Haustmót SA hefst 17. september

Í ár verður Haustmót Skákfélags Akureyrar með nýju sniði. Í fyrri hluta mótsins verða tefldar atskákir, en kappskákir í síðari hlutanum. 

Fyrri hluti, umhugsunartími 20 mín + 10 sek. á leik:

• Sunnudaginn       17. september kl. 13.00,         1-4. umferð.  
• Fimmtudaginn     21. september kl. 18.00,         5-7. umferð.

Seinni hluti, umhugsunartími 60 mín + 30 sek. á leik:

• Fimmtudaginn     28. september kl. 18.00          1. umferð.
• Sunnudaginn         1. október kl. 13.00          2. umferð.
• Sunnudaginn         8. október kl. 13.00          3. umferð.
• Fimmtudaginn     12. október kl. 18.00            4. umferð.
• Sunnudaginn       15. október kl. 13.00           5. umferð.

Röðun verður eftir svissneska kerfinu, ef fjöldi þáttakenda leyfir.

Mótshaldari áskilur sér rétt til að gera lítilsháttar breytingar á fjölda skáka þegar fjöldi þáttakenda liggur fyrir.

Leyfilegt er að sömu keppendur tefli saman BÆÐI í fyrri- og seinni hluta. 

Vinningar verða reiknaðir sem hér segir:

• Í fyrri hluta, ½ vinningur fyrir jafntefli og 1 fyrir sigur.
• Í seinni hluta, 1 vinningur fyrir jafntefli og 2 fyrir sigur.

Sá sigrar sem fær flesta vinninga skv. þessu og hlýtur hann sæmdarheitið „Meistari Skákfélags Akureyrar 2017“

Núverandi meistari er Jón Kristinn Þorgeirsson. 

Þátttökugjald er kr. 3000 fyrir félagsmenn SA, en kr. 3500 fyrir aðra.

Unglingar f. 1996 og síðar greiða kr. 1500, en þeir sem greiða æfingajald fyrir haustmisseri greiða ekkert aukalega fyrir þátttöku í haustmótinu. 

Mótið reiknast til alþjóðlegra og íslenskra skákstiga. 

Skráning með tölvupósti á netfang formanns, [e-mail] eða með skilaboðum á Facebook-síðu félagsins. Tekið verður við skráningum á skákstað til kl. 12:50 þann 17. september

Þrír vinningar í hús í dag - lokaumferðin á morgun

Þrír vinningar af sex mögulegum komu í hús í dag á EM ungmenna. Bjartur Þórisson (u8), Vignir Vatnar Stefánsson (u14) og Símon Þórhallsson (u18) unnu sínar skákir en aðrar skákir töpuðust. Fjórða umferðina í röð sem íslensku keppendurnir fá 50% vinningshlutfall eða meira. Vignir Vatnar hefur 5,5 vinninga og er aðeins vinningi á eftir efstu mönnum, Jón Kristinn Þorgeirsson (u18) og Batel Goitom Haile (u10) hafa 4,5 vinninga og Bjartur, Gunnar Erik Guðmundsson (u10) og Símon hafa 3 vinninga. 

Vignir Vatnar verður í beinni á morgun en umferðin hefst fyrr en venjulega eða kl. 10. 

Úrslit dagsins

• Chess-Results
• Beinar útsendingar (hefjast kl. 12 - 10 efstu skákir hvers flokks sýndar beint)

EM Ungmenna í Rúmeníu - Pistill #6

Sjöunda umferð á Evrópumeistaramóti ungmenna lauk í gær hér á Mamaia í Rúmeníu. Þriðju umferðina í röð var íslenski hópurin yfir 50% og munar þar mestu um Jón Kristinn og Batel sem bæði eru með 3,5 vinning úr síðustu 4 skákum. Vignir Vatnar hefði í raun einnig átt að vera í þeim hópi en komum nánar að því síðar.

Litlu munaði að við fengjum sýningarborð í dag en segja má að óheppnin hafi elt okkur, við eigum keependur á tólfta, þrettánda og fjórtánda borði en 10 efstu í hverjum flokki eru á sýningarborðum en þó aðeins 5 efstu í þeim yngstu og því Batel fjær því að vera á sýningarborði en hinir.

 

 

Yfirferð 7. umferðar:

U8

Bjartur mætti rússneskum skákmanni, Lev Abdeev og upp kom ítalskur leikur eins og við var að búast. Bjartur átti ótímabæra framrás á miðborðinu snemma sem hefði mátt undirbúa betur. Þessi framrás kostaði peðstap og í kjölfarið laskaðist kóngsstaða Bjarts. Bjartur náði þó að mynda sér mótspil og var kominn með virkar hrók og andstæðingur hans var ekki að nýta sér veikleikana á kóngsvæng.

Hér kom krítíski punkturinn í skákinni. Andstæðingur Bjarts lék hér hinum skelfilega Hf8-a8. Þrátt fyrir að hafa tekið sér tíma hér var einhvern veginn blindspot hjá Bjarti að hann gæti bara tekið á f7 og mátað í næsta leik á g7. Þess í stað lék hann Rd2 en sá strax og hann hafði leikið að hann hefði getað mátað. Þar sem Rd2 er oní geri ég ráð fyrir að bjartur hafi ætlað að leika Re3 en viljað ginna andstæðing sinn í að taka á d2 eftir að hafa snert riddarann. Rússinn sá líka mátið núna og lék ...d5 og náði að hrifsa sigurinn til sín.

Grátleg mistök en eins og bent hefur verið á þá fer þetta í reynslubankann góða. Þessi mót eru dýrmæt keppnisreynsla fyrir þessa krakka og verður að líta á sem það og jafnframt að vinna vinnu eftir mótið í að laga það sem hægt er og halda áfram að fá bætingu hjá krökkunum.

 

U10

Gunnar mætti Rúmena sem við höfðum greint sem ákveðinn system skákmann (enn á ný!) og bjuggust við 1.e4 c5 2.c4 og Botvinnik setupi. Sá rúmenski hafði teflt þetta þrisvar nýlega og því eyddum við mestum tíma í það og vorum sáttir með okkar setup á móti því. Hinsvegar kom sá rúmenski okkur á óvart og fór í London systemið. Við höfðum kíkt á það aðeins fyrr í mótinu þannig að Gunnar vissi nokkurn veginn hvað ætti að gera en fór snemma útaf planinu sem við höfðum lagt upp með þá.

Sá rúmenski fékk vænlega sókn og hefði mögulega getað fórnað riddara á g6 á einum tímapunkti fyrir myljandi sókn. Hinsvegar var kominn tími á að það dytti eitthvað fyrir Gunnar sem átti svo sannarlega inni vinninga og hann hrakti sóknartilburði Rúmenans og nýtti sína séns til fulls og mátaði hvíta kónginn. Flottur sigur hjá Gunnari sem átti hann svo sannarlega inni!

 

U10 stelpur

Batel....Batel!!! Ég er eiginlega orðlaus yfir árangri Batelar það sem af er móti. Hún er að bæta um 100 stigum við sín elóstig á mótinu og hefur unnið hvern stórsigurinn á fætur öðrum. Hún er að fá reynda keppendur frá Rússlandi, Frakklandi og í dag Tyrklandi og hræðist ekki neinn.

Í skákinni í gær beitti hún Najdorfnum en lenti í smá vandræðum snemma þar sem hún er oft aðeins of föst í því að leika ...e5 í öllum stöðum. Andstæðingur hennar nýtti sér ekki sína sénsa og Batel var kominn með biskupparið og fína stöðu þegar hún leikur af sér peði. Skákin fór í endatafl en á ótrúlegan hátt náði Batel að innbyrða vinninginn. Því miður er skákin ekki inni á vef mótsins en ég mun bæta henni við .pgn skránna sem fylgir færslunni ef að verður lagað. Því miður er innsláttur skáka mjög ábótavant í þessu móti sem er miður því það er einn mikilvægasti þáttur mótsins að mínu mati!

Eins og ég benti á á Facebook í gær þá er rússneska stelpan sem Batel rústaði í fyrstu umferð búin að vinna allar sex skákirnar síðan sem sýnir hvað hún hefur verið að fá sterka andstæðinga!

Skemmtilegt verður að fylgjast með Batel á næstu árum en hún hefur mjög athyglisverða hæfileika sem þarf að rækta.

 

U14

Vignir valdi liklega skynsamlega í byrjuninni þegar hann kom andstæðingi sínum á óvart með 3.b3 gegn ...e6 Sikileyjarvörn. Vignir hafði meira skynbragð fyrir stöðunni og splundraði gjörsamlega peðastöðu andstæðings síns og var að taka hann í nefið í pósanum þegar honum yfirsást algjör killer leikur í stöðunni. Ekki var um fljótfærni að ræða þar sem Vigni bara yfirsást leikurinn. Líklegast augnablik til að draga lærdóm af og mögulega má eitthvað bæta útreiknings-algórithmann en auðvitað lenda allir í svona augnablikum.

Í stað liðsvinnings lenti Vignir eiginlega ósanngjarnt í vörn og satt best að segja sýndi hann mikinn karakter að bjarga skákinni í jafntefli. Svekkjandi úrslit þó þar sem vinningurinn var í seilingarfjarlægð og sýningarborð en þess í stað verður að bíða eftir síðasta séns á sýningarborðunum.

 

U18

Símon (vinstra megin á myndinni að gefa sig á tal við andstæðing Jokkó) lenti í sterkum andstæðingi þrátt fyrir tap í umferðinni áður. Símon beitti Katalan en andstæðingur hans virtist hafa allt á hreinu og beitti lokuðum Katalan og drap ekki á e4 eftir klassíska framrás hvíts þar. Eftir e5 framrás hvíts virtist svartur hafa allt á hreinu um hvernig sæki ætti fram á drottningarvæng á meðan að sókn Símons á kóngsvæng átti litla von. Góð skák hjá svörtum og að mörgu leiti lærdómsrík. Skákin er ekki í .pgn skrá á heimasíðu mótsins.

Jokkó tefldi lengstu skák dagsins í hópnum. Hann beitti Torre árás með 1.d4 2.Rf3 og 3.Bg5. Upp kom þungt miðtafl með tilfæringum og sannkölluðu dýnamísku jafnvægi. Jokkó átti séns á betra tafli en tók ekki sénsinn sinn og þess í stað var komið endatafl, líklega fræðilega örlítið betra á svart en jafntefli nánast öruggt. Jokkó bauð í raun jafntefli en andstæðingur hans hafnaði því og endaði á að sprengja sig.

Enn eina ferðina eru mótshaldarar ekki að standa sig með að slá inn skákir. Aðeins 200 skákir eru í .pgn skrá 7. umferðar en ætla má að í heildina eigi að vera um 500 skákir allavega.

Við fórum yfir skákina í gær og krítíska staðan er ca. hér að ofan. Ravi Hari með svart lék hér ...f4 og eftir gxf4-g4 þá lék Jokkó f5+ og svo e6 og tók frumkvæðið. Ég man ekki nákvæmlega stöðu hrókanna og kónganna en peðastaðan er rétt. Líklega var svarti hrókurinn ekki á 8. reitarröð (mögulega b3) og þurfti að eyða leik í að bakka sem mér finnst líklegast. Allavega tók Jokkó frumkvæðið þarna og í framhaldinu kom svo c4 og tvöfaldir frelsingjar eftir d5. Flottur baráttusigur í langri skák sem gefur Jokkó fína möguleika á góðu sæti.

Sigur í umferð dagsins myndi pottþétt færa Jokkó upp á sýningarborð. Rétt er einnig að óska honum Jóni Kristni til hamingju með FIDE-meistaratitilinn en sigurinn í gær færði hann yfir 2300 stigin þar sem hann á klárlega heima.

Símon fær skottu í umferð dagsins sem eru vonbrigði en nú er bara að klára síðustu umferðina með stæl hjá Símoni!

 

 

Annars er lífið að róast heldur mikið hér á Mamaia. Greinilegt er að mótið er svona síðasti snúningur á þessu ferðamannatímabili og búið er að loka í tívolíinu og billiardbarinn sem við höfum farið á mikið á kvöldin virðist vera að loka en þeir voru að taka saman stóla fyrir utan í gær.

Ég tók einn snúning á "hinni" körfuboltavélinni í gær og jú ég bætti mitt persónulega met en verð að játa mig sigraðan og Símon er körfuboltameistarinn í þessari ferð. Ég fæ víst ekki annan séns þar sem billiardbarinn er að loka :-(

Látum þetta gott heita að sinni...

 

bestu kveðjur,

Ingvar Þór Jóhannesson

Veljið skák (2 alls): 1: Thorisson, Bjartur - Abdeev, Lev 2: Revnik, Andrei-Radu - Gudmundsson, Gunnar Erik

[Event "EYCC Mamaia"] [Site "?"] [Date "2017.09.12"] [Round "7"] [White "Thorisson, Bjartur"] [Black "Abdeev, Lev"] [Result "0-1"] [ECO "C54"] [PlyCount "66"] 1. e4 e5 2. Nf3 Nc6 3. Bc4 Bc5 4. O-O Nf6 5. d3 h6 6. Be3 d6 7. c3 O-O 8. d4 Bb6 9. Nbd2 Bg4 10. Re1 exd4 11. cxd4 Nxd4 12. Bxd4 Bxd4 13. Nf1 Bxb2 14. Rb1 Be5 15. Rxb7 Qc8 16. Ba6 Qd8 17. Qc2 Bxf3 18. gxf3 c5 19. Rd1 Qa5 20. Qc4 Rab8 21. Rdb1 Rxb7 22. Rxb7 Ra8 23. Nd2 d5 24. Qd3 c4 25. Nxc4 Qxa6 26. Re7 Qxc4 27. Qxc4 dxc4 28. Rxe5 Rc8 29. Rb5 c3 30. Rb1 c2 31. Rc1 Nh5 32. Kf1 Nf4 33. Ke1 Nd3+ 0-1

[Event "?"] [Site "?"] [Date "2017.09.12"] [Round "7"] [White "Revnik, Andrei-Radu"] [Black "Gudmundsson, Gunnar Erik"] [Result "0-1"] [ECO "D02"] [PlyCount "58"] 1. d4 Nf6 2. Nf3 g6 3. Bf4 Bg7 4. e3 O-O 5. Nbd2 d5 6. h3 Nc6 7. Be2 a6 8. Ne5 Nxe5 9. Bxe5 b6 10. g4 e6 11. h4 Ne8 12. Bxg7 Nxg7 13. f4 Bb7 14. h5 Qd7 15. c4 dxc4 16. Rh2 b5 17. Nf3 Qd6 18. Ne5 f6 19. Nf3 g5 20. fxg5 Bxf3 21. Rh3 Bxe2 22. Qxe2 Qb4+ 23. Kd1 fxg5 24. h6 Ne8 25. Qc2 Rf1+ 26. Ke2 Rxa1 27. Qe4 Qxb2+ 28. Kf3 Rf1+ 29. Kg3 Qf2# 0-1

Íslandsmót ungmenna (u8-u16 fer fram) 7. og 8. október

Íslandsmót ungmenna fer fram helgina 7.-8. október í Rimaskóla. Teflt er í fimm flokkum. Krýndir verða 10 Íslandsmeistarar - efsti strákur og efsta stelpa í öllum flokkunum fimm. Glæsilegar vinningar í boði.

Allir flokkar hefjast 12:00 á laugardeginum. Tekið verður við þátttökugjöldum og staðfestingu á mætingu frá 11:20 – 11:50. Þeir keppendur sem mæta eftir 11:50 geta misst sæti sitt í mótinu.

Skráning er á Skák.is (guli kassinn efst) til og með 5. október. Upplýsingar um þegar skráða keppendur má finna hér.

Þátttökugjald er krónur 1.500 og greiðist með reiðufé við staðfestingu á mætingu. Systkini borga aldrei meira en 2.500 kr. samtals. Hægt er jafnframt að greiða í gegnum netbanka fyrir mót inn á reikning 101-26-12763, kt. 58026-5409. Vinsamlegast látið nafn keppenda koma fram í skýringu og sendið kvittun á [e-mail].

Stefnt er að því að tefla í sérflokkum fyrir stráka og stelpur en mögulega þarf að sameina einstaka flokka verði þátttaka ekki nægjanleg. Sigurvegari í flokki 9-10 ára tryggir sér sæti á Norðurlandamótinu í skák sem fer fram í febrúar 2018 í Finnlandi. Sigurvegarar í elstu flokkunum þremur tryggja sér sæti á Unglingameistaramóti Íslands. 

Verði menn jafnir í efstu sætum er teflt um Íslandsmeistaratitla en stig reiknuð um önnur sæti. Í flokki átta ára og yngri verða þó reiknuð stig um öll sæti.

8 ára og yngri (f. 2009 og síðar)

Umhugsunartími: 8-2 mínútur.

Fjöldi umferða: Allir keppendur tefla fimm umferðir á laugardeginum. Eftir fimm umferðir verður niðurskurður þannig að keppendur með þrjá vinninga eða fleiri komast áfram og mæta líka á sunnudegi. Umferðafjöldi á sunnudegi verður tvær til fjórar umferðir eftir heildarfjölda keppenda.

Dagskrá: Mótið hefst 12:00 á laugardeginum og 12:00 á sunnudeginum fyrir þá sem komast áfram. 

9-10 ára (f. 2007 og 2008)

Umhugsunartími: 8 + 2 mínútur

Fjöldi umferða: Allir keppendur tefla fimm umferðir. Eftir fimm umferðir verður niðurskurður þannig að keppendur með þrjá vinninga eða fleiri komast áfram og mæta líka á sunnudegi. Umferðafjöldi á sunnudegi verður tvær til fjórar umferðir eftir heildarfjölda keppenda.

Dagskrá: Mótið hefst 12:00 á laugardeginum og 12:00 á sunnudeginum fyrir þá sem komast áfram.

11–12 ára (f. 2005 og 2006)

Umhugsunartími: 15 mínútur með 5 sekúndna viðbótartíma fyrir hvern leik.

Fjöldi umferða: 9

Dagskrá: Mótið hefst 12:00 á laugardeginum og verða þá tefldar 5 umferðir. Mótinu verður framhaldið 12:00 á sunnudeginum og verða þá tefldar fjórar umferðir.

13–14 ára (f. 2003 og 2004)

Umhugsunartími: 15 mínútur með 5 sekúndna viðbótartíma fyrir hvern leik.

Fjöldi umferða: 9

Dagskrá: Mótið hefst 12:00 á laugardeginum og verða þá tefldar 5 umferðir. Mótinu verður framhaldið 12:00 á sunnudeginum og verða þá tefldar fjórar umferðir.

15–16 ára (f. 2001 og 2002)

Umhugsunartími: 15 mínútur með 5 sekúndna viðbótartíma fyrir hvern leik.

Fjöldi umferða: 9                                                                           

Dagskrá: Mótið hefst 12:00 á laugardeginum og verða þá tefldar 5 umferðir. Mótinu verður framhaldið 12:00 á sunnudeginum og verða þá tefldar fjórar umferðir.                        

Ivanchuk og Fedoseev hófu fjórðu umferðina með sigri

Fjórða umferð (16 manna úrslit) Heimsbikarmótsins í skák hófst í gær í Tbilisi í Georgíu. Sex skákum lauk með jafntefli. Nakamura-baninn Vladimir Fedoseev (2731) vann Maxim Rodshtein (2695) glæsilega og svo vann Vassily Ivanchuk (2727) Anish Giri (2777) í mikilli baráttuskák. 

Seinni skák fjórðu umferðar hefst í dag kl. 11. 

Úrslit gærdagsins

Ítarlega frásögn og öll úrslit má finna á Chess.com.

Myndir (Maria Emelianova - Chess.com)

• Heimasíða mótsins (Ivan Sokolov aðalskýrandi)
• Chess.com (Yasser Seirawan og fleiri) 

Enn einn góður dagur á EM ungmenna

Eftir frídaginn hefur gengið afar vel hjá hjá íslensku ungmennunum sem tefla á EM ungmenna í Mamia í Rúmeníu. Í sjöundu umferðinni í dag komu 3,5 vinningar í hús í sex skákum. Þriðja umferðin í röð þar sem meira en 50% vinningshlutfall næst. Gunnar Erik Guðmundsson (u10), Jón Kristinn Þorgeirsson (u18) og Batel Goitom Haile (u10) unnu sínar skákir. Vignir Vatnar Stefánsson (u14) gerði jafntefli en aðrar skákir töpuðust.

Vignir, Jón Kristinn og Batel hafa 4,5 vinninga, Gunnar Erik hefur 3 vinninga og Bjartur Þórisson (u8) og Símon Þórhallsson (u18) hafa 2 vinninga. 

Árangur Jóns Kristins og Batelar eru mjög eftirtektarverður en bæði hafa þau teflt við stigahærri keppendur í sex skákum af sjö. Jón Kristinn vann í dag enska FIDE-meistarann Ravi Haria (2398) og hefur hlotið 3,5 vinninga í síðustu fjórum skákum.

Áttunda og næstsíðasta umferð fer fram á morgun og hefst kl. 12.

Úrslit dagsins

• Chess-Results
• Beinar útsendingar (hefjast kl. 12 - 10 efstu skákir hvers flokks sýndar beint)

EM Ungmenna í Rúmeníu - Pistill #5

Nú styttist heldur betur í annan endann á EM ungmenna og nú ríður á að eiga góðan endasprett til að tryggja sér eins gott sæti og hægt er.  Sjötta umferðin gekk nokkuð vel og aðra umferðina í röð var íslenski hópurinn yfir 50% vinningshlutfalli.

Tveir keppendur eru mjög nálægt sýningarborðum en Vignir er á 11. borði í dag í sjöundu umferðinni sem er gríðarlega svekkjandi að fá ekki að fylgjast með honum. Jón Kristinn er á 14. borði í U18 þannig að við eigum möguleika á að hafa tvo Íslendinga í beinni útsendingu á morgun ef þeir leggja sína andstæðinga að velli. Báðir stýra þeir hvítu mönnunum þannig að ég er vongóður um að fá tvær beinar útsendingar á morgun!

Yfirferð yfir 6. umferðina:

U8

Fyrsti sigurinn hjá Bjarti! Tefld var skandinavísk vörn eins og lagt var upp með til að breyta aðeins til og koma á óvart. Mikilvægast að komast í miðtöflin oft í þessum flokkum. Ekki þurfti að hafa miklar áhyggjur af því þar sem Bjartur reyndist mun sterkari en sinn andstæðingur. Drottningarskák snemma á e6 varð til þess að hvítur lék kóngi sínum til d2 þar sem hann treysti sér ekki í að bera drottningu fyrir. Í kjölfarið féll skipamunur en það varð heill hrókur og svo stráféll hvíta liðið. Auðveldur sigur fyrir Bjart og gott og mikilvægt fyrir sjálfstraustið!

 

U10

Gunnar Erik mætti Finna sem erfitt var að lesa í. Hann var mikið í allskonar setup-um og höfðum við skoðað það sem við fundum í baseum. Hann kom hinsvegar á óvart með 1.d4 Rf6 2.Rc3. Höfðum skoðað gott system gegn London systemi og fleiri "kerfisbyrjunum".

Skákin transposaði yfir í franska vörn og þar sem Gunnar teflir hana ekki þekkti hann e.t.v. ekki stöðutýpuna nógu vel. Gunnar fann samt trausta leiki og tefldi byrjunina skynsamlega og var við það að losa um sig og fá fínt tafl en lék þá passífum Rf8 leik þegar ...c5 framrás hefði líklega farið langleiðina í að jafna taflið. Sá finnski tefldi býsna vel eftir þetta og þrátt fyrir að farið væri í tvöfalt hróksendatafl þá yfirtefldi (í stað yfirspilaði, nýyrði Vignis Vatnars!) sá finnski Gunnar í endataflinu og nýtti sér smávægileg mistök og vann laglega. 

Greinilega sterkur andstæðingur og hefur Gunnar verið nokkuð óheppinn með þá og finnst manni hann eiga meira inni í mótinu. Hann er ekki að fá neinar gjafir en t.a.m. sá hann einn fyrrum andstæðing sinn fá gefins drottningu í einni skákinni! Gunnar er klárlega að tefla betur en vinningar gefa til kynna og ég býst við honum sterkum á lokasprettinum!

 

U10 stelpur

Batel náði enn góðum úrslitum þegar hún gerði jafntefli við rússneska stelpu (þriðji Rússinn sem hún mætir!) og enn og aftur stigahærri andstæðingur. Ég samþykkti setupið sem Batel tefldi en við vorum hinsvegar búin að tala um að alls ekki að vera að leika leikjum á borð við c5 í svona stöðum. Hef verið ánægður með miðtöflin og taktíkina oft en byrjanir þarf að bæta og eins er ekki alltaf allt sem sýjast nógu vel inn sem við undirbúum fyrir skákir. Það hefur þó verið nóg til þessa og greinilegt að ýmislegt býr í Batel. Hún gæti náð góðu sæti með sterkum endaspretti

 

U14

Vignir fékk loks tiltölulega auðveldan vinning. Hann fékk andstæðing sem var taplaus og okkur til hryllings nokkrar skákir í uppskiptaafbrigðinu í Frakkanum sem við vildum alls ekki fá á þessu stigi mótsins. Vignir treysti sér því best að fara aftur í Skandinavann og reyndist það gæfuspor. Vignir vann frekar einfaldan sigur með algjöru "simple chess". Makedóninn tapaði tveimur peðum skömmu eftir drotningarkaup í miðtaflinu og eftirleikurinn auðveldur. 

Vignir eyðgi von um að komast á sýningarborð en eins og áður sagði er hann á 11. borði í dag og munaði því aðeins einu borði.

 

U18

Símon tapaði sinni skák en hann hafði svart gegn tæplega 2300 stiga Ungverja. Símon lék ...e5 í Sikileyjarvörn en sá svo eftir því þar sem framhaldið tefldist eiginlega eins og broddgöltur og peðið betur sett á e6 í þvi tilviki. Hvítur hafði ávallt frumkvæðið en Símon barðist vel. Miklar flækjur voru í lokin og líklega hefði Símon getað haldið taflinu gangandi og barist en tapaði þess í stað liði og skákinni.

Jón Kristinn hefur farið mikinn síðustu umferðir og er nú með 2,5 af síðustu 3. Skákin í 6. umferð var ítalskur leikur og Jokkó með svart. Enn og aftur klikka mótshaldarar og hvorug skákin er í .pgn skrá á heimasíðu mótsins.

Skákina vantar en þetta er ca. krítíska staðan eftir minni. Í stað ...Rg5 hér lék Jón Kristinn ...fxe5! sem reyndist vera sterkasti leikurinn. Hvítur tók manninn og eftir dráp á f1 komu þvingandi leikir, fxe4 og Rxd4 og hvítur skilaði í kjölfarið manninum til baka og tapaði stuttu síðar.

Eins og áður sagði er Jón í dag á 14. borði og eygir því von um að komast á sýningarborð á morgun með sigri.

Annars mundi ég efti að ég kláraði pistilinn að ég hafði tekið mynd af skorblaðinu hjá Jokkó þannig að hérna er skákin fyrir áhugasama ;-)

 

Úrslit 6. umferðar:

 

Hér á Mamaia er greinilega aðeins að koma "off-season". Margar búðir sem við fórum í fyrstu vikuna hafa einfaldlega lokað alveg og þegar við fórum í tívolíið í gær lokaði snemma í leiktækjasalnum og margt virtist hreinlega vera alveg lokað. Uppáhaldssjoppan okkar alveg við hótelið var lokuð í gærkvöldi en var þó opin í dag þannig að sjáum hvað setur. Mamaia er að mestu svona "summer resort" fyrir Rúmena á sumrin en hér er lítið í gangi á veturna.

Í gær fórum við í verslunarmiðstöð í Constanta sem er bærinn hérna alveg við Mamaia og fengum gott að borða á "Stjörnutorginu" þar. Mikið gott í boði, ég og Guðmundur fengum okkur spicy kínverskan mat meðan yngri kynslóðin fékk sér McDonalds og KFC. Einnig voru þarna traustir staðir eins og Subway og Pizza Hut og all fleiri möguleikar á mat en hægt er að fá inni á Mamaia.

Það kemur í ljós í kvöld hvort Luna Park (tívolíið) sé alveg lokað en allavega er billiardbarinn sem við höfum slappað mikið af á opinn ennþá að því að okkur sýnist.

Ýmislegt hefur verið gert til dundurs og nægir að nefna:

Þythokkí - Jón Kristinn er algjör vel í þessu og hefur held ég aðeins tapað einu sinni fyrir Vigni en Vignir þó tapað flestum leikjum á móti hinum ;-)

 

Píla - höfum tekið nokkra criket leiki í pílunni og Jón Kristinn virðist vera maðurinn í pílunni líka. Símon er þó sleipari en myndskeiðið gefur til kynna ;-)

Ég ætlaði svo að státa mig af því að hafa sett met í einni körfuboltavélinni hérna

...sé reyndar núna að ég hef smellt af á vitlausum tíma en ég setti með í þessari vél, 151 stig sem ég svo bætti í 153 stig. Þetta væri allt voða flott nema að Símon slátraði svo þessu meti og ég þarf því að herða mig. Mér til varnar gerði hann það í vélinni við hliðina sem er með mun mýkri boltum sem fyrirgefa og detta frekar ofaní. En ég þarf allavega að gera eitthvað til að standa við stóru orðin og bæta þá metið á þeirri vél líka....annars er Símon vélin í þessum leik sem ég sem fyrrverandi körfuboltaleikmaður mun eiga erfitt með að sætta mig við ;-)

 

Svo var lofað update á maura ástandinu á 11. hæð. Á ELLEFTU hæð er komin einhver mauranýlenda í herberginu hjá Símoni og Jokkó ótrúlegt en satt!

Fyrst við erum byrjaðir að röfla þá er nettengingin á hótelinu ennþá drasl...hún er bara nothæf eftir svona 23:15 á kvöldin. Þessi pistill eins og aðrir er skrifaður á öðru hóteli, Hotel Malibu sem er beint á móti skákstaðnum. Þráðlausa netið þar er skárra en dettur þó nokkuð reglulega út. Hvað er málið með A-Evrópu og mannsæmandi internettenginu á árinu 2017?? Mun fjárfesta í svona usb tæki sem tekur símkort næst en Stefán Már pabbi Vignis er með slíkt og hefur notað í mörgum löndum. Aðeins þarf að kaupa ódýr símkort í viðkomandi landi og nettengin er græjuð og ekkert ves!

En látum þetta gott heita að sinni. Myndband af maurunum er að hlaðast upp og bæti því kannski við hér (komið)....annars góður á heitasta deginum hér í Mamaia, 32 stiga hiti takk fyrir!

mbk,
Ingvar

Veljið skák (4 alls): 1: Islai, David-Andrei - Thorisson, Bjartur 2: Velkovski, Kristijan - Stefansson, Vignir Vatnar 3: Koota, Ilkka - Gudmundsson, Gunnar Erik 4: Haile, Batel Gotom - Zaytseva, Daryia

[Event "EYCC Mamaia"] [Site "?"] [Date "2017.09.11"] [Round "6"] [White "Islai, David-Andrei"] [Black "Thorisson, Bjartur"] [Result "0-1"] [ECO "B01"] [PlyCount "54"] 1. e4 d5 2. exd5 Qxd5 3. Nc3 Qd6 4. Nf3 c6 5. g3 Bg4 6. d3 Nd7 7. Bf4 Qe6+ 8. Kd2 Ngf6 9. h3 Bxf3 10. Qxf3 Ne5 11. Bxe5 Qxe5 12. Bg2 e6 13. Rae1 Qg5+ 14. Re3 Bc5 15. h4 Bxe3+ 16. Ke1 Bd2+ 17. Kf1 Qe5 18. Ne2 Qxb2 19. Kg1 Qxc2 20. Qf4 Bxf4 21. Nxf4 Ng4 22. Nh3 O-O-O 23. Bf3 h5 24. Bxg4 hxg4 25. Kh2 gxh3 26. Rc1 Qxf2+ 27. Kh1 Qg2# 0-1

[Event "EYCC Mamaia"] [Site "?"] [Date "2017.09.11"] [Round "6"] [White "Velkovski, Kristijan"] [Black "Stefansson, Vignir Vatnar"] [Result "0-1"] [ECO "B01"] [PlyCount "84"] 1. e4 d5 2. exd5 Qxd5 3. Nc3 Qd6 4. Nf3 Bg4 5. Bc4 Nf6 6. d3 c6 7. Be3 e6 8. Qd2 Qc7 9. Nd4 e5 10. Nde2 Nbd7 11. f3 Bh5 12. Ng3 Bg6 13. a3 Nb6 14. Bb3 Nbd5 15. Nxd5 Nxd5 16. Bxd5 cxd5 17. O-O Bd6 18. f4 exf4 19. Bxf4 O-O 20. Bxd6 Qxd6 21. Qb4 Qc6 22. Rac1 Rfe8 23. Kh1 Rac8 24. Qd2 Qb6 25. Qb4 Qxb4 26. axb4 Re3 27. Rfe1 Rxe1+ 28. Rxe1 f6 29. Re2 Bxd3 30. Rd2 Rxc2 31. Rxc2 Bxc2 32. Ne2 Kf7 33. Kg1 Be4 34. Nd4 Ke7 35. Kf2 a6 36. g3 Kd6 37. Ke3 Ke5 38. Ne2 f5 39. h4 g6 40. Nf4 d4+ 41. Kd2 Kf6 42. Ne2 d3 0-1

[Event "EYCC Mamaia"] [Site "?"] [Date "2017.09.11"] [Round "6"] [White "Koota, Ilkka"] [Black "Gudmundsson, Gunnar Erik"] [Result "1-0"] [ECO "C13"] [PlyCount "93"] [SourceDate "2017.09.11"] 1. d4 Nf6 2. Nc3 d5 3. Bg5 e6 4. e4 dxe4 5. Nxe4 Be7 6. Nxf6+ Bxf6 7. Bxf6 Qxf6 8. Be2 O-O 9. Nf3 b6 10. Qd2 Bb7 11. O-O-O Nd7 12. c3 a6 13. Qe3 Rfe8 14. Ne5 Nf8 15. Bf3 Bxf3 16. gxf3 Ng6 17. Rhg1 Qf4 18. Nxg6 Qxe3+ 19. fxe3 fxg6 20. e4 Rf8 21. Rd3 Rad8 22. c4 b5 23. b3 Rd7 24. Kd2 c6 25. Ke3 Rfd8 26. Rg5 Kf7 27. Rc5 Rc8 28. d5 Rdc7 29. d6 Rd7 30. e5 Ke8 31. cxb5 axb5 32. Rdc3 Ra7 33. Rxc6 Rxc6 34. Rxc6 Rxa2 35. Rc8+ Kd7 36. Rc7+ Kd8 37. Re7 Ra3 38. Rxe6 Rxb3+ 39. Ke4 Rb1 40. Re7 b4 41. Rxg7 Ra1 42. e6 Re1+ 43. Kd5 Kc8 44. Kc6 Rc1+ 45. Kb6 Rc6+ 46. Kxc6 Kb8 47. d7 1-0

[Event "EYCC Mamaia"] [Site "?"] [Date "2017.09.11"] [Round "6"] [White "Haile, Batel Gotom"] [Black "Zaytseva, Daryia"] [Result "1/2-1/2"] [ECO "A13"] [PlyCount "95"] 1. Nf3 d5 2. d4 Nf6 3. b3 e6 4. Bb2 Be7 5. e3 O-O 6. c4 c6 7. Be2 Nbd7 8. c5 b6 9. b4 a5 10. a3 Ba6 11. O-O Bxe2 12. Qxe2 axb4 13. axb4 Qc7 14. Nc3 bxc5 15. bxc5 Rfb8 16. Rxa8 Rxa8 17. Nd1 Qb7 18. Bc3 Ne4 19. Qb2 Qxb2 20. Bxb2 Ra4 21. Re1 Bd8 22. Re2 Ba5 23. Kf1 Nb8 24. Rc2 Na6 25. Rc1 Nd2+ 26. Nxd2 Bxd2 27. Ra1 Rxa1 28. Bxa1 e5 29. Ke2 Ba5 30. Bc3 Bc7 31. g3 e4 32. f3 f5 33. Nb2 Kf7 34. Na4 Ke7 35. Nb6 Nb8 36. Ba5 Kd8 37. f4 Nd7 38. Nxd7 Kxd7 39. Bxc7 Kxc7 40. g4 g6 41. Kf2 h5 42. g5 Kb7 43. Ke2 Ka6 44. Kd2 Kb5 45. Kc3 Ka4 46. Kc2 Kb4 47. Kb2 Ka4 48. Ka2 1/2-1/2

Caruana fallinn úr leik - 16 manna úrslit hefjast í dag.

Stórstjörnunar halda áfram að falla úr leik á Heimsbikarmótinu í skák. Í gær féll Fabiano Caruana (2799) eftir að hafa tapað fyrir Evgenyi Najer (2694) í atskákinni. Meðal annarra fórnarlamba gærdagsins voru Li Chao (2745) sem tapaði fyrir Richard Rapport (2675) og Nepo (2741) sem laut í dúk fyrir heimamanninum geðþekka Baadur Jobava (2702). 20 mínútum síðar hafði Nepo tékkað sig út af hótelinu. 

Aðeins fjórir skákmenn af topp 10 eru eftir þegar komið er að 16 manna úrslitum. Það eru Aronian, MVL, Grischuk og Wesley So. 

Zurab Azmaiparashili gaf frá sér yfirlýsingu í gær þar sem hann fjallar um stóra stuttbuxnamálið. Yfirlýsinguna má finna á heimasíðu mótsins.

Fjórða umferð hefst í dag kl. 16. Pörunin er sem hér segir (hægt að stækka með því að tvíklikka) 

Ítarlega frásögn og öll úrslit má finna á Chess.com.

Taflmennskan í dag hefst kl. 11. 

Myndir (Maria Emelianova - Chess.com)

• Heimasíða mótsins (Ivan Sokolov aðalskýrandi)
• Chess.com (Yasser Seirawan og fleiri) 

Sigurður Daði sigraði stórmeistarann

FIDE-meistarinn Sigurður Daði Sigfússon (2228) er efstur á Meistaramóti Hugins með 3½ vinning eftir fjórðu umferð mótsins í gærkvöldi. Hann vann stórmeistarann Hjörvar Stein Grétarsson (2567) í lengstu skák umferðinnar eftir að sá síðarnefndi hafði leikið klaufalega af sér manni.

Hjörvar er í 2.-6. sæti með 3 vinninga ásamt Vigni Vatnari Stefánssyni (2312), Björgvini Víglundssyni(2137), Lofti Baldvinssyni (1963) og Birni Þorfinnssyni.

Vignir sat yfir í dag enda situr hann þessa dagana að tafli á EM ungmenna í Rúmeníu. Björn vann Hörð Garðarsson (1710) fremur örugglega. Björgvin og Loftur gerðu jafntefli – rétt eins og þeir gerðu degi áður á Haustmóti TR í Faxafeninu.

Önnur óvænt úrslit urðu í kvöld þegar Tómas Ponzi (1480) vann Skagamanninn Magnús Magnússon(2005). Björgvin Kristbergsson (1054) var þó kátastur allra eftir að hafa náð að leggja Stefán Orra Davíðsson (1407) að velli.

• 4. umferð á Chess-results

Fimmta umferð fer fram nk. mánudag. Þá mætast meðal annars:

• Sigurður Daði (3½) – Vignir Vatnar (3)
• Loftur (3) – Hjörvar (3)
• Björn (3) – Björgvin (3)

Sjá nánar á heimasíðu Hugins.

Heimasíða Hugins

EM ungmenna: Vel gekk í sjöttu umferð

Það gekk vel hjá íslensku skákmönnunum í sjöttu umferð EM ungmenna sem fram fór í dag. Bjartur Þórisson (u8), Vignir Vatnar Stefánsson (u14) og Jón Kristinn Þorgeirsson (u18) unnu í dag. Batel Goitom Haile (u10) gerði jafntefli. Aðrar skákir töpuðust. Jón Kristinn (2232) vann franska FIDE-meistarann Guillaume Philippe (2368).

Vignir hefur 4 vinninga, Jón Kristinn og Batel hafa 3,5 vinninga og Bjartur, Gunnar Erik og Símon hafa 2 vinninga.

Sjöunda umferð fer fram á morgun og hefst kl. 12. 

Úrslit dagsins

• Chess-Results
• Beinar útsendingar (hefjast kl. 12 - 10 efstu skákir hvers flokks sýndar beint)