Enn hækkar Caruana - kominn í sjöunda sæti heimslistans

Ítalinn ungi, Fabiano Caruana, heldur áfram að slá í gegn í skákheimum og er heitasta nafnið þar í dag ásamt kínversku stúlkunni Hou Yifan.  Nú teflir hann á Aeroflot Open og er þar efstur ásamt sjö öðrum.  Caruana er nú kominn í sjöunda sætið á heimslistanum sem uppfærður er daglega  á  Live Chess Rating.

Það er athyglisvert að skoða virkni Caruana sem hefur skotist upp stigalistann eins og eldflaug.  Hann teflir að jafnaði um 120 kappskákir á ári sem þýðir að hann teflir á u.þ.b. einu kappskákmóti á mánuði.  Segja má að hann tefli kappskák þriðja hvern dag ársins.  Að jafnaði líða aðeins 10-20 dagar á milli móta hjá honum.

Á ChessBase er fjallað um einstakan árangur Caruana.  Þar segir:

After three rounds, no one is on 3.0/3, though eight are tied with 2.5/3. First and foremost in that group is Italian GM Fabiano Caruana, who comes in rated 2736 and ranked 17th in the world, but that is only because his rating has yet to catch up with him. As a matter of fact, if one includes his result at Reggio Emilio and Wijk aan Zee, and adds in his three games at Aeroflot, he is rated a huge 2768, and ranked seventh in the world, only two points shy of Nakamura ranked sixth. He would need to crack 2785 to surpass Radjabov though, which might be expecting too much from one event. Still, if he continues to play as he did against Venezuelan Eduardo Iturrizaga (2649), who knows?

Skákina góðu gegn Iturrizaga má svo skoða í sömu frétt.

Caruana verður meðal þátttakanda á Reykjavíkurskákmótinu sem fram fer í Hörpu 6.-13. mars.

Björgvin og Dagur efstir á Gestamóti Goðans

Björgvin Jónsson og Dagur Arngrímsson eru efstir á Gestamóti Goðans með 4 vinning að lokunum 5. umferðum. Þröstur Þórhallsson, Björn Þorfinnsson og Sigurbjörn Björnsson koma næstir með 3,5 vinninga. Skák Sigurðar Daða Sigfússonar og Jóns Þorvaldssonar var frestað og pörun í 6. umferð verður því ekki ljós fyrr en að henni lokinni.

Úrslit 5. umferðar má nálgast hér og stöðuna má nálgast hér.

 

• Heimasíða Goðans
• Chess-Results
• Myndaalbúm (GB)

Davíð hraðskákmeistari Hellis í fjórða sinn

Davíð Óafsson varð síðastliðið mánudagskvöld Hraðskákmeistari Hellis í fjórða sinn. Hefur aðeins Björn Þorfinnsson unnið titilinn jafn oft og Davíð. Davíð fékk 11,5v í 14 skákum og sigraði á mótinu. Annar varð Örn Leó Jóhannsson með 10,5v en Örn Leó leiddi mótið frá upphafi og fram í lokaumferðina þegar hann beið lægri hlut fyrir Degi Ragnarssyni og hleypti um leið Davíð upp í efsta stætið. Þriðji varð svo Helgi Brynjarsson með 10v.

Lokastaðan:

• 1.   Davíð Ólafsson                      11,5v/14
• 2.   Örn Leó Jóhannsson             10,5v
• 3.   Helgi Brynjarsson                  10v
• 4.   Dagur Ragnarsson                  9v
• 5.   Jóhann Ingvason                    8v
• 6.   Jón Trausti Harðarson             7,5v
• 7.   Elsa María Kristínardóttir         7,5v
• 8.   Jóhanna Björg Jóhannsdóttir  7,5v
• 9.   Jón Úlfljótsson                        7,5v
• 10. Halldór Pálsson                       7,5v
• 11. Leifur Þorsteinsson                 7v
• 12. Gunnar Nikulásson                  6,5v
• 13. Vigfús Óðinn Vigfússon            6,5v
• 14. Oliver Aron Jóhannesson         6,5v
• 15. Kristófer Jóel Jóhannesson      6v
• 16. Hermann Ragnarsson              5v
• 17. Björgvin Kristbergsson             2v.

Tímaritið Skák kemur út í marsbyrjun

Tímaritið Skák verður endurvakið nú í marsbyrjun.  Um er að ræða árstímarit þar sem farið væri yfir liðið ár og fjallað um helstu viðburði eins og Reykjavíkurskákmótið, Ólympíuskákmótið, Skákþing Íslands, Íslandsmót skákfélaga, unglingastarf o.s.frv. Vandað verður til verka í alla staði þar sem andi gamla blaðsins svífur yfir vötnum. Gengið er út frá því að blaðið verði 90-100 bls. í fallegu broti.

Þeir sem eru tilbúnir að styðja málefnið og kaupa Tímaritið Skák árlega á aðeins 2.000 kr. eru vinsamlegast beðnir að skrá sig hér.

Allir skákáhugamenn eru hvattir til að taka þátt í þessu átaki enda blaðið ómetanleg heimild í fortíð, nútíð og framtíð.

Hjörvar útnefndur alþjóðlegur meistari

Hjörvar Steinn Grétarsson hefur verið formlega útnefndur sem alþjóðlegur meistari.  Það gerðist nú á FIDE-fundi í Al Ain í Sameinuðu furstadæmunum.  

Hjörvar er stigahæsti alþjóðlegi meistari Íslands með 2470 skákstig og vantar aðeins einn stórmeistaraáfanga.  

Útnefningar á FIDE-fundinum

Skákþing Íslands 2012 - Áskorendaflokkur

Stjórn Skáksambands Íslands hefur ákveðið að keppni í áskorendaflokki 2012 fari fram dagana 30. mars  - 8. apríl  n.k. . Mótið mun fara fram í Faxafeni 12, Reykjavík.  

Efstu tvö sætin gefa föst sæti í Landsliðsflokki 2012 eða 2013.  Vakin er athygli á því  að þeir sem ávinna sér rétt í Landsliðsflokki geta valið um að tefla í apríl 2012 eða nota réttinn á næsta ári.   Fyrirkomulag landsliðsflokks verður kynnt fljótlega.

Dagskrá:

• Föstudagur, 30. mars, kl. 18.00, 1. umferð
• Laugardagur, 31. mars, kl. 14.00, 2. umferð
• Sunnudagur, 1. apríl, Frídagur
• Mánudagur, 2. apríl, kl. 18.00, 3. umferð
• Þriðjudagur, 3. apríl, kl. 18.00, 4. umferð
• Miðvikudagur, 4. apríl, kl. 18.00, 5. umferð
• Fimmtudagur, 5. apríl, Frídagur
• Föstudagur, 6. apríl, kl. 11.00, 6. umferð
• Föstudagur, 6. apríl, kl. 17.00, 7. umferð
• Laugardagur, 7. apríl, kl. 14.00, 8. umferð
• Sunnudagur, 8. apríl, kl. 14.00, 9. umferð

Umhugsunartími: 90 mín. + 30 sek. til að ljúka.

Verðlaun:

• 1. 50.000.-
• 2. 30.000.-
• 3. 20.000.-

Aukaverðlaun:            

• U-2000 stigum, 10.000.-
• U-1600 stigum, 10.000.-
• U-16 ára, 10.000.-
• Kvennaverðlaun, 10.000.-
• Fl. stigalausra, 10.000.-

Aukaverðlaun eru háð því að a.m.k. 5 keppendur séu í hverjum flokki og eingöngu er hægt að vinna til einna aukaverðlauna.  Reiknuð verða stig séu fleiri en einn í efsta sæti.  Stigaverðlaunin miðast við íslensk skákstig.

Þátttökugjöld:

• 18 ára og eldri             3.000.-
• 17 ára og yngri            2.000.-

 

Skráningu skal senda í tölvupósti á [e-mail] eða tilkynna í síma 568 9141 virka daga kl. 10-13.   Einnig verður hægt að skrá sig beint á Skák.is þegar nær dregur keppni. 

SSON lagði Vin

11 knáir knappar vestan úr höfuðstað auk einnar stúlku sunnan úr álfu heiðruðu Selfyssinga í gærkvöldi þegar seinni hluti árlegarar vinakeppni þessara félaga fór fram.  Fyrri hlutinn fór fram á heimavelli Vinjar í nóvember síðasta, þeirri viðureign lauk með sigri SSON liða 51,5-48,5.

Vinjarmenn með nýjan liðsfélaga, sjálfan Lagermanninn, í broddi fylkingar, auk annarra valinkunnra höfðingja s.s. Hrannars, Hrafns og Jorge auk fleiri mismikilla spámanna en þó allt dyggir þjónar Caissu.  Fyrir mannskapnum fór engin annar en skáktröllið, mannvinurinn og þúsundþjalasmiðurinn Arnar frá Valgeirsstöðum.

Teflt var um forláta bikar sem þeir Vinjarliðar höfðu með sér að sunnan.

Menn misgóðir eins og gefur að skilja, bestir Vinjarmanna Róbert, Hrafn og Jorge.  Robbi með 8,5 vinninga, gerði jafntefli í fyrstu þremur, gegn Páli Leó, Magnúsi og Ingimundi en vann síðan afgang.  Hrafn og Jorge með 6,5 vinninga hvor.

Bestur heimamanna Páll Leó með 8 vinninga, síðan bræður tveir, þeir Ingimundur og Úlfhéðinn ásamt Ingvari Erni með 7 vinninga.

Niðurstaðan, nokkuð traustur sigur heimamanna 56-44.

Samtala 107,5-92,5.

Selfyssingar vilja þakka Vinjarliðum fyrir komu, stundir góðar sem ágætar hinar mestu og hlakka til  næstu viðureigna.

Gens una sumus !

Heimasíða SSON

Hjörleifur efstur fyrir lokaumferð Skákþings Akureyrar

Tveir efstu menn Skákþings Akureyrar, Hjörleifur og Jakob Sævar, áttust við í 6. umferð í gærkvöldi. Með sigri náði Hjörleifur að tryggja sér hálfs vinnings forskot fyrir síðustu umferð.

Aldursforsetinn er nú með 5 vinninga en þeir Smári Ólafsson, sem lagði Símon Þórhallsson að velli og Jón Kristinn Þorgeirsson, sem sigraði nafna sinn Magnússon, hafa hálfum vinningi minna. Jakob Sævar kemur svo í fjórða sæti með 4 vinninga.

Í lokaumferðinni sem tefld verður á sunnudaginn teflir Hjörleifur við Hjört Snæ Jónsson, Smári og Jakob eigast við og Jón Kristinn teflir við Símon.

Í kvöld heldur TM-mótatöðin áfram. Taflið hefst kl. 20 og eru allir velkomnir.

• Heimasíða SA
• Chess-Results

 

Sverrir efstur á Skákþingi Vestmannaeyja

Sjöunda umferð Skákþings Vestmannaeyja var tefld í gærkvöldi og var nokkuð um óvænt úrslit.  Sverrir Unnarsson er efstur með 6 vinninga.  Nökkvi, sonur hans, er annar með 5,5 vinning og Einar Guðlaugsson er þriðji með 4,5 vinning.  Nökkvi og Einar eiga eftir að teflda frestaða skák.

Kristófer sigraði Einar eftir að sá síðanefndi hafði leikið frekar ónákvæmt. Kristófer nýtti sín færi vel og vann örugglega.  Michal tapaði manni í 5. leik en náði samt að setja pressu á Nökkva en það dugði ekki til og Nökkvi vann.  Stefán fékk fljótlega kolunna stöðu á móti Gauta og vann skiptamun en tefldi ekki nægilega vel eftir það. Í tímahraki vann Gauti mann til baka og staðan leystist upp í jafntefli.  Daði Steinn og Sverrir tefldu lengstu skák umferðarinnar og eftir byrjunina hafði Sverrir aðeins betra. Daði Steinn tefldi skákina mjög vel og gaf ekki færi á sér og þeir sættust að lokum á jafntefli. Í lokastöðunni hafði þó Daði Steinn einhverja vinningsmöguleika.

Skák Sigurðar og Jörgens var frestað og verður hún tefld um helgina, sem og skák Nökkva og Einars úr 5. umferð.  Áttunda og næstsíðasta umferður verður svo tefld á miðvikudagskvöldið.

Staðan:

Sæti	Nafn	Stig	Vin	SB
1	Sverrir Unnarsson	1946	6	15,75
2	Nökkvi Sverrisson	1930	5½	17,00	1 frestuð
3	Einar Guðlaugsson	1928	4½	12,00	1 frestuð
4	Michal Starosta	0	4	7,50
5	Daði Steinn Jónsson	1695	3½	12,25
6	Kristófer Gautason	1664	3½	8,75
7	Karl Gauti Hjaltason	1564	3	9,75
8	Stefán Gíslason	1869	3	4,50
9	Jörgen Freyr Ólafsson	1167	0	0,00	1 frestuð
10	Sigurður A Magnússon	1367	0	0,00	1 frestuð

 

• Heimasíða TV
• Chess-Results

Fimmtudagsmót hjá TR í kvöld

Fimmtudagsmót hjá TR 2012 verður í kvöld og hefst að venju kl. 19:30 en húsið opnar kl. 19:10.

Tefldar verða 7 umferðir með 7 mínútna umhugsunartíma.

Mótin fara fram í félagsheimili T.R., skákhöllinni að Faxafeni 12. Glæsilegur verðlaunapeningur er í boði fyrir sigurvegarann.

Mótin eru öllum opin og er aðgangseyrir kr. 500 fyrir 16 ára og eldri en frítt er fyrir 15 ára og yngri.  Boðið er upp á kaffi ásamt léttum veitingum án endurgjalds.