Skákmót Hressra hróka fer fram í dag

Þriðjudaginn 4. október næstkomandi verður skákmót haldið í tengslum við Geðveika daga í fjórða sinn í Björginni.

Mæting á mótið er klukkan 12.45 og hefst mótið stundvíslega kl 13.00.

Ekkert þátttökugjald er á mótið en þátttakendum er skylt að mæta með góða skapið og muna að stærsti sigurinn er að vera með

Fyrirkomulag mótsins er eftirfarandi:

• Tefldar verða 7 umferðir með 7 mínútna umhugsunartíma á mann.
• Allir sem taka þátt fá verðlaun.
• Skákstjóri mótsins er Einar S. Guðmundsson

Anatoly Karpov til Íslands

Taflfélag Reykjavíkur, CCP og MP Banki standa að komu stórmeistarans Anatoly Karpov til Íslands

Anatoly Karpov frá Rússlandi, fyrrverandi heimsmeistari í skák og einn besti skákmaður sögunnar, kemur til Íslands í byrjun október í tilefni af 111 ára afmæli Taflfélags Reykjavíkur.  CCP, framleiðandi tölvuleiksins EVE Online, og MP Banki standa að heimsókninni ásamt Taflfélaginu, en fyrirtækin hafa áður starfað saman að stórviðburði í skákheiminum þegar Stórmeistaramót MP og CCP var haldið í tilefni 110 ára afmælis TR.  Leikjahönnuðir CCP hafa jafnan litið á skákina sem hinn fullkomna leik, og líkt EVE Online krefst skákin bæði rökhugsunar og hernaðarkænsku. Lengi hefur verið unnið að því að fá stórmeistarann til landsins, en eins og komið hefur fram í fjölmiðlum er Karpov á meðal þeirra þekktu stórmeistara sem nýverið gengu í raðir Taflfélags Reykjavíkur í tengslum við Íslandsmót skákfélaga. Fyrri hluti mótsins fer fram um aðra helgi í Reykjavík.

Koma meistarans er mikil lyftistöng fyrir skákíþróttina á Íslandi og verður mikið um dýrðir vegna komu hans. Meðan á dvöl hans stendur mun Karpov meðal annars heimsækja grunnskóla og tefla þar við ungar og upprennandi skákstjörnur auk þess að mæta á skákæfingu hjá Taflfélagi Reykjavíkur , tefla fjöltefli í Ráðhúsi Reykjavíkur og heimsækja gröf Bobby Fischers.   Skákin á vaxandi vinsældum að fagna meðal ungmenna og án efa mun koma meistarans hvetja ungt skákfólk til dáða og kveikja áhuga margra á skáklistinni.

Anatoly Karpov varð heimsmeistari 1975, einungis 24 ára gamall, þegar Bobby Fischer neitaði að verja titilinn sem hann vann í Reykjavík þremur árum áður. Í næstum áratug bar Karpov ægishjálm yfir aðra skákmenn, eða allt þar til Garry Kasparov kom fram á sjónarsviðið. Frá 1984 til 1990 háðu þessir miklu meistarar 5 einvígi um heimsmeistaratitilinn, sem telja má meðal frægustu heimsmeistaraeinvígja sögunnar. Karpov tefldi áfram í fremstu röð, þrátt fyrir að hafa tapað titlinum til Kasparovs, og sigraði meðal annars á ofurskákmótinu í Linares 1994 með 11 af 13 vinningum mögulegum. Það afrek er enn í dag besta frammistaða nokkurs skákmanns á einstöku móti í allri skáksögunni.

Árið 1993 varð Karpov aftur heimsmeistari, eftir að Kasparov yfirgaf FIDE, alþjóðasamtök skákmanna og hélt titlinum til 1999.

Karpov hefur á undanförnum árum, beint kröftum sínum í síauknum mæli að góðgerðarmálefnum og er í dag sérlegur sendiherra UNICEF í Mið- og Austur Evrópu.

Heimasíða Íslandsmóts skákfélaga

Komin er upp vefsíða fyrir Íslandsmót skákfélaga.  Þar er hægt að nálgast ýmsar upplýsingar um mótið og fleiri á leiðinni næstu daga.

Heimasíða ÍS 2011-12

Bjarni Jens teflir í Osló

Það er ekki mikil stund á milli stríða hjá Bjarni Jens Kristinssyni (2033).  Degi eftir að EM landsliða tekur Bjarni Jens þátt í Oslo Chess International, nánast nýlentur. í Osló  Hann tapaði í fyrstu umferð fyrir Evvind X. Djurhuus (1787).  Í 2. umferð sem fram fer í dag teflir hann við stigalágan andstæðing.

Bjarni Jens teflir í Elo-flokki og er sjöundi stigahæsti keppandinn.

• Heimasíða mótsins
• TournamentServices (áþekkt og Chess-Results)

 

Jablon löglegur með Goðanum

Úrskurður mótsstjórnar Íslandsmóts skákfélaga 2011-2012

 

Ár 2011, mánudaginn 3. október, er tekið fyrir mál nr. 1/2011; beiðni Taflfélags Vestmannaeyja (TV) um athugun á lögmæti Stephen Jablon (FIDE-kennitala 2019833) sem keppanda með Skákfélaginu Goðanum (SG) í fyrri hluta Íslandsmóts skákfélaga 2011-2012. Í málinu úrskurða Sverrir Örn Björnsson, Áskell Örn Kárason og Helgi Árnason.

Málavextir og ágreiningsefni:

Framangreint erindi TV barst mótsstjórn með tölvupósti 29. september 2011. Þar segir m.a. svo:

„Taflfélag Vestmannaeyja (TV) fer þess hér með á leit við mótsstjórn Íslandsmóts skákfélaga að hún úrskurði um lögmæti félagaskipta Stephen Jablons (frá USA) í skákfélagið Goðann, laugardaginn 17. september sl. varðandi þátttöku hans með skákfélaginu Goðanum í Íslandsmóti skákfélaga í október nk. þar sem deildar meiningar (ágreiningur) hafa komið fram um það hvenær frestur til tilkynninga skv. 18. gr. skáklaga Skáksambands Íslands rann út í ár.

Þar sem kveðin rök hníga því að því að Stephen sé ekki löglegur og ljóst er að hann mun tefla í sömu deild (4. deild) og sveitir frá TV, taki hann þátt, er brýnt að fá úr þessu skorið enda ólíðandi að þurfa að tefla í andrúmi slíkrar óvissu. Ég fer því fram á að mótsstjórn úrskurði um þetta mál án tafar."

 

            Með tölvupósti mótsstjórnar 29. september 2011 var lagt fyrir TV að gera nánari grein fyrir ástæðum þess að félagið teldi vafa leika á lögmæti Stephen Jablon til þátttöku með SG í Íslandsmóti skákfélaga 2011.

            Svar barst frá TV með tölvupósti sama dag. Þar segir svo:

„Skáksambandið gaf út sérstaka tilkynningu á Skák.is þar sem fram kom að síðasti dagur fyrir skráningar væri 16. september sbr. eftirfarandi: "Athugið að tilkynningar v. Keppendaskrár Skáksambands Íslands skulu hafa borist SÍ í síðasta lagi 16. september nk. sbr. 18. gr. skáklaga..."

Samkvæmt þessari tilkynningu ættu því þeir sem skráðu sig í félag 17.september að vera ólöglegir. Þar af leiðandi er rétt að úr því sé skorið hvort Stephen Jablon, sem var skráður eftir að útgefinn skráningarfrestur rann út, er ólöglegur eður ei.

Það eru fordæmi fyrir því að menn hafi verið dæmdir ólöglegir vegna þess að þeir hafa verið skráðir í félag eftir að skráningarfresturinn rann út og í því sambandi ber kannski Dreev málið hæst. Það verður því áhugavert að sjá hvort hin háæruverðuga mótsstjórn er sama sinnis nú og hún var í því máli."

Með tölvupósti mótsstjórnar 29. september 2011 var formanni SG með vísan til 20. gr. skáklaga Skáksambands Íslands (SÍ) gefinn kostur á að koma á framfæri athugasemdum í tilefni af beiðni TV.

            Svar barst frá SG með tölvupósti sama dag. Þar segir svo:

„Við hjá skákfélaginu Goðanum teljum að Stephen sé löglegur með Goðanum í keppninni enda hljóti lög og reglur Skáksambandsins gilda og löglega gefinn frestur hafi sannanlega ekki verið runninn út þegar hann var skráður í Goðann."

Niðurstaða:

Eins og fram kemur í málavaxtalýsingu hér að framan lýtur ágreiningur í máli þessu eingöngu að því hvort tilkynning um skráningu Stephen Jablon í Skákfélagið Goðann, sbr. 2. gr. reglugerðar um Keppendaskrá Skáksambandsins, hafi verið send Skáksambandi Íslands innan lögmælts 20 daga frests samkvæmt 2. mgr. 18. gr. skáklaga Skáksambands Íslands. Af hálfu Skákfélagsins Goðans er talið að tilkynningin hafi verið send innan frestsins. Af hálfu Taflfélags Vestmannaeyja er hins vegar litið svo á að vafi leiki á því og þar með lögmæti Stephen Jablon til þátttöku í Íslandsmóti skákfélaga. Ekki er því haldið fram í málinu að aðrar ástæður en hér greinir kunni að leiða til ólögmætis Stephen til þátttöku í mótinu.

            Samkvæmt 1. mgr. 18. gr. skáklaga Skáksambands Íslands teljast aðeins þeir sem eru í Keppendaskrá SÍ löglegir með viðkomandi félagi í Íslandsmóti skákfélaga (fyrri og seinni hluta). Þó eru þeir skákmenn sem eru án skákstiga og án félags undanþegnir því að þurfa að vera í Keppendaskránni. Fyrir liggur að þessi undantekning á ekki við um Stephen Jablon sem er skráður með 1965 alþjóðleg skákstig á stigalista Alþjóðaskáksambandsins (FIDE).

            Í 2. gr. reglugerðar um Keppendaskrá Skáksambandsins kemur fram að skipti skákmaður um félag, nýskráist í það eða hættir í því skal hann tilkynna SÍ það á þar til gerðu eyðublaði. Samkvæmt 2. mgr. 18. gr. skáklaga skal tilkynning skákmanns samkvæmt 2. gr. reglugerðar um Keppendaskrá Skáksambandsins hafa verið send 20 dögum fyrir upphaf fyrri hluta Íslandsmóts skákfélaga ella getur hann ekki teflt fyrir sitt nýja félag í því.

            Við skýringu á frestákvæði 2. mgr. 18. gr. skáklaga þykir bera að hafa hliðsjón af viðtekinni túlkun hliðstæðra ákvæða í öðrum lögum um fresti sem taldir eru í dögum. Er þá jafnan miðað við að sá dagur, sem frestur er talinn frá, teljist ekki með innan frestsins. Fyrsti dagur við talningu frests er því sá dagur sem kemur á eftir eða eftir atvikum á undan þeim degi sem fresturinn er reiknaður frá. Þessa skýringarreglu er nú m.a. að finna í 1. mgr. 8. gr. stjórnsýslulaga nr. 37/1993 sem hér má hafa til hliðsjónar. Þá standa rík hallkvæmnisrök til þess, þegar svo stendur á að frestir eru taldir í heilum dögum en upphaf þeirra markast af atvikum innan dags, eins og hér á við, að miða frestlok allt að einu við lok dags, þ.e. miðnætti á síðasta degi frests.

Fyrri hluti Íslandsmóts skákfélaga 2011-2012 hefst í Rimaskóla föstudaginn 7. október 2011. Óumdeilt er í málinu að tilkynning um skráningu Stephen Jablon í Skákfélagið Goðann var send SÍ laugardaginn 17. september 2011, nánar tiltekið kl. 19:56:03 eftir því sem næst verður komist. Samkvæmt þessu var tilkynningin send SÍ innan lögmælts 20 daga frests samkvæmt 2. mgr. 18. gr. skáklaga, enda rann fresturinn ekki út fyrr en á miðnætti sama dag. Stephen Jablon telst því löglegur keppandi með Skákfélaginu Goðanum í fyrri hluta Íslandsmóts skákfélaga 2011-2012.

 

Ú r s k u r ð a r o r ð :

 

            Stephen Jablon (FIDE-kennitala 2019833) telst löglegur keppandi Skákfélagsins Goðans í fyrri hluta Íslandsmóts skákfélaga 2011-2012.

Um málskot:

Úrskurði þessum má skjóta til Dómstóls SÍ. Kærufrestur er þrír sólarhringar frá upphafi þeirrar umferðar sem keppandi var á meðal þátttakenda.

Atkvöld hjá Helli í kvöld - tilvalin upphitun fyrir Íslandsmót skákfélaga

Taflfélagið Hellir heldur atkvöld mánudaginn 3. október nk. og hefst taflið kl. 20:00. Fyrst eru tefldar 3 hraðskákir þar sem hvor keppandi hefur 5 mínútur til að ljúka skákinni og síðan þrjár atskákir, með fimmtán mínútna umhugsun. Um er ræða styttingu á umhugsunartíma þannig að æfingin ætti að vera lokið um kl. 22. Teflt er í félagsheimili Hellis í Álfabakka 14a í Mjóddinni. 

Sigurvegarinn fær í verðlaun pizzu frá Dominos Pizzum. Þá verður einnig dreginn út af handahófi annar keppanda, sem einnig fær pizzu hjá Dominos Pizzum. Þar eiga allir jafna möguleika, án tillits til árangurs á mótinu. Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri)

Jóhann sigraði á Atskákmóti SR

Jóhann Ingvason (2140) sigraði á Atskákmóti Skákfélags Reykjanesbæjar sem lauk fyrir skemmstu.  Jóhann hlaut 6½ vinning í 7 skákum, leyfði aðeins jafntefli gegn syni sínum, Erni Leó.  Páll Sigurðsson (1943) varð annar með 5 vinninga.  Kristján Örn Elíasson (1906) og Haukur Bergmann (2123) urðu í 3.-4. sæti með 4½ vinning.

Lokastaðan:

 

Rk.	Name	Rtg	Pts.
1	Ingvason Jóhann	2140	6,5
2	Sigurðsson Páll	1943	5
3	Elíasson Kristján Örn	1906	4,5
4	Bergmann Haukur	2123	4,5
5	Jóhannsson Örn Leó	1931	4
6	Jónsson Loftur H	1756	4
7	Jónsson Sigurður H	1836	4
8	Breiðfjörð Pálmar	1806	3,5
9	Einarsson Þorleifur	1520	3
10	Rögnvaldsson Þór	0	2
11	Ólafsson Emil	1219	1

 

Chess-Results

Haustmót SA hófst í dag

Fyrsta umferð Haustmóts Skákfélags Akureyrar var tefld í dag. Skák þeirra Smára Ólafssonar og Hersteins Heiðarssonar var frestað, en hinum lauk sem hér segir:

• Haukur-Jón Kristinn            0-1
• Sveinn-Andri                       0-1
• Jakob Svævar-Sigurður A  jafntefli 

Önnur umferð mótsins er frestað til 14. október

Skákþáttur Morgunblaðsins: Kasparov er enn geysiöflugur

Við lok stórmótsins í Linares 1995 lýsti Garrí Kasparov því yfir að hann væri hættur keppni en bætti því við að sennilega myndi hann annað veifið taka þátt í keppnum með styttri umhugsunartíma. Síðan þá hefur einbeitt sér að rússneskri pólitík og í hugum almennings á Vesturlöndum hefur hann stöðu sem einn helsti andstæðingur Pútíns forseta en aldrei náð mikilli lýðhylli í Rússlandi og varð að hætta við þátttöku í forsetaframboði árið 2007. Hann hefur þegar eignast marga öfluga andstæðinga innan rússneska stjórnkerfisins og lítill vafi leikur á því að þeir gera allt til að halda áhrifum hans niðri. Þetta kom m.a. fram þegar eindreginn stuðningur Kasparovs við framboð Karpovs til forseta FIDE í fyrra lauk með því að Ilumzhinov vann öruggan sigur. Við setningu Ólympíumótsins, sem fór fram jafnhliða kjörinu, hélt Dmítríj Medvedev forseti Rússlands ræðu.

Í skákheiminum hefur Kasparovs verið sárt saknað, viðureignir hans voru alltaf þrungnar magnaðri spennu. Þessu fengu Frakkar að kynnast á dögunum þegar Kasparov háði hraðskákeinvígi við sterkasta stórmeistara Frakka, Vachier-Lagrave. Einvígið sem fram fór í Clichy vakti geysilega athygli í Frakklandi. Þeir tefldu tvær skákir og Kasparov vann, 1 ½ - ½. Þrátt fyrir stuttan umhugsunartíma voru gæði skákanna ótrúlega mikil:

1. skák:

Garrí Kasparov Vachier-Lagrave

Sikileyjarvörn

1. e4 c5 2. Rf3 d6 3. Bb5+ Rc6 4. 0-0 Bd7 5. c3 Rf6 6. He1 a6 7. Bf1 Bg4 8. h3 Bxf3 9. Dxf3 g6 10. d3 Bg7 11. Be3 Rd7 12. Rd2 0-0 13. Dd1 Hc814. f4 e5 15. f5 gxf5 16. exf5 d5 17. g4 e4 18. Bf4 Rde5 19. dxe4 d4 20. g5

Kasparov hefur alltaf verið hrifinn af framsæknum peðum.

20. ... He8 21. Dh5 dxc3 22. bxc3 Rd3 23. Bxd3 Dxd3 24. f6 Bf8 25. Df3 c4 26. Dxd3 cxd3 27. e5 Rd8 28. Re4 Re6 29. Be3 Hed8 30. Had1 Hd5 31. Bd4 Rxd4 32. cxd4 Hxd4 33. Kf2 He8 34. Rg3 Hd5 35. h4

Valdar g5-peðið.

35. ... Bb4 36. He4 Bc3 37. Rf5 Kf8 38. Re7 Hd4 39. Kf3

Annar álitlegur kostur var 39. Hxd4 Bxd4+ 40. Kf3 og d3-peðið fellur.

39. ... Hed8 40. Hxd4 Hxd4 41. Rf5 Hd5 42. Re3! Hd4 43. Rf5 Hd5 44. Re3 Hd4 45. Hc1 Ba5 46. Hc8+ Bd8 47. h5 Ke8

48. e6

Eins og einhver benti á vinnur 48. g6 hxg6 49. hxg6 fxg6 50. e6 Hd6 51. Rf5 því 51. ... Hxd5 er svarað eð 52. Rg7+ o.s.frv.

48. ... d2 49. e7 d1D+ 50. Rxd1 Hxd1 51. h6!?

51. g6 vann einnig.

51. ... Hd6 52. Kg2 Hd2+ 53. Kf3 Hd6 54. Ke2 He6+ 55. Kd3 Hd6+ 56. Ke4 b5 57. g6 fxg6 58. exd8D+ Hxd8 59. f7+

og svartur gafst upp.

EM barna og unglinga

Á Evrópumóti barna og unglinga sem lauk í Albena í Búlgaríu sl. mánudag náði Vignir Vatnar Stefánsson bestum árangri íslensku keppendaanna, hlaut 5 ½ v. af 9 mögulegum og varð í 19. sæti af 85 keppendum.

Jóhanna Björg Jóhannsdóttir hlaut 4 vinninga af 9 mögulegum í flokki stúlkna 18 ára og yngri og Dagur Ragnarsson hlaut 3 ½ v af 9 mögulegum í flokki pilta 14 ára og yngri. Dagur og Vignir Vatnar hækkuðu báðir á stigum en Jóhanna lækkaði lítillega.

Hellir og Bolvíkingar á EM taflfélaga

Evrópumót taflfélaga, ein sterkasta flokkakeppni sem um getur, hefst um helgina í Rogoska Slatina í Slóveníu. Taflfélag Bolungarvíkur og Hellir senda sveitir á mótið sem skartar mörgum af sterkustu skákmönnum heims.

Helgi Ólafsson [e-mail] 

-------------------------------

Skákþættir Morgunblaðsins eru birtir á Skák.is u.þ.b. viku síðar en í blaðinu sjálfu.  

Grein þessi birtist í Sunnudagsmogganum 25. september 2011.

Skákþættir Morgunblaðsins

Veljið skák (2 alls): 1: Kasparov, Garry - Vachier-Lagrave, Maxime 2: Vachier-Lagrave, Maxime - Kasparov, Garry

[Event "Kasparov in Clichy"] [Site "Clichy FRA"] [Date "2011.09.17"] [Round "1"] [White "Kasparov, Garry"] [Black "Vachier-Lagrave, Maxime"] [Result "1-0"] [WhiteTitle "GM"] [BlackTitle "GM"] [WhiteElo "2812"] [BlackElo "2715"] [ECO "B51"] [Opening "Sicilian"] [Variation "Canal-Sokolsky (Nimzovich-Rossolimo, Moscow) attack"] [WhiteFideId "4100018"] [BlackFideId "623539"] [EventDate "2011.09.17"] 1. e4 c5 2. Nf3 d6 3. Bb5+ Nc6 4. O-O Bd7 5. c3 Nf6 6. Re1 a6 7. Bf1 Bg4 8. h3 Bxf3 9. Qxf3 g6 10. d3 Bg7 11. Be3 Nd7 12. Nd2 O-O 13. Qd1 Rc8 14. f4 e5 15. f5 gxf5 16. exf5 d5 17. g4 e4 18. Bf4 Nde5 19. dxe4 d4 20. g5 Re8 21. Qh5 dxc3 22. bxc3 Nd3 23. Bxd3 Qxd3 24. f6 Bf8 25. Qf3 c4 26. Qxd3 cxd3 27. e5 Nd8 28. Ne4 Ne6 29. Be3 Red8 30. Rad1 Rd5 31. Bd4 Nxd4 32. cxd4 Rxd4 33. Kf2 Re8 34. Ng3 Rd5 35. h4 Bb4 36. Re4 Bc3 37. Nf5 Kf8 38. Ne7 Rd4 39. Kf3 Red8 40. Rxd4 Rxd4 41. Nf5 Rd5 42. Ne3 Rd4 43. Nf5 Rd5 44. Ne3 Rd4 45. Rc1 Ba5 46. Rc8+ Bd8 47. h5 Ke8 48. e6 d2 49. e7 d1=Q+ 50. Nxd1 Rxd1 51. h6 Rd6 52. Kg2 Rd2+ 53. Kf3 Rd6 54. Ke2 Re6+ 55. Kd3 Rd6+ 56. Ke4 b5 57. g6 fxg6 58. exd8=Q+ Rxd8 59. f7+ 1-0

[Event "Kasparov in Clichy"] [Site "Clichy FRA"] [Date "2011.09.17"] [Round "2"] [White "Vachier-Lagrave, Maxime"] [Black "Kasparov, Garry"] [Result "1/2-1/2"] [WhiteTitle "GM"] [BlackTitle "GM"] [WhiteElo "2715"] [BlackElo "2812"] [ECO "C88"] [Opening "Ruy Lopez"] [Variation "closed, 7...O-O"] [WhiteFideId "623539"] [BlackFideId "4100018"] [EventDate "2011.09.17"] 1. e4 e5 2. Nf3 Nc6 3. Bb5 a6 4. Ba4 Nf6 5. O-O Be7 6. Re1 b5 7. Bb3 O-O 8. d3 d6 9. Nbd2 Na5 10. c3 Nxb3 11. axb3 c5 12. Nf1 Re8 13. Bg5 h6 14. Bxf6 Bxf6 15. Ne3 Bb7 16. c4 g6 17. Qd2 Bg7 18. b4 cxb4 19. Qxb4 Bc6 20. b3 a5 21. Qd2 bxc4 22. bxc4 Qc7 23. h4 h5 24. Ng5 a4 25. Qe2 Qd7 26. Ra3 Reb8 27. Nd5 Ra7 28. Rea1 Rb3 29. Rxb3 axb3 30. Rb1 Rb7 31. Qd2 Bxd5 32. cxd5 Bh6 33. Qc3 Bxg5 34. hxg5 Qg4 35. f3 Qd7 36. d4 exd4 37. Qxd4 Qb5 38. Qf6 Qb6+ 39. Kh2 b2 40. Kh3 Rb8 41. g4 hxg4+ 42. Kxg4 Qf2 43. Qxd6 Rb3 44. Qd8+ Kg7 45. Qf6+ Kg8 46. Qf4 Qc2 47. Qe5 Qxb1 48. Qe8+ Kg7 49. Qe5+ Kg8 1/2-1/2

Jóhann og Guðmundur eru efstir á Haustmóti TR

Jóhann H. Ragnarsson (2068) og Guðmundur Kjartansson (2314) eru efstir með 3 vinninga í a-flokki Haustmóts TR.  Fjórað umferð fór fram í dag.  Jóhann vann Stefán Bergsson (2135) Guðmundur gerði jafntefli við Þorvarð F. Ólafsson (2174).  Tómas Björnsson (2162) og Davíð Kjartansson (2291) eru í 3.-4. sæti með 2½ vinning.  

Fimmta umferð fer fram á miðvikudag og hefst kl. 19:30.  Að henni lokinni verður vikuhlé vegna Íslandsmóts skákfélaga.

A-flokkur:

Úrslit 4. umferðar:

 

 

1		Bergsson Stefan	0 - 1		Ragnarsson Johann
2	FM	Bjornsson Tomas	½ - ½		Jonsson Bjorn
3		Bjornsson Sverrir Orn	½ - ½		Valtysson Thor
4	IM	Kjartansson Gudmundur	½ - ½		Olafsson Thorvardur
5		Baldursson Haraldur	0 - 1	FM	Kjartansson David

Staðan:

 

 

Rk.		Name	RtgI	RtgN	Club/City	Pts.
1		Ragnarsson Johann	2068	2057	TG	3
2	IM	Kjartansson Gudmundur	2314	2316	TR	3
3	FM	Bjornsson Tomas	2162	2147	Goðinn	2,5
4	FM	Kjartansson David	2291	2266	Víkingaklúbburinn	2,5
5		Bjornsson Sverrir Orn	2158	2141	Haukar	2
6		Bergsson Stefan	2135	2135	SA	2
7		Olafsson Thorvardur	2174	2181	Haukar	1,5
8		Jonsson Bjorn	2045	1962	TR	1,5
9		Valtysson Thor	2041	2025	SA	1,5
10		Baldursson Haraldur	2010	1950	Víkingaklúbburinn	0,5

 

Aðrir flokkar: 

Stephen Jablon (1965) og Dagur Ragnarsson (1761) eru efstir í b-flokki með 3½ vinning.  Kristján Örn Elíasson (1906) er þriðji með 2½ vinning.  Sjá nánar hér.

Oliver Aron Jóhannesson (1645) er efstur í c-flokki með 3½ vinning. Birkir Karl Sigurðsson (1597) og Þorsteinn Leifsson eru í 2.-3. sæti með 3 vinninga.  Sjá nánar hér.

Vignir Vatnar Stefánsson (1444) er efstur í d-flokki (opnum flokki) með fullt hús.  Dawid Kolka (1366) er annar með 3½ vinning.  Sjá nánar hér.

• Heimasíða mótsins
• Beinar útsendingar
• Chess-Results
• Myndaalbúm (GB)