Skákmót dagsins: Íslandsmótið í netskák og Gallerý Skák

Það eru "aðeins" tvö skákmót í dag.   Fyrra skákmót dagsins fer fram í Gallerý Skák og byrjar kl. 18.  Það síðara er sjálft Íslandsmótið í netskák sem fram fer á ICC og hefst kl. 20.  Bæði mótinu eru opin öllum.   

Nánar má lesa um mótin á neðangreindum slóðum:

• Jólaskákmót Gallerý Skákar - hefst kl. 18 (upplýsingar um mótið neðst í texta)
• Íslandsmótið í netskák - hefst kl. 20 (fer fram á ICC - skráning á Skák.is)

Sigurður Herlufsen sigraði á Jólaskákmóti Riddarans

RIDDARINN - skákklúbbur eldri borgara á StórHafnarfjarðarsvæðinu - efndi  til glæsilegs jólaskákmóts síns í gær, miðvikudaginn 28. desember nk. í Strandbergi, safnaðarheimili Hafnarfjarðarkirkju.  Góð þátttaka var í mótinu og kristilegur andi sveif yfir vötnunum, þó ekki á taflborðunum sjálfum þar sem engir miskunnsamir Samverjar reyndust vera  meðal keppenda sem gáfu mótherjum sínum engin grið, heldur þvert á móti reyndu að hnésetja þá með alls kyns fléttum og bellibrögðum.  

Skákmótið var sett með klukknahljómi mótbjöllunnar,  en í leikhléi las Sr. Gunnþór Þ. Ingason, verndari klúbbsins, tvo jólaljóð, annað eftir Jóhannes úr Kötlum en hitt frumort, sem jók á hátíðleikablæinn. Í framhaldi þar af var aldursforseti virkra félaga klúbbsins, Sverrir Gunnarsson, skipasmíðameistari, senn 85 ára, sleginn til heiðurriddara af Einar S. Einarssyni, erkiriddara (formanni), en Sverrir er einn af stofnfélögum klúbbsins, afi Sverris Þorgeirssonar, sem er dóttursonur þess gamla. 

Þegar yfirlauk eftir 11 umferða taflmennsku kom í ljós að hinn einstaklega sigursæli  og trausti skákmaður Sigurður A. Herlufsen hafði skotið öllum öðrum ref fyrir rass og trónaði einn í efsta sæti með 8.5 vinninga, en þeir Jóhann Örn Sigurjónsson, Jón Þ. Þór og Friðgeir Hólm jafnir í 2.-4.sæti með 7.5 v, örlítill stigamunur réði röð.  Mótið var tiltölulega jafnt og bræðabyltur tíðar.

Veglegir jólapakkar voru í verðlaun í JÓLAKAPPINU auk bóka frá Urði Bókaútgáfu.  Jafnframt verða dregnir út góðir vinningar í JÓLAHAPPINU sem efnt var til í mótslok en Jói Útherji og Halldór skósmiður í Grímsbæ og fleiri sáu  til þess að enginn fór í jólaköttinn.

 

 

Nánar á www.galleryskak.net

Myndaalbúm (ESE)

Henrik í 1.-4. sæti í Kaupmannahöfn

Stórmeistarinn Henrik Danielsen (2542) fékk 1½ vinning í þeim tveimur umferðum sem voru tefldar í kvöld á CXU-nýársmótinu í Kaupmannahöfn.  Henrik hefur 3½ vinning eftir 4 umferðir og er efstur ásamt þremur öðrum.  Í fyrri skák dagsins gerði hann jafntefli við Mads Hansen (2213) en í þeirri síðari vann hann Nicolai Kvist Brondt Pedersen (2123). 

Á morgun mætir hann FIDE-meistaranum Per Andreasen (2251).   Skákin hefst kl. 18 og er sýnd beint á vefsíðu mótsins.

Henrik er næststigahæstur keppenda á eftir Jonny Hector (2573). 

• Heimasíða mótsins (beinar útsendingar)
• Mótstafla

 

Brekkusniglar unnu Hverfakeppni SA

Hin árlega hverfakeppni Skákfélagsins var háð í gær, 27. desember. Nú var, líkt og í fyrra, telft í tveimur sveitum og skipuðu sér saman í sveit íbúar utan Glerár, ásamt eyrarbúum. Aðrir, er sunnan árinnar búa (á Brekku og í Innbæ) skipuðu svo hina sveitina. Báðar virtust sveitirnar þéttar við fyrstu sýn enda var hart barist og drengilega á 10 borðum. Fyrst voru tefldar tvær 15 mínútna skákir. Eftir fyrri umferð höfðu Brekkubúar/innbæingar nauma forystu, en spýttu í lófa í þeirri síðari og unnu samanlagt 12,5-7,5. Úrslit á einstökum borðum urðu sem hér segir, (liðsmenn Þorpsins/Eyrarinnar taldir fyrst):

• Smári Ólafsson-Rúnar Sigurpálsson                             1-0       0-1
• Tómas Veigar Sigurðarson-Áskell Örn Kárason            0-1       0-1
• Sigurður Eiríksson-Mikael Jóhann Karlsson                   0-1       0-1
• Hjörleifur Halldórsson-Jón Kristinn Þorgeirsson            0-1       ½-½
• Ari Friðfinnsson-Haki Jóhannesson                               ½-½     ½-½
• Eymundur Eymundsson-Andri Freyr Björgvinsson         1-0       0-1
• Kári Arnór Kárason-Karl Egill Steingrímsson                  1-0       1-0
• Logi Rúnar Jónsson-Atli Benediktsson                          0-1       0-1
• Hersteinn Bjarki Heiðarsson-Bragi Pálmason                1-0       1-0
• Hjörtur Snær/Birkir Freyr-Þorgeir Smári Jónsson          0-1       0-1
• Þorpið/Eyrin-Brekkan/Innbærinn                         4,5-5,5    3-7

Þá var tekið til við hraðskák og tefld bændaglíma á 10 borðum. Tefla þá allir liðsmenn eina skák við hvern í liði andstæðinganna, alls 10 skákir. Hélt sigurganga Brekkusnigla og Fjörulalla áfram og unnu þeir allar umferðir nema eina. Þar munaði mest um þá Rúnar og Jón Kristin, sem unnu allar sínar skákir, 10 talsins.  Bestum árangri Þorpara og Eyrarpúka náðu feðgarnir Sigurður og Tómas og fengu 5½ vinning. Alls náðu sigurvegararnir 63½ vinningi gegn 36½ vinningi andstæðinganna. Hafa þeir síðarnefndu nú heilt ár til að sleikja sár sín og brýna kutana. Úrslit hverfakeppninnar 2012 eru því með öllu óráðin.

Nú er skammt stórra högga á milli hjá akureyrskum skákmönnum þar sem sjálft Jólahraðskákmótið verður háð í kvöld, 28. desember og hefst kl. 20.

Guðmundur mætir Wang Yue í Hastings

Mótið í Hastings hefst í dag.  Meðal þátttakenda er Guðmundur Kjartansson (2326).  Guðmundur ræðst ekki á garðinn þar sem hann er lægstur en hann mætir stigahæsta keppenda mótsins, kínverska stórmeistaranum Wang Yue (2697) í fyrstu umferð.  Umferðin hefst kl. 14:15 og verður skák Guðmundar sýnd beint.

• Heimasíða mótsins 
• Beinar útsendingar

Ólafur B. og Gunnar Freyr jólavíkingar 2011

Ólafur B. Þórsson og Gunnar Fr. Rúnarsson sigruðu á jólamóti Víkingaklúbbsins-Þróttar sem haldið var þriðjudaginn 27 des. Ólafur sigraði á skákmótinu og tapaði aðeins einni skák, fyrir Davíð Kjartanssyni sem varð í 2. sæti með 5.5 vinninga, en Davíð hafði leitt mótið fram að síðustu umferð, en tapaði óvænt fyrir Óliver Jóhannssyni, sem náði þriðja sæti á skákmótinu með 5.5 vinninga. Gunnar Fr. Rúnarsson varð fjórði með 5. vinninga, en hann tapaði tveim fyrstu skákunum og náði svo að vinna fimm í röð. Vigfús Óðinn Vigfússon endaði svo einn í fimmta sæti með 4.5 vinninga. Keppendur í skákinni voru 22, þar sem tímamörk voru 5. mínútur og umferðirnar sjö.

Í Víkingaskákinni varð Gunnar Fr. Rúnarsson langsterkastur, en hann endaði með 6.5 vinninga af sjö mögulegum. Annar varð Sveinn Ingi Sveinsson með 6. vinninga, en í þriðja til fjórða sæti urðu Dagur Ragnarsson og Hallgerður Þorsteinsdóttir með 4.5 vinninga. Keppendur í Víkingaskákinni voru tólf, þar sem tímamörk voru 7. mínútur og umferðirnar sjö. Gaman var að sjá nýju keppendur blómstra á sínu fyrsta Víkingaskákmóti, eins og Hallgerði, Jóhönnu Jóhannsdóttir. Einnig stóðu ungu strákarnir Dagur, Óliver og Kristófer sig frábærlega, en þeir eru nýliðar í víkingaskák eins og stúlkurnar.

Á mótinu var einnig keppt um nýjan titil í annað skipti, en sérstakur bikar var fyrir besta árangur í báðum mótunum. Gunnar Fr. fékk titilinn Tvískákmeistari með 11.5 vinninga. Ólafur B. Þórsson kom næstur með 10.5 vinninga og Sveinn Ingi varð þriðji með með 9. vinninga. Hallgerður varð efst kvenna með 8.5 vinninga og Dagur Ragnarsson efstur unglinga í tvískákinni með 8.5 vinninga.

Mótið var glæsilegt í alla staði og veitingar voru veittar án endurgjalds. Mótið í fyrra var heppnaðist einnig mjög vel, en hér má sjá úrslit og myndir frá 2009 og 2010.

Mótið 2009
Mótið 2010

Úrslitin á hraðskákmótinu

* 1. Ólafur B. Þórsson 6.0
* 2. Davíð Kjartansson 5.5
* 3. Óliver Jóhansson 5.5
* 4. Gunnar Fr. Rúnasson 5.0
*5. Vigfús Ó. Vigfússon 4.5
*6. Hallgerður Þorsteinsdóttir 4.0
*7. Dagur Ragnarsson 4.0
*8. Jóhanna B. Jóhannsdóttir 4.0
*9. Svein Ingi Sveinsson 4.0
*10. Gunnar Björnsson 3.5
* 11. Hilmir Freyr 3.5
*12. Kristófer Jóhannsson 3.5
*13. Magnús Magnússon 3.5
*14. Stefán Þór Sigurjónsson 3.5
*15. Guðmundur Gunnlaugsson 3.0
*16. Jón Úlfljótsson 3.0
*17. Jón Trausti 3.0
*18. Vignir Vatnar 2.5
*19. Jón Birgir Einarsson 2.0
*20. Óskar Long Einarsson 2.0
*21. Arnar Valgeirsson 1.0
*22. Árni Thoroddsen 0.5


Aukaverðlaun í hraðskákinni

Kvennaverðlaun
1. Hallgerður Þorsteinsdóttir

Unglingaverðlaun 20 ára og yngri
1. Óliver Jóhannsson

Úrslitin á Víkingahraðskákmótinu
(Íslandsmótið í Víkingahraðskák)

* 1. Gunnar Fr. Rúnarsson 6.5
* 2. Sveinn Ingi Sveinsson 6.0
* 3. Dagur Ragnarsson 4.5
*4. Hallgerður Þorsteinsdóttir 4.5
*5. Ólafur B. Þórsson 4.5
*6. Vigfús Ó. Vigfjússon 4.0
*7. Jóhanna Jóhannsdóttir 3.5
*8. Arnar Valgeirsson 3.5
*9. Óliver Jóhannsson 2.0
*10. Kristófer J'ohannsson 1.5
*11. Árni Thoroddsen 1.5
*12. Orri Víkingsson 0.0

Úrslitin í Tvískákinni

*1. Gunnar Fr. Rúnarsson 11.5
* 2. Ólafur B. Þórsson 10.5
* 3. Sveinn Inig Sveinsson 9.0
*4-5. Hallgerður Þorsteinsdóttir 7.5
*4-5. Dagur Ragnarsson 7.5


Aukaverðlaun í Vîkingaskákinni

Öldungur 35 ára og eldri
1. Ólafur B. Þórsson

Öldungaverðlaun II 45 ára og eldri
1. Sveinn Ingi Sveinsson

Kvennaverðlaun
1. Hallgerður Þorsteinsdóttir

Unglingaverðlaun 20 ára og yngri
1. Dagur Ragnarsson

Heimasíða Víkingaklúbbsins

Jólamót dagsins: Reykjavík, Hafnarfjörður, Akureyri og Selfoss

Það eru hvorki meira né minna en fjögur jólaskákmót sem fram fer fara í dag og/eða í kvöld.  Fjörið byrjar hjá öldungunum í Strandabergi í Hafnarfirði kl. 13 en þá hefst Jólaskákmót Riddarans en mótið er opið fyrir 60 ára og eldri.  Öll hin mótin eru opin öllum en það er Jólahraðskákmót TR og Flugeldamót SSON sem hefjast kl. 19:30 og Jólahraðskákmót SA sem hefst kl. 20.

Nánar má lesa um mótin á heimasíðu félaganna:

• Jólaskákmót Riddarans - hefst kl. 13
• Jólahraðskákmót TR - hefst kl. 19:30
• Flugeldamót SSON - hefst kl. 19:30 eða 19:45 (ef Ingimundur mætir)
• Jólahraðskákmót SA - hefst kl. 20

Jakob Sævar hraðskákmeistari Goðans

Jakob Sævar Sigurðsson vann sigur á hraðskákmóti Goðans sem var haldið í kvöld. Jakob vann sigur í fyrstu 10 skákunum og var því búinn að tryggja sér sigurinn fyrir lokumferðina, en Jakob tapaði fyrir Heimi Bessasyni í 11. umferð. Jakob Sævar er því hraðskákmeistari Goðans 2011.

Sigurður Ægisson frá Siglufirði, varð í öðru sæti með 9,5 vinninga, en þar sem hann er ekki félagsmaður í Goðanum hreppti Hermann Aðalsteinsson silfurverðlaun með 8,5 vinninga og Smári Sigurðsson krækti í bronsverðlaun með 7 vinningum. Einungis 12 keppendur tóku þátt í mótinu í þetta skiptið, sem er verulega minni þátttaka en er venjulega á hraðskákmóti Goðans.

Lokastaðan:

  1   Jakob,                 1694 10    54.00   10
  2   Sigurður Æ,            1708 9.5   43.00    9
  3   Hermann,               1343 8.5   35.25    8
 4-5  Smári,                 1664 7     27.50    6
      Benedikt,              1390 7     24.00    7
 6-7  Rúnar,                 1686 5.5   20.25    5
      Ármann,                1405 5.5   19.00    5
 8-9  Sigurbjörn,            1210 4     10.50    4
      Ævar,                  1508 4      9.00    4
 10   Sigurgeir,                  3      7.50    3
 11   Heimir,                1528 2     10.00    2
 12   Hlynur,                1055 0      0.00    0

 

Hlynur Snær varð efstur í flokki 16 ára og yngri, en hann var eini keppandinn í þeim flokki.

Heimasíða Goðans

Henrik byrjar vel í Kaupmannahöfn

Stórmeistarinn Henrik Danielsen (2542) byrjar vel í á alþjóðlegu móti í Kaupmannahöfn sem fram fer nú á milli jóla og nýárs.   Í báðum skákum dagsins vann hann töluvert stigalægri andstæðinga. 

Henrik er næststigahæstur keppenda á eftir Jonny Hector (2573).  Tvær umferðir eru tefldar beint á morgun og hefst sú fyrri kl. 10 að íslenskum tíma og sú síðari kl. 18.  Í fyrri umferðinni mætti hann Mads Hansen (2207).  Báðar skákir Henriks verða væntanlegar sýndar beint.

• Heimasíða mótsins (beinar útsendingar)
• Mótstafla

 

Sverrir sigraði á Jólamóti TV

Á jóladag fór fram 1148 (MCIIL eða MCXLVIII) Jólamót TV og varð sigurvegari að þessu sinni Sverrir Unnarsson sem vann alla andstæðinga sína og fékk veglegan pakka af jólakonfekti í verðlaun.  Að þessu sinni mættu níu keppendur, spariklæddir og fínir eftir venju þessa dags.  Tefldar voru 5 mínútna hraðskákir og höfðu ungu mennirnir þar nokkuð forskot á þá sem eldri eru og svifaseinni, allir nema Sverrir sem er í hörkuformi.

Sæti	Nafn	Vinn	SB
1	Sverrir Unnarsson	8	32,00
2	Nokkvi Sverrisson	7	24,50
3	Dadi Steinn Jonsson	5	14,50
4	Kristofer Gautason	4½	12,00
5	Einar Sigurdsson	4	11,50
6	Stefan Gislason	3½	8,00
7	Karl Gauti Hjaltason	3	6,50
8	Thorarinn I Olafsson	1	0,50
9	Hafdis Magnusdottir	0	0,00

Heimasíða TV