Minningarmót um Hauk Angantýsson fer fram á mánudag

Skákfélag Vinjar heldur mót til minningar um Hauk Angantýsson á mánudaginn klukkan 13:00.  Haukur lést eftir veikindi í byrjun maí sl. en hann leiddi Skákfélag Vinjar seinasta vetur.

Það var mikil hamingja fyrir félagsmenn þegar Haukur settist að borðinu aftur eftir margra ára hlé, gekk til liðs við Vinjarliðið og sýndi að lengi lifir í gömlum glæðum. Haukur var goðsögn í íslensku skáklífi, frægur fyrir baráttu sína og lengi meðal allra sterkustu skákmanna landsins. Fyrrum Íslandsmeistari og sigurvegari á World Open í Bandaríkjunum þar sem hann, ekki enn kominn með alþjóðlegan titil, varð fyrir ofan hvern stórmeistarann á fætur öðrum.

Eftir fráfall Hauks afhentu systkini hans Skákfélagi Vinjar skákborð hans og bækur til varðveislu  og munu bækurnar verða uppi við auk þess sem marmaraborði kappans verður stillt upp á fyrsta borði. Systkini Hauks verða með okkur á þessu móti.

Veitt verða verðlaun í gríð og erg, fimm efstu sætin og aldursflokkaverðlaun, óvæntasti vinningurinn o.s.fr. Þá mun sigurvegari mótsins  hljóta forláta bikar og skákbók úr smiðju Hauks.

Að sjálfsögðu verður kaffihlé  en tefldar verða sex umferðir með sjö mínútna umhugsunartíma.

Skákfélag Vinjar tekur fagnandi á móti öllum þeim sem koma og heiðra minningu þessa mikla karakters og skáksnillings.

Myndaalbúm tileiknað Hauki (HJ á flestar nýrri myndirnar)

Stórmót Árbæjarsafns og Taflfélags Reykjavíkur á sunnudag

Stórmót Árbæjarsafns og Taflfélags Reykjavíkur  fer fram sunnudaginn 12. ágúst. Teflt verður í Árbæjarsafni og hefst  taflið kl. 14. Tefldar verða 7 umferðir með umhugsunartímanum 7 mín. á  skák.

Á undan, eða kl.13, fer fram lifandi tafl, en lifandi taflið er fyrir  löngu orðinn árviss og skemmtilegur viðburður í dagatali skákmanna.

Veitt verða verðlaun fyrir þrjú efstu sætin í Stórmótinu, 12.000 kr., 8.000 kr. og 5.000 kr.

Þátttökugjöld í Stórmótinu eru kr. 1100 fyrir 18 ára og eldri, en ókeypis  fyrir yngri en 18 ára og eru þátttökugjöld jafnframt aðgangseyrir í  safnið. Þeir sem eiga ókeypis aðgang í safnið, t.d menningarkort, þurfa ekki að borga þátttökugjöld í mótið.

Ekkert kostar að taka þátt í Stórmótinu fyrir þá sem taka þátt í lifandi taflinu.

Enn eru laus pláss í lifandi taflinu og leika peð, riddara, biskup,  hrók, kóng eða drottningu.

Áhugasamir hafi samband við Torfa Leósson ([e-mail]), s.697-3974.  Skráningu í lifandi taflið lýkur fimmtudaginn 9. ágúst. Þeir sem taka þátt í lifandi taflinu mæti á Árbæjarsafn þann 12. ágúst kl.12.30 til að fara í búninga.

Jafn margir tefla skák og eru á Facebook

Í gær birtist grein á Chessbase þar sem fjallað er um útbreiðslu skákarinnar.  Hún er byggð á könnun sem fyrirtækið Agon gerði.  Samkvæmt henni tefla jafn margir skák og eru á Facebook og fleiri tefla skák í Bandaríkjunum en spila golf og tennis til samans.

Sjá nánar á Chessbase.

Hellismenn fyrstir í átta liða úrslit eftir sigur á Selfyssingum

Fyrsta umferð í hraðskákkeppni taflfélaga hófst í gærkvöldi með viðureign Taflfélagsins Hellis og Skákfélags Selfoss og nágrennis sem fram fór í Hellisheimilinu. Jafnt var í fyrstu umferð en síðan tóku Hellismenn á sprett og unnu allar viðureignir fram að næst síðustu umferð þar sem Selfyssingar höfðu betur. Lokaumferðin var svo Hellismanna sem og viðureignin sjálf þar sem Hellir fékk 50 vinninga gegn 22 vinningum Selfyssinga.

Sigurbjörn, Omar og Gunnar voru bestir Hellismanna. Sigurbjörn og Gunnar unnu allar sínar skákir en Omar fékk flesta vinninga Hellismanna. Hjá Selfyssingum fór Páll Leó fyrir liðinu og stóð sig best með 7,5 v.

Árangur einstakra liðsmanna:

Hellir

• Omar Salama 9 v. af 12.
• Sigurbjörn Björnsson 8 v. af 8.
• Gunnar Björnsson 7 v. af 7.
• Bragi Halldórsson 7 v. af 12.
• Helgi Brynjarsson 6,5 v. af 11.
• Elsa María Kristínardóttir 6 v. af 11.
• Hilmir Freyr Heimisson 5,5 v. af 8.
• Vigfús Ó. Vigfússon 1 v. af 3.

Selfoss (allir tefldu 12 skákir):

• Páll Leó Jónsson 7,5 v.
• Björgvin Guðmundsson 5 v.
• Ingvar Örn Birgisson 4,5 v.
• Ingibjörg Edda Birgisdóttir 2 v.
• Magnús Matthíasson 1,5 v.
• Úlfhéðinn Sigurmundsson 1,5 v.

Nánar á heimasíðu Hellis.

Heimasíða mótsins

Lenka með jafntefli í lokaumferðinni

Lenka Ptácníková (2281) gerði jafntefli við tékkneska alþjóðlega meistaranum Lukas Klima (2372) í 9. og síðustu umferð IM-flokks skákhátíðinnar í Olomouc sem fram fór í dag.  Lenka hlaut 3½ vinning og endaði í 8. sæti.

Frammistaða Lenku samsvaraði 2187 skákstigum og tapar hún 17 stigum fyrir hana.

Lenka tefldi í lokuðum IM-flokki á mótinu. 

Tíu skákmenn tóku þátt og voru meðalstigin 2269 skákstig.  Lenka var nr. 4 í stigaröð keppenda. 

• Heimasíða mótsins
• Beinar útsendingar (Flestar umferðir hefjast kl. 14)
• Chess-Results

Íslandsmót skákmanna í golfi fer fram á laugardag

Íslandsmót skákmanna í golfi 2012 verður haldið á Hvaleyrarvelli í Hafnarfirði laugardaginn 11.ágúst nk. Um leið og skákmenn taka þátt í Íslandsmótinu þá eru þeir þátttakendur í Opna Epli.is mótinu. Eftir að leik líkur verður boðið upp á kvöldverð í golfskálanum og að honum loknum verður 15 umferða hraðskákmót.

Keppt er í eftirfarandi flokkum:

Golf og skák, án forgjafar.

Sá sem nær bestum árangri í golfi og skák hlýtur nafnbótina Íslandsmeistari skákmanna í golfi 2012. Notuð er sérstök tafla sem umbreytir höggafjölda á Hvaleyrinni í skákstyrkleika (rating-performance). Skákstyrkleiki (rating-performance) í hraðskákmótinu er mældur og samanlagður árangur gildir.

Golf og skák, með forgjöf.

Árangur í golfinu er mældur í punktum á vanalegan hátt. Skákstyrkleiki umfram getur  (rating-performance mínus eigin skákstig) er mældur í hraðskákmótinu. Að tefla á eigin getu, gefur mönnum 32 punkta. Hver 25 stig umfram getu gefur einn punkt. Sá sem nær flestum punktum samanlagt hlýtur nafnbótina Punktameistari skákmanna í golfi 2012.

Dagskráin

12:30 - 13:20: Skákmenn mæta tímanlega í sinn rástíma

13:00 - 13:50: Rástímar á Hvaleyrinni

15:30 - 15:50: Rástímar á Sveinskotsvelli

18:00 - 18:50: Golfleik líkur

19:00 - 20:00: Kvöldverður í golfskálanum

Lambasteik með bakaðri kartöflu og fersku salati að hætti Brynju.

20:00 - 23:00: 15.umferða hraðskákmót í golfskálanum

 

Mótsgjaldið

5500kr gjaldið í Epli.is mótið er greitt í golfversluninni hjá Keili áður en leikur hefst. Þeir sem spila Sveinskotsvöll greiða flatargjaldið (2500kr) á sama stað.

4000kr greiðast til veitingasölunnar í lok kvöldverðarins.

Þátttökutilkynningar berist Halldóri Grétari ( [e-mail] ).  Enn er hægt að skrá sig í mótið og spila Sveinskotsvöll.

Tuttugu og fimm skráðir keppendur 9. ágúst  (íslensk skákstig 1.júní 2012, golf-forgjöf  1.ágúst 2012).

Rástímar eru komnir inn á golf.is.:

Nafn	Félag	Skákstig	Klúbbur	Forgjöf
Rástími kl 13:40 Þórleifur Karlsson	Mátar	2078	GKG	4.5
Bergsteinn Einarsson	TR	2219	GK	8.3
Helgi Ólafsson	TV	2543	GR	10.5
Sigurður Páll Steindórsson	Bridge-fjelagið	2224	GK	12.0
Rástími kl 13:30 Viðar Jónsson	SAUST	1907	GBE	14.5
Páll Sigurðsson	TG	1995	GK	15.7
Karl Þorsteins	TR	2467	GR	16.5
Halldór Grétar Einarsson	TB	2188	GKG	17.0
Rástími kl 13:20 Benedikt Jónasson	TR	2210	GK	18.9
Ásgeir Þór Árnason	TG	2130	GÁ	19.4
Sigurbjörn Björnsson	Hellir	2383	GÁS	19.8
Stefán Baldursson	KR	1540	GKG	23.3
Rástími kl 13:10 Páll Leó  Jónsson	SSON	2043	GOS	16.1
Jón Loftur  Árnason	TB	2515	GR	23.7
Pálmi R Pétursson	Mátar	2107	GO	23.4
Guðmundur Kristinn Lee	Skákfélag Íslands	1605	GKG	18.4
Rástími kl 13:00 Jón Gunnar Jónsson	Hellir	1695		29.4
Ingi Tandri Traustason	Haukar	1850		30.4
Þröstur Þórhallsson	Goðinn	2432	GR	36.0
Gunnar Björnsson	Helli	2075	GÞ	36.0
Sveinskot kl 15:30 Gunnar Freyr Rúnarsson	Víkingaklúbburinn	1965	GBS	36.0
Jón Þorvaldsson	Goðinn	2086
Þorvarður Fannar Ólafsson	Haukar	2191
Elvar Guðmundsson	TB	2345

Stefán Bergsson                    SA                                       2154

 

Nánari upplýsingar inni á http://chess.is/golf

Fyrri hluti Íslandsmóts skákfélaga fer fram í Rimaskóla 5.-7. október

Fyrri hluti Íslandsmóts skákfélaga 2012-2013 fer fram dagana 5.-7. október nk.  Mótið fer fram í Rimaskóla í Reykjavík.  1. umferð mun hefjast kl. 20.00 föstudaginn 5. október, 2. umferð kl. 11.00 laugardaginn 6. október og 3. umferð kl. 17.00 sama dag.  4. umferð verður síðan teflt kl. 11.00 sunnudaginn 7.október.

Umhugsunartími er 90 mín. á skákina + 30 sek. viðbótartími bætist við eftir hvern leik.

Þátttökugjöld:

• 1. deild, kr. 50.000.-
• 2. deild, kr. 45.000.-
• 3. deild, kr. 10.000.-
• 4. deild, kr. 10.000.-

Skáksamband Íslands mun greiða fargjöld utan stór-Reykjavíkursvæðisins samkvæmt reikningum fyrir sveitir í 1. og 2. deild.  Miða skal við einn brottfararstað á hverju svæði, t.d. Akureyri, Egilsstaði, Ísafjörð.  Sami háttur verður hafður í 3. og 4. deild og áður, þ.e. þátttökugjöld höfð lág en sveitirnar verða sjálfar að sjá um ferðakostnað á skákstað.

Meðfylgjandi er reglugerð um Íslandsmót skákfélaga og 3. kafli skáklaga Skáksambands Íslands sem varða Íslandsmót skákfélaga.

Vakin er athygli á viðbót við 2. grein reglugerðar um Íslandsmót Skákfélaga:

2. gr.

Framkvæmdanefnd Íslandsmóts skákfélaga, sem skipuð er af stjórn Skáksambands Íslands, ákveður töfluröð og skipar skákstjóra og umsjónarmenn Íslandsmóts skákfélaga.  Öllum taflfélögum, sem eiga sveitir í 1. deild, ber að útvega einn skákstjóra. 

Athugið að tilkynningar v. Keppendaskrár Skáksambands Íslands skulu hafa borist SÍ í síðasta lagi 15. september nk. sbr. 18. gr. skáklaga.

Vakin er athygli á eftirfarandi texta í 19. grein skáklaga:  „Fyrir upphaf 1.umferðar fyrri hluta ÍS skulu félögin skila inn styrkleikaröðuðum lista allra þeirra keppenda sem þeir hyggjast nota í keppninni."

Þátttökutilkynningar þurfa að berast Skáksambandi Íslands fyrir 29. september með bréfi, tölvupósti ([e-mail]) eða símleiðis.  Að gefnu tilefni er minnt á að nauðsynlegt er að skrá sveitir í keppnina, ekki síst í 4. deild.

Stjórn SÍ mælist til - af gefnu tilefni - að félögin skrái ekki fleiri sveitir til keppni en þau treysta sér til að manna í báðum hlutum keppninnar. 

Dregið verður um töfluröð í 1. og 2. deild á Menningarnótt.  Nánari upplýsingar verða sendar til félaganna þegar nær dregur.

NM í skák fer fram 19.-26. janúar í Karlstad

Norðurlandamótið í skák fer fram í Karlstad í Svíþjóð dagana 19.-26. janúar.  Um er að ræða 3 helstu mótin, opinn flokk, kvennaflokk og öðlingflokk (60+). 

Frétt frá mótshöldurum:

The Nordic Championship in Karlstad, Sweden in 2013th shortened a day from Saturday, 19th to Saturday 26th January 2013.

It will be a double round at the beginning of the tournament and to avoid collision with the Danish league the final round will be played Saturday, January 26th.

After consultation and in agreement with the Nordic Chess Federation's board the above is established.

Sjá nánar á heimasíðu mótshaldara.

 

 

Skáknámskeið í Rimaskóla

Skákakademía Reykjavíkur og Skákdeild Fjölnis efna til skáknámskeiðs fyrir börn á grunnskólaaldri dagana 13.-16. ágúst.

Námskeiðið fer fram í Rimaskóla og er frá 10:00 - 12:00.

Kennarar verða Stefán Bergsson, Björn Ívar Karlsson og fleiri.

Þátttökugjald 4.000 kr.

Skráning á [e-mail].

Lenka með jafntefli í áttundu umferð

Lenka Ptácníková (2281) gerði jafntefli við Pierre Villegas (2249) frá Mónakó frá áttundu og næstsíðustu umferð IM-flokks skákhátíðinnar í Olomouc sem fram fór í dag.  Lenka hefur 3 vinninga og er í 8.-9. sæti.

Í lokaumferðinni, sem fram fer í fyrramálið, mætir hún tékkneska alþjóðlega meistaranum Lukas Klima (2372).

Lenka teflir í lokuðum IM-flokki á mótinu.  Tíu skákmenn taka þátt og eru meðalstigin 2269 skákstig.  Lenka nr. 4 í stigaröð keppenda. 

• Heimasíða mótsins
• Beinar útsendingar (Flestar umferðir hefjast kl. 14)
• Chess-Results