Nemendur og foreldrar saman á skáknámskeiði

Rimaskóli fékk á þessu skólaári úthlutað þróunarstyrk frá Skóla-og frístundasviði Reykjavíkur til að koma á skáknámskeiði fyrir nemendur yngstu bekkja og foreldra þeirra. Skilyrði fyrir þátttöku á námskeiðinu skyldi vera að með hverjum nemanda kæmi foreldri eða foreldrar með. Nú í febrúar stendur námskeiðið yfir og fer það virkilega vel af stað.

Leiðbeinendur eru þau Hjörvar Steinn Grétarsson landsliðsmaður í skák og Sigríður Björg Helgadóttir sem æfir með landsliðshópi kvenna, en þau eru bæði fyrrverandi nemendur skólans og þjálfa skáklið Rimaskóla sem reynst hafa ósigrandi á öllum skólaskákmótum að undanförnu. Í skólanum er mikill skákáhugi og yngstu nemendurnir algjörlega meðvitaðir um það. Ábyggilega leynist einhver skáksnillingur framtíðarinnar meðal þessara ungu nemenda Rimaskóla.

Skákkeppni vinnustaða fer fram 17. febrúar

Taflfélag Reykjavíkur býður öllum vinnustöðum að taka þátt í Skákkeppni vinnustaða 2012 sem fram fer í félagsheimili T.R, Skákhöllinni Faxafeni 12, föstudaginn 17. febrúar nk. og hefst kl. 19.30.

Á hverjum vinnustað er fólk sem hefur ánægju af að tefla og teflir í frístundum. Einnig hafa fjölmargir vinnustaðir á að skipa skákmönnum sem hafa teflt í áratugi og eru á meðal sterkustu skákmanna landsins.

Taflfélag Reykjavíkur hvetur alla vinnustaði til að halda skákmót fyrir sína starfsmenn fyrir keppnina 17. febrúar og þannig kynda undir áhuga á skákinni og mæta síðan með lið til keppni!

Nánari upplýsingar á heimasíðu mótsins.   Hægt að skrá lið hér á Skák.is og á heimasíðu TR.  Upplýsingar um skráð lið má nálgast hér.

KORNAX aukakeppnin: Bræður með jafntefli

Bræðurnir Bragi (2426) og Björn Þorfinnssyni (2406) gerðu jafntefli í 4. umferð aukakeppni KORNAX mótsins - Skákþings Reykjavíkur sem tefld var í gær.  Björn er efstur með 2 vinninga en Guðmundur og Bragi hafa 1 vinning.  Guðmundur hefur skák til góða á bræðurna.

Björn og Guðmundur tefla á föstudaginn. 

Staðan:

1. Björn Þorfinnsson (2406) 2 v. af 3
2. Guðmundur Kjartansson (2326) 1 v. af 2
3. Bragi Þorfinnsson (2426) 1 v. af 3

Tefld verður tvöföld umferð og verður teflt á sunnudögum kl. 14 og á miðvikudögum og föstudögum kl. 19.30. Teflt er í T.R.

• Heimasíða TR
• Chess-Results

Stefán Þormar efstur í Ásgarði í gær.

Í gær mættu þrjátiu eldhressir eldri skákmenn til leiks og tefldu níu umferðir eins og venja er á þriðjudögum.  Stefán þormar var frískastur og fékk 8 vinninga, öðru sætinu náði Haraldur Axel  með 7 vinninga og í þvi þriðja Haukur Angantýsson með 6.5 vinning.

Nánari úrslit:

• 1    Stefán Þormar Guðmundsson            8 vinninga
• 2    Haraldur Axel Sveinbjörnsson        7
• 3    Haukur Angantýsson                6.5
• 4-6    Guðfinnur R Kjartansson            6
•     Sæbjörn Guðfinnsson                6
•     Valdimar Ásmundsson            6
• 7-9    Þorsteinn Guðlaugsson            5.5
•     Gísli Árnason                    5.5
•     Óli Árni Vilhjálmsson                5.5
• 10-14    Viðar Arthúrsson                5
•     Ásgeir Sigurðsson                5
•     Grímur Jónsson                5
•     Jón Víglundsson                5
•     Jónas Ástráðsson                5
• 15    Gísli Sigurhansson                4.5
• 16-24    Fón Steinþórsson                4
•     Finnur Kr Finnsson                4
•     Kort Ásgeirsson                4
•     Magnús V Pétursson                4
•     Halldór Skaftason                4
•     Baldur Garðarsson                4
•     Einar S Einarsson                4
•     Jón Bjarnason                    4
•     Hlynur Þórðarson                4

Næstu menn fengu örlítið færri vinninga.

 

Myndaalbúm (ESE)

Jón atskákmeistari Sauðárkróks

Jón Arnljótsson varð öruggur sigurvegari á Atskákmóti Sauðárkróks sem lauk í gær. Hann lagði alla 8 andstæðinga sína. Í öðru sæti varð Unnar Ingvarsson með 6½ vinning og því þriðja Birkir Magnússon með 4½ vinning. Þrír voru jafnir í næstu sætum, Christoffer Munkholm, Guðmundur Gunnarsson og Tryggvi Þorbergsson, en þeir fengu allir 4 vinninga.

Caruana áttundi stigahæsti skákmaður heims - Aðeins Fischer og Kasparov hafa verið stigahærri þegar þeir tefldu á Íslandi

Ítalinn ungi, Fabiano Caruana, sem teflir á Reykjavíkurskákmótinu í Hörpu í mars, heldur áfram að hækka á stigum.  Síðan á listanum 1. janúar hefur hann nú hækkað um 30 stig og samkvæmt Live Chess Rating er hann nú áttundi stigahæsti skákmaður heims með 2766 skákstig. 

Samkvæmt lauslegri rannsókn Skák.is hafa aðeins tveir skákmenn verið stigahærri þegar þeir tefldu á Íslandi.  Annar hét Fischer og tefldi hér heimsmeistaraeinvígi 1972 og hinn er Kasparov.

Í dag hóf Caruana taflmennsku á Aeroflot Open.

Mjög vel heppnað Íslandsmót stúlkna - myndaveisla

Mjög vel heppnað Íslandsmót stúlkna fór fram í Sjóminjasafninu í Víkinni á Grandagarði í gær.  26 stúlkur tóku þátt við afar góðar og þægilegar aðstæður.  Hrund Hauksdóttir og Svandís Rós Ríkharðsdóttir komu sáu og sigruðu.  Hrund, sem tók þátt í sínu síðasta skólamóti, og Svandís Rós hlutu 6 vinninga.  Árangur Svandísar kom skemmtilega á óvart en hún lagði m.a. Nansý Davíðsóttir í hörkuskák í lokaumferðinni.  

Verðlaunahafar urðu sem hér segir:

Eldri flokkur:

• 1. Hrund Hauksdóttir 6 v.
• 2. Donika Kolica 5 v.
• 3. Veronika Steinunn Magnúsdóttir 4½ v.

Yngri flokkur:

• 1. Svandís Rós Ríkharðsdóttir 6 v.
• 2. Nansý Davíðsdóttir 5½ v.
• 3. Sóley Lind Pálsdóttir 4½ v.

Lokastaða mótsins:

• 1.-2. Hrund Hauksdóttir og Svandís Rós Ríkharðsdóttir 6 v. af 7
• 3. Nansý Davíðsdóttir 5½ v.
• 4. Donika Kolica 5 v.
• 5.-7. Sóley Lind Pálsdóttir, Veronika Steinunn Magnúsdótir og Hildur Berglind Jóhannsdóttir 4½ v.
• 8.-12. Tinna Ósk Ompi Rúnarsdóttir, Sólrún Elín Freygarðsdóttir, Ásta Sóley Júlíusdóttir, Heiðrún Anna Hauksdóttir og Helga Xielan Haralddóttir 4 v.
• 13.-15. Alísa Helga Svansdóttir, Svava Þorsteinsdóttir og Tinna Björk Rögnvaldsdóttir 3½ v.
• 16.-18. Halldóra Freyðgarðsdóttir, Alexandra Rut Kjærnested og Katrín Kristjánsdóttir 3 v.
• 19.-21. Silja Rut Högnadóttir, Matthildur Sverrisdóttir og Svava Þóra Árnadóttir 2½ v.
• Með færri vinninga: Dögg Magnúsdóttir, Karólína Irena Niton, Anna Kolbrún Ólafsdóttir, Eydís Helga Viðarsdóttir og Ragnheiður Lilja Maríudóttir

Allir keppendur mótsins fengu bókargjöf.  Ýmist var þar um að ræða bókina Skák og mát eftir Karpov, sem Helgi Ólafsson þýddi, eða kennslubók um skák sem Helgi samdi sjálfur.    

Össur Skarphéðinsson, utanríkisráðherra, gaf sér frí frá amstri dagsins og var allan daginn á skákstað.  Aðspurður sagði hann: "Þetta er miklu skemmtilegra en að stjórna landinu".

Meðfylgjandi eru nokkrar ljósmyndir Hrafns Jökulssonar sem kann manna best að grípa augnablikin.  Allar myndir hans má finna í myndaalbúmi mótsins.

 

  Svandís Íslandsmeistarinn í yngri flokki tekur við gullverðlaununum frá Stefán Bergssyni, framkvæmdastjóra Akademíunnar, sem átti mestan heiður af flottu mótshaldi.

 Hrund sigraði í eldri flokki

 

 Veronika Steinunn átti 14 ára afmæli þennan dag

Ótrúlega hart barist í skák Veroniku og Nansýjar - svo fór að þær féllu báðar

Svandís Rós búin að máta Nansý í hreinni úrslitaskák um Íslandsmeistaratitilinn

Tveir kratar: Forsetinn og utanríkisráðherrann

Brosmildir keppendur í mótslok!

 Systraslagur: Halldóra og Sólrún Elín

Keppendur þungt hugsi!

Hraðskákmót Hellis fer fram í kvöld

Hraðskákmót Hellis verður haldið mánudaginn 6. febrúar nk. og hefst það kl. 20.00. Teflt er í Hellisheimilinu, Álfabakka 14a. Heildarverðlaun á mótinu er kr. 16.000.  Tefldar verða 7 umferðir 2*5 mínútur.  Núverandi hraðskákmeistari Hellis er Hjörvar Steinn Grétarsson. Þetta er í sautjánda sinn sem mótið fer fram.  Björn Þorfinnsson hefur hampað titlinum oftast eða fjórum sinnum.  Verðlaun skiptast svo:

1. 8.000 kr.
2. 5.000 kr.
3. 3.000 kr.

Þátttökugjöld eru kr. 400 fyrir félagsmenn en kr. 600 fyrir aðra. Fyrir unglinga í Helli eru þau kr. 300 en kr. 400 fyrir aðra. 

Hraðskákmeistarar Hellis:

• 1995: Davíð Ólafsson
• 1996: Andri Áss Grétarsson
• 1997: Hannes Hlífar Stefánsson
• 1998: Bragi Þorfinnsson
• 1999: Davíð Ólafsson (Jón Viktor Gunnarsson sigraði á mótinu)
• 2000: Bragi Þorfinnsson
• 2001: Helgi Áss Grétarsson
• 2002: Björn Þorfinnsson
• 2003: Björn Þorfinnsson
• 2004: Sigurbjörn J. Björnsson
• 2005: Sigurður Daði Sigfússon
• 2006: Hrannar Baldursson
• 2007: Björn Þorfinnsson (Jón Viktor Gunnarsson sigraði á mótinu)
• 2008: Gunnar Björnsson
• 2009: Davíð Ólafsson
• 2010: Björn Þorfinnsson
• 2011: Hjörvar Steinn Grétarsson

Myndir frá Íslandsmóti stúlkna: Hrund og Svandís meistarar 2012!

Hrund Hauksdóttir og Svandís Rós Ríkharðsdóttir sigruðu á Íslandsmóti stúlkna, sem fram fór nú á sunnudag í Sjóminjasafninu við Grandagarð.

Hrund sigraði í eldri flokki, en hún er margfaldur Íslandsmeistari í einstaklings- og liðakeppni í skák.

Svandís Rós sigraði í yngri flokki. Þetta er fyrsti Íslandsmeistaratitill Svandísar Rósar í einstaklingskeppni. Í síðustu umferðinni sigraði Svandís nýkrýndan Íslandsmeistara barna, Nansý Davíðsdóttur.

Hrund, Svandís og Nansý eru allar úr Rimaskóla í Grafarvogi, en þar hefur stórkostlegt starf verið unnið síðasta áratuginn við skákkennslu.

Mótið heppnaðist mjög vel og Sjóminjasafnið er frábær staður fyrir skákmót.

Össur Skarphéðinsson utanríkisráðherra lék fyrsta leikinn á Íslandsmótinu, fyrir Veroníku Steinunni Magnúsdóttur, sem átti 14 ára afmæli. Ráðherrann var viðstaddur allar sjö umferðir mótsins og lauk miklu lofsorði á framgöngu allra keppenda.

Nánari fréttir eru væntanlegar hér á síðunni, en hér birtist myndagallerí Hrafns Jökulssonar úr Sjóminjasafninu.

Skákþáttur Morgunblaðsins: Mikil spenna fyrir lokaumferðina á Skákþingi Reykjavíkur

Keppni á Skákþingi Reykjavíkur hefur þróast með nokkuð öðrum hætti en búast mátti við. Þrír stigahæstu keppendur mótsins, Hjörvar Steinn Grétarsson og bræðurnir Bragi og Björn Þorfinnssynir sem allir áttu sæti í síðasta ólympíuliði Íslands hafa vissulega einhverja möguleika á sigri en Guðmundur Kjartansson og Ingvar Þ. Jóhannesson hafa hinsvegar skipst á að halda forystunni. Fyrir lokaumferðina á föstudagskvöldið var staðan þessi:

1. Ingvar Þ. Jóhannesson 7 v. af 8 2. Guðmundur Kjartansson 6 ½ v. 3.-6. Hjörvar Steinn Grétarsson, Bragi Þorfinnsson, Björn Þorfinnsson og Einar Hjalti Jensson 6 v.

Guðmundur lagði Braga að velli í 7. umferð en Björn bróðir náði fram hefndum fyrir yngri bróður sinn í næstu umferð og því ríkti mikil óvissa um það hver bæri sigur úr býtum en sex skákmenn áttu fræðilega möguleika á titlinum þegar lokaumferðin hófst. Þá áttust við sex efstu menn: Ingvar var settur á móti Braga Þorfinnssyni og hafði hvítt, Guðmundur var með hvítt gegn Hjörvari Steini og Einar Hjalti með hvítt gegn Birni. Miðað við hvernig viðureignir hafa raðast í þessu móti hefði alveg mátt hafa ellefu umferðir sem breytir þó engu um það að frammistaða Ingvars og Guðmundar hefur verið stórgóð og Ingvar vitanlega sá keppandi sem mest hefur komið á óvart.

Af mörgum skemmtilegum skákum mótsins stendur viðureign Guðmundar Kjartanssonar við Braga Þorfinnsson upp úr en þar vann Guðmundur eftir afar beinskeytta atlögu í byrjun tafls:

Guðmundur Kjartansson - Bragi Þorfinnsson

Slavnesk vörn

1. d4 d5 2. c4 c6 3. Rf3 Rf6 4. Rc3 dxc4 5. a4 Bf5 6. Rh4 Bc8 7. Rf3 Bf5 8. Rh4 Bc8 9. e3 e5 10. Bxc4 exd4 11. exd4

Þessi byrjun er m.a. þekkt úr skák Kasparovs og Tal frá heimsbikarmótinu í Reykjavík 1988.

11.... Be7 12. Db3 0-0 13. Rf3 Db6 14. Da2 Bg4?

Ónákvæmur leikur. Guðmundur taldi 14.... Ra6 best. Eftir 15. Re5 Rb4! 16. Bxf7+ Kh8 17. Db3 Dxd4 er svarta staðan ekki verri.

15. Re5! Dxd4 16. Rxf7 Rd5 17. 0-0 Ra6

Ekki 17.... Hxf7 18. Rxd5 cxd5 19. Bxd5 Bh5 20. Dxb7 og vinnur.

18. Be3! Rxe3 19. fxe3 Dxe3+ 20. Kh1 Rb4 21. Db3 b5 22. axb5 cxb5 23. Bd5!

Bráðsnjall leikur. Í fljótu bragði virðist leikurinn ekki ganga upp því eftir 23.... Rxd5 24. Dxd5 Be6! fellur riddarinn á f7. Guðmundur hafði annað í huga, 24. Rxd5!! Dxb3 25. Rxe7 mát!

23.... Hab8 24. Rh6+! Kh8 25. Rxg4

Skyndilega er hvítur manni yfir. Úrvinnslan vefst ekki fyrir Guðmundi.

25.... Dd4 26. Bf3 h5 27. Had1 Df4 28. Re2 Dg5 29. Rf2 a5 30. Rd4 Hfd8 31. Df7 Bf6 32. Re4 Dd5 33. Re6

- og svartur gafst upp.

 

Aronjan með vinnings forskot í Wijk aan Zee

Eftir góða byrjun hefur Magnúsi Carlssyni fatast flugið á stórmótinu i Wijk aan Zee sem lýkur um helgina. Hann tapaði óvænt með hvítu fyrir Karjakin í 8. umferð. Armeninn Lev Aronjan hefur hvergi misstigið sig og heldur vinningsforskoti fyrir lokasprettinn:

1. Aronjan 7 ½ v. af 10 2. Ivantsjúk 6 ½ v. 3.-4. Carlsen og Radjabov 6 v. 5.-6. Nakamura og Caruana 5 ½ v.

Keppendur í efsta flokki eru 14 talsins.

Helgi Ólafsson [e-mail]

-------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 29. janúar 2012.

Skákþættir Morgunblaðsins