasemdir (0)

1.10.2011 | 07:00

Skákmót Árnamessu í Stykkishólmi fer fram í dag

Skákdeild Fjölnis heldur í 3. sinn hið vinsæla Skákmót Árnamessu í Stykkishólmi og er mótið að venju ætlað öllum efnilegustu og áhugasömustu skákkrökkum landsins. Í fyrri tvö skiptin árin 2009 og 2010 reyndist þátttakan frábær þar sem um 90 grunnskólakrakkar mættu í bæði skiptin. Mótið í ár verður laugardaginn 1. október og hefst kl. 13:00 stundvíslega og því lýkur kl. 16:30. Teflt verður í grunnskólanum Stykishólmi.

Keppt verður í þremur flokkum; fæddir 1996 - 1999, fæddir 2000 - 2005 og loks í flokki Snæfellinga. Vegleg verðlaun verða veitt í lok skákmótsins auk þess sem sigurvegarar í hverjum flokki fá eignabikar. Keppendum verður boðið upp á veitingar í upphafi skákmótsins og í skákhléi. Allir sem koma að skipulagi skákmóts Árnamessu og gefa vinninga vilja með því heiðra minningu Árna Helgasonar og þess æskulýðsstarfs sem hann vann í Stykkishólmi í áratugi.

Líkt og áður er þátttakendum boðið upp á að taka rútu fram og til baka á mótsstað sem leggur af stað samdægurs kl. 9:30 frá Umferðarmiðstöðinni og Essó í Ártúnsbrekku. Þeir sem taka rútuna greiða 1000 kr.

Skákstjórar á mótinu verða þeir Helgi Árnason formaður Skákdeildar Fjölnis og Páll Sigurðsson formaður Taflfélags Garðabæjar. Skráning er hafin á skrifstofu Skáksambands Íslands í síma 568 9141 og með tölvupósti skaksamband@skaksamband.is.

Auglýsing (PDF) um mótið fylgir með sem viðhengi.

Skrár tengdar þessari bloggfærslu: