Myndir frá Reykjavíkurmóti grunnskólasveita

Hrafn Jökulsson tók mikinn fjölda mynda á Reykjavíkurmóti grunnskólasveita sem fram fór í gær.  Myndirnar eru u.þ.b. 170.  Hér að neðan má finna nokkrar valdar myndir.  Myndaalbúmið í heild sinni má finna hér.

 

 

Helgi Árnason, Davíð Hallsson (faðir Nansýar, Ríkharður Traustason (faðir Svandísar) og Svandís Rús, Íslandsmeistari stúlkna

 

Gauti Páll og nemendur í Grandaskóla

 

Skákmömmur að bíða

 

Karpov og Ragnheiður (móðir Sigurðar Kjartanssonar)

 

Ólafur H. Ólafsson (Óli H)

 

Svavar Viktorsson liðsstjóri Laugalækjarskóla var kampakátur!

 

Heimir Páll Ragnarsson fékk fullt hús vinninga á fjórða borði silfursveitar Hólabrekkuskóla

 

Mikið kraðak í skáksalnum

 

Stórmeistararnir og skáksveit Ölduselsskóla

 

 

 Mikil einbeiting

 

 

Þorsteinn sigraði á Eðalskákmóti eldri borgara

Í dag var haldið svokallað Eðalskákmót eldri borgara í Ásgarði. Hinn góðkunni fyrrverandi knattspyrnu dómari Magnús V Pétursson forstjóri í Jóa Útherja gaf öll verðlaun og afhenti þau í mótslok. Til þess að fá þrjú aðal verðlaunin þurftu menn að vera orðnir 75 ára eða eldri.

Teflt var um farandbikar  sem á að keppa um árlega eftirleiðis. Þess má geta að af 32 keppendum í dag voru 15 orðnir 75 ára eða eldri.

Þorsteinn Guðlaugsson varð efstur af öldungunum með 6.5 vinning og fékk bikarinn og gull pening,silfurpeninginn fékk Gísli Sigurhansson með 5.5 vinning og bronspeninginn fékk Haraldur Axel Sveinbjörnsson með 5 vinninga, hann var efstur á stigum af þeim 6 sem voru með 5 vinninga.

Sæbjörn Guðfinnsson vann mótið hinsvegar með 8 vinninga af 9 mögulegum og Guðfinnur Kjartansson varð í öðru sæti með 7.5 vinninga þeir fengu líka glaðning frá Magnúsi.

Síðan afhenti Magnús svokölluð heiðursverðlaun þeim skákmanni sem fékk fæsta vinninga,þau hlaut Hrafnkell Guðjónsson.

Sjá nánari úrslit:

• 1          Sæbjörn Guðfinnsson                         8
• 2          Guðfinnur Kjartansson                       7.5
• 3          Þorsteinn Guðlaugsson                       6.5
• 4-5       Þór Valtýsson                                      6
•             Stefán Þormar                                     6
• 6-7       Haukur Angantýsson                          5.5
•             Gísli Sigurhansson                              5,5
• 8-13     Haraldur Axel                                     5
•             Jónas Ástráðsson                                 5
•             Valdimar Ásmundsson                       5
•             Gísli Árnason                                      5
•             Friðgeir Hólm                                      5
•             Magnús V Pétursson                           5
• 14-19   Kristján Guðmundsson                       4.5
•             Jón Víglundsson                                 4.5
•             Kort Ásgeirsson                                  4.5
•             Birgir Ólafsson                                    4.5
•             Birgir Sigurðsson                                4.5
•             Finnur Kr Finnsson                             4.5
• 20-25   Bragi G Bjarnarson                             4
•             Jón Steinþórsson                                 4
•             Baldur Garðarsson                              4
•             Ásgeir Sigurðsson                               4
•             Halldór Skaftason                               4
•             Hlynur Þórðarson                                4

Næstu sjö skákmenn fengu örlítið færri vinninga.

Skákþing Goðans hefst á föstudag

Skákþing Goðans 2012 verður haldið helgina 17-19 febrúar nk. í sal Framsýnar-stéttarfélags* að Garðarsbraut 26 á Húsavík. Mótið er öllum opið.

Tefldar verða 7 umferðir eftir swissneska-kerfinu,(swiss-manager) 4 atskákir og 3 kappskákir.
Mótið verður reiknað til Íslenskra og fideskákstiga.                                 

Dagskrá:
Föstudagur   17 febrúar  kl 20:00  1-4 umferð.   (atskák 25 mín )
Laugardagur 18 febrúar  kl 11:00  5. umferð.     (90 mín +30 sek á leik)
Laugardagur 18 febrúar  kl 19:30  6. umferð.       -------------------
Sunnudagur  19 febrúar  kl 11:00  7. umferð.       -------------------

*Það skal tekið fram að 1-4 umferð, atskákirnar sem verða tefldar á föstudagskvöldinu, verða tefld í Bjarnahúsi, sem er safnaðarheimili Húsavíkurkirkju og er staðsett í næsta húsi sunnan við Húsavíkurkirkju.

Verðlaun verða með hefðbundnu sniði. 3 efstu í fullorðins flokki og 3 efstu í 16 ára og yngri.
Farandbikar fyrir sigurvegarann í báðum flokkum.
 
Þátttökugjald er 2000 krónur fyrir fullorna og 1000 krónur fyrir 16 ára og yngri. 

Mótið á chess-results:
http://www.chess-results.com/tnr65329.aspx?ix=1&lan=1&turdet=YES

Skráning í mótið fer fram hjá formanni í síma 464 3187 eða 821 3187      

Skákmeistarar Goðans frá upphafi:

2004    Baldur Daníelsson.
2005    Ármann Olgeirsson
2006    Ármann Olgeirsson       
2007    Smári Sigurðsson         
2008    Smári Sigurðsson 
2009    Benedikt Þorri Sigurjónsson
2010    Rúnar Ísleifsson
2011    Jakob Sævar Sigurðsson  

Skákkeppni vinnustaða fer fram á föstudag

Taflfélag Reykjavíkur býður öllum vinnustöðum að taka þátt í Skákkeppni vinnustaða 2012 sem fram fer í félagsheimili T.R, Skákhöllinni Faxafeni 12, föstudaginn 17. febrúar nk. og hefst kl. 19.30.

Á hverjum vinnustað er fólk sem hefur ánægju af að tefla og teflir í frístundum. Einnig hafa fjölmargir vinnustaðir á að skipa skákmönnum sem hafa teflt í áratugi og eru á meðal sterkustu skákmanna landsins.

Taflfélag Reykjavíkur hvetur alla vinnustaði til að halda skákmót fyrir sína starfsmenn fyrir keppnina 17. febrúar og þannig kynda undir áhuga á skákinni og mæta síðan með lið til keppni!

Nánari upplýsingar á heimasíðu mótsins.   Hægt að skrá lið hér á Skák.is og á heimasíðu TR.  Upplýsingar um skráð lið má nálgast hér.

Laugalækjarskóli og Rimaskóli Reykjavíkurmeistarar

 

 

 Rafnar Friðriksson, Jóhannes Kári Sólmundarson, Garðar Sigurðarson, Arnar Ingi Njarðarson og Svavar Viktorsson liðsstjóri

Þrjátíu sveitir mættu á Reykjavíkurmót grunnskólasveita sem haldið var í félagsheimili Taflfélags Reykjavíkur í gærkveldi. Fyrirfram hefði mátt búast við öruggum sigri Rimaskólasveitarinnar, enda margfaldir Íslandsmeistarar, en þegar ljóst var að hvorki Dagur Ragnarsson né Jón Trausti Harðarson væru mættir til leiks mátti búast við því að einhverjar sveitir myndu veita sveitinni samkeppni. Sterkar skákstúlkur eru í Rimaskóla og sendi skólinn sér stúlknasveit til leiks en allavega tvær stúlkur hefðu komist í a-sveit skólans og styrkt hana mikið.

 

 

 Hrund Hauksdóttir, Nansý Davíðsdóttir, Svandís Rós Ríkharðsdóttir, Ásdís Birna Þórarinsdóttir og Davíð Hallsson, liðsstjóri

Þegar leið á mótið náði stúlknasveit Rimaskóla forystu. Forystan var þó naum og voru nokkrar sveitir sem komust einhvern tímann í fyrsta sætið. Fyrir síðustu umferðina var Laugalækjarskóli a-sveit efst með 19.5 vinning og mætti a-sveit Rimaskóla sem hafði 18 vinninga í öðru sæti; hrein úrslitaviðureign framundan. Spennan var mikil og spenntasti maðurinn á svæðinu án efa Svavar Viktorsson liðsstjóri Laugalæks. Fór svo að drengirnir hans stóðust pressuna og gerðu 2-2 jafntefli gegna Rimaskólasveitinni og tryggðu sér þannig Reykjavíkurmeistaratitilinn. Sannarlega glæsilegt hjá Laugalækjarstrákunum sem eru flestir nemendur í Skákskóla Íslands og njóta jafnframt góðs af því mikla skákstarfi sem unnið er í sínum grunnskóla. Þar eiga mestan heiður Jón Páll Haraldsson aðstoðarskólastjóri og áður nefndur Svavar sem er kennari við skólann. Sveit Reykjavíkurmeistaranna skipa; Rafnar Friðriksson, Jóhannes Kári Sólmundarson, Garðar Sigurðarson og Arnar Ingi Njarðarson.

Í öðru sæti varð sveit Hólabrekkuskóla sem skaust upp töfluna í síðustu umferð með 4-0 sigri. Sveitin er afar reynd og hefur ekkert breyst í tvö ár en í henni eru Dagur Kjartansson, Brynjar Steingrímsson, Donika Kolica og Heimir Páll Ragnarsson sem vann allar sínar skákir. Liðsstjóri sveitarinnar er Ragnar Bjarkan Pálsson faðir Heimis Páls.

Í þriðja sæti lenti svo a-sveit Rimaskóla en allt í allt sendi skólinn sex sveitir á mótið! Liðsmenn Rimaskóla þarf vart að kynna en á fyrstu tveimur borðunum voru landsliðsmennirnir og bræðurnir Oliver Aron og Kristófer Jóel Jóhannessynir, norðurlandameistarinn Jóhann Arnar Finnsson á þriðja borði og á fjórða borði Kristófer Halldór Kjartansson sem er sívaxandi ungur skákmaður. Liðsstjóri var Helgi Árnason skólastjóri.

Hin geysisterka stúlknasveit Rimaskóla varð örugglega Reykjavíkurmeistari stúlknasveita og í 5. sæti á mótinu í heild. Á fyrsta borði tefldi Íslandsmeistarinn Hrund Hauksdóttir, á öðru borði landsliðsstúlkan Nansý Davíðsdóttir, á þriðja borði Íslandsmeistarinn Svandís Rós Ríkharðsdóttir og á fjórða borði hin efnilega Ásdís Birna Þórarinsdóttir.

Mótið var haldið af Taflfélagi Reykjavíkur og skóla- og frístundasviði borgarinnar.

Skákstjórar voru Ólafur H. Ólafsson og Áslaug Kristinsdóttir.

Mjög stórt myndaalbúm (170 myndir) fylgir með fréttinni.  Langflestar myndirnar eru teknar af langbesta myndahöfundi skákhreyfingarinnar, Hrafni Jökulssyni.  Sérstök myndafrétt frá mótinu kemur síðar í dag á Skák.is.

Heildarúrslit:

• 1.      Laugalækjarskóli                                 21.5 v. af 28.
• 2.      Hólabrekkuskóli                                  20.5 v.
• 3.      Rimaskóli a-sveit                                  20 v.
• 4.      Hagaskóli                                               19 v.
• 5.      Rimaskóli stúlknasveit A                   17.5 v
• 6.      Árbæjarskóli a-sveit                             17 v.
• 7.      Langholtsskóli a-sveit                          17v.
• 8.      Laugalækjarskóli b-sveit                     16.5v.
• 9.      Ölduselsskóli                                         16v.
• 10.  Melaskóli a-sveit                                   15.5v.
• 11.  Rimaskóli c-sveit                                   15v.
• 12.  Rimaskóli b-sveit                                  14.5v.
• 13.  Laugalækjarskóli c-sveit                      14.5v.
• 14.  Rimaskóli stúlknasveit B                     14.5v.
• 15.  Grandaskóli                                            14v.
• 16.  Melaskóli b-sveit                                   13.5v.
• 17.  Fossvogsskóli a-sveit                            13.5v.
• 18.  Seljaskóli                                                 13v.
• 19.  Engjaskóli stúlknasveit                        13v.
• 20.  Vættaskóli                                               13v.
• 21.  Vesturbæjarskóli                                    13v.
• 22.  Laugalækjarskóli d-sveit                      12.5v.
• 23.  Hlíðaskóli                                                12.5v.
• 24.  Rimaskóli d-sveit                                   11.5v.
• 25.  Árbæjarskóli stúlknasveit                    11.5v.
• 26.  Sæmundarskóli                                      10v.
• 27.  Langholtsskóli b-sveit                             9v.
• 28.  Fossvogsskóli b-sveit                             8.5v.
• 29.  Fossvogsskóli c-sveit                               8v.
• 30.  Fossvogsskóli stúlknasveit                      5v.

Myndaalbúm (HJ, SSB og GB)

Tímaritið Skák endurvakið í marsbyrjun

Tímaritið Skák verður endurvakið nú í marsbyrjun.  Um er að ræða árstímarit þar sem farið væri yfir liðið ár og fjallað um helstu viðburði eins og Reykjavíkurskákmótið, Ólympíuskákmótið, Skákþing Íslands, Íslandsmót skákfélaga, unglingastarf o.s.frv. Vandað verður til verka í alla staði þar sem andi gamla blaðsins svífur yfir vötnum. Gengið er út frá því að blaðið verði 90-100 bls. í fallegu broti.

Þeir sem eru tilbúnir að styðja málefnið og kaupa Tímaritið Skák árlega á aðeins 2.000 kr. eru vinsamlegast beðnir að skrá sig hér.

Allir skákáhugamenn eru hvattir til að taka þátt í þessu átaki enda blaðið ómetanleg heimild í fortíð, nútíð og framtíð.

Landsliðsflokkur Skákþings Íslands fer fram 13.-23. apríl

Landsliðsflokkur Skákþings Íslands fer fram á tímabilinu 13.-23. apríl næstkomandi.  Mótið mun fara fram á höfuðborgarsvæðinu og verður um að ræða 10-12 manna lokaðan flokk.

Verðlaun mótsins:

1. 250.000 kr.
2. 150.000 kr.
3. 100.000 kr.
4.   50.000 kr. 

Auk þess fær sigurvegarinn keppnisrétt á EM einstaklinga 2013 sem og tryggt sæti í landsliði Íslands á Ólympíuskákmótinu í Istanbúl í haust.

Fyrir liggur að 2 efstu menn í áskorendaflokki sem fram fer 30. mars - 8. apríl geta valið á milli þess að þiggja sæti í landsliðsflokki í ár eða á næsta ári.

Stefnt er að því að birta drög af keppendalista mótsins í byrjun mars nk. 

Hraðkvöld hjá Helli í kvöld

Taflfélagið Hellir heldur hraðkvöld mánudaginn 13. febrúar nk. og hefst taflið kl. 20:00. Tefldar verða 7 umferðir með sjö mínútna umhugsunartíma.  Teflt er í félagsheimili Hellis í Álfabakka 14a í Mjóddinni.

Sigurvegarinn á hraðkvöldinu fær í verðlaun pizzu frá Dominos Pizzum. Einnig verður dreginn út af handahófi annar keppandi, sem einnig fær pizzu hjá Dominos Pizzum. Þar eiga allir jafna möguleika, án tillits til árangurs á mótinu.

Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

Guðmundur Ingvi atskákmeistari Austurlands

Atskákmót Austurlands fór fram á Eskifirði í dag. Sex keppendur komu til leiks. Úrslit urðu þau, að þrír urðu efstir með 3 vinninga hver. Stig skáru úr um röðina, sem varð þessi:

Atskákmeistari Austurlands: Guðmundur Ingvi Jóhannsson 3 v. (7½ stig)
Í öðru sæti: Hákon Sófusson 3 v. (6½ stig)
Í þriðja sæti Viðar Jónsson 3 v. (6 stig)

Mótstafla:

NafnSkákstig (ekki atstig)123456Vinn.RöðStig

1	Viðar Jónsson	1908	*	0	0	1	1	1	3	3.	6
2	Hákon Sófusson	1583	1	*	0	0	1	1	3	2.	6½
3	Guðmundur Ingvi Jóhannsson	1606	1	1	*	0	0	1	3	1.	7½
4	Magnús Valgeirsson	1650	0	1	1	*	½	0	2½	4.	.
5	Albert Ó. Geirsson	1565	0	0	1	½	*	½	2	5.	.
6	Rúnar Hilmarsson	1650	0	0	0	1	½	*	1½	6.	.

 

Gestamótið: Pörun sjöttu umferðar

Sigurður Daði Sigfússon vann Jón Þorvaldsson í frestaðri skák þeirra á millum úr fimmtu umferð Gestamóts Goðans.  Nú liggur fyrir pörun í sjöttu og næstsíðustu umferð Gestamótsins sem fram nk. fimmtudagskvöld. 

Í sjöttu umferð mætast meðal annars: Björgvin-Dagur, Björn-Sigurbjörn og Gunnar-Þröstur.

Pörunina má finna hér og stöðuna má finna hér.

• Heimasíða Goðans
• Chess-Results
• Myndaalbúm (GB)