Skákdeild Fjölnis útnefndi Hrund afreksmeistara og Svandísi æfingameistara 2011 - 2012

Vetrarstarfi Skákdeildar Fjölnis lauk með glæsilegu sumarskákmóti þann 1. maí. Af því tilefni valdi skákdeildin Hrund Hauksdóttur sem afreksmeistara deildarinnar og Svandísi Rós Ríkharðsdóttur sem æfingameistara fyrir starfsárið 2011 - 2012. Stúlkur hafa verið áberandi meðal sterkustu liðsmanna deildarinnar allt frá stofnun hennar árið 2004 og hefur nafn Hrundar verið þar ofarlega á blaði frá upphafi.

Ekki þarf að tíunda afrek Hrundar í vetur jafn glæsileg sem þau jú eru. Hún varð nýlega Norðurlandameistari stúlkna í B - flokki. Hún er Íslandsmeistari stúlkna í eldri flokki, Íslandsmeistari grunnskóla með A sveit Rimaskóla í opnum flokki og einnig í stúlknaflokki. Hún er Íslandsmeistari unglingasveita með A sveit Fjölnis og hefur náð góðum árangri á öllum þeim skákmótum sem hún hefur tekið þátt í bæði hér innanlands sem erlendis.

Svandís Rós er Íslandsmeistari stúlkna í yngri flokk, Norðurlandameistari barnaskólasveita með skaksveit Rimaskóla, Íslandsmeistari grunnskólasveita í stúlknaflokki með skáksveit Rimaskóla og nýkrýndur stúlknameistari Reykjavíkur. Framfarir Svandísar Rósar í skákinni í vetur hafa verið gífurlega miklar og er ekki síst því að þakka að hún hefur varla sleppt úr skákæfingum sem henni hafa staðið til boða. Þess má geta að Fjölniskrakkar hafa verið mjög sigursælir á öllum barna-og unglingaskákmótum vetrarins og einstaklega áhugasöm varðandi skákæfingar og skákmót.

Skákdeild Fjölnis óskar þessum ungu afreksstúlkum til hamingju og vill þakka öllum þeim fjölmörgu sem mætt hafa á skákæfingar og skákmót á vegum deildarinnar fyrir ánægjulegt og árangursríkt samstarf.

Kristófer og Sigurður Arnar Suðurlandsmeistarar í skólaskák

Í dag á frídegi verkalýðsins fór fram kjördæmismótið í skólaskák fyrir Suðurland.  Það voru keppendur frá 5 skólum í umdæminu sem áttu keppendur, sem öttu kappi í tveimur flokkum þ.e. 1.-7 bekkur og 8.-10. bekkur. 

Mótið var í nokkuð öruggum höndum skákmeistara Suðurlands, kjördæmisstjóra sem og landsmótsstjóra.

Í eldri flokki voru 7 keppendur en 8 í þeim yngri.

Tefldar voru 10 mín skákir allir við alla.

Sigurvegari yngri flokks var Sigurður Arnar Magnússon frá Grunnskóla Vestmannaeyja

Sigurvegari eldri flokks var Kristófer Gautason einnig frá Grunnskóla Vestmannaeyja. 

Þessir tveir hafa því unnið sér inn réttinn til að taka þátt í landsmótinu í skólaskák sem fram fer í Stórutjarnarskóla í Þingeyjarsveit næstu helgi.

Verðlaunasæti:
eldri:
1.  Kristófer Gautason Grunnskóla Vestmannaeyja     6 v
2. Emil Sigurðarson Grunnskóla Bláskógabyggðar       5v
3. Daði Steinn Jónsson Grunnskóla Vestmannaeyja    4v

yngri:
1. Sigurður Arnar Magnússon Grunnskóla Vestmannaeyja    7v
2. Haraldur Baldursson Grunnskólanum Hellu                       5v
3. Sunna Skeggjadóttir Flóaskóla                                        4v

                 Kjördæmisstjóri Magnús Matthíasson

Stigamót Hellis fer fram 16.-18. maí

Stigamót Taflfélagsins Hellis verður haldið í tíunda sinn dagana 16.-18. maí.   Fyrirkomulag mótsins hefur verið mismunandi í gegnum tíðina en að þessu sinni er mótið haldið í kringum uppstigningadaginn þannig að keppendur munu eiga frí helgina á eftir.  Góð verðlaun eru í boði á mótinu og mótið er opið öllum.  Skráning á mótið er á heimasíðu Hellis:  http://www.hellir.blog.is

Þátttökugjöld eru kr. 3.000 fyrir fullorðna og 2.000 kr. fyrir 15 ára og yngri og rennur óskipt í verðlaunasjóð mótsins.  

Síðasta tækifæri fyrir marga til að tefla kappskákir innanlands í sumar.   

Núverandi Stigameistari Hellis er Sigurður Daði Sigfússon.

Umferðatafla:

• 1.-4. umferð, miðvikudaginn 16. maí (19:30-23:30)
• 5. umferð, fimmtudaginn 17. maí (11-15)
• 6. umferð, fimmtudaginn 17. maí (17-21)
• 7. umferð, föstudaginn 18. maí (19:30-23:30)

Verðlaun:

• 1. 50% af þátttökugjöldum
• 2. 30% af þátttökugjöldum
• 3. 20% af þátttökugjöldum

Skráning:

• Vefsíða: http://www.hellir.blog.is
• Sími: 866 0116 (Vigfús eða símsvari)

Tímamörk:

• 1.-4. umferð: 20 mínútur + 5 sekúndur á leik
• 5.-7. umferð: 1½ klst. + 30 sekúndur á leik

Munir úr einvígi aldarinnar á uppboði í Danmörku

Í gær birtist frétt í Morgunblaðinu um muni úr einvígi aldarinnar sem hafa verið settir á uppboð í Kaupmannahöfn í Danmörku.  Í kjölfarið hefur verið um málið fjallað í fjölmiðlun, bæði á RÚV og í Morgunblaðinu.  Í frétt RÚV er meðal annars rætt við Margréti Hallgrímsdóttur þjóðminjavörð, og Pál G. Jónsson, eiganda munanna.  Í frétt Mbl-sjónvarps er einnig viðtal við Pál.  

• Frétt RÚV 
• Frétt Mbl-sjónvarps
• Frétt Mbl.is

Jón Trausti Unglingameistari Reykjavíkur 2012 - Svandís Rós Stúlknameistari Reykjavíkur 2012

Barna-og unglingameistaramót Reykjavíkur sem og Stúlknameistaramót Reykjavíkur fór fram í skákhöll Taflfélags Reykjavíkur sunnudaginn 29. apríl. Mótið var opið fyrir börn á grunnskólaaldri.

Þrenn verðlaun voru veitt fyrir þrjú efstu sætin í mótinu, þrenn verðlaun fyrir efstu stúlkur og svo þrenn verðlaun fyrir 12 ára og yngri (fædd 1999 og síðar). Þau sem eru búsett í Reykjavík eða eru félagar í reykvískum taflfélögum tefldu um titilinn Unglingameistari Reykjavíkur 2012 og Stúlknameistari Reykjavíkur 2012.

Þátttakendur voru 52 sem er töluverð aukning frá því í fyrra en þá tóku 40 krakkar þátt. Þetta var því sannkölluð uppskeruhátíð fyrir skákkrakkana sem flest hver hafa stundað skákina af miklum móð í allan vetur. Einnig var gaman að sjá að nokkrir voru í þessu móti að stíga sín fyrstu skref í þátttöku á skákmótum. Yngsti þátttakandinn var Elsa Kristín Arnaldardóttir sem er nýlega orðin fimm ára og því enn í leikskóla! Þrátt fyrir mikinn fjölda fór mótið einkar vel fram og heyra mátti saumnál detta á meðan á taflmennsku stóð!

Tefldar voru 7 umferðir með 15 mín. umhugsunartíma á skák. Teflt var í einum flokki og var keppnin jöfn og spennandi.

Jón Trausti Harðarson og Oliver Aron Jóhannesson komu jafnir í mark með 6,5 vinning af 7. Jón Trausti var hærri á stigum og hlaut því 1. sætið og titilinn Unglingameistari Reykjavíkur 2012. Í Stúlknameistaramótinu var keppnin engu að síður jöfn og spennandi. Þar voru jafnar stöllurnar Svandís Rós Ríkharðsdóttir og Hrund Hauksdóttir með 5 vinninga. Svandís Rós var hærri á stigum og varð því Stúlknameistari Reykjavíkur 2012. Fyrstu verðlaun í flokki 12 ára og yngri (f. 1999 og síðar) hlaut Svandís Rós einnig og hún varð jafnframt í 5. sæti í þessu geysisterka móti! Allt voru þetta mjög verðugir sigurvegarar.

Flestir keppendur mótsins komu frá Taflfélagi Reykjavíkur eða 16. Frá Fjölni komu 8 keppendur, 7 keppendur frá Helli og 1 frá T.G, 1 frá SFÍ, 1 frá Haukum og 1 frá Taflfélagi Akraness. 17 keppendur voru ekki skráðir í félag.

Fyrstu þrjú sætin í hverjum verðlaunaflokki skipuðu eftirfarandi keppendur:

1. Jón Trausti Harðarson fékk 6,5 v. af 7 (33 stig) og er Unglingameistari Reykjavíkur 2012.:
2. Oliver Aron Jóhannesson 6,5 vinn. (32,0 stig)
3. Dagur Ragnarsson 5,5 vinn (31,5 stig)
4. Birkir Karl Sigurðarson 5,5 vinn (29,5 stig)

Stúlknameistaramót Reykjavíkur:

1. Svandís Rós Ríkharðsdóttir fékk 5 v. (30 stig) og er Stúlknameistari Reykjavíkur 2012.
2. Hrund Hauksdóttir 5 vinn. (29,5 stig)
3. Veronika Steinunn Magnúsdóttir 4,5 vinn (29,0 stig)
4. Elín Nhung 4,5 vinn. (24,5 stig)

Í flokki 12 ára og yngri (fædd 1999 og síðar).

1. Svandís Rós Ríkharðsdóttir 5 vinn. (30,0 / 21,5 stig)
2. Vignir Vatnar Stefánsson 5 vinn. (30,0 / 17,0 stig)
3. Dawid Kolka 5 vinn. (28,5 stig)
4. Hilmir Freyr Heimisson 5 vinn (27,0 stig)

Heildarúrslit:

1 Jón Trausti Harðarson    6,5   33,0   29,8
2 Oliver Aron Jóhannesson    6,5   32,0   28,8
3 Dagur Ragnarsson        5,5   31,5   22,3
4 Birkir Karl Sigurðarson    5,5   29,5   21,8
5 Svandís Rós Ríkharðsdóttir    5,0   30,0   21,5
6 Vignir Vatnar Stefánsson    5,0   30,0   17,0
7 Hrund Hauksdóttir       5,0   29,5   16,5
8 Dawid Kolka             5,0   28,5   17,0
9 Hilmir Freyr Heimisson    5,0   27,0   16,5
10 Veronika Steinunn Magnúsdóttir    4,5   29,0   16,8
11 Jóhann Arnar Finsson    4,5   27,5   16,5
12 Elín Nhung              4,5   24,5   13,8
13 Mikael Kravchuk         4,0   31,0   15,5
14 Felix Steinþórsson      4,0   29,5   12,5
15 Gauti Páll Jónsson      4,0   29,0   14,5
16 Jakob Alexander Petersen    4,0   28,0   14,0
17 Kristófer Halldór Kjartansson    4,0   28,0   13,5
18 Axel Óli Sigurjónsson    4,0   28,0   13,5
19 Bjarni Þór Guðmundsson    4,0   26,0   12,5
20 Jón Otti Sigurjónsson    4,0   25,0   11,5
21 Hilmir Hrafnsson        4,0   24,0   12,8
22 Alec Elías Sigurðarson    4,0   24,0   11,0
23 Andri Már Hannesson     4,0   22,5   11,8
24 Kormákur Máni Kolbeinsson    4,0   22,0   10,0
25 Rafnar Friðriksson      3,5   28,5   13,3
26 Róbert Leó Jónsson      3,5   25,0    9,3
27 Bergmann Óli Aðalsteinsson    3,5   23,5    7,8
28 Donika Kolica           3,5   23,0    7,8
29 Haraldur Daði Þorvaldsson    3,5   22,0    8,8
30 Bjarki Arnaldarson      3,5   20,5    6,8
31 Ellert Kristján Georgsson    3,0   32,5   11,5
32 Kolbeinn Ólafsson       3,0   26,5    7,0
33 Guðmundur Agnar Bragason    3,0   24,5    8,5
34 Óskar Víkingur Davíðsson    3,0   24,5    7,5
35 Daníel Snær Eyþórsson    3,0   23,5    8,5
36 Mateusz Jakubek         3,0   20,0    6,0
37 Sara Hanh               3,0   18,5    4,0
38 Ingibergur Valgarðsson    3,0   14,5    4,0
39 Björn Ingi Helgason     2,5   27,0    7,0
40 Róbert Orri Árnason     2,5   21,0    6,3
41 Jón Hrafn Barkarson     2,5   20,0    4,8
42 Sindri Dagur Birnisson    2,5   20,0    3,8
43 Sana Salah Karim        2,5   14,0    2,8
44 Þórður Hólm Hálfdánarson    2,0   23,5    5,0
45 Gabríel Máni Ómarsson    2,0   20,5    4,0
46 Sindri Snær Kristófersson    2,0   20,0    4,0
47 Stefán Orri Davíðsson    2,0   18,5    3,5
48 Mateusz Gerwatoski      1,5   21,5    1,8
49 Elsa Kristín Arnaldardóttir    1,5   21,0    2,3
50 Hubert Jakubek          1,5   18,5    2,8
51 Helena Þórisdóttir      1,0   16,0    0,5
52 Mir Salah Karim         0,5   16,5    0,8

Mótshaldari var Taflfélag Reykjavíkur. Skákstjórar voru Torfi Leósson og Sigurlaug Regína Friðþjófsdóttir sem einnig tók myndir. Birna Halldórsdóttir sá um veitingar á meðan mótinu stóð.

Pistill: Sigurlaug Regína Friðþjófsdóttir.

Myndaalbúm (SRF)

Sumarskákmót Fjölnis fer fram í dag

Sumarskákmót Fjölnis fer fram í Rimaskóla þriðjudaginn 1. maí. Skákdeild Fjölnis lýkur vetrarstarfi sínu með veglegu sumarskákmóti í Rimaskóla þriðjudaginn 1. maí frá kl. 11:00 - 13:00.  Þátttakendur eru beðnir um að mæta tímanlega til skráningar. Rótarýklúbbur Grafarvogs veitir sigurvegurum mótsins veglega eignarbikara; í eldri flokki 1996 - 2000, yngri flokki 2001 - 2005 og stúlknaflokki. Fjöldi vinninga í boði, m.a. í formi pítsugjafabréfa og bíómiða.

Tefldar verða sex umferðir og umhugsunartíminn eru 7 mínútur á hverja skák.

Í skákhléi verður hægt að kaupa pítsu og gosdrykk á 200 kr.

Skákdeildin mun útnefna afreksmann og æfingameistara deildarinnar 2011 - 2012 á skákmótinu og heiðra nýjustu afreksmenn skákdeildar Fjölnis, þau Hrund Hauksdóttur Norðurlandameistara stúlkna og Oliver Aron Jóhannesson, hinn 14 ára gamla bronsverðlaunahafa frá heimsmeistaramóti áhugamanna 2012.

Skákdeild Fjölnis hvetur alla grunnskólakrakka til að fjölmenna á þetta síðasta skákmót vetrarins.

Þátttakan er ókeypis.

Landsmótið í skólaskákmót 2012 í Stórutjarnaskóla í Þingeyjarsveit

Landsmótið í skólaskák 2012 verður haldið í Stórutjarnaskóla í Þingeyjarsveit 3-6 maí nk. Keppendalistinn í eldri og yngri flokki er farinn að skýrast og eru nöfn þeirra sem hafa tryggt sér keppnisrétt á mótinu birt hér fyrir neðan. (verður uppfært reglulega)

Eldri flokkur:

Andri Freyr Björgvinsson   Norðurland - Eystra
Snorri Hallgrímsson           ------------------------
Hlynur Snær Viðarsson      ------------------------
Gísli Geir Gíslason               Norðurland - Vestra
Birkir Karl Sigurðsson         Reykjaneskjördæmi
Oliver Aron Jóhannesson   Reykjavík
Dagur Ragnarsson             ------------------------
Jón Trausti Harðarson        ------------------------

Yngri flokkur

Jón Kristinn Þorgeirsson    Norðurland - Eystra
Símon Þórhallssson           ------------------------
Tinna Ósk Rúnarsdóttir      -----------------------
Hilmar Logi Óskarsson       Norðurland - Vestra
Vignir Vatnar Stefánsson   Reykjaneskjördæmi
Gauti Páll Jónsson              Reykjavík
Nansý Davíðsdóttir             ------------------------
Hilmir Hrafnsson                ------------------------


Kjördæmismót Suðurlands verður haldið 1. maí nk. og þá skýrist hverjir keppa fyrir þeirra hönd.Enginn keppandi mætir úr Vestfjarðakjördæmi samkvæmt áræðanlegum heimildum.  Ekki er vitað hverjir verða fulltrúar Austurlands á mótinu. Vanti fulltrúa úr einhverju kjördæmi verða aðrir valdir í þeirra stað samkvæmt reglum SÍ.

Sjá nánar á heimasíðu Goðans 

Skákþrautasafn Smára Rafns

Skákþrautasafn Smára Rafns Teitssonar er nú í fyrsta skipti komið í almenna dreifingu. Þetta eru þrautir sem Smári hefur notað með góðum árangri til að kenna hundruðum barna skák. Safnið telur alls 600 þrautir sem skiptast í fimm stig (Stig 1 er ætlað ungum byrjendum).

Hvert stig hefur sinn einkennislit, þannig getur maður ýmist verið staddur á græna stiginu, bláa, rauða, fjólubláa eða því svarta. Með hverju stigshefti fylgja svör og útskýringar, en einnig er fáanleg kennarahandbók með öllum svörunum á einum handhægum stað. Þetta efni er kjörið fyrir grunnskóla þar sem viðkomandi kennarar þurfa ekki að kunna mikið í skák ef þeir hafa kennarahandbókina. Nú er tækifæri fyrir almenna skákvakningu í skólum! Foreldrar sem vilja hjálpa börnum sínum á skákbrautinni fá hér einnig gott verkfæri í hendurnar.

Höfundur þrautasafnsins er grunn- og framhaldsskólakennari að mennt og hefur kennt um árabil, ekki síst skák. Í mars 2012 sigraði lið hans úr Álfhólsskóla á Íslandsmóti barnaskólasveita.

Hægt er að kaupa þrautirnar í Skákbúðinni (http://www.skakbudin.is/), en einnig má senda höfundi pantanir beint, fyrir frekari upplýsingar hafið samband við skak(hjá)skakbudin.is.

Hraðkvöld hjá Helli í kvöld

Taflfélagið Hellir heldur hraðkvöld mánudaginn 30. apríl nk. og hefst taflið kl. 20:00. Tefldar verða 7 umferðir með sjö mínútna umhugsunartíma.  Teflt er í félagsheimili Hellis í Álfabakka 14a í Mjóddinni.

Sigurvegarinn á hraðkvöldinu fær í verðlaun pizzu frá Dominos Pizzum. Einnig verður dreginn út af handahófi annar keppandi, sem einnig fær pizzu hjá Dominos Pizzum. Þar eiga allir jafna möguleika, án tillits til árangurs á mótinu.

Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

Skákþáttur Morgunblaðsins: Hæpið að Hannes Hlífar vinni í tólfta sinn

Hannes Hlífar Stefánsson varð Íslandsmeistari í fyrsta sinn árið 1998 og þótti dálítið „seinn"; hann hafði tekið þátt í keppni landsliðsflokks nær óslitið frá 1986 en hafa ber í huga að kynslóðin sem kom á undan var erfið viðureignar eins og dæmin sanna. Eftir að Hannes Hlífar „braut ísinn" héldu honum engin bönd: ellefu Íslandsmeistaratitlar í ellefu tilraunum segja sína sögu. Hann hefur verið í dálitlum öldudal undanfarið og er nú svo komið að eftir fimm umferðir getur aðeins frábær endasprettur gefið honum möguleika á sigri. Hannes er með 2 ½ vinning og er í 4. - 8. sæti ásamt Degi Arngrímssyni, Guðmundi Gíslasyni, Sigurbirni Björnssyni og Stefáni Kristjánssyni. Henrik Danielssen leiðir með 4 vinninga en Þröstur Þórhallsson kemur næstur með 3 ½ vinning, síðan Bragi Þorfinnsson með 3 vinninga.

Keppnin í ár hefur þróast með óvenjulegum hætti, ýmsir sem byrjuðu vel hafa gefið eftir og aðrir sem byrjuðu illa hafa sótt í sig veðrið. Má þar nefna Dag Arngrímsson og Guðmund Gíslason. Úrslitin munu vitaskuld ráðast í lokaumferðunum þegar margar stórar viðureignir fara fram.

Þröstur Þórhallsson hefur teflt frísklegast keppenda og er til alls líklegur. Þröstur tefldi fyrst á Íslandsþingi árið 1985 og varð þá í 2. sæti á eftir Karli Þorsteins. Hann lagði Hannes í 2. umferð og Stefán Kristjánsson í þeirri fjórðu, sigur hans yfir Hannesi má hiklaust telja bestu skák Íslandsmótsins hingað til:

Hannes Hlífar Stefánsson - Þröstur Þórhallsson

Drottningarpeðsbyrjun

1. d4 e6 2. Rf3 c5 3. g3 cxd4 4. Rxd4 Rc6 5. Bg2 Db6 6. Rb3 d5 7. O-O Rf6 8. Rc3 Be7 9. e4 d4 10. Re2 e5 11. c3 dxc3 12. Be3 Da6 13. Rxc3 Bg4 14. Db1 O-O 15. Hc1 Rd8!?

Andspænis hótuninni 16. Bf1 varð riddarinn að hörfa. Eftir skákina taldi Hannes að hér hefði verið best að leika 16. Rc5. Eftir næsta leik eykst Þresti rými til athafna.

16. Rd5? Rxd5 17. exd5 f5 18. Hc7

Mislukkuð atlaga.

18. ... f4 19. gxf4

Eftir 19. Hxe7 fxe3 20. fxe3 Dd6! fellur hrókurinn á e7.

19. ... Bd6! 20. Bf1 Da4 21. Hc4 De8!

Drottningin haslar sér nú völl á kóngsvængnum. Nú er best að leika 22. Bd3 með hugmyndinni 22. ... Dh5 23. Bxh7+! Kh8 24. Bg6 Dh3 25. Df1! o.s.frv. En betra að mati „Houdini" er 22. ... exf4 23. Bxh7+ Kh8 24. Bc5 Rf7 25. Bg6 með jafnri stöðu.

22. De4? Dh5! 23. fxe5 Bxe5 24. f4 Bxb2 25. He1 Rf7

Traustur leikur en 25. ... Bf3 var einnig gott.

26. Dc2 Bf6 27. Rd4 Rd6 28. Hc7 Hfe8 29. Re6 Dxd5 30. Rg5 Bf5 31. Bg2?

Hér missir Hannesi af besta leiknum, eftir 31. Hd1! er staðan í jafnvægi.

31. ... Da5 32. Db3+ Be6! 33. Bd2

Betra var 33. Rxe6 Dxe1+ 34. Bf1 Kh8 35. Rc7 og enn er von. Nú er allt í hers höndum og keppendur áttu lítinn tíma aflögu. Engu að síður finnur Þröstur besta framhaldið.

- Sjá stöðumynd -

33. ... Dxd2! 34. Hxe6 Hxe6 35. Dxe6+ Kh8 36. h4 Dxf4!

Eftir hinn nærtæka leik 37. Dxd6 kemur 37. ... Bd4+ 38. Kh1 Dxh4+ 39. Rh3 (39. Bh3 De1+ leiðir til máts) De1+ 40. Kh2 Be5+! og drottningin fellur.

37. Rf7+ Rxf7

og Hannes gafst upp. Framhaldið gæti orðið 38. Hxf7 Hd8! og vinnur.

Mótið fer fram í Stúkunni á Kópavogsvelli og eru aðstæður þar með besta móti. Beinar útsendingar frá hverri umferð eru af vef Skáksambandsins, skak.is

Helgi Ólafsson [e-mail]

-------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 22. apríl 2012

Skákþættir Morgunblaðsins

[Event "ch-ISL 2012"] [Site "Kopavogur ISL"] [Date "2012.04.14"] [Round "2"] [Board "3"] [White "Stefansson, Hannes"] [Black "Thorhallsson, Throstur"] [Result "0-1"] [WhiteTitle "GM"] [BlackTitle "GM"] [WhiteElo "2531"] [BlackElo "2398"] [ECO "A40"] [Opening "Queen's pawn"] [WhiteFideId "2300087"] [BlackFideId "2300109"] [EventDate "2012.04.13"] 1. d4 e6 2. Nf3 c5 3. g3 cxd4 4. Nxd4 Nc6 5. Bg2 Qb6 6. Nb3 d5 7. O-O Nf6 8. Nc3 Be7 9. e4 d4 10. Ne2 e5 11. c3 dxc3 12. Be3 Qa6 13. Nxc3 Bg4 14. Qb1 O-O 15. Rc1 Nd8 16. Nd5 Nxd5 17. exd5 f5 18. Rc7 f4 19. gxf4 Bd6 20. Bf1 Qa4 21. Rc4 Qe8 22. Qe4 Qh5 23. fxe5 Bxe5 24. f4 Bxb2 25. Re1 Nf7 26. Qc2 Bf6 27. Nd4 Nd6 28. Rc7 Rfe8 29. Ne6 Qxd5 30. Ng5 Bf5 31. Bg2 Qa5 32. Qb3+ Be6 33. Bd2 Qxd2 34. Rxe6 Rxe6 35. Qxe6+ Kh8 36. h4 Qxf4 37. Nf7+ Nxf7 0-1