Gunnar Björnsson ráðinn til Skáksambandsins

Skáksamband Íslands hefur gengið frá ráðningarsamningi við Gunnar Björnsson forseta sambandsins. Gunnar mun sinna störfum fyrir skákhreyfinguna í 60% starfshlutfalli ásamt því að halda áfram starfi sínu í Landsbankanum að 40%.

Í starfi sínu mun Gunnar meðal annars vinna að áframhaldandi útbreiðslu skáklistarinnar, fjármögnun og skipulagningu skákviðburða.

Fyrir hönd Skáksambandsstjórnar, Halldór Grétar Einarsson varaforseti.

Skákþáttur Morgunblaðsins: Guðmundur vann Kortsnoj á Gíbraltar

Kínverska skákstjarnan og núverandi heimsmeistari kvenna, Hou Yifan, stal gjörsamlega senunni á opna mótinu sem lauk á Gíbraltar á fimmtudaginn. Sigur hennar yfir Judit Polgar í sjöundu umferð vakti geysilega athygli og er að öllum líkindum fyrsta tap Juditar Polgar fyrir konu í nær aldarfjórðung. Í næstu tveim umferðum vann hún Liem Le Queng frá Víetnam og síðan Alexei Shirov. Eftir jafntefli í lokaumferðinni við Aserann Mamedyarov deildi hún efsta sæti með Nigel Short, þau hlutu 8 vinninga af 10 mögulegum. Í 3. - 6. sæti komu svo Adams, Mamedyarov, Bologan og Sutovsky.

Af fulltrúa Íslands og Vestfjarða: um svipað leyti og Judit Polgar var að kosskveðja fjölskyldu sína í Búdapest, steig verkstjórinn Guðmundur Gíslason út úr hraðfrystihúsi Gunnvarar í Hnífsdal, bað starfmenn sína að hugsa vel um vinnustaðinn í nokkra daga; hann þyrfti nefnilega að skreppa til Gíbraltar sem sumir kalla „Klettinn". Guðmundur hlaut sex vinninga og endaði í 49. - 75. sæti. Það er alltaf gaman að fylgjast með Guðmundi þegar honum tekst vel upp. Sigur hans yfir Viktor Kortsnoj verður lengi í minnum hafður:

Gíbraltar 2012; 6. umferð:

Guðmundur Gíslason - Viktor Kortsnoj

Pólsk vörn

1. d4 Rf6 2. Rf3 g6 3. g3 b5 4. Bg2 Bb7 5. c3 e6 6. Dd3 a6 7. Bg5 c5 8. e4 h6 9. Bxf6 Dxf6 10. Rbd2 cxd4 11. cxd4 Rc6 12. O-OB e7 13. a3 d5 14. Hac1 O-O 15. e5 Dg7 16. Rb3 Hac8 17. Hc2 g5 18. h3 h5 19. Hfc1 g4 20. hxg4 hxg4 21. Rh2 Kh8 22. f3!?

Eygir möguleika á sóknaraðgerðum á kóngsvæng. Hann gat tryggt sér þægilegt frumkvæði með 22. Rc5.

22. ... gxf3 23. Bxf3 Bg5 24. Rg4! Dg6

Kortsnoj sá að ekki gekk 24. ... Bxc1 vegna 25. Hh2+! Kg8 26. Rf6+! og mátar.

25. Hd1 Kg7 26. Rc5 Re7 27. Dxg6 Rxg6 28. Hh2 Hc7 29. Hh5 Be7 30. b4 Hh8 31. Hxh8 Rxh8 32. Kf2 Bg5 33. Be2 Rg6 34. Bd3 Bc8 35. Hh1 Ha7 36. a4!

Verður fyrri til að brjóast inn eftir a-línunni.

36. ... bxa4 37. Ha1 Re7 38. Rxa4 Rc6 39. Hh1 Rxb4 40. Bb1 Bd7 41. Rc5 Be7 42. Hh7 Kf8 43. Rf6?

Sterkara var að skipta uppá d7. „Houdini" gefur upp: 43. Rxd7+ Hxd7 44. Rf6+ Bxf6 45. gxf6 Kg8 46. Hg7 Kh8 47. Bg6 Rc6 48. Bxf7 Rd8! 49. Bxe6! Hd6! og svartur á að halda velli.

43. ... Bxc5 44. dxc5 Bb5?

Best var 44. ... Rc6.

45. g4

Missir af glæsilegu „Novotny-þema": 45. Hh8+ Ke7 46. Hb8! Hc7 47. c6! - skurðpunktur stöðunnar. Svartur verður að leika 48. ... Bxc6 og gefa riddarann.

45... Ke7?

Kortsnoj varð að leika 45. ... Hb7 46. g5 Bc6 sem heldur jafnvægi.

46. g5 Rc6 47. g6 Rxe5 48. g7 Ha8 49. g8=D Hxg8 50. Rxg8 Kd7 51. Rh6 Kc6

Hrók undir brýst Kortsnoj um á hæl og hnakka.

52. Rxf7 Rxf7 53. Hxf7 Kxc5 54. Ke3 a5 55. He7 Bc4 56. Kd2 d4 57. Bd3 Bd5 58. Ha7 Kb4 59. Ha6 Bb3 60. Hb6 Ka3 61. Kc1 a4 62. Kb1 Ba2 63. Ka1 Bb3 64. Be4 Bc4 65. Hd6 e5 66. Hb6 Be2 67. Bc6?

Hér fer Guðmundur út af sporinu. Nauðsynlegt var að koma kónginum til c2.

67. ... Bd3 68. Hb8 e4 69. Hd8 Kb4??

Lokaafleikurinn. Svartur gat náð jafntefli með 69. ... Kb3! t.d. 70. Hxd4 Kc3! 71. Hxa4 e3 os.frv.

70. Bxe4!

- Óvænt endalok, 70. ... Bxe4 er svarað með 71. Hxd4+ og 72. Hxe4.

Eftir þennan leik lagði Kortsnoj niður vopnin.

Helgi Ólafsson [e-mail]

-------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 5. febrúar 2012.

Skákþættir Morgunblaðsins

[Event "Tradewise Gibraltar"] [Site "Caleta ENG"] [Date "2012.01.29"] [EventDate "2012.01.24"] [Round "6.29"] [Result "1-0"] [White "G Gislason"] [Black "V Korchnoi"] [ECO "A49"] [WhiteElo "2332"] [BlackElo "2558"] [PlyCount "140"] 1. d4 Nf6 2. Nf3 g6 3. g3 b5 4. Bg2 Bb7 5. c3 e6 6. Qd3 a6 7. Bg5 c5 8. e4 h6 9. Bxf6 Qxf6 10. Nbd2 cxd4 11. cxd4 Nc6 12. O-O Be7 13. a3 d5 14. Rac1 O-O 15. e5 Qg7 16. Nb3 Rac8 17. Rc2 g5 18. h3 h5 19. Rfc1 g4 20. hxg4 hxg4 21. Nh2 Kh8 22. f3 gxf3 23. Bxf3 Bg5 24. Ng4 Qg6 25. Rd1 Kg7 26. Nc5 Ne7 27. Qxg6+ Nxg6 28. Rh2 Rc7 29. Rh5 Be7 30. b4 Rh8 31. Rxh8 Nxh8 32. Kf2 Bg5 33. Be2 Ng6 34. Bd3 Bc8 35. Rh1 Ra7 36. a4 bxa4 37. Ra1 Ne7 38. Nxa4 Nc6 39. Rh1 Nxb4 40. Bb1 Bd7 41. Nc5 Be7 42. Rh7+ Kf8 43. Nf6 Bxc5 44. dxc5 Bb5 45. g4 Ke7 46. g5 Nc6 47. g6 Nxe5 48. g7 Ra8 49. g8=Q Rxg8 50. Nxg8+ Kd7 51. Nh6 Kc6 52. Nxf7 Nxf7 53. Rxf7 Kxc5 54. Ke3 a5 55. Re7 Bc4 56. Kd2 d4 57. Bd3 Bd5 58. Ra7 Kb4 59. Ra6 Bb3 60. Rb6+ Ka3 61. Kc1 a4 62. Kb1 Ba2+ 63. Ka1 Bb3 64. Be4 Bc4 65. Rd6 e5 66. Rb6 Be2 67. Bc6 Bd3 68. Rb8 e4 69. Rd8 Kb4 70. Bxe4 1-0

Hjörvar vann Flear - Bragi tapði

Hjörvar Steinn Grétarsson (2470), sem leysti Björn Þorfinnsson af um helgina í bresku deildakeppninni, vann enska stórmeistarann Glenn Flear (2470) í 6. umferð sem fram fór í dag.  Viðureign Hjörvars og Flear fór fram á fyrsta borði.  Hjörvar vann sínar báðar skákir um helgina.  Bragi Þorfinnsson (2426) tapaði hins vegar fyrir spænska alþjóðlega meistaranum Jose Fernando Cuenca Jimenez (2470) og hlaut hálfan vinning um helgina.

Keppninni verður framhaldið helgina 31. mars - 1. apríl.

• Heimasíða Bresku deildakeppninnar
• Bein útsending

Hjörleifur skákmeistari Akureyrar

Það var mikil spenna í loftinu þegar síðasta umferðin  í Skákþingi Akureyrar hófst í dag. Aldursforsetinn, Hjörleifur Halldórsson (68 ára) var í góðri stöðu með hálfsvinnings forskot á ungstirnið Jón Kristinn Þorgeirsson og ríkjandi Akureyrarmeistara Smára Ólafsson. Fast á hæla þeirra kom Jakob Sævar Sigurðsson einum vinningi á eftir Hjörleifi. Smári og Jakob tefldu saman, Jón gegn Símoni Þórhallssyni og Hjörleifur gegn Hirti Snæ Jónssyni. Eina skákin sem ekki gat haft áhrif á stöðu efstu manna var viðureign Andra Freys og Jóns Magnússonar.

Hjörleifur, sem hafði hvítt, bryddaði upp á Bird-byrjun með því að leika peði sínu til f4 í fyrsta leik. Við þessu átti Hjörtur ekkert svar og tókst aldrei að jafna taflið og Hjörleifur vann mann og þar með skákina í 17. Leik. Þar með tryggði hann sér sigur á mótinu á meðan hinar skákirnar voru rétt að skríða út úr byrjuninni! Eftir það snérist spennan um annað sætið.

Jón og Smári unnu báðir sínar skákir og urðu jafnir í 2. - 3. sæti og reyndist Jón vera hálfu stigi ofar eftir stigaútreikninga.

Allar skákir umferðarinnar unnust á hvítt og urðu úrslitin sem hér segir:

• Hjörleifur - Hjörtur 1-0
• Jón Kr. - Símon 1-0
• Smári - Jakob 1-0
• Andri - Jón Magnússon 1-0

Lokastaðan:

• 1.    Hjörleifur Halldórsson     6 vinningar af 7
• 2.    Jón Kristinn Þorgeirsson 5,5 
• 3.    Smári Ólafssson 5,5 
• 4.    Jakob Sævar Sigurðsson 4 
• 5.    Andri Freyr Björgvinsson 3.5
• 6.    Símon Þórhallsson 2
• 7.    Hjörtur Snær Jónsson 1,5
• 8.    Jón Magnússon 0

Skákfélagið þakkar þátttakendum fyrir drengilega keppni og óskar sigurvegaranum til hamingju.

• Heimasíða SA
• Chess-Results

 

Hjörvar vann - Bragi með jafntefli

Hjörvar Steinn Grétarsson (2470) vann sterkustu skákkonu Englands Jovanka Houska (2414) í 5. umferð Breska deildakeppninnar sem fram fór í dag.  Bragi Þorfinnsson (2426) gerði hins vegar jafntefli við norska alþjóðlega meistaranum Thorstein Bae.  Þeir tefla einnig í fyrramálið en væntanlega verða þær skákir ekki sýndar beint.

• Heimasíða Bresku deildakeppninnar
• Bein útsending

Breska deildakeppnin: Bragi og Hjörvar í beinni kl. 14

Alþjóðlegu meistararnir Bragi Þorfinnsson (2426) og Hjörvar Steinn Grétarsson (2470) verða í beinni útsendingu frá Bresku deildakeppninni í dag en umferð dagsins hefst kl. 14.  Þeir tefla fyrir klúbbinn Jutes of Kent.  Bragi mætir norska alþjóðlega meistaranum Thorstein Bae en Hjörvar mætir sterkustu skákkonu Englands, Jovanka Houska (2414).  

• Heimasíða Bresku deildakeppninnar
• Bein útsending

Björn Þorfinnsson skákmeistari Reykjavíkur í þriðja sinn

 

 

 

Alþjóðlegi meistarinn Björn Þorfinnsson (2406) varð í kvöld skákmeistari Reykjavíkur í þriðja sinn og í annað árið í röð.  Björn vann Guðmund Kjartansson (2326) í kvöld.   Einni skák í úrslitakeppninni er ólokið, skák Braga Þorfinnssonar (2426) og Guðmundar Kjartansson (2306) en hvorugur þeirra getur náð Birni að vinningum.  

Staðan:

• 1. Björn Þorfinnsson (2406) 3 v. af 4
• 2.-3. Guðmundur Kjartansson (2326) og Bragi Þorfinnsson (2426) 1 v. af 3

Tefld verður tvöföld umferð og verður teflt á sunnudögum kl. 14 og á miðvikudögum og föstudögum kl. 19.30. Teflt er í T.R.

• Heimasíða TR
• Chess-Results

Skákkeppni vinnustaða fer fram 17. febrúar

Taflfélag Reykjavíkur býður öllum vinnustöðum að taka þátt í Skákkeppni vinnustaða 2012 sem fram fer í félagsheimili T.R, Skákhöllinni Faxafeni 12, föstudaginn 17. febrúar nk. og hefst kl. 19.30.

Á hverjum vinnustað er fólk sem hefur ánægju af að tefla og teflir í frístundum. Einnig hafa fjölmargir vinnustaðir á að skipa skákmönnum sem hafa teflt í áratugi og eru á meðal sterkustu skákmanna landsins.

Taflfélag Reykjavíkur hvetur alla vinnustaði til að halda skákmót fyrir sína starfsmenn fyrir keppnina 17. febrúar og þannig kynda undir áhuga á skákinni og mæta síðan með lið til keppni!

Nánari upplýsingar á heimasíðu mótsins.   Hægt að skrá lið hér á Skák.is og á heimasíðu TR.  Upplýsingar um skráð lið má nálgast hér.

Skákþing Goðans fer fram 17.-19. febrúar

Skákþing Goðans 2012 verður haldið helgina 17-19 febrúar nk. í sal Framsýnar-stéttarfélags* að Garðarsbraut 26 á Húsavík. Mótið er öllum opið.

Tefldar verða 7 umferðir eftir swissneska-kerfinu,(swiss-manager) 4 atskákir og 3 kappskákir.
Mótið verður reiknað til Íslenskra og fideskákstiga.                                 

Dagskrá:
Föstudagur   17 febrúar  kl 20:00  1-4 umferð.   (atskák 25 mín )
Laugardagur 18 febrúar  kl 11:00  5. umferð.     (90 mín +30 sek á leik)
Laugardagur 18 febrúar  kl 19:30  6. umferð.       -------------------
Sunnudagur  19 febrúar  kl 11:00  7. umferð.       -------------------

*Það skal tekið fram að 1-4 umferð, atskákirnar sem verða tefldar á föstudagskvöldinu, verða tefld í Bjarnahúsi, sem er safnaðarheimili Húsavíkurkirkju og er staðsett í næsta húsi sunnan við Húsavíkurkirkju.

Verðlaun verða með hefðbundnu sniði. 3 efstu í fullorðins flokki og 3 efstu í 16 ára og yngri.
Farandbikar fyrir sigurvegarann í báðum flokkum.
 
Þátttökugjald er 2000 krónur fyrir fullorna og 1000 krónur fyrir 16 ára og yngri. 

Mótið á chess-results:
http://www.chess-results.com/tnr65329.aspx?ix=1&lan=1&turdet=YES

Skráning í mótið fer fram hjá formanni í síma 464 3187 eða 821 3187      

Skákmeistarar Goðans frá upphafi:

2004    Baldur Daníelsson.
2005    Ármann Olgeirsson
2006    Ármann Olgeirsson       
2007    Smári Sigurðsson         
2008    Smári Sigurðsson 
2009    Benedikt Þorri Sigurjónsson
2010    Rúnar Ísleifsson
2011    Jakob Sævar Sigurðsson  

Gallerý Skák mótaröðin: Magnús vann þriðja mótið

Þriðja kappteflið af fjórum í mótaröðinni um Taflkóng Friðriks fór fram í gærkvöldi og lauk með sigri hins slúnga og ólseiga Bolvíkings Magnúsar Sigurjónssonar, sem hlaut 10 vinninga af 11 mögulegum. Annar að þessu sinni var hinn gamalreyndi skákmeistari Jón Þ. Þór með 9 vinninga og þriðji gestgjafinn sjálfur Guðfinnur R. Kjartansson, sem jafnan er meðal efstu manna.

Keppendur voru 20 talsins en nær 30 sem tekið hafa þátt í einhverju ótanna.  

Stigastaðan í mótaröðinni er nú þannig að Guðfinnur leiðir með 22 stig eftir 3 mót, næstur er Magnús með 18 stig (2 mót)og Gunnar Skarphéðinsson þriðji 16 stig (2 mót).  Hæsta vinningshlutfall í 3 mótum af 4 telja til lokastiga, svo úrslitin eru enn óráðin.  

Lokamótið fer fram fimmtudagskvöldið 16. febrúar nk.    

Meira á www.galleryskak.net

Staðan: